Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Isaia 5: “Oi Talofa iā te i Latou o ē Fai Mai ua Lelei le Mea Leaga, ae Leaga le Mea Lelei”

“Isaia 5: ‘Oi Talofa iā te i Latou o ē Fai Mai ua Lelei le Mea Leaga, ae Leaga le Mea Lelei,’” Tusi Lesona a le Faia’oga Seminare o le Feagaiga Tuai (2026)

“Isaia 5: ‘Oi Talofa iā te i Latou o ē Fai Mai ua Lelei le Mea Leaga, ae Leaga le Mea Lelei,’” Tusi Lesona a le Faia’oga Seminare o le Feagaiga Tuai

Isaia 1–12: Lesona 115

Isaia 5

“Oi Talofa iā te i Latou o ē Fai Mai ua Lelei le Mea Leaga, ae Leaga le Mea Lelei”

E ala mai i le perofeta o Isaia, na lapata’iina ai e le Ali’i tagata Isaraelu e faasaga i a latou filifiliga agasala, e aofia ai le ta’ua [faapea] “ua lelei le mea leaga ae leaga le mea lelei” (Isaia 5:20).I aso nei, e tele manatu faatauma’oi ma faiga e foliga mai e lelei.O lenei lesona e mafai ona fa’atupuina ai le gafatia o tagata a’oga e iloatino ai le va o le lelei ma le leaga.

Sauniuniga a le tagata a’oga: Vala’aulia tagata a’oga e o mai saunia i le vasega e fa’asoa mai se fa’ataitaiga po o se mea sa latou manatu faapea e lē afaina, pe lelei foi, ae mulimulil ane ua iloaina e leaga.

Gaoioiga e Ono Mafai Ona Aoao Ai

Manatu ma amioga e mata’utia fa’aleagaga

Mafaufau e amatalia le vasega i le fa’aali atu o se ata o se nameri o loo lafi, e pei o le ata mai le amataga o le lesona.Ona mafai lea ona e fai atu le fesili lenei ma fa’aali atu le fa’amatalaga mai ia Elder David A. Bednar.

Aiseā e mata’utia ai le nameri i lana vete?

Na fa’atusaina e Elder David A. Bednar o le Korama a le Au Aposetolo e To’asefululua nameri i manatu ma faatinoga mata’utia.

15:59

Ia te a’u, o nameri o ni manu e sasa’o tino, aulelei, ma mata’ina.O le lanu o le nameri e tau samasama ma efuefu pa’epa’e ma togitogi uliuli e fai ma faafoliga matagofie lea e toetoe e lē vaaia ai nei manu a o latou fetolofi atu i manu latou te aina i togavao o Aferika.

I se ala talitutusa, o manatu ma amioga lamatia faaleagaga e masani ona mafai ona foliga mai e faatosina, manaomia, pe faafiafiaina ai.O lea, i lo tatou lalolagi faaonapo nei, ua manaomia ai e i tatou taitoatasi ona nofouta i le taufaasese o le leaga e faafoliga e lelei.(“Mataala Pea i le Tatalo,” Liahona, Nov. 2019, 33)

O ā nisi o fa’ataitaiga o “manatu ma amioga lamatia fa’aleagaga” e mafai ona “foliga mai e fa’atosina, mana’omia, pe fa’afiafiaina ai”?

E mafai ona fesoasoani le tusi o tali a tagata a’oga i luga o le laupapa.Atonu e ta’u mai e tagata a’oga mea e pei o le, “O lo’u tino.E mafai ona ou faia iai so’o se mea ou te mana’o iai” po o le “E lē afaina, pau lava le mea ia aua nei maua.” E te fa’asino atu i nei manatu o loo i luga o le laupapa i se taimi mulimuli ane o le lesona.
Aiseā e taua ai mo oe le iloaina o le leaga taufaasese e fa’afoliga mai e lelei?

O le fa’amatalaga lenei ma le vala’aulia, e mafai ona fesoasoani i tagata a’oga e amata iloa pe fa’apefea e mea o lo o latou suesueina i lenei lesona ona taua i o latou olaga.

