Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Дуулал номын удиртгал, 2-р хэсэг: Их Эзэнийг шүтэн биширч, Ариун нэрийг нь магтах нь

“Дуулал номын удиртгал, 2-р хэсэг: Их Эзэнийг шүтэн биширч, Ариун нэрийг нь магтах нь,” Хуучин Гэрээний семинарын багшийн гарын авлага (2026)

“Дуулал номын удиртгал, 2-р хэсэг: Их Эзэнийг шүтэн биширч, Ариун нэрийг нь магтах нь,” Хуучин Гэрээний семинарын багшийн гарын авлага

Дуулал 1–2; 8; 19–33; 40; 46: 101-р хичээл

Дуулал номын удиртгал, 2-р хэсэг

Их Эзэнийг шүтэн биширч, Ариун нэрийг нь магтах нь

Photos taken of David A. Bednar during his visit to Africa South East area in October & November 2013.Youth Devotional held in Durban, South Africa. Some youth singing in the congregation. Similar outtakes, also some exterior shots of the chapel.

Тэнгэрлэг Эцэг, Есүс Христ хоёрыг шүтэн бишрэх нэг арга зам бол Тэднийг хайрлах хайраа болон үнэнч байдлаа илэрхийлэх явдал юм. Дуулал номын ихэнх хэсэг нь магтаал, гуйлт, залбирлаар Эцэг, Хүү хоёрыг шүтэн бишрэх яруу найргийн жишээ болдог. Энэ хичээл Тэнгэрлэг Эцэг, Есүс Христ хоёрыг шүтэн бишрэх мэдрэмжээ илэрхийлэхэд суралцагчдад тусална.

Суралцагчийн бэлтгэл: Тэнгэрлэг Эцэг, Есүс Христ хоёрын тухай бодол санаа, мэдрэмжээ мөн энэ хичээлээр эдгээр мэдрэмжээ хуваалцахад бэлтгэх ариун нандин зүйлсийн талаар эргэцүүлэн бодох боломжтой байх болно гэдгийг суралцагчдад мэдэгд. Хүндэтгэлтэй хөгжим сонсож, дуртай судар, эшлэл эсвэл ариун нандин зургуудыг үзэхдээ хуваалцаж болох тодорхой зүйлсийг олж харахад суралцагчдыг урамшуулан дэмж. Ингэснээр энэ хичээлийн үйл ажиллагаанд зориулан тэдний зүрх сэтгэл, оюун ухааныг бэлтгэж чадна.

Боломжит суралцах үйл ажиллагаа

Бурханыг шүтэн бишрэх нь

Тэмдэглэл: Энэ хичээлийн төгсгөл дэх үйл ажиллагаа нь 112-р хичээл: “Суралцахуйгаа үнэлэх нь 7” хичээлийн эргэцүүлэн бодох хэсэг болно. Хичээлийн үеэр уг үйл ажиллагааг хийж эхлэх хангалттай цагийг суралцагчдад гаргаж өг.

Хичээлийг эхлүүлэхдээ суралцагчдад дараах асуултын талаар тунгаан бодох цаг гаргаж өг.

“Бурханыг шүтэн бишрэх” гэдэг нь та нарын хувьд юу гэсэн үг вэ?

Тэргүүлэх бишопын зөвлөлд үйлчилж байсан ахлагч Дийн М.Дэйвийс дараахыг заахдаа Бурханыг шүтэн бишрэх зарим арга замыг хуваалцсан юм.

Бид Бурханыг шүтэн бишрэхдээ хайраар, даруу төлөв, хүндэтгэлтэй ханддаг. Бид Түүнийг өөрсдийн сүр жавхлант эзэн хаан, дэлхий ертөнцийг Бүтээгч, бидний хайрт, хязгааргүй хайраар дүүрэн Эцэг хэмээн хүлээн зөвшөөрдөг.

Бид Түүнийг хүндэтгэн дээдэлдэг.

Бид Түүнд захирагддаг.

Бид хүчит залбирлууддаа зүрх сэтгэлээ уудалж, Түүний үгсийг нандигнан, ач ивээлд нь баясаж, чин үнэнчээр дагахаа амладаг. (“Шүтлэг бишрэлийн адислал,” 2016 оны 10-р сарын Ерөнхий чуулган, 86)

Та нар сүмд, ариун сүмд, семинарт зүгээр л очих, Бурханыг шүтэн бишрэхээр очих хоёрын ялгааг хэрхэн тайлбарлах вэ?

