Seminare
Iopu 1–3; 12–14; 19; 21–24; 38–40; 42: Vaaiga Aoao

“Iopu 1–3; 12–14; 19; 21–24; 38–40; 42: Va’aiga Aoao,” Tusi Lesona a le Faiaoga Seminare o le Feagaiga Tuai (2026)

“Iopu 1–3 ; 12–14 ; 19 ; 21–24 ; 38–40 ; 42: Vaaiga Aoao,” Tusi Lesona a le Faiaoga Seminare o le Feagaiga Tuai

Iopu 1–3; 12–14; 19; 21–24; 38–40; 42

Iopu 1–3; 12–14; 19; 21–24; 38–40; 42

Va’aiga Aoao

O Iopu o se tagata sa faamaoni na olioli i se olaga faamanuiaina.I se tulaga sa le’i faamoemoeina, na aveesea ai le tamaoaiga o Iopu, lana fanau, ma lona soifua maloloina.E ui ina faigata nei luitau, ae sa faalagolago Iopu i le Alii, o lē na fesoasoani ia Iopu e vaai atu i ona tofotofoga i se vaaiga e faavavau.Sa matuā faamanuiaina e Ieova Iopu i le iʻuga o lona olaga.

aikona o le seminareSaili ia iloa lelei tagata aoga—malamalama i o latou tulaga, manaoga, ma malosiaga. Pe a lagona e tagata aoga le moni o le alofa o le faiaoga mo i latou, o le a o mai i latou i le vasega ua saunia e aoao ma fa’asoa o latou malamalamaaga ma a’afiaga.Vaai mo ni avanoa e fesili atu ai i tagata aoga e uiga i mea latou te fiafia iai ae le’i amatalia, ao faia, pe i le uma ai o le vasega.E mafai ona e fai fesili e uiga i aitema e aumai e tagata aoga i le vasega po o gaoioiga latou te auai atu iai.Mo nisi fa’amatalaga fa’aopoopo e uiga i auala na faia ai e le Faaola feso’otaiga, tagai “E iloa i Tatou e le Fa’aola ma Malamalama i o Tatou Tulaga, Manaoga, ma Malosiaga” (Aoao Atu i le Ala a le Fa’aola [2022], 13).Mo aoaoga faaopoopo i le maitauina ma le fesili ai e uiga i mea e fiafia i ai tagata aoga, tagai i le “Saili ia iloa lelei i latou—malamalama i o latou tulaga, manaoga, ma malosiaga.”

Sauni e aoao atu

O lenei fa’amatalaga e tu’uina atu ai iā te oe ni manatu o mea atonu e manaomia ona muai saunia mo lesona ta’itasi.

Iopu 1–3; 12–13

Faamoemoega o le lesona: Ina ia fesoasoani i tagata aoga ia lagona se naunautaiga faateleina e faalagolago i le Tama Faalelagi ma Iesu Keriso i taimi o tofotofoga.

  • Sauniuniga a le tagata aoga: Vala’aulia tagata aoga ia toe manatunatu pe sa fa’apefea ona latou tali atu i o latou tofotofoga.Fai atu ia o mai saunia i le vasega e talanoa i o latou aafiaga.

  • Vitio: “Mountains to Climb” (5:05)

Iopu 14; 19

Faamoemoega o le lesona: Ina ia fesoasoani i tagata aoga ia malamalama i le faamoemoe e oo mai e ala i le Toetu o Iesu Keriso.

  • Sauniuniga a le tagata aoga: Vala’aulia tagata aoga e fa’alogologo pe faitau upu o le viiga “Ou te Iloa o lo’o Soifua Lo’u Fa’aola.”E mafai ona latou filifilia se fasifuaitau e fiafia i ai mai le viiga atonu e mafai ona aumaia ai le faamoemoe i se tasi o feagai ma faigata.

  • Anotusi e fa’aalia: Fesili mai le amataga o le lesona; fa’atonuga i lalo o le ulutala “Malamalama i le Toetu”

  • Vitio: “Seia Tatou Toe Feiloai” (3:39) mai le faailo taimi 0:00 i le 2:28 ma mai le 2:28 i le 3:39; “Because of Him” (2:44)

Iopu 21–24; 38–40; 42

Faamoemoega o le lesona: Ia tuuina atu i tagata aoga se avanoa e fesoasoani ai i isi e vaai i o latou tofotofoga i se vaaiga e faavavau.

  • Sauniuniga a le tagata aoga: Ia tu’uina atu i tagata aoga le fesili “Aiseā e fa’ataga ai e le Atua ona oo mai tofotofoga iā i tatou?”Valaaulia i latou e saili tali e faaaoga ai punaoa faalelagi ua tofia, e pei o tusitusiga paia, aoaoga mai taitai o le Ekalesia, po o o latou matua.E mafai foi ona latou fesili atu i o latou tau aiga po o uo, pe fa’apefea ona latou tali atu i le fesili.

  • Ata: Iopu

  • Pepa e Tufa atu: “Malamalama i Tofotofoga”

  • Vitio: “Why Do Bad Things Happen to Good People?” (4:39)

  • Anomea mo tagata aoga: O se ma’ataisi e ono itu mo paga ta’itasi

  • Anotusi e fa’aali: Fa’atonuga mo le ta’aloga o le taisi [dice]