Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 53: “Pinasan ni Jesucristo ang ating mga karamdaman, at dinala ang ating mga kalungkutan“

“Isaias 53: ‘Pinasan ni Jesucristo ang ating mga karamdaman, at dinala ang ating mga kalungkutan,’” Manwal ng Guro ng Seminary para sa Lumang Tipan (2026)

“Isaias 53: ‘Pinasan ni Jesucristo ang ating mga karamdaman, at dinala ang ating mga kalungkutan,’” Manwal ng Guro ng Seminary para sa Lumang Tipan

Isaias 50–57: Lesson 124

Isaias 53

“Pinasan [ni Jesucristo] ang ating mga karamdaman, at dinala ang ating mga kalungkutan“

Jesus Christ Carries His Cross through the streets on His way to be crucified on Calvary Hill. An angel shows this experience to Nephi after he inquires about Lehi's vision.

Ang ating mga mortal na paghihirap ay maaaring magpaisip sa atin kung may nakauunawa sa ating nararanasan at kung may makatutulong sa atin. Sa pamamagitan ng Kanyang nagbabayad-salang sakripisyo, nadama ni Jesucristo ang lahat ng maaari nating maranasan sa mortalidad. Dahil sa Kanyang Pagbabayad-sala, matutulungan tayo ni Jesucristo sa ating pagdurusa. Ang lesson na ito ay makatutulong sa mga estudyante na makadama ng pasasalamat sa nagawa ng Tagapagligtas para sa kanila sa pamamagitan ng Kanyang Pagbabayad-sala.

Paghahanda ng estudyante: Anyayahan ang mga estudyante na sikaping isaulo ang doctrinal mastery reference na Isaias 53:3–5 at ang mahalagang parirala ng banal na kasulatan na “Tunay na pinasan [ni Jesucristo] ang ating mga karamdaman, at dinala ang ating mga kalungkutan.“

Mga Posibleng Aktibidad sa Pag-aaral

Mga karanasan sa buhay

Upang matulungan ang mga estudyante na isaalang-alang ang naranasan ni Jesucristo para sa kanila bilang bahagi ng Kanyang Pagbabayad-sala, maaari mong isulat sa pisara ang “Walang nakakaalam ng pinagdaraanan ko. Walang nakakaunawa.”

Ano ang ilang karanasan ng mga tao na maaaring maging dahilan para mag-isip sila nang ganito?

Maaari mong isulat sa pisara ang mga sagot ng mga estudyante. Bigyan ng oras ang ilang estudyante para magbahagi.

Pagkatapos ay ipakita ang sumusunod na prompt at mga tanong.

Pag-isipan ang iyong mga sagot sa mga sumusunod na tanong:

Ano ang mga naranasan ko o maaaring nararanasan ko na maaaring maging dahilan para mag-isip ako nang ganito?
Ano ang gagawin ko kapag ganito ang nadama ko? Bakit?

Hikayatin ang mga estudyante na anyayahan ang Espiritu Santo sa kanilang pag-aaral habang natututuhan nila ang tungkol sa naranasan ng Tagapagligtas at kung paano Niya sila matutulungan.

Ang Pagbabayad-sala ng Tagapagligtas

Sa pamamagitan ng Kanyang Pagbabayad-sala, lubos na alam at nauunawaan ni Jesucristo ang ating mga karanasan sa buhay. Sa Isaias 53, itinuro ng propetang si Isaias ang tungkol sa nagbabayad-salang sakripisyo ni Jesucristo.

Ang Isaias 53:3–5 ay isang doctrinal mastery passage. Maaari mong anyayahan ang mga estudyante na markahan ang mga doctrinal mastery passage sa natatanging paraan upang madali nilang mahanap ang mga ito.

