Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Samoela 11–12: Tsy afaka manafina ny fahotantsika amin’ny Tompo isika

“2 Samoela 11–12: Tsy afaka manafina ny fahotantsika amin’ny Tompo isika,” Testamenta Taloha: Boky torolalana ho an’ny mpampianatra seminera (2026)

“2 Samoela 11–12: Tsy afaka manafina ny fahotantsika amin’ny Tompo isika,” Testamenta Taloha: Boky torolalana ho an’ny mpampianatra seminera

2 Samoela 11–12; 1 Mpanjaka 3; 6–9; 11: Lesona 77

2 Samoela 11–12

Tsy afaka manafina ny fahotantsika amin’ny Tompo isika

Niaraka tamin’ny Tompo teo anilany, i Davida dia nandresy an’i Goliata, nahazo fandresena tao anatin’ny ady ary lasa mpanjakan’i Isiraely. Na izany aza tao anatin’ilay fikatsahany filana ara-nofo niaraka tamin’i Batseba, dia nanalavitra ny Ray any An-danitra sy an’i Jesoa Kristy izy ary lavo tamin’ny fisandratany (jereo ny Fotopampianarana 132:39). Ity lesona ity dia afaka manampy ny mpianatra hahafantatra fa tsy afaka manafina ny fahotany amin’ny Tompo izy ireo, saingy afaka mitodika any Aminy izy ireo mba handresena ny fakam-panahy.

Fanomanana ny mpianatra: Asao ny mpianatra hanao lisitra ahitana ny sasany amin’ireo lainga ampiasain’i Satana hakana fanahy antsika mba hanota (ohatra, azon’ny mpianatra atao ny mamerina mamaky ny 2 Nefia 28:6–9, 20–22). Avy eo dia asao izy ireo hisaintsaina ny fomba hanampian’ireo fahamarinana ampianarina ao amin’ny filazantsaran’i Jesoa Kristy antsika hitodika any amin’ny Tompo rehefa miatrika fakam-panahy isika.

Sahanasa fianarana azo atao

Ireo fanapahan-kevitra izay mampitodika antsika any amin’ny Tompo na mampanalavitra antsika amin’ny Tompo

A illustration showing two stick figures. one waslking away from Christ, the other, walking towards Christ

Mampisehoa sarin’ny Mpamonjy ahitana zanatsipika mandroso mankeny amin’ilay sary ary zanatsipika mandeha manalavitra an’ilay sary. Asao ny mpianatra hamaly ireto fanontaniana manaraka ireto: Azon’ny mpianatra atao ny manoratra ny valinteniny eo ambanin’ny zanatsipika mifanaraka amin’izany eny amin’ny solaitrabe.

Inona avy ireo zavatra sasantsasany izay asain’ny Tompo mba hataontsika mba hitodihana any Aminy?
Inona avy ireo lainga mety hampiasain’i Satana mba handresena lahatra antsika hanalavitra ny Tompo?

Mety hizara andian-teny isan-karazany toy ireto manaraka ireto ny mpianatra: “Tsy olana izany e!”; “Afaka mibebaka ianao any aoriana”; ary “Tsy mandratra na iza na iza aho.” Soraty ny eny amin’ny solaitrabe ny hoe, Tsy hisy olona hahafantatra izany, raha toa ka tsy lazain’ny mpianatra izany. Ity andiam-pehezan-teny manaraka ity dia fanasana ireo mpianatra mba hampandray anjara ny Fanahy rehefa mieritreritra ireo eritreritra ananany izy ireo rehefa manao hadisoana.

Makà fotoana hanasana ny Fanahy Masina mba hanampy anao hamantatra ireo eritreritra na zavatra atao eo amin’ny fiainanao izay mampitodika anao any amin’ny Ray any An-danitra sy i Jesoa Kristy na mampanalavitra anao amin’Izy ireo. Rehefa mandalina ianao dia tadiavo ireo fahatsapana avy amin’ny Fanahy izay afaka manampy anao hisafidy ny hitodika any amin’Izy Ireo.

Ny fanapahan-kevitra noraisin’i Davida hanalavitra ny Tompo

Asao ny mpianatra hitadidy ireo tantara nohalalinin’izy ireo izay nampiseho fa nitarika sy nanoro lalana an’i Davida ny Tompo. Azonao atao ny mizara fa ilay tantara izay hohalalinin’izy ireo androany dia maneho ny zava-nitranga rehefa nandray fanapahan-kevitra maromaro izay nampanalavitra azy tamin’ny Ray any An-danitra sy i Jesoa Kristy i Davida.

