Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал 24: “Их Эзэний уул өөд хэн авирч болох вэ?”

“Дуулал 24: ‘Их Эзэний уул өөд хэн авирч болох вэ,’” Хуучин Гэрээний семинарын багшийн гарын авлага (2026)

“Дуулал 24: ‘Их Эзэний уул өөд хэн авирч болох вэ,’” Хуучин Гэрээний семинарын багшийн гарын авлага

Дуулал 1–2; 8; 19–33; 40; 46: 103-р хичээл

Дуулал 24

“Их Эзэний уул өөд хэн авирч болох вэ?”

Ариун сүм бол цэвэр бөгөөд ариун газар юм. Ариун сүм Их Эзэний оршихуйд байх нь ямар байхыг төсөөлөхөд бидэнд тусалж чадна. Дуулал 24-т Давид хаан биднийг хэзээ нэгэн цагт Их Эзэний ариун сүмд болон Түүний оршихуйд орж болохын тулд сүнслэг байдлын хувьд цэвэр бөгөөд ариун байхыг хичээхийг урьдаг. Энэ хичээл ариун сүмд зохистойгоор орж, эцэст нь Тэнгэрлэг Эцэг, Есүс Христ хоёрын оршихуйд амьдрахаар бэлтгэхэд суралцагчдад тусална.

Суралцагчийн бэлтгэл: Ариун сүмийн эрхийн бичиг олгох асуултуудыг эргэн харж, ариун сүмд орох өөрсдийн сүнслэг бэлтгэлийн талаар бодоход нь суралцагчдыг урь. Эдгээр асуултыг Өсвөр үеийнхний бат бөх байдлын төлөө: Сонголт хийхэд туслах хөтөч [2022] товхимлын хавсралтаас олж болно.

Боломжит суралцах үйл ажиллагаа

Бохир уу, цэвэр үү?

Дуулал 24-ийг судлахад суралцагчдыг бэлтгэхийн тулд шавар шалбааг болсон өсвөр насны хүүхдийн зургийг үзүүл.

Та бас нэг аяганд шавар хийн авчирч, зарим суралцагчийг гараа дотор нь дүрэхэд урьж болно. Дараа нь суралцагчдаас юу мэдэрч байгааг нь асуун доорх асуултыг ашигла.

Та нар хэзээ хамгийн сүүлд шавар шавхайтай хутгалдсан эсвэл бохир болсон бэ? Та нарт ямар санагдсан бэ?

Ариун сүмийн дотор талын зургийг үзүүл.

Хэрэв танай суралцагчид ариун сүмд орж үзээгүй бол ариун сүмд ороход ямар мэдрэмж төрнө гэж төсөөлж байгааг нь асуухын тулд дараах асуултыг өөрчил.

Belem Brazil Temple interiors. An interior image of the temple featuring the Celestial Room. There are chairs and a chandelier hanging.

Ариун сүмд ороход ямар мэдрэмж төрдөг вэ?

Шавар шалбааг болсон өсвөр насны хүүхдийн зургийг ариун сүмийн зурагтай хамт үзүүл.
Хэрэв та нар ариун сүм дотор шавар шавхайтай хувцастай зогсож байсан бол ямар санагдах байсан бэ? Яагаад?
Бид энэ байдлаас ямар сүнслэг сургамж авч болох вэ?

Хэрэв та нар сүнслэг байдлын хувьд шавар шавхайтай эсвэл бохир байхдаа Тэнгэрлэг Эцэг, Есүс Христ хоёрын оршихуйд зогсвол ямар санагдахыг тунгаан бод. Дараа нь Есүс Христийн Цагаатгалаар дамжуулан толбогүй болсныхоо дараа Тэдний оршихуйд зогсох нь ямар санагдаж болох талаар тунгаан бод.

Судлах тэмдэглэл дээрээ дараах асуултуудад хариулж бич.

Ариун сүмд орохуйц зохистой байх нь та нарт хэр чухал вэ? Яагаад?
Хэзээ нэгэн өдөр Тэнгэрлэг Эцэг, Есүс Христ хоёртой хамт амьдрах нь та нарын хувьд хэр чухал вэ? Яагаад?

