Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Iopu 21–24; 38–40; 42: Va’ai i Tofotofoga ma se Va’aiga e Fa’avavau

“Iopu 21–24; 38–40; 42: Va’ai i Tofotofoga ma se Va’aiga e Fa’avavau,” Tusi Lesona a le Faiaoga Seminare o le Feagaiga Tuai (2026)

“Iopu 21–24; 38–40; 42: Va’ai i Tofotofoga ma se Va’aiga e Fa’avavau,” Tusi Lesona a le Faiaoga Seminare o le Feagaiga Tuai

Iopu 1–3; 12–14; 19; 21–24; 38–40; 42: Lesona 99

Iopu 21–24; 38–40; 42

Va’ai i Tofotofoga ma se Va’aiga e Fa’avavau

Job and His Friends by Ilya Repin. Job's wife grieves behind him, while his friends, Eliphaz, Bildad, and Zophar, observe his impoverished condition.

Pe na e taumanatu i le mafua’aga e fa’ataga ai e le Atua mafatiaga?E i ai nisi fesili na e fesili ai i le taimi o ou tofotofoga?sa taumafai ai Iopu ma ana uo e saili le mafua’aga o puapuaga [o Iopu], ae sa le i faamanuiaina. E ui e le’i tu’uina atu e le Atua se mafua’aga, na Ia fesoasoani ia Iopu ia va’ai i ona puapuaga i se auala sili atu le maualuga ma mamalu.O lenei lesona e mafai ona maua ai e tagata aoga se avanoa e fesoasoani ai i isi e vaai i o latou tofotofoga i se vaaiga e faavavau.

Sauniuniga a le tagata aoga: Ia tu’uina atu i tagata aoga le fesili “Aiseā e fa’ataga ai e le Atua ona oo mai tofotofoga iā i tatou?”Valaaulia i latou e saili tali e faaaoga ai punaoa faalelagi ua tofia, e pei o tusitusiga paia, aoaoga mai taitai o le Ekalesia, po o o latou matua.E mafai foi ona latou fesili atu i o latou tau aiga po o uo, pe fa’apefea ona latou tali atu i le fesili.

Gaoioiga e Ono Mafai Ona Aoaoina Ai

Aiseā e tutupu ai mea leaga?

Mafaufau e amata le vasega e ala i le tusia o fesili nei i le laupapa.Vala’aulia le vasega e fa’aopoopo nisi fesili se lua atonu e fesili ai tagata a o taumafai e malamalama i o latou tofotofoga.Fa’aopoopo nei fesili e lua i le laupapa ma fa’anumera 5 ma le 6.O nei fesili o le a faasino atu i ai i le faagasologa o le lesona atoa.

“Atonu e sese mea uma o lo’o o’u faia.Aisea la ua faigata ai le olaga mo a’u?”
“Afai o lo’o o’u mulimuli i le talalelei, aiseā e lē o mafai ai ona ou alofia tofotofoga ma mafatiaga?”
“Sa ou manatu e alofa le Atua ia te a‘u.Aisea ua Ia matua faafaigata ai lo’u olaga?”
“Afai e moni le Atua, aisea Na te le taofia ai puapuaga o tagata?”

Atonu e fesoasoani ona faailoa e faapea, atonu e fesiligia e nisi tagata a’oga ni fesili talitutusa i taimi o tofotofoga.Uunaia tagata aoga ia agalelei ma faaaloalo a o latou talanoaina le fesili lenei.

O ā nisi o manatu taumatemate e ono faia e nisi tagata pe a latou fesili ifo i fesili fa’apenei?

A uma le talanoaga e mafai ona e valaaulia tagata aoga e mafaufau loloto i le fesili lenei.E mafai ona latou tusi a latou tali i a latou api tala’aga o su’esu’ega.
Pe e te manatu e mafai ona e fesoasoani i se tasi e liliu atu i le Alii ma maua tali i nei ituaiga o fesili?Aisea pe aiseā e leai ai?