Rehefa mamaky ny andininy tsirairay amin’ireto andian-tsoratra masina manaraka ireto ny mpianatra iray, dia afaka manainga ambony ilay teny hoe Ajanony na manao fihetsika ny mpianatra hafa rehefa hitan’izy ireo fa nandray fanapahan-kevitra izay nampanalavitra azy tamin’ny Tompo i Davida. Isaky ny mijanona ny mpianatra dia afaka mifanakalo hevitra momba ilay fanontaniana etsy ambany izy ireo.

Vakio tsara ny 2 Samoela 11:1–5 ka tadiavo ireo fanapahan-kevitra noraisin’i Davida izay nitarika azy ho any amin’ny lalan-diso.

Inona avy ireo fanapahan-kevitra hitanao?

Asao ny mpianatra hamorona lisitra iray eny amin’ny solaitrabe izay ahitana ireo fanapahan-kevitra noraisin’i Davida ao anatin’ireo andininy ireo ary hanisy marika izany ao amin’ny soratra masiny. Ny tsanganana havia ao amin’ilay tabilao ao amin’ity lesona ity dia ahitana ohatra momba ireo zavatra mety ho hitan’ny mpianatra.

Miatrika fakam-panahy daholo isika rehetra izay ilaintsika toherina. Noho ny fahafantarana izany dia nanome toky mahery vaika ny Tompo ao amin’ny 1 Korintiana 10:13. Vakio ity andininy ity ka tadiavo ny fanampiana nampanantenain’ny Tompo antsika.

Inona no hitanao?

Ity sahanasa manaraka ity dia fomba iray hanampiana ny mpianatra mba hahita fa na dia eo anatrehana fakam-panahy tahaka ireo natrehan’i Davida aza dia nanome fampianarana izay afaka manampy antsika hisoroka ny fakam-panahy sy hanalavitra ny fahotana ny Tompo. Azonao atao ny mampiseho ireto toromarika manaraka ireto mba harahin’ny mpianatra ao anatina vondrona kely na isam-batan’olona. Azonao atao, izay miankina amin’ny fahaizan’ny mpianatrao, ny mampiseho ireo soratra masina ao amin’ny tsanganana faharoa ary manitsy ilay dingana faharoa ho lasa fangatahana ny mba hamakian’ny mpianatra ny soratra masina na ireo soratra masina fa tsy hitady izany.

Vitao ny zavatra ao anatin’ireto toromarika manaraka ireto:

Misafidiana fanapahan-kevitra iray na maromaro izay noraisin’i Davida ka nitarika azy hanalavitra ny Tompo.
Mitadiava soratra masina iray izay ahitana na maneho ny iray amin’ireo fampianaran’ny Mpamonjy izay afaka manampy antsika hisoroka ny fakam-panahy sy hanalavitra safidy mitovy amin’izany.
Miomàna hizara ny zavatra hitanao.

Fanapahan-kevitra noraisin’i Davida	Fampianaran’ny Mpamonjy sy ireo mpaminaniny
Fanapahan-kevitra noraisin’i Davida 2 Samoela 11:1—Nijanona tany Jerosalema i Davida rehefa nandeha tany amin’ny sahan’ny ady niaraka tamin’ny miaramilany ny mpanjaka.	Fampianaran’ny Mpamonjy sy ireo mpaminaniny Almà 7:22; Fotopampianarana sy Fanekempihavanana 42:42
Fanapahan-kevitra noraisin’i Davida 2 Samoela 11:2—Nahita an’i Batseba teo am-pandroana i Davida ary nanohy nibanjina azy.	Fampianaran’ny Mpamonjy sy ireo mpaminaniny Môzià 4:30; 3 Nefia 12:28–29
Fanapahan-kevitra noraisin’i Davida 2 Samoela 11:3—Nikatsaka ny hiaraka aminy i Davida.	Fampianaran’ny Mpamonjy sy ireo mpaminaniny Fotopampianarana sy Fanekempihavanana 63:16
Fanapahan-kevitra noraisin’i Davida 2 Samoela 11:4—Fantany fa nanambady i Batseba; nampaka azy i Davida ho ao amin’ny lapany.	Fampianaran’ny Mpamonjy sy ireo mpaminaniny Genesisy 39:9
Fanapahan-kevitra noraisin’i Davida 2 Samoela 11:4—Nandika ny lalàn’ny fahadiovam-pitondrantena i Davida.	Fampianaran’ny Mpamonjy sy ireo mpaminaniny Fotopampianarana sy Fanekempihavanana 42:23–25

Inona no zavatra nisarika ny sainao?
Inona no nianaranao mikasika ny Tompo avy tamin’ity sahanasa fandalinana ity?

