Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Failauga: “Auā e Fa’amasinoina e le Atua Galuega Uma”

“Failauga: ‘Auā e Fa’amasinoina e le Atua Galuega Uma,’” Tusi Lesona a le Faia’oga Seminare o le Feagaiga Tuai (2026)

“Failauga: ‘Auā e Fa’amasinoina e le Atua Galuega Uma,’” Tusi Lesona a le Faia’oga Seminare o le Feagaiga Tuai

Fa’ataoto 1–4; 15–16; 22; 31; Failauga 1–3; 11–12: Lesona 111

Failauga

“Auā e Fa’amasinoina e le Atua Galuega Uma”

A thoughtful young woman sitting at a kitchen table.

O nisi taimi e faigofie ona taula’i i mea e tutupu i lenei olaga, ae galo ai ona vaaia o tatou olaga mai se vaaiga e fa’avavau.I totonu o le Failauga, o loo fa’amanatu mai ai e le Failauga ia i tatou o mea i lenei lalolagi e lē tumau.O loo ia fautuaina i tatou e sauni mo le taimi e fa’amasinoina ai e le Atua Ana fanau uma lava.O lenei lesona e mafai ona fesoasoani i tagata a’oga ia malamalama pe fa’apefea e le taula’i atu i le feiloa’iga ma le Atua i le Fa’amasinoga Mulimuli ona mafai ona fesoasoani ia i latou e faia ai filifiliga atamai.

Sauniuniga a le tagata a’oga: Vala’aulia tagata a’oga e faia se talanoaga ma se matua po o se taitai fa’atuatuaina, e uiga i le auala e latou te va’aia ai a’afiaga umi o filifiliga na latou faia a o talavou.

Gaoioiga e Ono Mafai Ona Aoaoina Ai

Faia o faaiuga

Mafaufau e amatalia le vasega i le fesoasoani atu i tagata a’oga ia iloa pe fa’apefea e se va’aiga e fa’avavau ona a’afia ai fa’aiuga latou te faia.Ina ia faia lenei mea, e mafai ona e tusi mea nei i luga o le laupapa.Vala’aulia tagata a’oga e talanoaina pe fa’apefea e nei fa’aiuga a’o talavou, ona a’afia ai o latou lumanai.

E fa’apefea ona ou tausia lo’u tino
E fa’apefea ona ou fa’aaoga ou taimi paganoa
E fa’apefea ona ou taulimaina tagata

Ona fa’asoa atu lea o le fa’amatalaga lenei ma vala’aulia tagata a’oga e fai ni fesoota’iga i le va o fa’aiuga o i luga ma mea na aoao mai e Peresitene Nelson.

Na a’oa’o mai e Peresitene Russell M. Nelson mea nei e fa’atatau ia tatou fa’aiuga.

O soo se filifiliga amiotonu e te faia iinei, o le a e matua manuia ai i le taimi nei.Ae o filifiliga amiotonu i le olaga nei, o le a matua tauia i ni taui e lei mafaufauina e fa’avavau. …

O le fili, ioe, e lē manao ia e mafaufau mo a taeao, fa’apena foi i le ola e faavavau.(“Filifiliga mo le Fa’avavau” [faigalotu i le lalolagi atoa mo talavou matutua, Me 15, 2022], Potutusi a le Talalelei)

E ono mafai fa’apefea e le toilalo e vaai ia tatou filifiliga ma se vaaiga e faavavau ona a’afia ai i tatou?

Tusi i lalo se fa’aiuga o loo e feagai ai i le taimi lenei, e mafai ona “manuia ai e fa’avavau i se auala e lei mafaufauina.”

E mafai ona fesoasoani le tuu atu i tagata a’oga o ni nai manatu e uiga i ituaiga o fa’aiuga atonu latou te tusia i lalo, e pei o le:

Pe tatau ona fa’aauau pea ona fa’aalu le taimi ma se vaega o ituaiga o uo.
Pe tatau ona salamo i se agasala sa iai pea i lona mafaufau.
O mea latou te filifili e faia i le Sapati.

Mafaufau loloto pe aiseā atonu e finagalo ai le Tamā Fa’alelagi ia e manatu i le lumanai ao e faia lenei fa’aiuga.O le a se mea atonu e tupu pe a faapea e te lē faia?

