Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 5: “Lozan’izay milaza ny ratsy ho tsara ary ny tsara ho ratsy”

“Isaia 5: -Lozan’izay milaza ny ratsy ho tsara ary ny tsara ho ratsy-”, Testamenta Taloha: Boky torolalana ho an’ny mpampianatra seminera (2026)

“Isaia 5: -Lozan’izay milaza ny ratsy ho tsara ary ny tsara ho ratsy-”, Testamenta Taloha: Boky torolalana ho an’ny mpampianatra seminera

Isaia 1–12: Lesona 115

Isaia 5

“Lozan’izay milaza ny ratsy ho tsara ary ny tsara ho ratsy”

Nampitandrina an’i Isiraely ny Tompo, tamin’ny alalan’ny mpaminany Isaia, mikasika ny safidin’izy ireo feno fahotana, toy ny filazana ny “ratsy ho tsara ary ny tsara ho ratsy” (Isaia 5:20). Betsaka ny hevitra sy fomba manimba izay manana endrika tsara amin’izao fotoana izao. Afaka mampitombo ny fahaizan’ny mpianatra manavaka ny tsara sy ny ratsy ity lesona ity.

Fanomanana ny mpianatra: Asao ny mpianatra ho tonga ao am-pianarana miaraka amin’ny fahavononana hizara ohatra momba ny zavatra izay noheverina fa tsy mampidi-doza na noheverina ho tsara mihitsy aza, kanefa hita fa nampidi-doza tamin’ny farany.

ISahanasa fianarana azo atao

Hevitra sy fihetsika izay mitera-doza ara-panahy

Hevero ny hanomboka ny fampianarana amin’ny fampisehoana sarinà guépard miafina toy ilay iray any amin’ny fanombohan’ity lesona ity. Azonao atao avy eo ny mametraka ity fanontaniana ity ary mampiseho ny teny nambaran’ny Loholona David A. Bednar.

Inona no mahatonga ny guépard ho mampidi-doza amin’ny biby hazainy?

Mampitaha ny guépard amin’ny hevitra sy asa mampidi-doza ny Loholona David A. Bednar ao amin’ny Kôlejin’ny Apôstôly Roambinifolo.

15:59

Amiko ny guépards dia zava-boary tsara tarehy sy manaitra ary manintona. Ny volon’ny guépard mavo mavana misy teboka mainty izay ataony fierena tsara no mahatonga ireo biby ireo ho tsy hita rehefa mihaza ny rembiny any amin’ny tanibozak’i Afrika izy ireo.

Toy izany ihany koa ireo hevitra sy asa mampidi-doza ara-panahy dia matetika toa manintona sy mampitsiriritra ary mahafinaritra. Noho izany dia mila fantatsika tsirairay avy ny zavatra ratsy izay mamitaka antsika ka miseho ho zavatra tsara. (“Hiambina amim-bavaka lalandava”, Liahona, nôv. 2019, 33)

Inona avy ireo ohatra amin’ny “hevitra sy asa mampidi-doza ara-panahy” izay “mety ho toa manintona, sy mampitsiriritra, na mahafinaritra”?

Mety hanampy ny fanoratana ny valintenin’ny mpianatra eny amin’ny solaitrabe. Mety ho isan’ny valintenin’ny mpianatra ny hoe, “Ahy ity vatana ity. Azoko atao amin’izay hitiavako azy izany” na hoe “Tsy olana rehefa tsy misy mahita.” Mbola hiverina amin’ireo hevitra ireo ianao any aoriana kelin’ny lesona ao.
Inona no maha zava-dehibe ny famantarana ny zavatra ratsy izay mamitaka antsika ka miseho ho zavatra tsara?

Ireto fanazavana sy fanasana manaraka ireto dia afaka manampy ny mpianatra hahita ny maha zava-dehibe eo amin’ny fiainany ny zavatra hianarany ato amin’ity lesona ity.

Mety ho sarotra ny mahafantatra ireo hevitra sy asa mamitaka ireo, indrindra fa rehefa mety hanintona antsika izany. Isika tsirairay avy dia samy misaina sy miasa amin’ny fomba tsy tena mifanaraka tanteraka amin’ny fampianaran’i Jesoa Kristy (jereo ny Romana 3:23). Ny Ray any An-danitra sy i Jesoa Kristy dia hanampy antsika hamantatra izany ao anatintsika raha mikatsaka ny fanampian’ Izy Ireo amin’ny alalan’ny Fanahy Masina isika. Eo am-pandalinanao androany dia ifantohy akaiky ny fomba hanampian’ny Fanahy Masina anao hanavaka ny fahamarinana amin’ny fampianaran-diso.

