Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Fa’atomuaga i le Isaia: “Ua silisili lava upu a Isaia”

“Fa’atomuaga i le Isaia, ‘Ua silisili lava upu a Isaia,’” Tusi Lesona a le Faiaoga Seminare o le Feagaiga Tuai (2026)

“Fa’atomuaga i le Isaia, ‘Ua silisili lava upu a Isaia,’” Tusi Lesona a le Faiaoga Seminare o le Feagaiga Tuai

Isaia 1–12: Lesona 113

Fa’atomuaga i le Isaia

“Ua silisili lava upu a Isaia”

The Old Testament prophet Isaiah writing on a roll of parchment. Two men (New Testament apostles) are witnessing the event. They are depicted standing behind Isaiah. A landscape of mountains is in the background. Above the landscape is an image of Mary (the mother of Christ), Joseph (the carpenter) and the infant Jesus Christ in the manger. The painting depicts the prophecy of Isaiah regarding the birth of Jesus Christ.

Sa i le perofeta o Isaia le matāfaioi taua e a’oa’o atu e uiga i le togiola e ala mai iā Iesu Keriso.O lenei savali sa fuafuaina mo tagata i le taimi o Isaia, fa’apea foi mo i tatou i o tatou taimi.E tauia le taumafaiga e suesue ma le filigā i a’oa’oga a Isaia e fa’atatau ia Iesu Keriso.O lenei lesona e mafai ona fesoasoani i tagata a’oga e lagona ai le fa’aosofia e a’oa’o e fa’atatau ia Iesu Keriso e ala i le suesueina o le Isaia.

Sauniuniga a le tagata a’oga: Mafaufau e vala’aulia tagata a’oga e o mai saunia i le vasega e fa’asoa mai se mea moni taua e uiga ia Isaia.E mafai ona latou sueina le Isaia i le Lomifefiloi o le Tusi Paia po o le Taiala i Tusitusiga Paia.

Gaoioiga e Ono Mafai Ona Aoaoina Ai

O le fautuaina atu o se tusi

Mafaufau e amatalia le vasega e ala i le fa’aali atu o fa’amatalaga nei ma vala’aulia tagata a’oga e fa’atulaga i latou mai le tulaga sili atu i le tulaga pito itiiti o le faasufiina o i latou e faitau se tusi patino.

E foliga e manaia
Fautuaina mai e se tagata o le aiga po o se uo
Atofaina mo se vasega i le a’oga
Iai ni manatu tauiloiloga lelei i luga o upegatafailagi

E te ono vala’aulia ni nai tagata a’oga e fa’asoa mai a latou mafuaaga sili ma pe aiseā.

Faitau le 3 Nifae 23:1–3, ma va’ava’ai po o le ā le tusi ua vala’auliaina i tatou e le Fa’aola e suesue.

O ā ni ou manatu e fa’atatau i le poloaiga a le Fa’aola e suesue ma le filigā upu a Isaia?
E ono fa’apefea e le poloaiga a le Fa’aola ona tosina oe i le auala e faia ai au suesuega o le Isaia?

Atonu e te fai atu i tagata a’oga e fa’aali mai lo latou mautinoa i lo latou gafatia e suesue ai ma le filigā upu a Isaia.O se tasi o auala e faia ai lenei mea, o le fa’aigoa lea o se tasi o puipui o le potu a’oga “matuā mautinoa” ma le isi puipui i le “faalē mautinoa.”Vala’aulia tagata a’oga e tūtū i le vā o puipui e lua, e fua i lo latou tulaga mautinoa.E ono mafai e tagata a’oga o lo o naunau ona fa’amatala mai le tulaga o lo latou mautinoa.

Fa’asoa atu ma tagata a’oga e faapea e mafai e le Agaga Paia ona fesoasoani ia i latou e maua le mautinoa o a’oa’oga a Isaia e mafai ona fesoasoani ia i latou e latalata atili atu ai ia Iesu Keriso.

O le ā se mea e aoga ona iloa e fa’atatau i le perofeta o Isaia?

Ina ia fesoasoani i tagata a’oga e maua sina malamalamaaga e fa’atatau i le perofeta o Isaia, mafaufau e fa’aali atu le ata o faamatalaga “O se Va’aiga i Malō o Isaraelu ma Iuta.”Vala’aulia tagata a’oga e sue Isaia [i luga o le ata].

Atonu e te fai atu i tagata a’oga e saili tali mo fesili nei i le ata o faamatalaga:

O fea le malō na nofo ai Isaia?(Iuta)
O ai isi perofeta na tala’i atu i le vaitaimi o Isaia?(Mika, Hosea, Iona)
O le ā se mea taua na tupu pe ā ma le senituri talu ona mae’a ona valo’ia mai e Isaia?(Na ave fa’atagataotauaina Iuta e Papelonia)

Mo nisi fa’amatalaga, taga’i i fa’amaumauga mo “Isaia” i totonu o le Lomifefiloi o le Tusi Paia po o le Taiala i Tusitusiga Paia.Atonu e mafai ona e vala’aulia tagata a’oga e fa’asoa mai soo se mea na latou a’oa’oina e fa’atatau ia Isaia mai la latou sauniuniga a le tagata a’oga.