Хүмүүсийн Тэнгэрлэг Эцэг, Есүс Христ хоёрыг шүтэн бишрэх мэдрэмжээ илэрхийлсэн, танд таалагддаг арга замуудаас нэг юм уу хоёрыг суралцагчидтай товчхон хуваалц. Жишээ нь, яруу найраг, видео бичлэг, урлагийн бүтээл, уран бичлэг эсвэл нандин дуу хөгжим гэх зэрэг байж болно. Та өөрөө бичсэн эсвэл бүтээсэн зүйлсээ оруулж болно. Тэнгэрлэг Эцэг, Есүс Христ хоёрыг шүтэн бишрэх мэдрэмжээ илэрхийлэх олон арга зам байдаг гэдгийг суралцагчдад тайлбарла.

Тэнгэрлэг Эцэг, Есүс Христ хоёрыг шүтэн бишрэх мэдрэмжээ хэрхэн илэрхийлж болох талаараа эргэцүүлэн бодоход суралцагчдыг урамшуулан дэмж. Хичээлийн туршид яг одоо Тэнгэрлэг Эцэг, Есүс Христ хоёртой ямар нэг байдлаар холбогдож чадаагүй байж болох суралцагчдад анхаарал болгоомжтой, мэдрэмтгий хандаарай.

Судлах тэмдэглэл дээрээ дараах асуултуудаас нэг юм уу хэд хэдийг нь сонгоод хариул. Та нар ахлагч Дэйвийсийн захиаснаас эсвэл өөрийн үгээр санаа бодлоо нэгтгэн дүгнэж болно.

Та нар Тэнгэрлэг Эцэг, Есүс Христ хоёрын тухай, мөн ариун нандин зүйлсийн талаар юу гэж боддог вэ?
Та нар Тэнгэрлэг Эцэг, Есүс Христ хоёрт эсвэл сүнслэг адислалуудад хайр, хүндлэл, хүндэтгэл бишрэлээ хэрхэн хамгийн сайнаар илэрхийлэх вэ?

Өнөөдөр хичээлийн төгсгөлд та нар өөрсдийн мэдрэмжийн илэрхийллээ бүтээж эхлэх болно. Судалж байхдаа үүнийг санаарай. Сурч, мэдэрч байгаа зүйлээ хэрхэн илэрхийлэхээ бод. Хичээл зүтгэлдээ тусламж хүсэж Ариун Сүнсийг урь.

Дуулалд Их Эзэнийг шүтэн бишрэх нь

Олон дуулал нь зохиогчийн ариун бодол, мэдрэмж, итгэл найдвар, хүсэл эрмэлзлийг яруу найраг, залбиралтайгаар илэрхийлсэн илэрхийлэл юм. Олон сударт Их Эзэний бидэнд хандан хэлсэн үгсийг цэдэглэсэн байдаг бол дуулал нь зохиогчийн Түүнд хандсан үгсийг олонтоо тусгадаг. Дуулал 18:1–6-г уншаад, Их Эзэний талаар өөрийнхөө мэдрэмжийг илэрхийлэхдээ ашигласан Давидын үг, хэллэгийг олж мэд.

Олж тогтоосон үг, хэллэгээ самбар дээр бичихэд суралцагчдыг урь. Суралцагчид хэд хэдэн өөр хэллэгийг тодорхойлж болох юм. Жишээлбэл:

Хүч минь болдог ЭЗЭН (1-р шүлэг).
ЭЗЭН бол миний хад, цайз, аврагч, Бурхан, хоргодох хад, бамбай, авралын эвэр, бэхлэлт юм (2-р шүлэг).
Магтуулах зохистой ЭЗЭН (3-р шүлэг).
Их Эзэн Өөрт нь хандах бидний хашхирааныг сонсдог (6-р шүлэг).

Үг хэллэг бичсэн суралцагчид яагаад Давид уншигчдаа Их Эзэний тухай эдгээр зүйлийг мэдээсэй хэмээн хүссэн байж болох талаар хуваалцаж болно. Их Эзэн эдгээр үүргийг хэрхэн тэдний амьдралд биелүүлснийг суралцагчдаас асууж болно.

