Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

2 Mga Hari 17; 24–25: Ang Pagkalat ng Israel

“2 Mga Hari 17; 24–25: Ang Pagkalat ng Israel,” Manwal ng Titser ng Seminary para sa Lumang Tipan (2026)

“2 Mga Hari 17; 24–25: Ang Pagkalat ng Israel,” Manwal ng Titser ng Seminary para sa Lumang Tipan

2 Mga Hari 16–25: Lesson 88

2 Mga Hari 17; 24–25

Ang Pagkalat ng Israel

A group of youth reading scriptures together in Florida.

Ang mga propeta at iba pa ay madalas na nagsasalita tungkol sa pagtitipon ng Israel. Upang maunawaan ang pagtitipon, makatutulong na maunawaan and dahilan kung bakit ikinalat ang Israel. Ang lesson na ito ay makatutulong sa mga estudyante na gamitin ang pagkalat ng Israel upang matukoy ang mga katangian ng Ama sa Langit at ni Jesucristo.

Paghahanda ng estudyante: Ipabasa sa mga estudyante ang Mga Kaisipan na Dapat Tandaan: “Si Cristo’y Sasambit, ‘Halina’t Magbalik’” mula sa Pumarito Ka, Sumunod Ka sa Akin—Para sa Tahanan at Simbahan: Lumang Tipan 2026. Sabihin sa kanila na dumating sa klase na handang magbahagi ng mga ideya o tanong tungkol sa pagkalat ng Israel.

Mga Posibleng Aktibidad sa Pag-aaral

Ang pagkalat ng Israel

Bago magklase, maaari kang maglagay sa iba’t ibang bahagi ng silid-aralan ng label na Hilagang Kaharian (Israel), Katimugang Kaharian (Juda), Asiria, ang Amerika, at Babilonia/Persia.

Paano at kailan maaaring maging tanda ng pagmamahal ng magulang ang pagdidisiplina sa anak?

Basahin ang Doktrina at mga Tipan 95:1, at alamin ang nadarama ng Ama sa Langit at ni Jesucristo tungkol sa mga taong kailangan nilang itama o kastiguhin.

Sa Lumang Tipan, ilang beses naghimagsik ang Israel laban sa Ama sa Langit at kay Jesucristo at kinailangan silang ituwid. Nagresulta ito sa tinatawag na pagkalat ng Israel. Habang pinag-aaralan mo ang pagkalat ng Israel, alamin kung paano ipinakita ng Ama sa Langit at ni Jesucristo ang Kanilang pagmamahal.

Hilagang Kaharian ng Israel

Noong 975 BC, matapos mamatay si Solomon, naging hari ang kanyang anak na si Rehoboam. Nagbigay si Rehoboam ng mabibigat na pasanin sa mga tao. Sampu sa mga lipi ang naghimagsik laban kay Rehoboam at sumunod kay Jeroboam (tingnan sa 1 Mga Hari 12:6–11, 19–20). Ang paghihiwalay na ito ang bumuo sa Hilaga at Katimugang Kaharian.

Basahin ang 2 Mga Hari 17:7–18, 22–23, at alamin kung ano ang nangyari sa Hilagang Kaharian ng Israel.

Ano ang nangyari sa kanila at bakit ito nangyari?

Ipaliwanag na nang sinakop ng Asiria ang Hilagang Kaharian ng Israel at dinala sa Asiria ang marami sa mga Israelita, dito nagsimula ang pagkalat ng Israel. Sabihin sa karamihan sa mga estudyante na nakatayo malapit sa Hilagang Kaharian (Israel) na lumipat sa bahagi ng silid na may label na Asiria. Banggitin na madalas nating tawagin ang mga lipi na ito na mga nawawalang lipi ng Israel. Maaari mong bigyan ang mga estudyante na lumipat sa Asiria ng label na nagsasabing Mga Nawawalang Lipi. Maaari mong bigyan ang mga estudyanteng nananatili sa Israel ng label na nagsasabing Mga Samaritano. Maaari mong ipaliwanag na ang mga Samaritano ay bahagyang Israelita at bahagyang Gentil (tingnan sa Gabay sa mga Banal na Kasulatan, “Samaritano, Mga,” Gospel Library).
Paano ninyo ibubuod kung bakit nakalat ang Israel?

Maaaring tukuyin ng mga estudyante ang isang katotohanang tulad ng: Dahil hindi tinanggap ng Israel ang mga propeta at nilabag nila ang kanilang tipan sa Panginoon, sila ay ikinalat Niya sa mga bansa.

Katimugang Kaharian ng Juda

Ano ang natutuhan ninyo ngayon tungkol sa Katimugang Kaharian ng Juda, at maging sa mga hari na naghari roon?

