Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 119: “O Lau Afioga o le Sulu lea i O’u Vae, ma le Malamalama i Lo’u Ala”

“Salamo 119: ‘O Lau Afioga o le Sulu lea i O’u Vae, ma le Malamalama i Lo’u Ala,’” Tusi Lesona a le Faia’oga Seminare o le Feagaiga Tuai (2026)

“Salamo 119: ‘O Lau Afioga o le Sulu lea i O’u Vae, ma le Malamalama i Lo’u Ala,’” Tusi Lesona a le Faia’oga Seminare o le Feagaiga Tuai

Salamo 102–3; 110; 116–19; 127–28; 135–39; 146–50: Lesona 107

Salamo 119

“O Lau Afioga o le Sulu lea i O’u Vae, ma le Malamalama i Lo’u Ala”

E te lagona o au suesuega i tusitusiga paia e tau atu ai i le taitaiga mai le Ali’i?O leSalamo 119 o loo fa’aalia ai le loto fa’afetai mo le afioga a le Atua ma molimau ai i lona mana.O lenei lesona e mafai ona fesoasoani i tagata a’oga e faia se fuafuaga e suesue i afioga a le Atua.

Sauniuniga a le tagata a’oga: Vala’aulia tagata a’oga ia suesue patino i tusitusiga paia ae le’i amatalia le isi vasega.Fai atu iā i latou e mafaufau loloto pe latou te lagonaina le taitaiga a le Ali’i e ala mai iā latou suesuega i tusitusiga paia.Afai o lea, pe mafai ona latou mafaufau i ni fa’ataitaiga?

Gaoioiga e Ono Mafai Ona Aoao Ai

Taitaiga ma tusitusiga paia

Ina ia saunia tagata a’oga e suesue e uiga i tusitusiga paia, vala’aulia i latou e mafaufau loloto pe faapefea e tagata eseese ona iai ni uiga faaalia ese’ese e faatatau i tusitusiga paia.Fai atu i tagata a’oga e mafaufau pe ono fa’apefea e na tagata ese’ese, ona fa’auma le faamatalaga lenei.E mafai foi ona e fa’aaoga lenei gaoioiga e avea ma sauniuniga a le tagata a’oga.E mafai foi ona e fa’asoa atu le faamatalaga ae le’i amatalia le vasega, ma vala’aulia tagata a’oga e aumai se mea faitino e fesoasoani e fa’amae’a ai.

O tusitusiga paia e faapei o auā .

A mana’omia e tagata a’oga se fa’ataitaiga, e mafai ona e fai atu, “O tusitusiga paia e faapei o se fa’afanua po o se GPS ona e mafai ona taiala ai a’u.”

Vala’aulia tagata a’oga e faasoa mai o latou manatu.E te ono fesili atu pe aiseā e fiafia ai isi e suesue tusitusiga paia, ae o isi e leai.

Mafaufau e vala’aulia tagata a’oga e mafaufau loloto, pe fa’apefea ona latou fa’amae’a le faamatalaga ia atagia ai o latou uiga faaalia e faatatau i tusitusiga paia.

I le fa’ai’uga o le lesona, e te toe iloilo lau sini o le suesuega o tusitusiga paia pe faia se sini fou.Mafaufau e fai se tatalo lē leoa i le Tamā Fa’alelagi e taiala oe i lenei aso a’o e suesue i le Salamo 119.Saili le musumusuga e faia se sini talafeagai e fesoasoani tele ia te oe.

O afioga a le Atua e faapei o …

O le tusitala o le Salamo 119 sa fa’aaoga fa’atusa e fa’amatala ai afioga a le Atua.O nei fa’atusa na fa’amamafa mai ai e le fai salamo le alofa mo afioga a le Atua, ma fa’amanuiaga e maua mai i le suesue ai ma le filigā ma usita’i i Ana afioga.

