Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iopu 14; 19: “Ua Ou Iloa o loo Soifua Lo’u Togiola”

“Iopu 14; 19: ‘Ua Ou Iloa o Loo Soifua Lo’u Togiola,’” Tusi Lesona a le Faiaoga Seminare o le Feagaiga Tuai (2026)

“Iopu 14; 19: ‘Ua Ou Iloa o Lo’o Soifua Lo’u Togiola,’” Tusi Lesona a le Faiaoga Seminare o le Feagaiga Tuai

Iopu 1–3; 12–14; 19; 21–24; 38–40; 42: Lesona 98

Iopu 14; 19

“Ua Ou Iloa o lo’o Soifua Lo’u Togiola”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

E faigatā ona maua se fa’amoemoe i taimi faigatā, e aofia ai se maliu o se tasi e pele iā i tatou.Na auina mai e le Tamā Fa’alelagi Lona Alo e faia le Togiola, lea na fa’ai’u i le Toetū mai o le Fa’aola mai le tu’ugamau.Ona o le Toetu o Iesu Keriso, ua mafai ai ona tatou maua le faamoemoe.E mafai ona fesoasoani lenei lesona i tagata aoga ia malamalama i le faamoemoe e oo mai e ala i le Toetu o Iesu Keriso.

Sauniuniga a le tagata aoga: Vala’aulia tagata aoga e fa’alogologo pe faitau upu o le viiga “Ou te Iloa o lo’o Soifua Lo’u Fa’aola.”E mafai ona latou filifilia se fasifuaitau e fiafia i ai mai le viiga atonu e mafai ona aumaia ai le faamoemoe i se tasi o feagai ma faigata.

Gaoioiga e Ono Mafai Ona Aoaoina Ai

O le mea na tupu ua aupito silisili ona maoa’e i le tala fa’asolopito

Fa’aali atu le fesili lenei ma vala’aulia tagata a’oga e talanoaina i ni vaega toalaiti.

O a nisi o mea na tutupu atonu e fai mai tagata e sili ona taua i le talafaasolopito o tagata?Aiseā?

Na fa’asoa mai e Peresitene Ezra Taft Benson (1899–1994) le saunoaga lenei:

O mea aupito silisili o le talafaasolopito o mea ia ua aafia ai le aofaiga aupito toatele o tagata mo vaitau aupito uumi.I lea faatulagaga, e leai se mea na tupu e sili atu ona tāua i tagata taitoatasi po o atunuu nai lo o le toetu mai o le Matai.(A’oa’oga a Peresitene o le Ekalesia: Ezra Taft Benson [2014], 94)

Faaalu sina taimi e mafaufau loloto ai i mea ua e iloa e uiga i le Toetu o le Faaola ma pe aisea e taua ai ia te oe.Atonu e te mafaufau foi pe aisea e mafai ai ona manatu o le Toetu o le Faaola o e mea e sili ona taua na tupu i le talafaasolopito.

Uunaia tagata aoga e vala’aulia le Agaga Paia ia fesoasoani iā i latou ia malamalama lelei atili ai i le Toetu o Iesu Keriso ma le fa’amoemoe na te aumaia.

O fesili a Iopu

Afai na e a’oa’o atu le Lesona 97: “Iopu 1–3; 12–13,” e mafai e tagata a’oga ona latou fa’asoa mai ni mea latou te manatua e uiga i tofotofoga o Iopu.Pe mafai foi ona latou faitau i le parakalafa lenei.

O Iopu o se tagata amiotonu na oo i puapuaga ogaoga.Na ave’eseina lona tamāo’aiga atoa, fasiotia lana fanau uma e toa 10 ina ua pa’u ane se fale iā i latou, ma sa mafatia o ia i tigā ogaoga o le tino.

O ā ni au fesili atonu e iai pē ana fa’apea o oe o Iopu?

Faitau le Iopu 14:7–14, ma faailoga fesili e lua a Iopu a o ia saili mo le faamoemoe i ona puapuaga.

Afai e mana’omia e tagata a’oga le fesoasoani ia malamalama i le fesili a Iopu i le fuaiupu 10, e mafai ona e fa’amatala atu e faapea sa fesili Iopu, “O fea tatou te o iai pe a tatou feoti?”