Fitaka miafina

Fintino ity andiam-pehezan-teny manaraka ity ho fampidirana ny mpianatra amin’ny hafatra ankapobeny fonosin’ny Isaia 5.

Nampianatra ny Israelita mikasika ny fitiavany azy ireo sy ny vokatry ny safidy feno fahotana nataon’izy ireo ny Tompo tamin’ny alalan’ny fanoharana ny amin’ny tanim-boaloboka ao amin’ny Isaia 5. Na dia nanampy azy ireo hitombo aza ny Tompo dia nahatonga azy ireo ho “voalobo-dratsy” (jereo ny Isaia 5:2) ny safidy feno fahotana nataon’ny Isiraelita, izay tandindon’ny fahalotoana sy ny fankahalana tao amin’izy ireo. Satria nisafidy ny “handà” sy hanamavo ny Tompo sy ny fampianarany izy ireo (jereo ny Isaia 5:24) dia lasa tsy nanana ny fanampian’ny Tompo intsony izy ireo.

Azonao atao ny manasa ny mpianatra hanao topimaso ny Isaia 5:8–23 ary hanisa ny tenin’ny Tompo hoe “loza” (in-enina). Hazavao fa ny teny hoe “loza” dia manana hevitra hoe alahelo sy fijaliana lehibe. Niezaka nampianatra ny Isiraelita ny Tompo fa ny safidy feno fahotana nataon’izy ireo dia nampanalavitra azy ireo Taminy ary nitondra alahelo sy fijaliana.

Na dia betsaka aza ny fahamarinana azon’ity lesona ity ifantohana dia hifantoka amin’ny andinin-tsoratra masina fifehezana fotopampianarana Isaia 5:20 ny ambin’ny lesona.

Ny Isaia 5:20 dia andinin-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora amin’izy ireo ny mahita ny toerana misy azy ireo.

Vakio ny Isaia 5:20 ary jereo hoe inona no mitondra loza, na alahelo sy fijaliana.

Inona no hitanao?

Ampio ny mpianatra hamantatra fahamarinana toy ny hoe Raha milaza ny ratsy ho tsara na ny tsara ho ratsy isika dia tsy maintsy hiafara amin’ny fandalovana alahelo sy fijaliana izany. Asao ny mpianatra hanisy marika ny teny mandeha tsiroaroa anakintelo ao amin’ilay andininy, ratsy sy tsara, maizina sy mazava, ary mangidy sy mamy. Hazavao fa matetika i Isaia no manome ohatra maro mba hampazava kokoa ny fampianarany.

Amin’ny fomba ahoana no mitondra alahelo sy fijaliana ny filazana ny ratsy ho tsara na ny tsara ho ratsy?

Ny fanekena ny fisian’ny fahasarotana amin’ny famantarana ireo fitaka ireo dia afaka manampy ny mpianatra hahatsiaro fa misy mahatakatra ny mahazo azy ireo, hamantatra ireo sakana ary hahita ny filan’izy ireo an’ Andriamanitra.

Hivereno ilay lisitra misy ny “hevitra sy asa mampidi-doza ara-panahy” eny amin’ny solaitrabe ary apetraho ity fanontaniana manaraka ity.

Inona no mety hampananosarotra ny mamantatra ireto hevitra sy asa mampidi-doza ara-panahy ireto?

Eritrereto raha toa ka misy hevitra na asa mampidi-doza ara-panahy mety ho hitanao ho manintona, mampitsiriritra na mitondra fahafinaretana.

I Jesoa Kristy no fahamarinana

Rehefa nofantarina ireo zavatra mahatonga ilay izy ho sarotra dia ampio ny mpianatra hahita fa i Jesoa Kristy no vahaolana.

Vakio ny Jaona 14:6 ary jereo izay lazain’i Jesoa mikasika ny hoe iza moa Izy.

Inona araka ny hevitrao no tian’i Jesoa hambara raha milaza ny Tenany ho ny fahamarinana Izy?
Inona no nomen’ny Ray any An-danitra sy i Jesoa Kristy mba hanampiana antsika hamantatra ireo hevitra sy fihetsika mamitaka notanisaina teo aloha?

