Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Salamo 24: “Iza no hiakatra any an-tendrombohitr’i Jehovah?”

“Salamo 24: ‘Iza no hiakatra any an-tendrombohitr’i Jehovah,’” Testamenta Taloha: Boky torolalana ho an’ny mpampianatra seminera (2026)

“Salamo 24: ‘Iza no hiakatra any an-tendrombohitr’i Jehovah,’” Testamenta Taloha: Boky torolalana ho an’ny mpampianatra seminera

Salamo 1–2; 8; 19–33; 40; 46: Lesona 103

Salamo 24

“Iza no hiakatra any an-tendrombohitr’i Jehovah?”

Ny tempoly dia toerana masina izay madio sy tsisy pentina. Afaka manampy antsika izy ireny haka sary an-tsaina hoe tahaka ny ahoana izany eo anatrehan’ny Tompo izany. Ao amin’ny Salamo 24, i Davida Mpanjaka dia manasa antsika hiezaka ny ho madio sy mendrika ara-panahy mba hahafahantsika miditra ny tempolin’ny Tompo sy ny fanatrehany indray andro any. Ity lesona ity dia afaka manampy ireo mpianatra hiomana hiditra amim-pahamendrehana ny tempoly ary hitoetra eo anatrehan’ny Ray any An-danitra sy i Jesoa Kristy.

Fiomanan’ny mpianatra: Asao ny mpianatra hamerina hijery ireo fanontaniana momba ny fahazoan-dalana mankany amin’ny tempoly, hieritreritra ny fiomanan’izy ireo ara-panahy manokana ho any amin’ny tempoly. Ireo fanontaniana ireo dia hita ao amin’ny tovana ao amin’ny Ho zatovo mahery!: Torolalana amin’ny fanaovana safidy [2022].

Ireo sahanasa fianarana azo atao

Maloto sa madio?

Mba hanomanana ny mpianatra handalina ny Salamo 24, dia hevero ny hampiseho ny sarin’ny zatovo mihoso-potaka iray.

Azonao atao ihany koa ny mitondra fotaka ao anaty lovia baolina iray ary manasa mpianatra vitsivitsy hanao ny tanany ao anatin’izany. Avy eo dia ampifanaraho amin’ny zavatra tsapan’ny mpianatra ny fanontaniana etsy ambany.

Oviana no fotoana farany nampihosim-potaka na nampaloto anao? Inona no zavatra tsapanao tamin’izany?

Hevero ny hampiseho ny sarin’ny tempoly ao anatiny.

Raha toa ka tsy mbola tany amin’ny tempoly ny mpianatrao dia hevero ny hanamboatra ity fanontaniana manaraka ity mba hanontaniana ny fihevitr’izy ireo izay tsapany rehefa ao anatin’ny tempoly.

Belem Brazil Temple interiors. An interior image of the temple featuring the Celestial Room. There are chairs and a chandelier hanging.

Ahoana no fahatsapanao rehefa miditra ny tempoly ianao?

Hevero ny hampiseho ny sarin’ilay zatovo mihoso-potaka eo akaikin’ilay sarina tempoly.
Inona no mety ho tsapanao raha toa ka mihoso-potaka ianao no miditra ao amin’ny tempoly? Nahoana?
Inona avy ireo lesona ara-panahy azontsika ianarana avy amin’izany?

Saintsaino ny zavatra mety ho tsapanao raha toa ka mijoro eo anatrehan’ny Ray any An-danitra sy i Jesoa Kristy ianao nefa mihoso-potaka sy maloto ara-panahy. Avy eo dia saintsaino ny zavatra mety ho tsapanao raha mijoro eo anatrehan’Izy Ireo rehefa avy nodiovina tamin’ny alalan’ny Sorompanavotan’i Jesoa Kristy.

Valio ao anatin’ny diary fandalinanao ireto fanontaniana manaraka ireto:

Amin’ny fomba ahoana no manan-danja aminao ny fahamendrehana hiditra ny tempoly? Nahoana?
Amin’ny fomba ahoana no mana-danja aminao ny hoe mitoetra miaraka amin’ny Ray any An-danitra sy i Jesoa Kristy izany indray andro any? Nahoana?

