Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Fa’atomuaga i le tusi o Fa’ataoto: “E Foa’i mai e le Ali’i le Poto”

“Fa’atomuaga i le tusi o Fa’ataoto: ‘E Foa’i mai e le Ali’i le Poto,’” Tusi Lesona a le Faia’oga Seminare o le Feagaiga Tuai (2026)

“Fa’atomuaga i le tusi o Fa’ataoto: ‘E Foa’i mai e le Ali’i le Poto,’” Tusi Lesona a le Faia’oga Seminare o le Feagaiga Tuai

Fa’ataoto 1–4; 15–16; 22; 31; Failauga 1–3; 11–12: Lesona 109

Fa’atomuaga i le tusi o Fa’ataoto

“E Foa’i mai e le Ali’i le Poto”

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

E fa’apefea e fautuaga poto mai ia i latou e pele e te faatuatuaina ona fa’amanuiaina ai o lou olaga?O le suesueina o le tusi o Fa’ataoto, e mafai ona faapei o le sailia o le poto mai se uo alofa, o se tagata o le aiga, ma le Ali’i.O le fa’aaogaina ai o Lona poto i o tatou olaga, e mafai ona tatou tumau ai le ala sa’o ma le vaapiapi o feagaiga.O lenei lesona e mafai ona fesoasoani i tagata a’oga ia iloa mea moni e mafai ona fesoasoani ia i latou e mulimuli ai i le ala o le Ali’i.

Sauniuniga a le tagata a’oga: Vala’aulia tagata a’oga e filifili se fautuaga taua po o ni upu aoga mai fautuaga sa latou maua mai matua, taitai, ma uo faamaoni.Vala’aulia tagata a’oga e sauni e fa’asoa atu lena fautuaga ma pe na fa’apefea ona fa’amanuiaina ai o latou olaga.

Gaoioiga e Ono Mafai Ona Aoaoina Ai

Fautuaga fa’atuatuaina

Mafaufau e amatalia le vasega e ala i le saunia o ni fasi pepa mo tagata a’oga.Fa’atonu i latou e tusi i lalo sina fautuaga po o se apoapoaiga taua sa tu’uina atu ia i latou.A mae’a ona toe aoina mai fasi pepa, e mafai ona e faitau ni nai tali.Vala’aulia le tagata a’oga na tusia le tali e fa’asoa mai pe na fa’apefea ona fesoasoani lena fautuaga ia i latou.E mafai e tagata a’oga ona pasi fasi pepa o totoe fa’ata’amilo i le potu, i le faitauina o fautuaga a isi tagata o le vasega.Ona valaaulia lea o tagata a’oga e talanoaina fesili nei:

O le a se mea e taua ai le fautuaga a se tasi ia te oe?
E fa’apefea ona e iloa po o le fautuaga a ai e aoga mo oe?

A mae’a ona fa’asoa mai tali a tagata a’oga, e te ono vala’aulia i latou e mafaufau loloto ma le agaga tatalo i fesili o soso’o mai.
E fa’afia ona e mulimuli i fautuaga poto a isi?
E fa’afia ona e saili ma mulimuli i apoapoaiga a le Ali’i?

O le poto o Fa’ataoto

O le tusi o Fa’ataoto, o se tu’ufa’atasiga o le poto faa-tusisolo na tusiaina mo tagata Isaraelu.O nisi fuaitau i le Fa’ataoto e faapea na tusia e le Tupu o Solomona (taga’i Fa’ataoto 1:1; 10:1; 25:1; taga’i foi 1 Tupu 4:32), a o nisi tusitala e le o mailoa.A o e suesue i le Fa’ataoto, gaua’i atu pe fa’apefea e le Agaga Paia ona molimau i le upumoni, a o e taumafai e iloaina le alafua e finagalo le Ali’i e te fa’aaogaina i lou olaga.

E mafai ona e fa’amanatu atu i tagata a’oga o Fa’ataoto (e pei o Iopu ma Failauga) o loo fa’aaoga ai metotia o solo faa-Eperu e ono mafai ona lu’itauina ai le au faitau.Afai e mana’omia, fa’asoa atu e ui o le tele o Fa’ataoto e loloto i le fa’aleagaga, ae o nisi ua na o ni fautuaga fa’alelalolagi.

Faitau le Fa’ataoto 1:1–7, ma va’ava’ai mo nisi o fa’amoemoega o le fa’ataoto.

Vala’aulia tagata a’oga e faasoa mai mea na latou maua.Afai e aoga, e mafai ona e fesili atu pe aiseā e taua ai le poto i aso nei.

Mafaufau e fa’amatala atu “le mata’u i le Ali’i” (fuaiupu 7) o loo fa’asino atu i le lagonaina ma le fa’aalia o le fa’aaloalo ma le migao ia te Ia.Atonu e mananao tagata a’oga e tusi lenei fa’amalamalamaga i totonu o a latou tusitusiga paia.

