Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

2 Mga Hari 18–19: Pagtitiwala sa Panginoong Diyos ng Israel

“2 Mga Hari 18–19: Pagtitiwala sa Panginoong Diyos ng Israel,” Manwal ng Titser ng Seminary para sa Lumang Tipan (2026)

“2 Mga Hari 18–19: Pagtitiwala sa Panginoong Diyos ng Israel,” Manwal ng Titser ng Seminary para sa Lumang Tipan

2 Mga Hari 16–25: Lesson 86

2 Mga Hari 18–19

Pagtitiwala sa Panginoong Diyos ng Israel

An African woman kneeling by her bed praying

Mahal tayo ng Ama sa Langit at ni Jesucristo at tutulungan Nila tayo kapag nagtiwala tayo sa Kanila. Matapos masakop ng mga taga-Asiria ang Samaria, sinimulan nilang salakayin ang Juda. Si Haring Hezekias at ang kanyang mga tao ay bumaling sa Panginoon para sa lakas at proteksyon. Iniligtas sila ng Panginoon mula sa mga taga-Asiria. Ang lesson na ito ay makatutulong sa mga estudyante na madagdagan ang kanilang tiwala na tutulungan sila ng Panginoon na harapin ang kanilang mga hamon.

Paghahanda ng mga estudyante: Sabihin sa mga estudyante na pumunta sa klase na handang magbahagi ng isang karanasan kung kailan nadama nila ang suporta ng Diyos sa panahon ng pagsubok.

Mga Posibleng Aktibidad sa Pag-aaral

Sa mahihirap na panahon

Maaari mong simulan ang klase sa pamamagitan ng pagsusulat ng mga sumusunod na salita sa gitna ng pisara: walang magagawa, nababalisa, pinanghihinaan ng loob, natatakot, at nagdududa. Pagkatapos ay maaari mong isulat ang isa sa mga sumusunod na tanong sa kaliwang bahagi ng pisara at ang isa pang tanong sa kanang bahagi ng pisara. Maaaring isulat ng mga estudyante sa pisara ang kanilang mga sagot sa bawat tanong.

Ano ang mga sitwasyon kung saan maaaring madama ng isang tinedyer ang isa o mahigit pa sa mga emosyon na ito?
Saan maaaring humingi ng tulong ang mga tinedyer kapag naranasan nila ang mga emosyong ito?

Pagkatapos ay maaari mong anyayahan ang mga estudyante na isipin o isulat sa kanilang study journal ang tungkol sa isang sitwasyon sa kasalukuyan o sa hinaharap kung saan maaari silang makaramdam ng gayon ding emosyon. Ang mga estudyante ay magkakaroon ng pagkakataong balikan ang mga emosyon na ito kalaunan sa lesson.

Pag-isipan ang mga sumusunod na tanong ayon sa kung paano nauugnay ang mga ito sa personal na sitwasyon mo:

Kapag nararanasan mo ang mga emosyong ito, saan ka humihingi ng tulong?
Gaano ka nagtitiwala na tutulungan ka ng Panginoon kapag bumaling ka sa Kanya?

Sa buong lesson ngayon, isipin kung paano ka matutulungan ng Panginoon kapag mararanasan mo ang mga emosyon na ito ngayon o sa hinaharap. Bigyang-pansin ang mga impresyong naiisip o nadarama ninyo mula sa Espiritu Santo.

Si Hezekias ay nagtiwala sa Panginoon

Ipaliwanag sa mga estudyante na ang lesson na ito ay magtutuon sa kung paano pinili ni Hezekias, ang hari ng Juda, na bumaling sa Panginoon para sa tulong noong humarap siya at ang kanyang mga tao sa malalaking hamon.

Basahin ang 2 Mga Hari 18:1–7, at alamin ang ginawa ni Hezekias nang maging hari siya.

Ano ang nalaman ninyo?
Anong mga alituntunin ang matututuhan natin mula sa talata 5–7?

Tulungan ang mga estudyante na matukoy ang mga alituntuning tulad ng: Kapag nagtiwala tayo sa Panginoon at sinunod natin ang Kanyang mga kautusan, makakasama natin Siya.

Paghahalintulad ng mga banal na kasulatan sa ating buhay

Ang Israel, ang bansang nasa hilagang hangganan ng Juda, ay nalupig ng Asiria. Pagkatapos, sinalakay ng mga taga-Asiria ang mga tao ni Hezekias at nasakop ang lahat ng pinatibay na lungsod sa kanilang kaharian (tingnan sa 2 Mga Hari 18:9–13). Pagkatapos ay pumunta ang mga sugo ng Asiria sa Jerusalem, ang kabisera ng Juda, upang maghatid ng babala kay Hezekias at sa kanyang mga tao.

Tingnan ang mga emosyon sa pisara. Sa inyong palagay, anong mga emosyon ang nadama ng mga tao ng Jerusalem?

2026 Old Testament Seminary Teacher Materials

Kasama natin ang Panginoon

Basahin ang 2 Mga Hari 19:32–35, at alamin kung paano iniligtas ng Panginoon si Hezekias at ang kanyang mga tao.

