Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 60–66: O Le Nofotupu o le Faaola i le Meleniuma

“Isaia 60–66: O Le Nofotupu o le Faaola i le Meleniuma,” Tusi Lesona a le Faia’oga Seminare o le Feagaiga Tuai (2026)

“Isaia 60–66: O Le Nofotupu o le Faaola i le Meleniuma,” Tusi Lesona a le Faia’oga Seminare o le Feagaiga Tuai

Isaia 58–66: Lesona 129

Isaia 60–66

O Le Nofotupu o le Faaola i le Meleniuma

One oil on paper painting. Shows the figure of Christ in white robes, hands extended to the sides. Clouds, sun and moon in the background. Figure is rising from brown tomb. Green tree on right side.

I le vevesi ai o le lalolagi, tatou te mo’omo’o uma mo taimi o le filemū.O le a toe afio mai le Fa’aola o Iesu Keriso i le lalolagi ma nofotupu mo le afe tausaga, e amatalia ai se taimi o le filemū.Na valo’ia e Isaia lea vaitaimi, ua ta’ua o le Meleniuma.O lenei lesona e mafai ona fesoasoani i tagata a’oga e lagona le fa’ateleina o le fiafia mo le Afio Mai Fa’alua o le Fa’aola ma le nofotupu i le meleniuma.

Sauniuniga a le tagata a’oga: Vala’aulia tagata a’oga ia mafaufau i mea ua latou iloa e fa’atatau i le Afio Mai Fa’alua o le Fa’aola ma le nofotupu i le Meleniuma.Vala’aulia i latou e mafaufau loloto pe latou te tulimata’ia ma pe aiseā.Latou te ono fesili atu i se matua po o se tagata matua fa’atuatuaina pe faapefea o latou lagona e fa’atatau i le toe afio mai o le Fa’aola.

Gaoioiga e Ono Mafai Ona Aoaoina Ai

O Le Meleniuma

Ina ia fesoasoani i tagata a’oga ia malamalama o le toe afio mai o le Fa’aola o le a avea o se fa’amanuiaga i o tatou olaga, mafaufau e amata e ala i le fai atu o le fesili lenei:

O ā nisi o fa’afitauli i le lalolagi e te momo’o e suia?

E mafai ona e tusia nisi o fasifuaitau nei i luga o le laupapa ia fesoasoani i tagata a’oga e mafaufau ai i tali:

Mafuaaga e fetagisi pe tigā ai tagata
Fa’ataitaiga o sauaga, faaituau, po o le fa’atafunaina
O fa’atosinaga a Satani

Fa’aalu se taimi e mafaufau loloto ai i ni fa’afitauli i lou olaga po o olaga o nisi e te alofa iai, e te mo’omo’o o le a suia.A o e suesue i lenei aso, saili le taitaiga a le Agaga Paia a o e va’ava’ai mo upumoni e mafai ona fesoasoani iā i tatou ma le lalolagi.

O mataupu mulimuli o le [tusi a] Isaia

Fa’aali atu se ata o le Afio Mai Fa’alua o le Fa’aola ma fa’amatala atu o lo o a’oa’o mai e tusitusiga paia e faapea i le lumana’i o le a toe afio mai le Fa’aola i le lalolagi ma nofotupu mo le afe o tausaga.O lenei vaitaimi [o le afe o tausaga] ua ta’ua o le Meleniuma.

I mataupu mulimuli o le tusi a Isaia, o lo o iai a’oa’oga ma valoaga a Isaia e faatatau i le Afio Mai Fa’alua o le Fa’aola ma le Meleniuma.

