Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 53: Есүс Христ “бидний сул дорой байдлыг тээж өвчин зовлонг маань үүрчээ”

“Исаиа 53: Есүс Христ ‘бидний сул дорой байдлыг тээж өвчин зовлонг маань үүрчээ’” Хуучин Гэрээний семинарын багшийн гарын авлага(2026)

“Исаиа 53: Есүс Христ ‘бидний сул дорой байдлыг тээж өвчин зовлонг маань үүрчээ’” Хуучин Гэрээний семинарын багшийн гарын авлага

Хичээл 124: Исаиа 50–57

Исаиа 53

Есүс Христ “бидний сул дорой байдлыг тээж өвчин зовлонг маань үүрчээ”

Jesus Christ Carries His Cross through the streets on His way to be crucified on Calvary Hill. An angel shows this experience to Nephi after he inquires about Lehi's vision.

Мөнх бус байдлын бэрхшээл нь бидэнд юу тохиолдож байгааг хэн нэгэн ойлгож байгаа эсэх, мөн бидэнд тусалж чадах эсэхэд эргэлзэхэд хүргэж болно. Есүс Христ Өөрийн цагаатгагч золиослолоор дамжуулан мөнх бус амьдралд бидний үзэж болох бүх зүйлийг мэдэрсэн. Есүс Христ Цагаатгалынхаа ачаар бидний зовлон зүдгүүрт тусалж чадна. Энэ хичээл суралцагчдыг Аврагчийн Цагаатгалаар дамжуулан тэдний төлөө хийсэн зүйлийн төлөө талархалтай байхад нь тусалж чадна.

Суралцагчийн бэлтгэл: Исаиа 53:3–5 гэсэн төгс эзэмших сургаалын эшлэлийг болон “Үнэхээр [Есүс Христ] бидний сул дорой байдлыг тээж, өвчин зовлонг маань үүрчээ” гэсэн судрын гол үг хэллэхийг цээжлүүл.

Боломжит суралцах үйл ажиллагаа

Амьдралын туршлага

Есүс Христ Цагаатгалынхаа нэг хэсэг болгон суралцагчдын төлөө юу туулсныг эргэцүүлэн бодоход нь тэдэнд туслахын тулд “Энэ нь ямар болохыг хэн ч мэдэхгүй.” Хэн ч ойлгохгүй,” гэж самбар дээр бич.

Хүмүүст ийм бодол төрүүлэх ямар ямар зүйл тохиолдож болох вэ?

Суралцагчдын хариултыг самбарт бичиж болно. Хэдэн суралцагчид хуваалцах боломж олго.

Дараа нь дараах мэдэгдэл, асуултуудыг харуул.

Дараах асуултуудад хариулах хариултаа бод:

Надад тохиолдсон эсвэл ингэж бодоход хүргэж болох ямар туршлага байж болох вэ?
Надад ингэж санагдвал би юу хийх ёстой вэ? Яагаад?

Суралцагчдыг Аврагч юу үзэж туулсан, Тэр тэдэнд хэрхэн тусалж болох талаар судлах үедээ хичээл дээрээ Ариун Сүнсийг урихад суралцагчдыг урамшуулан дэмж.

Аврагчийн Цагаатгал

Есүс Христ Цагаатгалаараа дамжуулан бидний амьдралдаа юу туулахыг төгс мэддэг мөн ойлгодог. Исаиа 53-т бошиглогч Исаиа Есүс Христийн цагаатгагч золиослолын талаар заав.

Исаиа 53:3–5 бол төгс эзэмших сургаалын судрын хэсэг юм. Суралцагчдаар төгс эзэмших сургаалын судрын хэсгийг амархан олохуйц байдлаар онцгойлон тэмдэглүүл.

Суралцагчид Исаиа 53-ыг хувиараа судалснаар Тэнгэрлэг Эцэг, Есүс Христ хоёртой харилцах харилцаагаа гүнзгийрүүлж, тайтгарал хүлээн авч чадна. Дараах үйл ажиллагаа бол суралцагчдаар Исаиа 53-ыг судлуулах нэг арга зам юм.

