Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 54: “Би … агуу өршөөл энэрлээр чамайг цуглуулна”

“Исаиа 54: ‘Би … агуу өршөөл энэрлээр чамайг цуглуулна’” Хуучин гэрээний семинарын багшийн гарын авлага (2026)

“Исаиа 54: ‘Би … агуу өршөөл энэрлээр чамайг цуглуулна,’” Хуучин Гэрээний семинарын багшийн гарын авлага

Хичээл 125: Исаиа 50–57

Исаиа 54

“Би … агуу өршөөл энэрлээр чамайг цуглуулна”

Заримдаа хүмүүст хаягдаж, ганцаардсан мэт мэдрэмж төрж болно. Заримдаа хүмүүс Бурханыг тэдний төлөө биш гэж боддог байж болох юм. Израилын угсаа Еховатай байгуулсан гэрээгээ зөрчсөн учраас тарж бутарчээ. Бурхан өөрсдийг нь орхисон юм шиг л тэдэнд санагдсан байж болох юм. Гэсэн хэдий ч, Их Эзэн гэрээт хүмүүсээ агуу өршөөл энэрлээр цуглуулж, амар амгаланг өгөх болно хэмээн тэр үед ч, эдүгээ ч бошиглогч Исаиагаар дамжуулан тэдэнд сануулсан. Энэ хичээл суралцагчдыг Аврагчийн өөрсдөд нь өгсөн хайр, амлалтыг мэдрэхэд нь туслах болно.

Суралцагчийн бэлтгэл: Исаиа 54-ийг уншуулж, ганцаардсан эсвэл орхигдсон мэт санагдсан хэн нэгэнтэй хуваалцах үг, хэллэгийг олуул.

Боломжит суралцах үйл ажиллагаа

Орхигдсон мэт санагдах

Дараах жишээгээр хичээлийг эхлүүлэхийг бод. Суралцагчид энэ нөхцөл байдлын нэг хувилбарыг сонгон, нэг нэгээрээ эсвэл бүхэл бүтэн ангиараа үүн дээр төвлөрч болно. Суралцагчид хичээлийн төгсгөлд сонгосон жишээндээ хариулах боломжтой болно.

Карлост ганцаардаж, хаягдсан мэт санагддаг. Учир нь …

Тэрээр нүгэл үйлдсэн бөгөөд хийсэн зүйлийнх нь төлөө Бурхан өөрийг нь уучилна гэдэгт итгэдэггүй.
Тэр саяхан шинэ газар луу нүүж ирсэн бөгөөд найз нөхөдтэй болоход хэцүү байна.
Түүнд залбиралдаа хариулт авч байгаа юм шиг санагддаггүй.

Та Карлост туслахын тулд юу гэж хэлэх байснаа эргэцүүлэн бод. Та түүнийг Есүс Христийн тухай юу мэдээсэй гэж хүсэх байснаа эргэцүүлэн бод.

Исаиа амьдралынхаа туршид Израилын Хойд хаант улс ёс бус байдлаасаа болж тарж бутрахыг харжээ (2 Хаад 17:6–23-ыг үзнэ үү). Тэрээр түүнчлэн Иудайн Өмнөд хаант улсын ёс бус байдлынхаа улмаас мөн эзлэгдэх болно хэмээн бошиглосон (Исаиа 39:5–7-г үзнэ үү). Үүнээс болоод Израилын угсаан дахь олон хүнд Бурхан тэднийг орхисон мэт санагдсан байж болох юм.

Исаиа 54-т Исаиа Их Эзэн гэрээт хүмүүсийнхээ төлөө юу хийх талаар бошиглосон. Аврагч хожмын өдрүүдэд Израилыг хэрхэн цуглуулахыг нифайчуудад заахдаа энэ бүлгийг ашигласан (3 Нифай 22-ыг үзнэ үү).

Исаиа 54-ийг судлахдаа Тэнгэрлэг Эцэг, Есүс Христ хоёр тантай харилцах харилцааныхаа талаар юу мэдэрдгийг мэдэхэд тань туслах Ариун Сүнсний өдөөлтүүдийг сонс.

Их Эзэний хүмүүстээ өгсөн амлалтууд

Исаиа бичээснүүддээ дүрслэл олонтоо ашигласан гэдгийг та суралцагчдад сануулж болно. Түүний оруулсан дүрслэлээс авсан сургамжийнхаа талаар бодохоо түр азнах нь Их Эзэний захиасыг эдгээр сударт заахад Ариун Сүнсийг урьж болно. Исаиа 54-т Исаиа Их Эзэн Израилын угсаатай ямар гэрээ байгуулсан тухай заахдаа гэрлэлтийн харилцааны дүрслэлийг ашиглажээ. Нөхөр нь Аврагчийг, эхнэр нь Израилын угсааг төлөөлдөг. Та дараагийн хэсэг шүлгүүдийг уншихдаа 1–4, 5–8, 9–10, 13, 17-р шүлгүүд зэрэг жижиг хэсгүүдэд хувааж болно. Уншиж байгаа зүйлээ илүү сайн ойлгоход суралцагчдад туслахын тулд та багц шүлэг бүрийн дараа түр зогсож, асуулт тавихад суралцагчдыг урьж болно.