Mo se fa’ataitaiga, faitau le Salamo 119:105–106, vaava’ai po o a mea na fa’atusa iai e le fai salamo afioga a le Atua.

Mafaufau e faamūitiiti pe tapē molī i totonu o le potu, ma fa’aola se molī po o se molī uila.Fa’ataga tagata a’oga e fa’asoa mai mea na latou maua.

E fa’apefea ona faapei le afioga a le Atua o se malamalama poo se molī?

Afai e fa’asoa mai e tagata a’oga se mea e pei o lenei mataupu fa’avae, tusi i luga o le laupapa: A o tatou suesue i afioga a le Atua, e fa’amanuia e Ia i tatou i le taitaiga.

A mana’omia e tagata a’oga se fesoasoani atili ia iloa le mataupu fa’avae, mafaufau e fesili atu, “E fa’apefea ona ese’ese le savali i le malamalama mai le savali ai i le pogisa?” po o le “E fa’apefea e tusitusiga paia ona fesoasoani iā i tatou e savavali i le malamalama?”Po o lou tusi fo’i o le mataupu fa’avae ma fesili atu, “E fa’apefea ona fa’apupula mai e nei fuaiupu le mataupu fa’avae o loo i luga o le laupapa?”

Toe fa’aola molī o le potu.Mafaufau e vala’aulia tagata a’oga e fefa’asinoa’i pe faafeso’ota’i le Salamo 119:105 i le 2 Nifae 32:3.Fai atu i tagata a’oga e maitau pe faapefea ona talitutusa nei fuaiupu.Pe matamata le “How I #HearHim: Elder David A. Bednar” (1:15), Potutusi o le Talalelei.

1:15

Faitau pe fa’aali atu fesili o soso’o mai, ma vala’aulia ni nai tagata a’oga ia filifili se tasi [o fesili] ma tali i ai:
Aiseā ete manatu ai e finagalo le Atua e na te taitaia i tatou?
E ono mafai fa’apefea e le iloaina e mafai e le Atua ona taitaina i tatou e ala i tusitusiga paia ona fa’aosofia se tasi e suesue i ai?
O anafea na avea ai le afioga a le Atua e faapei o se sulu po o se malamalama ia te oe po o se tasi ete iloaina?

A o fa’asoa mai e tagata a’oga a latou tali, e te ono fesili atu pe fa’apefea e nei manatu ma a’afiaga ona a’afia ai la latou sootaga ma le Atua.

O isi fa’atusa

Na faia e le fai salamo isi fa’atusatusaga.(Manatua: na fa’asino atu e le fai salamo afioga a le Atua e ala i le fa’aaogaina o upu eseese e pei o molimau, poloaiga tumau, tulafono, mataupu, poloa’iga, ma auala.)

Ina ia fesoasoani i tagata a’oga e suesue le Salamo 119, tusi mau fa’asino nei i luga o le laupapa:

Salamo 119:14–16, 72, 127

Salamo 119:22–24

Salamo 119:33–35

Salamo 119:50–52, 54

Salamo 119:102–104

Vaevae le vasega i ni vaega se lima ma atofa atu i vaega ta’itasi se mau fa’asino se tasi o lo o i luga o le laupapa.Fa’aali atu nisi o mea faitino po o ni ata o mea faitino nei: o se tusi o vi’iga, tupe siliva (po o se mea e fa’aata mai ai ’oa); meli (po o se mea suamalie); ata o se auala; ata o se fesoasoani (mo se fa’ataitaiga, o se fesoasoani mai le au Peresitene Sili o le Ekalesia po o se faufautua mai le a’oga).

Fa’aali atu fa’atonuga nei:

Faitau la outou fuaitau o tusitusiga paia ua atofaina, vaavaai po o a ni fa’atusatusaga a le fai salamo i afioga a le Atua.
Ave le mea faitino po o se ata e talifetaui ma le fuaitauo mau na atofaina atu.
Talanoa pe fa’apefea e le mea faitino po o le ata ona fesoasoani i se tasi ia malamalama i le taua o le afioga a le Atua.
Fa’asoa fa’ataitaiga po o a’afiaga mai lou olaga, olaga o isi, po o tusitusiga paia o loo fa’apupula mai ai pe fa’apefea e le mea faitino po o le ata ona faapei o le afioga a le Atua.