Хамтрагчтайгаа хамт судлахаар дараах судрын хэсгүүдээс аль нэгийг нь сонгоход суралцагчдыг урь. Тэднийг ойр ойрхон түр зогсож, бодол санаа, мэдрэмжээ нэг нэгэнтэйгээ хуваалцахад урамшуулан дэмж.

Эдгээр дуулал нь Их Эзэний талаарх мэдрэмжээ хуваалцах олон арга замыг харуулдаг. Дараах судрын хэсгүүдээс нэгийг нь удаан судалж, Их Эзэний талаарх та нарын мэдрэмжийг харуулсан үг хэллэгүүдийг цохон тэмдэглэ.

Дуулал 8:1–9

Дуулал 27:1–9

Дуулал 30:1–12

Дуулал 46:1–11

Шүтлэг бишрэлийн мэдрэмжээ илэрхийлэх

Суралцагчдад Тэнгэрлэг Эцэг, Есүс Христ хоёрын талаар ямар бодолтой байдгаа харуулсан ямар нэгэн зүйл бүтээж эхлэхэд хичээлийн үлдсэн цагийг өг. Суралцагчдынхаа хэрэгцээг дүгнэж, дараах сонголтуудын заримыг эсвэл бүгдийг нь үзүүл.

Та өөрсдийн мэдрэмжийг дүрслэн үзүүлэхийг хүссэн суралцагчдад цаас, өнгийн харандаа, маркер гэх мэт уран зургийн хэрэгсэл өгч болно.

Энэ нь бие даан гүйцэтгэх төсөл учраас та ангиар тойрон явж, шаардлагатай бол тусламж, удирдамж, урам дэм өгч болно. Тохиромжтой бол энэ үйл ажиллагааны үеэр намуухан, нандин дуу хөгжим тоглуул.

Энэ нь Их Эзэний талаарх бодол, мэдрэмжээ олохыг хичээж байгаа суралцагчдад таны хайр, итгэлийг илэрхийлэхэд тусалж болох юм. 6-р үйл ажиллагаа нь итгэлийнхээ талаар эргэлзэж байгаа суралцагчдад зөв сонголт байж болно.

Тэнгэрлэг Эцэг, Есүс Христийн хоёрын тухай болон ариун нандин зүйлсийн талаарх бодол санаа, мэдрэмжээ илэрхийлэхэд цаг гарга. Дараах сонголтуудаас нэгийг нь сонго эсвэл өөрөө нэгийг зохио. Өнөөдөр хичээл дээрээ хийж буй зүйлээ дуусгаж амжихгүй байж болох ч дуу, шүлэг зохиож эсвэл уран зураг юм уу видеоны ерөнхий зохиомжийг гаргахаар эхлүүлж болно. Хичээлээс гадуур бүтээж буй зүйл дээрээ үргэлжлүүлэн ажиллаж болно. Дуулал номоос утга учиртай гэж үзсэн нэг судраа багтаахаар сонгож болох юм.

Тэнгэрлэг Эцэг, Есүс Христ хоёрын тухай өөрийн мэдрэмжийг илэрхийлсэн шүлэг эсвэл дуу зохио.
Тэнгэрлэг Эцэг, Есүс Христ хоёрын тухай сэтгэгдлээ хуваалцсан видео эсвэл аудио бичлэг хий. Видео бичлэгт Gospel Library-аас авсан дуртай ариун нандин зургуудаа оруулж болно.
Дуулал номыг зохиогчид Аврагчийг өөрсдөд нь ямар утга учиртайг харуулахын тулд өөр зүйлтэй олонтоо зүйрлэсэн. Жишээ нь “ЭЗЭН бол миний хад, миний цайз” (Дуулал 18:2), “ЭЗЭН миний гэрэл” (Дуулал 27:1) гэх зэрэг орно. Их Эзэний талаар ямар бодолтой байдгийг тань илэрхийлж болох өөрийнхөө амьдралд байдаг зүйлсийн жагсаалтыг гарга.
Тэнгэрлэг Эцэг, Есүс Христ хоёрын талаарх мэдрэмжээ харуулсан зураг, уран зураг, мийм, дижитал зураг эсвэл бусад урлагийн бүтээлийг туурви.
Хэд хэдэн ариун нандин зураг хайн олж, зургийн цуглуулга хий. Тэнгэрлэг Эцэг, Есүс Христ хоёрын тухай мөн та нарын хувьд чухал гэгдэх сайн мэдээний талаарх зүйлсийг төлөөлөх зургийг сонго. Зураг бүрд бодол санаа, мэдрэмжээ нэгтгэн дүгнэсэн тэмдэглэл бич.
Тэнгэрлэг Эцэг, Есүс Христ хоёрын талаарх бодлоо бич. Тэдний талаарх та нарын үзэл бодолд нөлөөлсөн туршлагаасаа хуваалцаж болох юм.