O anafea na e faalogo ai pe fai ai ni fesili faapena?

O Arthur Patton, o se tasi o uo a Peresitene Thomas S. Monson (1927–2018) ao tamaitiiti, sa maliu i le Taua Lona II o le Lalolagi. Sa fa’asoa mai e Peresitene Monson le mea sa tupu ia te ia ina ua asiasi atu i le fale o Arthur ina ua ia maua le tala:

Faatasi ai ma se tatalo i lo’u loto, sa ou oo atu ai i le auala savali masani i le aiga o Patton, ma tau mafaufau po o a ni upu faamafanafana e mafai ona sau mai laugutu o se tamaitiiti laitiiti.

Sa matala le faitotoa, ma fusi atu au e Mrs.Patton fa’apei o lae fusi lana lava tama. …

[Ina ua uma ona ma tatalo fa’atasi], sa pupula to’a mai Mrs.Patton i o’u mata ma fa’apea mai: “Tommy, ou te le i ai i se ekalesia, ae o oe e te i ai.Ta’u mai ia te a’u, e toe ola mai Arthur?”(“Mrs.Patton—Fa’aauau le Tala,” Liahona, Nov 2007, 22)

Vaai faalemafaufau o loo e iai i le tulaga o Peresitene Monson.I lau api tala’aga o su’esu’ega, tusi se parakalafa pu’upu’u e tali atu ai i le fesili a Mrs.Patton.

Uunaia tagata a’oga e toe fa’aopoopo mea na latou tusia ao fa’aauau ona a’oa’o e uiga i le Toetu o Iesu Keriso.

“Ua ou iloa o lo’o soifua lo’u Togiola”

Faitau le Iopu 19:23–27, ma vaavaai mo le tali a Iopu i ana fesili.

O le a le mea na iloa e Iopu e moni?

Atonu e mafai ona fa’asoa mai e tagata aoga ni vaega fa’apei o le ona o Iesu Keriso, o le a tatou toetutu ai ma toe va’ai i le Atua.
O le ā se mea e mafai e le fuaiupu 23–24 ona a’oa’o mai ia i tatou e uiga i lagona na oo ia Iopu e fa’atatau i lenei upumoni?
E faapefea e lenā malamalama e uiga ia Iesu Keriso ona tosinaina ia Iopu ao onosaia ona tofotofoga?
E fa’apefea ona fesoasoani lenā malamalama ia i tatou?

E mafai e tagata aoga ona faitau e i latou lava le faamatalaga lenei ona faasoa atu lea o mea e tulaga ese ia i latou.

Na fa’asoa mai e Peresitene Dallin H. Oaks o le Au Peresitene Sili, ni auala e mafai ai e lo tatou malamalama o le Toetū o Iesu Keriso ona aumaia ia i tatou le fa’amoemoe:

O le Toetū mai le oti o le poutū patino mautinoa lea o lo tatou fa’atuatuaga.E fa’aopoopo ai uiga i ā tatou a’oa’oga fa’avae, fa’aosofia ai a tatou amioga, ma le fa’amomoe mo le lumana’i. …

Ua aumaia e le Toetu ia i tatou le vaaiga ma le malosi e onosaia ai luitau o le olaga nei o loo feagai ma i tatou taitoatasi ma i latou tatou te alolofa i ai.E aumaia ia i tatou se ala fou e vaai ai i faaletonu faaletino, faalemafaufau, pe faalelagona ua tatou mauaina i le taimi e fanau mai ai pe maua foi i le gasologa o le olaga faaletino.E aumaia ia i tatou le malosi e onosaia ai faanoanoaga, toilalo, ma ni lē fiafia.Ona ua tofu i tatou ma se toetū mautinoa, ua tatou iloa ai o nei faaletonu faaletino ma mea faafeagai ua mo na o se taimi lē tumau.(Dallin H. Oaks, “O Le ā Se Mea Ua Faia e lo Tatou Fa’aola mo i Tatou?,” Liahona, Me 2021, 75)

O anafea na e vaaia ai se tasi ua maua le faamoemoe e ala i lo latou faatuatua ia Iesu Keriso ma Lona Toetu?

