Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Salamo 136: “Inā Avatu le Fa’afetai i le Ali’i”

“Salamo 136: ‘Inā Avatu le Fa’afetai i le Ali’i,’” Tusi Lesona a le Faia’oga Seminare o le Feagaiga Tuai (2026)

“Salamo 136: ‘Inā Avatu le Fa’afetai i le Ali’i,’” Tusi Lesona a le Faia’oga Seminare o le Feagaiga Tuai

Salamo 102–3; 110; 116–19; 127–28; 135–39; 146–50: Lesona 108

Salamo 136

“Inā Avatu le Fa’afetai i le Ali’i”

Fa’apei o le tele o vi’iga, ua faamanatu mai e le Salamo iā i tatou ia avatu le fa’afetai mo mea uma lava.O le fa’ailoa atu o le agaga fa’afetai moni i le Tamā Fa’alelagi ma Iesu Keriso, e mafai ona tatala ai o tatou mata ma loto mo lo Laua alofa ma le alofa mutimutivale, ma fa’atupulaia ai lo tatou alofa mo i Laua.O lenei lesona e mafai ona fesoasoani i tagata a’oga ia lagona le alofa o le Tamā Fa’alelagi ma Iesu Keriso, a o latou fa’ailoa atu lo latou loto fa’afetai mo i Laua.

Sauniuniga a le tagata a’oga: Vala’aulia tagata a’oga e ofo atu se tatalo e fa’afetai ai i le Tamā Fa’alelagi e aunoa ma le ole atu mo se mea e toe foai mai.E mafai e tagata a’oga ona sauni e fa’asoa o latou lagona faagaeetia mai gaoioiga ma le vasega.

Gaoioiga e Ono Mafai Ona Aoaoina Ai

E fa’apefea ona ou lagona le alofa o le Atua?

Ia amatalia le vasega i le fesoasoani atu i tagata a’oga, e manatunatu loloto pe fa’apefea ona latou lagona le alofa o le Atua.O se tasi o auala e faia ai lenei mea, o le vala’aulia lea o tagata a’oga e vaai faale-mafaufau i le tulaga faataitai lenei.

I se tasi o aso na fa’apea atu ai sau uo ia te oe: “O nisi taimi i le lotu ma le seminare, e talanoa ai tagata e fa’atatau i le lagonaina o le alofa o le Atua.Ou te lē mautinoa pe ou te lagonaina [lea alofa].O le ā se mea e mafai ona ou faia ina ia ou lagona ai le alofa o le Atua i lo’u olaga?

E ono fa’apefea ona e tali atu i lau uo?

E ono eseese tali mai tagata a’oga, pe latou te ono le iloa fo’i ona tali mai.A mae’a ona tali mai tagata a’oga, e mafai ona e fa’aali atu le fa’amatalaga lenei.

Na fa’amatala mai e Peresitene Thomas S. Monson (1927–2018) se mea tatou te faia ia lagona ai le alofa o le Atua:

O’u uso e ma tuafafine, pe tatou te manatua ea e fa’afetai atu mo fa’amanuiaga tatou te maua?O le tu’uina atu o le faafetai ma le loto faamaoni, e le gata e fesoasoani ia tatou iloa o tatou fa’amanuiaga, ae e talaia ai foi faitotoa o le lagi ma fesoasoani ia i tatou e lagonaina le alofa o le Atua.(“O le Meaalofa Paia o le Loto Fa’afetai,” Liahona, Nov. 2010, 87)

E fa’apefea ona e aoteleina mea na a’oa’o mai e Peresitene Monson?

A o fa’asoa mai e tagata a’oga a latou tali, tusi le upumoni lenei i luga o le laupapa: O le fa’aalia ai o le loto fa’afetai mo o tatou faamanuiaga e fesoasoani ia i tatou e lagona ai le alofa o le Atua.

Faitau le Salamo 136:1–3, 26, va’ava’ai pe aiseā na fa’aalia ai e le fai salamo le loto fa’afetai mo le Atua.

O le a se mea o e maitauina?

E te ono mana’o e vala’aulia tagata a’oga e fa’ailoga le fasifuaitau “auā e tumau e faavavau lona alofa.”E mafai ona e fa’asino atu i taimi uma lava na fa’aalia ai e le fai salamo le loto fa’afetai, na ia iloaina le alofa o le Atua.E te ono fa’amatala atu e fa’apea, i le gagana Eperu, o le upu mo le alofa i nei fuaiupu o le alofa mutimutivale, o se “ituaiga alofa faapitoa ma le alofa mutimutivale e lagonaina e le Atua ma tuuina atu mo i latou ua osia se feagaiga ma Ia” (Russell M. Nelson, “O le Feagaiga e Fa’avavau,” Liahona, Oke. 2022, 6).
Aiseā e te manatu ai o le fa’aalia o le loto fa’afetai mo o tatou fa’amanuiaga e fesoasoani tatou te lagonaina ai le alofa o le Atua?