E mafai ona faigatā ona iloa nei manatu ma amioga taufa’asēsē, aemaise lava pe a tatou tosina atu iai.O i tatou ta’itoatasi e manatu pe amio i ni auala e lē ōgatusa ma a’oa’oga a Iesu Keriso (taga’i i le Roma 3:23).E fesoasoani le Tamā Fa’alelagi ma Iesu Keriso ia tatou iloa lenei mea iā i tatou lava a o tatou saili atu mo la Laua fesoasoani e auala mai i le Agaga Paia.A o e suesue i le asō, maitau toto’a pe fa’apefea ona fesoasoani le Agaga Paia iā te oe ia iloatino le mea moni mai le mea sēsē.

O taufa’asēsē faaufiufi

Aotele le parakalafa lenei e fa’ailoa atu ai i tagata a’oga le savali atoatoa o le Isaia 5.

I totonu o le Isaia 5, na a’oa’o ai e le Ali’i tagata Isaraelu e fa’atatau i Lona alofa mo i latou ma le taunu’uga o a latou filifiliga faale-agasala e ala i le talafa’atusa o se tovine.E ui na taumafai le Ali’i e fesoasoani atu iā i latou ia tupuolaola, o filifiliga faale-agasala a tagata Isaraelu na i’u ai ina avea i latou ma “vine leaga” (taga’i Isaia 5:2), o se fa’atusa mo o latou uiga pi’opi’o ma le o’ona.Ona sa latou filifili e “lafoa’i” ma inoino i le Ali’i ma Ana a’oa’oga (taga’i Isaia 5:24), na tu’ua i latou e aunoa ma le fesoasoani a le Ali’i.

E mafai ona e vala’aulia tagata a’oga e va’ai faasolo i le Isaia 5:8–23 ma faitau le aofa’iga o taimi na fa’aaoga ai e le Ali’i le upu “oi talofa” (e fa’aono).Ia fa’amatala atu o le “oi talofa” o lona uiga o le fa’anoanoa po o mafatiaga matuiā.Sa taumafai le Ali’i e a’oa’o atu i tagata Isaraelu o a latou filifiliga faale-agasala o lo o liliuina ese ai i latou mai iā te Ia ma taitai atu ai i latou i fa’anoanoaga ma mafatiaga.

E ui e tele upumoni i lenei lesona e mafai ona tatou taula’i atu iai, o le vaega o totoe o lenei lesona o le a taula’i atu i le fuaitau o le atamai i a’oa’oga fa’avae Isaia 5:20.

O leIsaia 5:20 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga fuaitau o le atamai i a’oa’oga fa’avae i se auala e iloga ina ia mafai ona latou mauaina gofie.

Faitau le Isaia 5:20, va’ava’ai mo mea e aumaia le malaia, po o fa’anoanoaga ma mafatiaga.

O le ā se mea na e mauaina?

Fesoasoani i tagata a’oga ia iloa se upumoni, e pei o le Pe a tatou fa’apea ane ua lelei le mea leaga ae leaga le mea lelei, o le a i’u ai ina tatou oo i fa’anoanoaga ma mafatiaga.Atonu e te vala’aulia tagata a’oga ia mafaufau e fa’ailoga pea e tolu i le fuaiupu, leaga ma le lelei, pogisā ma le malamalama, ma le o’ona ma le suamalie.Ia fa’amatala atu e faapea sa masani ona tu’uina mai e Isaia ni fa’ataitaiga se tele e fesoasoani e aumaia ai fa’amaninoga sili atu i ana a’oa’oga.

E fa’apefea e le ta’ua ai e lelei le mea leaga ae leaga le mea lelei ona o’o atu i fa’anoanoaga ma mafatiaga?

O le fa’ailoaina atu ai o le faigatā ona iloaina o nei taufa’asēsē e mafai ona fesoasoani i tagata a’oga ia lagona le malamalama, iloa mea fa’alavefau, ma va’aia lo latou mana’omia o le Ali’i.

Faasino atu i le lisi o “manatu ma amioga mata’utia fa’aleagaga” o lo o i luga o le laupapa ma fai atu le fesili lenei:

O le a se mea e faafaigatā ai ona iloanei manatu ma amioga mata’utia fa’aleagaga?

Mafaufau pe iai ni manatu ma amioga mata’utia fa’aleagaga e te ono va’ai iai e mananaia, mana’omia pe fa’afiafiaina ai.

O Iesu Keriso o le upu moni

A mae’a ona faailoa faigatā, fesoasoani i tagata a’oga ia va’ai atu ia Iesu Keriso o le fōfō.

Faitau le Ioane 14:6, va’ava’ai mo mea na fetalai ai Iesu e uiga po o ai o Ia.

