Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал 23: “ЭЗЭН бол миний Хоньчин”

“Дуулал 23: ‘ЭЗЭН бол миний Хоньчин,’” Хуучин Гэрээний семинарын багшийн гарын авлага (2026)

“Дуулал 23: ‘ЭЗЭН бол миний Хоньчин,’” Хуучин Гэрээний семинарын багшийн гарын авлага

Дуулал 1–2; 8; 19–33; 40; 46: 102-р хичээл

Дуулал 23

“ЭЗЭН бол миний Хоньчин”

A lamb drinking water from the cupped hands of Jesus Christ.

Судрын хэсгүүд дэх дүрслэл, харьцуулалтыг түр зогсоод зураглан төсөөлөх нь бидний уншсан үгсэд гоо үзэсгэлэн, хүч чадлыг авчирдаг. Дуулал 23-т Давид хаан Есүс Христтэй харилцах харилцаагаа Аврагчийн хайр, халамжийг харуулсан олон дүр зургаар дүрсэлсэн. Энэ хичээл судрын дүр зургийг төсөөлөн бодох замаар Христийн зөөлөн, хайраар дүүрэн зан байдлыг мэдрэхэд суралцагчдад тусална.

Суралцагчийн бэлтгэл: Өдөр бүр харж байгаа зүйлс нь тэдэнд Аврагчийг хэрхэн сануулдаг талаар тунгаан бодоход суралцагчдыг урь. Жишээлбэл: “Бороо надад Аврагчийг сануулдаг, учир нь …” Дараа нь тэднийг Дуулал 23-ыг уншаад, Аврагчтай эсвэл Аврагчийн бидний төлөө хийдэг зүйлтэй Давидын хийсэн харьцуулалтаас таалагдсанаа сонгоход урь.

Боломжит суралцах үйл ажиллагаа

Судрын дүр зургийг төсөөлөн бодох нь

Судрын дүр зургаас суралцах дадлага хийхэд суралцагчдад туслахын тулд гашуудаж байгаа, бүжиглэж байгаа хоёр хүний зургийг үзүүлж хичээлээ эхлүүл. Дараа нь гашуудлын тухай бодох үед ямар бодол, мэдрэмж төрж байгааг нь суралцагчдаасаа асуу. Суралцагчид нулимс, хэн нэгнийг алдах, өвдөлт, уйтгар гуниг мэдрэх зэрэг зүйлсийг хуваалцаж болно. Бүжиглэж буй хүн дээр мөн ижил асуултыг тавь.

Дуулал 30:11-ийг уншаад, Давид Есүс Христийн хүчийг болон Түүний Цагаатгалыг дүрслэхдээ гашуудаж буй, бүжиглэж буй дүр зургийг хэрхэн ашигласныг олж мэд.

Давид “Уй гашууг минь Та бүжиг болгож эргүүлсэн” хэмээн хэлсэн нь Есүс Христийн талаар юу заалгасныг ойлгоход тань эдгээр дүрслэл хэрхэн тусалж байна вэ?

11-р шүлгийг илүү сайн ойлгохын тулд эдгээр дүрслэлийг ашиглах нь төсөөлөн бодох судлах ур чадварын жишээ болохыг суралцагчдад тайлбарла. Энэ судлах чадварын тухай дараах тайлбарыг уншихад нэг суралцагчийг урь.

Төсөөлөн бодох нь судрууд дахь дэлгэрэнгүй тайлбараас оюун санааны дүр зургийг бий болгодог судлах чадвар юм. Бид сударт өгүүлсэн үйл явдалд оролцож байгаа мэтээр төсөөлж чадна. Бид уншихаа түр зогсоод “Уй гашууг минь Та бүжиг болгож эргүүлсэн” (Дуулал 30:11) гэх мэт хэллэгүүдийг төсөөлж болно. Дараагийн алхам бол дүрслэлээсээ юу сурч мэдэж болох талаар тунгаан бодох явдал юм. Ингэснээр бид түр зогсож, оюун ухаан, зүрх сэтгэлээрээ ойлгохыг эрэлхийлэн тунгаан бодох үед Ариун Сүнсийг урьж чадна.

Дараах асуултуудыг эргэцүүлэн бод.

Судраас судалж байгаа зүйлээ зураглан төсөөлөхийн тулд та нар хэр ойр ойрхон түр зогсон тунгаан боддог вэ?
Уншсан зүйлээ зураглан төсөөлөн бодохын тулд түр азнаж тунгаан бодох нь Аврагчийг илүү сайн мэдэхэд тань хэрхэн туслах вэ?

Өнөөдөр Дуулал 23 дахь тодорхойлолтуудыг зураглан төсөөлөх үедээ Есүс Христийн тухай суралцахад тань туслах Ариун Сүнсний өдөөлтөд анхаарлаа хандуул.