Faitau pe aotele le parakalafa lenei.

Ao soifua o ia, na talai atu le perofeta o Isaia ia i latou ua liliu ese mai le fa’atuatua ia Ieova (Iesu Keriso).O le savali a Isaia iā i latou e atagia mai ai le uiga o lona igoa, “O le Ali’i o le fa’aolataga.”O a’oa’oga a Isaia e fa’atatau foi i isi vaitaimi ina ua liliu ese tagata mai ia Iesu Keriso—e fa’apei o taimi o Keriso ma aso nei, a o tatou sauniuni mo Lona Afio Mai Faalua.

O upu a Isaia e mafai ona fesoasoani ia i tatou e talitonu atoatoa atili ai ia Iesu Keriso

Atonu e fiafia tagata a’oga i le iloa, “na sili atu ona si’i soo e Iesu [upu] a Isaia nai lo o se isi lava perofeta.Na si’i soo foi [upu a] Isaia e Peteru, Ioane, ma Paulo i le Feagaiga Fou.O le Tusi a Mamona ma le Mataupu Faavae ma Feagaiga, o loo iai le tele o upu si’i mai ia Isaia nai lo o se isi lava perofeta ma ua saunia ai se fesoasoani tele i le fa’auigaina o le tusi a Isaia” (Taiala i le Tusi Paia, “Isaia,” Potutusi o le Talalelei).

Faitau le 1 Nifae 19:23, va’ava’ai pe aiseā na faitau atu ai e Nifae upu a Isaia i ona uso.

O le ā se mea na e mauaina?

Afai e lei ta’ua e tagata a’oga, fesoasoani ia i latou ia malamalama i lenei upumoni: O le suesueina o upu a Isaia e mafai ona fesoasoani ia i tatou e talitonu atoatoa atili ai ia Iesu Keriso.

Atonu o se avanoa lelei lea mo tagata a’oga e toe manatunatu ai i le taua o le agai atu i le iloaina lelei atili o Iesu Keriso e ala mai i upu a Isaia.O se tasi o auala e te faia ai lenei mea, o le vala’aulia le o tagata a’oga e fa’auma mai le fuaiupu lenei i totonu o a latou api tala’aga o suesuega: “O le talitonuina loloto atili o Iesu Keriso e mafai ona a’afia ai lo’u olaga e ala i le …” A mae’a ona tuuina atu le avanoa i tagata a’oga e tusi ai, e te ono vala’aulia ni volenitia e fa’asoa ma le vasega mea na latou tusiaina.Manatua ia fa’ailoa atu lou talisapaia o tagata a’oga taitasi e fa’asoa mai.

O se isi auala, nai lo o le tusiina i a latou api tala’aga, e mafai ona e valaaulia tagata a’oga e fa’asaga atu i sana paga ma fa’asoa o la manatu.

O suafa ma fa’alagiga o Iesu Keriso

2026 Old Testament Seminary Teacher Materials

Faitau fuaiupu nei ma saili ma mafaufau e fa’ailoga fa’alagiga po o matāfaioi a Iesu„“ Keriso.

Isaia 7:14
Isaia 9:6–7
Isaia 33:22
Isaia 40:28

A mae’a ona faitau e tagata a’oga, e mafai ona e fa’aali atu ni ata eseese o Iesu Keriso na filifilia mai le potutusi o fa’asalalauga a le Ekalesia.Ona mafai lea e tagata a’oga ona fa’asoa po o a fa’alagiga ma matāfaioi latou te va’aia o lo o fa’ataunu’uina i le ata.

Mafaufau e vala’aulia ni sui o vaega e filifili se fa’alagiga po o se matāfaioi ma a’oa’o atili e uiga iai e ala i le fa’aaogaina o vaefaamatalaga po o le su’eina o le suafa “Iesū Keriso” i le Taiala i Tusitusiga Paia po o le Taiala o Autū.E mafai ona e vala’aulia tagata a’oga e fa’aopoopo atu i le atatusi e ala i le fatuina o ni li’o e falala ese mai i le fa’alagiga ma matāfaioi na latou taula’i atu iai.E mafai ona latou lisi mai ni malamalamaaga ua latou a’oa’oina e fa’atatau i lena fa’alagiga po o le matāfaioi.(Manatua: o lenei gaoioiga o le a fa’asino atu iai i totonu o le Lesona 133: “Iloilo Lou A’oa’oina 8.”)

