Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Fa’ataoto 3: “Fa’atuatua i le Ali’i”

“Fa’ataoto 3: ‘Fa’atuatua i le Ali’i,” Tusi Lesona a le Faia’oga Seminare o le Feagaiga Tuai (2026)

“Fa’ataoto 3: ‘Fa’atuatua i le Ali’i,’” Tusi Lesona a le Faia’oga Seminare o le Feagaiga Tuai

Fa’ataoto 1–4; 15–16; 22; 31; Failauga 1–3; 11–12: Lesona 110

Fa’ataoto 3

“Fa’atuatua i le Ali’i”

Trust in the Lord - Youth Video - Screen Capture

O nisi o taimi, e faigata ona tatou fa’atuatua i le Ali’i.Peita’i a tatou amata iloa o Ia, tatou te iloa ai “E lē faia e ia se mea vagana ai ua mo le manuia o le lalolagi” (2 Nifae 26:24).Ona mafai lea ona tatou va’aia le poto i le fa’atuatua ai ia te Ia nai lo le fa’amoemoe “i lo [tatou] lava atamai” (Fa’ataoto 3:5).O lenei lesona e mafai ona fesoasoani i tagata a’oga ia filifili e tuu atu o latou fa’atuatua i le Ali’i.

Sauniuniga a le tagata a’oga: Vala’aulia tagata a’oga e mafaufau e fa’ailoga i a latou tusi paia le fasifuaitau autū o mau mo le fuaitau o le atamai i a’oa’oga fa’avae o le Fa’ataoto 3:5–6: “Fa’atuatua i le Ali’i ma lou loto atoa … ma o le a ia fa’atonuina ou ala.”Ina ia saunia mo le vasega, e mafai e tagata a’oga ona tauloto le fasifuaitau mo ni nai taimi ma manatunatu loloto i tulaga i o latou olaga e mana’omia ai lo latou fa’alagolago atu i le Ali’i.

Gaoioiga e Ono Mafai Ona Aoaoina Ai

Fa’atuatua

Mafaufau e amata le vasega i le tusiaina o le upu Fa’atuatua i luga o le laupapa.Ona fai atu lea o fesili nei ao fa’aali taitasi atu tulaga e feso’otai iai.Mafaufau e fetu’unai tulaga aga’i i manaoga o au tagata a’oga.

O ai o le a e naunau e fa’atuatuaina …
- e momoli oe i le fale i le leva o le po?
- i tupe a lou aiga?
- e avatu se fautuaga ia te oe po o ai e tatau ona e tafao faamasani pe fa’aipoipo i ai?
- e a’oa’o atu ia te oe e uiga ia Iesu Keriso ma pe fa’apefea ona mulimuli atu ia te Ia?
  
  Mafaufau e lisi tali mai tagata a’oga i fesili nei i luga o le laupapa i lalo o le upu Fa’atuatua.
O ā ni uiga e manaomia ona iai i se tasi ina mafai ai ona e fa’atuatuaina o ia?

Faitau le Fa’ataoto 3:5, mafaufau loloto po o le a lona uiga ia te oe.Ona tali lea o fesili nei i lau api tala’aga mo suesuega:

O ai e sili ona e fa’atuatuaina: o le Ali’i po o oe lava?Aiseā?
O le ā se tulaga i lou olaga i le taimi nei e te lagonaina ai e manaomia ona e fa’atuatuaina le Ali’i nai lo o oe lava?

A o e suesue i tusitusiga paia i lenei aso, va’ai po o a mea e te a’oa’oina mai le Agaga Paia e fesoasoani ia te oe e tuu atu ai lou fa’atuatuaga i le Ali’i.

“Ia fa’atuatua i le Ali’i … ae aua le fa’alagolago”

O leFa’ataoto 3:5–6 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga fuaitau o le atamai i a’oa’oga fa’avae i se auala iloga, ina ia mafai ona latou mauaina gofie.

Faitau le Fa’ataoto 3:5–6, va’ava’ai pe fa’apefea ona fa’auma le fa’aupuga lenei: “Afai tatou te …, o le Alii o le a …”

Vala’aulia tagata a’oga e fa’asoa mai faamae’aga o a latou faaupuga.Saili e fa’amaonia mea ua latou fa’asoa mai.O se tasi upumoni latou te ono fa’asoa mai o le afai tatou te fa’atuatua i le Ali’i ma o tatou loto atoa, o le a Ia taitaia o tatou ala.

