Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 51–52: “Намайг сонсогтун”

“Исаиа 51–52: ‘Намайг сонсогтун’”, Хуучин Гэрээний семинарын багшийн гарын авлага (2026)

“Исаиа 51–52: ‘Намайг сонсогтун’”, Хуучин Гэрээний семинарын багшийн гарын авлага

Хичээл 123: Исаиа 50–57

Исаиа 51–52

“Намайг сонсогтун”

Jesus Christ reaching out his hand near water outdoors, closeup

Их Эзэн эрт үед ч, өнөөдөр ч Өөрийн гэрээт хүмүүстэй Исаиагаар дамжуулан ярьсан. Хэрэв тэд Түүний хайрын урилгыг сонсохыг сонгосон бол Тэрээр тэдэнд гайхалтай сайхан амлалтуудыг өгчээ. Их Эзэн Өөрийн гэрээт хүмүүс бидний хувьд эдгээр амлалт, урилгыг өгсөн. Энэ хичээл суралцагчдыг Аврагчийн урилгыг анхааран сонсож сурахад нь тусална.

Суралцагчийн бэлтгэл: Суралцагчдаар өөрсдөө эсвэл таньдаг хүн нь Их Эзэний урилгуудын эсвэл зарлигуудын аль нэгийг дуулгавартай дагаж, адислагдсан талаар нь тунгаан бодуул. Энэ хичээл хуваалцахыг хүсэж буй суралцагчдад хуваалцах боломж олгоно.

Боломжит суралцах үйл ажиллагаа

Та хэнийг сонсдог вэ?

Өсвөр насны хүүхдүүдэд нөлөө үзүүлж байгаа гэж бодож байгаа бусдыг эсвэл доор дурдсан хүмүүсийг самбар дээр жагсаан бич.

Эцэг эх, найз, багш, дасгалжуулагч, сошиал медиад нөлөөлөгч, алдартан

Өсвөр насны хүүхдүүд хэний зөвлөгөөг хамгийн их сонсож, дагадаг гэж та боддог вэ? Яагаад?
Бид хэний үгийг сонсож, дагах нь яагаад чухал вэ?

Та суралцагчдыг дараах шүлгүүдийг унших үед судрууд дээрх бичээчид чухал санаануудыг онцлохын тулд түлхүүр үгс, санаануудыг давтан хэлдэг байсан гэдгийг онцолж хэлж болно. Суралцагчид тань дараах шүлгүүдийг ашиглан давтагдсан түлхүүр үгс, хэллэгүүдийг олох дадлага хийж болно.

Исаиа 51:1, 4, 7-г уншаад, Их Эзэн Өөрийн гэрээт хүмүүст хэнийг сонсож, дагахыг зөвлөсөн болохыг олж мэд. Та олж мэдсэнээ тэмдэглэхийг хүсэж болох юм.

Суралцагчдаар олж мэдсэн зүйлийг нь хуваалцуул. Хэрэв суралцагчдад анхааран сонсох гэдэг үгийг ойлгоход тусламж хэрэгтэй бол ерөнхийлөгч Рассэлл М.Нэлсон анхааран сонсох гэдэг нь “дуулгавартай дагахаар сонсох” (“Түүнийг сонс,” 2020 оны 4-р сарын Ерөнхий чуулган, 108-112) гэсэн утгатай гэж заасан гэдгийг тайлбарла.

Яагаад хэн нэгэн нь өөр хэн нэгний биш Аврагчийн зөвлөгөөг сонсож, дагахыг хүсэж болох вэ?

Яг одоо та амьдралдаа тулгарч болох ямар нэгэн сорилт бэрхшээл, санаа зовнил, асуултыг тунгаан бод. Исаиа 51–52-ыг судлахдаа Аврагчийн зөвлөгөө, урилгыг анхааран сонсох нь танд ямар арга замаар тустай байж болох талаар бодож үзээрэй.

“Намайг сонсогтун”

Исаиа 51:1–2-ыг уншаад Их Эзэний урилгыг дүрслэхдээ Исаиагийн ашигласан дүрслэл, бэлгэдлийг олоорой.

Суралцагчдаар олж мэдсэн зүйлийг нь, бас эдгээр дүрслэл нь ямар утгатай гэж бодож буй талаар нь хуваалцуул.

“Та нарыг цавчиж гаргасан хад руу харагтун” (Исаиа 51:1–2) гэсэн хэллэг Абрахам, Сара хоёр луу хараад, Бурхан Өөртэй нь гэрээ байгуулсан Абрахам, Сара хоёрыг (мөн Абрахамын гэрээ гэж нэрлэдэг) дурсан санах Их Эзэний урилгыг хэлж байгааг тайлбарла. Энэ нь Бурхантай байгуулсан гэрээгээ сахихыг санаж явах ёстой гэсэн үг юм.

