Seminare
Isaia 1–12: Va’aiga Aoao

“Isaia 1–12: Va’aiga aoao,” Tusi Lesona a le Faia’oga Seminare o le Feagaiga Tuai (2026)

“Isaia 1–12: Va’aiga aoao,” Tusi Lesona a le Faia’oga Seminare o le Feagaiga Tuai

Isaia 1–12

Isaia 1–12

Va’aiga Aoao

Na tautino mai e le Fa’aola, “ua silisili lava upu a Isaia” (3 Nifae 23:1) ma poloaiina i tatou e saili ma le filigā i ana valoaga.O valoaga a Isaia e matua taua lava o lea ua sili ona ta’ua soo o ia i tusi fa’avae nai lo se isi lava perofeta.O le tele o valoaga a Isaia o lo o taula’i atu i le Mesia ma le Toefuata’iina o Isaraelu i aso e gata ai.E ala mai ia Isaia, na folafola mai e le Ali’i e ui lava “ina pei o ofu mūmū a outou agasala, e sisina ia e pei o le kiona” (Isaia 1:18).Sa ia lapatai mai foi i se taimi e fa’apea ane ai tagata “ua lelei le mea leaga, ae leaga le mea lelei” (Isaia 5:20).Ua tatou a’oa’oina foi e faapea sa folafola mai e le Ali’i “e fa‘atūina foi e ia le tagāvai mo nu‘u ese” (Isaia 11:12) e fa‘apotopoto ia Isaraelu ua fa‘ataapeapeina.

aikona o le seminareAlofa ia i latou ua e a’oa’oina—Saili e fa’amanino ma malamalama le fa’amoemoega moni o fesili, lagona, ma talitonuga o tagata a’oga. O se tasi o auala e alofa atu ai ia i latou e te a’oa’oina o le saili ia malamalama i o latou tulaga ma manaoga.A o faia fesili ma manatu o tagata a’oga, saili ia fa’amanino ma malamalama i o latou lagona ma talitonuga, ma le fa’amoemoega moni o a latou fesili.A mae’a ona faia o fesili ma manatu o tagata a’oga, e mafai ona e fa’afetai atu ia i latou ma fesili atu pe avanoa e tali ni nai fesili.E mafai loa ona e fai atu fesili ia malamalama ai i le fa’amoemoega moni o la latou fesili po o manatu faaalia.

Mo a’oa’oga fa’aopoopo i le auala e saili ai ia fa’amanino ma malamalama i le fa’amoemoega moni o fesili, lagona, ma talitonuga o tagata a’oga, taga’i: “Saili ia e iloa au tagata a’oga—malamalama i o latou tulaga, manaoga, ma malosiaga,” i le Tomai o le Atina’ega o Faia’oga.

Mo nisi fa’amatalaga i le ala na faia ai e le Fa’aola lenei mea, taga’i “E Silafia ma Malamalama le Faaola i o tatou Tulaga, Manaoga, ma Malosiaga,” A’oa’o atu i le Ala a le Fa’aola (2022), 13.(Mo a’oa’oga fa’aopoopo i le maitauina ma le fesiligia e uiga i mea e fiafia iai tagata a’oga, taga’i “Saili ia iloa i latou—malamalama i o latou tulaga, manaoga, ma malosiaga.”)

Sauniuni e a’oa’o atu

O lenei fa’amatalaga e tu’uina atu ai ia te oe ni manatu o mea atonu e manaomia ona mua’i saunia mo lesona taitasi.

Fa’atomuaga i le Isaia

Fa’amoemoega o le lesona: Ia fesoasoani i tagata a’oga ia lagona le fa’aosofia e a’oa’o e uiga ia Iesu Keriso e ala i le suesueina o le Isaia.

  • Sauniuniga a le tagata a’oga: Mafaufau e vala’aulia tagata a’oga e o mai saunia i le vasega e fa’asoa mai se mea moni taua e uiga ia Isaia.E mafai ona latou sueina le Isaia i le Lomifefiloi o le Tusi Paia po o le Taiala i Tusitusiga Paia.