Өөрийг нь ариун сүмд зохистойгоор шүтэн биширч, хэзээ нэгэн өдөр Түүний болон Тэнгэрлэг Эцэгийн оршихуйд орохын төлөө, Их Эзэн та нараар юу хийлгэхийг хүсэж байгааг мэдэхийн тулд Ариун Сүнсээс удирдамж эрэлхийл.

“Их Эзэний уул”

Дуулал 24-ийг судлахаар эхлэхдээ самбар дээр энгийн уулын зураг зур. Суралцагчид судлах тэмдэглэл дээрээ адилхан зурж болно. Доорх догол мөрийг унш эсвэл нэгтгэн дүгнэ.

2026 Old Testament Seminary Teacher Materials

Дуулал 24-т Давид хаан уулын дүрслэлийг ашигладаг. Зарим судрын хэсэгт уул толгодыг ариун сүмийн бэлгэдэл болгон ашигладаг (Исаиа 2:2–3-ыг үзнэ үү). Давид ариун сүмийг эсвэл Бурханы оршихуйг эсвэл хоёуланг нь хэлсэн байж болох юм.

Та уулынхаа орой дээр энгийн ариун сүмийн зураг зурж мөн Тэнгэрлэг Эцэг, Есүс Христ гэсэн үгсийг оруулж болно. Уулын бэлд биднийг төлөөлсөн хүний дүрс зурж болно.

Дуулал 24:3–6-г уншаад, бид ариун сүмд орохоор бэлтгэж, хэзээ нэгэн өдөр Их Эзэний оршихуйд эргэн очихын тулд юу хийх ёстойг олж мэд.

Дуулал 24:3–4 нь төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урьж болно.

Суралцагчид шүлгүүдийг уншсаны дараа тэдэнд зарим үг, хэллэгийн талаар асуух асуулт гарч магадгүй юм. Энэ судрын хэсгийг уншиж байхад нь өөрсдөд нь эсвэл өөр хэн нэгэнд гарч болох ямар ч асуултыг тавихад суралцагчдыг урь. Хэрэв тус болох бол “хоосон” гэдэг нь бардамнал, ихэмсэг зан гэсэн утгатай гэдгийг тайлбарла. “Худал тангараг тавиагүй” гэдэг нь өөртөө болон бусдад мөн Бурханд үнэнч шударга байхыг хэлж байж болох юм.

Дараах асуултад хариулсан суралцагчдын хариултыг самбар дээр уулын захад бич. Таны эцсийн зураг доорх зурагтай төстэй харагдаж болно.

Эдгээр шүлгээс та нар ариун сүмд орохоор бэлтгэх, хэзээ нэгэн өдөр Их Эзэний оршихуйд эргэн очих талаар юу сур ч мэдсэн бэ?

Суралцагчдыг 3–6-р шүлгээс олж мэдсэн зүйлээ хуваалцах үед Бид Их Эзэнийг Түүний ариун сүмд шүтэн биширч, Түүний оршихуйд амьдрахын тулд сүнслэг байдлын хувьд өөрсдийгөө бэлтгэх ёстой гэсэн үнэнийг олж тогтооход тэдэнд тусал.

Бид яагаад Их Эзэний ариун сүмүүдэд мөн эцэст нь Түүний оршихуйд ороход сүнслэг байдлын хувьд бэлтгэлтэй байх хэрэгтэй гэж та нар бодож байна вэ?
Сүнслэг байдлын хувьд бэлтгэлтэй байх гэсэн Их Эзэний шаардлагууд нь хэрхэн биднийг хайрладаг Түүний хайрын баталгаа байж болох вэ?

Сүнслэг байдлын хувьд бэлтгэх нь

Дараах заавруудыг үзүүлээд, суралцагчдыг бие дааж судлах тэмдэглэл дээрээ эсвэл хамтрагчтайгаа нэг бүрчлэн хийж дуусгахад урь.

Дуулал 24:4-т гардаг дараах хэллэгүүдээс илүү дэлгэрэнгүй мэдэхийг хүсэж байгаа нэгийг сонго.

