Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

2 Хаад 18–19: Израилын Бурхан Эзэнд итгэх

“2 Хаад 18–19: Израилын Бурхан Эзэнд итгэх,” Хуучин Гэрээний семинарын багшийн гарын авлага (2026)

“2 Хаад 18–19: Израилын Бурхан Эзэнд итгэх,” Хуучин Гэрээний семинарын багшийн гарын авлага

2 Хаад 16–25: 86-р хичээл

2 Хаад 18–19

Израилын Бурхан Эзэнд итгэх

An African woman kneeling by her bed praying

Тэнгэрлэг Эцэг, Есүс Христ хоёр биднийг хайрладаг бөгөөд Тэдэнд итгэж найдах үед бидэнд туслах болно. Ассиричууд Самарийг эзлэн авсныхаа дараа Иуда руу довтолж эхлэв. Хезекиа хаан болон түүний хүмүүс хүч чадал, хамгаалалт хүсэн Их Эзэнд ханджээ. Их Эзэн тэднийг ассиричуудаас чөлөөлөв. Энэ хичээл нь сорилт бэрхшээлтэй тулгарахад Их Эзэн тусална гэсэн итгэл найдварыг нь өсгөн нэмэгдүүлэхэд суралцагчдад тусална.

Суралцагчийн бэлтгэл: Хүнд хэцүү цаг үед Бурханы дэмжлэгийг мэдэрч байсан туршлагаасаа хуваалцахаар бэлтгэж ирэхэд суралцагчдыг урь.

Боломжит суралцах үйл ажиллагаа

Хүнд хэцүү цаг үед

Самбарын голд арга мөхсөдсөн, цөхөрсөн, урам хугарсан, айсан, эргэлзсэн гэсэн үгсийг бичиж хичээлээ эхлүүл. Дараа нь та дараах асуултуудын нэгийг самбарын зүүн талд, нөгөө асуултыг баруун талд нь бич. Суралцагчид асуулт бүрд өгсөн хариултаа самбарт бичиж болно.

Ямар ямар нөхцөлд өсвөр үеийнхэн эдгээр мэдрэмжийн аль нэгийг эсвэл хэд хэдийг нь мэдэрч болох вэ?
Ийм мэдрэмж төрөх үед өсвөр үеийнхэн хаанаас тусламж хүсэж болох вэ?

Дараа нь та суралцагчдыг одоо эсвэл ирээдүйд тэдгээртэй адил мэдрэмж төрж болох нөхцөл байдлуудын талаар бодоход эсвэл судлах тэмдэглэлдээ бичихэд урьж болно. Суралцагчдад эдгээр мэдрэмжийн талаар хичээлийн төгсгөлд ярих боломж олгоно.

Дараах асуултуудыг өөрсдийн нөхцөл байдлын хүрээнд эргэцүүлэн бод.

Та нар эдгээр мэдрэмж төрөх үед хаанаас тусламж хүсдэг вэ?
Их Эзэнд хандах үед Тэрээр тусална гэдэгт та нар хэр итгэлтэй байна вэ?

Өнөөдрийн хичээлийн туршид одоо эсвэл цаашид эдгээр мэдрэмж төрөх үед Их Эзэн хэрхэн та нарт тусалж чадахыг бод. Ариун Сүнснээс таны оюун ухаан, зүрх сэтгэлд ирж буй удирдамжид анхаарлаа хандуул.

Хезекиа Их Эзэнд итгэв

Энэ хичээл нь Иудагийн хаан Хезекиаг хэрхэн өөрт нь болон өөрийнх нь хүмүүст асар их сорилт бэрхшээл тулгарах үед Их Эзэнд хандахыг сонгосон тухайд төвлөрнө гэдгийг суралцагчдад тайлбарла.

2 Хаад 18:1–7-г уншаад, Хезекиа хаан болсныхоо дараа юу хийснийг олж мэд.

Та нар юу олж мэдсэн бэ?
Бид 5–7-р шүлгээс ямар ямар зарчмыг мэдэж авч болох вэ?