Vala’aulia tagata a’oga ia fa’auma mai le mataupu fa’avae lenei e fa’atataui mea sa latou suesueina: A’o tatou suesue i le afioga a le Atua, e faamanuia e Ia i tatou i le …

O nisi o tali ono talafeagai o le olioli (taga’i fuaiupu 14, 16, 35, 103), fa’amafanafanaga (taga’i fuaiupu 50, 52), fautuaga (taga’i fuaiupu 24), ma le malamalama (taga’i fuaiupu 104).

E fa’apefea e le mataupu fa’avae na e maua ona fesoasoani i se tasi ia naunau e suesue i le afioga a le Atua?
Na fa’apefea ona fa’amanuia e le Atua oe po o nisi ete iloaina i le olioli, fa’amafanafanaga, fautuaga, po o le malamalama a o e, pe o latou suesueina Lana afioga?

A o fa’asoa mai tali a tagata a’oga i le fesili ua tuana’i atu, e te ono fesili atu pe fa’apefea e na a’afiaga ona a’afia ai la latou sootaga ma le Atua.

O lau sini

Vala’aulia le Agaga a o e manatunatu i au suesuega o tusitusiga paia.Afai ua iai sau sini mo le suesueina o tusitusiga paia, fa’amau i lau api tala’aga o suesuega mea ua sologa lelei ma mea e te ono mana’o e fa’aauau.E te ono fa’aaofia ai pe aiseā ua e filifilia lenā sini ma fa’apefea ona fesoasoani iā te oe e lagona ai le latalata atili atu i le Ali’i.Ole atu i le Tamā Fa’alelagi e fa’ailoa mai pe finagalo o Ia e te fai soo se fetu’una’iga i lau sini.

Afai e le o iai sau sini mo le suesueina o tusitusiga paia i le taimi nei, saili le taitaiga a le Agaga Paia ao e faia se sini.E ono mafai ona faaaofia ai mea nei:

Le aofa’iga o taimi o le a e suesue ai
E fa’afia ona e suesue (pe a mafai, taumafai e suesue e lē aunoa)
O le ā le mea e te faia e saili ai le fesoasoani a le Ali’i i au suesuega (mo se fa’ataitaiga, tatalo ae le’i amatalia lau suesuega pe saili fa’aaliga e uiga i mea o le a e suesueina)
Pe faapefea ona mafai ona e manatua, manatunatu loloto, pe fa’aaoga mea ua e a’oa’oina (mo se fa’ataitaiga, ia iai se api tala’aga o mea ua e a’oa’oina mai lau suesuega o tusitusiga paia, faia se fa’amaumauga o mea o lo’o e taumafai e fa’aaoga, pe talanoa ma se isi tagata e uiga i mea ua e a’oa’oina i vaiaso taitasi)

Vala’aulia nisi e tauofo e fa’asoa mai a latou sini o le suesuega o tusitusiga paia, fa’apea ma ni atugaluga e ono iai ia i latou.Afai e fa’asoa mai e tagata a’oga ni atugaluga, vala’aulia le vasega e fa’asoa mai mau, saunoaga mai taitai o le Ekalesia, po o ni a’afiaga patino e ono fesoasoani.

Fa’ailoa atu i tagata a’oga e faapea i totonu o le “Iloilo Lou A’oa’oina 7,” o le a latou maua ai le avanoa e lipoti ai e uiga i a latou sini.O le a latou fa’asoa mai ai pe o fa’apefea mai le faagasologa oa latou suesuega i tusitusiga paia, ma po o ā ni fa’amanuiaga latou te lagona ua tuuina mai e le Ali’i ona o lea faatinoga.