Та суралцагчдаар судлах тэмдэглэлд нь дараах дутуу мэдэгдлийг бичүүлж болно: Бид Их Эзэнтэй байгуулсан гэрээнүүдээ сахивал Тэрээр …

Их Эзэнтэй байгуулсан гэрээгээ сахих гэдэг нь юу гэсэн утгатай гэж та бодож байна вэ?

Исаиа 51:3-ыг уншаад, хэрэв бид гэрээгээ сахихын тулд Түүнийг сонсдог байвал Аврагч ямар адислал амласан болохыг олж мэд.

Та нар юу олж мэдсэн бэ?

Суралцагчид … биднийг тайтгарал, баяр хөөр, талархлаар адисалдаг гэж дутуу мэдэгдэлд нэмж болно.
Их Эзэнтэй байгуулсан гэрээнүүдээ сахих нь Түүний тайтгарал, баяр хөөр, талархлыг хүлээн авахад бидэнд хэрхэн тусалдаг гэж та бодож байна вэ?

Урилга ба адислал

Дараах хүснэгтийг самбарт хий эсвэл харуул. Суралцагчид мөн үүнийг судлах тэмдэглэлдээ хуулж болно. Та жишээ болгон, суралцагчдын Исаиа 51:1–3-аас олж мэдсэн зүйлийг нэмж болно. Жишээ нь та “Их Эзэнтэй байгуулсан гэрээнүүдээ сахих” гэдгийг зүүн баганад нэмж, баруун баганад “тайтгарал, баяр хөөр, талархлаар биднийг адисалдаг” гэдгийг нэмж болно.

Исаиа Исаиа 51–52-т Их Эзэний олон урилга, амлалтыг цэдэглэсэн. Эдгээр бүлгийг судлахдаа тэмдэглэлдээ олсон урилга, амлалтуудаа бичиж тэмдэглэ.

Их Эзэний гэрээт хүмүүстээ өгсөн урилга	Их Эзэний гэрээт хүмүүстээ өгсөн амлалтууд
Их Эзэний гэрээт хүмүүстээ өгсөн урилга	Их Эзэний гэрээт хүмүүстээ өгсөн амлалтууд

Эдгээр урилга нь гэрээгээ сахих гэж юу гэсэн үг болох талаар танд юу зааж байна вэ?
Та Их Эзэний аль адислалыг үнэхээр их хүсэж байна вэ? Яагаад?
Их Эзэний аль урилга таны эрэлхийлж буй адислалыг хүлээн авахад тусална гэж та бодож байна вэ?

Их Эзэнийг анхааран сонсох

Хичээлийн үеэр Ариун Сүнсээр дамжуулан Тэнгэр дэх Эцэгээсээ сурсан зүйлийнх нь талаар суралцагчдаар бодуул. Дараах үйл ажиллагаа нь үүнийг гүйцэтгэх нэг арга юм.

Өнөөдөр сурсан зүйлээ болон Тэнгэрлэг Эцэг, Есүс Христ хоёрын Ариун Сүнсээр дамжуулан танд өгсөн аливаа урилга, зөвлөгөөг тунгаан бод. Та судлах тэмдэглэлдээ дараах асуултад хариулах талаар бодож үз:

Их Эзэн таныг сорилт бэрхшээл, асуудалдаа эсвэл асуултдаа Түүний тусламжийг хүлээн авахын тулд юу хийхэд урьж байгаа гэж та бодож байна вэ?

Исаиа 51:3, 12. Аврагч биднийг ямар арга замаар тайтгаруулж чадах вэ?

Арван хоёр төлөөлөгчийн чуулгын ахлагч Үлиссэс Соарэс ийн заасан.

11:10

Аврагч авралын гайхалтай бэлгээс гадна мөнх бус амьдралын зовлон зүдүүр, уруу таталт, сул талтай нүүр тулахад … биднийг тайтгаруулж мөн тайвшруулдаг. … Христ мөнх бус амьдралд бидэнд тулгардаг саад бэрхшээлийг үргэлж мэддэг гэдгийг би баталж чадна. Тэрээр бүх гашуун зовлон, шаналал, бие махбодын өвдөлт, бидэнд тулгардаг сэтгэл санааны болон сүнслэг саад бэрхшээлийг ойлгодог. Аврагчийн сэтгэл нигүүлслээр дүүрэн бөгөөд Тэр бидэнд туслахад үргэлж бэлэн байдаг. Тэр бидний сул дорой байдлын зовлон шаналлыг биечлэн мэдэрч, Өөрийн махан бие дээр авсан тул энэ нь боломжтой болсон. (“Есүс Христ: Бодгалиудын маань халамжлагч,” Ерөнхий чуулган, 2021 оны 4-р сар, 80-83)

Исаиа 52:7 “Амар тайвныг сонордуулж, сайн сайхныг мэдээлж, … сайн мэдээг авчрагчийн хөл уулсын дээр юутай үзэсгэлэнтэй” гэдэг нь хэнийг хэлж байна вэ?

Арван хоёр төлөөлөгчийн чуулгын ахлагч Жэффри Р.Холланд ийн тайлбарласан.