A o e suesue i le Failauga i lenei aso, saili ia malamalama i mea moni ma maua fa’aaliga patino mai le Ali’i e mafai ona fesoasoani ia te oe i lenei fa’aiuga.

Taula’i atu i mea fa’aletino

I totonu o le tusi o Failauga, na fa’asino atu e le na tusia ia te ia lava o “le Failauga” (Failauga 1:1).Na faatusatusa ai e le Failauga le gaogao papa’u o le taula’i atu o o tatou olaga i mea fa’aletino, ma le taua o le sauni ai e feiloai ma le Atua.

Mafaufau e fatu ni vaega toalaiti ma vala’aulia vaega taitasi e faitau se tasi o fuaitau o loo i lalo.Ina ia fesoasoani i tagata a’oga ia malamalama lelei i fuaitau, e mafai ona e fa’aali atu fa’auigaga nei.Vala’aulia tagata a’oga ia suitulaga upu ma fasifuaitau nei, i a latou fa’auigaga a’o latou faitauina:

“Fa’atauvaa” o lona uiga o le gaogao po o le lē tumau.
“Lalo o le lagi” po o le “lalo o le la” o lona uiga o lenei olaga faitino.
“O mea fa’atauva’a o le agaga” o lona uiga o fa’anoanoaga.

Faitau fuaitau nei, va’ava’ai mo mea na iloa e le Failauga ina ua uma ona tuliloaina nisi o mea faapitoa e manatu nisi tagata e latou te maua ai le fiafia ma le fa’amalieina:

Poto o le lalolagi. Failauga 1:13–18
Fiafiaga fa’aletino ma oa fa’aletino. Failauga 2:1, 4–11

Atonu e te manao e fa’amanino atu o le poto fa’alelalolagi ma oa fa’aletino, e le faapea e leaga pe sese.Ae a avea nei mea ma o tatou taula’iga, aemaise lava pe a sili atu nai lo le fa’afiafiaina o le Atua, e avea ma mea matautia fa’aleagaga.Vala’aulia vaega e talanoaina le fesili lenei:Ona fa’asoa mai lea e se tasi o le vaega ia malamalamaaga a le vaega i le vasega.

O ā ni auala atonu e avea ai le tulituliloaina o nei mea lea e i’u ai i le mauaina e i tatou o lagona gaogao po o le fa’anoanoa?

O le tatou feiloaiga mulimuli ane ma le Atua

I le mae’a ai ona saili le malamalama fa’aletino ma mea fa’aletino, ua fa’aiu e le Failauga lana tusi i lesona na ia a’oa’oina.Faitau le Failauga 12:7, 13–14, va’ava’ai po o a mea na ia a’oa’o mai e fesoasoani ia i tatou ia tausia se va’aiga e fa’avavau.

O lenei va’aiga e matua taua tele ua musuia ai e le Atua le tele o ana auauna e a’oa’o atu.Fa’afaasinoa’i pe faafesootai le Failauga 12:7, 13–14 ma le Alema 34:32 ma le Mamona 3:20, 22.Faitau fuaitau nei, va’ava’ai pe na fa’apefea e Amoleka ma Mamona ona a’oa’o atu se savali talitutusua.

E fa’apefea ona e aoteleina mea o loo aoaoina i nei fuaiupu i se fa’amatalaga o le upumoni?

Fesoasoani i tagata a’oga ia iloa se upumoni e pei o le: O a tatou filifiliga i lenei olaga, o le a fua iai pe o fa’apefea le saunia o i tatou e tutū i luma o le Atua i le Fa’amasinoga Mulilmuli.Ae lei tali mai tagata a’oga i le fesili o sosoo mai, e mafai ona e vala’aulia i latou e moeiini o latou mata ma fa’aata faalemafaufau le fetaia’i ai ma le Atua pe a uma lenei olaga.Uunaia i latou e mafaufau i mea o loo latou iloa e fa’atatau ia te Ia ma Ona uiga.
O ā uiga o le Atua e tulaga ese ai ona agava’a o Ia e avea ma o tatou Fa’amasino?

E te ono fa’amanatu i tagata a’oga le matafaioi a Iesu Keriso i le fesoasoani ai ia i tatou e saunia mo le Fa’amasinoga Mulimuli, e ala i le faasoaina atu o le mau lenei ma le fesili.