Mba hamintinana ny 2 Samoela 11:6–13, dia azonao hazavaina fa rehefa fantatr’i Davida fa bevohoka i Batseba, dia nampanantsoiny mba hody avy any an’ady i Oria vadiny. Nandidy an’i Oria i Davida mba hiara-mandry amin’i Batseba mandritra ny alina mba ho hita amin’izay fa tompon’andraikitra tamin’ny fitondran’i Batseba vohoka i Oria.

Vakio ny 2 Samoela 11:14–17, 26–27 ka tadiavo ny zavatra nataon’i Davida rehefa tsy nahomby ilay drafiny mba hanafenana ny fijangajangany.

Inona no eritreritra na fahatsapana nanananao rehefa namaky ireo andininy ireo ianao?

Jereo ilay lisitr’ireo fanapahan-kevitra noraisin’i Davida eny amin’ny solaitrabe ary ampio hoe Niezaka nanafina ny fahotany i Davida.

Hazavao amin’ny mpianatra fa taorian’ny fahafatesan’i Oria dia naniraka an’i Natana mpaminaniny hankany amin’i Davida Mpanjaka ny Tompo. Rehefa mamaky ity fanoharana manaraka ity ny mpianatra, dia azon’izy ireo atao ny maneho an-tsary ilay tantara eny amin’ny solaitrabe na ao amin’ny diary fandalinan’izy ireo.

Vakio ny 2 Samoela 12:1–10 ka tadiavo ny zavatra nolazain’i Natana tamin’i Davida.

Inona no nisarika ny sainao tao amin’io fanoharana io?
Inona avy ireo fahamarinana mety hianaran’ny olona iray avy amin’ny tantaran’i Davida?

Ankoatra ireo fahamarinana hafa mety ho hitan’ny mpianatra dia antitrantero fa tsy afaka manafina ny fahotantsika amin’ Andriamanitra isika.

Azonao atao ny manasa ny mpianatra hampifandray ny 2 Samoela 12:7–9 amin’ny 2 Nefia 9:20 sy ny Almà 39:8.
Nahoana no fitahiana ny tsy fahafahantsika manafina ny fahotantsika amin’ilay Raintsika any An-danitra be fitiavana?
Ahoana no mety hanampian’ny fahatakarana io fahamarinana io antsika hitodika any amin’ny Ray any An-danitra sy i Jesoa Kristy ary hibebaka?

Raha ilaina dia azonao atao ny miresaka momba ny Fotopampianarana sy Fanekempihavanana 132:39 ka mizara fa ny famonoana an’i Oria no fanandramana farany nataon’i Davida mba hanafenana ny fahotany. Noho io fanapahan-kevitra io dia namoy ny fisandratany i Davida. Omeo toky ireo mpianatra fa mbola tia an’i Davida ny Tompo, saingy nisy fitahiana tsy afaka ny ho azon’i Davida vokatry ny fanapahan-keviny.

Afaka mitodika indray any amin’ny Tompo isika

Zarao ny zavatra izay nianaranao

Mba hanampiana ny mpianatra hizara ny fahatakarany ireo fahamarinana nampianarina dia hevero ny hampiasa ilay sary tany am-piandohan’ny fotoam-pianarana. Azonao asaina ny mpianatra hanao sary mitovitovy amin’izany ao amin’ny diary fandalinan’izy ireo. Asehoy ny mpianatra avy eo ireto toromarika ireto mba hovitain’izy ireo ny zavatra ao anatin’izany.

Mifidiana, ao anatin’ny diary fandalinanao, iray amin’ireo fanapahan-kevitra noraisin’i Davida na fakam-panahy iray mety hatrehin’ny zatovo iray amin’izao fotoana izao. Alaivo sary an-tsaina hoe nanoro hevitra olona iray nieritreritra ny handray izany fanapahan-kevitra izany ianao. Misafidiana safidy roa farafahakeliny avy amin’ity lisitra manaraka ity mba hizarana ny zavatra nianaranao.

Famintinana ny zavatra nianaranao androany mikasika ny tsy tokony hanafenana ny fahotana fa ny tokony hitodihana kosa any amin’ny Ray any An-danitra sy i Jesoa Kristy.
Andinin-tsoratra masina iray izay maneho ny zavatra nampianarin’ny Mpamonjy sy ireo mpaminaniny momba ny fandresena ilay fakam-panahy nosafidinao.
Zavatra niainanao na niainan’ny olona iray fantatrao izay nanampy anao hitodika any amin’ny Ray any An-danitra sy i Jesoa Kristy rehefa miatrika fakam-panahy ianao.
Fijoroana ho vavolombelona fohy momba ny herin’ny Mpamonjy mba hanampiana antsika handresy ny fakam-panahy sy hibebaka rehefa manota isika.