цэвэр гар
ариун зүрх
Хуурмаг хоосонд сэтгэлээ өргөөгүй (даруу байдал)
Худал тангараг тавиагүй (шударга зан)

Тухайн хэллэгийг илүү сайн ойлгоход тань туслах судар эсвэл Сүмийн удирдагчдын хэлсэн үгсийг ол. Дараа нь дараах асуултуудад хариул.

Яагаад бэлтгэлийн энэ хэсэг нь ариун сүмд шүтэн бишрэхэд, хэзээ нэгэн өдөр Тэнгэрлэг Эцэг, Есүс Христ хоёртой хамт оршиход чухал гэж та нар бодож байна вэ?
Хожмын үеийн гэгээнтэн өсвөр насны хүүхэд бэлтгэлийн энэ хэсэг дээр ямар тодорхой арга замаар ажиллаж болох вэ?
Та нар бэлтгэлийн энэ хэсгийг хийхэд нь хэцүү байгаа найзтайгаа Аврагчийн тухай юу хуваалцахыг хүсэж байна вэ?

Хэрэв суралцагчдад тусламж хэрэгтэй бол дараахтай төстэй судрын хэсгүүдийг санал болгож болох юм. Үүнд:

цэвэр гар (Сургаал ба Гэрээ 88:86)
ариун зүрх (Мозая 5:2)
хуурмаг хоосонд сэтгэлээ өргөөгүй (Сургаал ба Гэрээ 112:10)
худал тангараг тавиагүй (Алма 27:27)

Та тэднийг Topical Guide, Судруудын удирдамж эсвэл Gospel Library руу чиглүүлж болно.

Мөн та энэ хичээл дээрх Нэмэлт эх сурвалжуудаас авсан ахлагч Бэднарын эшлэлийг өгч болно.

Суралцагчдыг сурч мэдсэн зүйлээ өөр нэг суралцагчтай эсвэл өөр үг хэллэг судалсан хамтрагчтайгаа хуваалцахыг урь. Дараа нь та хэдэн суралцагчаас ангийнхантайгаа хуваалцахыг хүсэж болно.

Миний хувийн бэлтгэл

Өөрийнхөө сүнслэг бэлтгэлийг хэрхэн биелүүлж байгаагаа эргэцүүлэн бод. Тэнгэрлэг Эцэг юунд сэтгэл хангалуун байгааг болон сайжруулах боломжтой хэсгүүдийнхээ талаар тунгаан бод.

Судлах тэмдэглэл дээрээ дараах асуултуудад хариулж бич.

Тэнгэрлэг Эцэг та нарыг ариун сүмд болон хэзээ нэгэн өдөр Түүнтэй хамт амьдрахын төлөө өөрийгөө бэлтгэхийн тулд юу хийгээсэй хэмээн хүсдэг гэж бодож байна вэ?
Та нар Аврагчийн тусламжид хэрхэн найдаж болох вэ?

Суралцагчдын судалсан үнэнүүдийн тухай гэрчлэлээ хуваалц. Аврагчийн цэвэршүүлэх, туслах чадварын талаар суралцагчдад батлан хэлж өг. Та хичээлийг дуусгахдаа дараах мэдэгдлийг хуваалцаж болно.

Тэргүүн зөвлөлийн ерөнхийлөгч Хэнри Б.Айринг дараахыг хуваалцсан.

Та болон хайртай гэр бүл тань нөхцөл байдалдаа тохируулан Их Эзэний өргөөнд ойр ойрхон орж болохуйц зохистой байх шийдэмгий байдал, хүсэл эрмэлзлээ өсгөнө гэж би найдаж байна.

Тэрээр таныг тэнд угтан авахыг хүсдэг. (“Би ариун сүм харах дуртай,” 2021 оны 4-р сарын Ерөнхий чуулган, 29)

Цээжил

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Дуулал 24:3–4-ийн судрын түлхүүр үг хэллэг бол “Ариун газарт нь хэн зогсож болох вэ? Цэвэр гартай, ариун зүрхтэй … нь буюу” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалж

“Цэвэр гартай, ариун зүрхтэй” (Дуулал 24:4) байх гэдэг нь юу гэсэн утгатай вэ?