Malamalama i le Toetū

Ae le’i fa’aali atu fa’atonuga nei, e te ono talanoaina pe mafai fa’apefea ona tatou faamalosi i upu tatou te tautatala ai pe tusia e ala i le faafeso’ota’i ai ma upu a le Fa’aola ma Ana perofeta.O se tasi o auala e mafai ona tatou faia ai lenei mea o le siiina mai lea o fasifuaitau mai tusitusiga paia.

Ia faia le mea lenei i le parakalafa sa e tusia e tali atu ai ia Mrs.Patton ma lana fesili:

Faaopoopo se fuaiupu se tasi pe lua e faaaoga ai se mea na e aoaoina pe na lagonaina i le asō e uiga ia Iesu Keriso ma le faamoemoe o loo avanoa mo i tatou ona o Lona Toetu.Fa’aaofia se fasifuaitau mai le Iopu 19:25–27.
Fa’aopoopo atu ni fuaiupu se tasi pe lua e fa’aaoga ai upu po o ni fasifuaitau mai isi mau po o fa’amatalaga mai ta’ita’i o le Ekalesia.Ina ia faia lea mea, e mafai ona e su’e le“Toetū” i le Potutusi o le Talalelei, Ta’iala i Tusitusiga Paia, po o le Autu ma Fesili.E mafai foi ona e toe faamanatu itulau 48, 55–56, ma le 58 o le Tala’i La’u Talalelei: Ta’iala mo le Fa’asoaina o le Talalelei a Iesu Keriso (2023).

O Puna’oa Fa’aopoopo

O le ā se mea ua a’oa’o mai e le Toetū a Iesu Keriso ia i tatou?

Na aoao mai Elder D. Todd Christofferson o le Korama a le Au Aposetolo e Toasefululua e faapea:

13:21

O le Toetu o Iesu Keriso ua molimauina ai Lona paia ma sa Ia manumalo i mea uma.O Lona Toetu ua molimauina ai faapea, o le noatia ia te Ia i feagaiga, e mafai ai foi e i tatou ona faatoilaloina mea uma ma tasi ai.O Lona Toetu ua molimauina ai e ala mai ia te Ia, o le tino ola pea ma le ola e faavavau o ni mea moni.(“Tasi ia Keriso,” Liahona, Me 2023, 79–80)

E fa’apefea ona avea malumalu ma ni fa’amaoniga o lo tatou fa’atuatua i le Toetū?

Na fa’amalamalama mai e Peresitene Dallin H. Oaks o le Au Peresitene Sili:

18:29

O a tatou malumalu, o ni molimau ola ma le galueaina i lo tatou faatuatua i le moni o le toetū.E latou te saunia ni tulaga mamalu e suia ai olaga ma faia sauniga talafeagai i le olaga fa’aletino, mo i latou o lo’o i le lalolagi o agaga.E leai se aogā o nei mea uma, pe ana lē ia i tatou le mautinoa o le tino e ola pea mo tagata uma ma le avanoa mo le ola e fa’avavau ona o le Toetū o lo tatou Alii ma le Fa’aola, o Iesu Keriso.(“Resurrection,” Ensign, Me 2000, 16)

E fa’apefea e le Toetū ona aumaia le fa’amoemoe mo tagata o maua i faama’i ma lē atoatoa le malosi o le tino?

Na molimau Peresitene Jeffrey R. Holland o le Korama a le Au Aposetolo e To’asefululua:

14:11

Ou te molimau atu i le Toetū paia, lena meaalofa maatulimanu e lē mafa’amatalaina i le Togiola a le Ali’i o Iesu Keriso! …Ou te molimau atu i lena aso o le a tūtū ai ē pele tatou te iloaina e lē atoatoa le malosi o le tino i le olaga nei, i o tatou luma i le mamalu ma le ofoofogia, ma maofa i le atoatoa o le tino ma le mafaufau.Maeu se taimi inā a mataina o lena taimi! Ou te le iloa pe o le a sili atu lo tatou fiafia mo i tatou lava ona o lo tatou molimauina o se vavega fa’apea, pe sili atu le fiafia mo i latou ona ua latou matua atoatoa ma ua i’u ina “sa’oloto mulimuli ane.”(“Pei se Va’a ua Fa’aleagaina,” Liahona, Nov. 2013, 42)

Gaoioiga Fa’aopoopo e A’oa’o Ai

Iopu 14:10.“O fea o iai o ia?”