O le suesueina o punaoa ua tofia mai le lagi e mafai ona valaaulia ai le Agaga Paia i lo tatou aoaoina.Ia gaua’i atu i malamalamaaga atonu o lo o Ia a’oa’o atu ia te oe a’o e faitau i tusitusiga paia ma fa’amatalaga i lenei lesona.Mafaufau pe fa’apefea e nei malamalamaaga ona fesoasoani atu i isi e tali a latou fesili e uiga i o latou tofotofoga.O le faia o lena mea e mafai ona fesoasoani ia te oe e maua ai le malamalama sili atu i ou lava tofotofoga.

Iopu ma ana uo

Mafaufau e fa’aali atu se ata o Iopu, e tali tutusa ma le ata sa fa’aaoga i le amataga o le lesona.Vala’aulia tagata a’oga e talanoa puupuu ma se paga, i mea o lo’o latou manatua e uiga i le tala ia Iopu.Ona e fa’asoa atu lea o vaega nei:

I taimi o tofotofoga o Iopu, sa iai ni uo e toatolu na asiasi atu ia te ia.Na taumafai Iopu ma ana uō e iloa le māfuaaga o ona mafatiaga.O la latou vaaiga papau na mafua ai ona latou faia ni manatu taumatemate.

I le faaaogaina ai o fuaiupu o loo i lalo, mafaufau e valaaulia le itu agavale o le vasega e suesue po o le a le mea na talitonu i ai Iopu e uiga i ona mafatiaga ma le itu taumatau e suesue ai mea na talitonu i ai le uo a Iopu, o Elifasa.Pe mafai foi ona e aoteleina nei fuaiupu ma agai atu i le ulutala “O se vaaiga e faavavau.”O le aotele ai, e mafai ona maua ai se isi avanoa mo tagata a’oga e su’esu’e le taunu’uga o le tala iā Iopu ma talanoaina le pepa ua tufatufaina atu.

Faitau le Iopu 19:6–11, vaava’ai po’o le ā le manatu taumatemate o Iopu e uiga i le Atua.
Faitau le Iopu 22:5–10, vaava’ai po’o le ā le manatu taumatemate o Elifasa e uiga ia Iopu.

O ā ni manatu lē sa’o na iā i laua?

A mana’omia e tagata a’oga se fesoasoani ia malamalama i mea ua latou faitauina, e mafai ona e fa’amatala atu, na manatu Iopu o le Atua ua mafua ai ona tofotofoga ma ua [Ia] tu’ulafoa’iina o ia.Na tuuaʻia sesē e Elifasa ia Iopu i le faileagaina o isi.Sa ia talitonu o mafatiaga o Iopu o se taunuuga o le amioleaga.

O se va’aiga e fa’avavau

A o faaauau ona tauivi Iopu i ona tofotofoga, na fetalai atu le Atua iā te ia.Na fai atu e le Atua iā Iopu le tele o fesili e uiga i le foafoaga o le lalolagi, ia e le’i mafai e Iopu ona tali (tagai Iopu 38–41).

Faitau le Iopu 38:4–7, va’ava’ai mo ni fa’ata’ita’iga o fesili na fai atu e le Atua ia Iopu.

Na faamalamalama mai e Elder Dale G. Renlund o le Korama a Aposetolo e Toasefululua le tali a le Atua i le le mafai ai e Iopu ona tali atu ia te Ia:

Sa peiseai na fetalai atu ma le onosai ma le agalelei le Atua ia Iopu, “Afai e le mafai ona e taliina e oo lava i se tasi o a‘u fesili e uiga i le lalolagi na ou foafoaina, pe mafai ea ona i ai ni tulafono e faavavau e te le malamalama i ai?Pe o i ai ni manatu taumatemate na e faia e le faamaonia?Pe ua e malamalama i o‘u faamoemoega ma auala o loo faatinoina ai la’u fuafuaga o le faaolataga ma le faaeaga?Ma e mafai ona e muai vaai i lou taunuuga i le lumanai?”

