Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 54: “Titipunin Kita sa Pamamagitan ng Malaking Pagkahabag”

“Isaias 54: ‘Titipunin Kita sa Pamamagitan ng Malaking Pagkahabag,’” Manwal ng Guro ng Seminary para sa Lumang Tipan (2026)

“Isaias 54: ‘Titipunin Kita sa Pamamagitan ng Malaking Pagkahabag,’” Manwal ng Guro ng Seminary para sa Lumang Tipan

Isaias 50–57: Lesson 125

Isaias 54

: “Titipunin Kita sa pamamagitan ng Malaking Pagkahabag”

Maaaring madama ng mga tao na kinalimutan at nag-iisa sila kung minsan. Kung minsan, maaaring isipin ng mga tao na hindi sila tutulungan ng Diyos. Dahil nilabag ng sambahayan ni Israel ang tipan na ginawa nila kay Jehova, sila ay ikinalat. Maaaring nadama nila na kinalimutan sila ng Diyos. Gayunpaman, sa pamamagitan ni propetang Isaias, pinaalalahanan ng Panginoon ang Kanyang pinagtipanang tao, noon at ngayon, na titipunin Niya sila nang may mga malaking pagkahabag at bibigyan sila ng kapayapaan. Ang lesson na ito ay makatutulong sa mga estudyante na madama ang pagmamahal at pangako ng Tagapagligtas sa kanila.

Paghahanda ng estudyante: Anyayahan ang mga estudyante na basahin ang Isaias 54, at maghanap ng mga salita at parirala na ibabahagi nila sa isang tao na nadaramang nag-iisa siya o kinalimutan siya.

Mga Posibleng Aktibidad sa Pag-aaral

Pakiramdam na kinalimutan

Maaari mong simulan ang klase sa sumusunod na sitwasyon. Maaaring pumili ang mga estudyante ng bersyon ng sitwasyon na pagtutuunan nang mag-isa o pumili ng bersyon na para sa buong klase. Ang mga estudyante ay magkakaroon ng pagkakataong tumugon sa sitwasyon na kanilang pinili sa huling bahagi ng lesson.

Pakiramdam ni Carlos ay nag-iisa at kinalimutan siya dahil …

Nagkasala siya at hindi siya naniniwala na patatawarin siya ng Diyos sa kanyang nagawa.
Kamakailan ay lumipat siya sa isang bagong lugar at nahihirapan siyang makipagkaibigan.
Pakiramdam niya ay hindi dinidinig ang kanyang mga panalangin.

Isipin kung ano ang maaari mong sabihin kay Carlos upang matulungan siya. Pagnilayan kung ano ang gusto mong malaman niya tungkol kay Jesucristo.

Sa buhay ni Isaias, nasaksihan niya ang pagkalat ng Hilagang Kaharian ng Israel dahil sa kasamaan nito (tingnan sa 2 Mga Hari 17:6–23). Ipinropesiya rin niya na dahil sa kasamaan ng Katimugang Kaharian ng Juda, ito rin ay masasakop (tingnan sa Isaias 39:5–7). Dahil dito, marami sa sambahayan ng Israel ang maaaring nakadama na kinalimutan sila ng Diyos.

Sa Isaias 54, ipinropesiya ni Isaias ang gagawin ng Panginoon para sa Kanyang mga pinagtipanang tao. Kalaunan ay ginamit ng Tagapagligtas ang kabanatang ito para turuan ang mga Nephita kung paano Niya titipunin ang Israel sa mga huling araw (tingnan sa 3 Nephi 22).

Habang pinag-aaralan mo ang Isaias 54, pakinggan ang mga pahiwatig ng Espiritu Santo upang makatulong sa iyo na malaman kung ano ang nadarama ng Ama sa Langit at ni Jesucristo tungkol sa Kanilang ugnayan sa iyo.

Ang mga pangako ng Panginoon sa Kanyang mga tao

Maaari mong ipaalala sa mga estudyante na madalas gumamit si Isaias ng imagery o matalinghagang paglalarawan sa kanyang mga isinulat. Ang paghinto sandali upang isipin ang mga aral na natutuhan mula sa mga matalinghagang paglalarawan na ginamit niya ay maaaring mag-anyaya sa Espiritu Santo na ituro sa atin ang mensahe ng Panginoon sa mga banal na kasulatang ito. Sa Isaias 54, ginamit ni Isaias ang imagery ng ugnayan ng mag-asawa para ituro ang pakikipagtipan ng Panginoon sa sambahayan ni Israel. Ang asawang lalaki ay kumakatawan sa Tagapagligtas, at ang asawang babae ay kumakatawan sa sambahayan ni Israel. Maaari mong hatiin ang pagbabasa ng susunod na hanay ng mga talata sa mas maliliit na segment, tulad ng talata 1–4, 5–8, 9–10, 13, 17. Upang matulungan ang mga estudyante na mas maunawaan ang kanilang binabasa, maaari kang huminto sandali pagkatapos ng bawat hanay ng mga talata at anyayahan ang mga estudyante na magtanong.