Та эдгээр шүлгээс зарим үг хэллэгийн талаарх мэдээллийг Нэмэлт эх сурвалж хэсгээс олж болно.

Исаиа 54:1–10, 13, 17-г анхааралтай уншаад, Есүс Христийн гэрээт хүмүүстээ юу амласныг олж мэд.

Эхнэр, нөхрийн дүрслэл нь Их Эзэн Израилын угсаатай ямар харилцаатай байсан талаар та нарт юу зааж байна вэ?
5-р шүлэг дэх Аврагчийн нэр, цолууд Түүний талаар юу зааж байна вэ?

Та эдгээр шүлгээс утга учиртай үг, хэллэгүүдийг хуваалцаж, эдгээр нь Их Эзэний талаар юу зааж байгаа талаар ярилцах цагийг суралцагчдад гаргаж өгч болно. Суралцагчид энэ үйл ажиллагааг ангиараа эсвэл жижиг бүлгээр гүйцэтгэж болно.

Бидний Гэтэлгэгч Есүс Христ … гэж самбар дээр бичээд, Исаиа 54:4–10, 13, 17 дээрээс олж мэдсэн зүйлээ ашиглан, уг өгүүлбэрийг гүйцээхэд суралцагчдыг урь.
Бидний Гэтэлгэгч Есүс Христийн … гэсэн өгүүлбэрийг гүйцээх ямар ямар арга байна вэ?
Суралцагчид дараах олон аргаар өгүүлбэрийг гүйцээж болно:

Бидний Гэтэлгэгч Есүс Христ …
- хүмүүсээ нигүүлсэлд цуглуулна.
- Өөрийн хүмүүсийг гэх үүрдийн сайхан сэтгэлтэй.
- хүмүүстэйгээ байгуулсан гэрээгээ биелүүлнэ.
- амар амгаланг амладаг.
Суралцагчид судруудыг өөрсдийнх нь амьдралд хамаатай гэж үзсэнээр Аврагчийн сургаал өөрсдөд нь хэрхэн хамаатай болохыг илүү сайн ойлгодог. Дараах асуултууд эсвэл таны бодож байгаа бусад асуулт олж тогтоосон үнэний ач холбогдлын талаар ярилцахад тэдэнд тусалж чадна.
Эдгээр сургаалын аль нь өнөөгийн залуу үеийнхэнд хамгийн сайн тусалж чадна гэж та бодож байна вэ? Яагаад?

Эдгээр үнэний аль нь таны хувьд хамгийн их учир утгатай санагдсан бэ?

Есүс Христ өнөөдөр эдгээр амлалтыг хэрхэн биелүүлдэг гэж та бодож байна вэ?

Арван хоёр төлөөлөгчийн чуулгын ахлагч Жэффри Р.Холланд ийн гэрчилсэн.

Иеховагийн хэлсэнчлэн, “салхи шуурганд туугдсан, тайвширшгүй” дэлхийд Түүний нэрлэснээр “амар тайвны гэрээг” бид хэрхэн олох вэ? Бидэнд “үүрдийн найрсаг сэтгэлээр” нигүүлсэлтэй хандах болно, мөн хүүхдүүдэд маань амар амгаланг өгөх болно” хэмээн хэлсэн Түүнд хандсанаар бид үүнийг олдог. (“Ертөнцийн өгдгөөс өөрийг,” Ерөнхий чуулган, 2021 оны 4-р сар, 33-35)

Тэнгэрлэг Эцэг, Есүс Христ хоёр таны талаар юу гэж боддог талаар та юу олж мэдэж байна вэ?

Суралцахуйг харуулах

Дараах үйл ажиллагаа нь суралцагчдад Исаиа 54-ийг судалснаар Тэнгэрлэг Эцэг, Есүс Христ хоёрын талаар сурч мэдсэн, мэдэрсэн зүйлээ харуулахад туслах зорилготой. Ангийнхныхаа хэрэгцээнд хамгийн сайн нийцсэн хариу үйлдэл үзүүлэх арга барилыг сонго. Та нарын хийж болох зарим жишээнд нөхцөл байдлын талаар жүжигчилсэн тоглолт хийхэд суралцагчдыг урих, мессеж бичиж илгээх эсвэл Карлостой ярилцах зурвас зохиох зэрэг орно.