Faitau fuaiupu nei, fa’ailoga fasifuaitau e fesoasoani iā te oe ia lagona le fiafia mo le toe afio mai o le Fa’aola:

Isaia 60:18–20
Isaia 62:11–12
Isaia 65:17–25
Vala’aulia tagata a’oga e fa’asoa mai nisi o fasifuaitai ua latou maua, ma pe aiseā latou te tulimata’i atu ai i le tuuina mai e le Faaola o lenei fa’amanuiaga.E mafai e tagata aoga ona fa’asoa mai fasifuaitau o lo o fa’aalia ai o le a fa’ato’ilaloina e le Fa’aola fa’afitauli o le lalolagi.O nisi fa’ataitaiga o:
- “E lē toe lagona le sauaga i lou lauele‘ele” (Isaia 60:18)
- “E uma foi aso o lou fa‘anoanoa” (Isaia 60:20)
- “E lē toe lagona ai le leo o sē tagi” (Isaia 65:19)
- “Latou te lē faia se mea leaga pe fa‘aumatia foi” (Isaia 65:25)
O le uunaia o tagata a’oga e fa’ailoga fasifuaitau i tusitusiga paia ua fa’asoa mai e isi tagata o le vasega e ono mafai foi ona aoga.
E fa’apefea ona e aoteleina mea o le a faia e le Fa’aola mo Ona tagata pe a Ia toe afio mai?

E ono fa’asoa mai e tagata a’oga upumoni ese’ese.Atonu e talitutusa le tasi ma lenei: Ona o le Fa’aola, o le a olioli Ona tagata i le fiafia, filemū, ma le manuia i le taimi o le Meleniuma.Mafaufau e tusi i lalo le mataupu fa’avae lenei, po o se tasi e tali tutusa ma lea, i luga o le laupapa e fa’aaoga ai upu a tagata a’oga.

Fa’alolotoina o le malamalama

Fa’asino atu i le ata o le Afio Mai Fa’alua o le Fa’aola.Vala’aulia tagata a’oga ia manatua mea ua latou iloa ma lagona e uiga iā Iesu Keriso.

Aiseā e te manatu ai o le iai o Iesu Keriso i luga o le lalolagi o le a taitai atu ai i le fiafia, filemū, ma le olioli?

Fa’aalu se taimi e mafaufau loloto ai i ni au fesili o iai e uiga i le Meleniuma ma fa’amanuiaga o le toe afio mai o le Fa’aola.Ua uma ona fa’aalia mai e le Ali’i nisi mea e uiga i le mataupu.

Mafaufau e fa’aali atu fesili nei.

Filifili se tasi pe lua o ni au oe lava fesili e uiga i le Meleniuma, po o fesili nei e sili ona e fiafia iai.Fa’aalu ni nai minute e va’ava’ai ai mo tali mai tusitusiga paia ma puna’oa fa’alelagi na filifilia.O le vaega ua fa’aulutalaina “Meleniuma” i le Taiala i le Tusi Paia ma Autū ma Fesili i le ChurchofJesusChrist.org e ono aoga.

O le ā le uiga e faapea o le Alii o le a “faia le lagi fou ma le lalolagi fou?”(Isaia 65:17).Faitau le Mataupu Fa’avae ma Feagaiga 88:25–26 ma le Mataupu Faavae o le Fa’atuatua 1:10.Mafaufau po o ā mea o a’oa’o mai e nei fuaiupu e uiga i le mana o le Fa’aola ma Ona lagona mo e amiotonu.
Pe o le a iai se oti i le taimi o le Meleniuma?O le ā le uiga o le ona o le Fa’aola o se tamaitiiti “e ao ona oti i le selau o ona tausaga?”(Isaia 65:20).Faitau le Mataupu Fa’avae ma Feagaiga 101:29–31 ma mafaufau loloto i mea ua a’oa’o mai e nei fuaiupu iā te oe e uiga i le mana o le Fa’aola.
O le ā se mea o le a tupu iā Satani ona o le toe afio mai o le Fa’aola?Faitau nisi o fuaiupu nei: Mataupu Fa’avae ma Feagaiga 45:55, 101:28, 1 Nifae 22:26, ma le Fa’aaliga 20:1–3.Mafaufau i mea o a’oa’o mai e nei fuaiupu iā te oe e uiga i le Ali’i.
O ā ni matafaioi o le a iai i le Fa’aola i le taimi o le Meleniuma?O le ā se mea o le a ia faia?Faitau le Mataupu Fa’avae ma Feagaiga 29:11 ma le 45:59 ma le Mataupu Faavae o le Fa’atuatua 1:10.
O ā nisi mea ua fa’ailoa mai e le Ali’i e uiga i le Meleniuma?Faitau nisi o mea nei: Mataupu Fa’avae ma Feagaiga 45:54, 56–58; 101:26–29; ma le “Meleniuma” i Autū ma Fesili i le ChurchofJesusChrist.org.

