Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 51–52: “Makinig Ka sa Akin”

“Isaias 51–52: ‘Makinig Ka sa Akin,’” Manwal ng Guro ng Seminary para sa Lumang Tipan (2026)

“Isaias 51–52: ‘Makinig Ka sa Akin,’” Manwal ng Guro ng Seminary para sa Lumang Tipan

Isaias 50–57: Lesson 123

Isaias 51–52

“Makinig Ka sa Akin”

Jesus Christ reaching out his hand near water outdoors, closeup

Sa pamamagitan ni Isaias, kinausap ng Panginoon ang Kanyang mga pinagtipanang tao, kapwa sa sinaunang panahon at sa panahon ngayon. Nagbigay Siya ng magagandang pangako sa kanila kung pipiliin nilang makinig sa Kanyang mapagmahal na mga paanyaya. Bilang Kanyang mga pinagtipanang tao, ibinibigay ng Panginoon ang parehong mga pangako at paanyayang ito sa atin. Ang lesson na ito ay makatutulong sa mga estudyante na makinig sa mga paanyaya ng Tagapagligtas.

Paghahanda ng estudyante: Anyayahan ang mga estudyante na pagnilayan kung kailan sila o ang isang kakilala nila ay sumunod sa isa sa mga paanyaya o utos ng Panginoon at pinagpala sila. Ang lesson ay magbibigay sa mga handang estudyante ng pagkakataong magbahagi.

Mga Posibleng Aktibidad sa Pag-aaral

Sino ang iyong pinapakinggan?

Maaari mong ilista sa pisara ang mga indibiduwal na binanggit sa ibaba o ang iba na sa tingin mo ay nakakaimpluwensya sa mga tinedyer.

Magulang, Kaibigan, Guro, Coach, Social Media Influencer, Kilalang Tao

Kaninong payo ang sa palagay mo ang pinakamalamang na pakikinggan at susundin ng mga tinedyer? Bakit?
Bakit mahalaga kung sino ang ating pinakikinggan at sinusunod?

Habang binabasa ng mga estudyante ang mga sumusunod na talata, maaari mong ipaliwanag na madalas inuulit ng mga manunulat sa mga banal na kasulatan ang mahahalagang salita at ideya para bigyang-diin ang mahahalagang ideya. Ang iyong mga estudyante ay maaaring magsanay na maghanap ng mga nauulit na mahalagang salita at parirala sa mga sumusunod na talata.

Basahin ang Isaias 51:1, 4, 7, at alamin ang ipinayo ng Panginoon tungkol sa kung sino ang pakikinggan at susundin ng Kanyang mga pinagtipanang tao. Maaari mong markahan ang malalaman mo.

Anyayahan ang mga estudyante na ibahagi ang nalaman nila. Kung kailangan ng mga estudyante ng tulong na maunawaan ang salitang makinig, maaari mong ipaliwanag na itinuro ni Pangulong Russell M. Nelson na ang ibig sabihin ng makinig ay “makinig nang may layuning sumunod“ (“Pakinggan Siya,“ Liahona, Mayo 2020, 89).

Bakit maaaring mas gustong pakinggan at sundin ng isang tao ang payo ng Tagapagligtas kaysa sa sinuman?

Pag-isipan ang anumang hamon, alalahanin, o tanong na maaaring mayroon ka sa iyong buhay ngayon. Isipin ang mga paraan kung saan maaari kang makinabang sa pakikinig sa payo at mga paanyaya ng Tagapagligtas habang pinag-aaralan mo ang Isaias 51–52.

“Makinig Ka sa akin”

Basahin ang Isaias 51:1–2, at alamin ang mga larawan at simbolo na ginamit ni Isaias para ilarawan ang paanyaya mula sa Panginoon.

Anyayahan ang mga estudyante na ibahagi ang nalaman nila at kung ano sa palagay nila ang ibig sabihin ng mga larawang ito.

Ipaliwanag na ang mga pariralang “tumingin kayo sa malaking bato na inyong pinagtapyasan” at tingnan ninyo sina Abraham at Sara (Isaias 51:1–2) ay tumutukoy sa paanyaya ng Panginoon na alalahanin sina Abraham at Sara, na kung kanino ay nakipagtipan ang Diyos (tinatawag ding tipang Abraham). Ipinahihiwatig nito na dapat nating alalahanin na tuparin ang parehong tipang ito sa Diyos.

Maaari mong anyayahan ang mga estudyante na isulat sa kanilang study journal ang sumusunod na hindi kumpletong pahayag: Kapag tinupad natin ang ating mga tipan sa Panginoon, tayo ay …

Ano ang ibig sabihin sa inyo ng tuparin ang ating mga tipan sa Panginoon?