Iloaina o fa’amanuiaga a le Atua

Ina ia fesoasoani i tagata a’oga e iloilo pe fa’apefea ona fa’atino le fa’aalia o le loto fa’afetai mo le Ali’i, e mafai ona e faia le gaoioiga lenei.Fa’amanatu i tagata a’oga e faapea, o le Agaga Paia e mafai ona fesoasoani ia i tatou ia manatua ina ia mafai ona tatou a’oa’o ma faaleleia atili.Vala’aulia tagata a’oga e fa’alogo mo ni uunaiga mai le Agaga Paia a o mafaufau i a latou tali.

Toe manatu i ni ou a’afiaga mai le vaiaso ua tuana’i.I lau api tala’aga o suesuega, tali fesili o loo soso’o mai e faaaoga ai fasifuaitau leai lava, fa’atasi pe fa’alua, mo ni nai taimi, po o le tele o taimi.

E faafia ni taimi sa e iloaina ai se fa’amanuiaga patino mai le Ali’i i lou olaga?
E fa’afia ni taimi na e fa’aali ai lou loto fa’afetai i le Ali’i mo ou fa’amanuiaga?
Na faafia ona e lagonaina Lona alofa?

2026 Old Testament Seminary Teacher Materials

Fa’ailoaina atu o le loto fa’afetai i le Atua

Ina ia fesoasoani i tagata a’oga e fa’ataitai le fa’ailoaina atu o le loto fa’afetai i le Atua, e mafai ona e vala’aulia i latou e fa’atino se tasi o gaoioiga nei.

Filifili se tasi mai filifiliga nei, e fa’ailoa atu ai lou loto fa’afetai mo le Tamā Fa’alelagi ma Iesu Keriso.Ua’i atu i le alofa e te ono lagonaina mai ia i Laua ao e faia le mea lenei.

Fa’ailoa atu lou loto fa’afetai i le Tamā Fa’alelagi ma Iesu Keriso i se tusitusiga i luga o faasalalauga fa’aagafeso’otai po o le tusi foi i totonu o lau api tala’aga o suesuega.
Fai se lisi o ni mea e te fa’afetai ai.Manatua ia fa’aaofia na mea i le isi au tatalo.

Ina ia fa’ai’u, e te ono fa’asoa atu pe fa’apefea i lou fa’ailoa atu o le loto fa’afetai i le Tamā Fa’alelagi ma Iesu Keriso ona fesoasoani ia i tatou e lagonaina lo Laua alofa ma fa’atupulaia atili ai lo tatou alofa mo i Laua.

O Puna’oa Fa’aopoopo

O ā nisi o fa’amanuiaga e maua mai i le fa’ailoaina atu o le loto fa’afetai?

Na fa’asoa mai e Peresitene Henry B. Eyring o le Au Peresitene Sili:

Ou te taumafai e manatua le taulaga a le Faaola ma Lona alofa mo a’u. Ona, a oo la ina ou tatalo i le Tama Faalelagi e tuuina atu le faafetai, ou te lagonaina le alofa ma le faamautinoaga o loo faafofogaina a’u tatalo ma o le a ou maua le mea e sili mo a’u ma i latou ou te alofa i ai.E faamalosia ai la’u molimau.(“O le Tatou Soa Tumau,” Liahona, Nov. 2023, 94)

Aiseā e tatau ai ona ou fa’afetai atu mo tofotofoga?

Na aoao mai e Peresitene Dallin H. Oaks o le Au Peresitene Sili:

17:27

“O fa’aaliga, ia tatou fa’afetaia, e fa’aalia ai le ao foi ona tatou avatu le fa’afetai mo o tatou puapuaga, auā o nā puapuaga e liliu atu ai o tatou loto i le Atua ma aumaia ai avanoa ia i tatou e sauniuni ai mo [ituaiga tagata] e finagalo le Atua e ao ona avea ai i tatou. …I le totonugalemū o sauaga o le Au Paia o Aso e Gata Ai i Misuri, na auina mai ai e le Ali’i se a’oa’oga tali tutusa ma se folafolaga: “E moni ou te fai atu ia te outou a’u uo, aua le fefe, ia fa’amafanafanaina o outou loto; ioe, ia outou olioli atili, ma ia fa’afetai mo mea uma lava; … ma o mea uma lava na e puapuagatia ai o le a galue [faatasi] mo lou lelei” (MF&F 98:1, 3).A o puapuagatia Iosefa Samita i le Falepuipui o Liperate, na fetalai atu le Ali’i, “Ia e iloa, lo’u atali’i e, o nei mea uma e avatu ai ia te oe le poto masani, ma e mo lou lava lelei” (MF&F 122:7).Na malamalama Polika Iaga.Na ia saunoa, “E aunoa se tulaga se tasi o le olaga [po o] se aafiaga o se itula se tasi, ae o mea lava na e aoga ia i latou e avea ma taulaiga o a latou suesuega ma fa’amoemoe ia faaleleia atili ai lo latou aafiaga ua mauaina” (A’oa’oga a Peresitene o le Ekalesia: Polika Iaga [1997], 179).”(“Fa’afetai Atu i Mea Uma Lava,” Liahona, Me 2003, 96)