O le ā sou manatu i le uiga o le fetalaiga a Iesu, ina ua Ia folafola atu fa’apea o Ia o le upumoni?
O le ā se mea ua tu’uina mai e le Tamā Fa’alelagi ma Iesu Keriso iā i tatou e fesoasoani ia iloa ai manatu ma amioga taufa’asēsē na tatou lisiina i se taimi ua te’a?

E ui e lē o se lisi atoatoa lenei, e ono fa’asoa mai e tagata a’oga nisi o mea e pei o nei:

Le Agaga (taga’i Mataupu Fa’avae ma Feagaiga 11:12–13)
Le Malamalama o Keriso (taga’i Moronae 7:16–19)
O perofeta (taga’i Mataupu Fa’avae ma Feagaiga 21:1, 4–6)
Tusitusiga Paia (taga’i 2 Timoteo 3:15–17)

Afai e te iloa se mana’oga i au tagata a’oga, e te ono faitau ma talanoaina nisi o mau ua saunia.

O le isi gaoioiga e sosoo ai e tu’u atu ai se avanoa i tagata a’oga e suesue a’oa’oga a le Fa’aola ia fesoasoani iā i latou e iloa Lana upumoni.Fa’asino atu tagata a’oga i le lisi o manatu ma amioga mata’utia fa’aleagaga o loo i luga o le laupapa.Fa’aali atu fa’atonuga nei.

Ina ia fesoasoani iā i tatou ia iloatino le mea moni mai le mea sēsē, e mafai ona tatou liliu atu i a’oa’oga a Iesu Keriso ma Ana perofeta.O se tasi o nofoaga e mafai ona “maua ai a’oa’oga a Iesu Keriso ma Ana perofeta” o totonu lea o le Mo le Malosi o le Autalavou: O Se Ta’iala mo le Faia o Filifiliga (“Faia o Filifiliga Musuia,” Mo le Malosi o le Autalavou: O Se Ta’iala mo le Faia o Filifiliga [2022]).

Filifili se manatu po o se faatinoga se tasi e leaga ae fa’afoliga e lelei po o le lelei ae faaalia pe ta’ua e leaga.Suesue le taiala Mo le Malosi o le Autalavou, va’ava’ai i a’oa’oga a Iesu Keriso ma Ana perofeta e mafai ona fesoasoani iā te oe ia filifili e mulimuli iā Iesu Keriso, nai lo o savali taufa’asēsē a le tiapolo.Tusi i lalo pe na fa’apefea e a’oa’oga a le Fa’aola ona fa’asa’o manatu sēsē.

Vala’aulia tagata a’oga e fa’asoa mai mea na latou maua.Ina ia faia lena mea, e mafai e se tagata a’oga ona filifili se manatu po o se amioga mai le laupapa.Fai atu i le vasega e fa’amatala mai pe fa’apefea e se mea ua latou a’oa’oina ona faaalia lena manatu po o amioga e faataumaoi faaleagaga.Mo se fa’ataitaiga, a filifili e se tagata a’oga le “E lē afaina, pau lava le mea ia aua nei maua oe,” e ono fa’asoa mai e tagata a’oga se mea ua latou a’oa’oina mai i le vaega “O le a fa’asa’olotoina oe e le upumoni” i le taiala Mo le Malosi o le Autalavou , e pei o parakalafa o lo o amata i le “Ola fa’amaoni o lona uiga e te alofa i le upumoni ma lou loto atoa” po o le “Alofa i le upumoni.”

Toe manatunatu i le aoaoina

Tu’u atu i tagata a’oga se avanoa e toe manatunatu ai i mea ua latou a’oa’oina e ala i le fa’aaliina atu o se fesili e pei o lenei.

Tusi se tali i le fesili lenei i totonu o lau api tala’aga mo suesuega:

O le ā se mea ua e a’oa’oina i lenei aso e mafai ona fesoasoani iā te oe e iloa ai le mea moni ma mulimuli lelei atili iā Iesu Keriso?

E mafai ona e vala’aulia tagata a’oga e fefa’asoaa’i o latou lagona ma molimau e ala i le fa’asoaina mai o mea na latou tusia.Mafaufau e molimau atu e uiga iā Iesu Keriso ma Lona fa’alagiga o le Upumoni.

