Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 1: “E ui lava ina Pei o Ofu Mūmū a Outou gasala, E Sisina ia e pei o le Kiona”

“Isaia 1: ‘E ui lava ina Pei o Ofu Mūmū a Outou agasala, E Sisina ia e pei o le Kiona,’” Tusi Lesona a le Faia’oga Seminare o le Feagaiga Tuai (2026)

“Isaia 1: ‘E ui lava ina Pei o Ofu Mūmū a Outou agasala, E Sisina ia e pei o le Kiona,’” Tusi Lesona a le Faia’oga Seminare o le Feagaiga Tuai

Isaia 1–12: Lesona 114

Isaia 1

“E ui lava ina Pei o Ofu Mūmū a Outou agasala, E Sisina ia e pei o le Kiona”

E ui lava tatou te agasala uma ma e manaomia le fa’amagaloga, o nisi o taimi tatou te ono talitonu e lē mafai ona fa’amagaloina i tatou.E manino le savali a lo tatou Fa’aola: “e ui lava ina pei o ofu mūmū a outou agasala, e sisina ia e pei o le kiona” (Isaia 1:18).O lenei lesona e mafai ona fesoasoani i tagata a’oga ia lagona le mautinoa e mafai ona fa’amamāina i latou e le Faaola mai a latou agasala.

Sauniuniga a le tagata a’oga: Vala’aulia tagata a’oga e faitau le fuaitau o le atamai i a’oa’oga fa’avae Isaia 1:18 ma va’ava’ai mo ata faatusatusa na fa’aaogaina e Isaia.Uunaia tagata a’oga ia mafaufau loloto ma sauni e fa’asoa mai le uiga o le fuaitau iā i latou.E mafai foi ona fa’ataitai e tagata a’oga le taulotoina o le fasifuaitau autū o le mau: “e ui lava ina pei o ofu mūmū a outou agasala, e sisina ia e pei o le kiona” (Isaia 1:18).

Gaoioiga e Ono Mafai Ona Aoao Ai

O le pisia o le agasala

Mafaufau e amatalia le vasega e ala i le fa’aali atu o le ata lenei po o soo se ituaiga ofu pisia.

Stain spot on the clothes, white t-shirt

Mafaufau i se taimi na iai se pisia i luga o sou lavalava ma ua lē mafai ona alu ese.

E mafai fa’apefea ona faatusaina a tatou agasala i pisia?
O ā nisi o mafua’aga e ono mafaufau ai tagata e lē mafai ona fa’amamāina i latou mai a latou agasala?

Atonu e te mana’o e fa’aali atu le uunaiga lenei, ina ia toe manatunatu ai tagata a’oga i o latou lagona.

Toe manatu po o fea o fa’amatalaga nei e mafai ona e matuā feso’otai atu iai.E te ono fesili iā te oe lava pe aiseā ua fa’apea ai ou lagona.

Ou te mautinoa e mafai e le Fa’aola ona fa’amamā a’u mai a’u agasala uma.
Ou te talitonu e mafai e le Fa’aola ona fa’amamā a’u mai i nisi o a’u agasala, ae lē o agasala uma.
Ou te talitonu e mafai e le Fa’aola ona fa’amamā agasala a isi tagata, ae lē o a’u agasala.
Ou te lē talitonu e mafai e le Fa’aola ona fa’amamā agasala.

O se tasi o matāfaioi o le Agaga Paia o le molimau lea iā Iesu Keriso (taga’i 3 Nifae 28:11).A o e suesue i le Isaia 1, ia gaua’i atu i mea e ono finagalo le Atua e te a’oa’oina e ala i le Agaga Paia e fa’atatau ia Iesu Keriso ma Lona mana e fa’amamāina ai agasala.

O se malō agasala

Faitau le Isaia 1:2–4, va’ava’ai mo le tulaga fa’aleagaga o tagata Isaraelu.

Vala’aulia tagata a’oga e lipoti mai mea sa latou mauaina.