Дараахтай адил зарчмуудыг тодорхойлоход суралцагчдад тусал. Бид Их Эзэнд итгэж найдан, Түүний зарлигуудыг сахивал Тэрээр бидэнтэй хамт байх болно.

Судруудыг өөрсдийн амьдралтай адилтгах

Иудагийн хойд хил дээр орших Израил гэх улсыг Ассири эзэлжээ. Дараа нь ассиричууд Хезекиагийн хүмүүс рүү дайрч, хаант улсынх нь бүх бэхлэгдсэн хотыг эзлэн авав (2 Хаад 18:9–13-ыг үзнэ үү). Дараа нь Ассирийн элч нар Хезекиа болон түүний хүмүүст сэрэмжлүүлэг өгөхөөр Иудагийн нийслэл Иерусалимд иржээ.

Самбарт бичсэн мэдрэмжүүдийг эргэн хар. Иерусалимын оршин суугчдад аль мэдрэмж төрж байсан гэж та нар бодож байна вэ?

Их Эзэн бидэнтэй хамт

2 Хаад 19:32–35-ыг уншаад, Их Эзэн хэрхэн Хезекиа болон түүний хүмүүсийг чөлөөлснийг олж мэд.

Та нар юу олж мэдсэн бэ?

2 Хаад 19:34 дээрх “Учир нь Би энэ хотыг аврахаар хамгаалах болно” гэсэн хэллэгийг тэмдэглэхэд суралцагчдыг урь. Шаардлагатай бол Их Эзэн Өөрийн цаг хугацаанд, Өөрийн арга замаар чөлөөлнө гэдгийг тайлбарла.

Сорилт бэрхшээлийг даван гарахад Их Эзэн бидэнд хэрхэн тусалдаг талаар бодоход суралцагчдад туслахын тулд та “Heavenly Father Knows Me” (3:18) видеог үзүүлээд, Тэнгэрлэг Эцэг энэ залуу эмэгтэйг тулгарсан сорилт бэрхшээлээс нь хэрхэн салгасныг олж мэдэхийг суралцагчдаас хүсэж болно. Дараа нь өөрсдийн туршлагаас хуваалцахад суралцагчдыг урь. Та Их Эзэнд итгэж найдаж эсвэл хүнд хэцүү цаг үед Тэрээр хэрхэн танд тусалж байсан туршлагаасаа хуваалцаж болох юм.

3:19

Хүнд хэцүү цаг үед Тэнгэрлэг Эцэг, Есүс Христ хоёр хэрхэн та нарыг эсвэл та нарын мэддэг хэн нэгнийг дэмжиж байсан бэ?

Та мөн хичээлийг дуустал Аврагчийн талаарх бошиглолын гэрчлэлийн хүчийг мэдрэх боломжийг суралцагчдад олгож болно. Үүний тулд та Алма 36:3-ыг эсвэл дараах мэдэгдлийг уншихад суралцагчдыг урьж болно.

Тэргүүн зөвлөлийн ерөнхийлөгч асан Дийтр Ф.Угдорф Бурханд итгэх хүчийг ийн гэрчилсэн.

19:11

Бид хамаг анхаарлаа сорилт бэрхшээлийнхээ хүнд хэцүүд биш харин Бурханыхаа хязгааргүй сүр жавхлан, сайн сайхан, хэмжээлшгүй хүч чадалд төвлөрүүлж, Түүнд итгэж найдан, Есүс Христийг ирэхэд баяр талархалтайгаар бэлдэх нь хавьгүй дээр биш гэж үү?

Түүний гэрээт хүмүүсийн хувьд бид болзошгүй муу зүйлүүдээс болж үйлдэхээ болих хэрэггүй. Харин бид тулгарах саад бэрхшээл, өгөгдөх боломжийг итгэл, эр зориг, шийдэмгий байдлаар, Бурханд найдан хүлээн авч, урагш алхаж чадна. (“Төгс хайр нь айдсыг хөөн зайлуулна,” 2017 оны 4-р сарын Ерөнхий чуулган, 106)

Хүнд хэцүү цаг үед Тэнгэрлэг Эцэг, Есүс Христ хоёрт итгэж найдахад суралцагчдыг урамшуулан дэмж.