“Их Эзэн бол миний Хоньчин”

Хичээлийн энэ хэсэг нь бие даан туршиж үзэхээсээ өмнө ангиараа төсөөлөн бодох дадлага хийх боломжийг суралцагчдад олгоно.

Дуулал 23:1-ийг уншаад, Есүс Христийг дүрслэхэд ашигласан дүрслэлийг цохон тэмдэглэ.

Аврагчийн тухай илүү ихийг сурч мэдэхэд нь суралцагчдад туслахын тулд та Езекиел 34:11–16 эсвэл Иохан 10:11–15-ыг уншихдаа эсвэл ангиараа “Сэтгэлээсээ хайрладаг Хоньчин” (Дуулал, 117) дууллыг дуулж байхдаа Түүнийг бидний Хоньчин хэмээн зураглан төсөөлөхөд тэднийг урьж болно. Тэд мөн эдгээр судрын хэсгүүдийг Дуулал 23:1-тэй холбон судалж болно.

Хоньчин хонио хариулж яваа юм уу хамгаалж байгаагаар төсөөлөх юм уу зураглан бодоход нэг минут гарга.

Дараа нь Есүс Христийг Өөрийн Хоньчин гэж зураглан төсөөлсөн төсөөллөөсөө сурч мэдсэн Түүний тухай нэг мэдэгдэл бич.

Энэ хичээлийн эхэнд харуулсан шиг Есүс Христийг хоньчноор дүрсэлсэн зургийг самбар дээр үзүүл. Түүний тухай үнэний талаарх мэдэгдлээ самбар дээр зургийн эргэн тойронд бичихэд цөөн суралцагчийг урь. Суралцагчид Их Эзэн миний хэрэгцээнд санаа тавьдаг гэх мэт мэдэгдлийг хуваалцаж болно.

Есүс Христ та нарын амьдралд болон та нарын эргэн тойрон дахь хүмүүсийн амьдралд хэрхэн хоньчин байсаар ирсэн бэ?

Есүс Христийг таньж мэдэх нь

Бие даан эсвэл жижиг бүлгээр зураглан төсөөлөх дадлага хийснээр Аврагчийг илүү сайн таньж мэдэх боломжийг суралцагчдад олго. Дараах үйл ажиллагаа нь үүнийг хийх нэг арга зам юм. Эхлэхээс өмнө суралцагч бүрд хоосон цаас өг. Та мөн суралцагчдад зураг зурахдаа ашиглаж болох харандаа эсвэл маркер өгч болно.

Дуулал 23:2–6-г судал. Дараа нь энэ үйл ажиллагааны үлдсэн хэсэгт анхаарлаа төвлөрүүлэхээр онцгой санагдсан нэг шүлгийг сонго.
Сонгож авсан шүлэгтээ Давид хааны Есүс Христийн шинж чанарыг эсвэл Түүний бидний төлөө хийдэг ямар нэг зүйлийг дүрслэхдээ ашигласан дүрслэлийг зураглан төсөөл. Зураглан төсөөлж байгаа зүйлийнхээ зургийг зур эсвэл та нарын санаандаа дүрсэлж байгаа дүрслэлийг илэрхийлэх дижитал зураг ол.
Давидын тодорхойлолтыг зураглан төсөөлсөн төсөөллөөсөө сурч мэдсэн Аврагчийн тухай үнэний мэдэгдэл дор хаяж нэгийг цаасан дээрээ бич.
Энэ нь та нарт яагаад чухал болох эсвэл энэ нь Тэнгэрлэг Эцэг, Есүс Христ хоёртой харилцах та нарын харилцааг хэрхэн хүчирхэгжүүлэх талаар тунгаан бодох (эсвэл бүлгийнхэнтэйгээ ярилцах) замаар олж мэдсэн зүйлээ өөрийн болго.

Суралцагчдыг тунгаан бодож эсвэл ярилцаж байх зуур тэднээс суралцаж, тусламж хэрэгтэй хүмүүст туслахын тулд тэдний дундуур явж болно. Хэрэв суралцагчдад дүр зургийг төсөөлөхөд хэцүү байвал та тэдэнд “Тогтоол усны дэргэд байхад ямар мэдрэмж төрдөг вэ?” эсвэл “Түүний саваа, таяг юуг төлөөлж байна гэж бодож байна вэ?” гэх мэт асуулт тавьж болно. Түүнээс гадна суралцагчдын зурсан зураг эсвэл ойлголтыг магтах нь тэднийг урамшуулан дэмжиж, тэдэнтэй харилцах харилцаагаа хүчирхэгжүүлэх сайхан арга зам байж болно.

