Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 58:1–12: Мацаг барих, залбирахын хүч

“Исаиа 58:1–12: Мацаг барих, залбирахын хүч,” Хуучин Гэрээний семинарын багшийн гарын авлага (2026)

“Исаиа 58:1–12: Мацаг барих, залбирахын хүч,” Хуучин Гэрээний семинарын багшийн гарын авлага

Хичээл 126: Исаиа 58–66

Исаиа 58:1–12

Мацаг барих, залбирахын хүч

Их Эзэн биднээс мацаг бариасай гэж хүссэн. Та энэ зарлигийн талаар юу гэж бодож байна вэ? Иудейчүүдэд мацаг барихыг нь Их Эзэн хүлээн зөвшөөрдөггүй юм шиг санагдсан. Их Эзэн Исаиагаар дамжуулан хүмүүст зөв зохистой мацаг барихыг заасан. Энэ хичээл суралцагчдад Их Эзэний арга замаар мацаг барих хүсэлтэй болоход нь тусалж чадна.

Суралцагчийн бэлтгэл: Мацаг барих, үнэнийг барих шалтгааны талаар тунгаан бодоход суралцагчдыг урь. Тэд бас эцэг эхээсээ эсвэл итгэл хүлээсэн найзаасаа бодол санаа, мэдрэмжээ хуваалцахыг хүсэж болно.

Боломжит суралцах үйл ажиллагаа

Мацаг барих

Суралцагчдыг мацаг барих талаар илүү ихийг олж мэдэхэд бэлтгэхэд туслахын тулд дараахыг хийх талаар бодож үзээрэй. Энэ сэдвээр ярилцахдаа суралцагчдыг дарамт шахалт, шүүлтгүйгээр нээлттэй хуваалцах уур амьсгалыг бүрдүүлэхийг хичээ.

Та нэгэн ням гарагийн өглөө мацгийн ням гараг гэдгийг санах үедээ өглөөний хоол идэхэд бэлэн боллоо гэж төсөөл.

Таны толгойд хамгийн түрүүнд ямар бодол орж ирэх вэ?

Хэрэв шаардлагатай бол Ерөнхий Гарын авлагаас мацаг барих тухай дараах тайлбарыг хуваалц:

Их Эзэн Өөрийн хүмүүсийг адисалж, тусламж хэрэгтэй хүмүүст үйлчлэх арга замыг тэдэнд өгөхийн тулд мацгийн хуулийг тогтоож өгсөн. …

Мацгийг хэзээ ч барьж болно. Гэхдээ ерөнхийдөө сарын эхний ням гаргийг мацгийн өдөр гэж гишүүд үздэг. Мацгийн өдөрт ерөнхийдөө дараах зүйлс багтдаг. Үүнд:

Залбирах

24 цагийн турш хоол, ундгүй явах (бие махбодын хувьд боломжтой бол)

Мацгийн өгөөмөр өргөл өгөх

Мацгийн өргөл нь тусламж хэрэгтэй хүмүүст туслахад өгдөг өргөл юм. Гишүүдийг мацаг барих үедээ хамгийн багадаа, идээгүй хоолныхоо үнэтэй тэнцэх өргөлийг өгөхийг урьдаг. Гишүүдийг өгөөмөр байж, боломжтой бол хоолныхоо үнээс илүү ихийг өгөхийг уриалдаг. (Ерөнхий гарын авлага: Есүс Христийн Хожмын Үеийн Гэгээнтнүүдийн Сүмд үйлчлэх нь, 22.2.2., Gospel Library)

Дараах асуултуудын талаар бодохдоо мацаг барих талаар ямар сэтгэгдэлтэй байгаагаа хэсэг зуур тунгаан бод:

Та мацаг барих талаар ямар бодолтой байдаг вэ? Яагаад?
Хэрэв та өмнө нь мацаг барьж байсан бол Их Эзэний талаар болон мацаг барих талаар энэ туршлагаасаа юу сурч мэдсэн бэ?
Мацаг барих талаар танд ямар санаа зовоосон асуудал эсвэл асуулт байдаг вэ?