Vala’aulia tagata a’oga e fa’asoa ane mea na latou a’oa’oina.Mafaufau e fesili atu pe fa’apefea e mea ua latou a’oa’oina ona fesoasoani e fa’ateleina ai lo latou fiafia mo le toe afio mai o le Fa’aola ma le Meleniuma.

Afai e fesili mai tagata a’oga po o le ā le uiga o le a “matala Satani mo sina vaitau itiiti” (Fa’aaliga 20:3) i le i’uga o le Meleniuma, vala’aulia i latou e faitau le Mataupu Fa’avae ma Feagaiga 88:111–115.

Va’ai fa’alemafaufau i mea sa e a’oa’oina

O le va’ai fa’alemafaufau i mea o loo e a’oa’oina e mafai ona aoga i nisi taimi.Moeiini ou mata ma va’ai fa’alemafaufau i mea ua e a’oa’oina e uiga i le Fa’aola ma i le taimi o Lona nofotupua i le lalolagi i le taimi o le Meleniuma.Tatalo mo le fesoasoani a le Agaga Paia ia mafai ona anoa lenei gaoioiga mo oe.Fa’aata le toe afio mai o le Fa’aola ma pe fa’apefea ona Ia fa’amanuiaina oe, o e pele iā te oe, ma tagata uma.

E te ono faitau le fa’amatalaga lenei a Elder Andersen, ua vala’aulia ai tagata a’oga e va’ai fa’alemafaufau i mea latou te fa’alogoina.

Na molimau mai Elder Neil L. Andersen o le Korama a Aposetolo e To’asefululua:

O le mafaufau i Lona afio mai e faagaeetia ai lo’u agaga.O le a matua ofoofogia!O le lautele ma le matagofie, o le tele ma le ofoofogia, o le a sili atu i soo se mea ua vaai i ai mata faaletino pe oo foi i ai.

… O le a Ia fa’aali mai “i ao o le lagi, ua fa’aofuina i le mana ma le mamalu tele; fa’atasi ma agelu paia uma” (Mataupu Fa’avae ma Feagaiga 45:44).

… O le a tatou to’otutuli ma le migao, “ma o le a tulei mai e le Ali’i lona siufofoga, ma o le a lagona e tulu’iga uma o le lalolagi” (Mataupu Fa’avae ma Feagaiga 45:49) …

Ona oo mai ai lea o toetuufaatasiga ma agelu o le lagi ma le Au Paia i luga o le fogaeleele (taga’i i le Mose 7:63).Ae o le mea aupito taua, e pei ona ta’utino mai e Isaia, “Ua iloa foi e tulu’iga uma o le lalolagi le olataga mai lo tatou Atua,” (Isaia 52:10) ma o le a “nofotupu o Ia i luga o tagata uma” (Mataupu Fa’avae ma Feagaiga 133:25).(“Ia Oo Mai Lou Malō,” Liahona, Mē 2015, 122)

Fai atu i tagata a’oga e tusi i a latou api tala’aga o suesuega mea ua latou a’oa’oina e uiga i le Fa’aola i lenei aso ma o latou lagona e uiga i Lona toe afio mai.Vala’aulia nisi e tauofo e fa’asoa mai o latou manatu ma lagona.Mafaufau e fa’asoa atu foi ou manatu ma lagona.

O Punaoa Fa’aopoopo

O ā mea ua a’oa’o mai e perofeta ma aposetolo e uiga i le Meleniuma?