Makakakita ka ng impormasyon sa ilang partikular na salita at parirala sa mga talatang ito sa bahaging Karagdagang Resources.

Basahing mabuti ang Isaias 54:1–10, 13, 17, at alamin ang ipinangako ni Jesucristo sa Kanyang mga pinagtipanang tao.

Ano ang itinuturo sa inyo ng imagery ng mag-asawa tungkol sa ugnayan ng Panginoon sa sambahayan ni Israel?
Ano ang itinuturo ng mga pangalan at titulo ng Tagapagligtas sa talata 5 tungkol sa Kanya?

Maaari kang maglaan ng oras para hayaan ang mga estudyante na magbahagi ng mga makabuluhang salita at parirala mula sa mga talatang ito at talakayin kung ano ang itinuturo ng mga ito tungkol sa Panginoon. Maaari nila itong gawin bilang isang klase o sa maliliit na grupo.

Isulat sa pisara ang Si Jesucristo na ating Manunubos … at anyayahan ang mga estudyante na kumpletuhin ang pahayag gamit ang nalaman nila sa Isaias 54:4–10, 13, 17.
Ano ang ilang paraan kung paano mo maaaring tapusin ang pahayag na Si Jesucristo na ating Manunubos …?
Maaaring tapusin ng mga estudyante ang pahayag sa maraming paraan, kabilang ang:

Si Jesucristo na ating Manunubos …
- ay titipunin ang Kanyang mga tao nang may pagkahabag.
- ay may walang hanggang kagandahang-loob para sa Kanyang mga tao.
- ay tutuparin ang tipan na ginawa Niya sa Kanyang mga tao.
- ay nangangako ng kapayapaan.
Kapag nakita ng mga estudyante na may kaugnayan ang mga banal na kasulatan sa kanilang buhay, mas malamang na maunawaan nila kung paano naaangkop sa kanila nang personal ang doktrina ng Tagapagligtas. Ang mga sumusunod na tanong, o ibang maaaring maisip mo, ay makatutulong sa kanila na talakayin ang kahalagahan ng mga katotohanang natukoy nila.
Sa palagay ninyo, alin sa mga katotohanang ito ang pinakamakatutulong sa mga kabataan ngayon? Bakit?

Pagnilayan kung alin sa mga katotohanang ito ang personal na pinakamakabuluhan sa inyo.

Sa palagay ninyo, paano tinutupad ni Jesucristo ang mga pangakong ito ngayon?

Pinatotohanan ni Pangulong Jeffrey R. Holland ng Korum ng Labindalawang Apostol:

… Sa isang mundong “pinapaspas ng bagyo, at hindi naaaliw,” tulad ng sinabi ni Jehova na mangyayari, paano tayo magkakaroon ng tinawag Niyang “tipan ng … kapayapaan”? Mahahanap natin ito sa paglapit sa Kanya na nagsabing maaawa Siya sa atin “sa walang hanggang kabutihan” at bibigyan ng kapayapaan ang [ating] mga anak. (“Hindi Gaya ng Ibinibigay ng Sanlibutan,” Liahona, Mayo 2021, 36)

Ano ang natututuhan ninyo tungkol sa nadarama ng Ama sa Langit at ni Jesucristo sa inyo?

Ipakita ang natutuhan

Ang sumusunod na aktibidad ay naglalayong tulungan ang mga estudyante na maipakita ang natutuhan at nadama nila tungkol sa Ama sa Langit at kay Jesucristo mula sa pag-aaral ng Isaias 54. Pumili ng paraan na pinakamahusay na nakakatugon sa mga pangangailangan ng iyong klase. Ang ilang halimbawa ng maaari mong gawin ay anyayahan ang mga estudyante na isadula ang sitwasyon, magsulat ng ipapadalang text message, o gumawa ng comic strip ng pakikipag-usap kay Carlos.