Tauloto

Atonu e te manao e fesoasoani i tagata a’oga e tauloto le fuaitau o le atamai i a’oa’oga fa’avae ma le fasifuaitau autū o le mau i le taimi o lenei lesona ma toe fa’amanatu i lesona i le lumana’i.O le fasifuaitau autu o le mau mo le Isaia 5:20 o le “Oi talofa iā i latou ua fa’apea mai e lelei le leaga, ma e leaga le lelei.”O manatu mo gaoioiga o le taulotoina o loo i ai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

O le ā se mea e mafai ona fesoasoani ia te a’u ia iloatino ai le lelei mai i le leaga?

Na saunoa mai Peresitene Dallin H. Oaks o le Au Peresitene Sili:

A tatou amata e ala i le fuaina o fa’atinoga ma faaunega fa’aonapo nei e faatatau i mea ua tatou iloaina e uiga i le fuafuaga a le Atua ma ta’iala o lo o tu’u mai i le afioga a le Atua atoa ai ma a’oa’oga a Ana perofeta soifua, … ua tatou iloa ai o le a tu’uina i tatou i se nofoaga saogalemu e fa’avavau.(“E Pei ona Ia Mafaufauina i Lona Loto,” [afiafi fa’atasi ma Elder Dallin H. Oaks, Feb. 8, 2013], 5)

Taga’i i parakalafa e 11 ma le 12 o le “Mauaina o le Malamalama Fa’aleagaga” i le Tusiga Autu o le Atamai i A’oa’oga Fa’avae (2023).

Taga’i “Center Your Life on Jesus Christ” po o le “Consult Reliable Sources,” e maua i le faasologa Seeking Answers to Questions i le vaega o Autū ma Fesili o le Potutusi o le Talalelei.

E fa’apefea ona eseese savali a le Tamā Fa’alelagi ma le fili?

Na a’oa’o mai e Peresitene Russell M. Nelson:

24:24

E atamai le ti’apolo.Mo le fia afe tausaga na ia faia pea mea lelei e foliga leaga ma mea leaga e foliga lelei.O ana savali e lilifa i le leotetele, le mafaufau, ma faasausili.

Peitai, o savali mai lo tatou Tamā Fa’alelagi e iloa gofie lava le eseesega.E faigofie lona feso’otai mai, filemū, ma i se manino matuā maofa lava lea e lē mafai ona tatou faaluafesasi [e uiga] ia te Ia.(“Fa’alogo ia te Ia,” Liahona, Me 2020, 89)

Gaoioiga Fa’aopoopo e A’oa’o Ai

Filifiliga o le fa’alautelēga o le vitiō

Atonu e aoga mo tagata a’oga le fa’alogo i le mea na maitauina e Elder Bednar ma lona faletua i se laua asiasiga i Aferika e fa’atatau i mamanu tutuli a nameri.E mafai ona e matamata i se vaega umi atu o lana saunoaga, “Mataala i le Tatalo e Lē Aunoa,” mai le faailo taimi 2:13 i le 6:07, o lo o aofia ai le mea na tupu ia te ia.

15:59

“Pogisā mo le malamalama … o’ona mo le suamalie” (Isaia 5:20)

Talu ai atonu o nisi tagata a’oga latou te le’i matua saunia lelei e fa’ailogaina se amioga po o se manatu e faapea e lelei pe leaga, e te ono fa’aalu se taimi e tautalagia ai, pe a mae’a ona fa’ailoa atu ai le upumoni e fa’atatau i fa’ataitaiga fa’aopoopo sa tu’uina mai e Isaia: le pogisā ma le malamalama, o’ona ma le suamalie.

O ā ni fa’ataitaiga fa’aopoopo o manatu ma amioga mata’utia fa’aleagaga e ono “tu’uina ai le pogisā mo le malamalama, ae tu’u le malamalama mo le pogisā; o’ona mo le suamalie, ma le suamalie mo le o’ona” (Isaia 5:20)?

E ui e lē ono fa’ailogaina e tagata a’oga ni filifiliga patino tau musika, po o le tauemu i se isi tagata fa’apea e leaga, e latou te ono fa’asoa mai pe fa’apefea e filifiliga patino tau musika ona faatupulaia le pogisā po o le malamalama, po o le fa’apefea e le auala tatou te taulimaina ai isi tagata ona fuaina mai le o’ona po o le suamalie?