O le Atua i Lona atamai ua silafia o se vaega taua o lo tatou aafiaga i le olaga nei o le le iloaina lea o mea uma.E i ai se mea e uiga i le faatuatuaina o Ia lea e mafai ai ona tatou alualu i luma e avea faapei o Ia.(“Fa’atuatua i le Atua ma Ia Manumalo Pea o Ia,” Liahona, Aok. 2022, 5)

O le ā se mea ua mafai e lenei fa’amatalaga ona e malamalama ai e uiga i le Atua ma tofotofoga?

Ao tali mai tagata a’oga, mafaufau e fa’ailoa atu e faapea e le’i aumaia e le Atua se mafua’aga mo puapuaga o Iopu.

Faitau le Iopu 42:1–6, ma vaavaai mo le tali a Iopu i le Alii.

O le ā se mea e tumatila iā te oe mai le tali a Iopu?
O le a se mea ua e aoaoina mai le tala ia Iopu e mafai ona fesoasoani tatou te malamalama lelei atili ai i o tatou tofotofoga?

Atonu e mafai e tagata a’oga ona iloa le tele o mea moni, e aofia ai e mafai e le Atua ona fesoasoani iā i tatou ia va’ai atu i o tatou tofotofoga i se va’aiga e fa’avavau.

Na fa’ailoa atu e Iopu le tapulaa o lona malamalama fa’atusa i le poto o le Atua, ma na suia ai le auala na vaai ai Iopu i ona tofotofoga.Na ia iloa o ona mafatiaga e le o se taunuuga o le agasala po o se faasalaga faalelagi.Na matuai fa’amanuiaina e le Atua ia Iopu i le siui o lona olaga (taga’i Iopu 42:12–13).

Malamalama i tofotofoga

Atonu e lē o taimi uma tatou te malamalama ai i mafua’aga o o tatou lu’itau. Peitai, ua tuuina mai e le Alii puna’oa faalelagi e mafai ona fesoasoani iā i tatou ia vaai atu i o tatou tofotofoga ma se va’aiga e fa’avavau.

2026 Old Testament Seminary Teacher Materials

A faamaea e tagata aoga le pepa e tufaina atu, mafaufau e valaaulia i latou e toe faitau fesili e ono e uiga i tofotofoga na tusia i luga o le laupapa i le amataga o le vasega.Ona mafai lea ona e taitaia se talanoaga a le vasega i fesili e pei o nei:

O le a se mea na e aoaoina e mafai ona fesoasoani i se tasi e i ai nei fesili e vaai ai i o latou tofotofoga i se vaaiga e faavavau?
O faapefea ona e vaaia le moni o aoaoga na e suesueina i ou lava tofotofoga?
O ā ni mea ua e a’oa’oina e uiga i le Tamā Fa’alelagi ma Iesu Keriso a’o e fa’alogologo atu i manatu o lo’o fa’asoa mai e isi?

Faaiuga

Tuu atu i tagata a’oga e faatino se tala e fesoasoani ai i isi e vaai i o latou tofotofoga ma se vaaiga e faavavau. E mafai ona e faia lenei mea e ala i le tuuina o tagata aoga i ni paga.Tufa atu ni maataisi e ono ona itū i paga ta’itasi.Fa’aali atu fa’atonuga nei.E mafai ona e fesuia’i fa’atonuga pe a le maua ni maataisi.

Faasino atu i fesili e ono e uiga i tofotofoga o loo tusia i luga o le laupapa a o oulua faamaeaina ma lau paga le gaoioiga lenei:

Filifili se tagata e to’atasi e togiina le maataisi.
Afai na e togiina le maataisi, ona e fai atu lea i lau paga le fesili ua tusia i luga o le laupapa e ogatusa ma le numera sa e togiina.(Mo se fa’ata’ita’iga, afai na e togi le tasi e mafai ona e fesili atu, “Atonu e sese uma auala o lo’o o’u fa’atino ai mea uma.O le a se isi mafuaaga ua matua faigata ai le olaga mo a’u?”)
Afai e te le’i togiina le taisi, tali atu le fesili a lau paga.Faaaoga malamalamaaga na e mauaina mai le vasega e fesoasoani ai i lau paga e vaai atu i o latou tofotofoga ma se vaaiga e faavavau.Ia aofia ai ni ou mafaufauga po o ni lagona e uiga i le Tama Faalelagi po o Iesu Keriso.
Fesuia’i matafaioi ma toe fa’aauau le gaoioiga mo se isi taimi se tasi.Afai e togi pea le numera lava e tasi, ona toe togi lea.