Ano ang nalaman ninyo?

Maaari mong anyayahan ang mga estudyante na markahan ang pariralang “Sapagkat ipagtatanggol ko ang lunsod na ito upang iligtas ito” sa 2 Mga Hari 19:34. Kung kinakailangan, ipaliwanag na ang pagliligtas ng Panginoon ay darating sa Kanyang panahon at paraan.

Upang matulungan ang mga estudyante na mag-isip ng mga paraan kung paano tayo tinutulungan ng Panginoon na harapin ang ating mga hamon, maaari mong ipanood ang “Heavenly Father Knows Me” (3:18) at sabihin sa mga estudyante na alamin kung paano iniligtas ng Ama sa Langit ang dalagitang ito mula sa isang hamon na kinaharap niya. Pagkatapos, anyayahan ang mga estudyante na ibahagi ang sarili nilang karanasan. Maaari kang magbahagi ng personal na karanasan sa pagtitiwala sa Panginoon o kung paano ka Niya tinulungan sa mahihirap na panahon.

3:19

Paano kayo sinuportahan ng Ama sa Langit at ni Jesucristo o ang isang kakilala ninyo sa isang mahirap na sitwasyon?

Maaari mo ring ipadama sa mga estudyante ang kapangyarihan ng patotoo ng propeta tungkol sa Tagapagligtas upang tapusin ang klase. Para magawa ito, maaari mong ipabasa sa mga estudyante ang Alma 36:3 o ang sumusunod na pahayag.

Pinatotohanan ni Pangulong Dieter F. Uchtdorf, na noon ay kabilang sa Unang Panguluhan, ang tungkol sa kapangyarihan ng pagtitiwala sa Diyos.

19:11

Sa halip na pagtuunan ang bigat ng ating mga pagsubok, hindi ba mas mahalagang magtuon sa walang hanggang kadakilaan, kabutihan, at walang katapusang kapangyarihan ng ating Diyos, magtiwala sa Kanya at maghanda nang may galak ang puso sa pagbalik ni Jesus ang Cristo?

Bilang Kanyang mga pinagtipanang tao, hindi tayo kailangang maparalisa dahil sa takot na may masamang mangyayari. Sa halip, sumulong tayo nang may pananampalataya, tapang, determinasyon, at tiwala sa Diyos sa pagharap natin sa mga darating na hamon at oportunidad. (“Ang Sakdal na Pag-ibig ay Nagpapalayas ng Takot,” Liahona, Mayo 2017, 106)

Hikayatin ang mga estudyante na magtiwala sa Ama sa Langit at kay Jesucristo sa mahihirap na panahon.

Karagdagang Resources

2 Mga Hari 18:4. Bakit winasak ni Hezekias ang ahas na tanso?

Sa kanilang paglalakbay sa ilang, ang mga Israelita ay natuklaw ng mga makamandag na ahas. Sa utos ng Panginoon, gumawa si Moises ng ahas na gawa sa tanso, ipinatong ito sa ibabaw ng isang tikin, at sinabi sa mga tao na tingnan ang ahas na tanso upang mapagaling sila (tingnan sa Mga Bilang 21:4–9). Ang ahas na tanso at ang pisikal na pagpapagaling ay simbolo ni Jesucristo at ng espirituwal na pagpapagaling na Kanyang ibinibigay (tingnan sa Juan 3:14–15; 2 Nephi 25:20; Helaman 8:13–15).

Itinago ng mga Israelita ang ahas na tanso. Kalaunan ay sinimulan nilang sambahin ito at “pinagsusunugan ito ng insenso” (tingnan sa 2 Mga Hari 18:4), at kinalimutan nila ang simbolismo at ang tunay na pinagmumulan ng pagpapagaling, ang Panginoon. Kung gayon, para sa mga Israelita, ang ahas na tanso ay naging nehushtan lamang, isang salitang Hebreo na nangangahulugang “bagay na gawa sa tanso.” Kaya, sa kanyang mga pagsisikap na alisin ang lahat ng anyo ng pagsamba sa diyus-diyusan sa Juda, ipinawasak ni Haring Hezekias ang ahas na tanso.

Paano ko madaragdagan ang pagtitiwala ko sa Diyos?

