Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал номын удиртгал, 1-р хэсэг: Дуулал дахь Есүс Христийн тухай бошиглолууд

“Дуулал номын удиртгал, 1-р хэсэг: Дуулал дахь Есүс Христийн тухай бошиглолууд,” Хуучин Гэрээний семинарын багшийн гарын авлага (2026)

“Дуулал номын удиртгал, 1-р хэсэг: Дуулал дахь Есүс Христийн тухай бошиглолууд,” Хуучин Гэрээний семинарын багшийн гарын авлага

Дуулал 1–2; 8; 19–33; 40; 46: 100-р хичээл

Дуулал номын удиртгал, 1-р хэсэг

Дуулал дахь Есүс Христийн тухай бошиглолууд

An open hymnbook with a violin in the background.

Та нарын дуртай дуулал Есүс Христийн талаар юу заадаг вэ? Сүмийн дууллууд нь олон зууны турш хөгжимчид, яруу найрагчдад Аврагчийн тухай сэтгэгдлээ илэрхийлэх боломжийг олгож байна. Өнөө үеийн олон дууллын адил Дуулал ном дахь нэлээд хэдэн дуулал Аврагчийн амьдрал, номлолын талаар зааж, гэрчилдэг. Энэ хичээл Дуулалд бошиглогдсон Есүс Христийн амьдрал болон номлолыг илүү сайн ойлгоход нь суралцагчдад тусална.

Суралцагчийн бэлтгэл: Дуртай дууллууд нь Есүс Христийн талаар хэрхэн зааж, гэрчилдэг талаар тунгаан бодоход суралцагчдыг урь. Есүс Христийн тухай дуртай дууллаа ангийнхандаа хуваалцахаар бэлтгэхэд тэднийг урь. Хэрэв суралцагчид өөрсдөд нь дуртай дуулал байхгүй гэж бодож байвал тэднийг Дуулал номыг үзэж, Есүс Христийн тухай заадаг дуунуудыг олж мэдэхэд урь.

Боломжит суралцах үйл ажиллагаа

Есүс Христийн талаар заадаг дууллууд

Бид энэ дууллын үгээс Аврагчийн тухай, мөн Түүний амьдралын талаар юу сурч мэдэж болох вэ?
Та нарын хувьд онцгой утга учиртай Аврагчийн тухай өөр дуулал байдаг уу? Тийм бол яагаад?

Та нар өнөөдөр энэ хичээлийг судалж байхдаа Есүс Христийн тухай зааж, гэрчилдэг үг, аялгууны хүчийг мэдрэхэд тань туслуулахаар Ариун Сүнсийг урь.

Дуулал ном

Дуулал ном нь залбирал, шүлэг, дууллын цуглуулга бөгөөд энэ нь зарим талаараа манай орчин үеийн дууллын номтой төстэй юм.

Суралцагчдыг Дуулал номыг нээхэд урь. Суралцагчдад зарим дууллыг гүйлгэн харж, ерөнхий сэтгэгдэл олж авахад хоёр гурван минут гаргаж өг.

Та нар Дуулал номыг гүйлгэн харахдаа энэ номыг хосгүй болгож буй ямар зүйлийг анзаарсан бэ?
Энэ номын талаар та нарт ямар асуулт байна вэ?

Дуулал 3-ыг гүйлгэж уншаад, Села гэдэг үгийг олж харах бүрдээ цохон тэмдэглэ. Села гэдэг үгийн утга нь тодорхойгүй ч энэ нь дуучинд буюу уншигчдад түр зогсож, эргэцүүлэн бодох дохио болдог байсан байж болох юм (хөгжмийн завсарлага шиг).

Дуулал 3-ыг уншиж, Села гэдэг үгийг унших болгондоо түр зогс. Эдгээр шүлгийг тунгаан бодоход тань туслахад Ариун Сүнсийг урь.