Mafaufau e faaiu i le faaopoopoina atu o lau molimau i mea na faasoa mai e tagata aoga i le asō.

O Puna’oa Fa’aopoopo

Aiseā e fa’ataga ai e le Atua mea leaga e tutupu iā i tatou?

Na faamalamalama mai e Peresitene Henry B. Eyring o le Au Peresitene Sili:

18:56

Ina ua uma ona salamo Iopu ma oo ina toe faapaiaina atili, sa faamanuiaina o ia e le Aliii i mea e sili atu i lo mea na aveesea mai ia te ia.Ae masalo o le faamanuiaga pito sili mo Iopu o le faateleina lea o lona faapaiaina e ala i faigata ma le salamo.Na agavaa o ia e maua le fiafia sili atu i aso na totoe e ola ai.

O le paia sili atu o le a le oo mai i le tau lava i le na ona ōle atu iai.O le a oo mai i le faia o mea e manaomia mo le Atua e suia ai i tatou.(“Paia ma le Fuafuaga o le Fiafia,” Liahona, Nov. 2019, 102–103)

Sa fa’asoa mai Peresitene Dallin H. Oaks o le Au Peresitene Sili:

12:10

O puapuagā ma lu’itau o ni a’afiaga masani o le olaga nei.O le fa’atauagai o se vaega mana’omia o le fuafuaga paia e fesoasoani ai i le tatou tuputupu ae [taga’i 2 Nifae 2:11], ma i le totonugalemu o lenā fa’agasologa, ua iā i tatou le fa’amautinoaga a le Atua e fa’apea, i le va’aiga mamao o le fa’avavau, o le a le faatagaina ia le fa’atauagai e fa’ato’ilalo i tatou.Faatasi ai ma Lana fesoasoani ma lo tatou faamaoni ma le onosai, o le a tatou manumalo ai. E faapei o le olaga nei, lea ua avea ai na mea o sona vaega, o puapuaga uma e le tumau. (“Ia Loto Tetele Fiafia,” Liahona, Nov. 2020, 70)

Gaoioiga Fa’aopoopo e A’oa’o Ai

Mataupu Faavae ma Feagaiga 122:7.“O nei mea e te maua ai le poto masani”

A fa’asoa mai e tagata a’oga malamalamaaga ua latou maua mai leMataupu Faavae ma Feagaiga 122:7, e mafai ona e vala’aulia i latou e fa’afeso’ota’i le fasifuaitau nei mea i le fa’amatalaga lenei.

Na a’oa’o mai Elder Quentin L. Cook o le Korama a le Au Aposetolo e To’asefululua:

O lo tatou oo foi o i tatou lava i nei mea e mafai ona faaeeina ai i tatou i le agaalofa faaKeriso mo i latou o e puapuagatia.“O le a atili momomo pea lava lo’u loto pe a mavae lenei mea nai lo le mea sa i ai [lava] muamua,” sa iloaina ai e Iosefa a o i ai i le falepuipui.Sa moomoo o ia maimau e pe ana mafai ona mafuta ma le Au Paia e faamafanafana ma faamaise ia i latou.“E le’i mafai lava ona ou lagona fa’apei ona ou lagona ai i le taimi lenei,” sa ia fa’ailoa mai, “ana Ou le puapuagātia i [tuuaiga] sese na ou puapuagātia ai” [“O le tusi a Presendia Huntington Buell, 15 Mati 1839,” [1], josephsmithpapers.org].(“Ma’eu le Alofa Mutimutivale o le Ali,” Liahona, Oke. 2018, 63)

O le ā se mea ua faagaeetia ai oe mai lenei fa’amatalaga?
Na faapefea ona saunia oe e ou tofotofoga e faaali atu le alofa faaKeriso mo isi?