Карлост яагаад орхигдсон, ганцаардсан мэдрэмж төрснийг эргэн сана. Исаиа 54-т сурч мэдсэн зүйлээсээ түүнтэй юу хуваалцаж болохоо бодоорой. Түүнтэй хуваалцах хувийн туршлага танд байгаа юу?

Та Исаиа 54-ийг судалснаар Аврагчийн тухай юу санахыг хүсэж байна вэ?

Та Исаиа 54-ийг судлахдаа Аврагчийн тухай болон бодол санаа, мэдрэмжийнхээ талаар гэрчлэлээ хуваалцаж болно.

Нэмэлт эх сурвалжууд

Исаиа 54 дэх зарим үг, хэллэг ямар утгатай вэ?

Исаиа 54:3-т тэрээр Израилд тэднийг “чи өрнө ба дорно зүгт тэлж,” “эзгүйрсэн хотуудад нь суурьшина” гэж хэлсэн. Энэ нь цугларах олон хүнийг төлөөлж байгаа учраас “майхныхаа талбайг өргөтгөх” (Исаиа 54:2) хэрэгтэй.

Исаиа 54:9-д Их Эзэн дэлхийг дахин үерээр нөмрөхгүй гэсэн амлалтаа Израилд сануулсан (Эхлэл 9:15–17-г үзнэ үү). Үер зогсож, Их Эзэн дахин үер буулгахгүй гэж амласан шигээ Израилын угсаанд тэдний нүглүүдийн улмаас Их Эзэний уурлан хилэгнэж байсан нь мөнхөд үргэлжлэхгүй.

Исаиа 54:10-т уул толгодын дүрслэлийг ашигласан бөгөөд энэ нь мөнх орших газар гэж харагддаг. Их Эзэн Өөрийн нинжин сэтгэл, “[Өөрийн] амар амгалангийн гэрээ” нь уул толгодоос илүү мөнхийн юм хэмээн амласан.

Исаиа 54:2. Исаиагийн майхантай холбоотой дүрслэл юугаараа онцлог вэ?

Ерөнхий гарын авлага-д:

Исаиа хожмын үеийн Сионыг олон гадсаар бэхэлсэн майхан буюу асартай адилтган дүрсэлсэн (Исаиа 33:20; 54:2-ыг үзнэ үү). Өнөө үед Сүм гадас хэлбэрээр зохион байгуулагдсан байдаг. Гадас бүр хэд хэдэн тойргоос бүрддэг бөгөөд гадасны ерөнхийлөгч тэдгээрийг удирддаг. Их Эзэн Өөрийн хүмүүст “хамтдаа цуглах” мөн “батлан хамгаалалтын тулд” дэлхийгээс “хоргодох газар” байж болохын тулд гадаснуудыг байгуулдаг (Сургаал ба Гэрээ 115:6-г үзнэ үү). Гадасны гишүүд, удирдагчид Бурханы аврал, өргөмжлөлийн ажлыг гүйцэлдүүлэхээр хамтран ажилладаг (1.2-ыг үзнэ үү). (Ерөнхий гарын авлага: 6.1)

Их Эзэн гэрээт хүмүүсийнхээ талаар ямар бодолтой байдаг вэ?

Арван хоёр төлөөлөгчийн чуулгын ахлагч Жэффри Р.Холланд ийн гэрчилсэн.

Хэдийгээр үргүйдэл, заримдаа итгэлгүй байдал байсан ч нөхөр (Христ) өөрийн сүйт бүсгүйг (Израил) сэргээн босгож мөн гэтэлгэдэг. …

… Зарим тохиолдолд Христ Израилыг ухарч няцсанд нь үнэхээр уурладаг байсан ч энэ нь үргэлж богино хийгээд түр зуурын буюу ‘хором төдий’ байсан. Өрөвч сэтгэл болон нигүүлсэл хамгийн тайван арга замаар үргэлж ялан дийлдэг байв. Уулс хийгээд толгод алга болж болно. Агуу далайн ус хатаж болно. Энэ дэлхий дээр хамгийн санаанд багтамгүй зүйлс тохиолдож болох ч Их Эзэний сайхан сэтгэл, амар амгалан хэзээ ч Түүний гэрээт хүмүүсээс авагдахгүй. Тэрээр тэнгэрлэг тангаргаар тэдэнтэй мөнхөд хилэгнэхгүй хэмээн андгай тавьсан” (Christ and the New Covenant[1997], 290)

Есүс Христ биднийг Түүнийх гэдгийг хэрхэн харуулсан бэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн гэрчилсэн.

14:41

Эцэг, Хүү, Ариун Сүнстэй нэг байх нь нэг хэсэг нь байх мэдрэмжийн оргил цэг гэдэгт эргэлзэх хэрэггүй.

