“Iloilo Lou A’oa’oina 7: Iopu–Failauga,” Tusi Lesona a le Faia‘oga Seminare o le Feagaiga Tuai (2026)
“Iloilo Lou A’oa’oina 7: Iopu–Failauga,” Tusi Lesona a le Faia‘oga Seminare o le Feagaiga Tuai
Fa’ataoto 1–4; 15–16; 22; 31; Failauga 1–3; 11–12: Lesona 112
Iloilo Lou A’oa’oina 7
Iopu–Failauga
O le manatunatu ma le iloiloina o lo tatou a’oa’oina fa’aleagaga, e mafai ona fesoasoani ia i tatou e fa’alatalata atili atu ai i le Tamā Fa’alelagi ma Iesu Keriso.O lenei lesona e mafai ona fesoasoani i tagata a’oga e manatunatu ai i sini sa latou fa’atutuina, ma le tuputupu ae ua latou o’o iai i a latou suesuega lata mai o le Feagaiga Tuai.
Sauniuniga a le tagata a’oga: Vala’aulia tagata a’oga e omai i le vasega ma sauni e fa’asoa mai se tala po o se aoaoga mai le Feagaiga Tuai ua iai se a’afiaga i lo latou aga’iga’i i luma fa’aleagaga.
Gaoioiga e Ono Mafai Ona Aoaoina Ai
O le suesuega e lau vasega o le Iopu agai i le Failauga, atonu na taula’i atu i taunu’uga eseese nai lo taunu’uga na iloiloina i lenei lesona.Afai o lea, fetu’una’i gaoioiga e iloilo ai le tuputupu a’e na o’o iai tagata a’oga, mai taunu’uga na taula’i atu iai i lau vasega.
I lenei lesona, o le a maua ai e tagata a’oga le avanoa e iloilo ai lo latou alualu i luma i vaega nei:
-
Fa’amalamalama atu o le Toetū, o se vaega o le fuafuaga a le Tamā Fa’alelagi.(Manatua: O lenei gaoioiga e fa’avae i a’oa’oga mai le Lesona 98: “Iopu 14, 19.”)
-
Ia lagona se naunautaiga e tapuai atu i le Tamā Fa’alelagi ma Iesu Keriso.(Manatua: O lenei gaoioiga e fa’avae i se fautuaga mai le Lesona 101: “Fa’atomuaga i le Salamo, Vaega 2.”O isi lesona mai le Salamo ma tusi eseese mai le Feagaia Tuai, atonu na fesoasoani foi i tagata a’oga e fa’ateleina ai lo latou naunau e tapuai i le Ali’i.)
-
Suesue nao oe e le aunoa i tusitusiga paia.(Manatua: O lenei gaoioiga e fa’avae i a’oa’oga mai le Lesona 107: “Salamo 119.”E tusa lava pe le’i suesueina e le vasega le lesona patino lenā, o le vala’aulia o tagata a’oga mai lea taimi i lea taimi e iloilo a latou suesuega patino o tusitusiga paia e mafai ona fesoasoani ia i latou i lo latou alualu i luma fa’aleagaga.)
Suesuega masani
Ina ia amatalia le lesona, mafaufau e fesoasoani atu i tagata a’oga ia iloa le taua o le faia o suesuega masani i mea taua, nai lo o le taula’i atu i na mea tau lava i le taimi ua mavae ai ona tula’i mai ni fa’afitauli.E te ono manao e fa’aalia se ata o se mea faitino e masani ona manaomia pea lona suesueina.Pe e te fa’amatala atu foi se tala patino i se auala na fa’amanuiaina ai oe i le fa’aaluina o se taimi e iloilo lelei ai se mea.
-
Aiseā e taua ai iloiloina e le aunoa o mea nei?O le ā se mea atonu e tupu pe a tatou lē fa’aalu se taimi e iloilo ai nei mea?
-
O taavale
-
Faagasologa e agai atu i le fa’auuina ai mai se a’oga maualuga
-
Ola maloloina fa’aletino (mo se fa’ataitaiga, mata, taliga, nifo, ma le ola maloloina lautele)
E mafai ona e tata’i atu le talanoaga ma le vasega i tulaga fa’aleagaga e ala i le faia o fesili e fa’apei o le:
-
Aiseā e te manatu ai e taua le iloiloina o le alualu i luma fa’aleagaga mai lea taimi i lea taimi?