Na dia tsy lisitra feno aza izany dia mety hizara zavatra toy izao manaraka izao ny mpianatra:

Ny Fanahy (jereo ny Fotopampianarana sy Fanekempihavanana 11:12–13)
Ny Fahazavan’i Kristy (jereo ny Môrônia 7:16–19)
Mpaminany (jereo ny Fotopampianarana sy Fanekempihavanana 21:1, 4–6)
Soratra masina (jereo ny 2 Timoty 3:15–17)

Raha tsapanao ny fisian’ny zavatra ilain’ny mpianatrao dia azonao vakina sy resadresahana ny soratra masina sasany nomena.

Ny sahanasa manaraka dia manome fahafahana ny mpianatra handalina ny fampianaran’ny Mpamonjy mba hanampiana azy ireo hamantatra ny fahamarinany. Ataovy mijery ilay lisitra misy ny hevitra sy fihetsika mampidi-doza ara-panahy eny amin’ny solaitrabe ny mpianatra. Asehoy ireto torolalana manaraka ireto.

Mba hanampiana antsika hahay hanavaka ny fahamarinana amin’ny fahadisoana dia afaka mitodika any amin’ny fampianaran’i Jesoa Kristy sy ny mpaminaniny isika. Toerana iray ahafahantsika “mahita ny fampianaran’i Jesoa Kristy sy ny mpaminaniny” ao amin’ny Ho zatovo mahery!: Torolalana amin’ny fanaovana safidy (“Manaova safidy entanim-panahy”, Ho zatovo mahery!: Torolalana amin’ny fanaovana safidy [2022]).

Mifidiana hevitra na fihetsika iray izay ratsy nefa miseho tahaka ny hoe tsara, na tsara izay aseho na lazaina hoe ratsy. Halalino ny torolalana Ho zatovo mahery! ary jereo ny fampianaran’i Jesoa Kristy sy ny mpaminaniny izay mety hanampy anao hisafidy ny hanaraka an’i Jesoa Kristy fa tsy ireo hafatra feno fitaka avy amin’ny devoly. Soraty ny fomba anitsian’ny fampianaran’ny Mpamonjy ireo hevi-diso.

Asao ny mpianatra hizara ny zavatra hitany. Mba hanaovana izany dia afaka misafidy hevitra na fihetsika iray eny amin’ny solaitrabe ny mpianatra. Angataho ny iray kilasy hanazava hoe amin’ny fomba ahoana ny zavatra nianarany no mampiseho fa manimba ara-panahy izany hevitra na fihetsika izany. Ohatra, raha nosafidian’ny mpianatra iray ny hoe “Tsy olana rehefa tsy misy mahita” dia afaka zarain’ny mpianatra ny zavatra nianarany tao amin’ny fizarana “Hanafaka anao ny fahamarinana” ao amin’ny torolalana Ho zatovo mahery! toy ilay andiam-pehezan-teny manomboka amin’ny hoe “Ny hoe miaina amim-pahitsiana dia midika hoe tia ny fahamarinana amin’ny fonao rehetra” na “Tiavo ny fahamarinana.”

Misaintsaina momba ny fianarana

Omeo fahafahana hisaintsaina izay nianarany amin’ny alalan’ny fanehoana fanontaniana toy ity manaraka ity ny mpianatra.

Soraty ao anatin’ny diary fandalinanao ny valinteninao amin’ity fanontaniana manaraka ity:

Inona no nianaranao androany ka manampy anao hamantatra ny fahamarinana sy hanaraka tsara kokoa an’i Jesoa Kristy?

Azonao atao ny manasa ny mpianatra hizara ny ao am-pony sy ny fijoroana ho vavolombelona ananany amin’ny alalan’ny fizarana izay nosoratany. Azonao atao ny mijoro ho vavolombelona momba an’i Jesoa Kristy sy ny anarana fiantsoana Azy amin’ny maha Fahamarinana Azy.

Fanaovana tsianjery

Ampio ny mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nianarana tamin’ity lesona ity, ary hanao famerenana izany amin’ny lesona manaraka. Ny andian-teny manan-danja ao amin’ny soratra masina ho an’ny Isaia 5:20 dia ny hoe “Lozan’izay milaza ny ratsy ho tsara ary ny tsara ho ratsy.” Hita ao amin’ny votoatin’ny tovana ao amin’ny “Sahanasa famerenana ny fifehezana fotopampianarana” ireo hevitra hanaovana ny sahanasa fianarana tsianjery.