Арван хоёр төлөөлөгчийн чуулгын ахлагч Дэвид А.Бэднар ийн тайлбарласан.

14:33

Аврагчийн Цагаатгалаар дамжуулан эгэл хүний зан чанараа гээж, нүглээ ялан дийлж, хилэнцэт нөлөөнөөс зайлсхийхэд бидний гар цэвэр болдог. Сайныг үйлдэж, илүү сайн хүмүүс болохын тулд Түүний хүчийг хүлээн авах үед бидний зүрх сэтгэл ариусдаг. Бидний зохистой хүсэл ба сайн ажил үйлс бүхэн хэчнээн чухал шаардлагатай хэдий ч цэвэр гар, ариун зүрх сэтгэлийг өгч чаддаггүй. Харин Есүс Христийн Цагаатгал нь биднийг нүглээсээ уучлагдахад туслах ариусган аврах хүч ба дан ганц өөрсдийн хүчээрээ хүрч чадахааргүй сайн хүн болоход минь туслах ариусан хүчирхэгжих хүчийг хоёуланг нь өгдөг. Цагаатгалын хэмжээлшгүй хүч нь нүгэлтэн ч бай, гэгээнтэн ч бай бидний хүн нэг бүрд үйлчилдэг. (“Clean Hands and a Pure Heart,” Liahona, Nov. 2007, 82)

Би ариун сүмд зохистой орсноор ямар адислал хүлээн авч чадах вэ?

Тэргүүн зөвлөлийн ерөнхийлөгч Хэнри Б.Айринг ийн заасан.

16:22

Хэрэв та эсвэл би ариун сүмд хангалттай цэвэр бус байхдаа орвол, ариун сүмд хүлээн авч болох Аврагчийн талаарх сүнслэг сургаалыг Ариун Сүнсний хүчээр харах боломжгүй байх болно.

Бид тийм сургаалыг хүлээн авах зохистой байх аваас тэр нь ариун сүмээр дамжуулан бидний амьдралын турш найдвар, баяр баясгалан, өөдрөг үзэл болж өсдөг. Тэр найдвар, баяр баясгалан, өөдрөг үзлийг зөвхөн ариун сүмд гүйцэтгэдэг ёслолуудаар дамжуулан авах боломжтой. Үхлийн дараа хийгээд үүрд мөнхөд үргэлжлэх хайраар дүүрэн гэр бүлийн холболтын баталгааг бид ариун сүмд хүлээн авч чадна. (“Би ариун сүм харах дуртай,” 2021 оны 4-р сарын Ерөнхий чуулган, 28)

Хэрэв би яг адилхан алдаа гаргасаар байгаа учраас хэзээ ч зохистой болох найдваргүй гэж боддог бол яах вэ?

Залуу эрэгтэйчүүдийн ерөнхий ерөнхийлөгчийн зөвлөлийн Брадли Р.Вилкокс ах ийн хэлсэн.

10:52

Ахлагч Дийтр Ф.Угдорф “Бурханд дутагдалгүй хүн хэрэггүй. Тэрээр “зүрх сэтгэл хийгээд эрмэлзэгч оюун” [Сургаал ба Гэрээнүүд 64:34]-аа өргөх хүмүүсийг эрэлхийлдэг бөгөөд тэднийг “Христэд төгөлдөржүүлэх” болно [Моронай 10:32–33]” хэмээн хэлсэн. … Түүний ач ивээл зөвхөн зохистой хүмүүст зориулсан шагнал биш. Энэ бол биднийг зохистой болоход туслах Түүний өгч буй “тэнгэрлэг тусламж.” Энэ нь зөвхөн зөв шударга хүмүүст зориулсан урамшуулал биш. Энэ бол биднийг зөв шударга болоход туслах, Түүний өгч буй “хүч чадлын бэлэг” юм. Бид зөвхөн Бурхан, Христ хоёр луу алхдаггүй. Бид Тэдэнтэй хамт алхдаг. (“Зохистой байна гэдэг нь ямар ч дутагдалгүй гэсэн үг биш,” Лиахона, 2021 оны 10-р сарын Ерөнхий чуулган)

Нэмэлт суралцах үйл ажиллагаа

Хичээлийг эхлүүлэх өөр хувилбар

Хичээлийг эхлүүлэх өөр нэг арга зам нь дараах хоёр жишээг хуваалцах юм.