Исаиа 53:1–12, Алма 7:11–13-ыг уншаад, дараах зүйлийг олж мэд:

Аврагч Цагаатгалынхаа нэг хэсэг болгон юу үзэж туулсан
Аврагч Цагаатгалынхаа ачаар миний төлөө юу хийж чадах вэ

Та олж мэдсэн зүйлээ тэмдэглэхийн тулд судлах тэмдэглэлдээ хоосон хуудсан дээр хоёр багана гаргаж болно.

Аврагч юу үзэж туулсан	Аврагч бидний төлөө юу хийж чадах

Суралцагчдад судлах хангалттай цаг өгсний дараа тэднийг жижиг бүлгүүдэд хуваарил. Суралцагчдаар судалсан зүйлээсээ юу олж мэдсэнийг нь хуваалцуул. Цөөн хэдэн бүлэг дүгнэлтээ ангийнхантайгаа хуваалцаж болно. Суралцагчид дараах үнэнүүдийг олж тогтоож болно:

Есүс Христ Цагаатгалынхаа нэг хэсэг болгон бидний уй гашуу, өвчин эмгэг, зовлон, уй гашууг Өөр дээрээ авч, бидний нүглийн төлөө зовж шаналсан юм.
Бид Есүс Христээр болон Түүний Цагаатгалаар дамжуулан өршөөгдөж, эдгэрч чадна.

Аврагчийн Цагаатгал надад зориулагдсан

Исаиа 53:3–6-г дотроо дахин давтан уншиж бай. Харин энэ удаад өөрийнхөө нэрийг, би эсвэл миний нэрийг бидний, бид, бид гэсэн үгсээр орлуул.

Та эдгээр шүлгийг өөр дээр тусгаснаараа өмнө нь олж хараагүй юуг сурсан бэ эсвэл юу анзаарсан бэ?

Хэрэв Аврагч Цагаатгалынхаа нэг хэсэг болгон бидний зовлон шаналлыг хэрхэн биеэрээ туулсан тухай нэмэлтээр судлах нь суралцагчдад тустай гэж үзвэл та ахлагч Бэднарын хэлсэн дараах мэдэгдлийг суралцагчдаар судлуулж болно. Ахлагч Бэднарын мэдэгдлийг үзүүлж, суралцагчдыг Аврагч, Түүний Цагаатгалыг ойлгоход нь туслах үг, хэллэгийг олж мэдэхэд урих талаар бодож үз.

Арван хоёр төлөөлөгчийн чуулгын ахлагч Дэвид А.Бэднар Аврагчийн золиослол ямар гүн гүнзгий хувийн шинж чанартай байсан талаар ийн заасан.

16:23

Эхлээд Аврагчийн биеэр амсаагүй тийм их бие махбодын өвчин, сүнслэг байдлын шарх, сэтгэл санааны зовлон, сул дорой байдал энэ мөнх бус амьдралд та бидэнд хэзээ ч тохиолдохгүй. Бид сул дорой байдлаасаа болж, “Ийм хүнд ачааг хэн ч мэдэхгүй. Хэн ч ойлгохгүй шүү дээ” хэмээн дуу алдан хашхирч мэднэ. Харин Бурханы Хүү төгс мэддэг, төгс ойлгодог, учир нь Тэр бидний хүн нэг бүрийн ачааг мэдэрч, үүрсэн юм. Тэр Өөрийн хязгааргүй хийгээд мөнхийн золиослолын улмаас сэтгэл санааны зовлонг төгс ойлгодог бөгөөд бидэнд нигүүлслийн мутраа сунгаж чадна (Алма 34:14-ийг үзнэ үү). Тэр бидэнд туслахыг санал болгон, бидэнд нөлөөлж, дэмжлэг үзүүлэн, биднийг эдгээн хүчирхэгжүүлж чадна. Тэрээр бидэнд өөрсдийнхөө хүчинд тулгуурлан яагаад ч хүрч чадахааргүй түвшинд хүрэхэд мөн өөрсдийнхөө хүчээр хийж чадахгүй зүйлсийг хийхэд тусалж чадна. (“Тэд ачаагаа амархан дааж чадахын тулд,” 2014 оны 4-р сарын Ерөнхий чуулган, 107-108)

Туулж буй зовлонг нь хэн ч ойлгохгүй байгаа мэт санагддаг хүнд та юу гэж хэлэх вэ? Исаиа 53, Алма 7:11–13, ахлагч Бэднарын хэлсэн үг, хэллэгийг ашиглах гэж оролдоод үз.