Зохиогч яагаад биднийг эдгээр хэсэгт түр зогсоод, эргэцүүлэн бодоосой гэж хүссэн байж болох вэ?
Эдгээр хэсгийн аль нэг эсвэл илүү олон хэсэгт тунгаан бодох нь өнөө цагт өсвөр үеийнхэнд хэрхэн тусалж, тайвшруулж болох вэ?

Ангийнхныхаа асуулт, туршлагаас хамааран та дараах зүйлсийн заримыг эсвэл бүгдийг нь товч онцолж болно. Үүнд:

Дууллын ихэнх хэсгийг Давид (Дуулал 3) гэх мэт тодорхой зохиогчтой гэж үздэг. Бусад дууллын зохиогчид нь тодорхойгүй (Дуулал 1-ийг үзнэ үү).
Еврей хэлний яруу найргийн элементүүд Дуулал номын бүх хэсэгт байдаг.
- Параллелизм бол хоёр буюу түүнээс дээш мөртүүд хоорондоо уялдаа холбоотой санааг хуваалцдаг яруу найргийн хэлбэр юм (Дуулал 29:4-ийг үзнэ үү).
- Давталт гэдэг нь нэг мөрийг давтах замаар онцолдог еврей хэлний яруу найргийн хэрэгсэл юм (Дуулал 150 дахь “Түүнийг магтагтун” гэх мэт).
Дуулал 119 бол еврей хэлээрх акростик шүлгийн жишээ юм. Акростик шүлэг нь мөр бүрийн эхний үсгийг үг эсвэл еврей цагаан толгойг үсэглэхэд ашигладаг.
Дуулал номыг Шинэ Гэрээнд 115-аас дээш удаа эш татсан байдаг (Дуулал 6:8 ба Лук 13:27-г үзнэ үү).
Сүүлчийн зоогийн дараа Есүс шавь нарынхаа хамт нэгэн дуулал дуулжээ (Maтай 26:30-ийг үзнэ үү). Энэ нь Дуулал 113–118, Алгасал баяраар дуулддаг дуулал “Hallel” байж магадгүй юм (Merrill J. Bateman, “The Power of Hymns,” Ensign, July 2001, 17-г үзнэ үү).

Лук 24:44-ийг уншаад, Аврагч амилсныхаа дараахан шавь нартаа уг дууллын талаар юу заасныг олж мэд.

Дуулал номд байдаг хамгийн чухал захиаснуудын нэгийг Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан.

Есүс Өөрөө Хуучин Гэрээний ямар ч номоос илүүгээр Дуулал номоос эш татсан юм. … Бүх ариун бичээст Мессиагийн номлолын тухай эсвэл Дууллын зохиогчийн дуунуудад илэрхийлсэн шиг Түүнийг эргэн ирэхийг харуулдаж, хүсэн хүлээж байгаа тухай ийм өргөн хүрээтэй бичсэн ном гэж байхгүй гэж хэлж болно. (For Times of Trouble: Spiritual Solace from the Psalms [2012], 7–8)

Та нар Лук 24:44-өөс болон ерөнхийлөгч Холландаас юу сурч мэдсэн бэ? Дуулал номыг судлах нь яагаад чухал вэ?

Бид Дуулал номыг судалснаар Есүс Христийн амьдрал болон номлолын талаар суралцаж чадна гэдгийг ойлгоход нь суралцагчдад тусал. Энэ үнэнийг самбар дээр бичиж болно.

Есүс Христийн бошиглолын тухай дуулал

Дуулал дахь Есүс Христийн амьдрал болон номлолын тухай зарим бошиглолын мэдэгдлийг ойлгоход нь суралцагчдад туслахын тулд доорх судрын эшлэлүүдийн заримыг эсвэл бүгдийг нь өг. Дараах нь ангийнхнаараа эдгээр шүлгийг судлуулж болох хэд хэдэн арга юм.