Sinabi ni Pangulong Henry B. Eyring, Unang Tagapayo sa Unang Panguluhan:

17:38

Ang pagtitiwalang iyon ay bunga ng pagkakakilala sa Diyos. Kumpara sa iba pang mga tao sa mundo, nadama natin, sa pamamagitan ng maluwalhating Pagpapanumbalik ng ebanghelyo, ang kapayapaang iniaalok ng Panginoon sa Kanyang mga tao sa mga salitang “Kayo ay magsitigil at kilalanin ninyo na ako ang Dios” [Mga Awit 46:10]. Puno ng pasasalamat ang puso ko sa mga inihayag ng Diyos tungkol sa Kanyang Sarili para magtiwala tayo sa Kanya. (“Magtiwala sa Diyos, Pagkatapos ay Humayo at Gumawa,” Liahona, Nob. 2010, 72)

Itinuro ni Sister Bonnie H. Cordon, dating Pangalawang Tagapayo sa Primary General Presidency:

Magmumungkahi ako ng tatlong bagay na magdaragdag sa ating kaalaman at tiwala sa Tagapagligtas. …

Una, makikilala natin ang Panginoon at magtitiwala tayo sa Kanya kapag tayo ay “[nagpakabusog] sa mga salita ni Cristo; sapagkat masdan, ang mga salita ni Cristo ang magsasabi sa inyo ng lahat ng bagay na dapat ninyong gawin” [2 Nephi 32:3]. …

Pangalawa, makikilala natin ang Panginoon at magtitiwala tayo sa Kanya sa pamamagitan ng panalangin. Isang malaking pagpapala ang makapagdasal sa ating Diyos! “Manalangin sa Ama nang buong lakas ng puso” [Moroni 7:48]. …

Pangatlo, makikilala natin ang Panginoon at magtitiwala tayo sa Kanya kapag naglingkod tayo sa iba. (“Tumiwala Ka sa Panginoon at Huwag Kang Manalig sa Iyong Sariling Kaunawaan,” Liahona, Mayo 2017, 6–7)

Paano ko maipapakita ang pagtitiwala ko sa Diyos?

Sinabi ni Elder Ahmad S. Corbitt ng Pitumpu:

Nang sumapi ako sa Simbahan noong tinedyer ako, nagpasiya akong ibigay ang aking buhay, panahon, at puso sa Panginoon. Bagama’t medyo nakakatakot ang gayong uri ng permanenteng katapatan, alam kong tama iyon. Nadama ko na iyon ang nais ipagawa sa akin ng aking Ama sa Langit, at nagkaroon ako ng kapayapaan sa paggawa nito. Masayang-masaya ako na pinili kong magtiwala sa Diyos at hayaan Siyang manaig sa aking buhay. Natitiyak ko na kung umasa ako sa sarili kong pang-unawa, hindi magiging ganito kasaya, kaligaya, at kapayapa ang buhay ko. (“Magtiwala sa Panginoon,” Liahona, Ene. 2022, 15)

Mga Karagdagang Aktibidad sa Pag-aaral

Pagtatamo ng espirituwal na kaalaman: Kumilos nang may pananampalataya

Sa halip na gamitin ang handout na ibinigay sa lesson, maaari kang gumawa ng karanasan sa pagkatuto na makatutulong sa mga estudyante na maunawaan ang alituntunin ng pagkilos nang may pananampalataya kay Cristo sa doctrinal mastery sa pamamagitan ng pag-aaral ng tungkol kay Haring Hezekias. Sabihin sa mga estudyante na rebyuhin ang talata 5–7 sa “Pagtatamo ng Espirituwal na Kaalaman,” na matatagpuan sa Doctrinal Mastery Core Document. Pagkatapos ay anyayahan ang mga estudyante na pag-aralan ang 2 Mga Hari 19:1–7; 14–20; at 2 Cronica 32:7–8, at alamin kung paano kumilos nang may pananampalataya si Hezekias at ang kanyang mga tao. Maaaring magbahagi ang mga estudyante ng mga partikular na parirala sa Core Document na naglalarawan sa ginawa ni Hezekias at ng kanyang mga tao. Tulungan ang mga estudyante na gumawa ng mga koneksyon sa kung paano kumilos si Hezekias nang may pananampalataya at sa kung paano sila makakakilos nang may pananampalataya kay Cristo sa sarili nilang mga kalagayan.

Pagpapatatag ng ating mga pundasyon ngayon para sa mga unos na darating sa hinaharap

Maaari mong gamitin ang salaysay tungkol sa paghahari ni Haring Hezekias sa 2 Cronica 29–31 upang ilarawan kung paano naihanda si Haring Hezekias at ang kanyang mga tao ng kanyang mga matwid na pagkilos na magtiwala sa Diyos nang salakayin ng mga taga-Asiria ang Kaharian ng Juda.

Maaari mong anyayahan ang mga estudyante na basahin ang Helaman 5:12, at alamin kung bakit dapat nating itayo ang ating pundasyon kay Cristo.

Maaari mong ipakita ang mga sumusunod na scripture passage at anyayahan ang mga estudyante na pumili ng dalawang babasahin, at alamin ang mabubuting ipinagawa ni Haring Hezekias sa kanyang mga tao upang magtiwala sa Diyos. Maaari nilang isulat sa pisara ang nalaman nila.

2 Cronica 29:10
2 Cronica 29:20–21
2 Cronica 30:5–6
2 Cronica 30:8–9
2 Cronica 31:20–21

Pagkatapos magsulat ng mga estudyante, maaari mong hilingin sa kanila na ibahagi kung paano sila naihanda ng kanilang palagiang paggawa nang may pananampalataya na magtiwala sa Diyos sa panahon ng pagsubok.