Ang mga estudyante ay makatatanggap ng kapanatagan at mapapalalim ang kanilang ugnayan sa Ama sa Langit at kay Jesucristo sa pamamagitan ng personal na pag-aaral ng Isaias 53. Ang sumusunod na aktibidad ay isang paraan kung paano mo mahihikayat ang mga estudyante na pag-aralan ang Isaias 53.

Basahin ang Isaias 53:1–12 at Alma 7:11–13, at alamin ang sumusunod:

Ang naranasan ng Tagapagligtas bilang bahagi ng Kanyang Pagbabayad-sala, at
Ang magagawa ng Tagapagligtas para sa akin dahil sa Kanyang Pagbabayad-sala.

Maaari kang gumawa ng dalawang column sa isang blangkong pahina sa iyong study journal upang isulat ang iyong malalaman.

Ang naranasan ng Tagapagligtas	Ang magagawa ng Tagapagligtas para sa akin

Pagkatapos bigyan ng sapat na oras ang mga estudyante para mag-aral, hatiin sila sa maliliit na grupo. Anyayahan silang talakayin at ibuod ang natutuhan nila mula sa kanilang pag-aaral. Maaaring ibahagi sa klase ng ilang grupo ang kanilang mga buod. Maaaring matukoy ng mga estudyante ang mga katotohanang tulad ng:

Bilang bahagi ng Kanyang Pagbabayad-sala, dinala ni Jesucristo sa Kanyang sarili ang ating mga kalungkutan, sakit, karamdaman, paghihirap, at dalamhati, at nagdusa para sa ating mga kasalanan.
Sa pamamagitan ni Jesucristo at ng Kanyang Pagbabayad-sala, mapapatawad at mapapagaling tayo.

Ang Pagbabayad-sala ng Tagapagligtas ay para sa akin

Basahing muli ang Isaias 53:3–6 nang tahimik at nang mag-isa, ngunit sa pagkakataong ito, ipalit ang iyong pangalan, ako, o akin sa mga salitang atin, kami, at tayo.

Ano ang natutuhan mo o ano ang napansin mo na hindi mo napansin noon sa pamamagitan personal na pag-aangkop ng mga talatang ito?

Kung makikinabang ang mga estudyante sa karagdagang pag-aaral tungkol sa kung paano personal na naranasan ng Tagapagligtas ang ating pagdurusa bilang bahagi ng Kanyang Pagbabayad-sala, maaari mo ring sabihin sa mga estudyante na pag-aralan ang sumusunod na pahayag ni Elder Bednar. Maaari mong ipakita ang pahayag ni Elder Bednar at anyayahan ang mga estudyante na maghanap ng mga salita o parirala sa pahayag na makatutulong sa kanila na maunawaan ang Tagapagligtas at ang Kanyang Pagbabayad-sala.

Itinuro ni Elder David A. Bednar ng Korum ng Labindalawang Apostol kung paano naging lubos na personal ang sakripisyo ng Tagapagligtas:

16:23

Walang sakit ng katawan, walang espirituwal na sugat, walang paghihirap ng kaluluwa o sakit ng kalooban, walang karamdaman o kahinaan na nararanasan natin sa buhay na ito na hindi muna naranasan ng Tagapagligtas. Sa sandali ng kahinaan maaari nating ibulalas, “Walang nakakaalam ng pinagdaraanan ko. Walang nakakaunawa.” Ngunit lubos itong nalalaman at nauunawaan ng Anak ng Diyos, dahil naranasan at pinasan na Niya ang mga pasanin ng bawat isa sa atin. At dahil sa Kanyang walang-katapusan at walang-hanggang sakripisyo (tingnan sa Alma 34:14), ganap ang Kanyang pagdamay at maiuunat Niya sa atin ang Kanyang bisig ng awa. Maaabot, maaantig, matutulungan, mapapagaling, at mapapalakas Niya tayo nang higit kaysa makakaya natin at matutulungan Niya tayong gawin ang hinding-hindi natin makakayang gawing mag-isa. (“Mabata Nila ang Kanilang mga Pasanin nang May Kagaanan,” Liahona, Mayo 2014, 90)

Ano ang sasabihin mo sa isang taong nakakaramdam na walang nakakaunawa sa kanyang pinagdaraanan? Subukang gamitin ang mga salita o parirala mula sa Isaias 53, Alma 7:11–13, at ang pahayag ni Elder Bednar.