Afai o totoe se taimi mo le vasega, vala’aulia tagata a’oga e suesue lē leoa tusitusiga paia.Vala’aulia i latou e vaava’ai mo upumoni ua aumaia e le Atua ia i tatou, e mafai ona taitaia ai o latou olaga i aso nei.Vala’aulia ni nai tagata a’oga e fa’asoa mai mea ua latou maua.

Fa’asoa atu lau molimau i mataupu fa’avae i totonu o lenei lesona.

O Puna’oa Fa’aopoopo

Aiseā e maua ai mata’itusi Eperu i le fa’asologa atoa o le Salamo 119?

O leSalamo 119 ua vaevaeina i ni vaega o fuaiupu se valu.O lenei salamo o se “solo e faaoga ai mataitusi tomua e valu fuaiupu mo mata’itusi taitasi e luasefululua o le alefapeti Eperu. …E tasi le mata’itusi Eperu ma lona igoa o loo i luga ane o fuaiupu e valu” (Ellis T. Rasmussen, O se Fa’amatalaga a le Au Paia o Aso e Gata Ai i le Feagaiga Tuai [1993], 455).O vaega taitasi o fuaiupu e valu o le salamo, e amatalia i lona mata’itusi o loo talifeagai ma le mata’itusi o le alefapeti Eperu.

O ā nisi o fa’amanuiaga tatou te maua mai le suesueina o tusitusiga paia?

Na fofogaina mai e Peresitene Russell M. Nelson fa’amanuiaga patino mo i latou e auai i le suesueina otusitusiga paia i aso ta’itasi:

E lē mafai ona tau ina tatou fa’alagolago i fa’amatalaga tatou te maua i luga o faasalalauga fa’aagafeso’otai.I le faitau piliona o upu i luga o upega tafailagi o feso’ota’iga, i se lalolagi ua fa’atumulia i fa’asalalauga fa’atosina faifai pea ma taumafaiga malomaloā, ma taumafaiga leaga a le fili, o gafea e mafai ona tatou lagona ai o Ia?

E mafai ona tatou ō i tusitusiga paia.Latou te a’oa’o mai i tatou e uiga ia Iesu Keriso ma Lana talalelei, le silisili ese o Lana Togiola, ma le fuafuaga sili a lo tatou Tamā o le fiafia ma le togiolaina.O le fa’atofuina i aso taitasi i le afioga a le Atua, e taua tele mo le ola faaleagaga aemaise lava i nei aso o le fa’atupulaia o tulaga vevesi faigata.Pe a fafagaina i tatou i afioga a Keriso i aso taitasi, o le a ta’u mai e afioga a Keriso ia i tatou le auala e tali atu ai i faigata tatou te le’i mafaufauina o le a tatou fetaia’i. …

O le a le mea o le a tupu ao e lagona, faalogo, ma usitai ma le naunau atili i mea ua fetalaia mai e le Faaola ma mea o loo Ia fetalaia mai nei e ala mai i Ana perofeta?Ou te folafola atu o le a faamanuiaina outou i le mana faaopoopoina e taulima ai faaosoosoga, tauiviga, ma vaivaiga. Ou te folafola atu vavega i a outou faaipoipoga, mafutaga faaleaiga, ma galuega i aso taitasi.Ma ou te folafola atu o le a faateleina lou gafatia e lagona ai le olioli e tusa lava pe faateleina le sousouā i lou olaga.(“Fa’alogo ia te Ia,” Liahona, Me 2020, 89, 90)

Mo nisi puna’oa sili i le suesueina o tusitusiga paia, taga’i i le Ta’iala o Suesuega o le Talalelei mo Tusitusiga Paia i Autū o le Talalelei (Potutusi o le Talalelei).

Gaoioiga Fa’aopoopo e A’oa’o Ai

Auala e suesue ai le afioga a le Atua.

