Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Хаад 17; 24–25: Израилын тараалт

“2 Хаад 17; 24–25: Израилын тараалт,” Хуучин Гэрээний семинарын багшийн гарын авлага (2026)

“2 Хаад 17; 24–25: Израилын тараалт,” Хуучин Гэрээний семинарын багшийн гарын авлага

2 Хаад 16–25: 88-р хичээл

2 Хаад 17; 24–25

Израилын тараалт

A group of youth reading scriptures together in Florida.

Бошиглогчид болон өөр олон хүн Израилыг цуглуулах талаар байнга ярьдаг. Уг цугларалтыг ойлгохын тулд эхлээд яагаад Израилыг тараасныг ойлгох нь тус болж болох юм. Энэ хичээл нь Израилын тараалтыг ашиглан Тэнгэрлэг Эцэг, Есүс Христ хоёрын зан чанарыг тодорхойлоход суралцагчдад тусална.

Суралцагчийн бэлтгэл: Ирээд, Намайг дага—Гэр орон болон Сүмд зориулав: Хуучин Гэрээ 2026 дахь Санах зүйлс: “Есүс бүх Израилд ‘Гэртээ ир’ гэж хэлнэ” хэсгийг уншуул. Израилын тараагдсан тухай бодол санаа эсвэл асуултаа хуваалцахаар бэлдэж ирэхийг тэднээс хүс.

Боломжит суралцах үйл ажиллагаа

Израилын тараалт

Хичээл эхлэхээс өмнө ангийн энд тэнд Хойд хаант улс (Израил), Өмнөд хаант улс (Иуда), Ассири, Америк тивүүд, Вавилон/Перс гэсэн нэр хаягуудыг тавьж болно.

Хүүхдийг хэрхэн мөн хэзээ сахилгажуулах нь эцэг эхийн хайрын илрэл байж болох вэ?

Сургаал ба Гэрээнүүд 95:1-ийг уншаад, Тэнгэрлэг Эцэг, Есүс Христ хоёр засаж залруулах буюу зэмлэх хэрэгтэй хүмүүсийн талаар юу боддогийг олж мэд.

Хуучин Гэрээнд Израил хэд хэдэн удаа Тэнгэрлэг Эцэг, Есүс Христ хоёрын эсрэг бослого гаргасан бөгөөд бурууг нь засаж залруулах хэрэгтэй байв. Үүний үр дүнд Израилын тараалт гэж нэрлэдэг үйл явдал болсон юм. Израилын тараалтын талаар судлах явцдаа Тэнгэрлэг Эцэг, Есүс Христ хоёр хайраа хэрхэн харуулсныг олж мэд.

Израилын Хойд хаант улс

МЭӨ 975 оны үед Соломоныг нас барсны дараа хүү Рехобоам нь хаан болжээ. Рехобоам ард түмэндээ асар их дарамт учруулсан аж. Арван овог Рехобоамын эсрэг бослого гарган, Иеробоамыг дагав (1 Хаад 12:6–11, 19–20-ийг үзнэ үү) Ийнхүү салснаар Умард, Өмнөд хаант улсууд бий болов.

2 Хаад 17:7–18, 22–23-ыг уншаад, Израилын Хойд хаант улсад юу тохиолдсоныг олж мэд.

Тэдэнд юу тохиолдсон бас яагаад ийм зүйл тохиолдох болсон бэ?

Ассири Израилын Хойд хаант улсыг эзэлж, израилчуудыг олноор нь Ассири руу авч явсан нь Израилыг тараах эхлэл байсныг тайлбарла. Хойд хаант улс (Израил)-ын ойролцоо зогсож буй суралцагчдын ихэнхийг ангийн Ассири гэсэн нэр хаягтай хэсэг рүү очихыг хүс. Бид эдгээр овгийг ихэвчлэн Израилын алдагдсан овгууд гэж нэрлэдгийг онцол. Та Ассири руу очсон суралцагчдыг Алдагдсан овгууд гэсэн нэр хаяг өгч болно. Харин Израил дээр үлдсэн суралцагчдад Самаричууд гэсэн нэр хаяг өгч болно. Самаричууд нь нэг талаасаа израил, нөгөө талаасаа харь үндэстний цустай байсныг та тайлбарлаж болох юм (Судруудын удирдамж, “Самаричууд,” Gospel Library-ийг үзнэ үү).
Израилыг яагаад тараасныг та нар хэрхэн хураангуйлан дүгнэх вэ?