O le ā sou manatu i le uiga o le fa’atuatua i le Ali’i “ma [o tatou] loto atoa fuaiupu 5?
O le ā sou manatu i le uiga o le fa’atuatua i le Ali’i e sili atu i lo “lou lava atamai” (fuaiupu 5)?

Ina ia fesoasoani i tagata a’oga ia malamalama lelei i lenei fuaitau, vala’aulia ni tagata a’oga se toalua e tutu pe a ma le tolu futu mai se mea malosi, pei o se puipui.Vala’aulia se tagata a’oga se toatasi e fa’alagolago i le puipui ma fa’aaoga e fa’alagolago iai.Vala’aulia le isi tagata a’oga e fa’alagolago ese mai le puipui i le mamao e mafai ai, ao le’i lusi lona paleni.
E fa’apefea e nei fa’ataitaiga ona fesoasoani ia malamalama lelei atili ai i le Fa’ataoto 3:5–6?

Mafaufau e fa’atulaga tagata a’oga i ni vaega toalaiti.Vala’aulia tagata a’oga ia lisi i se fasipepa tulaga atonu e fa’aosoosoina ai talavou o le Au Paia o Aso e Gata Ai e fa’aaoga o latou lava atamai, nai lo le fa’atuatua i le apoapoaiga a le Ali’i.O fa’ataitaiga e aofia ai le filifilia o fa’afiafiaga, filifilia o se tasi po o le taimi tatau ona tafao faamasani ai, fa’aaogaina o se ituaiga o gagana, pe o le faia o sini fa’alea’oa’oga pe mo le lumana’i.

Pe a mae’a se taimi talafeagai, ona e fa’aali atu lea o fesili nei.E mafai e tagata a’oga ona latou fa’aaoga a latou lisi e talanoaina ai fesili ma a latou vaega.
O le ā se mea atonu e fa’afaigata ai mo se tasi ona fa’atuatua i le Ali’i nai lo le fa’alagolago i lo latou lava atamai?
O le ā se fautuaga e te avatu i se tasi e fesoasoani ai ia i latou e faataoilalo ai nei fafitauli?

“Na te Ia fa’atonuina ou ala”

Ina ia fesoasoani i tagata a’oga e fa’atupuina lo latou naunau e fa’atuatua i le Ali’i, e mafai ona latou suesue ni nai vaega po o le atoaga o fuaitau uma o loo i lalo.E mafai e tagata a’oga ona tumau ia latou vaega ma e mafai e tagata a’oga taitasi ona faitau se fuaitau ese.

Faitau fuaitau nei, va’ava’ai pe aiseā e tatau ai ona tatou fa’atuatua i le Ali’i nai lo o le fa’alagolago i lo tatou lava atamai.

Isaia 55:8–9
2 Nifae 4:34–35
2 Nifae 26:24
Iakopo 4:10
Mosaea 4:9

A mae’a le faitauina e tagata a’oga o fuaitau, vala’aulia i latou e fa’asoa mai mea ua latou maua ma la latou vaega.E mafai e ni nai tagata a’oga ona fa’asoa mai i le vasega.

Afai na e lisiina uiga fa’atuatuaina i luga o le laupapa i le amataga o le lesona, mafaufau e fesili atu i tagata a’oga pe fa’apefea ona fa’aalia e le Ali’i nei uiga.E mafai e tagata a’oga ona fa’aopoopo i le laupapa nisi uiga o le Ali’i latou te manatu iai pe na maua mai fuaitau o loo i luga.
O le fea uiga o le Ali’i e fesoasoani ia te oe e fa’atuatua ai ia te Ia—tusa pe le ogatusa Lana apoapoaiga ma lou malamalama?

Ina ia saunia tagata a’oga e tali le fesili o i lalo, mafaufau e fa’aali atu le vitiō “Fa’atuatua i le Ali’i” (3:30), e maua i le ChurchofJesusChrist.org.I lenei vitiō, o loo fa’asoa mai ai e talavou mafuaaga e latou te filifili ai e fa’atuatua i le Ali’i.

Mafaufau e fa’asoa atu lau tali i le fesili o i lalo e fa’aopoopo i manatu e fa’asoa mai e tagata a’oga.

3:30
O le a se taimi na e faatuatua ai, pe na faatuatua ai se tasi e te iloa, i le Ali’i nai lo o le fa’alagolago i lou lava malamalama?Na fa’apefea ona Ia fesoasoani pe taitai ia te oe?