Loharanom-pitaovana fanampiny

Inona no afaka manampy ahy hanavaka ny tsara amin’ny ratsy?

Nilaza toy izao ny Filoha Dallin H. Oaks ao amin’ny Fiadidiana Voalohany:

Rehefa manomboka mampitaha ireo fomba fanao sy firehan-kevitra maoderina amin’ny zavatra fantatsika momba ny drafitr’ Andriamanitra sy ireo torolalana nomena ao amin’ny tenin’ Andriamanitra ary ireo fampianaran’ny mpaminaniny velona isika, … dia fantatsika fa mametraka antsika amin’ny toerana azo antoka mandrakizay izany. (“As He Thinketh in His Heart”, [evening with Elder Dallin H. Oaks, Feb. 8, 2013], 5)

Jereo ny andiam-pehezan-teny 11 sy 12 ao amin’ny “Mahazo fahalalana ara-panahy” ao amin’ny Tahirin-kevitra fototra ho an’ny fifehezana fotopampianarana (2023).

Jereo ny “Ataovy ivon’ny fiainanao i Jesoa Kristy” na ny “Mampiasà loharanom-pahalalana azo antoka”, ao amin’ny andiany Fikatsahana ny valin’ireo fanontanianao ao amin’ny fizarana Lohahevitra sy Fanontaniana ao amin’ny Médiathèque de l’Évangile.

Inona no maha samy hafa ny hafatry ny Ray any An-danitra amin’ny an’ny fahavalo?

Nampianatra izao ny Filoha Russell M. Nelson:

24:24

Fetsy ny fahavalo. Nandritra ny arivo taona maro dia nataony ho toy ny ratsy ny tsara ary ho toy ny tsara ny ratsy. Toa mafy sy feno fahasahiana ary mieboebo ny hafatra ampitainy.

Ny hafatra avy amin’ny Ray any An-danitra anefa dia tena mahavariana fa hafa mihitsy. Mifandray amin’ny fomba tsotra, amim-pahanginana ary mazava tsara amin’ny fomba mahavariana tokoa ka tsy afaka ny ho diso fandray isika. (“Henoy Izy”, Liahona, mey 2020, 89)

Sahanasa fianarana fanampiny

Horonan-tsary azo isafidianana fanampiny

Mety hahasoa ny mpianatra ny mandre ny fanoritsoritan’ny Loholona Bednar mikasika ny zavatra tsikariny sy ny vadiny momba ny fomba fihazan’ny guépards nandritra ny fitsidihana nataony tany Afrika. Afaka mijery ampahany lava kokoa amin’ity lahateny ity ianao ao amin’ny “Hiambina amim-bavaka lalandava”, manomboka eo amin’ny mari-potoana 2:13 ka hatramin’ny 6:07 izay ahitana ihany koa ny zavatra niainany.

15:59

“Ny haizina ho hazavana … ny mangidy ho mamy” (Isaia 5:20)

Koa satria mety tsy ho vonona avy hatrany ny hilaza ny fihetsika na hevitra iray ho tsara na ratsy ny mpianatra dia azonareo atao ny mandany fotoana miresaka rehefa avy namantatra ilay fahamarinana natao sora-matavy mikasika ireo ohatra fanampiny nomen’i Isaia hoe: maizina sy mazava, mangidy sy mamy.

Inona no ohatra fanampiny ahitana fihetsika na hevitra mampidi-doza ara-panahy ka mety “[h]ametraka ny haizina ho hazavana, ary ny hazavana ho haizina; manao ny mangidy ho mamy ary ny mamy ho mangidy” (Isaia 5:20)?

Na dia mety tsy hilaza momba ny mozika sasany tiany na ny famazivaziana ny namany ho zavatra ratsy aza ny mpianatra dia mety hizara izy ireo fa ny karazana mozika sasany dia afaka mampitombo ny haizina na hazavana na ny fomba fitondrany ny olona hafa dia mety hiteraka zavatra mangidy na mamy eo amin’ny fifandraisana.