Суралцагчид Их Эзэн ядарсан бас гэмтсэн амин сэтгэлийг сэргээдэг (3-р шүлэг) эсвэл Их Эзэн биднийг бүр хүнд хэцүү үед ч гэсэн тэтгэх болно (5-р шүлэг) гэх мэт Аврагчийн тухай үнэний мэдэгдлийг бичиж болно.

Суралцагчдыг энэ үйл ажиллагааг хийж дууссаны дараа Есүс Христийн талаар сурч мэдсэн зүйлээ хуваалцахад урь. Ингэхийн тулд тэд зургуудаа ангийн эргэн тойронд тавьж, сурч мэдсэн зүйлээ бусад суралцагчид эсвэл бусад бүлэгтэй хуваалцаж эсвэл самбар дээр нэмж болно. Суралцагчдыг хуваалцаж дуусахад дараахтай адил асуултуудыг тавь.

Хэрэв та нар Дуулал 23 дахь дүрслэлийг зураглан төсөөлөхийн тулд түр азнаж бодоогүй байсан бол Есүс Христийн талаар мэдэхгүй өнгөрөөж болох байсан ямар нэг зүйл байна уу? Хэрэв тийм бол тэр нь юу вэ?
Эдгээр зураглалын аль нь та нарт Есүс Христийн зөөлөн, хайраар дүүрэн зан чанарыг харахад тусалж байна вэ? Яагаад?

Та Аврагчийг үргэлжлүүлэн илүү сайн мэдэхийн тулд судар судлахдаа дүрслэн бодох чадвараа ашиглахад суралцагчдыг урамшуулан дэмжсэнээр дуусгаж болно. Дуулал 23-т заасан Есүс Христийн тухай үнэнүүдийн талаар гэрчлэлээ хуваалц.

Нэмэлт эх сурвалж

Есүс Христийг хоньчинтой зүйрлэсэн нь бусдад хэрхэн үйлчлэх талаар надад юу зааж байна вэ (Дуулал 23:1)?

Ерөнхийлөгч Рассэлл М.Нэлсон ийн заасан.

Сайн Хоньчин сүргийнхээ бүх хонийг хайраар харж ханддаг ба бид Түүний жинхэнэ туслах хоньчид юм. Бид бол Аврагчийн биднээс хүссэний адил найз нөхөд, хөршүүдээ хооллож, хариулж, халамжлах замаар Түүний хайран дээр өөрсдийнхөө хайрыг нэмэн хуваалцах аз завшаантай хүмүүс билээ” (“Shepherds, Lambs, and Home Teachers,” Ensign, Aug. 1994, 19)

Арван хоёр төлөөлөгчийн чуулгын ахлагч Гэррит В.Гонг ийн тайлбарласан.

15:19

Ах, эгч нар аа, Сайн Хоньчин маань Өөрийн дуу хоолой, Өөрийн нэрээр биднийг дууддаг. Тэрээр Өөрийн хүмүүсийг эрж хайн, цуглуулж, тэдэн дээр очдог. Тэрээр амьд бошиглогчдоороо мөн бидний хүн нэг бүрээр дамжуулан бүх хүнийг Өөрийн сэргээгдсэн сайн мэдээний бүрэн байдалд амар амгалан, зорилго, эдгэрэл, баяр баясгаланг мөн гэрээт замыг олохыг урьдаг. Жишээлбэл: Тэр Израилын хоньчдод Өөрийнх нь хайраар тохинуулахыг заадаг. (“Бурханы Хурга, Сайн Хоньчин,” 2019 оны 4-р сарын Ерөнхий чуулган, 118)

Аврагч амин сэтгэлийг минь сэргээдэг гэдэг нь юу гэсэн утгатай байж болох вэ (Дуулал 23:3)?

Хүүхдийн хэсгийн ерөнхий ерөнхийлөгчийн зөвлөлийн 2-р зөвлөх асан Кристина Б.Франко эгч ийн хэлсэн.

9:36

Бид Есүс Христэд итгэх итгэлээ үйлдэл болгож, наманчилж, гэрээнүүд байгуулан, тэдгээрийг сахиснаар Түүнд ирвэл бидний шарх, мөн үүний үндэс нь юу ч байлаа гэсэн эдгэрэх боломжтой. Аврагчийн эдгээгч хүчийг бидний амьдралд авчирдаг энэ үйл явц зүгээр л биднийг өмнө нь ямар байснаар маань бус, харин бүр хавьгүй илүү сайн болгодог. Аврагч Есүс Христээр дамжуулан бид бүгд засагдан, бүтэн болж, зорилгоо биелүүлж чадна гэдгийг би мэднэ. (“Есүс Христийн Эдгээгч хүч,” 2020 оны 10-р сарын Ерөнхий чуулган, 67)

Хоньчины саваа ба таягаас (Дуулал 23:4) бид юу сурч мэдэж болох вэ?