Хоёр бадаг шүлгийг жижиг цаасан дээр бичээд, цаас бүрийг ангийн эргэн тойронд байрлуул. Суралцагчдад ангийг тойрон алхаад, хэд хэдэн бошиглол болон биелэлтийг унших цаг гаргаж өг.
Судрын шүлгүүдийг сайтар холиод, Дуулал дээрх бошиглолуудыг биелсэнтэй нь тааруулахад суралцагчдыг урь.
Зөвхөн Дуулал номын шүлгүүдийг үзүүл. Зүүлт тайлбар болон бусад судар судлах хэрэгслийг ашиглан, бошиглол бүрийг биелүүлсэн Аврагчийн амьдралын тухай эшлэлүүдийг олоход суралцагчдыг урь.

Есүс Христийн бошиглолын тухай дуулал	Бошиглол биелсэн нь
Есүс Христийн бошиглолын тухай дуулал Дуулал 22:1	Бошиглол биелсэн нь Матай 27:46
Есүс Христийн бошиглолын тухай дуулал Дуулал 22:7–8	Бошиглол биелсэн нь Maтай 27:41–43
Есүс Христийн бошиглолын тухай дуулал Дуулал 22:16	Бошиглол биелсэн нь Сургаал ба Гэрээнүүд 6:36–37
Есүс Христийн бошиглолын тухай дуулал Дуулал 22:18	Бошиглол биелсэн нь Иохан 19:23–24
Есүс Христийн бошиглолын тухай дуулал Дуулал 31:5	Бошиглол биелсэн нь Лук 23:46
Есүс Христийн бошиглолын тухай дуулал Дуулал 34:20	Бошиглол биелсэн нь Иохан 19:31–36
Есүс Христийн бошиглолын тухай дуулал Дуулал 41:9	Бошиглол биелсэн нь Лук 22:47–48; Үйлс 1:16–17
Есүс Христийн бошиглолын тухай дуулал Дуулал 69:20–21	Бошиглол биелсэн нь Иохан 19:28–29
Есүс Христийн бошиглолын тухай дуулал Дуулал 118:22	Бошиглол биелсэн нь Үйлс 4:10–12

Эдгээр бошиглолоос Аврагчийн амьдрал эсвэл номлолын талаар та нарын сурч мэдсэн ямар нэг зүйлийг мэдэх нь тустай байж болох та нарт эсвэл ойр дотны хүмүүст тань тулгарсан нөхцөл байдлын талаар бод. Бодол санаагаа судлах тэмдэглэл дээрээ бичиж тэмдэглэ.

Есүс Христийн амьдрал

Дуулал дээр бошиглогдсон Аврагчийн амьдрал болон номлолын талаарх ойлголтоо харуулахад суралцагчдыг урь. Нэг арга нь дараах асуултуудыг хамтрагчтайгаа, жижиг бүлгээрээ эсвэл ангиараа ярилцахад суралцагчдыг урих явдал юм.

Дуулал номоос та нарын хувьд онцгой ач холбогдолтой гэж үзсэн бошиглолуудаас аль нэгийг сонго.

Энэ бошиглол Есүс Христийн талаар та нарт юу зааж байна вэ?
Түүний тухай та нарын сурч мэдсэн зүйлийг мэдэх нь яагаад чухал вэ?

Есүс Христийн амьдрал болон номлолын талаар гэрчлэлээ хуваалцах талаар бодож үз. Та дараагийн хэдэн долоо хоногийн турш Дуулал номыг судлахдаа Есүс Христийн тухай эшлэлүүдийг үргэлжлүүлэн олж мэдэхэд суралцагчдыг урьж болно. Суралцагчдын сонгосон Аврагчийн тухай дууллыг дуулах юм уу сонсож хичээлээ дуусгах нь зүйтэй байж болох юм.