Sabihin sa mga estudyante na ibahagi ang anumang salaysay na naaalala nila. Halimbawa, maaari nilang banggitin si Haring Hezekias o si Haring Josias. Kung gagawin nila ito, maaari kang gumawa ng label para sa bawat hari at ipataas sa mga estudyante ang mga ito. Hikayatin ang mga estudyante na ibahagi kung paano pinagpala ng Panginoon ang mga hari na ito at ang mga tao dahil sa kanilang pananampalataya sa Kanya. Ang mga matwid na haring ito ay kapwa naghari matapos sakupin ng Asiria ang Kaharian ng Israel.

Maaari ding banggitin ng mga estudyante si Lehi at ang kanyang pamilya. Kung gagawin nila ito, anyayahan sila na ibahagi ang nalalaman nila. Kung hindi, maaari mong ipagawa sa kanila ang sumusunod. Maaari kang gumawa ng label para sa Si Lehi at ang kanyang pamilya na hahawakan ng ilang estudyante.

Basahin ang 1 Nephi 1:4, at alamin kung sino pa ang nanirahan sa Kaharian ng Juda.

Basahin ang 1 Nephi 2:1–4; 18:22–23, at alamin ang nangyari sa pamilyang ito.

Anong mga pagpapala mula sa Ama sa Langit ang natanggap natin dahil inakay ng Panginoon si Lehi at ang kanyang pamilya palayo sa Jerusalem bilang bahagi ng pagkalat?

Sabihin sa mga estudyanteng may hawak sa label na Si Lehi at ang kanyang pamilya na lumipat mula sa Kaharian ng Juda patungo sa bahagi ng silid na may label na Ang Amerika.

Basahin ang 2 Cronica 36:17–20, at alamin ang ginawa ni Nebukadnezar, ang hari ng Babilonia, sa mga naninirahan sa Jerusalem kalaunan matapos makaalis si Lehi at ang kanyang pamilya.

Sabihin sa mga natitirang estudyante sa Kaharian ng Juda na lumipat sa bahagi ng silid-aralan na kumakatawan sa Babilonia/Persia. Tinatayang sa pagitan ng 605 at 587 BC, dinala ng mga taga-Babilonia ang maraming Judio sa Babilonia at kinubkob at kalaunan ay winasak nila ang Jerusalem (tingnan sa 2 Mga Hari 24:8–16; 25:1–12, 21; Jeremias 52).

Maaari mong hilingin sa mga estudyante na pangalanan ang ilang indibiduwal na dinala sa Babilonia. Kung kailangan nila ng tulong, maaari mong iabot sa ilang estudyante ang mga label tulad ng Daniel, Shadrac, Meshac, Abednego (tingnan sa Daniel 1:1–7), at Ezekiel (tingnan sa Gabay sa mga Banal na Kasulatan, “Ezekiel,” Gospel Library).

Basahin ang sumusunod na buod. Ipaliwanag na ang ilang Judio ay nanatili sa Persia (tingnan sa Esther 2:5–7). Sabihin sa ilang estudyante sa Babilonia/Persia na bumalik sa bahagi ng silid-aralan na kumakatawan sa Kaharian ng Juda. Maaari kang gumawa ng mga label para sa Ezra at Nehemias para dalhin ng ilang estudyante na lilipat sa Kaharian ng Juda. Malalaman kalaunan ng mga estudyante ang iba pang detalye tungkol kina Ezra at Nehemias.

Sa ilalim ng pamumuno ni Haring Ciro, sinakop ng mga taga-Persia ang Babilonia. Noong 537 BC, binigyang-inspirasyon ng Panginoon si Haring Ciro ng Persia na pahintulutan ang mga Judio na bumalik sa Jerusalem at muling itayo ang templo (tingnan sa 2 Cronica 36:22–23; Jeremias 29:10–14; Ezra 1:1–3). Sa mga sumunod na taon, sina Ezra, Nehemias, at ang iba pa ay bumalik sa Jerusalem upang tumulong sa muling pagtatayo ng lungsod at upang matapos ang templo (tingnan sa Ezra 7:6–8; Nehemias 2:1–11).

Ang mga anak ng Ama sa Langit ay hindi kailanman nawawala sa Kanya

Maaari mong ipaliwanag na marami sa mga grupong ito ay walang alam sa nangyayari sa iba pang grupo. Sa kanilang pananaw, nawala ang iba pang grupo.

Basahin ang 3 Nephi 17:4, at alamin kung ano ang ibinahagi ng Tagapagligtas sa mga Nephita sa Kanyang pagmiministeryo sa kanila.