Нэмэлт эх сурвалж

2 Хаад 18:4. Хезекиа гуулин могойг яагаад устгасан бэ?

Израилчууд цөлд явж байхдаа хорт галт могойнуудад хатгуулжээ. Мосе Их Эзэний удирдлаган доор гуулин могой хийж, түүнийгээ шургааг дээр байрлуулан, эдгэрэхийн тулд гуулин могойг хараарай гэж хүмүүст хэлэв (Тооллого 21:4–9-ийг үзнэ үү). Гуулин могой болон бие махбодын эдгэрэл нь Есүс Христийн болон Түүний өгдөг сүнслэг эдгэрэлтийн бэлгэдэл юм (Иохан 3:14–15; 2 Нифай 25:20; Хиламан 8:13–15-ыг үзнэ үү).

Израилчууд гуулин могойг хадгалжээ. Яваандаа тэд үүнийгээ шүтэж, “үүнд утлага уугиулж” (2 Хаад 18:4-ийг үзнэ үү), эдгэрэлтийн бэлгэдэл, жинхэнэ эх сурвалж болох Их Эзэнийг мартаж эхлэв. Тийнхүү израилчуудын хувьд гуулин могой нь нехуштан буюу еврей хэлээр “гуулин зүйл” гэсэн утгатай үг болжээ. Тиймээс Хезекиа хаан Иудад бүх төрлийн хиймэл шүтээнийг устгахдаа гуулин могойг ч мөн устгав.

Би Бурханд хэрхэн илүү их итгэж найддаг болох вэ?

Тэргүүн зөвлөлийн нэгдүгээр зөвлөх, ерөнхийлөгч Хэнри Б.Айринг ийн хэлсэн.

17:38

Ийм итгэл Бурханыг таньж, мэдсэнээр ирдэг. Сайн мэдээ сэргээгдэж, гайхамшигт үйл явдлууд тохиосны ачаар бид дэлхий дээрх бусад ямар ч хүнээс илүүтэйгээр Их Эзэн Өөрийн хүмүүст санал болгосон амар амгаланг “Тэмцэлдэхээ больж, Бурхан гэдгийг минь мэд” [Дуулал 46:10] гэсэн үгээр мэдэрсэн. Бид Түүнд итгэж болохын тулд Бурханы Өөрийнхөө тухай илчилсэн зүйлд миний зүрх сэтгэл талархлаар дүүрэн байна (“Бурханд итгэ, тэгээд явж, ажилла,” 2010 оны 10-р сарын Ерөнхий чуулган, 72)

Хүүхдийн хэсгийн ерөнхий ерөнхийлөгчийн зөвлөлийн хоёрдугаар зөвлөх асан Бонни Х.Кордон эгч ийн заасан.

Би Аврагчийн тухай мэдлэгээ болон Түүнд итгэх итгэлээ нэмэгдүүлэх гурван арга замыг санал болгомоор байна. …

Нэгдүгээрт, “Христийн үгс бидний хийвэл зохих бүх зүйлийг бидэнд хэлж болохын тулд Христийн үгэн дээр найрлавал” [2 Нифай 32:3] бид Их Эзэнийг мэдэж, Түүнд итгэх болно. …

Хоёрдугаарт, бид залбирлаар дамжуулан Их Эзэнийг таньж мэдэн, Түүнд итгэж болно. Бурханд хандан залбирах нь үнэхээр агуу адислал юм. “Зүрхнийхээ бүхий л эрч хүчээр Эцэгт хандан залбирагтун” [Моронай 7:48] …

Гуравдугаарт, бид бусдад үйлчлэх үедээ Их Эзэнд итгэн найдаж, Түүнийг таньж мэддэг. (“Эзэнд итгэ, бүү хазай,” 2017 оны 4-р сарын Ерөнхий чуулган, 124)

Би Бурханд итгэж найдаж байгаагаа хэрхэн харуулж болох вэ?