Сайм өөртөө хатуу ханддаг. Тэр ариун сүмд орохын тулд эсвэл Тэнгэрлэг Эцэгт болон Есүс Христэд хүлээн зөвшөөрөгдөхүйц байхын тулд өөрийгөө төгс байх хэрэгтэй гэж боддог.
Жошуа ариун сүмд орохуйц зохистой байхыг эсвэл Бурхантай уулзахаар бэлтгэх нь тийм ч чухал зүйл гэж боддоггүй. Бурхан өөрийг нь хайрладаг учраас наманчлах ч бай, үгүй ч бай, өөрийг нь юу ч хийсэн хүлээн авна гэж боддог.

Суралцагчид нэг жишээг сонгож болно. Тэд Дуулал 24-ийг судлах явцдаа сонгосон жишээн дээрх залуу эрэгтэйтэй хуваалцаж болох үнэнийг мөн зөвлөгөөг хайж болно.

Ариун сүмийн эрхийн бичгийн асуултууд

Өөрсдийн сүнслэг байдлын бэлтгэлийн талаар эргэцүүлэн бодоход нь суралцагчдадаа туслахын тулд Өсвөр үеийнхний бат бөх байдлын төлөө: Сонголт хийхэд туслах хөтөч [2022]-ийн ариун сүмийн эрхийн бичгийн асуултуудтай холбоотой энэ догол мөрийг хуваалц.

Гэрээний зам дээрх өөрийн өсөлт хөгжлийг үнэлж дүгнэх нэг арга зам бол дараах асуултуудыг тунгаах юм. Эдгээр асуултыг ариун сүмийн эрхийн бичгийн ярилцлагын үеэр асуудаг хэдий ч ярилцлага хүртэл бүү хүлээ. Өөрийнхөө сүнслэг байдлыг шалга. (Өсвөр үеийнхний бат бөх байдлын төлөө: Сонголт хийхэд туслах хөтөч [2022], 36)

Дараа нь та “Өсвөр үеийнхэнд зориулсан ариун сүмийн эрхийн бичиг олгох асуултууд” дээрх ариун сүмийн эрхийн бичигтэй холбоотой асуултуудыг давтсанаар өөрсдөө сүнслэг шалгалт хийхэд суралцагчдыг урьж болно.

Христ дотор байгаа найдвар (Дуулал 24:7–10)

Найдварын талаар ярилцах нь суралцагчдад тань тустай гэж үзвэл Библийн Иосеф Смитийн орчуулгын Дуулал 24:7–10-ыг судалж болно. Суралцагчид эхлээд гэр бүлийн хүчирхийлэл, салалт нэмэгдсэн өнөөгийн дэлхийн урам хугалам байдлын жагсаалт гаргаж болно. Дараа нь ИСО, Дуулал 24:7–10 нь эцсийн өдрүүдэд бидэнд найдвар өгөх болно гэдгийг тайлбарла.

Суралцагчдыг ИСО, Дуулал 24:7–10-ыг уншаад, тэргүүнээ өргөгтүн гэсэн хэллэгийг хэдэн удаа гарч байгааг олж мэд. Тэднийг энэ хэллэг нь ямар утгатай гэж бодож байгаагаа хуваалцахад урь.

Дараа нь ИСО, Дуулал 24:7–10-ыг дахин уншаад, бид яагаад энэ эцсийн өдрүүдэд найдвартай байж болохыг олж мэдэхэд урь.

Эдгээр хэллэг нь та нарт өнөөдрийн асуудлуудаа үл харгалзан найдварыг тээн “тэргүүнээ өргө[хөд]” (ИСО Дуулал 24:7–10) хэрхэн тусалж байна вэ?