Ano ang pinakanapansin ninyo sa talatang ito?

Maaari mong banggitin na bagama’t nakalat ang Israel, ginamit ng Panginoon ang pagkalat ng Kanyang mga pinagtipanang tao upang pagpalain ang mga bansa kung saan sila nakakalat (tingnan sa “Ang pagkalat ng Israel” sa ilalim ng “Israel,” sa Gabay sa mga Banal na Kasulatan sa Gospel Library). Maaari mong ipaliwanag na ang “kagandahang-loob” sa Isaias 54:8 ay isang pagsasalin ng hesed. Para sa karagdagang impormasyon tungkol sa kahalagahan ng hesed, tingnan ang artikulo ni Pangulong Nelson na “Ang Walang Hanggang Tipan,” Liahona, Okt. 2022, 5–6.

Basahin ang Deuteronomio 4:27–31 at Isaias 54:7–10, at alamin ang ipinangako ng Panginoon na gagawin Niya para sa nakalat na Israel.

Anong mga katangian ang nakikita ninyo sa Ama sa Langit at kay Jesucristo habang natututuhan ninyo ang tungkol sa pagkalat ng Israel?

Maaari mong ibahagi ang iyong patotoo tungkol sa pagmamahal ng Ama sa Langit sa lahat ng Kanyang anak at sa Kanyang pangakong titipunin ang nakalat na Israel.

Karagdagang Resources

Bakit makabuluhan ang pagkalat ng Israel sa ating panahon?

Ipinaliwanag ni Elder Quentin L. Cook ng Korum ng Labindalawang Apostol:

14:35

Ang pagkaalipin ng mga Judio at ang pagkalat ng mga lipi ni Israel, kabilang na ang sampung lipi, ay mahahalagang katotohanan na dapat isaalang-alang sa Panunumbalik ng ebanghelyo. Ang nawawalang sampung lipi ang bumubuo sa Hilagang Kaharian ng Israel at nadalang bihag ng Assyria noong 721 B.C. Nagpunta sila sa mga bansa sa hilaga. Nakasaad sa ating ikasampung saligan ng pananampalataya, “Naniniwala kami sa literal na pagtitipon ng Israel at sa pagpapanumbalik ng Sampung Lipi” [Mga Saligan ng Pananampalataya 1:10]. Naniniwala rin tayo na bilang bahagi ng tipan na ginawa ng Panginoon kay Abraham, hindi lamang ang lipi ni Abraham ang pagpapalain kundi maging ang lahat ng tao sa mundo ay pagpapalain. Gaya ng sinabi ni [Pangulong] Russell M. Nelson, ang pagtitipon “ay hindi nakabatay sa kinaroroonan ninyo; ito’y batay sa katapatan ng bawat isa. Ang mga tao ay maaaring ‘[dalhin] sa kaalaman ng Panginoon’ [3 Nephi 20:13] nang hindi nililisan ang kanilang sariling bayan” [Russell M. Nelson, “The Book of Mormon and the Gathering of Israel,” (mensaheng ibinigay sa seminar para sa mga bagong mission president, Hunyo 26, 2013)].

Ang ating doktrina ay malinaw: “Ikinalat at pinarusahan ng Panginoon ang labindalawang lipi ng Israel dahil sa kanilang kasamaan at pagsuway. Gayunman, [ginamit] din ng Panginoon ang pagtitipong ito ng kanyang mga hinirang sa kalipunan ng mga bansa ng daigdig upang pagpalain ang mga bansang iyon” [Gabay sa mga Banal na Kasulatan, “Israel”; scriptures.lds.org]. (“Mga Panaghoy ni Jeremias: Mag-ingat sa Pagkaalipin,” Liahona, Nob. 2013, 89)

Paano ginamit ng Panginoon ang nakalat na Israel upang pagpalain ang mundo?

Itinuro ni Elder Shayne M. Bowen ng Pitumpu:

Pinagpala tayo sa pamamagitan ng pagkalat ng Israel sa lahat ng bansa kung saan ang dugo ng Israel ay nananalaytay sa mga bansa, at sa gayon ang mga bansa ay nakikibahagi sa lebadura ng kabutihan, sa kundisyon na sila ay magsisisi, at sila ay may karapatan sa mga pangakong ginawa sa mga anak ni Abraham. (“Out of the Wilderness into the Light” [Debosyonal sa Brigham Young University–Idaho, Marso 1, 2011], byui.edu)

Ipinaliwanag ni Elder James E. Talmage (1862–1933) ng Korum ng Labindalawang Apostol:

Ang mga Israelita ay ganap na ikinalat sa mga bansa upang mabigyan ang mga nakalat na tao na ito ng isang mahalagang katayuan bilang isang dahilan sa pag-usbong at pag-unlad ng halos bawat malaking pagkakahati ng sangkatauhan. Ang gawaing ito ng pagkalat ay isinagawa sa pamamagitan ng maraming yugto, at pinalawig sa mga milenyo. Nakinita na ito ng mga naunang propeta; at ibinadya ng mga espirituwal na lider ng bawat henerasyon bago at hindi nagtagal matapos ang panahon ng Mesiyas ang pagkalat ng mga tao, bilang tiyak na bunga ng kanilang tumitinding kasamaan. (Articles of Faith, 12th ed. [1924], 316)

Paano naging kinakailangang pagkastigo ng mapagmahal na Diyos ang pagkalat ng Israel?

Ipinaliwanag ni Elder James E. Talmage (1862–1933) ng Korum ng Labindalawang Apostol:

Ang mga pagdurusa ng Israel ay kinakailangan lamang na pagkastigo ng isang nalulungkot ngunit mapagmahal na Ama, na nagplano sa pamamagitan ng mga epektibong paraan na ito upang dalisayin ang Kanyang mga anak na may bahid ng kasalanan. …

Kahit na binabagabag ng mga tao, malaking bahagi nila ang nawala mula sa kaalaman ng mundo, ang Israel ay hindi nawala sa kanilang Diyos. Alam Niya kung saan sila ay inakay o itinaboy; ang Kanyang puso ay nananabik pa rin sa kanila nang may pagmamahal ng ama; at tiyak na sila ay dadalhin Niya, sa tamang panahon at sa mga itinakdang paraan, sa kalagayan ng pagpapala at impluwensya na naaangkop sa Kanyang mga pinagtipanang tao. Sa kabila ng kanilang kasalanan at mga kapighatian na sila mismo ang nagdala sa kanilang sarili, sinabi ng Panginoon: “Subalit sa kabila ng lahat ng iyon, kapag sila’y nasa lupain ng kanilang mga kaaway ay hindi ko sila itatakuwil, ni kapopootan ko sila upang sila’y lipulin, upang sirain ang aking tipan sa kanila; sapagkat ako ang Panginoon nilang Diyos.” Kung gaano lubusan ang pagkalat, gayon din ang pagtitipon ng Israel. (The Articles of Faith, 12th ed. [1924], 328–29)

Mga Karagdagang Aktibidad sa Pag-aaral

Karagdagang materyal para sa aktibidad tungkol sa pagkalat

Ang larawang ito ay nagpapakita ng halimbawa kung paano mo aayusin ang mga label sa silid-aralan:

Maaari ninyong panoorin ang video na “Ligtas na Natipon sa Kanyang Tahanan” (14:48) mula sa time na code 5:37 hanggang 6:26. Sa video, ipinaliwanag ni Elder Quentin L. Cook ng Korum ng Labindalawang Apostol ang pagkalat ng Israel.

14:48

Ang mga Mulekita

Sa aktibidad ng pagkalat, maaari mong banggitin ang mga Mulekita sa Aklat ni Mormon. Ipaliwanag na si Haring Zedekias ang huling hari ng Juda bago sila binihag ng Babilonia. Nakasaad sa 2 Hari 25:7 na pinatay ang kanyang mga anak na lalaki. Gayunpaman, sa pamamagitan ng Aklat ni Mormon, alam natin na nakatakas ang isa sa mga anak ni Zedekias na si Mulek. Inakay ng Panginoon si Mulek sa Amerika (tingnan sa Omni 1:15–16; Helaman 6:10; 8:21). Sabihin sa ilang estudyante na lumipat mula sa Katimugang Kaharian (Juda) patungo sa bahagi ng silid na kumakatawan sa Ang Amerika.

Huwag kalimutan ang tipan

Habang tinatalakay ng mga estudyante kung paano nakalat ang Israel dahil sa paglabag sa kanilang tipan sa Diyos, maaari ninyong basahin ang 2 Mga Hari 17:38–40. Sabihin sa mga estudyante na hanapin ang babala ng Panginoon. Talakayin ang mga paraan kung paano maaaring makalimutan ng mga tao ngayon ang kanilang mga tipan sa Diyos. Sabihin sa mga estudyante na ibahagi kung ano ang magagawa natin upang palaging maalala ang ating mga tipan sa Diyos. Habang ibinabahagi ng mga estudyante ang mga paraan ng pag-alaala sa kanilang mga tipan, maaari mong banggitin ang mga panalangin sa sakramento (tingnan sa Doktrina at mga Tipan 20:77, 79).