Na a’oa’o mai e Peresitene Russell M. Nelson:

Ia manatua o le atoatoaga o le auaunaga a Keriso o loo i ai lea i le lumanai.O valoaga o Lona Afio Mai Faalua o le a oo lava ina faataunuuina.Ua na ona tatou fausia aga’i atu i le fa’atumutumuga o lenei tisipenesione mulimuli—pe a avea le Afio Mai Fa’alua o le Fa’aola o se mea moni…

O le a toe afio mai le Alii i le laueleele lea na Ia faapaiaina i Lana misiona iina i le olaga nei.I le manumalo, o le a Ia toe afio mai i Ierusalema.I ofutalaloa tautupu ’ula’ula e faatusa i Lona toto, lea na puna mai pu afu uma, o le a toe foi atu o Ia i le Aai Paia (tagai Mataupu Faavae ma Feagaiga 133:46–48).O iina ma isi nofoaga o le mamalu o le Alii o le a faaalia mai ai, ma o le a vaaia lava e tagata uma faatasi” (Isaia 40:5; tagai foi Mataupu Faavae ma Feagaiga 101:23).“E igoa foi o Ia, o Le Silisili Ese, o Le Faipule, o Le Atua Malosi, o Le Tama o le faavavau, o Le Alii o le Filemu” (Isaia 9:6).

O le a Ia pulea mai laumua e lua o le lalolagi: o lē tasi i Ierusalema tuai (tagai Sakaria 14) ma le isi i Ierusalema Fou “ua fausia i luga o le konetineta o Amerika” (Mataupu Faavae o le Faatuatua 1:10).Mai nei nofoaga autu o le a Ia taitaia ai mataupu tau i Lana Ekalesia ma le malo.O le a i ai se isi malumalu e fausia i Ierusalema.Mai i lena malumalu o le a Ia nofotupu ai e faavavau o le Alii o Alii.

I lena aso o le a Ia tauaveina ai ni faalagiga fou ma siosiomia e Au Paia faapitoa.O le a lauiloa o Ia o le “Alii ia o alii ma le Tupu o tupu; o e ua ia te ia foi ua tofia i latou, ma filifilia, ma faamaoni” (Faaaliga 17:14) i lo latou faatuatuaga iinei i le olaga nei.Ona Ia “nofotupu ai lea e faavavau ma faavavau” (Faaaliga 11:15).

O le a toe faafoi atu le lalolagi i lona tulaga faaparataiso ma faia ia faafouina.O le a i ai se lagi fou ma se lalolagi fou (tagai i le Faaaliga 21:1; Eteru 13:9; Mataupu Faavae ma Feagaiga 29:23–24).

O lo tatou tiute—o lo tatou avanoa—ia fesoasoani e saunia le lalolagi mo lena aso.(“O Le Lumana’i o le Ekalesia: Sauniaina o le Lalolagi mo le Afio Mai Fa’alua o le Fa’aola,” Liahona, Ape. 2020, 14, 16–17)

Na fa’aalia e Elder Neil L. Andersen o le Korama a Aposetolo e To’asefululua le ata vali na fa’aaoga i le lesona o i luga ma molimau mai:

15:34

Ou te fiafia i le atavali a Harry Anderson o le Afio Mai Fa’alua o le Fa’aola.Ua fa’amanatu mai ai iā te a’u o le a Ia afio mai i le mamalu ma le mana.O le a tutupu mea ofoofogia i le lalolagi ma i le lagi (taga’i i le Mataupu Fa’avae ma Feagaiga 43:18; 45:40).

O i latou o lo o fa’atalitali i le afio mai o le Fa’aola o le a “saili mo [Ia].”Ma na Ia folafolaina mai, “Ou te alu atu!”O le a va’aia o Ia e ē amiotonu “i ao o le lagi [fa’atasi ma agelu paia uma], o ofu i le mana ma le mamalu sili” (Mataupu Fa’avae ma Feagaiga 45:44).“O le a ilia e se agelu lana pū, ma le au paia … mai i itū e fa o le lalolagi” (Mataupu Fa’avae ma Feagaiga 45:45–46) o le a “liua ma segia i luga e fetaia’i ma ia” (Mataupu Fa’avae ma Feagaiga 88:96).O ē “na momoe,” o lona uiga o na Au Paia agava’a ua maliliu, “o le a tutula’i mai [foi] e faafetaiai o [Ia]” (Mataupu Fa’avae ma Feagaiga 45:45; taga’i foi i le Mataupu Fa’avae ma Feagaiga 29:13; 88:96–97).