Faitau le 3 Nifae 27:16, 19, va’a’va’ai pe mafai fa’apefea ona tatou saunia e feiloai ma Iesu Keriso i le Fa’amasinoga Mulimuli.

Aiseā e taua ai le malamalama e faapea e lē mafai ona tatou saunia mo le Fa’amasinoga Mulimuli e aunoa ma Iesu Keriso?

O le tatou sini fa’aleselesitila

Fesoasoani i tagata a’oga ia iloa pe fa’apefea e le iloaina o a tatou filifiliga e saunia ai i tatou mo le fa’avavau, e mafai ona a’afia ai fa’aiuga tatou te faia i aso taitasi.O se tasi o auala e faia ai lenei mea, o le fa’ataga lea o tagata a’oga e fa’ataitai le mea sa a’oa’o mai e Peresitene Nelson i le fa’amatalaga lenei.

Na molimau mai Peresitene Russell M. Nelson i le taua o le amataina “faatasi ma le taunuuga i le mafaufau”:

19:15

I la’u ulua’i savali o se Peresitene o le Ekalesia, sa ou uuna’ia ai outou ia amatalia ma le taunuuga i le mafaufau.O lona uiga o le avea o le malo selesitila ma au sini e fa’avavau, ona e iloiloina lea ma le fa’aeteete pe o fea o le a tuu ai oe i le laolagi a sau e au faai’uga ta’itasi a o e iai iinei i le lalolagi.(“Mafaufau Fa’aleSelesitila!,” Liahona, Nov. 2023, 118)

O ā ni auala ua mafai ona fa’aali mai e Iesu Keriso o ana a’oa’oga ma fa’ataitaiga e faapea sa faia e Ia fa’aiuga “faatasi ma le taunuuga i le mafaufau”?

Fa’amalamalama atu o le a fa’ataitai ona faaaogaina e tagata a’oga mea ua a’oa’o mai e Peresitene Nelson.Ae latou te lei amataina, e mafai ona e fai atu ia i latou e mafaufau i fa’aiuga o le a a’afia ai i latou i le olaga a sau.Fa’aopoopo atu nei fa’aiuga i le lisi o fa’aiuga i luga o le laupapa mai le amataga o le vasega.

E mafai loa ona talanoaina e tagata a’oga fesili nei i ni vaega toalaiti.

Filifili se fa’aiuga se tasi o i luga o le laupapa ma tali fesili nei:

O ā ni fa’aiuga e ono faia e se talavou i lenei mea, o le a a’afia ai a latou sauniuniga e feiloai ma le Atua?
O ā mea ua e a’oa’oina mai le talalelei ia Iesu Keriso e mafai ona fesoasoani i se talavou e faia ai fa’aiuga e uiga i lenei mea?

Vala’aulia vaega e fa’asoa mai o latou malamalama’aga i le vasega.Atonu e te uunaia tagata a’oga ia su’e ma fa’asoa mau po o faamatalaga mai taitai o le Ekalesia e lagolagoina ai mea ua latou fa’asoa mai.

O le fa’aiuga

Ae lei faamae’aina e tagata a’oga lenei gaoioiga, e te ono fa’amanatu atu ia i latou e uiga i le fa’aiuga sa latou tusia i le amataga o le vasega.

Vaai faalemafaufau i le tū ai i luma o le Atua i le Fa’amasinoga Mulimuli ma fa’alogo ia te Ia o fetalai atu ia te oe, “Ua lelei, le auauna lelei e, ma le fa’amaoni” (Mataio 25:23).

O lenei la, vaai faalemafaufau e faapea, o loo e tu i luma o le Atua, ua e maua le avanoa e avatu ai se savali i le taimi ua tuana’i i lou tagata e pei ona e iai nei.Tusi se savali e tuu atu ai i lou tagata o loo e iai i le taimi nei se fautuaga e mafai ona fesoasoani e saunia ai oe mo le Fa’amasinoga Mulimuli.E mafai ona e fa’aaofia ai mea na e a’oa’oina ma lagonaina i lenei aso e fa’atatau:

Pe fa’apefea e filifiliga ao e talavou ona a’afia ai au sauniuniga e feiloai ma le Atua.
O ā ni fetu’unaiga e te ono uunaia ai oe lava e faia e fa’atatau i fa’aiuga o loo e feagai ai i le taimi nei.