Mikatsaha fitarihana avy amin’ny Fanahy Masina mba hanampiana anao hamafantatra ny zavatra tian’ny Tompo hataonao mba ho mendrika ny hitsaoka Azy any amin’ny tempoly ary ny hiditra eo anatrehany sy eo anatrehan’ny Ray any An-danitra indray andro any.

“Tendrombohitr’i Jehovah”

Mba hanombohana ny fandalinana ny Salamo 24, dia hevero ny hanao sarina tendrombohitra tsotsotra eny amin’ny solaitrabe. Afaka manao sary tahak’izany ao amin’ny diary fandalinany ihany koa ny mpianatra. Vakio na fintino ny andiam-pehezan-teny etsy ambany.

2026 Old Testament Seminary Teacher Materials

Ao amin’ny Salamo 24, i Davida Mpanjaka dia nampiasa sarina havoana iray. Ny andinin-tsoratra masina sasany dia mampiasa tendrombohitra na havoana ho tandindon’ny tempoly (jereo ny Isaia 2:2–3). Azo eritreretina fa i Davida dia niresaka momba ny tempoly, na ny fanatrehan’ Andriamanitra, na izy roa.

Mety tianao asina sarina tempoly tsotsotra eo an-tampon’ilay tendrombohitra miaraka amin’ny teny hoe Ray any An-danitra sy Jesoa Kristy. Azonao atao ny manao sarin’olona tsotsotra eo ambanin’ilay havoana izay maneho antsika.

Vakio ny Salamo 24:3–6, dia tadiavo ny fiomanana tokony hataontsika mba hidirana ny tempoly sy hiverenana eo anatrehan’ny Tompo indray andro any.

Ny Salamo 24:3–4 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Rehefa avy mamaky ireo andininy ireo ny mpianatra dia mety hanana fanontaniana momba ny sasany amin’ireo teny na andian-teny izy ireo. Asao ny mpianatra hametraka izay fanontaniana mety hananan’izy ireo na ny olona iray amin’ny ankapobeny rehefa mamaky io andinin-tsoratra masina io izy ireo. Raha manampy dia hazavao fa ny hoe “zava-poana” dia entina ilazana ny fieboeboana na ny fireharehana. Ilay andian-teny hoe “na mianiana hamitaka” dia mety hilazana ny fahamarinan-toetra amin’ny tena manokana sy amin’ny hafa ary amin’ Andriamanitra.

Hevero ny hanoratra ny valintenin’ireo mpianatra amin’ity fanontaniana manaraka ity eny amin’ny solaitrabe miaraka amin’ny sisin’ilay havoana. Ny hiafaran’ilay sary dia tokony hitovy amin’ny sary etsy ambany.

Inona no nianaranao avy tamin’ireo andininy ireo mikasika ny fiomanana hiditra ny tempoly sy ny fiverenana eo anatrehan’ny Tompo indray andro any?

Rehefa mizara ny zavatra hitany ao amin’ny andininy 3–6 ny mpianatra dia ampio izy ireo hamantatra ity fahamarinana manaraka ity: Tsy maintsy miomana ara-panahy isika hitsaoka ny Tompo ao amin’ny tempoliny sy hitoetra eo anatrehany.

Nahoana araka ny eritreritrao no mila vonona ara-panahy isika hiditra ny tempolin’ny Tompo ary hiafara eo anatrehany?
Nahoana no porofom-pitiavany ho antsika ny fitakian’i Tompo antsika mba ho vonona ara-panahy?

Fiomanana ara-panahy

Hevero ny hanome ireto torolalana manaraka ireto sy hanasa ny mpianatra hamita izany samirery ao amin’ny diary fandalinany na miaraka amin’ny namana iray.