Alalahanin kung bakit nadarama ni Carlos na siya ay kinalimutan at nag-iisa. Isipin kung ano ang maaari ninyong ibahagi sa kanya mula sa natutuhan ninyo sa Isaias 54. Mayroon bang anumang personal na karanasan na maaari ninyong ibahagi sa kanya?

Ano ang gusto ninyong maalala tungkol sa Tagapagligtas mula sa pag-aaral ninyo ng Isaias 54?

Maaari mo ring ibahagi ang iyong patotoo tungkol sa Tagapagligtas at ang iyong mga naisip at nadama habang pinag-aaralan ang Isaias 54.

Karagdagang Resources

Ano ang ibig sabihin ng ilan sa mga salita at parirala sa Isaias 54?

Sa Isaias 54:3, sinabi niya sa Israel na sila ay “kakalat nang malayo sa kanan at sa kaliwa” at ”patitirahan ang mga bayang giba.” Ito ay kumakatawan sa malaking bilang ng mga tao na titipunin, kaya kailangang “palawakin mo ang lugar ng iyong tolda“ (Isaias 54:2).

Sa Isaias 54:9, ipinaalala ng Panginoon sa Israel ang Kanyang pangako na hindi na muling babahain ang mundo (tingnan sa Genesis 9:15–17). Gaya ng pagtatapos ng baha at pangako ng Panginoon na hindi na magpapadala ng baha, ang galit ng Panginoon sa sambahayan ni Israel dahil sa kanilang mga kasalanan ay hindi magpakailanman.

Sa Isaias 54:10, ginamit ni Isaias ang imagery ng mga bundok at burol, na itinuturing bilang permanente. Nangangako ang Panginoon na ang Kanyang kagandahang-loob at “tipan ng [Kanyang] kapayapaan” ay mas permanente kaysa sa mga bundok at burol.

Isaias 54:2. Ano ang kahalagahan ng matalinghagang paglalarawan ni Isaias ng isang tolda?

Nakasaad sa Pangkalahatang Hanbuk:

Inilarawan ni Isaias ang Sion sa mga huling araw bilang isang tolda o isang tabernakulo na nakataling mabuti sa mga tulos o mga stake (tingnan sa Isaias 33:20; 54:2). Ngayon, ang Simbahan ay inorganisa sa mga stake. Ang bawat stake ay binubuo ng ilang ward at pinamumunuan ng isang stake president. Ang Panginoon ay nagtatag ng mga stake para sa “sama-samang pagtitipon“ ng Kanyang mga tao at “para maging isang tanggulan, at … isang kanlungan” mula sa mundo (Doktrina at mga Tipan 115:6). Ang mga miyembro at lider sa isang stake ay nagtutulungan sa paglahok sa gawain ng kaligtasan at kadakilaan ng Diyos (tingnan sa 1.2). (Pangkalahatang Hanbuk: 6.1)

Ano ang nadarama ng Tagapagligtas sa Kanyang mga pinagtipanang tao?

Pinatotohanan ni Pangulong Jeffrey R. Holland ng Korum ng Labindalawang Apostol:

Bagama’t walang bunga at kung minsan ay hindi tapat, gayunpaman babawiin at tutubusin ng asawa (si Cristo) ang kanyang asawa (ang Israel). …

… Si Cristo, kung minsan, ay nagalit nang may katwiran sa mga suwail na Israelita ngunit iyan ay sandali at pansamantala lamang—”sa maikling sandali.” Ang pagkahabag at awa ay palaging bumabalik at nananaig sa pinaka-nakapapanatag na paraan. Ang mga bundok at mga burol ay maaaring maglaho. Ang tubig sa malalawak na karagatan ay maaaring matuyo. Ang mga pinaka-hindi inaasahang bagay ay maaaring mangyari sa mundo, ngunit ang kabutihan at kapayapaan ng Panginoon ay hindi kailanman aalisin sa kanyang mga pinagtipanang tao. Sumumpa siya sa langit na hindi siya mapopoot sa kanila magpakailanman.” (Christ and the New Covenant[1997], 290)

Paano ipinakita ni Jesucristo na tayo ay kabilang sa Kanya?

Nagpatotoo si Elder D. Todd Christofferson ng Korum ng Labindalawang Apostol:

14:41

Ang maging kaisa ng Ama, ng Anak, at ng Espiritu Santo ay walang alinlangang siyang pinakalubos na diwa ng pagiging kabilang.