E fa’apefea ona iloatino le [eseesega] o punaoa fa’atuatuaina ma punaoa lē fa’atuatuaina

O se tasi o auala e mafai ai ona tatou iloaina faiga taufa’asēsē a Satani, o le iloatino lea o le eseesega o punaoa fa’atuatuaina ma punaoa lē fa’atuatuaina.E mafai ona e fesoasoani i tagata a’oga e a’oa’o pe fa’apefea ona faia lena mea e ala i le fa’aaogaina o anomea o lo o maua i le “Microtraining 3: How to Assess the Reliability of Sources,” o loo maua i le vasega Inisitituti Answering My Gospel Questions Teacher Material.Po o lou fa’aaoga foi o anomea e fa’atatau i le faatalanoaina o puna’oa fa’atuatuaina o lo o maua i le punaoa “Saili o Tali i Fesili” i lalo o le Autū ma Fesilil i le Potutusi a le Talalelei.

Isaia 6: Suia e ala ia Iesu Keriso ma Lana Togiola

Atonu e te mafaufau e a’oa’o atu e uiga ia Iesu Keriso e ala i fa’atusa o lo o fa’aaogaina i le Isaia 6.E mafai ona e fa’aali ni ata se lua e fa’aali atu ai le taimi a’o le’i tupu se mea ma le mae’a ai ona tupu, pei o se ata o se ta’avale ae le’i fufuluina, ma pe a uma ona fufulu.

Mafaufau e aotele le Isaia 6:1–4 e ala i le fa’amatala atu e faapea sa iai se faaaliga vaaia a Isaia o lo o ia tū i luma o le Ali’i.Sa taumafai Isaia e fa’amatala le mana ma le mamalu na ia lagonaina i le afioaga o le Atua.

Vala’aulia tagata a’oga e faitau le Isaia 6:5 ma va’ava’ai pe na fa’ape’ī lagona o Isaia i le i ai i le afioaga o le Ali’i.

O ā ni auala atonu sa e lagonaina ai le talitutusa fa’apei o Isaia?

Ona mafai lea e tagata a’oga ona suesue le Isaia 6:6–10, va’ava’ai mo ata ma fasifuaitau e a’oa’oina ai i latou e fa’atatau i le suia o i tatou e ala mai ia Iesu Keriso ma Lana Togiola.Latou te ono fa’asino mai ai pe fa’apefea ona fa’amanatu mai e le fata faitaulaga le taulaga a Iesu Keriso (taga’i fuaiupu 6), pe fa’apefea e le fa’amamāina o laugutu ona fa’amanatu mai ia i tatou le mana fa’amamā o Iesu Keriso (taga’i fuaiupu 7), pe na fa’apefea i le tali a Isaia i le fuaiupu 8ona fa’amanatu mai ia i tatou le tali a Iesu Keriso i le Tamā Fa’alelagi i le mua’i olaga (taga’i Apera’amo 3:27).

A o fa’asoa mai e tagata mea na latou maua, fesoasoani ia i latou ia faailoa se upumoni, e pei o le E ala mai ia Iesu Keriso ma Lana Togiola, e mafai ai ona Ou sui ma fa’amamāina.

E mafai fa’apefea e le mea na tupu ia Isaia faatasi ai ma Iesu Keriso ma Lana Togiola ona aumaia le fa’amoemoe i se tasi o sē o loo ono lagona le lē aoga ma le lē agava’a?
E aunoa ma le fa’asoaina ai o ni mea e sili ona patino, na fa’apefea ona suia oe e ala mai ia Iesu Keriso ma Lana Togiola?

Atonu e te mafaufau e fesoasoani atu i tagata a’oga e iloa pe fa’apefea e le mauaina o se aafiaga patino o le mana togiola a Iesu Keriso ona faatupulaia lo tatou naunauta’iga ia faia Lona finagalo.E mafai e tagata a’oga ona fa’atusatusa ulua’i lagona o Isaia i le fuaiupu 5 (“Oi talofa iā te aʻu! o le a ou oti”) ma lana tali i le vala’aulia a le Ali’i i le fuaiupu 8 (“O aʻu lenei! Inā auina atu ia aʻu”).E mafai ona fa’asoa mai tagata a’oga, pe aisea e mafai ai e le aafiaga o le mana togiola a Iesu Keriso ona faatupulaia lo tatou naunauta’iga ia faia Lona finagalo, pe e mafai fo’i ona latou fa’asoa mai ni fa’ataitaiga mai mau po o ni tagata latou te iloaina, ua latou va’aia ai lenei suiga o le naunautaiga.