E mafai e mea nei ona fesoasoani i tagata a’oga e a’oa’o ni tomai taua mo le suesueina o le tusi a Isaia.

A o e suesue i a’oa’oga a Isaia, e fesoasoani lou malamalama e faapea, na ia tusifa’amaumauina soo afioga a le Atua i ni ituaiga fausaga fa’asolo e taua o fuaitau tali tutusa.O fuaitau tali tutusa e tupu pe a fa’ailoa mai e le tusi tala se manatu, ona toe faia lea pe fa’atusatusa le manatu e ala i le fa’aaogaina o ni faaupuga eseese.Mo se fa’ataitaiga, saili fasifuaitau feso’otai i le fuaiupu 2.

E mafai ona e fesoasoani i tagata a’oga ia iloa fuaitau tu’u fa’atasi “Le lagi e, fa’alogo mai ia” ma le “Le lalolagi e, uaʻi mai ia ou taliga” (Isaia 1:2).O se fa’ataitaiga lena o fuaitau tali tutusa.

Na fa’aaoga foi e Isaia ata faafaatusa e fa’apupula ai ana a’oa’oga.Mo se fa’ataitaiga, faitau le fuaiupu 3, va’ava’ai mo ata eseese na fa’aaogaina e Isaia e a’oa’o ai tagata Isaraelu.

E mafai ona e fesili atu i tagata a’oga pe o ā mea na a’oa’o atu e Isaia i tagata Isaraelu e fa’aaoga ai ata o se povi ma se asini.Afai e mana’omia, fa’amatala atu faapea, e le pei o se povi ma le asini, sa lei iloa e tagata Isaraelu lo latou Matai.

Mafaufau e aotele fuaiupu 5–15 e ala i le fa’asoaina atu o le parakalafa lenei.

Sa lapata’ia e le Ali’i tagata Isaraelu e faapea, o a latou agasala sa iai ni a’afiaga le lelei iā i latou (taga’i Isaia 1:5–9).Sa Ia fa’apea mai foi, sa le’i fiafia o Ia i faatinoga o a latou tapua’iga ona sa latou ofoina atu ma le lē fa’amaoni (taga’i Isaia 1:10–15).

Mai i le mūmū i le pa’epa’e

Faitau le Isaia 1:16–17, va’ava’ai mo vala’aulia a le Ali’i i tagata.

O le ā le mea na vala’aulia i latou e le Ali’i e fai?

Faitau le Isaia 1:18, va’ava’ai mo le folafolaga a le Ali’i pe a tatou salamō.Faamolemole ia manatua sa fa’aaoga e Isaia vaega uma e lua, o fuaitau tali tutusa ma ata faafaatusa, e fa’apupula ai lenei folafolaga.

O leIsaia 1:18 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga fuaitau o le atamai i a’oa’oga fa’avae i se auala iloga ina ia mafai ona latou mauaina gofie.

Ina ia fesoasoani i tagata a’oga ia malamalama lelei i le ata faafaatusa o lo o fa’aaogaina i le fuaiupu 18, mafaufau e fa’aali atu ata nei.

O ā ni mea e mafai ona a’oa’o mai e ata o le mūmū ma le mūmū ulaula iā i tatou e fa’atatau i le agasala?

Sa faamatala mai e Sister Sharon Eubank, o lē sa avea muamua ma se tasi o le Au Peresitene Aoao o le Aualofa:

11:29

O le vali mūmū ulaula o le Feagaiga Tuai, e le gata ina felanulanua’i ae e umi foi le malosi, o lona uiga o le a pipi’i le vavae o le ie mamoe ma e lē matafi ese e tusa lava po o le ā le faatele ona taina.E tauave e Satani lenei manatu e pei o se ’autā: o ie mamoe papa’e ua pisipisia i le lanu mūmū ulaula, e lē mafai lava ona toe foi i le lanu pa’epa’e.Peita’i na folafola mai e Iesu Keriso, “Ua sili ona maualuga o o’u ala i o outou ala,” ma o le vavega o Lona alofa tunoa e fa’apea, pe a tatou salamō i a tatou agasala, e toe fa’afoi e Lona toto mūmū ulaula i tatou i le mamā atoatoa.E lē talafeagai, ae e ui lava i lea e moni.(“O Keriso: O Le Malamalama e Susulu i le Pogisā,” Liahona, Me 2019, 75)