Аврагчийн Цагаатгалын талаар эргэцүүлэн бодох

Дараах асуултууд нь суралцагчдад Аврагчийн Цагаатгалд талархдагаа эргэцүүлэн бодоход тусалж чадна. Суралцагчдад асуултуудад хариулахдаа тунгаан бодох эсвэл хариултаа бичих цөөн минут гаргаж өг.

Суралцагчдад тунгаан бодох цаг өгөх нь тэдэнд Есүс Христтэй харилцах харилцааныхаа талаар эргэцүүлэн бодоход тусалж чадна. Тунгаан бодохдоо эсвэл бичихдээ ариун нандин хөгжим аяархан тоглох талаар бодож үз.

Та өнөөдөр Аврагчийн талаар болон Түүний Цагаатгалын тухай сурсан зүйлээ ашиглан дараах асуултуудад хэрхэн хариулах вэ?

Та уй гашуу, харуусал, өвчин шаналлыг мэдрэхдээ яагаад Есүс Христэд хамгийн түрүүнд хандах ёстой вэ?
Та эсвэл таны таньдаг хэн нэгэн уй гашуу, харуусал, өвчин шаналлыг мэдэрч байхдаа Аврагчийн тайтгарлыг хэрхэн мэдэрсэн бэ?

Цээжлэх

Та энэ хичээлийн турш төгс эзэмших сургаалын эшлэл, судрын гол үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Исаиа 53:3–5 дээрх судрын гол үг хэллэг: “Үнэхээр [Есүс Христ] бидний сул дорой байдлыг тээж өвчин зовлонг маань үүрчээ.” “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Есүс Христ надад хэрхэн тусалж чадах вэ?

Арван хоёр төлөөлөгчийн чуулгын ахлагч Үлиссэс Соарэс ийн гэрчилжээ.

11:10

Аврагч … мөнх бус амьдралын зовлон зүдүүр, уруу таталт, сул талтай нүүр тулахад … биднийг тайтгаруулж мөн тайвшруулдаг. …

Христ мөнх бус амьдралд бидэнд тулгардаг саад бэрхшээлийг үргэлж мэддэг гэдгийг би баталж чадна. Тэрээр бүх гашуун зовлон, шаналал, бие махбодын өвдөлт, бидэнд тулгардаг сэтгэл санааны болон сүнслэг саад бэрхшээлийг ойлгодог. Аврагчийн сэтгэл нигүүлслээр дүүрэн бөгөөд Тэр бидэнд туслахад үргэлж бэлэн байдаг. Тэр бидний сул дорой байдлын зовлон шаналгааг биечлэн мэдэрч, Өөрийн махан бие дээр авсан тул энэ нь боломжтой болсон.

Тэр номхон даруу зан, зүрх сэтгэлийн даруу байдалд бүхнээс доош бууж мөн бидний гэм буруу, ёс бусын улмаас шархдан, хүмүүст дорд үзэгдэж, гологдон, доромжлуулахыг хүлээн зөвшөөрсөн. Тэрээр дэлхийн нүглүүдийг үүрч, бүх хүн төрөлхтний төлөө энэ бүхнийг тэвчсэн мөн Тэр эцсийн эцэст бидний сүнслэг халамжлагч болсон билээ. (“Есүс Христ: Бодгалиудын маань халамжлагч,” Ерөнхий чуулган, 2021 оны 4-р сар, 80-83)

Амьдрал яагаад ийм хэцүү байдаг юм бол гэж бодох үедээ би юу хийж чадах вэ?

Залуу эмэгтэйчүүдийн ерөнхий ерөнхийлөгчийн зөвлөлийн нэгдүгээр зөвлөх асан Мишэлл Д.Крэг эгч ийн тайлбарласан.

