Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Salamo 23: “Jehovah no Mpiandry ahy”

“Salamo 23: -Jehovah no Mpiandry ahy,-” Testamenta Taloha: Boky torolalana ho an’ny mpampianatra seminera (2026)

“Salamo 23: -Jehovah no Mpiandry ahy,-” Testamenta Taloha: Boky torolalana ho an’ny mpampianatra seminera

Salamo 1–2; 8; 19–33; 40; 46: Lesona 102

Salamo 23

“Jehovah no Mpiandry ahy”

A lamb drinking water from the cupped hands of Jesus Christ.

Ny fiatoana mba hakana sary an-tsaina ireo famaritana sy fampitahana ao amin’ireo andalan-tsoratra masina dia afaka mitondra hatsarana sy hery amin’ireo teny vakiantsika. Ao amin’ny Salamo 23, i Davida Mpanjaka dia namariparitra ny fifandraisany amin’i Jesoa Kristy tamin’ny alalan’ny andiana sary izay maneho ny fitiavana sy ny fiahian’ny Mpamonjy. Ity lesona ity dia manampy ny mpianatra hahatsapa ny toetra malefaka sy feno fitiavana ananan’i Kristy amin’ny alalan’ny fakana sary an-tsaina ireo kisaritsary ara-tsoratra masina.

Fanomanana ny mpianatra: Asao ny mpianatra hisaintsaina ny fomba mampatsiahy azy ireo ny Mpamonjy amin’ny alalan’ny zavatra hitany isan’andro. Ohatra, “Ny orana dia mampahatsiahy ahy ny Mpamonjy satria …”. Avy eo dia asao izy ireo hamaky ny Salamo 23 ary hisafidy izay fampitahana nataon’i Davida tamin’ny Mpamonjy na ny zavatra ataon’ny Mpamonjy ho antsika.

Ireo sahanasa fianarana azo atao

Fakana sary an-tsaina ireo kisaritsary ara-tsoratra masina

Mba hanampiana ny mpianatra hanao fanazarana handalina avy amin’ny kisary ao amin’ny soratra masina, dia hevero ny manomboka ny fotoam-pianarana amin’ny alalan’ny fampisehoana sarin’olona misaona sy sarin’olona mandihy. Avy eo dia anontanio ny mpianatrao hoe inona no eritreritra na fahatsapana tonga ao an-tsaina rehefa mieritreritra ny hoe misaona izy ireo. Mety hizara zavatra toy ny ranomaso, na fahalasan’olona iray, na fahoriana, na alahelo ny mpianatra. Avereno ilay fanontaniana momba ilay hoe mandihy.

Vakio ny Salamo 30:11, dia tadiavo ny fomba nampiasan’i Davida ny kisarin’ny fisaonana sy ny fandihizana mba hamaritana ny herin’i Jesoa Kristy sy ny Sorompanavotany.

Ahoana no hanampian’ireo kisary ireo anao hahatakatra ny zavatra nampianarina an’i Davida momba an’i Jesoa Kristy rehefa niteny izy hoe: “Efa nampody ny fisaonako ho fandihizana Hianao”?

Hazavao amin’ny mpianatra fa ny fampiasana ireo kisary ireo mba hahatakarana bebe kokoa ny andininy 11 dia ohatra iray amin’ny fahaiza-manao enti-mandalina ny hoe maka sary an-tsaina. Hevero ny hanasa mpianatra iray hamaky ity famaritana manaraka ity momba io fahaiza-mandalina io.

Ny fakana sary an-tsaina dia fahaiza-mandalina izay miteraka sary ara-tsaina avy amin’ny famariparitana ireo antsipiriany ao amin’ny soratra masina. Afaka maka sary an-tsaina ny tenanantsika isika manatrika ireo zava-niseho voasoritsoritra ao amin’ny soratra masina. Afaka miato kely isika ary maka sary ireo andian-teny toy ny hoe “Efa nampody ny fisaonako ho fandihizana Hianao” (Salamo 30:11). Ny dingana manaraka dia ny fisaintsainana ny zavatra azontsika ianarana avy amin’ireo kisary. Ny fanaovana izany dia afaka manasa ny Fanahy Masina rehefa miato sy misaina kely isika ary mikatsaka ny hahatakatra amin’ny fo sy ny saina.

Diniho ireto fanontaniana manaraka ireto.

Impiry ianao no miato sy misaina kely mba haka sary an-tsaina ny zavatra halalininao ao amin’ny soratra masina?
Ahoana araka ny eritreritrao no ahafahan’ny fiatoana sy fisainana kely mba haka sary an-tsaina ny zavatra vakinao manampy anao hahafantatra bebe kokoa ny Mpamonjy?