O ā mea e mafai ona a’oa’o mai iā i tatou e ata o le kiona ma le fulufulu mamoe e fa’atatau i le folafolaga a le Fa’aola pe a tatou salamō?
E fa’apefea ona e aoteleina fuaiupu 16–18 i se fa’amatalaga o le upumoni?

E ui e ono fa’aaoga e tagata a’oga upu eseese, fesoasoani iā i latou ia iloa le upumoni lenei: Afai tatou te salamō fa’amaoni, e fa’amamāina e Iesu Keriso i tatou mai a tatou agasala.

O mea na tutupu i le Fa’aola ina ia mafai ona tatou salamō

O mau nei e mafai ona fesoasoani i tagata a’oga e manatunatu ai i mea na tutupu i le Fa’aola ina ia mafai ona fa’amamāina i latou mai a latou agasala.Mafaufau e fa’atulaga tagata a’oga i ni paga.E mafai e paga ta’itasi ona faitau mau nei ma talanoaina ma le tasi ma le isi mea ua latou a’oa’oina.Atonu e fesoasoani fesili ua tuuina faatasi atu ai nei.E mafai e ni tagata a’oga naunautai ona fa’asoa mai i le vasega.

Faitau le Alema 7:13–14 ma le Mataupu Fa’avae ma Feagaiga 19:16–19, va’ava’ai po o ā mea na tutupu i le Fa’aola ina ia mafai ona e salamō ma fa’amamāina mai au agasala.

O le ā se mea na e mauaina?
O le ā se mea ua e a’oa’oina e uiga i le Tamā Fa’alelagi ma Iesu Keriso mai nei fuaiupu e ono fesoasoani i se tasi e filifili ai ia salamō?

Ina ia fesoasoani i tagata a’oga ia lagona faapea e mafai e le Fa’aola ona fa’amamāina i latou, mafaufau e fa’aali atu se vitiō, e pei o le “There Is No Limit to God’s Love” (mai le faailo taimi 0:00 i le 4:54).O lo o maua lenei vitiō i le ChurchofJesusChrist.org.E mafai e tagata a’oga ona mafaufau loloto po o ā ni lagona o le teine i le vitiō ona o ana agasala ma fa’amaoniga o le upumoni o loo aoao mai i le Isaia 1:18.Ona mafai lea ona e vala’aulia tagata a’oga e fa’asoa mai mea na latou mauaina.

5:37

O se tasi o auala e vala’aulia ai le Agaga Paia o le tu’u atu lea o le avanoa i tagata a’oga e fa’asoa mai ai o latou lagona, molimau, ma mea na tutupu iā i latou.O le fesili lenei o se tasi lea o auala e mafai ai e tagata a’oga ona faia lenei mea.Mafaufau e vala’aulia tagata a’oga e tali muamua le fesili i totonu o a latou api tala’aga, ona fa’asoa mai lea e tagata a’oga naunautai i le vasega mea na latou tusia.A o fefa’asoaa’i tagata a’oga, fa’amanatu atu iā i latou e aua le fa’asoaina mai igoa po o soo se mea e patino tele.
O le ā se mea ua e lagona e uiga ia Iesu Keriso ma lona gafatia e fa’amamāina oe mai le agasala?

Mafaufau e fa’ai’u i le fa’ailoa atu o ou lagona e fa’atatau i le Fa’aola ma Lona mana e fa’amamāina ai i tatou pe a tatou salamō.