11:16

Та сайн мэдээний дагуу амьдрахын тулд чадах бүхнээ хийж байхдаа итгэл, гэр бүл эсвэл ирээдүй тань сорилттой тулгарч амьдрал яагаад ийм хэцүү байгааг гайхах үедээ бидэнд бэрхшээл тулгарна хэмээн Их Эзэний хэлснийг сана. Бэрхшээл нь төлөвлөгөөний нэг хэсэг бөгөөд та хаягдаж хоцорсон гэсэн үг биш харин энэ бол Түүний шавийн амьдралын нэг хэсэг. Эцсийн эцэст, Тэр “өвчин зовлонг мэдэгч, зовлон шаналлын хүн” (Исаиа 53:3) байсан. (“Бүхий л зүрхээрээ,” Лиахона, 2022 оны 11-р сар, 60–62)

Исаиа 53:2. Би Аврагчийн тухай “нялх нахиа”, “хэлбэр дүрс, цог жавхлан … байсангүй” гэдэг үгсээс юу сурч болох вэ?

Ерөнхийлөгч Жозэф Фийлдинг Смит (1876–1972) ийн заасан.

Христ нялх нахиа шиг ургасан юм биш үү? Хүмүүст түүнийг бусдаас онцгой болгох ямар ч зүйл түүнд байсангүй. Тэрээр гадаад төрхөөрөө хүмүүс мэт байсан; тэгэхээр тэр ямар ч хэлбэр дүрс, цог жавхлангүй, өөрөөр хэлбэл, тэр бусдаас тийм ч өөр байгаагүй, хүмүүс түүнийг Бурханы Хүү гэж таних хэмжээний өөр байгаагүй гэж бошиглогч энд илэрхийлсэн. Тэр мөнх бус хүн болж гарч ирсэн. (Doctrines of Salvation, comp. Bruce R. McConkie [1954], 1:23).

Нэмэлт суралцах үйл ажиллагаа

Исаиа 53:10: “Түүний үр”

Есүс Христ “Амиа Тэр ялын тахил болговоос” “Үрээ Тэрээр үзнэ” (Исаиа 53:10) хэмээн Исаиа бошиглосон. Түүний үр байх гэдэг нь юу гэсэн утгатай болохыг ойлгоход суралцагчдад туслахын тулд “үр” гэдэг нь “хүүхдүүд” гэсэн утгатай гэдгийг тайлбарла. Та суралцагчдын дунд дараах эшлэлүүдийг оноож өгөөд, тэднийг Аврагчийн үр хэн болохыг мөн тэднийг ямар адислал хүлээж байгааг олж мэдэхэд урьж болно:

Дуулал 25:13
Дуулал 89:29
Мозая 5:7
Мозая 15:10-14
Мозая 27:25

Исаиа 53:3–5-ыг ойлгоход туслах нэмэлт тусламж

Исаиа 53:3–5-ыг судлахад нь суралцагчдад туслахын тулд та тэднээр Өсвөр үеийнхний бат бөх байдлын төлөө сэтгүүлийн 2022 оны 4-р сарын “Зовж шаналж буй Аврагч” нийтлэлийг уншуул.

Аврагч бидний бэрхшээлийг өөрийн биеэр мэддэг тухай гэрчлэл

Аврагч мөнх бус амьдралд бидэнд тохиолддог бэрхшээлийг биечлэн мэддэг гэдгийг ойлгоход нь суралцагчдад туслахын тулд та дараах видео бичлэгүүдээс нэгийг нь хуваалцаж болно. Эдгээр видео бичлэгийг ахлагч Соарэсын хичээл дээр хэлсэн үгтэй хамт эсвэл орлуулахын тулд ашиглаж болно. Та суралцагчдаар эдгээр видео бичлэгийн аль нэгийг хүнд хэцүү цаг үед амьдарч байгаа таньдаг хүнтэйг нь хуваалцуулж болно.

1:45-аас 3:37 хүртэл цагийн кодтой “The Savior Understands Me (Аврагч намайг ойлгодог)” видео бичлэг дээр Арван хоёр төлөөлөгчийн чуулгын ерөнхийлөгч Жэффри Р.Холланд Аврагч биднийг ойлгодог гэсэн гэрчлэлээ хуваалцаж байна.

3:37

“The Wounded Shall Be Healed (Шархалсан хүмүүс эдгээгдэх болно)” (5:46) видео бичлэг дээр Арван хоёр төлөөлөгчийн чуулгын ахлагч Нnaл Л. Андэрсэн Аврагч бидний шархыг хэрхэн эдгээдэг тухай хуваалцаж байна.

5:45