E ono iai ni fesili a tagata a’oga e uiga i mea e tutupu i le vā o le oti ma le toetū.Ina ia fesoasoani ia i latou ia iloa, e mafai ona e tusi fesili nei ma mau e feso’ota’i iai i luga o le laupapa.E mafai ona e vaevae tagata a’oga i ni vaega, ma atofa atu i vaega taitasi se fesili latou te su’esu’eina.Ona fa’asoa mai lea e vaega o mea na latou aoaoina i le vasega.

O le ā le mea e tupu ia i tatou pe a tatou oti?(Luka 23:43; Alema 40:11)
O le a fa’apeī o tatou agaga?(Alema 34:34; Eteru 3:16)
E faapeī le lalolagi o agaga?(1 Peteru 3:18–20; Alema 40:12; Mataupu Faavae ma Feagaiga 138:50)

A iai nisi fesili a tagata a’oga e uiga i le lalolagi o agaga, e mafai ona latou faitau i ni vaega o le lauga “Fa’atuatua i le Alii” na saunia e Peresitene Dallin H. Oaks.

I le isi itu, e mafai ona e faaali atu le “What Happens after We Die?” (1:40).Valaaulia tagata aoga e faasoa mai mea ua latou aoaoina e tali ai le fesili a Iopu.

1:41

Vai Ola

Ina ia iloa le matafaioi autū a Iesu Keriso i lo tatou toetū, e mafai ona faitau e tagata a’oga le Iopu 14:1–2, 7–10, ma vaava’ai pe faapefea ona faatusa e Iopu ia tagata i laau.

Ua aoao mai Iopu o le vai e toe faaolaola ai laau (fuaiupu 9).Fa’amatalaga atu o le isi suafa mo Iesu Keriso o le Vai o le Ola (taga’i Ioane 4).Ona mafai lea e tagata aʻoga ona faitau le Ioane 11:25 ma fefaasinoa’i pe faʻafesoʻotaʻi atu i le fesili a Iopu i le Iopu 14:14.

“E Leai Se Manumalo o le Tu’ugamau”

Ina ia fesoasoani i tagata a’oga e tali le fesili a Iopu i le Iopu 14:10, 14, e mafai ona e fa’aali atu le “The Grave Has No Victory” mai le faailo taimi 4:21 i le 4:49.E mafai ona talanoaina e tagata a’oga pe fa’apefea ona latou tali atu i fesili a Sister Aburto.

9:19

Ona mafai lea ona outou matamata, pe na fa’apefea e a’oa’oga fa’avae o le Toetū ona aumaia ai ia Sister Aburto le fa’amoemoe ma tali o ana fesili.Matamata le vitio lava lea e tasi mai le faailo taimi 4:49 i le 6:51.

9:19

I se isi foi itu, e mafai ona e faaalia le “Reyna Aburto‘s Story—Part 1: Heartbreak and Hope” (9:12).E mafai ona e taofi le vitio i le 5:38 e talanoaina ana fesili.Ona mafai lea ona outou matamata i le vaega o totoe o le vitio ia iloa ai pe na fa’apefea e le Toetū ona aumaia ia Sister Aburto le fa’amoemoe.

9:12

Ona o loo soifua Iesu Keriso, o le a tatou toe ola uma ai

Mafaufau e matamata le “E toe Soifua o Ia ma Fa’apenā Fo’i Oe” (2:28) ina ia fa’ai’u ai le vasega.A o matamata tagata a’oga, e mafai ona latou manatunatu loloto i mea ua latou a’oa’oina e uiga i le Toetū o Iesu Keriso.Ona mafai lea ona latou faasoa mai ni malamalamaaga faaopoopo latou te aoaoina mai le vitio.

2:25