Tauloto

Atonu e te mana’o e fesoasoani atu i tagata a’oga e tauloto le mau fa’asino o le atamai i a’oa’oga fa’avae, ma le fasifuaitau autū o le mau i le taimi o lenei lesona ma toe iloilo i latou i lesona i le lumana’i.O le fasifuaitau autū o le mau mo le Isaia 1:18 o le “E ui lava ina pei o ofu mūmū a outou agasala, e sinasina ia e pei o le kiona.”O manatu mo gaoioiga o le taulotoina o loo i ai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

O le ā se mea e mafai ona fesoasoani iā te a’u ia salamō?

Sa a’oa’o mai Peresitene Dieter F. Uchtdorf, o lē sa avea ma se tasi o le Au Peresitene Sili:

19:7

E tusa lava po o le ā lou matua sē ese mai le ala, po o le ā le mamao na e sē ese ai, e mautinoa ma manino le ala e toe foi ai.O mai, a’oa’o i le Tamā; osi atu se taulaga ma le loto momomo ma le agaga salamō.Ia maua le fa’atuatua, ma talitonu i le mana o le fa’amamāina e fa’avavau i le Togiola a Iesu Keriso.Afai tatou te ta’uta’u atu ma salamō mai a tatou agasala, e fa’amaoni ma faamasinotonu le Atua e fa’amagalo ma fa’amamāina i tatou mai a tatou amiolētonu uma.“E ui lava ina pei o ofu mūmū a outou agasala, e sisina ia e [avea] pei o le kiona.”(“O Mataupu o ni Nai Fa’atusatusaga,” Liahona, Me 2008, 60)

Ae fa’apefea pe afai o lo o o’u tauvi e fa’amagalo a’u lava?

Na a’oa’o mai Brother Tad R. Callister, o lē sa avea ma Peresitene Aoao o le A’oga Sa:

11:46

E iai nisi taimi, sa ou feiloai ai i nisi o le Au Paia lelei o lo o iai ni fa’afitauli i le fa’amagaloina o i latou lava, o ē sa aunoa ma le iloa na latou tu’uina ma le lē sa’o ni tapula’a i mana togiola o le Fa’aola.E aunoa ma le iloa ua latou liuaina se Togiola le gata i se togiola e gata, o lea ua le gafatia ai ona faamamāina la latou agasala po o vaivaiga patino.Ae o se Togiola e le gata [i se itu] ona na te fa’aaofiaina ma faatapulaaina agasala uma ma vaivaiga, fa’apea ai foi ma sauaga uma po o tigā e mafua ona o isi.(“O Le Togiola a Iesu Keriso,” Liahona, Me 2019, 86)

E mafai fa’apefea e le salamō ona fa’amanuia ai lo’u olaga?

Na fa’asoa mai Peresitene Russell M. Nelson:

14:57

Ia lagonaina le mana faamalosiau o le salamo i aso taitasi—o le faia ma le avea ma se tagata lelei teisi atu i aso taitasi.

Pe a tatou filifili e salamō, ua tatou filifili e sui!Ua tatou fa’atagaina le Fa’aola e suia i tatou i o tatou lava itūaiga tagata silisili.Tatou te filifili e tuputupu a’e fa’aleagaga ma maua le olioli—le olioli o le togiolaina iā te Ia.Pe a tatou filifili e salamō, ua tatou filifili ia avea atili e fa’apei o Iesu Keriso!(“E Mafai Ona Tatou Faia ia Lelei Atu ma Ia Tatou Lelei Atu,” Liahona, Me 2019, 67)

Gaoioiga Fa’aopoopo e A’oa’o Ai

A’oa’oina o tagata a’oga i le auala e salamō ai

Ina ia fesoasoani i tagata a’oga ia malamalama pe mafai fa’apefea ona latou salamō, mafaufau e fa’aaoga le tusiga “How to Really Repent.”O lenei tusiga e aofia ai a’oa’oga mai ia Elder D.Todd Christofferson o le Korama a le Au Aposetolo e To’asefululua.E mafai ona e uunaia tagata a’oga e toe iloilo mataupu fa’avae na a’oa’o mai e Elder Christofferson, ma vala’aulia i latou e a’oa’o atu le tasi ma le isi mea ua latou a’oa’oina e fa’atatau i le auala tatou te salamō ai.