Ahoana no hanavahana ny loharano azo antoka sy tsy azo antoka

Fomba iray hamantarantsika ny fitaka ataon’i Satana ny fahaizana manavaka ny loharano azo antoka sy tsy azo antoka. Azonao atao ny manampy ny mpianatra hianatra hanao izany amin’ny alalan’ny fampiasana ireo fitaovana hita ao amin’ny “Fampiofanana madinika 3: Ahoana no fomba hanombanana ny loharano azo antoka”, izay hita ao amin’ny fandaharam-pianarana Institiota hoe Mamaly ny fanontaniako momba ny filazantsara, fitaovana ho an’ny mpampianatra. Na azonao atao ny mampiasa ny fitaovana mikasika ny fijerena loharano azo antoka izay hita ao amin’ny loharano “Fikatsahana ny valin’ireo fanontanianao” ao amin’ny Lohahevitra sy Fanontaniana ao amin’ny Médiathèque de l’Évangile.

Isaia 6: Miova amin’ny alalan’i Jesoa Kristy sy ny Sorompanavotany

Azonao heverina ny mampianatra mikasika an’i Jesoa Kristy amin’ny alalan’ny tandindona ampiasaina ao amin’ny Isaia 6. Azonao atao ny mampiseho sary mandeha tsiroaroa izay maneho ny teo aloha sy ny any aoriana, toy ny fiara tsy mbola nosasana sy efa avy nosasana.

Hevero ny hamintina ny Isaia 6:1–4 amin’ny fanazavana fa nahazo fahitana momba ny tenany nijoro teo anatrehan’ny Tompo i Isaia. Niezaka namariparitra ny hery sy ny voninahitra tsapany teo anatrehan’ Andriamanitra i Isaia.

Asao ny mpianatra hamaky ny Isaia 6:5 ka hitady ny zavatra tsapan’i Isaia teo anatrehan’ny Tompo.

Tamin’ny fomba ahoana no mety efa nahatsapanao zavatra nitovy tamin’ny an’i Isaia?

Azon’ny mpianatra atao avy eo ny mandalina ny Isaia 6:6–10 ary mijery sary na andian-teny mampianatra azy ireo momba ny fiovantsika amin’ny alalan’i Jesoa Kristy sy ny Sorompanavotany. Mety hanamarika izy ireo fa ny alitara dia mampahatsiahy antsika ny sorona nataon’i Jesoa Kristy (jereo ny andininy 6), ny hoe mitehika amin’ny molotra dia mampahatsiahy antsika ny hery manadion’i Jesoa Kristy (jereo ny andininy 7), ary ny valinteny nasetrin’i Isaia tao amin’ny andininy 8 dia mampahatsiahy antsika ny valintenin’i Jesoa Kristy tamin’ny Ray any An-danitra tany amin’ny fiainana talohan’ny nahaterahana (jereo ny Abrahama 3:27).

Rehefa mizara izay zavatra hitany ny mpianatra dia ampio izy ireo hamantatra fahamarinana toy ny hoe Amin’ny alalan’i Jesoa Kristy sy ny Sorompanavotany dia afaka miova sy ho lasa madio aho.

Amin’ny fomba ahoana no ahafahan’ny zavatra niainan’i Isaia tamin’i Jesoa Kristy sy ny Sorompanavotany mitondra fanantenana ho an’ny olona mety hahatsapa ho tsinontsinona na tsy mendrika ?
Tamin’ny fomba ahoana no niovanao tamin’ny alalan’i Jesoa Kristy sy ny Sorompanavotany? Aza mizara zavatra mahakasika loatra ny tenanao manokana,

Hevero ny hanampy ny mpianatra hahita fa ny fiainana manokana ny hery manavotr’i Jesoa Kristy dia afaka mampitombo ny faniriantsika hanao ny sitrapony. Azon’ny mpianatra atao ny mampitaha ny fahatsapana voalohany nananan’i Isaia ao amin’ny andininy 5 (“Lozako! maty aho”) amin’ny zavatra navaliny tamin’ny fanasana nomen’ny Tompo azy ao amin’ny andininy 8 (“Inty aho; iraho aho”). Azon’ny mpianatra atao ny mizara ny antony mahatonga ny fahatsapana ny hery manavotr’i Jesoa Kristy mampitombo ny faniriantsika hanao ny sitrapony, na afaka mizara ohatra avy amin’ny soratra masina na avy amin’ny olona fantany izay mampiseho izany faniriana hiova izany izy ireo.