Aiseā e te manatu ai o le fa’aaloalo ma le migao i le Ali’i o le “amataga lea o le poto”? (fuaiupu 7).

Faitau le Fa’ataoto 2:6–9, va’ava’ai mo le puna o le poto moni.(Manatua: o le talipupuni o se talitā e mafai ona feavea’i.)Mafaufau e fa’afeso’ota’i pe fefaasinoa’i nei fuaiupu ma le Mosaea 4:9.

E fa’apefea ona e aoteleina mea ua e a’oa’oina o se fa’amatalaga o le upumoni?

Fesoasoani i tagata a’oga ia iloa se upumoni e pei o le e foai mai e le Ali’i le poto ia i tatou e fesoasoani tatou te mulimuli ai i Ona ala.E mafai ona e vala’aulia tagata a’oga e tusi lenei upumoni i a latou fa’amaumauga, tusitusiga paia, po o api tala’aga o suesuega a o e tusiaina i luga o le laupapa.E mafai ona fa’asoa mai e tagata a’oga ni fa’ataitaiga o ni taimi na fesoaosoani ai le poto o le Ali’i ia i latou.E mafai ona latou talanoaina pe fa’apefea e Lona poto ona ese mai i le poto o le lalolagi.E ono ta’u mai e tagata a’oga ni mea pei o le totogiina o le sefulua’i e taitai atu ai i fa’amanuiaga a le Ali’i (Malaki 3:10) pe o le mulimuli i le tulafono a le Fa’aola i le soifua maloloina e maua ai e i tatou fa’amanuiaga fa’aletino ma fa’aleagaga (Mataupu Fa’avae ma Feagaiga 89:18–21).
E fa’apefea e le mulimuli ai i apoapoaiga poto a le Ali’i ona fesoasoani ia te oe e tumau i Ona ala?
O a nisi o fa’ataitaiga o ni taimi na saili ai e le Fa’aola le poto mai Lona Tamā nai lo mai nisi puna’oa?

O le poto i le Ali’i e mafai ona fesoasoani ia i tatou e mulimuli i Lana fa’ataitaiga

Fesoasoani i tagata a’oga ia iloa upumoni ia e vala’auliaina i latou e mulimuli i le Fa’aola ma avea faapei atili ai o Ia.Ina ia faia lena mea, e mafai ona e saunia nisi po o mau fa’asino uma nei mai le Fa’ataoto.E te ono tusia mau fa’asino ua e filifilia i luga o ni fasi pepa.E mafai ona e tuu atu se fasi pepa i se tasi i tagata aoga taitasi.Vala’aulia i latou e faitau le mau fa’asino ma fa’atino laasaga e lua o loo ta’ua i lalo.Ona mafai lea e tagata a’oga ona pasi le fasi pepa i le isi tagata a’oga ma toe fa’atino laasaga e lua.Toe fa’atino le fa’ataamilosaga seia uma ona suesueina e tagata a’oga nisi o fuaitau [eseese].

Manatua: Lesona 110: “Fa’ataoto 3” o le a taula’i atu i mea moni o lo o maua i lena mataupu.

Suesue se tasi pe sili atu o nei fuaitau mai le Fa’ataoto, ma fa’atino mea nei:

Tusi mea ua e a’oa’oina o se fa’amatalaga o le upumoni.
Tusi se fa’amatalaga puupuu pe fa’apefea e lenei poto ona fesoasoani i se tasi e mulimuli i le fa’ataitaiga a Iesu Keriso pe avea atili fa’apei o Ia.

Fa’ataoto 1:8

Fa’ataoto 4:14–15

Fa’ataoto 4:26

Fa’ataoto 6:23

Fa’ataoto 11:17

Fa’ataoto 15:1

Fa’ataoto 16:16

Fa’ataoto 16:18–19

Fa’ataoto 17:22

Fa’ataoto 23:17

Fa’ataoto 28:13

Fa’ataoto 29:18

Fa’ataoto 30:5

O lenei gaoioiga e mafai ona fesoasoani i tagata a’oga e fa’amatala ai mea ua latou a’oa’oina mai a latou suesuega o le Fa’ataoto.E mafai ona galulue taitoatasi tagata a’oga i le faia o lenei gaoioiga, pe e te fa’atulagaina foi i latou i ni vaega.E mafai ona e tufa atu ni pepa po o mea fa’atufugaga e faia ai se pepa faalauiloa lautele, pe e mafai foi e tagata a’oga ona fatu se mea e fa’aaoga ai a latou telefoni.Ina ia fesoasoani i tagata a’oga, fa’aali atu fa’atonuga nei.