Өнөөдөр суралцахдаа өөрт байгаа аливаа асуудлууддаа тусламж авч, мацаг барих хүсэлтэй болохын тулд Их Эзэний удирдамжийг эрэлхийл.

Мацгийн талаарх Их Эзэний сургаал

Их Эзэн Израилын угсааныхны үйлдсэн нүглүүдийг зоригтой тунхаглахыг Исаиад зааварласан. Жишээ нь, гадна байдлаараа тэд мацаг барих гэх мэтийн шашны зан үйлийг буруу санаатайгаар үйлджээ.

Суралцагчдыг доорх шүлгүүдийг унших үед нь тусалж болох дараах мэдээллийг тайлбарлах эсвэл үзүүлэх талаар бодож үз.

“Зэгс” (5-р шүлэг) нь өндөр, нимгэрдэг өвс юм.
“Таар” (5-р шүлэг) гэдэг нь хүмүүс өөрсдийн даруу байдал, харууслыг бэлгэдэхийн тулд эрт үед өмсдөг байсан бүдүүн бараг материал юм. Тэд мөн л ийм шалтгаанаар өөрсөд рүүгээ үнс цацдаг байв.

Исаиа 58:3–5-ыг уншаад, дараах хоёр асуултын хариултыг олж мэд.

Хүмүүс мацаг барих талаар Их Эзэнээс юу асуусан бэ?
Их Эзэн мацаг барих тухайд буруу зүйл хийсэн хүмүүст юу гэж хэлсэн бэ?

Суралцагчдыг хариултаа болон чухал санагдсан зүйлсээ хуваалцахад урь. Хэрэв шаардлагатай бол израилчууд мацаг барьж байхдаа өөрсдийн таашаалыг эрэлхийлж (3-р шүлэг), мацаг барихыг зүдгүүр (3, 5-р шүлэг) хэмээн үзэн, бусдад муу ханддаг байсныг онцлон тэмдэглэ (3–4-р шүлэг).
Бид мацаг барихдаа хэрхэн үүнтэй адил алдаа гаргаж болох вэ?

Их Эзэн биднийг ийм хүмүүсээс өөрөөр мацаг бариасай гэж хүсдэг гэдгийг тайлбарла. Тэрээр биднийг даруу төлөв, зорилготой, үнэн хүсэлтэйгээр мацаг бариасай гэж хүсдэг (Дуулал 35:13; Иоел 2:12; Иона 3:4–10; Матай 6:16–18; Алма 5:46; 6:6;17:3, 9-ийг үзнэ үү).
Их Эзэн яагаад биднийг тодорхой зөв шударга зорилго, үнэн хүсэлтэйгээр даруухнаар мацаг бариасай гэж хүсдэг гэж та бодож байна вэ?

Их Эзэний амлалт

Дараах зүйлийг самбар дээр бич: Хэрэв бид Их Эзэний санасны дагуу мацаг баривал …

Исаиа 58:6–12-ыг уншаад, Их Эзэний хүсэж байгаагийн дагуу мацаг барьдаг хүмүүст Их Эзэний амласан зорилго, адислалуудыг олж мэд. Та тэдгээрийг тэмдэглэж болно.

Исаиа 58:6–7 бол төгс эзэмших сургаалын судрын хэсэг юм. Суралцагчдыг төгс эзэмших сургаалын судрын хэсгийг амархан олохын тулд онцгойлон тэмдэглэхэд урьж болно.

Суралцагчдаас суралцсан зүйл дээрээ үндэслэн өгүүлбэрийг гүйцээж хийхийг хүс. Тэд хариултаа самбар дээр бичиж болно. Дараах жишээнүүд байж болно:

Тэр бидний дээр гэм буруугийн хүлгийг мултална (Исаиа 58:6-г үзнэ үү).
Тэрээр буулгын оосрыг тайлна (Исаиа 58:6-г үзнэ үү).
Бид ядуус хийгээд гачигдалтай хүмүүст анхаарал халамж тавих болно (Исаиа 58:7-г үзнэ үү).
Тэр биднийг гэрлээр ба эрүүл мэндээр адислах болно (Исаиа 58:8-ыг үзнэ үү).
Тэр бидний залбирлуудад хариулах болно (Исаиа 58:9-ийг үзнэ үү).