Mifantoha amin’ny bitsiky ny Fanahy Masina mba hanampy anao hianatra momba an’i Jesoa Kristy rehefa maka sary an-tsaina ireo famaritana ao amin’ny Salamo 23 ianao anio.

“Jehovah no Mpiandry ahy”

Ity fizarana amin’ny lesona ity dia manome fahafahana ny mpianatra hiara-hizatra haka sary an-tsaina miaraka amin’ny iray kilasy alohan’ny hanandramany izany samirery.

Vakio ny Salamo 23:1 ary asio marika ilay kisary ampiasaina mba hamaritana an’i Jesoa Kristy.

Mba hanampiana ny mpianatra hianatra misimisy kokoa momba ny Mpamonjy dia azonao atao ny manasa azy ireo haka sary an-tsaina Azy ho mpiandry ondry eo am-pamakian’izy ireo ny Ezekiela 34:11–16 na ny Jaona 10:11–15, na rehefa mihira ny “Au Berger elles sont chères” (Cantiques, no. 142) ny mpianatra. Azon’izy ireo atao ihany koa ny mampifandray na mampifandrohy ireo andalana ireo amin’ny Salamo 23:1.

Makà iray minitra hiezahana hakana sary an-tsaina mpiandry ondry iray miahy na miaro ny ondriny.

Avy eo dia manorata fanambarana iray momba an’i Jesoa Kristy izay nianaranao avy amin’ny fakana sary an-tsaina Azy ho mpiandry ondry.

Hevero ny haneho sarin’i Jesoa Kristy eny amin’ny solaitrabe izay maneho Azy ho mpiandry ondry tahaka ilay iray any am-pandohan’ny lesona. Manasà mpianatra vitsivitsy hanoratra ny fanambaran’izy ireo ny fahamarinana momba Azy eny amin’ny solaitrabe manodidina ilay sary. Mety hizara fanambarana toy izao ny mpianatra: Miahy izay zavatra ilaiko ny Tompo.

Tamin’ny fomba ahoana no naha mpiandry ondry an’i Jesoa Kristy teo amin’ny fiainanao na tamin’ny fiainan’ireo manodidina anao?

Mahafantatra an’i Jesoa Kristy

Hevero ny hanome fahafahana ny mpianatra hamantatra bebe kokoa ny Mpamonjy amin’ny alalan’ny fampiharana ny fakana sary an-tsaina samirery na ao anatina vondrona kely. Fomba iray anaovana izany ity sahanasa manaraka ity. Alohan’ny hanombohan’ny mpianatra dia omeo taratasy fotsy ny mpianatra tsirairay. Azonao atao ihany koa ny manome pensilihazo miloko na marker izay azon’ny mpianatra ampiasaina mba hanaovana sary.

Halalino ny Salamo 23:2–6. Avy eo dia misafidiana andininy iray izay nanaitra anao manokana mba hifantohana amin’ny ambin’ity sahanasa ity.
Alaivo sary an-tsaina ilay kisary nampiasain’i Davida Mpanjaka ao amin’ny andinin-tsoratra masinao mba hamaritana ny toetran’i Jesoa Kristy na ny zavatra ataony ho antsika. Ataovy saryny zavatra alainao sary an-tsaina na mitadiava sary nomerika izay afaka maneho ilay sary ao an-tsainao.
Manorata fanambarana fahamarinana momba ny Mpamonjy iray farafahakeliny ao amin’ny taratasinao izay nianaranao avy tamin’ny fakana sary an-tsaina ny famariparitan’i Davida.
Ataovy miavaka ny zavatra nianaranao amin’ny alalan’ny fisaintsainana (na fifanakalozan-kevitra miaraka amin’ny vondrona misy anao) ny antony maha-manan-danja izany aminao na ny fomba ahafahan’izany manamafy orina ny fifandraisanao amin’ny Ray any An-danitra sy i Jesoa Kristy.

Eo am-panaovan’ny mpianatra izany dia hevero ny handehandeha manerana ny efitrano mba hianarana avy amin’izy ireo sy hanampy ireo izay mety mila fanampiana. Raha sahirana ireo mpianatra amin’ny fakana sary an-tsaina ilay kisary dia azonao atao ny mametraka fanontaniana toy ny hoe: “Toy ny ahoana izany hoe eo amoron’ny rano fialan-tsasatra izany?” na “Maneho inona araka ny eritreritrao ny tsorakazo sy ny tehina?” Ankoatra izany, ny fankasitrahana ny sary nataon’ny mpianatra na ny hevi-baovao hitany dia mety ho fomba tsara hamporisihana azy ireo sy hanamafisana orina ny fifandraisanao amin’izy ireo.