Filifiliga o le vitiō

Mafaufau e fa’aali atu le vitiō “There Is Always a Way Back” (2:21) e sui ai le vitiō i le vaega “O mea na tutupu i le Fa’aola ina ia tatou salamō.”I lenei vitiō, na toe ta’ua ai e Elder Neil L. Andersen o le Korama a le Au Aposetolo e Toasefululua se tala i se epikopo ma se tagata solitulafono na a’oa’o fa’atasi e fa’apea, e leai se tasi e lē o’o iai le aapa o le alofa o le Tamā Fa’alelagi ma Iesu Keriso.A o matamata tagata a’oga, e mafai ona e vala’aulia i latou e va’ava’ai po o le ā se mea e fesoasoani iā i latou e lagona le mautinoa sili atu i le gafatia o le Fa’aola e fa’amamāina ai i tatou mai a tatou agasala.

2:21

Isaia 1:10–15: Taulaga lē aoga

Ina ia fesoasoani i tagata a’oga ia malamalama i le taua o le tapua’i i le Ali’i ma le agaga fa’amaoni, mafaufau e aumai se ipu fai ’au po o se ipu malamalama e mamā le itū i fafo, ae eleelea totonu.E mafai ona e fesili atu i tagata a’oga pe fa’amata e latou te feinu mai i lenei ipu.Ia fa’amatala atu o le ipu o lo o fai ma faatusa o tagata Isaraelu.

Ona vala’aulia lea o tagata a’oga e faitau le Isaia 1:11–15 ma va’ava’ai po o ā fa’alogona o le Ali’i e fa’atatau i taulaga a tagata Isaraelu.E ono mana’omia ona e fa’amatala atu o “taulaga” i le fuaiupu 13 e faasino i taulaga.

Ona fai atu lea o fesili nei:

Aiseā e te manatu ai na te’ena e le Ali’i nei taulaga?
E fa’apefea ona feso’otai nei fuaiupu i le lesona o mea faitino?
O le ā le mea ua e a’oa’o mai i nei fuaiupu e uiga i le tapua’i atu i le Atua?

E mafai ona e fesoasoani i tagata a’oga ia iloa le upumoni lenei: O tatou galuega vaaia i fafo atu o le tu’utō i le Atua, e sili atu ona anoa iā te Ia pe afai e mamā o tatou fa’amoemoega.

E mafai ona tomanatu tagata a’oga i o latou lava fa’amoemoega a o latou fa’atino galuega o le tu’utō atu i le Ali’i.

Isaia 2:1–5: Mauga o iai le fale o le Ali’i

Afai e te lagona e aoga le a’oa’oina o se valoaga e uiga i le maota o le Ali’i mo au tagata a’oga, mafaufau e a’oa’o atu le Isaia 2:1–5.Fa’amanatu i tagata a’oga o Isaia sa masani ona a’oa’o atu e fa’aaoga ai ata faafaatusa.Ona vala’aulia lea o tagata a’oga e tusi ata o mea na fa’amatalaina e Isaia i le Isaia 2:1–5.A mae’a se taimi talafeagai, vala’aulia i latou e fa’amatala a latou ata i le isi tagata a’oga.Ona fai atu lea o fesili nei:

E fa’apefea e le fasifuaitu “o le mauga o iai le fale o le Ali’i” i le (Isaia 2:2) ona avea ma fa’atusa mo le malumalu?
O ā nisi o fa’amanuiaga ua folafolaina mai mo le auai atu i le malumalu?

Fesoasoani i tagata a’oga ia iloa le mataupu fa’avae lenei: A o tatou auai atu i le maota o le Ali’i ma tatou usiusita’i i le Ali’i, o le a Ia a’oa’o i tatou i Ona ala.Ona mafaufau lea e fai atu le fesili lenei:

O fa’apefea ona e va’aia le fa’ataunu’uina o upu a Isaia?