2026 Old Testament Seminary Teacher Materials

Vaai faalemafaufau faapea sa talosagaina oe e fatu se ata va’aia e fa’aaoga ai se tasi o fuaitau o le Fa’ataoto e fesoasoani i talavou ia avea atili fa’apei o le Fa’aola.Filifili se Fa’ataoto ma fatu se pepa faalauiloa lautele fa’apei o se tasi e te ono maua i le mekasini Mo le Malosi o le Autalavou .O lau ata va’aia e tatau ona aofia ai mea nei:

O se ata faigofie—se mea fatufatu lelei e mafai ona tosina gofie ai le gaua’i atu o se talavou
Le mau faasino o le Fa’ataoto ma le upumoni o loo a’oa’o mai ai
O se fa’amatalaga i le auala e mafai ai e le fuaiupu o le Fa’ataoto ona fesoasoani i se talavou e mulimuli i le fa’ataitaiga a le Fa’aola ma avea atili fa’apei o Ia

Fefa’asoaa’i le poto o le Fa’ataoto

Tuuinaatu i tagata a’oga se avanoa e fa’asoa ma fa’aali ai a latou ata va’aia.Afai na fa’atino e tagata a’oga lenei gaoioiga i ni vaega, e mafai ona latou filifili se tasi e folasia atu a latou ata va’aia i le vasega.E mafai ona e fa’aali atu pepa faalauiloa lautele faataamilo i totonu o le potu, ma toe iloilo e tagata a’oga galuega a isi tagata o le vasega.Ina ia fa’aiuina le vasega, e te ono vala’aulia tagata a’oga e talanoa fesili nei pe tali i a latou api tala’aga o suesuega.

Taofi ma toe manatunatu i uunaiga atonu sa e maua mai i le lesona atoa o lenei aso.Ona tali lea o fesili nei i lau api tala’aga mo suesuega:

E fa’apefea e upumoni ua e a’oa’oina i lenei aso ona aafia ai lou naunautaiga ia mulimuli i le Ali’i?
O le ā se mea ua u’unaia oe e fai ia avea atili ai fa’apei ole Fa’aola?

O Puna’oa Fa’aopoopo

O fea e mafai ona ou maua ai le poto?

Na a’oa’o mai Elder David A. Bednar o le Korama a le Au Aposetolo e To’asefululua e fa’apea:

A o outou sailia le musumusuga ina ia maua le poto tou te mana’omia i o outou olaga, ou te vala’aulia outou ia tepa taula’i atu i le Fa’aola.O se tasi o auala sili ona lelei e o atu ai ia Keriso o le faitau lea o le Tusi a Mamona—mai le amataga e oo i le faaiuga—ma faailoa mai uiga faaalia ma uiga o Iesu Keriso o loo maua ai i totonu.A o e faia lenei mea ma le manatu moni i ai ma le faamaoni o le loto, e mafai ona e faalogo i Lona siufofoga.E mafai ona e iloaina o Ia i se auala ofoofogia tele.(“Mauaina o Fa’aaliga—O Savali Lata Mai Nei mai Pefofeta, Aposetolo, ma isi Taitai o le Ekalesia” [tusiga na’o le kopi fa’akomepiuta], Liahona, Iuni 2023, Potutusi o le Talalelei)

Aiseā e matautia ai le fa’alagolago i le poto fa’aletagata?

Na fa’amalamalama mai e Peresitene Russell M. Nelson:

5:49

O leo ma u’unaiga a le lalolagi ua matuā fa’atosina ma anoanoa’i.Ae ua tele na’ua leo e taufa’asese, fa’atosina, ma mafai ona tosoesea i tatou mai le ala o feagaiga.Ina ia aloese mai le loto nutimomomo lē ma’alofia e mulimuli mai ai, ou te aioi atu ia te outou i le asō, ia fa’afetaia’ia mailei a le lalolagi e ala i le fa’aavanoa o se taimi mo le Ali’i i lou olaga—i aso taitasi ma aso uma.

Afai o le tele o faamatalaga e te mauaina e sau mai faasalalauga faaleagafesootai po o isi ala faasalalau, o le a faaitiitia la lou gafatia e lagona ai musumusuga a le Agaga.Afai foi e te lē o sailia le Ali’i e ala i tatalo i aso taitasi ma le suesueina o le talalelei, ua e tuua oe lava i se tulaga lamatia i filosofia e ono fa’atosina ae e lē moni.(“Fa’aavanoa se Taimi mo le Ali’i,” Liahona, Nov. 2021, 120)

O le ā le eseesega i le vā o le malamalama ma le poto?