Basahin ang Isaias 51:3, at alamin ang mga pagpapalang ipinangako ng Tagapagligtas kung makikinig tayo sa Kanya upang matupad ang ating mga tipan.

Ano ang nalaman ninyo?

Maaaring idagdag ng mga estudyante ang … pagpapalain Niya ng kapanatagan, kagalakan, at kasayahan sa hindi kumpletong pahayag.
Sa palagay ninyo, paano nakatutulong sa atin ang pagtupad sa ating mga tipan sa Panginoon na matanggap ang Kanyang kaaliwan o kapanatagan, kagalakan, o kasayahan?

Mga paanyaya at pagpapala

Gawin o ipakita ang sumusunod na chart sa pisara. Maaari din itong kopyahin ng mga estudyante sa kanilang study journal. Bilang halimbawa, maaari mong idagdag ang natuklasan ng mga estudyante sa Isaias 51:1–3. Halimbawa, maaari mong idagdag sa kanang column ang “tuparin ang ating mga tipan sa Panginoon“ at “pagpapalain kami ng kapanatagan, kagalakan, at kasayahan“ sa kanang column.

Nagtala si Isaias ng maraming paanyaya at pangako mula sa Panginoon sa Isaias 51–52. Isulat sa inyong study journal ang mga paanyaya at pangakong makikita ninyo habang pinag-aaralan ninyo ang mga kabanatang ito.

Ang mga Paanyaya ng Panginoon sa Kanyang mga pinagtipanang tao	Ang mga Pangako ng Panginoon sa Kanyang mga pinagtipanang tao
Ang mga Paanyaya ng Panginoon sa Kanyang mga pinagtipanang tao	Ang mga Pangako ng Panginoon sa Kanyang mga pinagtipanang tao

Ano ang itinuturo sa inyo ng mga paanyayang ito tungkol sa ibig sabihin ng pagtupad sa inyong mga tipan?
Alin sa mga pagpapala ng Panginoon ang talagang gusto ninyo? Bakit?
Alin sa mga paanyaya ng Panginoon ang sa tingin ninyo ay makatutulong sa inyo na matanggap ang pagpapalang hinahanap ninyo?

Pakikinig sa Panginoon

Anyayahan ang mga estudyante na isipin kung ano ang natutuhan nila mula sa kanilang Ama sa Langit sa pamamagitan ng Espiritu Santo sa oras ng lesson. Ang sumusunod ay isang paraan kung paano mo ito magagawa.

Pagnilayan kung ano ang natutuhan ninyo ngayon at ang anumang paanyaya o payo na nadama ninyong ibinigay sa inyo ng Ama sa Langit at ni Jesucristo sa pamamagitan ng Espiritu Santo. Sa inyong study journal, maaari ninyong sagutin ang sumusunod na tanong:

Ano sa palagay mo ang ipinagagawa sa iyo ng Panginoon para matanggap ang Kanyang tulong sa iyong mga hamon, alalahanin, o tanong?

Isaias 51:3, 12. Ano ang mga paraan kung paano tayo mapapanatag ng Tagapagligtas?

Itinuro ni Elder Ulisses Soares ng Korum ng Labindalawang Apostol:

11:10

Dagdag pa sa paglalaan ng dakilang kaloob na kaligtasan, nag-aalok sa atin ang Tagapagligtas ng kaginhawahan at kapanatagan habang hinaharap natin ang ating mga paghihirap, tukso, at kahinaan sa buhay na ito. … Matitiyak ko sa inyo na palaging nababatid ni Cristo ang mga pagsubok na nararanasan natin sa buhay na ito. Kanyang nauunawaan ang lahat ng kapaitan, pagdurusa, at pisikal na sakit gayundin ang mga emosyonal at espirituwal na hamon na kinakaharap natin. Ang mga sisidlan ng Tagapagligtas ay puspos ng awa, at palagi Siyang handang tulungan tayo. Posible ito dahil personal Niyang naranasan at inako sa Kanyang Sarili noong nabubuhay Siya sa mundo ang hapdi ng ating kahinaan at mga sakit. (“Jesucristo: Ang Tagapag-alaga ng Ating Kaluluwa,” Liahona, Mayo 2021, 83)

Isaias 52:7. Sino ang tinutukoy ng pariralang “napakaganda sa mga bundok ang mga paa niyong nagdadala ng mabuting balita, na naghahayag ng kapayapaan”?