Эцсийн эцэст Христ л уулан дээр үзэсгэлэнтэй байдаг. “Энэ дэлхий дээрх амар амгалан”-ийн тухай Түүний нигүүлсэнгүй амлалт, “ирэх дэлхийд мөнх амьдрал”-ын тухай баярт мэдээ [С&Г 59:23] нь биднийг Түүний хөлд унагаж, Түүний адислагдсан нэрийг дуудаж, амьд бөгөөд үнэн Сүмийн сэргээлтийн төлөө талархлаа өргөхөд хүргэдэг зүйл юм. (“Peaceable Things of the Kingdom,” Ensign, Nov. 1996, 82)

Нэмэлт суралцах үйл ажиллагаа

Тараах материалд зориулсан нэмэлт үйл ажиллагаа

Хэрэв та тараах материал дээр өөр үйл ажиллагааг нэмж оруулахыг хүсвэл дараах үйл ажиллагааг оруулж болно:

Исаиа 51:15–16-ыг уншаад, Их Эзэн хүмүүстээ юу амласан болохыг олж мэд.

“Аманд чинь үгээ тавьж” (Исаиа 51:16) гэснийг ойлгоход тань туслахын тулд Сургаал ба Гэрээнүүд 100:5–8-ыг уншаад, Их Эзэн Иосеф Смит, Сидней Ригдон хоёрт өгсөнтэй адил амлалтыг олж мэд.

“Мутрынхаа сүүдрээр чамайг халхалсан нь Би билээ” (Исаиа 51:16) гэсэн үгсийг ойлгоход тань туслахын тулд сүүдэр, халхлах нь биднийг юунаас хамгаалдаг болохыг тунгаан бод.

Та ямар ямар амлалт олсон бэ?
Эдгээр амлалт нь Их Эзэний талаар болон Түүнтэй хийсэн гэрээнүүдээ сахидаг хүмүүсийнхээ төлөө Түүний юу хийдэг талаар танд юу зааж байна вэ?

“Сэрэгтүн, сэрэгтүн” (Исаиа 51:9, 17; 52:1)

Эдгээр шүлгийг судлахад суралцагчдад туслахын тулд сэрүүлэгтэй цаг гаргаж тавиад, сэрүүлэг ашиглан сэрдэг эсэхийг нь суралцагчдаас асуу. Хэрэв тийм бол сэрүүлэг тэднийг хэр амжилттай сэрээж байгааг тэднээс асуу.

Таны бодлоор сүнслэг байдлаар унтах гэдэг нь ямар утгатай вэ?

Исаиа 51:9–10-т израилчууд өөрсдийн асуудал, сорилт бэрхшээлийг даван туулахдаа унтаа байсныг Их Эзэнийг мэдэрсэн хэмээн бичсэн гэдгийг тайлбарла. Тэд Түүнийг урьд нь хийж байсан шигээ тэднийг сэрээж, тэдэнд туслахыг гуйдаг. Та тэд хэзээ нэгэн цагт израилчуудтай адил зүйл мэдэрч байсан уу гэж суралцагчдаас асууж болно.

Дараа нь Исаиа 51:11–16-г уншаад, Их Эзэн израилчуудын гуйлтад ямар хариу үйлдлээр хариулсныг олж мэдэхэд суралцагчдыг урих талаар бодож үз.

Их Эзэн Өөрийгөө хэн болохыг мөн юу хийж чадахаа тэдэнд сануулахын тулд юу гэж хэлсэн бэ?

Дараа нь суралцагчид Исаиа 51:17-г уншаад, Их Эзэн хэнийг сүнслэг байдлаар унтаж байна гэж хэлснийг олж мэдэж болно. Тэгээд тэд Исаиа 52-ыг судалж, Их Эзэний бидэнд сүнслэгээр сэрэхэд туслах урилгыг хайж олж болно.

“Тэргүүнээ ямагт дээр өргөж мөн та нар баясаж болохын тулд” (2 Нифай 9:3)

Та Иаков яагаад Мормоны Номд эдгээр бүлгийг нифайчуудад номлохдоо оруулсан гэдэгт анхаарлаа хандуулж болно (2 Нифай 8-ыг үзнэ үү). Суралцагчдаар 2 Нифай 9:3-ыг уншуулж, Иаковын өгсөн шалтгаануудын нэгийг олуул. Суралцагчдаар Исаиа 51–52-ыг уншуулж, хэн нэгэнд тэргүүнээ өргөн, баясахад нь туслах үгсийг олуул.

Адислал ирэхгүй байгаа мэт санагдвал

Их Эзэний адислалуудыг хараагүй үедээ Түүний урилгыг үргэлжлүүлэн сонсохыг сонгоход нь суралцагчдад туслахын тулд “No Blessings Denied the Faithful (Итгэлтэй хүмүүст үгүйсгэгдсэн адислал гэж үгүй)” (3:01) видео бичлэгийг үзүүлж болно. Дараа нь суралцагчид сурч мэдсэн эсвэл мэдэрсэн зүйлээ хуваалцаж болно.

3:2