O le mua’i olaga

Fa’amalamalama atu e faapea, ina ia maua e Iopu se va’aiga e fa’avavau, sa tu’u atu e le Atua iā Iopu ni fesili i mea ese’ese, e aofia ai le mua’i olaga.

A o faitau e tagata aoga le Iopu 38:4–7, fai atu ia i latou e vaavaai mo mea e mafai ona aoao mai e nei fuaiupu ia i tatou e uiga i le muai olaga.

Aisea e te manatu ai atonu na fesoasoani nei fesili mo Iopu e mafaufau e uiga iai?

Na a’oa’o mai Elder Ronald A. Rasband o le Korama a le Au Aposetolo e To’asefululua:

11:28

Atonu e fesili nisi pe a feagai ma ni mafatiaga fa’apenā, e mafai fa’apefea ona fa’atagaina e le Atua Silisili Ese lenei mea e tupu?Ona soso’o ai lea ma lenā fesili e foliga pea o se fesili le maalofia, aiseā ua tupu ai lenei mea iā te a’u?Aiseā e tatau ai ona tatou oo i fa’ama’i ma mea e fa’amuta ai pe vave maliliu ai tagata fa’apelepele o ō tatou aiga po o le fa’aumiumi o ō latou tausaga i mea tigā?Aiseā e tutupu ai nei mea fa’amafatia loto?

O taimi fa’apenei, tatou te liliu atu ai i le fuafuaga sili o le fiafia na foaina e lō tatou Tamā Fa’alelagi.O lenā fuafuaga, ina ua faailoaina i le mua’i olaga, sa mafua ai ona tatou alalaga atu ma le olioli [taga’i Iopu 38:7].I se fa’aupuga faigofie, o le olaga lenei o le a’oa’oga fa’amasani mo le fa’aeaga e fa’avavau, ma o lenā fa’agasologa o lona uiga o [le iai lea o] su’ega ma tofotofoga.O le tulaga lava lenā sa i ai, ma e leai se tasi e sao mai ai.(“O Lesona Taua,” Liahona, Me 2012, 80)

Pe a tatou feagai ma faigatā, aisea e ono fesoasoani ai ia tatou manatua sa tatou olioli i le avanoa e ola ai i le olaga [faitino] i le lalolagi?

Va’aiga latalata fa’aleagaga

A mae’a ona talanoaina e tagata a’oga le pepa sa tufa atu, mafaufau e matamata “Ia Manuamalō le Atua” mai le faailo taimi 5:50 i le 8:25.Vala’aulia tagata a’oga ia vaavaai mo malamalamaaga na faasoa mai e Peresitene Russell M. Nelson e uiga i lo tatou va’ai ai i o tatou tofotofoga ma se vaaiga e fa’avavau.

18:52

Mauaina o le malamalama fa’aleagaga

Afai e i ai se taimi i le faaiuga o le vasega, e mafai ona e valaaulia tagata aoga e iloilo le tala ia Iopu, ma vaavaai mo auala na ia faaaogaina ai mataupu faavae o le mauaina o le malamalama faaleagaga.

Vaevae tagata a’oga i ni vaega se tolu.Fai atu i vaega taitasi latou te faitau se mataupu faavae e ese o le Mauaina o le Malamalama Fa’aleagaga i le Pepa Autu o le Atamai i A’oa’oga Fa’avae (2023).Tuu atu ia i latou e vaavaai mo mea nei:

Upu po o fasifuaitau i au palakalafa tofia e faamanatu atu ai ia te oe e uiga ia Iopu.
Auala na fa’aaogā ai e Iopu nei mataupu faavae a’o onosa’ia ona tofotofoga.