Ийнхүү нэгэн хэсэг нь байх сургаал бидний хүн бүрийн батлан хэлэх дараах зүйлс дээр тогтдог. Есүс Христ миний төлөө амиа өгсөн. Тэр намайг Өөрийн цусны дайтай үнэлсэн. Тэр намайг хайрладаг бөгөөд миний амьдралыг орвонгоор нь өөрчилж чадна. Наманчилснаар Түүний ач ивээл намайг өөрчлөх болно. Би сайн мэдээний гэрээнд Түүнтэй нэг. Би Түүний Сүм, хаант улсын нэгэн хэсэг бөгөөд Бурханы бүх хүүхдэд гэтэлгэлийг авчрах Түүний үйл хэргийн нэг хэсэг юм. (“Нэгэн хэсэг нь байх сургаал,” Лиахона, 2022 оны 11-р сар, 53-56)

Нэмэлт суралцах үйл ажиллагаа

“Майхныхаа талбайг өргөтгөн … гадсаа бөхлөгтүн” (Исаиа 54:2)

Энэ үйл ажиллагаа нь Исаиагийн майхны дүрслэлийг болон Сүм яагаад гадас болон зохион байгуулагдсаныг ойлгоход суралцагчдад тусална. Та ангидаа майхан авчраад, суралцагчдыг майхан босгоход эсвэл зургийг нь үзүүлэхэд урьж болно. Тэднээс майхны зорилгыг болон салхи, бороог тэсвэрлэхийн тулд үүнийг хэрхэн босгохыг тайлбарлахыг хүс.

Суралцагчдад майхны энэ зургийг үзүүлж, 2-р шүлгээс олж мэдсэн зүйлсээ ашиглан майхны өөр өөр хэсгийг нэрлүүл.

Исаиа 54:2-ыг уншаад, Исаиа майхны талаар юу заасныг олж мэд. Эдгээр шүлэг нь өнөө үеийн Аврагчийн Сүмтэй хэрхэн холбогдож байгааг ойлгоход нь суралцагчдад туслахын тулд дараах асуултуудын заримыг тавих талаар бодож үз.

Аврагчийн Сүм юугаараа майхантай адил гэж та бодож байна вэ?
Гадаснууд майханд хэрхэн тулгуур болдог вэ? Энэ нь Аврагчийн сэргээгдсэн Сүм дэх Сионы гадаснуудын үүргийн талаар бидэнд юу зааж чадах вэ?
Та майхан өргөтгөж буйг өнөө цаг үед ямар арга замаар олж хардаг вэ?

Нэмэлт эх сурвалжууд дахь гадасны тухай Ерөнхий Гарын авлага дээрх мэдэгдлийг хуваалцах талаар бодож үз. Та мөн Сургаал ба Гэрээ 115:6-г уншиж, Сионы гадаснууд амьдралын шуурганаас хэрхэн хамгаалалт, хоргодох газар болж байгааг ярилцаж болно. Та Моронай 10:31 эсвэл Сургаал ба Гэрээ 82:14-ийг уншиж болно; 133:9 мөн Их Эзэн биднээс Түүний Сүмийн гишүүдийн хувьд юу хийгээсэй гэж хүсдэг талаар ярилцаж болно.

Гэрээт Израилд өгсөн Их Эзэний амлалт

Исаиа 54:1–10, 13, 17-г уншихыг танилцуулахдаа та ерөнхийлөгч Рассэлл М.Нэлсоны дараах урилгыг хуваалцахыг хүсэж болно.

Таныг … судраас суралцахдаа Их Эзэн гэрээт Израилын төлөө юу хийхээр амласныг жагсаан бичихэд уриалж байна. Та нар гайхах болно! Тэдгээр амлалтын талаар тунгаан бодоорой. Энэ тухай гэр бүл, найз нөхөдтэйгөө ярилцаарай. Харин дараа нь амьдралд тань энэ амлалтууд хэрхэн биелэхийг хараарай. (“Бурхан ялах болтугай,” Ерөнхий чуулган, 2020 оны 10-р сар, 101-104).

Исаиа 54 дэх Израилтай гэрээ байгуулах Их Эзэний амлалтуудыг жагсаан бичихэд суралцагчдыг урь. Та эдгээр амлалт Их Эзэний талаар юу зааж байгааг мөн суралцагчид амьдралдаа тэдгээрийг хэрхэн биелэгдсэнийг харж буй талаар ярилцаж болно. Тэднийг судруудаас суралцаж байхад нь Израилтай гэрээ байгуулах Их Эзэний амлалтуудыг үргэлжлүүлэн хайхад урамшуулан дэмжиж болно.