-
E mafai fa’apefea ona fesoasoani le iloaina o le alualu i luma o loo tatou faia, fa’apea ma fetuuna’iga e mafai ona tatou faia?
Fa’aalu se taimi e iloilo ai pe faapefea ona fesoasoani au suesuega o le Feagaiga Tuai e te alualu ai i luma faaleagaga i lenei tausaga.A o e suesueina lou alualu i luma, atonu e te mafaufau loloto pe tusi au tali i se tasi pe sili atu o fesili nei:
-
O le ā se mea ua e a’oa’oina e uiga i le Tamā Faalelagi ma Iesu Keriso e taua ia te oe?
-
E iai ni tala faaletusipaia faapitoa po o ni a’oa’oga ua iai ni a’afiaga iā te oe?Afai o lea, e fa’apefea?
-
Pe o e fiafia i le alualu i luma o loo e faia?Fa’apefea ona tupu lena mea, po o le ā foi se mea e mafai ona e faia e fesoasoani ai iā te oe ia maua taunuuga o loo e sailia?
A mae’a le taimi e mafaufau loloto ai ma tusia i lalo, vala’aulia ni volenitia e fa’asoa o latou manatu ma lagona.
Fa’amalamalama atu le Toetū o se vaega o le fuafuaga a le Tamā Fa’alelagi
Mafaufau e tusi le fesili lenei i luga o le laupapa.Nai lo le tuuina atu i tagata a’oga e tali le fesili, vala’aulia i latou e fa’asoa mai po o ai e ono faia mai lenei fesili, po o le a foi le tulaga e ono fesiligia ai e se tasi.
-
Pe tatou te toe ola pe a tatou feoti?
Fesoasoani i tagata a’oga ia malamalama e faapea, o le tatou malamalama i le Toetū o Iesu Keriso, e mafai ona fesoasoani ia i tatou e tali atu ai lenei fesili.
O le gaoioiga lenei e mafai ona fesoasoani i tagata a’oga e fa’amatala ai lo latou malamalama’aga e uiga i le Toetū a Iesu Keriso.I le Lesona 98: “Iopu 14, 19,” atonu na tusia e tagata a’oga se parakalafa e tali ai i le fesili a Iopu: “Afai e oti le tagata, e toe ola mai ea o ia?”(Iopu 14:14).Vala’aulia tagata a’oga e toe iloilo lena parakalafa i totonu o a latou api tala’aga o suesuega ma faitau soo se mau faasino atonu sa latou fa’aaofia i la latou tali.
Afai e lei tusiaina e tagata a’oga se tali i le fesili a Iopu, mafaufau e tuuina atu mau faasino nei mo i latou e faitau.
-
1 Korinito 15:20–22
A mae’a ni nai minute na tuuina atu i tagata a’oga e toe iloilo ai mea na latou tusia po o mau o i luga, vala’aulia i latou e filifili se numera i le va o le tasi ma le fa.Fa’atulaga tagata a’oga i ni vaega toalaiti faatasi ma i latou e ese numera sa latou filifilia.Vala’aulia i latou e fa’asoa ma a latou vaega pe fa’apefea ona latou fa’amatalaina le Toetū ma le matafaioi a Iesu Keriso i le tulaga o i lalo e feso’otai ma le numera sa latou filifilia.
-
O se tasi o le vasega i le a’oga o lo o fia malamalama e fa’atatau i a’oa’oga a le tatou ekalesia e fa’atatau i le olaga pe a mavae le oti
-
O se uo i le galuega ua ia fa’atoa iloaina o lo o maua se isi o nai ona tei i se ma’i ogaoga
-
Tamaiti laiti i se vasega peraimeri
-
Tuuina atu ai o se tautalaga i le maliu o se tasi o ou tua’a
A mae’a ona maua e tagata a’oga le avanoa e fa’asoa ai i le tasi ma le isi, atonu e te fai i ni nai tagata a’oga naunautai e fa’asoa mai mea ua latou a’oa’oina mai lenei a’afiaga.E mafai ona fa’aaofia ai se malamalamaaga fou ua latou a’oa’oina e uiga ia Iesu Keriso ma le Toetū, po o se mea ua latou a’oa’oina e ala i le fa’amalamalama atu i isi.