101-р хичээл: “Дуулал номын удиртгал, 2-р хэсэг” дээр суралцагчид Дуулал номыг зохиогчид шиг Тэнгэрлэг Эцэг, Есүс Христ хоёрыг хайрлах хайр болон үнэнч байдлын илэрхийллээ бүтээнэ. Энэ талаар одооноос бодож эхлэхэд суралцагчдыг урь. Тэнгэрлэг Эцэг, Есүс Христ хоёрын талаар юу мэдэрч байгаагаа мөн тэдгээр мэдрэмжээ хэрхэн илэрхийлэх талаар тунгаан бодохыг тэднээс хүс.

Нэмэлт эх сурвалж

Бид яагаад Дуулал номыг судлах хэрэгтэй вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан.

Яруу найргийн ямар ч түүвэр зохиолоос илүү Дуулал ном бүхэлдээ барууны ертөнцөд илүү их нөлөө үзүүлсэн гэж үздэг. Энэ нь үнэн эсэх нь утга зохиолын үзэл бодлын асуудал байж болох ч Библи уншигчдын хувьд Дуулал нь ерөнхийдөө бүх л ариун судар дотроос хамгийн их хэрэглэгддэг, хамгийн ихээр хайрласан судруудын нэг байсан нь гарцаагүй үнэн. Бүх л ариун судар дотроос энэхүү ном нь аврал, тайтгарал, хамгаалалтыг маш ихээр хүсэн тэмүүлдгээрээ онцлог юм. … [Хуучин Гэрээний өөр ямар ч номыг] нинжин сэтгэлт Бурхан, харууссан зүрх сэтгэлийг эдгээгч, дарлагдсан болон гачигдсан хүмүүсийн Аврагчид хандсан залбирлын дууллын хувийн өнгө аяс, утга агуулга, тоо хэмжээ, чанартай харьцуулах аргагүй юм. Тийм учраас Дуулал ном нь Христийн шашинтнууд, иудейчүүд аль алиных нь бараг адил биширдэг Библийн нэг бичвэр байж болох юм. Мөн шүлгүүдээс нь тайтгарлыг олж, итгэл найдвартаа урам зориг олж авдаг өөр итгэл үнэмшилтэй юм уу огт шашин шүтдэггүй хүмүүсийг ч дурдах нь илүүц биз. (For Times of Trouble: Spiritual Solace from the Psalms [2012], 7–8)

Аврагч эдгээр дууллыг хэрхэн ашигласан байж болох вэ?

Далын гишүүнээр үйлчилж байхдаа ахлагч Мэррилл Ж.Бэйтман ийн заасан.

Хэрэв та нар Сүүлчийн зоогт уригдсан бол манай дууллын номоос ямар ямар дууллыг дуулах нь зүйтэй байсан бэ? …

Тэр орой олон дууллыг эгшиглүүлсэн байх. Матай Их Эзэн, мөн Түүний төлөөлөгчид Чидуны уул руу явахынхаа өмнө сүүлчийн зоогийг дууллаар өндөрлөсөн гэж бичсэн байдаг (Мат. 26:30-ийг үзнэ үү). Тэд юу дуулсан бэ? Хэдийгээр бидэнд төгсгөлийн дууллыг мэдэх арга байхгүй ч бид нэг дууг мэддэг. Үүнийг Hallel гэж нэрлэдэг ба Дуулал 113–118 бүлгээс бүрддэг билээ. Христийн үеэс өнөөг хүртэл иудей гэр бүлүүд Алгасал баярын зоог дээр болон Дуулал 115–118-ыг дуулахаас өмнө Дуулал 113–114-ийг дуулдаг уламжлалтай. …

Хэрэв та хүсвэл дэлхийн Аврагч шавь нартайгаа хамт эдгээр дууллыг дуулж байна гээд төсөөлөөд үз дээ. Энэ дуулал нь тэр оройн болон маргааш нь болсон үйл явдлуудыг урьдчилан сануулсан юм. Иудейн шашны бүх гишүүн эдгээр үйл ажиллагаанд оролцсон. Тэд эдгээр дууллыг цээжлэх үүрэг хүлээсэн. Тэд утгыг нь ойлгосон. (“The Power of Hymns,” Ensign, July 2001, 17, 18)

Би дууллын еврей хэл дээрх яруу найргийн талаар хаанаас илүү ихийг олж мэдэж болох вэ?