Misafidiana iray amin’ireto andian-teny avy ao amin’ny Salamo 24:4 manaraka ireto izay tianao hianarana misimisy kokoa.

madio tanana
mahitsy (madio) fo
tsy manandratra ny fanahiny ho amin’ny zava-poana (fanetrentena)
na mianiana hamitaka (fahamarinan-toetra)

Mitadiava soratra masina na fanambarana avy amin’ireo mpitarika ao amin’ny Fiangonana izay manampy anao hahatakatra misimisy kokoa ilay andian-teny. Avy eo dia valio ireto fanontaniana manaraka ireto:

Nahoana araka ny eritreritrao no zava-dehibe ity ampahany amin’ny fiomanana hitsaoka any amin’ny tempoly ity sy ny miara-mitoetra amin’ny Ray any An-danitra sy i Jesoa Kristy indray andro any?
Inona avy ireo fomba manokana azon’ny zatovon’ny Olomasin’ny Andro Farany atao amin’ny lafiny fiomanana io?
Inona no tianao hozaraina momba ny Mpamonjy amin’ny namana iray izay manana olana amin’izany lafiny fiomanana izany?

Raha mila fanampiana ny mpianatra, dia omeo andinin-tsoratra masina tahaka ireto manaraka ireto izy ireto:

tanana madio (Fotopampianarana sy Fanekempihavanana 88:86)
mahitsy (madio) fo (Môzià 5:2)
tsy nanandratra ny fanahiny ho amin’ny lainga (Fotopampianarana sy Fanekempihavanana 112:10)
Na mianiana hamitakaa (Almà27:27)

Azonao atao ny mitarika azy ireo any amin’ny Topical Guide, na Torolalana ho an’ny Soratra Masina, na ny Bibliothèhe de l’Évangile.

Azonao atao ihany koa ny manome ny teny nambaran’ny Loholona Bednar ao amin’ny loharanom-pitaovana fanampiny amin’ity lesona ity.

Asao ny mpianatra hizara ny zavatra nianarany amin’ny mpianatra iray hafa na mpiara-miasa iray hafa izay nandalina andian-teny hafa. Azonao atao avy eo ny mangataka mpianatra vitsivitsy hizara amin’ny iray kilasy.

Ny fiomanako manokana

Diniho ny fomba ataonao amin’ny fiomananao ara-panahy. Saintsaino ny zavatra tsapanao momba izay mahafaly ny Ray any An-danitra sy ireo lafiny azonao hatsaraina.

Valio ao anatin’ny diary fandalinanao ireto fanontaniana manaraka ireto.

Inona no tsapanao fa tian’ny Ray any An-danitra hataonao mba hanomanana ny tenanao ho any amin’ny tempoly sy hiara-hiaina Aminy indray andro any?
Ahoana no ahafahanao miantehitra amin’ny fanampian’i Mpamonjy?

Hevero ny hizara ny fijoroana ho vavolombelona anananao momba ireo fahamarinana nianaran’ny mpianatra. Omeo toky ny mpianatra ny amin’ny fahafahan’ny Mpamonjy manadio sy manampy azy ireo. Azonao atao ny mizara ireto fanambarana ireto hamaranana ny lesona.

Nizara an’izao manaraka izao ny Filoha Henry B. Eyring ao amin’ny Fiadidiana Voalohany:

ny faniriako ho anareo sy ireo havan-tianareo dia hitomboanareo ao amin’ny faniriana sy ny fahavononana ho mendrika ny handeha any amin’ny tranon’ny Tompo matetika araka izay tratranareo.

Te handray anareo ao Izy. (“Mahita ny tempoly no mahafinaritra ahy,” Liahona, mey 2021, 31)

Fanaovana tsianjery

Azonao atao ny manampy ireo mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nianarana ity lesona ity, ary mamerin mijery izany mandritra ireo lesona hafa any aoriana any. Ny andian-teny manan-danja ao amin’ny Soratra Masina ho an’ny Salamo 24:3–4 dia ny hoe “Iza no hitoetra eo amin’ny fitoerany masina? Izay madio tanana sy mahitsy fo.” Hita ao amin’ny votoatin’ny tovana etsy ambanin’ny “Sahanasa famerenana ny fifehezana fotopampianarana” ireo hevitra hanaovana ny sahanasa fitadidiana.