Мацаг барьсны адислал

Суралцагчдад олж тогтоосон адислалуудаа ойлгоход нь туслахын тулд тэднийг дараах нөхцөл байдлаас нэгийг эсвэл хоёрыг нь сонгоход урь.

Нэгэн залуу эр хичээл сурлага, ирээдүйнхээ талаар санаа зовж байна.
Нэгэн залуу эмэгтэйд үйлдсэн нүглээсээ болж дахин хэзээ ч цэвэр ариун байж чадахгүй юм шиг санагддаг.
Нэгэн залуу эр Сүм үнэн эсэхийг мэдэхийн тулд залбирч байгаа ч хариултаа авч чадахгүй байна.
Нэгэн залуу эмэгтэй ядууст туслахыг хүсдэг.
Нэгэн залуу эр даван туулж чадах эсэхээ мэдэхгүй сорилттой тулгарчээ.

Энэ нөхцөл байдалд байгаа хүнд мацаг барьж, Бурханаас тусламж гуйн залбирах сэдэл төрүүлэх нэг хэллэгийг Исаиа 58:6–12 дээрээс ол. (Зарим нөхцөл байдалд хамаарч болох нэгээс илүү үг хэллэг байж болно.)

Суралцагчдыг жижиг бүлгүүдэд эсвэл ангидаа сонгосон нөхцөл байдал болон тэдэнд тусалж болох үг хэллэгүүдийг болон яагаад гэдгийг хуваалцахад урь.

Та мөн эдгээр шүлэгт Их Эзэний амласан адислал нь тус болж болох өөр нөхцөл байдлуудаас хуваалцахад тэднийг урьж болно эсвэл эдгээр адислалын аль нэг нь тэдний хувьд онцгой утга учиртай байсан уу, тийм бол яагаад гэдгийг асууж болно.

Эдгээр адислалын төлөө мацаг барьж, хүлээн авах нь таныг Тэнгэрлэг Эцэг, Есүс Христ хоёрт хэрхэн илүү ойр болгож болох вэ?

Мацаг барих, мацгийн өргөл төлөх жишээ

Аврагчийн жишээг ойлгоход суралцагчдад туслахын тулд Тэр мөн энэ зарчмын дагуу амьдрахын зэрэгцээ мацаг барих талаар зааж, мацаг барьдаг байсан гэдгийг тайлбарла. Тэрээр дэлхий дээрх тохинууллынхаа өмнө мацаг барьж байсан (Maтай 4:1–2-ыг үзээд, Иосеф Смитийн Орчуулга: Maтай 4:1 нь “диаволд соригдох” гэдэг хэллэгийг “Бурхантай хамт байх”гэсэн хэллэг болгож өөрчилснийг ажигла). Тэр мөн зарим хилэнцэт нөлөөг зөвхөн “залбирал, мацаг барилтаар” (Мат. 17:19, 21) холдуулдаг гэж заасан.

Мацаг барих орчин үеийн дараах жишээг үзүүлж, суралцагчдаас мацаг барихын нь юу нь таалагдсан эсвэл юу сурсан талаар нь асуу:

“Fast Offerings: A Simple Commandment with a Marvelous Promise (Мацгийн өргөл: Гайхамшигтай амлалт бүхий энгийн нэгэн зарлиг)” (3:01): Ерөнхийлөгч Хэнри Б.Айринг дайны үеэр Сьерра Леонд мацгийн өргөлөө өгч байсан нэгэн эмэгтэйн түүхийг ярьж байна.

3:2

Суралцагчдыг мацаг барьж байсан туршлага болон дараах асуултуудын талаар хэдэн хором тунгаан бодоход урь.

Таныг эсвэл таны мэддэг хүмүүсийг мацаг барьсан учир Их Эзэн ямар адислал өгсөн бэ?
Та мацаг барихаа хэрхэн илүү утга учиртай болгож чадах вэ?

Мөн та санал бодлоо хуваалцах талаар бодож үзээрэй.