Enrichment Section G: Hebrew Literary Styles

Хуучин Гэрээний шүлэг, яруу найргийг унших

Хуучин Гэрээний шүлэг, яруу найргийн тухай ойлголт

Нэмэлт суралцах үйл ажиллагаа

Дуу хөгжмийн хүч

Орчин үеийн дууллын үг, хөгжим ч дууллын адил Тэнгэрлэг Эцэгээ болон Есүс Христийг хайрлах хайр, хүндэтгэлийн илэрхийлэл болж, Тэдний тухай Сүнсний гэрчлэлийг урьж болно. Хүндэтгэлтэй дуу хөгжим хэрхэн хүчирхэг хэрэгсэл болдгийг ойлгоход нь суралцагчдад туслахын тулд Тэнгэрлэг Эцэг, Есүс Христ хоёрыг гэрчлэхэд Ариун Сүнсийг урьж, “Nearer, My God, to Thee” (3:30) зэрэг Аврагчийн амьдралын тухай видеог үзүүл. Эхлээд видеоны 30 секундийг дуугүй тоглуул. Дараа нь видео бичлэгийг дуутай нь эсвэл өөр нэг сонгосон ариун дуу хөгжимтэй зэрэг тоглуул. Хөгжим ямар өөрчлөлт авчирсан талаар хуваалцахад суралцагчдыг урь.

3:30

Орчин үеийн дуулалд дурдагдсан дууллууд

Орчин үеийн дууллууд Дуулал номын шүлгийг хэрхэн ашигладгийг харах нь суралцагчдад тустай байж болох юм. Та дараахаас бүгдийг нь эсвэл заримыг нь хуваалцаж болно. Дуулал номын хэсгүүд нь дагалдах дуулал дахь захиаснуудад хэрхэн нөлөөлсөн байж болох талаар харьцуулахад суралцагчдыг урь.

Дуулал 8:3–9; 9:1–2. “How Great Thou Art”

Дуулал 26:8. “Таны өргөөнд бид хайртай”

Дуулал 27:1. “Эзэн бол гэрэл”

Дуулал 33:1–6; 95:1–6. “Энэ дэлхийн үзэсгэлэн”

Дуулал 37:3–9. “Be Still, My Soul”

Дуулал 148. “All Creatures of Our God and King”

Дуулал 150. “Бүхнийг Чадагч, Их Эзэнийг магтъя”

(Жич: 102-р хичээл нь “Эзэн миний Хоньчин” дууллыг сүнслэгээр өдөөсөн Дуулал 23 дээр төвлөрнө.)

Суралцагчдад Дуулал болон шүлгийг харьцуулах боломж гарсны дараа цөөн суралцагчийг олж мэдсэн зүйлээ хуваалцахад урь.

Акростик шүлэг бичих

Та еврей хэлний нэг төрлийн яруу найргийн талаар ойлгоход нь суралцагчдад туслахын тулд тэднийг акростик яруу найрагтай танилцуулж болно. Суралцагчдыг судлах тэмдэглэлийнхээ нэг хуудас дээр “Есүс” гэдэг үгийг мөр бүрд нэг үсгээр бичихэд урь.

Дараа нь өнөөдөр Дуулал номыг судалж байхдаа Аврагчийн тухай сурч мэдсэн зүйлээ илэрхийлсэн дээрх үсэг бүрээр эхэлсэн нэг өгүүлбэр бичихэд суралцагчдыг урь.

“Sacrament” гэдэг үгийг ашигласан акростик шүлгийн жишээг “Fun with Hebrew”-ээс олж болно.