  • Anotusi e fa’aali atu: Fa’amatalaga e fa’atatau i le fa’atauanauina e faitau se tusi; o le ata o faamatalaga “O se Va’aiga i Malō o Isaraelu ma Iuta;” se ata mo tagata a’oga e tusi ai mea ua latou a’oa’oina e fa’atatau i suafa ma fa’alagiga o Iesu Keriso; o ata o Iesu Keriso

Isaia 1

Fa’amoemoega o le lesona: Ina ia fesoasoani i tagata a’oga ia mautinoa e mafai e le Fa’aola ona fa’amamāina i latou mai a latou agasala.

  • Sauniuniga a le tagata a’oga: Vala’aulia tagata a’oga e faitau le fuaitau o le atamai i a’oa’oga fa’avae Isaia 1:18 ma va’ava’ai mo ata faatusatusa na fa’aaogaina e Isaia.Uunaia tagata a’oga ia mafaufau loloto ma sauni e fa’asoa mai le uiga o le fuaitau iā i latou.E mafai foi ona fa’ataitai e tagata a’oga le taulotoina o le fasifuaitau autū o le mau: “e ui lava ina pei o ofu mūmū a outou agasala, e sisina ia e pei o le kiona” (Isaia 1:18).

  • Anotusi e fa’aali atu: O se ata o se lavalava pisia; ata o le mūmū, ’ula’ula, kiona, ma fulufulu mamoe; ona u’unaia lea o tagata a’oga e toe manatunatu i o latou lagona e uiga i le fa’amamāina mai le agasala

  • Vitiō: “Christ: The Light That Shines in Darkness” (11:29) mai le faailo taimi 6:56 i le 7:42; “There Is No Limit to God’s Love” (5:38) mai le faailo taimi 0:00 i le 4:54

Isaia 5

Fa’amoemoega o le lesona: Ia fesoasoani i tagata a’oga ia faateleina lo latou gafatia e iloatino ai le eseesega i le va o le lelei ma le leaga.

  • Sauniuniga a le tagata a’oga: Vala’aulia tagata a’oga e o mai saunia i le vasega e fa’asoa mai se fa’ataitaiga po o se mea sa latou manatu faapea e lē afaina, pe lelei foi, ae mulimulil ane ua iloaina e leaga.

  • Mea e saunia: O kopi o le Mo Le Malosi o le Autalavou: O Se Ta’iala mo le Faia o Filifiliga (2022)

  • Anomea e fa’aali atu: o se ata fa’afoliga o se nameri; fa’amatalaga mai ia Elder David A. Bednar; fa’atonuga mo le gaoioiga suesue e fa’aaoga ai le Mo Le Malosi o le Autalavou; O Se Ta’iala mo le Faia o Filifiliga; fesili o le api tala’aga i le fa’aiuga o le lesona

  • Vitiō: “Watchful unto Prayer Continually” (15:59) mai le faailo taimi 5:24 i le 6:07

Isaia 11–12

Fa’amoemoega o le lesona: Ia fesoasoani i tagata a’oga ia lagona le fa’aosofia e fa’asoa atu le talalelei i isi.

  • Sauniuniga a le tagata a’oga: Mafaufau e tuuina atu i tagata a’oga ta’itasi fesili e lua o le iloiloga fa’aletagata lava ia, mai le amataga o le lesona ma vala’aulia i latou e manatunatu loloto pe fa’apefea ona latou tali atu iai.

  • Anotusi e fa’aali atu: Ata o se ogala’au, a’a, ma le to’oto’o; fa’atonuga i le fa’aaogaina o le pepa e tufa atu

  • Vitiō: O se tasi o tala nei mai ia Gary E. Stevenson, “Alofa, Fa’asoa, Vala’aulia,” Liahona, Me 2022:

    • Brother Wisan (itulau 86 po o le faailo taimi 5:40–7:06)

    • Mayra (itulau 86 po o le faailo taimi 8:33–9:42)

  • Pepa e tufa atu: “O se Tagāvai mo Atunuu”