E faitauina le mau faapenei, “Ona afio a’e [lea] o le Ali’i i luga o [le] mauga lenei,” (Mataupu Fa’avae ma Feagaiga 45:48) ma “o le a [Ia] tulei mai lona si’ufofoga, ma o le a lagona e tulu’iga uma o le lalolagi” (Mataupu Fa’avae ma Feagaiga 45:49).

… Ou te molimau atu i le mamalu, ae sili i lo mea uma, o le mautinoa o lenei mea ofoofogia o le a tupu.O lo o soifua le Fa’aola.O le a toe afio mai o Ia i le lalolagi.Ma e tusa pe i lenei itū o le veli po o le isi, o le a mafai e oe ma a’u ona maua le fiafia o Lona afio mai (“Saunia o le Lalolagi mo le Afio Mai Fa’alua,” Liahona, Mē 2011, 52)

Gaoioiga Fa’aopoopo e A’oa’o Ai

O le fa’atusaga o laei o le Fa’aola pe a Ia toe afio mai

Vala’aulia tagata a’oga e faitau le Isaia 63:1–3 ma le Mataupu Fa’avae ma Feagaiga 133:46–53 pe a e lagona e ono fesoasoani i au tagata a’oga e malamalama ai pe fa’apefea ona fa’amāmā e le Ali’i le lalolagi amio leaga, pe a Ia toe afio mai.

O le ā se mea ua e a’oa’oina e uiga i le Fa’aola mai laei o le a Ia laeina?

Ia fesoasoani i tagata a’oga ia malamalama o le lanu mūmū o laei o le Ali’i, ua faatusa i le toto o ē amio leaga o ē o le a fa’aumatiaina pe a liligi ifo le fa’amasinoga tonu i o latou luga i le Afio Mai Fa’alua.E mafai foi ona toe fa’amanatu atu ai i le au amiotonu, le toto o Iesu na faamaligi e avea ma sui mo i latou.

Aiseā e taua ai le malamalama i le alofa mutimutivale o le Fa’aola fa’atasi ai ma lana fa’amasinoga tonu?

O le alofa agalelei o le Ali’i

Afai e aoga le taula’i atu i le alofa ma le mutimutivale o le Ali’i mo Ona tagata, mafaufau i mea nei: Fa’amatala atu [e ui] o loo a’oa’o atu o le a toe afio mai le Ali’i e fa’asala e amio leaga, ae sa manatu foi Isaia e molimau atu i le alofa o le Faaola, [Lana] Togiola, ma [Lona] alofa mutimutivale.Vala’aulia tagata a’oga e faitau le Isaia 63:7–9.E ono fesoasoani le fa’amatala atu e faapea o le upu ua fa’aliliuina o le alofa agalelei (fuaiupu 7) ua fa’asino atu i se “ituaiga alofa taua ma le alofa mutimutivale e lagona e le Atua ma tuuina atu mo e ua osia se feagaiga ma Ia” (Russell M. Nelson, “O Le Feagaiga e Fa’avavau,” Liahona, Oke. 2022, 6).

O ā ni nai fa’ataitaiga o le “alofa agalelei o le Ali’i”?(Isaia 63:7)
O ā fasifuaitau ua molimau i le Togiola a le Fa’aola?
O ā ni ou lagona e uiga i le Ali’i ma Lona alofa mo i tatou?

Sauniuniga mo Lona toe afio mai

Afai e aoga mo au tagata a’oga, fa’asoa atu le fa’amatalaga mai iā Peresitene Nelson o loo i Puna’oa Fa’aopoopo.Ona faasoa mai lea e tagata a’oga pe fa’apefea ona latou fesoasoani e saunia le lalolagi mo le toe afio mai o le Fa’aola.E mafai foi ona latou saili le vaega o le lauga a Peresitene Nelson ua fa’aulutalaina, “Fa’apotopotoina o Isaraelu i Itū e Lua o le Veli” mo ni nai auala e saunia ai le lalolagi.