Atonu e te vala’aulia i latou e fa’asoa mai mea ua latou a’oa’oina e fa’atatau i le Fa’aola i le latou vaega.
Aiseā e te mana’omia ai le Fa’aola e fa’ataunu’uina se tasi pe silli atu o nei matāfaioi i lou olaga?
Na faapefea ona e va’aia le fa’ataunu’uina e le Fa’aola o se tasi o nei matāfaioi i lou olaga po o le olaga o se tasi e te iloaina?

O Puna’oa Fa’aopoopo

O le ā le vaitau o lo o tusi fa’atatau iai Isaia?

Sa fa’asoa mai Peresitene Dallin H. Oaks o le Au Peresitene Sili:

E tele valoaga o lo o i le tusi a Isaia e foliga mai e atulasi o latou fa’ataunu’uga.O le tasi e foliga mai e aofia ai tagata o le taimi o Isaia po o tulaga o le isi augatupulaga e sosoo ai.O se isi faauigaga, e tele ina faafaatusa, e foliga e faasino i mea e tutupu i le taulotoa’iga o taimi, ina ua faatafunaina Ierusalema ma ua faataapeapeina ona tagata ina ua mavae le faasatauroga o le Alo o le Atua.Ae e i ai lava se isi faauigaga po o le faataunuuga o lea lava valoaga e tasi e foliga e fesootai atu i mea e tutupu i le Afio Mai Faalua o le Faaola.O le mea moni o le tele o nei valoaga e mafai ona atulasi ni faauigaga e faamamafa mai ai le taua o lo tatou sailia o faaaliga mai le Agaga Paia e fesoasoani ia i tatou e faamalamalamaina i latou. E pei ona faapea mai o Nifae, o upu a Isaia “e manino ia te i latou uma o e ua tumu i le agaga o valoaga” (2 Nifae 25:4).(“Scripture Reading and Revelation,” Ensign, Jan. 1995, 8)

O ā nisi mea e mafai ona tatou malamalama ai i le suafa o Iesu o “Emanuelu”?(Isaia 7:14)

O lo o a’oa’o mai tusitusiga paia o “Emanuelu” o lona uiga “Ua fa‘atasi le Atua ma i tatou.”(Taga’i Mataio 1:23.)

Na ofoina mai e Peresitene Jeffrey R. Holland o le Korama a le Au Aposetolo e To’asefululua ni malamalamaga loloto, e fa’atatau i le auala e fa’atasi ai le Tamā Fa’alelagi ma i tatou e ala mai ia Iesu Keriso:

15:29

I le tele o faamoemoega maoae na ausia i le soifuaga ma le galuega a le Alii o Iesu Keriso, e tasi le vaega maoae o lena lava misiona e masani ona le faaleamanaiaina.Sa lei malamalama atoatoa i ai i latou o e na mulimuli ia te Ia i lena taimi, ma o le toatele o le Au Kerisiano i ona po nei e le malamalama i ai i le taimi nei, ae sa masani ona fetalai soo ma faamamafaina e le Faaola lava Ia.O le upumoni silisili e faapea i mea uma na afio mai Iesu e fetalai mai ma faia e aofia ai, ae maise ai lava i Lana taulaga togiola ma le talitiga, na Ia faaali mai ai ia i tatou pe faape’ī ma po o ai foi le Atua lo tatou Tama Faavavau, i Lona tuuto atoatoa i Lana fanau i soo se augatupulaga ma soo se atunuu.Sa taumafai Iesu e ala i upu ma galuega e faaali ma faamanino patino mai ia i tatou le natura moni o Lona Tama, lo tatou Tama o i le Lagi.(“O Le Mamalu o le Atua,” Liahona, Nov. 2003, 70)

E fa’apefea ona faaofi le tusi a Isaia i le fa’atulagaga o tusi o le Feagaiga Tuai?

O le Feagaiga Tuai ua fa’atulaga i ni vaega se fa: o le Tulafono, Talafaasolopito, Tusitusiga o Solo, ma Perofeta.O le tusi o Isaia o le tusi muamua o [le augā] Perofeta, o le vaega mulimuli o le Feagaiga Tuai, lea e fa’aiuina ia Malaki.

Gaoioiga Fa’aopoopo e A’oa’o Ai

A’oa’oina atili e uiga ia Iesu Keriso mai ia Isaia

O lenei gaoioiga e mafai ona fa’aaoga fa’atasi ma mau na suesueina e tagata a’oga e fa’atatau i fa’alagiga ma matāfaioi a le Fa’aola.I le suesueina ai o fuaiupu nei, e mafai e tagata a’oga ona a’oa’o e fa’atatau i uiga o le Fa’aola ma auala e fesoasoani mai ai o Ia ia i tatou.