Суралцагчид дараах үнэнийг тодорхойлж болох юм. Израил бошиглогчдыг эсэргүүцэж, Их Эзэнтэй байгуулсан гэрээгээ зөрчсөн учраас Тэр тэднийг үндэстнүүдийн дунд тараасан.

Иудагийн Өмнөд хаант улс

Та нар Иудагийн Өмнөд хаант улсын талаар, тэр дундаа тэнд хаанчилж байсан хаадын талаар өнөөг хүртэл юу мэдэж авсан бэ?

Санаж байгаа түүхүүдээ хуваалцахад суралцагчдыг урь. Жишээлбэл: Тэд Хезекиа юм уу Иосиа хааныг дурдаж болох юм. Хэрэв дурдах юм бол та хаан бүрд зориулж нэр хаяг хийж, суралцагчдад бариул. Их Эзэнд итгэх итгэлийнх нь төлөө Тэрээр тэр хаад болон хүмүүсийг хэрхэн адисалсан тухай хуваалцахад суралцагчдыг урамшуулан дэмж. Ассири Израилын хаант улсыг эзэлсний дараа энэ хоёр зөв шударга хаан хоёулаа хаанчилж байжээ.

Суралцагчид мөн Лихай болон түүний гэр бүлийн талаар дурдаж болно. Хэрэв дурдах юм бол мэддэг зүйлээ хуваалцахад тэднийг урь. Дурдахгүй бол та тэднээр дараахыг хийлгэж болно. Та Лихай болон түүний гэр бүл гэсэн нэр хаяг бүтээн, хэдэн суралцагчид бариулж болно.

1 Нифай 1:4-ийг уншаад, Иудагийн хаант улсад өөр хэн амьдарч байсныг олж мэд.

1 Нифай 2:1–4; 18:22–23-ыг уншаад, энэ гэр бүлд юу тохиолдсоныг олж мэд.

Их Эзэн тараах үйл явдлын нэг хэсэг болгон, Лихайг гэр бүлтэй нь Иерусалимаас гаргасны ачаар бид Тэнгэрлэг Эцэгээс ямар адислалуудыг хүлээн авсан бэ?

Лихай болон түүний гэр бүл гэсэн нэр хаяг барьж буй суралцагчдыг Иудагийн хаант улс гэдгээс Америк тивүүд гэсэн ангийн хэсэг рүү очихыг хүс.

2 Шастир 36:17–20-ийг уншаад, Лихай болон түүний гэр бүлийг явсны дараахан Вавилоны хаан Небухаднезар Иерусалимын оршин суугчдыг хэрхсэнийг олж мэд.

Иудагийн хаант улс гэдэгт үлдсэн суралцагчдаас Вавилон/Перс гэсэн ангийн хэсэг рүү очихыг хүс. Ойролцоогоор МЭӨ 605-аас 587 оны хооронд вавилончууд иудейчүүдийг олноор нь Вавилон руу авч явсан ба Иерусалимыг бүсэлж, эцэст нь устгажээ (2 Хаад 24:8–16; 25:1–12, 21; Иеремиа 52-ыг үзнэ үү).

Та Вавилонд үлдсэн цөөн хэдэн хүнийг нэрлэхийг суралцагчдаас хүсэж болно. Хэрэв тэдэнд тусламж хэрэгтэй бол та хэдэн суралцагчид Даниел, Шадрах, Мешах, Абеднего (Даниел 1:1–7-г үзнэ үү), Езекиел (Судруудын удирдамж, “Езекиел,” Gospel Library-ийг үзнэ үү) гэх мэт нэр хаяг өг.