Lagona se naunautaiga faateleina e tapuai i le Tamā Fa’alelagi ma Iesū Keriso
I le avea ai o se vaega o le Lesona 101: “Fa’atomuaga i le Salamo, Vaega 2,” atonu ua amatalia e tagata a’oga ona fatu fa’atasi se vitiō, solo, atatusi, mime, po o nisi auala e fa’aali mai ai o latou manatu ma lagona e fa’atatau i le Tamā Fa’alelagi ma Iesu Keriso.Vala’aulia tagata a’oga ia saili pe ia manatua la latou galuega fa’atino.Fa’aali atu faatonuga ma fesili nei mo tagata a’oga e tali i totonu o a latou api tala’aga mo suesuega.E te ono tataina ni musika filemu a’o faatino e tagata a’oga lenei gaoioiga.
Fa’aalu sina taimi e mafaufau ai e uiga i le a’afiaga na oo ia te oe i le fatuina o lenei galuega.Vala’aulia le Agaga Paia e fesoasoani ia te oe ia toe manatua lagona na e fa’aalia.
-
O le ā se mea na e a’oa’oina pe lagonaina e fa’atatau i le Tamā Fa’alelagi ma Iesu Keriso talu ona e fatuina lenei faaalia o le tapuai?
-
O a suiga, pe afai e iai, sa e maitauina i le auala e te mafaufau ai ma lagona e fa’atatau i le Tamā Fa’alelagi ma Iesu Keriso talu ona e fatuina lenei galuega?O ā ni ou lagona i le taimi nei?
-
I le va’ava’ai ai i lau galuega fa’atino, o le ā se mea e te ono fa’aopoopoina?O ā ni mea e te ono suia?
Atonu e te tuuina atu le avanoa i ni tagata aoga naunautai o e latou te le’i faasoaina mai a latou galuega fa’atino, e fa’asoa mai se mea sa latou fatuina ma po o le a se mea na anoa ia i latou e uiga i le gaoioiga ae po o ā foi ni o latou lagona.
Suesue oe lava e le aunoa i tusitusiga paia
I le Lesona 107: “Salamo 119,” atonu na e fatuina se lesona e faaaogaina ai mea faitino e ala i le fa’amu itiiti o molī i totonu o le potu ae kī se lamepa po o se molī uila.Afai o lea, mafaufau e toe faia lenei lesona fa’atino ma fai atu i tagata a’oga e faitau le Salamo 119:105.Vala’aulia i latou e fa’asoa ni mea o latou manatua mai lena lesona, e aofia le auala e faapei ai le afioga a le Atua o se malamalama i o tatou olaga.
Atonu na vala’aulia tagata a’oga i lena lesona e fatu se sini patino o le suesueina o tusitusiga paia, po o le toe manatunatu pe o fa’afefea lo latou faatinoina o lena sini ua mae’a ona latou fa’atūina.Vala’aulia i latou e toe iloilo pe o fa’afefea mai la latou sini suesue ma pe fa’apefea ona fesoasoani ia i latou.Ina ia faia lenei mea, e te ono fa’aali atu fa’atonuga nei:
I lau api tala’aga o suesuega, tusi pe o fa’afefea mai le faagasologa o au suesuega o tusitusiga paia.E te ono fa’aaofia ai ni tali i nisi o fesili nei:
-
O fa’apefea mai lou faaauauina pea o le faatinoina o lau sini?
-
Pe e te lagona o lo’o taitai oe e le Ali’i a o e suesue i tusitusiga paia?Aiseā pe aiseā foi e leai ai?
-
O ā ni faafitauli o loo feagai ma oe, pe afai o iai?
-
E faapefea ona e ono manao e faaauau pea ona faaleleia au suesuega o tusitusiga paia?
Vala’aulia tagata a’oga e fa’asoa mai o latou manatu.Afai latou te faa’soa mai itu manuia, mafaufau e fesili atu fesili pei o le “Ua fa’apefea ona a’afia ai o lou olaga?” po o le “O le ā se mea na e faia e fesoasoani ia te oe e taitai atu ai i lenei taunu’uga?”Afai latou te fa’asoa mai ni faigata o loo iai, mafaufau e vala’aulia le vasega e sue ni mau, fa’amatalaga mai taitai o le Ekalesia, pe fa’asoa ni a’afiaga patino e ono fesoasoani.Taumafai e fatu se siosiomaga o loo taumafai ai tagata a’oga e fesoasoani ma lagolago ai le tasi i le isi.
Mafaufau e fa’asoa atu foi au sini mo suesuega o tusitusiga paia faapea ma ou a’afiaga.