Isaia 12:2

Isaia 43:25

Isaia 49:15–16

Isaia 53:3–5

Ona mafai lea e tagata a’oga ona fa’asoa mai mea ua latou a’oa’oina pe lagona e fa’atatau ia Iesūu Keriso ao faia lenei gaoioiga.

Ua fesoasoani Nifae ia i tatou e malamalama ia Isaia

A mae’a ona suesueina suafa ma fa’alagiga o Iesu Keriso, e te ono manao e toe tuuina atu ni fesoasoani fa’aopoopo mo tagata a’oga mo le suesueina o le Isaia.E mafai ona e taula’i atu i mea na a’oa’o mai e Nifae e fa’atatau i le malamalama ai ia Isaia—e faapea e mafai ona tatou malamalama lelei atili i a’oa’oga a Isaia a o tatou:

Aoao e fa’atatau “i uiga i le ala o valoaga i totonu o tagata Iutaia” (2 Nifae 25:1).E aofia ai i lenei mea le saili ai ia malamalama i le atafaatusa, o faatusa, ma tusitusiga o solo sa fa’aaogaina e Isaia.

Mo se fa’ataitaiga, fa’amata o le ā se mea sa ia taumafai e ta’u mai ina ua ia tusi e fa’atatau i le tovine (taga’i Isaia 5:1–7), o vai o Seloa (taga’i Isaia 8:5–10), ma se tagāvai (po o se fu’a) (taga’i Isaia 5:26; 11:10, 12)?
“Ua tumu i le agaga o valoaga” (2 Nifae 25:4).“O le agaga o le valoaga, o le [moli]mau lea iā Iesu” (Fa’aaliga 19:10).Afai tatou te talitonu ia Iesu Keriso ma taula’i atu i mea ua a’oa’o mai e Isaia e fa’atatau ia te Ia, o le a tatou malamalama lelei atili ai i tusitusiga a Isaia.

A mae’a mataupu taitasi, fesili ifo ia te oe lava, “O le ā se mea ua ou a’oa’oina e fa’atatau ia Iesu Keriso?”(Taga’i i le 1 Nifae 19:23.)
Ia iloa “le ala a tagata Iutaia” ma le “nofoaga o siomia ai” Ierusalema (2 Nifae 25:6).O le a’oa’oina e fa’atatau i le laufanua o Ierusalema ma nu’u o lo o siomia ai, e mafai ona fesoasoani ia i tatou e malamalama ai i tusitusiga a Isaia.

Mo se fa’ataitaiga, e mafai ona va’ai ia Papelonia o se fa’atusa o le fa’alelalolagi ma le fa’amaualuga, e lē na’o se aai anamuā.O Isaraelu e mafai ona malamalama iai o tagata o le Atua i soo se vaitaimi.E mafai ona va’ai ia Siona o se anavatau a le nuu o le Atua o aso e gata ai e ao ona opogi, ae ua lē na o se isi upu mo Ierusalema.

Pe afai e avanoa, fa’aaoga fesoasoaniga mo suesuega e pei o se lomifefiloi, o vaefaamatalaga o le Tusi Paia, o ulutala o mataupu, ma le Taiala i Tusitusiga Paia.
Ola ai i “aso e gata ai.”Na a’oa’o mai Nifae e fa’apea o upu a Isaia,“o le a taua tele ia valoaga ia te i latou i aso e gata ai; ona o lena aso o le a latou malamalama ai i ia valoaga” (2 Nifae 25:8).O le fa’afeso’otaia o a’oa’oga a Isaia ma mea e tutupu ma tulaga i aso e gata ai, e mafai ona fesoasoani ia i tatou e malamalama ai i ana valoaga.

Vaai mo autu e te lagona e talafeagai ma o tatou aso, e pei o le soifuaga ma le misiona a Iesu Keriso, le faataapeapeina ma le toe faapotopotoina o Isaraelu, o aso e gata ai, ma le Meleniuma.E mafai foi ona e faia ni lisi o mau faasino mai le Isaia o loo aoao mai e uiga i nei autu.

E mafai foi e tagata a’oga ona suesue le tusiga “Nephi’s Four Keys for Understanding Isaiah” po o le “How Can I Understand Isaiah?”

Isaia 9:7

Ina ia malamalama i suafa ma fa’alagiga o Iesu Keriso, e ono fesoasoani le “Ua Fanau Mo I Tatou Se Tama” (Liahona, Tes. 2009, 8–9).E te ono fa’aali se vaega o lo o fa’amatala ai le uiga o fa’alagiga o loo ta’ua i le Isaia 9:7 ma vala’aulia tagata a’oga e filifili se tasi pe lua latou te fia malamalama atili iai.

Vitiō

O le vitiō “Isaiah the Prophet” e mafai ona fesoasoani i tagata a’oga ia va’ai pe sa fa’apefea ona a’oa’o mai Isaia e uiga ia Iesu Keriso.

1:18