Дараах товч тоймыг унш. Иудейчүүдийн зарим нь Персэд үлдсэнийг тайлбарла (Естер 2:5–7-г үзнэ үү). Вавилон/Перс дэх зарим суралцагчаас Иудагийн хаант улс гэдгийг төлөөлсөн ангийн хэсэг рүү буцаж очихыг хүс. Та Иудагийн хаант улс руу явж буй хэдэн суралцагчид барьж явах Езра, Нехемиа гэсэн хоёр нэр хаягийг өг. Суралцагчид дараа нь Езра, Нехемиа хоёрын талаар илүү дэлгэрэнгүй судална.

Персүүд Кореш хааны удирдлаган доор Вавилоныг эзэлжээ. МЭӨ 537 оны үеэр Их Эзэн Персийн хаан Корешийг сүнслэгээр өдөөсөн бөгөөд тэр иудейчүүдийг Иерусалим руу буцан очиж ариун сүмийг дахин барихыг нь зөвшөөрсөн юм (2 Шастир 36:22–23; Иеремиа 29:10–14; Езра 1:1–3-ыг үзнэ үү). Дараагийн он жилүүдэд Езра, Нехемиа болон бусад хүн хотыг сэргээн босгож ариун сүмийг барьж дуусгахад туслахаар Иерусалимд буцаж ирэв (Езра 7:6–8; Нехемиа 2:1–11-ийг үзнэ үү).

Тэнгэрлэг Эцэгийн хүүхдүүд Түүнээс хэзээ ч алдагддаггүй

Эдгээр бүлгийн олонх нь бусад бүлэгт юу тохиолдож байгааг мэдэхгүй байсан гэдгийг та онцолж болох юм. Тэдний хувьд бусад бүлэг алдагдсан байв.

3 Нифай 17:4-ийг уншаад, Аврагч нифайчуудад тохинуулах үедээ тэдэнтэй юу хуваалцсаныг олж мэд.

Энэ шүлгийн юу нь таны анхаарлыг татаж байна вэ?

Хэдийгээр Израил тараагдсан ч Их Эзэн тэдний тараагдан очсон үндэстнүүдийг адислахын тулд Өөрийн гэрээт хүмүүсийг тарааж ашигласан гэдгийг онцлон хэлж болно (Судруудын удирдамж, “Израилын тараалт”, “Израил,” Gospel Library-ийг үзнэ үү). Та Исаиа 54:8-д гардаг «энэрэл» гэдэг нь hesed гэх үгийн орчуулга гэдгийг онцол. Hesed гэх үгийн ач холбогдлын тухай илүү ихийг мэдэхийн тулд ерөнхийлөгч Нэлсоны “Үүрдийн гэрээ” нийтлэлийг үзнэ үү (Лиахона, 2022 оны 10-р сар, 5–6) .

Дэд хууль 4:27–31, Исаиа 54:7–10-ыг уншаад, тараагдсан Израилын төлөө Их Эзэн юу хийнэ гэж амласныг олж мэд.

Та нар Израилын тараагдсан тухай суралцахдаа Тэнгэрлэг Эцэг, Есүс Христ хоёрын ямар зан чанаруудыг олж харсан бэ?

Та Тэнгэрлэг Эцэгийн бүх хүүхдээ хайрлах хайр болон тараагдсан Израилыг цуглуулна гэсэн амлалтын талаарх гэрчлэлээ хуваалц.

Нэмэлт эх сурвалж

Израил тараагдсан нь өнөөгийн цаг үед яагаад чухал вэ?

Арван хоёр төлөөлөгчийн чуулгын ахлагч Квинтин Л.Күк ийн тайлбарлажээ.