Tuuina atu ai o lo’u fa’atuatua i le Ali’i

Ina ia fesoasoani i tagata a’oga e fa’aaoga mea ua latou a’oa’oina, mafaufau e vala’aulia i latou taitoatasi e fa’atino mea nei.

Toe manatu i mea na e tusia i totonu o lau api tala’aga o suesuega i le amataga o le lesona.Saili le taitaiga mai le Ali’i e tali ai fesili nei i lau api tala’aga:

O ā mea ua e a’oa’oina i lenei aso e fa’atatau i le Ali’i e uunaia ai oe e fa’atuatua ia te Ia?
O le ā se auala se tasi e mafai ona e fa’atuatua ai i le Ali’i i le tulaga na e tusia?
E fa’apefea ona e faia lenei mea “ma [lou] loto atoa” (Fa’ataoto 3:5)?

E ono fesoasoani le fa’asoa o ou lagona e fa’atatau i le Ali’i ma ni auala na Ia taitaiina ai oe a o e fa’atuatuaina o Ia.Mafaufau e molimau atu i Lona gafatia ma le naunauta’iga e fa’amanuia au tagata a’oga a o latou fa’atuatua ia te Ia.

Tauloto

Atonu e te manao e fesoasoani i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona ma toe iloilo i latou i lesona i le lumana’i.O le fasifuaitau autū mo le Fa’ataoto 3:5–6 o le “Fa’atuatua i le Atua ma lou loto atoa; … ma o le a Ia faatonuina ou ala.”O manatu mo gaoioiga o le taulotoina o loo i ai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

Fa’ataoto 3:5.O le a le uiga o le “faatuatua i le Alii”?

Na a’oa’o mai e Elder Richard G. Scott (1928–2015) o le Korama a le Au Aposetolo e To’asefululua:

15:12

O le fa’atuatua, o lona uiga o le usiusita’i ma le loto iai e aunoa ma le iloaina o le i’uga mai le amataga (taga’i Fa’ataoto 3:5–7).Ina ia fua mai, e tatau ona sili atu le malosi ma tumau o lou fa’atuautua i le Ali’i, nai lo lou mautinoa o ou lava lagona totino ma lou poto masani.

Ina ia fa’atino le fa’atuatua, o le fa’alagolago lea e faapea e silafia e le Ali’i mea o loo Ia faia ia te oe ma e mafai ona Ia fa’ataunu’uina lena mea mo lou lelei e fa’avavau, e tusa lava pe le mafai ona e malamalama pe mafai fa’apefea ona Ia faia.(“Trust in the Lord,” Ensign, Nov. 1995, 17)

O le ā se mea e mafai ona fesoasoani ia te a’u ou te fa’atuatua ai i le Ali’i?

Sa a’oa’o mai e Sister Bonnie H. Cordon, o lē sa avea ma Peresitene Aoao o Tamaita’i Talavou:

11:47

O Iesu Keriso na manumalo i le lalolagi.Ma ona o Ia, ona o Lana Togiola e le gata, ua tofu maua ai e i tatou uma se mafuaaga e faalagolago ai, ma iloa o le a iu ina lelei o mea uma lava.

… [E] mafai e i tatou ta’ito’atasi ona fa’atuatua i le Ali’i ma lē faalagolago.E mafai ona tatou fa’atutotonu o tatou olaga i le Fa’aola e ala i le iloaina o Ia, ma o le a Ia faatonu o tatou ala.(“Ia Fa’atuatua i le Ali’i ae Aua le Fa’alagolago,” Liahona, Me 2017, 9).

Ae fa’apefea pe a ou fa’atuatua i le Ali’i ae fa’aauau pea ona ou lē va’aia ni fa’amanuiaga?

Na a’oa’o mai e Peresitene Jeffrey R. Holland o le Korama a le Au Aposetolo e Toasefululua:

E vave oo mai nisi fa’amanuiaga, o nisi e fa’atuai, o nisi e le oo mai vaganā i le lagi; ae mo i latou o e opogi le talalelei a Iesu Keriso, e oo mai lava.O lena mea ou te molimau patino atu ai.(“An High Priest of Good Things to Come,” Ensign, Nov. 1999, 38)

Sa fa’asoa mai Peresitene Dallin H. Oaks o le Au Peresitene Sili:

Na ou lagonaina … o le talitonuina o upu a se tamā o se isi teineitiiti pele na maliu ona o le kanesa, i tausaga o lona talavou.Sa ia tautino mai: “O le faatuatua o lo matou aiga o loo ia Iesu Keriso, ae e lē faalagolago i ni taunuuga.”Ou te lagonaina le moni o na aoaoga(“Fa’amaloloina o e Mama’i,” Liahona, Me 2010, 50)

Gaoioiga Fa’aopoopo e A’oa’o Ai

Se isi amataga

O se isi auala e amatalia ai le lesona, e mafai ona e fusi mata o se tasi ofo atu.Mafaufau e fa’ataamilo le tagata a’oga fa’atasi pe fa’alua ina ia faigata ai ona fa’atino lana gaoioiga.E mafai foi ona e fesiita’i ni nai laulau ma nofoa ia faafaigata ai ona fealua’i i totonu o le potu.Ona fai atu lea i le tagata a’oga e savali i le isi itū o le potu a’oga.Fa’amautinoa ia saogalemū le tagata a’oga.A mae’a ni nai taumafaiga, e mafai ona e fai atu i le tagata a’oga e filifili se tasi i totonu o le potu a’oga e mafai ona ia fa’atuatuaina e fesoasoani ia te ia ia sao i le isi itu.

A mae’a, e mafai ona e fesili atu i le tagata a’oga pe aiseā na ia filifili ai lenā tagata a’oga na ia filifilia.Ona mafai lea ona talanoaina uiga o ni tagata e fa’atuatuaina e tagata a’oga, e pei ona fa’amatalaina i totonu o lenei lesona.

Fa’aaogaina o ata faafaatusa

Atonu e te manao e fesoasoani i au tagata a’oga ia malamalama lelei i fasifuaitau i le Fa’ataoto 3:5–6.Mafaufau e vala’aulia i latou e mafaufau loloto pe na iai se taimi na oo ai i latou i se pogisa atoatoa ma, afai o lea, pe o ā ni o latou fa’alogona.Ona faasoa atu lea o le saunoga lenei a Peresitene Boyd K. Packer, (1924–2015) o le Korama a le Au Aposetolo e Toasefululua.Vala’aulia tagata a’oga e fa’aata le ata ua fa’aaogaina e Peresitene Packer:

O se vaimea o lau sailiga ina ia maua le malamalama fa’aleagaga, o loo iai lena “oso o le fa’atuatua,” e pei ona ta’ua ai e le au faifilosofia.O le taimi lea e te oo atu ai i le fa’atausiusiuga o le malamalama ma laa atu i le pogisa, e iloa ai o loo fa’amalamalamaina le ala i luma atu mo na o nai laa se tasi pe lua.(“The Candle of the Lord,” Ensign, Jan. 1983, 54)

Ona mafai lea ona e fai atu i tagata a’oga fesili nei:

E fa’apefea ona fesoasoani lenei ata faatusa ia i tatou e malamalama lelei ai i le Fa’ataoto 3:5–6?
O anafea se taimi na e fa’atuatua ai i le Ali’i e pei o le auala o loo fa’amatalaina e Peresitene Packer?

Fa’ataoto 3:6.“Ia e manatua o Ia i ou ala uma, ona Ia fa’atonuina lea o ou ala”

Atonu o le a iai se aoga i au tagata a’oga mai se suesuega loloto atu o le Fa’ataoto 3:6.Afai o lea, mafaufau e saunia ni fasi pepa mo tagata a’oga.Fai atu ia i latou e gagau i le afa le fasi pepa.E mafai ona latou tusi Manatua o Ia i le itū pito i luga o le tasi koluma, ma le o le a Ia fa’atonuina ou ala i le pito i luga o le isi itū.Vala’aulia tagata a’oga ia teu se fa’amaumauga mo nai aso o i luma.Fai atu iā i latou e fa’amaumau auala latou te manatua ai le Ali’i i o latou olaga, ma auala e fa’atonutonuina ai e Ia o latou ala.E mafai e tagata a’oga ona latou fa’asoa mai o latou a’afiaga i le taimi o se isi vasega.

Vitiō o musika

Ina ia fesoasoani i lau vasega e lagona le taua o le fa’atuatua i le Ali’i, mafaufau e fa’aali atu se vitiō e pei o le “Trust in the Lord: Music Video” (4:11).Afai e maua, mafaufau e saunia mo tagata a’oga upu mai le pese.Vala’aulia i latou e saili ni fasifuaitau e fesoasoani ia i latou ia naunau e fa’atuatua i le Ali’i.

4:11