Sa fa’amatala e Peresitene Tavita O. McKay (1873–1970):

O le mauaina o le malamalama o se tasi lea o mea, ae o le fa’aaogaina [e] ese lava.O le atamai o le fa’aaogaina sa’o lena o le malamalama. (i le Conference Report, Ape. 1968, 93)

Gaoioiga Fa’aopoopo e A’oa’o Ai

Fa’ataoto 4:14–15.Alofia “le ala o ē amio leaga”

E ala mai le Aposetolo o Paulo, na a’oa’o mai e le Ali’i e faapea i soo se fa’aosoosoga, ua Ia saunia se auala e sola ese mai ai (taga’i 1 Korinito 10:13).I le Fa’ataoto, ua tatou a’oa’o ai o le ala a le Ali’i e sola ese mai ai, o le mea muamua lava o le alofia lea [o se fa’aosoosoga].Vala’aulia tagata a’oga e faitau le Fa’ataoto 4:14–15.Fai atu ia i latou e fatu se tulaga fa’ataitai e ono talanoaina i lenei fuaitau.E mafai e tagata a’oga ona fatu le tulaga faataitai i vaega to’alaiti.Ona mafai lea ona latou fesuia’i tulaga faataitai ma se isi vaega ma talanoaina pe fa’apefea e le alofiaina o le faaosoosoga ona sili atu nai lo o le taumafai e tete’e atu iai.E mafai e tagata a’oga ona fautua mai i ni nai auala e mafai ai ona alofia tulaga e ono fa’aosoosoina ai ia faia le agasala.

Ina ia fa’aloloto le malamalama o tagata a’oga, e mafai foi ona e fa’aali atu le vitiō “Alo Ese Mai Ai” mai le faailo taimi 0:00 i le 2:59.Na fa’aaoga e Elder Lynn G. Robbins o le Fitugafulu se fa’atusa o le tetee atu i kuki sukalati e fa’aalia ai le poto o le Fa’ataoto 4:14–15.

Fa’ataoto e manuia ai le olaga o se talavou

E te ono manao e fesoasoani atu i tagata a’oga ia va’ai pe fa’apefea e le poto o le Fa’ataoto ona fesoasoani i se talavou.O se tasi o auala o le fausiaina lea o se puipui.Filifili mau faasino se 16 o le Fa’ataoto ma tusi i laina i fafo ane.Vaevae tagata a’oga i ni vaega se 8.Faitau e vaega taitasi se seti tai lua o mau faasino o le Fa’ataoto ma tali fesili nei:

O le fea le fa’ataoto e te manatu e sili ona ’anoa i lou olaga i le taimi nei?
E ono mafai fa’apefea e lenei fa’ataoto ona fesoasoani ia te oe e mulimuli i le fa’ataitaiga a le Fa’aola po o le avea atili fa’apei o Ia?

A maea le talanoaga, e mafai e paga ona filifili se fuaiupu e sili ona taliina lelei ai nei fesili e lua.O la latou fuaiupu sa filifilia e mafai ona fa’aauau i le isi ta’amilosaga.Tu’u fa’atasi tagata a’oga ini vaega fou se fa, ma toe fa’atino le gaoioiga, faitau le fuaiupu ma talanoaina po o le fea le fa’ataoto e latou te fa’aaoga i le isi ta’amilosaga.Fa’aauau seia toe tasi le fuaitau e totoe mai le Fa’ataoto.A maea ona filifilia le fa’ataoto mulimuli, e mafai e tagata a’oga ona fa’asoa pe na fa’apefea ona latou vaaia lenei upumoni ua fesoasoani ia i latou po o se isi latou te iloa e mulimuli ai i le Fa’aola.

O a’oa’oga e uiga i le poto.

E ono aoga mo tagata a’oga le toe iloilo o mau e fesoasoani ia i tatou e malamalama ai i le poto.Afai o lea, e mafai ona e vala’aulia tagata a’oga e fai se fa’afanua fa’alemafaufau.E mafai ona e faia lenei gaoioiga e ala i le tusia o le upu Poto i le ogatotonu o le laupapa.Vala’aulia tagata a’oga e fa’aaoga a latou metotia po o meafaigaluega mo suesuega fa’aletusi paia, e sue ai mau e mafai ona fesoasoani ai i se tasi ia malamalama i a’oa’oga a le Ali’i e fa’atatau i le poto.Afai e manaomia e tagata a’oga se taitaiga fa’aopoopo, e te ono lisiina fuaiupu e pei o le Luka 2:52; Iakopo 1:5; Mosaea 4:9; Alema 37:35; Mataupu Fa’avae ma Feagaiga 10:43.E mafai ona e vala’ualia tagata a’oga e omai i le laupapa ma fa’aopoopo i le fa’afanua fa’alemafaufau ia mea ua latou a’oa’oina e uiga i le poto mai tusitusiga paia.