Samakatwid, ang ibig sabihin ng doktrina ng pagiging kabilang ay ito—na mapagtitibay ng bawat isa sa atin: Si Jesucristo ay namatay para sa akin; itinuring Niya na karapat-dapat akong pagtigisan ng Kanyang dugo. Mahal Niya ako at makagagawa ng lahat ng kaibhan sa aking buhay. Kapag ako ay nagsisi, ang Kanyang biyaya ay magpapabago sa akin. Ako ay kaisa Niya sa tipan ng ebanghelyo; kabilang ako sa Kanyang Simbahan at kaharian; at kabilang ako sa Kanyang adhikaing magdala ng kaligtasan sa lahat ng anak ng Diyos. (“Ang Doktrina ng Pagiging Kabilang,” Liahona, Nob. 2022, 56)

Mga Karagdagang Aktibidad sa Pag-aaral

”Palawakin mo ang lugar ng iyong tolda … at patibayin mo ang iyong mga tulos” (Isaias 54:2)

Ang aktibidad na ito ay makatutulong sa mga estudyante na maunawaan ang matalinghagang paglalarawan ni Isaias ng isang tolda at kung bakit inorganisa ang Simbahan sa mga stake. Maaari kang magdala ng tolda sa klase at anyayahan ang mga estudyante na itayo ito o maaari kang magpakita ng larawan ng isang tolda. Hilingin sa kanila na ipaliwanag ang layunin ng isang tolda at kung paano ito itayo para hindi ito matumba kahit may hangin at ulan.

Maaari mong ipakita ang larawang ito ng tolda at anyayahan ang mga estudyante na lagyan ng label ang iba’t ibang bahagi ng tolda gamit ang malalaman nila sa talata 2.

Basahin ang Isaias 54:2, at alamin ang itinuro ni Isaias tungkol sa isang tolda. Maaari mong itanong ang ilan sa mga sumusunod para matulungan ang mga estudyante na maunawaan kung paano nauugnay ang mga talatang ito sa Simbahan ng Tagapagligtas sa ating kasalukuyang panahon.

Sa palagay ninyo, paano naging parang isang tolda ang Simbahan ng Tagapagligtas?
Paano sinusuportahan ng mga tulos ang isang tolda? Ano ang maituturo nito sa atin tungkol sa tungkulin ng mga stake ng Sion sa ipinanumbalik na Simbahan ng Tagapagligtas?
Sa anong mga paraan mo nakikita na lumalaki ang tolda sa ating kasalukuyang panahon?

Maaari mong ibahagi ang pahayag mula sa Pangkalahatang Hanbuk tungkol sa mga stake sa Karagdagang Resources. Maaari mo ring basahin ang Doktrina at mga Tipan 115:6 at talakayin kung paano nagbibigay ng tanggulan at kanlungan ang mga stake ng Sion mula sa mga unos ng buhay. Maaari mo ring basahin ang Moroni 10:31 o Doktrina at mga Tipan 82:14; 133:9 at talakayin kung ano ang ipinagagawa sa atin ng Panginoon bilang mga miyembro ng Kanyang Simbahan.

Ang mga pangako ng Panginoon sa pinagtipanang Israel

Kapag sisimulan na ang pagbabasa ng Isaias 54:1–10, 13, 17, maaari mong ibahagi ang sumusunod na paanyaya ni Pangulong Russell M. Nelson.

Habang pinag-aaralan ninyo ang mga banal na kasulatan … hinihikayat ko kayong gumawa ng listahan ng lahat ng ipinangako ng Panginoon na gagawin Niya para sa pinagtipanang Israel. Sa palagay ko ay magugulat kayo! Pagnilayan ang mga pangakong ito. Banggitin ang mga ito sa inyong pamilya at mga kaibigan. At pagkatapos ay mamuhay at abangan ang katuparan ng mga pangakong ito sa inyong buhay. (“Hayaang Manaig ang Diyos,” Liahona, Nob. 2020, 95)

Anyayahan ang mga estudyante na ilista ang mga pangako ng Panginoon sa pinagtipanang Israel sa Isaias 54. Maaari mong talakayin kung ano ang itinuturo ng mga pangakong ito tungkol sa Panginoon at kung paano nakikita ng mga estudyante na natutupad ang mga ito sa kanilang buhay. Maaari mong hikayatin ang mga estudyante na patuloy na alamin ang mga pangako ng Panginoon sa pinagtipanang Israel habang pinag-aaralan nila ang mga banal na kasulatan.