Mety hanoratra fanambarana fahamarinana momba ny Mpamonjy ny mpianatra toy ny hoe: Ny Tompo dia mamerina amin’ny laoniny ireo fanahy trotraka sy ireo fanahy torotoro (andininy 3) na Hamahana antsika ny Tompo na dia mandritra ireo toe-javatra sarotra aza (andininy 5).

Rehefa avy nahavita io sahanasa io ireo mpianatra, dia asao izy ireo hizara ny zavatra nianarany momba an’i Jesoa Kristy. Mba hanaovana izany dia azon’izy ireo atao ny mampiseho ny sariny manerana ny efitrano, mizara ny zavatra nianarany amin’ny mpianatra hafa na amin’ny vondrona hafa, na manampy ny zavatra nianarany eny amin’ny solaitrabe. Hevero ny hametraka fanontaniana tahaka ireto manaraka ireto rehefa avy nizara ny mpianatra.

Moa ve misy zavatra nianaranao momba an’i Jesoa Kristy izay mety tsy ho hitanao raha tsy niato sy nisaina kely ianao mba haka sary an-tsaina ilay kisary ao amin’ny Salamo 23? Raha eny, dia inona?
Iza amin’ireo kisary ireo no manampy anao hahita ilay toetra malefaka sy feno fitiavana ananan’i Jesoa Kristy? Nahoana?

Azonao atao ny mamarana amin’ny alalan’ny famporisihana ireo mpianatra hampiasa ny fakana sary an-tsaina ao anatin’ny fandalinany soratra masina entina hanohizana ny fahafantarana bebe kokoa ny Mpamonjy. Zarao ny fijoroana ho vavolombelona anananao momba ireo fahamarinana momba an’i Jesoa Kristy izay nampianarina ao amin’ny Salamo 23.

Loharanom-pitaovana fanampiny

Inona no ampianarin’ny fahitana an’i Jesoa Kristy ho toy ny mpiandry ondry ahy momba ny fomba hanompoana ny hafa (Salamo 23:1)?

Nampianatra izao ny Filoha Russell M. Nelson:

Mikarakara amim-pitiavana ny ondriny rehetra ny Mpiandry Tsara, ary isika no tena ondriny. Ny andraikitsika dia ny mizara ny fitiavany sy manome ny fitiavantsika ho an’ireo namana sy mpiara-belona—mamahana sy mikarakara ary mikolokolo azy ireo—araka ny ho nangatahin’ny Mpamonjy hataontsika. (“Shepherds, Lambs, and Home Teachers,” Ensign, Aog. 1994, 19)

Nanazava izao ny Loholona Gerrit W. Gong ao amin’ny Kôlejin’ny Apôstôly Roambinifolo:

15:19

Ry rahalahy sy anabavy, miantso antsika amin’ny feony sy amin’ny anarany ny Mpiandry Tsarantsika. Mitady sy manangona ary manatona ny vahoakany Izy. Manasa antsika rehetra amin’ny alalan’ny mpaminaniny velona sy isika tsirairay avy Izy mba hahita fiadanana, tanjona, fahasitranana, ary fifaliana ao amin’ny fahafenoan’ny filazantsarany naverina tamin’ny laoniny eo amin’ny lalan’ny fanekempihavanany. Amin’ny alalan’ny ohatra no ampianarany an’ireo mpiandry ondry ao Isiraely mba hanompo ao amin’ny fitiavany. (“Mpiandry Tsara, Zanakondrin’ Andriamanitra,” Liahona, mey 2019, 100)

Mety ho midika inona amin’ny Mpamonjy ny hoe mamelombelona ny fanahiko (Salamo 23:3)?

Nilaza toy izao Rahavavy Cristina B. Franco, Mpanolotsaina Faharoa tao amin’ny Fiadidian’ny Kilonga maneran-tany:

9:36

Rehefa manatona an’i Jesoa Kristy isika amin’ny alalan’ny fampiharana ny finoana Azy, sy ny fibebahana, ary ny fanaovana sy ny fitandremana fanekempihavanana dia afaka ny hositranina izay zavatra mety ho simba eny amintsika na inona na inona anton’izany. Izany dingana manasa ny herin’ny fanasitranan’ny Mpamonjy eo amin’ny fiainantsika izany dia tsy vitan’ny hoe mamerina amin’ny laoniny fotsiny ihany fa mahatonga antsika ho tsara kokoa noho ny teo aloha. Fantatro fa amin’ny alalan’ny Mpamonjy antsika isika dia afaka ny ho amboarina, hositranina, sy hahatontosa ny tanjontsika tahaka ilay pianô vaovao mamoaka feo kanto. (“Ny hery manasitran’i Jesoa Kristy,” Liahona, nôv. 2020, 61)

Inona no azontsika ianarana avy amin’ny fampiasan’ny mpiandry ondry ny tsorakazo sy ny tehina (Salamo 23:4)?