A mae’a ona latou fa’ailoa mai mataupu fa’avae eseese, e ono mafai ona fesoasoani mo au tagata a’oga le taula’i atu i auala e suesue ai i afioga a le Atua.Afai o lea, vala’aulia i latou e toe iloilo le Salamo 119:11, 15–16, 23, 34, 112, vaava’ai fasifuaitau o loo fa’ailoa mai ai le mea na faia e le fai salamo i afioga a le Atua.

Tusi tali a tagata a’oga i luga o le laupapa.O nisi o fa’ataitaiga “Ua ou teu i lo’u loto lau afioga” (fuaiupu 11), “Ou te manatunatu lava i au poloa’iga” (fuaiupu 15), “E lē galo ia te a’u au afioga” (fuaiupu 16), ma le “Ua ua’i atu lo’u loto e fai au tulafono e lē aunoa” (fuaiupu 112).

O le ā le uiga o lenei fasifuaitau iā te oe?E mafai fa’apefea ona tatou faia lenei faatinoga i aso nei?
O ā nisi mea ua e faia i au suesuega o tusitusiga paia ua fesoasoani iā te oe?

Afai e aogā, e mafai ona e fa’aali atu “Texting Truth” (2:22).O lenei vitiō o loo fa’aali mai ai le mea na faia e se tasi o vaega o ali’i talavou sa fesoasoani i la latou suesuega o tusitusiga paia.

E mafai e le afioga a le Atua ona fesoasoani iā i tatou e alofia agasala.

E ono aogā mo au tagata a’oga ona suesue pe mafai fa’apefea e tusitusiga paia ona fesoasoani iā i tatou e alofia le agasala.Afai o lea, mafaufau e vala’aulia tagata a’oga e faitau le Salamo 119:2–4, 9–11, va’ava’ai mo fa’amanuiaga e o’o mai pe a tatou mulimuli i le afioga a le Atua.

A o fa’asoa mai tagata a’oga, tusi soo se mataupu fa’avae moni ua latou ta’ua i luga o le laupapa.Afai latou te le’i ta’ua, mafaufau e fa’aopoopo atu: E fesoasoani afioga a le Atua iā i tatou e alofia sesē ma agasala.Atonu e manana’o tagata a’oga e tusi lenei mataupu fa’avae i talaane o nei fuaiupu.

E fa’apefea e le afioga a le Atua ona fesoasoani iā i tatou e alofia sesē ma agasala?

Mafaufau e faitau le Mataio 4:1–11, va’ava’ai pe na fa’apefea e le Fa’aola ona fa’aalia lenei mataupu fa’avae.

Fa’amamafa atu le mana ma fa’amanuiaga o tusitusiga paia.

Ina ia amatalia le lesona, e mafai ona e fa’aali atu le vitiō “The Blessings of Scripture” mai le faailo taimi 0:00 i le 1:55.Taofi le vitiō, ma fa’ataga tagata a’oga e tali atu i le fesili a Elder Christofferson “O ā mea na latou malamalama i ai e tatau foi ona tatou malamalama ai?”E mafai loa e tagata a’oga ona saili le Salamo 119 ia iloa mataupu fa’avae o le mamana o afioga a le Atua.Mafaufau e faʻaalia le vaega o totoe o le vitiō, mai le faailo taimi 1:55 i le 3:03.A o latou matamata, vala’aulia tagata a’oga e vaavaai ni auala e taitaia ai i tatou e le afioga a le Atua ma le tatou matafaioi aga’i afioga a le Atua.

3:4

O se fa’ataitaiga

Ina ia va’ai i se fa’ataitaiga o le taitaiga a tusitusiga paia i se talavou i aso nei, matamamata le vitiō “Prophets and Revelation—Hearing His Voice” (3:56).O le fa’ataitaiga muamua mai fa’ataitaiga e tolu, o se tama’itai talavou o loo taumafai e saili le taitaiga e ala mai tusitusiga paia.

4:2