Та өнөөдөр бүтээсэн зүйлээ хуваалцах боломжийг суралцагчдад олгож болно. Суралцагчдыг бүтээлээ хийж дууссаны дараа дараагийн хичээлүүд дээр бүтээлээ хуваалцах цагийг гаргаж болно. Суралцагчдыг дараагийн хэдэн хичээлээр Есүс Христийн талаар үргэлжлүүлэн суралцахдаа хийж бүтээж байгаа зүйл дээрээ нэмж хийхэд урих талаар бодож үз. 112-р хичээл: “Суралцахуйгаа үнэлэх нь 7” хичээл дээр энэхүү бүтээл хийсэн туршлагаа эргэцүүлэн бодох болно гэдгийг суралцагчдад хэл.

Нэмэлт эх сурвалж

Бурханыг шүтэн биширнэ гэдэг нь юу гэсэн үг вэ?

Бурханыг шүтэн биширнэ гэдэг нь Түүнд өөрсдийн хайр, хүндэтгэл, үйлчлэлийг болон бүхнээ зориулахыг хэлнэ. Бурхан Мосед “Бурханыг шүт, учир нь чи гагцхүү түүнд үйлчлэх ёстой” (Мосе 1:15) хэмээн зарлигласан. “Чи Их Эзэн Бурханаа бүх зүрх сэтгэлээрээ, өөрийн бүх чадавх, оюун ухаан болон хүч чадлаараа хайрлах ёстой; мөн Есүс Христийн нэрээр чи түүнд үйлчлэх ёстой” (Сургаал ба Гэрээнүүд 59:5) хэмээн мөн зарлигласан. Шүтэн бишрэх нь бидний Бурханыг хайрлах хайр, үнэнч байдлыг маань харуулаад зогсохгүй Түүний зарлигуудыг дагах хүчийг бидэнд өгдөг. Шүтлэг бишрэлээр дамжуулан бидний мэдлэг, итгэлтэй байдал өсөн нэмэгддэг. (Gospel Topics, “Worship,” Gospel Library)

Ариун нандин дуу хөгжим бидэнд Их Эзэнийг шүтэн бишрэхэд хэрхэн тусалж чадах вэ?

Арван хоёр төлөөлөгчийн чуулгын ахлагч Дэвид А.Бэднар ийн тайлбарласан.

Би “Бат бөх суурь” дууллыг дуулах дуртай. Дэлхий дээр надаас илүү аймаар дуулдаг хүн байхгүй. Гэвч сэтгэл хөдөлгөм дуу хөгжим, дууллын үгс нийлээд ач ивээл, Аврагчийн Цагаатгалын хүчирхэгжүүлэгч хүчний талаар хүчирхэг арга замаар суралцахад надад тусалдаг. Миний хамгийн дуртай дууллууд сэргээлтэд төвлөрч, сургаалын хүчирхэг хичээлүүдийг заадаг. Эдгээр захиасанд та нар дууны ая, үгийн аль алинаар нь “Түүнийг сонсож” чадна. Миний хувьд дуу хөгжим нь ихэвчлэн Их Эзэний дуу хоолойг дамжуулах суваг болдог. (“‘Hear Him’ in Your Heart and in Your Mind,” Inspiration [blog], Apr. 21, 2020, ChurchofJesusChrist.org)

Тэргүүн зөвлөлийн ерөнхийлөгч Даллин Х.Өүкс ийн хэлсэн.