Pagninilay tungkol sa Pagbabayad-sala ng Tagapagligtas

Ang mga sumusunod na tanong ay makatutulong sa mga estudyante na pagnilayan ang kanilang pasasalamat para sa Pagbabayad-sala ng Tagapagligtas. Tulungan ang mga estudyante na tumugon sa mga tanong sa pamamagitan ng pagbibigay sa kanila ng ilang minuto upang pagnilayan o isulat ang kanilang mga sagot.

Ang pagbibigay ng oras sa mga estudyante na mag-isip ay makatutulong sa kanila na pagnilayan ang kanilang ugnayan kay Jesucristo. Maaari kang magpatugtog ng tahimik at sagradong musika habang pinagninilayan o isinusulat ng mga estudyante ang kanilang mga saloobin.

Gamit ang natutuhan mo ngayon tungkol sa Tagapagligtas at sa Kanyang Pagbabayad-sala, paano mo sasagutin ang mga sumusunod na tanong:

Bakit si Jesucristo ang pinakanaaangkop na taong lalapitan kapag nakararanas ka ng kalungkutan, dalamhati, o sakit?
Paano mo nadama o ng isang taong kakilala mo ang pagpapanatag ng Tagapagligtas habang dumaranas ng kalungkutan, dalamhati, o sakit?

Isaulo

Maaari mong tulungan ang mga estudyante na isaulo ang doctrinal mastery reference at mahalagang parirala ng banal na kasulatan sa lesson na ito at rebyuhin ang mga ito sa mga lesson sa hinaharap. Ang mahalagang parirala ng banal na kasulatan para sa Isaiah 53:3–5 ay “Tunay na pinasan [ni Jesucristo] ang ating mga karamdaman, at dinala ang ating mga kalungkutan.“ Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”

Karagdagang Resources

Paano ako matutulungan ni Jesucristo?

Nagpatotoo si Elder Ulisses Soares ng Korum ng Labindalawang Apostol:

11:10

Nag-aalok sa atin ang Tagapagligtas ng kaginhawahan at kapanatagan habang hinaharap natin ang ating mga paghihirap, tukso, at kahinaan sa buhay na ito. …

Matitiyak ko sa inyo na palaging nababatid ni Cristo ang mga pagsubok na nararanasan natin sa buhay na ito. Kanyang nauunawaan ang lahat ng kapaitan, pagdurusa, at pisikal na sakit gayundin ang mga emosyonal at espirituwal na hamon na kinakaharap natin. Ang mga sisidlan ng Tagapagligtas ay puspos ng awa, at palagi Siyang handang tulungan tayo. Posible ito dahil personal Niyang naranasan at inako sa Kanyang Sarili noong nabubuhay Siya sa mundo ang hapdi ng ating kahinaan at mga sakit.

Nang may kaamuan at mapagpakumbabang puso, Siya ay nagpakababa sa lahat ng bagay at tinanggap ang panghahamak, pananakwil, at pamamahiya ng mga tao, nasugatan para sa ating mga paglabag at kasalanan. Nagdusa Siya ng mga bagay na ito para sa lahat, dinadala sa Kanyang sarili ang mga kasalanan ng sanlibutan. … (“Jesucristo: Ang Tagapag-alaga ng Ating Kaluluwa,” Liahona, Mayo 2021, 83–84)

Ano ang magagawa ko kapag iniisip ko kung bakit napakahirap ng buhay?