Gaoioiga Fa’aopoopo e A’oa’o Ai

Se isi amataga

E mafai ona e amataina le vasega i le fa’asoa atu o mea nei:

I le vaitaimi o le fa’ama’i o le Koviti-19 ia Novema 2020, na fa’asoa mai ai e Peresitene Russell M. Nelson le a’afiaga lenei:

I ni nai vaiaso ua mavae, sa ou ala ae ai i le vaeluapo ma se manatu e tatau ona ou ofoina atu se tatalo o le faafetai i le Atua mo Ana fanau uma i le lalolagi.Na faatumulia i ni manatu lou mafaufau i mea uma ona e tatau ona tatou lotofaafetai ai ma le auala e mafai ai e le faailoaina atu o le lotofaafetai ona avea ma se agaga faamalolo i o tatou olaga.A o oo mai le musumusuga, o faamatalaga patino, e aofia ai le taimi ma le ala e tatau ona ou faasoa atu ai lenei savali, na oo mai i lo’u mafaufau ma lo’u loto.(“O Le Tala e Uiga i La’u Tatalo Fa’afetai i le Lalolagi Aoao,” Inspiration [blog], Potutusi o le Talalelei, Nov. 20, 2020)

Ona u’una’ia lea e Peresitene Nelson tagata i le lalolagi e fa’ailoa atu le loto fa’afetai i le Alii ma isi.

O a ni fa’amanuiaga e ono oo mai i le fa’ailoaina atu o le loto fa’afetai i le Tamā Fa’alelagi ma Iesu Keriso?

Filifiliga o vitiō fa’aopoopo

A mae’a ona fa’atumu e tagata a’oga le pepa na tufa atu, e te ono mafaufau e fa’aali atu se tasi o vitiō e suitulaga i le tasi na fautuaina atu:

“President Russell M. Nelson on the Healing Power of Gratitude” (mai le faailo taimi 2:45 i le 4:27)

11:39
“In the Spirit of Thanksgiving” (4:48)

4:49

Auala e fa’ailoa atu ai le loto fa’afetai.

E fa’aopoopo atu i le a’oa’oina o i tatou e tatau ona tatou fa’ailoa atu le loto fa’afetai i le Ali’i, o loo faasoa mai foi e le tusi o Salamo ni auala e faia ai lena mea.E mafai ona e vala’aulia tagata a’oga e faitau le Salamo 149:1–6 ma le Salamo 150, va’ava’ai ni auala e tatou te fa’ailoa atu ai le fa’afetai i le Ali’i.E mafai e tagata a’oga ona fa’aopoopo nisi auala e fa’ailoa atu ai le loto fa’afetai, e aofia ai nisi a’oa’oga o loo i tusitusiga paia.Ona e vala’aulia lea o tagata a’oga e fa’asoa mai se vi’iga fa’afetai e sili ona fiafia iai, e mafai ona usuina pe fa’alogologo fa’atasi iai ma le vasega.

Ua a’oa’o mai le Salamo e uiga i le aiga.

O le isi itu o loo fa’amamafa mai i le Salamo o le aiga.Mafaufau e vala’aulia tagata a’oga e faitau le Salamo 127:3–5, va’ava’ai po o le ā se mea o loo a’oa’o mai ai e uiga i le aiga.E mafai ona e vala’aulia tagata a’oga e fa’asoa mai mea na tulagaese ia i latou.E te ono fesili atu po o ā ni popolega o se tasi e uiga i nei a’oa’oga.Fesili atu pe fa’apefea ona tali atu tagata a’oga i na popolega.O le Aiga: O se Folafolaga i le Lalolagi o se tasi o puna’oa e mafai ona fesoasoani.

Ua a’oa’o mai le Salamo e uiga i le tatalo.

Atonu e tou te le’i talanoaina tatalo i lesona ua tuana’i atu mai le Salamo.Afai e leai, e mafai ona e vala’aulia tagata a’oga e faitau le Salamo 145:18–20, va’ava’ai po o a mea ua a’oa’o mai e nei fuaiupu e uiga i le tatalo.E mafai ona e fa’amatala atu e fa’apea, o le “lata mai” o lona uiga o le latalata ma le “mata’u ia te ia” o lona uiga o le ava po o le fa’aaloalo i le Atua.Fai atu i tagata a’oga e fa’asoa mai ni a’afiaga sa latou molimauina ai mea moni ua a’oa’o mai i lenei salamo.