14:34

Арван овог бүхий Израилын овгууд тараагдаж, иудейчүүд олзлогдсон нь сайн мэдээний Сэргээлтийн талаар бодож үзэх чухал үнэнүүд юм. Арван овог нь Израилын Хойд хаант улсыг бүрдүүлж байсан бөгөөд тэднийг МЭӨ 721 онд боолчлон Ассирит аваачсан байна. Тэд умардын орнууд руу явжээ. Итгэлийн тунхгийн 10-т: “Израил жинхэнэ ёсоор нэгдэж, мөн Арван овог дахин сэргэнэ гэдэгт бид итгэдэг” [Итгэлийн тунхаг 1:10] хэмээн тунхагласан байдаг. Мөн Их Эзэний Абрахамтай байгуулсан гэрээ зөвхөн Абрахамын үр удмыг биш, харин тэрхүү гэрээгээр дамжуулан дэлхийн бүх хүмүүсийг адислах болно гэдэгт бид мөн итгэдэг. [Ерөнхийлөгч] Рассэлл М.Нэлсон: “цуглуулах гэдэг нь зөвхөн бодгалиудын байрлалыг хэлээгүй, энэ нь хувь хүмүүсийн амлалтыг хэлдэг. Хүмүүс төрөлх нутгаа орхилгүйгээр ‘Их Эзэний мэдлэгт авчрагдаж’ чадна [3 Нифай 20:13] хэмээн хэлсэн юм [Рассэлл М.Нэлсон, 2013 оны 6-р сарын 26-нд болсон шинэ номлолын ерөнхийлөгчдөд зориулсан семинар дээр хэлсэн үгс: “Мормоны Ном болон Израилын цугларалт”].

Бидний сургаал тодорхой. “Их Эзэн Израилын арван хоёр овгийг тэдний ёсон бус болон эсэргүүцлийн улмаас тарааж мөн зовоосон. Гэсэн хэдий ч Их Эзэн Өөрийн сонгосон хүмүүсийг дэлхийн үндэстнүүдийн дунд тараасан нь тэдгээр үндэстнийг адислахын тулд байсан билээ” (Судруудын удирдамж, “Израил”; scriptures.lds.org). (“Иеремиагийн гашуудал: Боолчлолоос сэрэмжил,” 2013 оны 10-р сарын Ерөнхий чуулган, 89)

Их Эзэн дэлхийг адислахын тулд тараагдсан Израилыг хэрхэн ашигласан бэ?

Далын ахлагч Шэйн М.Бөүэн ийн заасан.

Олон үндэстэн дунд Израилыг тарааж, цусыг нь үндэстнүүд дунд цацсан учир бид адислагдсан бөгөөд үндэстнүүд наманчилсан нөхцөлд л зөв шударгын хөрөнгөнөөс хүртэж, Абрахамын хүүхдүүдэд өгсөн амлалтыг хүлээн авах эрхтэй болдог. (“Out of the Wilderness into the Light” [Brigham Young University–Idaho devotional, March 1, 2011], byui.edu)

Арван хоёр төлөөлөгчийн чуулгын ахлагч Жэймс Э.Талмэйж (1862–1933) ийн тайлбарласан.

Израилчууд үндэстнүүдийн дунд бүрэн тарж бутарсан учраас тараагдсан ард түмэндээ хүн төрөлхтний гэр бүлийн бараг бүх том мөчир салбар, хөгжил дэвшлийн хүчин зүйл нь, чухал байр суурь эзлэх хөшүүрэг нь болсон. Энэхүү тараах үйл явц олон үе шат дамжин, мянга мянган жил үргэлжилсэн юм. Үүнийг эртний бошиглогчид урьдчилан харсан ба Мессиагийн эрин үе эхлэхээс өмнөх, дараах үе бүрийн сүнслэг удирдагчид хүмүүсийг тарж бутарна гэж зөгнөсөн нь ёс бус байдал улам бүр гаарч байгаагаас болсон юм. (The Articles of Faith, 12th ed. [1924], 316)

Израилыг тараасан нь хэрхэн хайраар дүүрэн Бурханы зайлшгүй гэсгээлт байсан бэ?

Арван хоёр төлөөлөгчийн чуулгын ахлагч Жэймс Э.Талмэйж (1862–1933) ийн тайлбарлажээ.