Ариун нандин дуу хөгжим нь Их Эзэнийг хайрлах бидний хайрын мэдрэмжийг илэрхийлэх онцгой чадвартай. Энэ төрлийн харилцаа нь шүтлэг бишрэлийн маань салшгүй дэмжлэг билээ. Олон хүнд шүтлэг бишрэлийн мэдрэмжээ үгээр илэрхийлэхэд хэцүү байдаг ч бүгд эдгээр мэдрэмжийг сүмийн дуулалдаа сүнслэгээр өдөөгдсөн үгсээр дамжуулан хуваалцахад нэгдэж болно. (“Worship through Music,” Ensign, 1994 оны 11-р сар, 10)

Далын гишүүнээр үйлчилж байхдаа ахлагч Мэррилл Ж.Бэйтман ийн хуваалцсан.

Сүмийн дуулал бол шүтэн бишрэхийн нэг хэлбэр бөгөөд талархлын залбирал, амлалтын илэрхийлэл болдог. Олон сүмийн дуулал гэгээнтнүүдийн эв нэгдлийг бий болгож, хамтын нийгмийг бүтээдэг. Тэдгээр нь цуглаануудад болон бидний амьдралд Сүнсийг урьж, сургаалыг заадаг. Дууллууд нь ихэвчлэн гэрчлэлийг илэрхийлдэг бөгөөд бүр хамгаалалтын нэг хэлбэр, тайтгарал, эдгэрэлтийн эх сурвалж ч байж болно. (“The Power of Hymns,” Ensign, July 2001, 15–16)

Нэмэлт суралцах үйл ажиллагаа

Дуулал 8

Ангийнхан Дуулал 8-ыг Их Эзэний бүтээлийн гоо үзэсгэлэнд хөөрөн баясаж, Түүнийг шүтэн бишрэхийн жишээ болгон давтан үзэж болно. Дуулал 8:1–9-ийг уншихад суралцагчдыг урь. Дараа нь “How Great Thou Art” дууллыг унших юм уу дуул.

Дуулал ном болон дууллаас Их Эзэн бол …гэсэн үнэнийг гүйцээхэд суралцагчдыг урь.

Суралцагчид эдгээр үгийг судалж байхдаа сурч мэдсэн мөн мэдэрсэн зүйлээ хуваалцаж болно. Тэд байгалийн сайханд байхдаа Их Эзэнтэй ойр байгаагаа мэдэрсэн туршлагаасаа хуваалцаж болно.

Зүрх сэтгэлийн илэрхийлэл

Хүмүүсийн шүтлэг бишрэлээ илэрхийлдэг арга замуудын талаар ярилцахдаа та “The Remarkable Power of Music” видеоноос сонгож авсан хэсгийг үзүүлж болно. Ариун сүмийн талбай дахь Табэрнэклын найрал дуучдын удирдагчаар үйлчилж байсан Крэг Жессоп дараах дууллуудын түүхийг хуваалцжээ. Тайлбарыг мөн оруулав.

“It Is Well with My Soul” (цагийн код 2:20-оос 08:25 хүртэл)

41:17
“Amazing Grace” (цагийн код 08:52-оос 14:33 хүртэл)

41:17
“O Come, O Come, Emmanuel” (цагийн код 14:34-өөс 20:38 хүртэл)

41:17
“Savior, Redeemer of My Soul” (цагийн код 35:31-ээс 41:00 хүртэл)

41:17

Судрын бусад ном дахь дууллууд

Судрын бусад номоос үнэнч итгэлтэй эмэгтэйчүүд, эрэгтэйчүүдийн бичсэн дууллыг судлах нь суралцагчдад тустай байж болох юм. Та дараах судрын хэсгүүдийг хуваалцаж болно. Суралцагчдыг нэгийг сонгож судлахад урь.

Ханна: 1 Самуел 2:1–10
Мариа: Лук 1:46–55
Нифай: 2 Нифай 4:16–25
Нифай: 2 Нифай 4:26–35
Аммон: Алма 26:8–20

Суралцагчид зохиогчийн хуваалцсан хүсэл, мэдрэмж, бодлыг олж мэдэж болно. Суралцагчид уншсаныхаа дараа олж мэдсэн зүйлээ өөр дуулал судалсан хамтрагчтайгаа хуваалцаж болно.