Mafaufau e molimau atu i le taua o le faia o fa’aiuga ma se taula’iga i le aso o le a tatou tutū ai i luma o le Atua ina ia faamasinoina.

O Puna’oa Fa’aopoopo

Failauga 1:2–3.Afai o le tele o mea i le olaga nei e lē tumau, o le ā la le mea aupito sili ona taua?

Na a’oa’o mai e Peresitene M. Russell Ballard (1928–2023):

13:30

I la’u auaunaga, ua ou a’oa’oina ai o mea e aupito sili ona taua o le tatou sootaga ma le Tamā Fa’alelagi ma Lona Alo Pele, o tatou aiga, ma o tatou tuaoi, ma le fa’atagaina o le Agaga o le Ali’i e taiala i tatou i na sootaga, ina ia mafai ona tatou molimau atu e uiga i mea e aupito sili ona taua ma umi ona aogā.(“Manatua Mea e Aupito Sili ona Taua,” Liahona, Me 2023, 107)

Failauga 2:17.Afai o le a tatou feoti uma, pe moni la fa’aupuga a le Failauga ina ua ia fa’apea mai “o mea fa’atauvaa uma lava ia ma le ‘ai a le matagi”?

Na a’oa’o mai Elder D. Todd Christofferson o le Korama a le Au Aposetolo e Toasefululua e fa’apea:

23:27

Sa saunoa i se tasi taimi Elder Neal A. Maxwell e uiga i “tulaga faigata a le tagata soifua,” e faapea o le mea moni e muta mea uma i le oti. O mea ua tatou ausia, o mea uma ua tatou maua, o a tatou mafutaga e iai uma le muta’aga, ma afai e leai se isi mea e sili atu, e pei ona fai mai “le Failauga” i totonu o le [Tusi a] Failauga, “o mea fa’atauvaa uma lava ia ma le ai a le matagi” [Failauga 2:17].O le oti o se mea moni, ma ua faamalosia i tatou e faailoa atu faapea, a aunoa ma se mana e faatoilalo ai le oti, o le a itiiti se faamoemoega tumau o o tatou olaga.O le mea e sili ai, ua tatou iloa ua uma ona faatoilalo le oti, e i ai le faamoemoega ma le uiga o le olaga, e le faatauvaa mea uma.E ala i Lana Togiola, ua fa’atoilalo ai e Iesu Keriso le tulaga faigata fa’aletagata o le oti, ma e pei ona sa maitauina e Elder Maxwell, “e na o le pau lava ia o faigata fa’aletagata [o a tatou lava agasala taitoatasi, mea sesē, ma toilaloga], ma mai nei foi mea e mafai ona lavea’iina ai i tatou e ala i le mulimuli i a’oa’oga a ia, o lē na lavea’iina i tatou mai le fa’aumatiaga lautele.”(“Fa’atuatua i le Atua” [fa’asalalauga o a’oa’oga fa’aletausaga a le Ofisa o A’oga a le Ekalesia, Ian. 26, 2024], Potutusi a le Talalelei)

Failauga 3:17; 12:14.O le a fa’apefea ona fa’amasinoina a’u?

Na aoao mai e Peresitene Dallin H. Oaks o le Au Peresitene Sili:

17:7

O le Fa’amasinoga Mulimuli ua lē na o se iloiloga o le aofa’iga atoa o amioga lelei ma le leaga—o mea ua uma ona tatou faia.O se fa’ailoaga o le a’afiaga tupito o a tatou amioga ma mafaufauga—o ituaiga tagata ua avea ai i tatou.E lē lava mo soo se tasi le tau lava ina faatagāfai.O poloaiga, sauniga, ma feagaiga o le talalelei ua le o se lisi o ni faaputuga o mea e manaomia ona fai i se teugamea faalelagi.O le talalelei a Iesu Keriso o se fuafuaga lea ua faaali mai ai ia i tatou le auala e avea ai ma tagata ua finagalo lo tatou Tama Faalelagi e avea ai i tatou.(“The Challenge to Become,” Ensign, Nov. 2000, 32)

Failauga 12:13.E ono fa’apefea ona fa’amanuiaina a’u e le Ali’i a o o’u tausia Ana poloaiga?