Мацаг барих талаарх таны бодол

Мацаг барих талаар ямар бодолтой байгаагаа судлах тэмдэглэлдээ бичихдээ энэ хичээлийн үеэр Ариун Сүнсээр дамжуулан хүлээн авсан аливаа сэтгэгдлээ тунгаан бод. Та амьдралдаа Их Эзэнээс хүссэн адислалуудаа болон яагаад хүссэн гэдгээ багтааж болно.

Цээжил

Та энэ хичээлийн турш төгс эзэмших сургаалын эшлэл, судрын гол үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. “Исаиа 58:6–7” хэмээх судрын гол үг хэллэг нь “зохих ёсоор мацаг барьсны адислалууд юм.” “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Исаиа мацаг барьснаар ирэх адислалын ямар жишээг заасан бэ?

Далын ахлагч Карл Б.Пратт ийн заасан:

9:59

Хэрэв бид нүглээ наманчилж, сул талаа даван туулах зорилгоор мацаг барьж, залбирдаг байвал амьдралдаа “гэм буруугийн хүлгийг мултла[хыг]” эрэлхийлж байгаа нь гарцаагүй. Хэрэв мацгийн маань зорилго нь сайн мэдээг заах, Сүмийн дуудлагадаа бусдад үйлчлэхэд илүү үр дүнтэй байхад чиглэсэн бол бид бусдын “буулгын оосрыг тайл[ахыг]” хичээж байгаа нь гарцаагүй. Хэрэв бид номлолын ажилд Их Эзэний тусламжийг хүсэн мацаг барьж, залбирч байгаа бол “дарлагдагсдыг чөлөөл[өхийг]” хүсэж байгаа хэрэг бус уу? Хэрэв бидний мацгийн зорилго нь бусдыг хайрлах хайраа нэмэгдүүлж, хувиа хичээсэн байдал, бардамнал, зүрх сэтгэлээ энэ дэлхийн зүйлс дээр тавихаа ялан дийлэх явдал байх юм бол бид “буулгыг эвдэхий[г]” эрэлхийлж байгаа нь гарцаагүй. (The Blessings of a Proper Fast, Liahona, Nov. 2004, 48–49)

Бид яагаад яаж мацаг барих хэрэгтэй вэ?

Ерөнхийлөгч Рассэлл М.Нэлсон ийн заасан.

Би Бурханд “бүх хүч чадал, бүх мэргэн ухаан, мөн бүх ойлголт байдаг, тэрээр бүх зүйлийг ухаардаг мөн наманчлах мөн түүний нэрэнд итгэдэг тэднийг бүр авралд хүргэх тэрээр нигүүлсэнгүй Нэгэн” (Алма 26:35) гэдгийг мэднэ.

Тиймээс өвчин цар тахлын хэмжээнд хүртлээ тархсан гүн хямралын үед бидний хийх хамгийн энгийн зүйл бол Тэнгэрлэг Эцэгтээ болон Түүний Хүү Эдгээгч Эзэндээ хандан, дэлхийн хүмүүсийг адислах гайхамшигт хүчээ үзүүлэхийг гуйх явдал билээ.

Бид хэрхэн мацаг барих вэ? Хоёр удаагийн хоолоор юм уу 24 цагаар мацаг барих нь жишиг мацаг барилт боловч Аврагчийн таны төлөө хийсэн хамгийн агуу золиосыг дурсан санаж, таны хувьд юу золиос болохыг тодорхойлж байж та шийдээрэй. (“Тусламж гуйн, Тэнгэрийг нээх нь,” Ерөнхий чуулган, 2020 оны 4-р сар, 85-88)

Би мацаг барихаа хэрхэн Их Эзэнд хүлээн зөвшөөрүүлэх вэ?

Ахлагч Жозеф Б.Вөртлин (1917–2008) ийн заасан.

15:23

Мацаг барихад залбираагүй бол бүрэн дүүрэн мацаг болж чаддаггүй; энэ нь зүгээр л өлссөнтэй адил юм. Бид мацаг барихдаа зүгээр л нэг идэж уухгүй байхаас илүү утга учиртай байлгахыг хүсвэл зүрх сэтгэл, оюун санаа, дуу хоолойгоо өргөн, Тэнгэрлэг Эцэгтэйгээ нэгдэх ёстой. Хүчит залбиралтай хавсарсан мацаг барилт хүчирхэг байдаг. Энэ нь бидний оюун ухааныг Сүнсний илчлэлтээр дүүргэж чадна. Энэ нь уруу таталтын үед ч биднийг хүчирхэгжүүлдэг. (“The Law of the Fast,” Liahona, May 2001, 73)

Хэрэв дэлхий даяар мацаг барих зарчмуудыг хэрэгжүүлж чадвал юу болох байсан бэ?