Ipinaliwanag ni Pangulong Jeffrey R. Holland ng Korum ng Labindalawang Apostol:

Sa huli ay si Cristo ang siyang maganda sa bundok. At ang Kanyang maawaing pangako ng “kapayapaan sa daigdig na ito,“ ang Kanyang mabuting balita tungkol sa “buhay na walang hanggan sa daigdig na darating“ [D&T 59:23] ang magiging sanhi ng pagpapatirapa natin sa Kanyang mga paa at tatawagin ang Kanyang pangalan na pinagpala at magpapasalamat sa Kanya para sa pagpapanumbalik ng Kanyang totoo at buhay na Simbahan. (“Peaceable Things of the Kingdom,” Ensign, Nob. 1996, 82)

Mga Karagdagang Aktibidad sa Pag-aaral

Karagdagang aktibidad para sa handout

Kung gusto mong magdagdag ng isa pang aktibidad sa handout, pag-isipang isama ang sumusunod:

Basahin ang Isaias 51:15–16, at alamin ang mga pagpapalang ipinangako ng Panginoon sa Kanyang mga tao.

Upang matulungan kang maunawaan ang pariralang “Inilagay ko ang aking mga salita sa bibig mo“ (Isaias 51:16), basahin ang Doktrina at mga Tipan 100:5–8, at maghanap ng katulad na pangako na ibinigay ng Panginoon kina Joseph Smith at Sidney Rigdon.

Upang matulungan kang maunawaan ang pariralang “tinakpan kita sa lilim ng aking kamay,“ (Isaias 51:16), pag-isipan kung para saan ang pagprotekta ng lilim at panakip.

Anong mga pangako ang nalaman mo?
Ano ang itinuturo sa iyo ng mga pangakong ito tungkol sa Panginoon at ano ang ginagawa Niya para sa Kanyang mga tao na tumutupad sa kanilang mga tipan sa Kanya?

“Gumising ka, gumising ka“ (Isaias 51:9, 17; 52:1)

Upang matulungan ang mga estudyante na pag-aralan ang mga talatang ito, maaari kang magpakita ng alarm clock at itanong sa mga estudyante kung gumagamit sila ng alarm para magising. Kung oo, tanungin sila kung gaano kaepektibo ang kanilang alarm para magising sila.

Ano sa palagay mo ang ibig sabihin ng pagiging tulog sa espirituwal?

Ipaliwanag na sa Isaias 51:9–10, isinulat ni Isaias na sa pakiwari ng mga Israelita ay tulog o walang pakialam ang Panginoon sa kanilang mga problema at pagsubok. Nagsumamo sila na Siya ay gumising at tulungan sila tulad ng Kanyang ginawa noon. Maaari mong itanong sa mga estudyante kung nadama ba nila ang katulad ng nadama ng mga Israelita.

Pagkatapos ay maaari mong anyayahan ang mga estudyante na basahin ang Isaias 51:11–16, at alamin ang tugon ng Panginoon sa pagsamo ng mga Israelita.

Ano ang sinabi ng Panginoon para ipaalala sa kanila kung sino Siya at kung ano ang magagawa Niya?

Pagkatapos ay maaaring basahin ng mga estudyante ang Isaias 51:17, at alamin kung sino ang tulog sa espirituwal ayon sa Panginoon. Pagkatapos ay maaari nilang pag-aralan ang Isaias 52, at alamin ang mga paanyaya ng Panginoon sa atin para tulungan tayong magising sa espirituwal.

“Magsaya, at itaas ang inyong mga ulo magpakailanman“ (2 Nephi 9:3)

Maaari mong piliing pagtuunan ng pansin kung bakit pinili ni Jacob na isama ang mga kabanatang ito sa kanyang sermon sa mga Nephita sa Aklat ni Mormon (tingnan sa 2 Nephi 8). Anyayahan ang mga estudyante na basahin ang 2 Nephi 9:3, at alamin ang isa sa mga dahilan na ibinigay ni Jacob. Anyayahan ang mga estudyante na pag-aralan ang Isaias 51–52, at alamin ang mga pariralang makatutulong sa isang tao na itaas ang kanilang mga ulo at magsaya.

Kapag tila hindi dumarating ang mga pagpapala

Upang matulungan ang mga estudyante na piliing patuloy na makinig sa mga paanyaya ng Panginoon kapag hindi nila nakikita ang Kanyang mga pagpapala, maaari mong ipanood ang video na “No Blessings Denied the Faithful“ (3:01). Pagkatapos, maaaring ibahagi ng mga estudyante ang natutuhan o nadama nila.

3:2