Ipinaliwanag ni Sister Michelle D. Craig, dating miyembro ng Young Women General Presidency:

11:16

Kapag may hamon sa inyong pananampalataya, sa inyong pamilya, o sa inyong kinabukasan—kapag nagtataka kayo kung bakit napakahirap ng buhay samantalang ginagawa ninyo ang lahat para ipamuhay ang ebanghelyo—alalahanin na sinabi sa atin ng Panginoon na asahan ang mga problema. Ang mga problema ay bahagi ng plano at hindi nangangahulugan na pinabayaan na kayo; bahagi iyon ng kahulugan ng maging Kanya. Tutal naman, Siya ay “isang taong nagdurusa, at sanay sa kalungkutan”(Isaias 53:3). (“Buong Puso,” Liahona, Nob. 2022, 60)

Isaias 53:2. Ano ang matututuhan ko tungkol sa Tagapagligtas mula sa mga pariralang “sariwang pananim“ at “walang anyo o kagandahan man“?

Itinuro ni Pangulong Joseph Fielding Smith (1876–1972):

Hindi ba lumaki si Cristo bilang isang sariwang pananim? Wala siyang anumang panlabas na katangian na partikular na mapapansin ng mga tao. Sa hitsura ay katulad siya ng tao; at kaya nga sinabi rito ng propeta na siya ay walang anyo o kagandahan man, ibig sabihin, wala siyang kagandahang makatawag-pansin, na naiiba sa mga tao para makilala nila siya bilang Anak ng Diyos. Makikita siya bilang isang mortal na tao. (Doctrines of Salvation, comp. Bruce R. McConkie [1954], 1:23)

Mga Karagdagang Aktibidad sa Pag-aaral

Isaias 53:10: “Kanyang supling“

Ipinropesiya ni Isaias na “gagawin [ni Jesucristo] ang kanyang kaluluwa bilang handog pangkasalanan“ at “makikita niya ang kanyang supling“ (Isaias 53:10). Upang matulungan ang mga estudyante na maunawaan kung ano ang ibig sabihin ng pagiging Kanyang supling, ipaliwanag na ang ibig sabihin ng “supling“ ay “mga anak.“ Maaari mong hatiin ang mga sumusunod na reference sa mga estudyante at anyayahan silang alamin kung sino ang binhi ng Tagapagligtas at kung anong mga pagpapala ang naghihintay sa kanila:

Mga Awit 25:13
Mga Awit 89:29
Mosias 5:7
Mosias 15:10–14
Mosias 27:25

Karagdagang tulong sa pag-unawa sa Isaias 53:3–5

Para matulungan ang mga estudyante sa pag-aaral nila ng Isaias 53:3–5, maaari mo silang anyayahan na hanapin ang artikulong “Ang Nagdurusang Tagapagligtas“ sa magasin na Para sa Lakas ng mga Kabataan noong Abril 2022.

Mga patotoo na personal na nalalaman ng Tagapagligtas ang ating mga paghihirap

Para matulungan ang mga estudyante na maunawaan na personal na nalalaman ng Tagapagligtas ang mga paghihirap na nararanasan natin sa mortalidad, maaari mong ibahagi ang isa sa mga sumusunod na video. Ang mga video na ito ay maaaring gamitin kasama ng, o bilang kapalit ng, pahayag ni Elder Soares sa lesson. Maaari mong anyayahan ang mga estudyante na ibahagi ang isa sa mga video na ito sa isang taong kilala nila na may pinagdaraanang pagsubok.

Sa video na “The Savior Understands Me“ mula sa time code na 1:45 hanggang 3:37, ibinahagi ni Pangulong Jeffrey R. Holland ng Korum ng Labindalawa ang kanyang patotoo na nauunawaan tayo ng Tagapagligtas.

3:37

Sa video na “The Wounded Shall Be Healed“ (5:46), ibinahagi ni Elder Neil L. Andersen ng Korum ng Labindalawa kung paano pinagagaling ng Tagapagligtas ang ating mga sugat.

5:45