Loharanom-pitaovana fanampiny

Inona no dikan’ny hoe “madio tanana sy mahitsy fo” (Salamo 24:4)?

Nanazava toy izao ny Loholona David A. Bednar ao amin’ny Kôlejin’ny Apôstôly Roambinifolo:

14:33

Mamelà ahy hilaza fa ny tanana dia voadio amin’ny alalan’ny dingan’ny fanesorana ny maha-olona araka ny nofo sy amin’ny alalan’ny fandresena ny fahotana sy ny fitaoman-dratsy eo amin’ny fiainantsika, amin’ny alalan’ny Sorompanavotan’ny Mpamonjy. Voadio ny fo rehefa mandray ny heriny manatanjaka hanao ny tsara sy ho tonga tsara kokoa isika. Ny faniriana tsara rehetra ananantsika sy ny asa tsara rehetra ataontsika, na dia ilaina tahaka ny inona aza, dia tsy afaka miteraka tanana madio sy fo mahitsy na oviana na oviana. Ny Sorompanavotan’i Jesoa Kristy no sady manome hery manadio sy manavotra izay manampy antsika handresy ny fahotana no sady manome hery manamasina sy mampahery izay manampy antsika ho tonga tsaratsara kokoa noho izay azontsika atao amin’ny alalan’ny fianteherana amin’ny herin’ny tenantsika fotsiny ihany. Ilay Sorompanavotana tsy misy fetra dia sady natao ho an’ilay mpanota no natao ho an’ilay olomasina izay ao anatintsika tsirairay avy. (“Clean Hands and a Pure Heart,” Liahona, nôv. 2007, 82)

Inona no fitahiana mety ho azoko amin’ny fandehanana am-pahamendrehana any amin’ny tempoly?

Nampianatra izao ny Filoha Henry B. Eyring ao amin’ny Fiadidiana Voalohany:

16:22

Raha toa izaho na ianao ka tsy madio tsara rehefa mankany amin’ny tempoly, dia tsy ho afaka ny hahita ny fampianarana ara-panahy mikasika ny Mpamonjy, izay raisintsika any amin’ ny tempoly amin’ny alalan’ny herin’ny Fanahy Masina.

Rehefa mendrika ny handray izany fampianarana izany isika dia afaka hitombo amin’ny alalan’ny traikefantsika ao amin’ny tempoly ny fanantenana sy ny fifaliana ary ny fananana fijery tsara mandritra ny androm-piainantsika. Izany fanantenana sy fifaliana ary fijery tsara izany dia tsy ho azontsika raha tsy amin’ny alalan’ireo ôrdônansy tanterahina ao amin’ny tempoly masina irery ihany. Ao amin’ny tempoly no ahafahantsika mahazo antoka ny amin’ny fifandraisan’ny fianakaviana mifono fitiavana izay hitohy aorian’ny fahafatesana sy haharitra mandrakizay. (“Mahita ny tempoly no mahafinaritra ahy,” Liahona, mey 2021, 30)

Ahoana raha mahatsapa ho kely fanantenana aho ny ho mendrika satria manohy manao ireo fahadisoana fanaoko?

Ny Rahalahy Bradley R. Wilcox ao amin’ny Fiadidian’ny Zatovolahy maneran-tany dia nilaza hoe:

10:52

Hoy ny Loholona Dieter F. Uchtdorf: “Andriamanitra dia tsy mitady olona tsy manana fahalemena. Mitady ireo izay vonona hanolotra ‘fo sy saina marisika izy’ [Fotopampianarana sy Fanekempihavanana 64:34], ary izy ireo dia hataony ‘tanteraka ao amin’i Kristy’ [Môrônia 10:32–33].” … Tsy loka fotsiny ho an’ireo izay mendrika ny fahasoavany. “Fanampiana masina” izay omeny ka manampy antsika ho lasa mendrika izany. Tsy valisoa fotsiny ho an’ny olo-marina izany. “Fanafiana tanjaka” omeny ka manampy antsika ho lasa olo-marina izany. Tsy hoe mandeha mankany amin’ Andriamanitra sy i Kristy fotsiny isika. Miaraka mandeha amin’ Izy Ireo isika. (“Ny fahamendrehana dia tsy midika hoe tsy fisiana kilema,” Liahona, nôv. 2021, 67)

Sahanasa fianarana fanampiny

Fomba hafa hanombohana

Ho fomba hafa azo hanombohana ny lesona dia hevero ny hizara ireto rafi-tantara roa manaraka ireto.