Nampianatra izao ny Filoha Jeffrey R. Holland ao amin’ny Kôlejin’ny Apôstôly Roambinifolo:

Tsorakazo iray sy tehina iray no hany fitaovana nentin’ny mpiandry ondry iray tamin’ny andro fahiny. Ny tsorakazo dia fohy, mahery (botabota), fitaovam-piadiana toy ny klioba ampiasaina hiarovana ny tena na ny andian’ondry amin’izay miditra an-tsokosoko ao. Izany dia natao mba ho—ary mampiseho—tanjaka sy hery eny an-tanan’ny mpiandry ondry matanjaka iray izay mahalala ny fomba fampiasana izany. …

Ny tehina dia lavalava sy maivana kokoa, matetika misy mifaingoka eny amin’ny tendrony ary nampiasaina mba hanavotana ny ondry mania. Izy io, izay mihoatra ny tsorakazo, dia mifandray amin’ny zavakanto sy ny angano miaraka amin’ny mpiandry ondry sy ny fikarakarany amim-pitandremana. … Ny zavatra rehetra momba ny tehina dia miresaka momba ny fiarovana sy ny fikarakarana. Fitaovana famonjena sy fanavotana lehibe ao amin’ny soratra masina izy io.

Mila fiarovana ary mila fanavotana isika eo amin’ny fiainana. Na ahoana na ahoana dia marefo isika. Na eo amin’ny fifandonana mampatahotra na eo amin’ireo zavatra mahavariana antsika araka ny mahazatra, dia voatahy sy voaron’ny fikarakaran’Andriamanitra amim-pitandremana isika. Mampahery ahy ny tsorakazo sy ny tehinao. (For Times of Trouble: Spiritual Solace from the Psalms [2012], 217–18)

Sahanasa fianarana fanampiny

Fomba hafa hanombohana

Raha mihevitra ianao fa hifandraisana tsara amin’ny mpianatra ny fakana sary an-tsaina kisary hafa ankoatra ny fisaonana sy ny fandihizana ao amin’ny Salamo 30:11, dia azonao atao ihany koa ny manao sahanasa mitovy amin’izany amin’ny fampiasana andinin-tsoratra masina sy sarin’ny Mpamonjy samy hafa. Makà sary iray izay heverinao fa hifandraisana tsara amin’ny mpianatra. Ireto misy hevitra vitsivitsy avy amin’ny andininy ao amin’ny Salamo:

“I Jehovah no Mpiandry ahy” (Salamo 27:1).
“Ianao no fiereko” (Salamo 32:7)
“Izy tokoa no vatolampiko” (Salamo 62:2)
“Fa Masoandro sy Ampinga Jehovah Andriamanitra” (Salamo 84:11)

Mandalina soratra masina miaraka amin’ny olona iray hafa ao an-tsaina

Ho solon’ny fampiasana fakana sary an-tsaina dia azonao atao ny manasa ny mpianatra handalina ny Salamo 23:1–6 eo am-pieritreretana olona iray fantany izay miaina zava-tsarotra eo amin’ny fiainany. Aorian’ny fandalinana dia azon’ny mpianatra atao ny mizara zavatra izay nianarany momba ny Mpamonjy amin’ny alalan’ny fanoratana lahatsoratra mamporisika na fanamarihana ho an’io olona io.

Raha tsy izany dia azonao omena rafi-tantara manan-danja telo na efatra ny mpianatra, toy ny olona iray izay tsy mahatsapa fa tia azy ireo Andriamanitra na matahotra noho ny fisalasalana amin’ny hoaviny. Asao ny mpianatra handalina ny Salamo 23:1–6 miaraka amin’ny fieritreretana ao an-tsainy ilay olona ao anatin’ilay rafi-tantara. Azon’ny mpianatra atao ny mifampizara ny zavatra hitany ka afaka manampy ilay olona ao amin’ilay rafi-tantara.

Fampiasana mozika

Mba hanasana ny Fanahy amin’ny alalan’ny fihirana masina, dia hevero ny hanasa ny mpianatra hamaky ny tonon’ilay fihirana hoe “L’Eternel est mon berger.” Azonareo atao ny mifanakalo hevitra momba ny fomba hanampian’ilay fihirana azy ireo hahatakatra bebe kokoa ny Salamo 23:1–6. Avy eo dia asehoy ity fandrindrana ny “The Lord Is My Shepherd” (4:54) ity avy amin’ny Fetin’ny mozika nataon’ny Fiangonana tamin’ny taona 2021. Aorian’izay dia mamelà fotoana ho an’ny mpianatra mba hizarany ny fahatsapany momba ny Mpamonjy sy ny fijoroana ho vavolombelona ananany.

4:54