Далын ахлагч Ахмад С.Корбитт ийн хэлсэн.

Би өсвөр насандаа Сүмд нэгдэхдээ өөрийн амьдрал, цаг хугацаа, зүрх сэтгэлийг Их Эзэнд өгөхөөр шийдсэн юм. Ийм хувиршгүй амлалт авахад жаахан сүрдмээр санагдсан ч зөв гэдгийг нь би мэдэж байлаа. Тэнгэрлэг Эцэг минь надаас үүнийг хүсэж байсныг би мэдэрсэн бас үүнийг хийхэд надад амар амгалан мэдрэгдсэн юм. Би Бурханд найдахыг болон Түүнийг амьдралдаа ялуулахыг сонгосондоо маш их баяртай байна. Хэрэв би өөрийн ойлголтод түшиглэсэн бол миний амьдрал баяр баясал, аз жаргал, амар амгалангаар тийм ч баялаг биш байх байсныг баттай мэдэж байна. (“Их Эзэнд найд,” Лиахона, 2022 оны 1-р сар, 15)

Нэмэлт суралцах үйл ажиллагаа

Сүнслэг мэдлэг олж авах нь: Итгэлээр үйлд

Хичээл дээр өгсөн тараах материалыг ашиглахын оронд та хаан Хезекиаг жишээ болгон авч, Христэд итгэх итгэлээр үйлдэх тухай төгс эзэмших сургаалын зарчмыг ойлгоход нь суралцагчдад туслах үйл ажиллагааг зохиож болно. Төгс эзэмших сургаалыг судлах үндсэн материал дээрх “Сүнслэг мэдлэг олж авах нь” хэсгийн 5–7-р догол мөрийг эргэн харахад суралцагчдыг урь. Дараа нь 2 Хаад 19:1–7, 14–20; 2 Шастир 32:7–8-ыг судлаад, Хезекиа болон түүний хүмүүс хэрхэн итгэлээр үйлдсэнийг олж мэдэхэд суралцагчдыг урь. Суралцагчид Үндсэн материал дахь Хезекиа болон түүний хүмүүсийн хийсэн зүйлийг дүрсэлсэн тодорхой хэллэгүүдийг хуваалцаж болно. Хезекиа хэрхэн итгэлээр үйлдсэн болон өөрсдийн нөхцөл байдалд хэрхэн Христэд итгэх итгэлээр үйлдэж болох хоёрын хоорондын уялдаа холбоог олж харахад суралцагчдад тусал.

Маргаашийн шуурганд бэлтгэж өнөөдөр сууриа бэхжүүлэх

Хезекиагийн зөв шударга үйлдлүүд ассиричуудыг Иудагийн хаант улс руу довтлоход өөрийг нь болон хүмүүсийг нь Бурханд итгэж найдахад хэрхэн бэлтгэснийг харуулахын тулд та 2 Шастир 29–31-д өгүүлсэн Хезекиа хааны засаглалын түүхийг ашиглаж болно.

Хиламан 5:12-ыг уншаад, бид яагаад Христ дээр сууриа тавих ёстойг олж мэдэхэд суралцагчдыг урь.

Та дараах судрын хэсгүүдийг үзүүлээд, хоёрыг нь сонгон уншиж, Хезекиа хааны зөв шударга үйлдлүүд хэрхэн хүмүүсийг нь Бурханд итгэж найдахад урьсан болохыг олж мэдэхэд суралцагчдыг урьж болох юм. Тэд олж мэдсэн зүйлээ самбарт бичиж болно.

2 Шастир 29:10
2 Шастир 29:20–21
2 Шастир 30:5–6
2 Шастир 30:8–9
2 Шастир 31:20–21

Суралцагчдыг уншиж дууссаны дараа, итгэлээрээ тууштай үйлдэх нь хэрхэн тэднийг сорилт бэрхшээлтэй тулгарахдаа Бурханд итгэж найдахад бэлтгэснийг хуваалцахыг тэднээс хүсэж болно.