Sarotsarotiny amin’ny tenany manokana i Samy. Mahatsapa izy fa mila tonga lafatra vao afaka miditra ny tempoly na hoe mila ankasitrahan’ny Ray any An-danitra sy i Jesoa Kristy.
Tsy mihevitra i Josoa fa tena zava-dehibe ny hoe mendrika ny hiditra ny tempoly na hiomana hihaona amin’ Andriamanitra. Mahatsapa izy fa satria tia azy Andriamanitra dia hanaiky azy izy na inona na inona ataony, na manao ahoana na manao ahoana ny fibebahany na tsia.

Afaka misafidy rafi-tantara iray ny mpianatra. Rehefa mandalina ny Salamo 24 izy ireo dia afaka mitady fahamarinana sy torohevitra azon’izy ireo zaraina amin’ilay zatovolahy ao amin’ilay rafi-tantara nosafidiny izy ireo.

Fanontaniana momba ny fahazoan-dalana hidirana ny tempoly

Mba hanampiana ny mpianatrao hisaintsaina ny fiomanany manokana ara-panahy dia zarao ity andiam-pehezanteny ity mikasika ireo fanontaniana momba ny fahazoan-dalana hidirana ny tempoly ao amin’ny Ho zatovo mahery!: Torolalana amin’ny fanaovana safidy [2022]:

Fomba iray hanombanana ny fandrosoanao eo amin’ny lalan’ny fanekempihavanana ny misaintsaina ireto fanontaniana eto ambany ireto. Ireo no fanontaniana apetraka rehefa manao tafa sy dinika hahazoana fahazoan-dalana hidirana ny tempoly ianao, kanefa aza miandry tafa sy dinika. Ataovy ny fanombanana ny fahasalaman’ny fanahinao manokana. (Ho zatovo mahery: Torolalana amin’ny fanaovana safidy [2022], 36)

Avy eo dia azonao atao ny manasa ny mpianatra hanao fanaraha-maso ara-panahy manokana amin’ny alalan’ny famerenana ireo fanontaniana momba ny fahazoan-dalana hidirana ny tempoly izay hita ao amin’ny “Fanontaniana momba ny fahazoan-dalana hidirana ny tempoly ho an’ny zatovo.”

Fanantenana ao amin’i Kristy (Salamo 24:7–10)

Raha mahazo tombony ny mpianatrao amin’ny fifanakalozan-kevitra momba ny fanantenana dia azonao atao ny mandalina ny Salamo 24:7–10 ao amin’ny Dikantenin’ny Baiboly nataon’i Joseph Smith. Azon’ny mpianatra atao aloha ny mitanisa ireo lafin-javatra mahakivy eto amin’izao tontolo izao ankehitriny, toy ny fitomboan’ny herisetra na ny faharavan’ny fianakaviana. Avy eo dia hazavao fa ny DJS, Salamo 24:7–10 dia afaka manome fanantenana amin’ny andro farany.

Asao ny mpianatra hamaky ny DJS, Salamo 24:7–10, ka hitady hoe impiry izy ireo no mahita ny andian-teny hoe manandratra ny lohanao. Angataho izy ireo hizara ny fahatsapany momba ny hevitr’io andian-teny io.

Avy eo dia asao ny mpianatra hamaky indray ny DJS, Salamo 24:7–10 ka hitady ireo antony ahafahantsika manana fanantenana amin’izao andro farany izao.

Ahoana no hanampian’ireo andian-teny ireo anao “hanandratra ny lohanao” (DJS, Salamo 24:7–10) amin’ny fanantenana, na dia eo aza ireo olana amin’izao andro izao?