Арван хоёр төлөөлөгчийн чуулгын ахлагч Жэффри Р.Холланд ийн заасан.

Эрт цагт хоньчны авч явдаг цорын ганц хэрэгсэл нь саваа, мөн таяг байв. Саваа нь өөрийгөө болон сүргийг халдагчаас хамгаалахад ашигладаг богино, бат бөх, цохиуртай адил зэвсэг байв. Саваа нь үүнийг хэрхэн ашиглахаа мэддэг хүчирхэг хоньчны гарт байгаа хүч ба чадлыг илэрхийлэх ёстой. …

Таяг нь хавчигдсан хонийг аврахад ашигладаг илүү урт, хөнгөн бөгөөд үзүүртээ дэгээтэй (эсвэл муруй) байв. Таяг нь саваанаас илүүтэйгээр хоньчныг болон түүний сонор сэрэмжтэй харуулыг дүрсэлсэн урлагийн бүтээл, үлгэр домгийн аль алинтай нь холбоотой. … Таягийн талаарх бүх зүйл аюулгүй байдал ба халамжийн тухай өгүүлдэг. Энэ бол авралыг болон гэтэлгэлийг харуулсан агуу судрын зэмсэг юм.

Амьдралд бидэнд хамгаалалт, аврал хэрэгтэй. Нэг талаараа бид эмзэг байдаг. Заналхийлсэн мөргөлдөөнд ч бай, ердийн хэвшмэл байдалд ч бай Бурханы сонор сэрэмж биднийг адисалж, хамгаалдаг. Тайвшруулал минь Таны саваа, Таны таяг билээ. (For Times of Trouble: Spiritual Solace from the Psalms [2012], 217–18)

Нэмэлт суралцах үйл ажиллагаа

Хичээлийг эхлүүлэх өөр хувилбар

Хэрэв танай суралцагчид Дуулал 30:11 дэх гашуудал, бүжиг зэргийн дүр зургуудаас өөр дүрслэлийг зураглан төсөөлбөл илүү сайн холбогдоно гэж бодож байвал та өөр өөр судрын хэсгийг болон Аврагчийн зургуудыг ашиглан дээрх үйл ажиллагааг хийж чадна. Суралцагчидтай хамгийн сайн холбогдож болох зургийг сонго. Дуулал номын шүлгээс авсан хэд хэдэн санааг энд харуулав:

“ЭЗЭН миний гэрэл” (Дуулал 27:1)
“Та миний хоргодох газар” (Дуулал 32:7)
“Ганцхан Тэр л миний хад” (Дуулал 62:2)
“Учир нь ЭЗЭН Бурхан нар бөгөөд бамбай юм” (Дуулал 84:11)

Судруудыг өөр хэн нэгнийг бодон судлах нь

Зураглан төсөөлөхийн оронд та амьдралдаа ямар нэгэн хэцүү зүйлийг туулж яваа өөрсдийн таньдаг хэн нэгний талаар бодон Дуулал 23:1–6-г судлахад суралцагчдыг урьж болно. Судалсныхаа дараа суралцагчид уг хүнд урам хайрласан зурвас эсвэл тэмдэглэл бичих замаар Аврагчийн тухай сурч мэдсэн зүйлээ хуваалцаж болно.

Үүнээс гадна та Бурхан өөрсдийг нь хайрладаг гэж боддоггүй эсвэл ирээдүйдээ эргэлзэж байгаа хүн гэх зэрэг холбогдох гурав эсвэл дөрвөн жишээг суралцагчдад өгч болно. Тухайн жишээн дээрх хүнийг бодон Дуулал 23:1–6-г судлахад суралцагчдыг урь. Суралцагчид тухайн жишээн дээрх хүнд тусалж болох олж мэдсэн зүйлээ нэг нэгэнтэйгээ хуваалцаж болно.

Дуу хөгжмийг ашиглах нь

Ариун нандин дуу хөгжмөөр дамжуулан Сүнсийг урихын тулд “Эзэн миний Хоньчин” дууллын үгийг уншихад суралцагчдыг урь. Дуулал 23:1–6-г илүү сайн ойлгоход нь тэдэнд дуулал хэрхэн тусалдаг талаар ярилцаж болно. Дараа нь 2021 онд болсон Сүмийн хөгжмийн фестивалиас “Эзэн миний хоньчин” (4:54) арга хэмжээг үзүүл. Дараа нь суралцагчдад Аврагчийн талаарх мэдрэмж, мөн гэрчлэлээ хуваалцах зай үлдээгээрэй.

4:54