Ерөнхийлөгч Гордон Б.Хинкли (1910–2008) ийн заасан.

Хэрэв дэлхий даяар мацгийн өдөр, мацгийн өргөлийн зарчмууд хэрэгжвэл юу болох байсан бэ? Өлсгөлөн хүмүүсийг хооллож, нүцгэн хүмүүсийг хувцаслан, орон гэргүй хүмүүсийг орогнох байртай болгох байсан. … Дэлхийн өнцөг булан бүрд буй хүмүүсийн зүрх сэтгэлд санаа зовних, амин хувиа хичээхгүй байдлын шинэ хэмжүүр өсөн нэмэгдэх байлаа. (“The State of the Church,” Ensign, 1991 оны 5-р сар, 52–53)

Нэмэлт суралцах үйл ажиллагаа

Эхлүүлэх өөр хувилбар

Танай тойрог эсвэл салбар эрүүл мэндийн хэцүү асуудалтай гишүүний төлөө мацаг барьж байна гээд төсөөл дөө. Сүмийн шинэ гишүүн үүнд оролцохыг хүсдэг ч мацаг барих зарчмыг сайн мэддэггүй. Хамтрагчидтайгаа ажиллаад, дараах асуултуудад хэрхэн хариулж болох талаар хуваалцахад суралцагчдыг урих талаар бодож үз:

Мацаг барих гэж юу вэ?
Их Эзэн мацаг барих талаар юу заасан бэ?
Энэ нь бусдад эсвэл надад хэрхэн туслах вэ?

Мацгийн өргөлийг төлөх

Суралцагчид мацаг барих талаар туршлагаасаа хуваалцах үед та Арван хоёр төлөөлөгчийн чуулгын ахлагч Жозеф Б.Вөртлин (1917–2008) өсвөр үеийнхэн “хэрэв тэд сонговол мацгийн өргөлөө төлж болно” (“The Law of the Fast,” Ensign, 2001 оны 5-р сар, 74) гэж заасан гэдгийг тайлбарлаж болно. Та суралцагчдынхаа хэн нэг нь мацгийн өргөлөө төлсөн бөгөөд энэ талаарх туршлагаа хуваалцахыг хүсэж байна уу гэж асууж болно.

Мацаг барьснаар ирэх адислалуудын жишээнүүд

Дараах видео жишээнүүдийг хичээл дээрх видео бичлэгийн оронд ашиглаж болно:

Нэгэн залуу эмэгтэй мацаг барьж эхлэхдээ мэдэрсэн адислалуудын жишээг “Fasting: A Young Single Adult Ward- Amanda (Мацаг барих нь: Ганц бие залуучуудын тойрог-Аманда)” (2:41) дээрээс үзнэ үү.

2:41

Мацгийн өргөл тусламж хэрэгтэй хүмүүст хэрхэн тусалж болох жишээг “The Fast Offering (Мацгийн өргөл)” (8:08) 2:02-оос 7:17 хүртэл цагийн кодтойгоор үзнэ үү.

8:8

Ахлагч Жозеф Б.Вөртлиний ядуус, мацгийн өргөлийг төлсөн Сүмийн гишүүд, тусламж үзүүлдэг удирдагчдыг хайрлахад нь тусалсан жишээг харах бол “The Law of the Fast (Мацгийн хууль)”-ийг (15:23) цагийн код 9:01–10:20 хүртэл үзнэ үү.

15:23

24 цагийн турш мацаг барих боломжгүй хүмүүст мацаг барих зарчмыг хэрхэн тохируулах жишээг “Үүний тулд мацаг барилтыг Би сонгосон бус уу?” (17:19) дээрээс 14:07–с 15:45 хүртэлх цагийн кодтойгоор үзнэ үү.

17:19