Израилын зовлон зүдгүүр нь гэм нүгэлд нэрвэгдсэн хүүхдүүдээ ариусгахын тулд энэхүү үр дүнтэй арга хэрэгслийг ашиглахаар төлөвлөсөн, уй гашууд автсан ч хайраар дүүрэн Эцэгийн зайлшгүй гэсгээлт байсан юм. …

Хэдийгээр хүмүүний дарлалд ихэнх нь дэлхийг орхин одсон ч Бурхан Израилыг хаяагүй ээ. Тэр тэднийг хаашаа хөтлөгдөн, хаашаа туугдаж байсныг мэддэг бөгөөд зүрх сэтгэлдээ тэднийг хайрласаар ирсэн. Цаг нь болоход Тэрээр урьдчилан тодорхойлсон арга замаар Өөрийн гэрээт хүмүүст тохирох адислалыг өгч, нөлөө бүхий газарт тэднийг урагш авчрах нь гарцаагүй. Нүгэл үлдэж, өөрсөд дээрээ зовлон зүдгүүр авчирсан хэдий ч Их Эзэн: “Гэсэн ч дайсныхаа нутагт байх үед нь тэднийг бүрмөсөн устгаж, тэдэнтэй байгуулсан гэрээгээ зөрчих хүртлээ Би тэднийг зэвүүцэхгүй бас жигшихгүй. Учир нь Би ЭЗЭН, тэдний Бурхан” хэмээн хэлжээ. Бүрэн тараагдсан шигээ Израилын цугларалт ч мөн адил бүрэн байх болно. (The Articles of Faith, 12th ed. [1924], 328–329)

Нэмэлт суралцах үйл ажиллагаа

Тараах үйл ажиллагааны нэмэлт материал

Энэ зураг дээр та ангидаа нэр хаягийг хэрхэн байрлуулж болох жишээг харуулсан.

Та “Гэртээ аюулгүй цуглах нь” (14:48) видеог цагийн код 5:37-оос 6:26 хүртэл үзүүлж болно. Видеон дээр Арван хоёр төлөөлөгчийн чуулгын ахлагч Квинтин Л.Күк Израилын тараалтын талаар ийн тайлбарласан.

14:48

Мюлекчүүд

Тараах үйл ажиллагааны үеэр та Мормоны Номон дээрх мюлекчүүдийг дурдаж болно. Вавилон тэднийг боолчлохоор явч явахын өмнө Зедекиа хаан Иудагийн сүүлчийн хаан байсан гэдгийг тайлбарла. 2 Хаад 25:7-д түүний хөвгүүдийн алуулсан талаар өгүүлдэг. Тийм байлаа ч Зедекиагийн хөвгүүдийн нэг болох Мюлек зугтаж чадсаныг бид Мормоны Номоор дамжуулан мэддэг. Их Эзэн Мюлекийг Америк руу хөтлөн аваачсан (Омнай 1:15–16; Хиламан 6:10; 8:21-ийг үзнэ үү). Зарим суралцагчаас Өмнөд хаант улс (Иуда) гэдгээс ангийнхаа Америк тивүүдийг төлөөлсөн хэсэг рүү очихыг хүс.

Гэрээгээ бүү март

Израил хэрхэн Бурхантай байгуулсан гэрээгээ зөрчсөний улмаас тараагдсан талаар суралцагчдыг ярилцаж байх үеэр 2 Хаад 17:38–40-ийг унш. Их Эзэний сэрэмжлүүлгийг олоход суралцагчдыг урь. Өнөө үед хүмүүс Бурхантай байгуулсан гэрээнүүдээ умартаж болох арга замуудын талаар ярилц. Бурхантай байгуулсан гэрээнүүдээ үргэлж санахын тулд юу хийж болохоо хуваалцахыг суралцагчдаас хүс. Суралцагчдыг гэрээгээ санах арга замуудаа хуваалцаж байх үеэр та ариун ёслолын залбирлыг сануулж болох юм (Сургаал ба Гэрээнүүд 20:77, 79-ийг үзнэ үү).