Na a’oa’o mai Peresitene Thomas S. Monson (1927–2018):

14:25

O le lava totoe o le alofa o le tatou Tamā Faalelagi ia i tatou ua fetalai mai ai: Aua e te molimau pepelo; aua e te gaoi; ua e te mulilua; ia e alofa atu i lou tuaoi e pei o oe lava ia te oe; ma isi mea faapena.Ua tatou iloa poloa’iga.E malamalama o Ia a tatou tausia poloa’iga, o le a fiafia atu o tatou olaga, fa’amalieina atili, ma fa’aitiitia le lavelave.O le a faigofie atu ona onosaia o tatou lu’itau ma fa’afitauli, ma o le a tatou maua Ana fa’amanuiaga folafolaina.Ae e ui ua Ia tuuina mai ia i tatou ia tulafono ma poloaiga, ae ua Ia faatagaina foi i tatou e filifili pe talia pe teena i latou.O a tatou faaiuga i lenei tulaga o le a fua iai lo tatou taunuuga.(“Tausi i Poloaiga,” Liahona, Nov. 2015, 83)

Gaoioiga Fa’aopoopo e A’oa’o Ai

Se isi amataga

E mafai ona amata i le fa’aali atu o le fa’amatalaga mai ia Peresitene Nelson mai le amataga o le lesona.Fesili atu i tagata a’oga po o a mea ua latou iloa e fa’atatau i le olaga pe a mavae le oti latou te momo’o ia iloa e tagata uma.Ona vala’aulia lea o tagata a’oga e talanoaina pe fa’apefea e a tatou talitonuga e fa’atatau i le olaga pe a mavae le oti ona a’afia ai a tatou fa’aiuga.

2 Nifae 9:51.“Mo mea e lē mafai ona faamalieina ai.”

A mae’a ona suesueina e fa’atatau i sailiga fa’alelalolagi na tuliloaina e le Failauga i le Failauga 1 ma le 2, mafaufau e faitau le 2 Nifae 9:50–51.Fai atu i tagata a’oga e mafaufau pe fa’apefea ona fa’aaoga o tatou taimi ma tupe i mea e leai se aoga tumau po o le fa’amalieina.Ona tou talanoaina lea pe fa’apefea e Iesu Keriso ma Lana talalelei ona maua ai le fa’amalieina tumau.

Iloiloina o manatu ma fesili faatasi ai ma se va’aiga e fa’avavau

E te ono manao e fa’ataga tagata a’oga e fa’ataitai ona faailoa mai manatu faavae ma manatu taumatemate a le lalolagi. E mafai e tagata a’oga ona faitau le parakalafa 8 i le “Mauaina o le Malamalama Fa’aleagaga” vaega o le Tusi o le Atamai Autū i A’oa’oga Fa’avae (2023), va’ava’ai ni mea e mafai ona fesoasoani ia i latou e vaai atu ai i mea ma se va’aiga e fa’avavau.

Ona mafai lea e tagata a’oga ona suesue fuaiupu i le lesona mai le Failauga 1 ma le 2 e fa’atatau i le sailia o le poto o le lalolagi, mea fa’aletino, ma le fiafia fa’aletino.Vala’aulia tagata a’oga e fa’ailoa mai manatu taumatemate o le lalolagi lea atonu o loo i ai ia i latou o e fa’amuamua nei mea.Atonu e fa’asoa mai e tagata aoga ni manatu e fa’apei:

O le a sili ona e fiafia pe a faia mea e te manatu e maua ai lagona fa’amalieina i le taimi nei (taga’i Failauga 2:1, 10).
O mea fa’aletino o fa’ailoga o le manuia ma aumaia ai ia i tatou le olioli (taga’i Failauga 2:4–8).

E mafai loa ona va’ai tagata a’oga i na manatu taumatemate “e fa’avae i le tulaga o le upumoni a le Ali’i nai lo o le taliaina o manatu ma matematega fa’alelalolagi” (Tusi o le Atamai Autū i A’oa’oga Fa’avae [2023], “Mauaina o le Malamalama Fa’aleagaga,” parakalafa 8).