Hevero ny hamarana ny fotoam-pianarana amin’ny fijoroanao ho vavolombelona fa mahafantatra sy tia tanteraka ireo mpianatra ny Ray any An-danitra sy i Jesoa Kristy. Azonao omena toky ireo mpianatra fa na inona na inona olana atrehantsika dia tia antsika ny Ray any An-danitra sy i Jesoa Kristy ary maniry mafy ny hanampy antsika hibebaka.

Loharanom-pitaovana fanampiny

Ahoana no fomba fijerin’ny Ray any An-danitra sy i Jesoa Kristy ireo fahadisoana nataoko?

Nampianatra ny Loholona Neil L. Andersen ao amin’ny Kôlejin’ny Apôstôly Roambinifolo hoe:

15:18

Rehefa manota isika dia manalavitra an’ Andriamanitra. Rehefa mibebaka isika dia mitodika indray any amin’ Andriamanitra.

Ilay fanasana hibebaka dia mahalana no hoe feo famaizana, fa antso feno fitiavana mihitsy aza izany mba hihodina sy “hitodika indray” any amin’ Andriamanitra. Antso ataon’ilay Ray be fitiavana sy ny Zanany Lahitokana izany mba ho lasa mihoatra kokoa noho ny misy antsika amin’izao isika sy hanatratra fomba fiainana ambony kokoa sy hiova ary hahatsapa ilay fifaliana avy amin’ny fitandremana ireo didy. (Repent … That I May Heal You,” Liahona, nôv. 2009, 40)

Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

14:11

Ry tanora namako malala, raha teto izao ny Mpamonjy dia inona no holazainy aminareo?

Mino aho fa hanomboka amin’ny fanehoana ny fitiavany lalina anareo Izy. Mety hilaza izany amin’ny teny Izy, saingy hirotsaka amin’ny fomba mahery vaika izany, amin’ny maha-eo Azy fotsiny, ka tsy azo ihodivirana fa hipaka lalina any am-ponao any, hameno ny atifanahinao iray manontolo!

Na izany aza, satria malemy sy tsy lavorary isika rehetra, dia mety hitsofoka tsikelikely ao an-tsainao ny ahiahy. Mety hahatsiaro ireo fahadisoana nataonao ianao, ireo fotoana izay nanekenao ho resin’ny fakam-panahy, ireo zavatra nirinao raha mba tsy natao, na ireo izay nirinao raha nataonao tsaratsara kokoa.

Ho tsapan’ny Mpamonjy izany, ary mino aho fa hanome toky anao Izy amin’ny teny izay efa nolazainy ao amin’ny soratra masina manao hoe:

“Aza matahotra.”

“Aza miroanàhana.”

“Matokia.”

“Aoka tsy hitebiteby ny fonareo.”

Heveriko fa tsy hanarontsarona ireo fahadisoana nataonao Izy. Tsy hanamaivana izany Izy. Tsia, hangataka anao Izy hibebaka, hiala amin’ny fahotanao sy hiova mba hahafahany mamela heloka anao. Hampahatsiahy anao Izy fa 2.000 taona lasa izay dia nentiny teo Aminy ireo fahotana ireo mba hahafahanao mibebaka. Izany dia ampahany mandrafitra ilay drafitry ny fahasambarana izay nomena antsika avy amin’ilay Raintsika any An-danitra be fitiavana. (“I Jesoa Kristy no maha-zatovo mahery,” Liahona, nôv. 2022, 9)

Hoy ny Loholona Lynn G. Robbins ao amin’ny Fiadidian’ny Kôlejin’ny Fitopololahy:

10:16

Ny fibebahana no fanomezan’ Andriamanitra azo ampiasaina mandrakariva izay mamela antsika sy manome fahafahana antsika handalo amin’ny tsy fahombiazana misesisesy kanefa mbola mafana fo hatrany. Ny fibebahana dia tsy hoe drafitra atao fiandry sao dia ho lavo isika. Ny fibebahana no drafiny, satria fantany fa hanao fahadisoana isika. Izany no filazantsaran’ny fibebahana, ary araka ny nolazain’ny Filoha Russell M. Nelson dia “ho zavatra ianarana mandritra ny fiainana iray manontolo izany.” (“Hatramin’ny fito-polo im-pito,” Liahona, mey 2018, 22)

Ahoana no ahafahan’ny Fanahy manampy ahy hisoroka ny fahotana?

Ny Filoha Boyd K. Packer (1924–2015) tao amin’ny Kôlejin’ny Apôstôly Roambinifolo dia nampianatra izao:

15:54

Ny fanomezana ny Fanahy Masina, raha toa ka mamela izany ianareo, dia hitarika sy hiaro ary hanitsy mihitsy ny fihetsikareo. Feo ara-panahy izay tonga ao an-tsaina izany toy ny eritreritra na fahatsapana tsapa ao am-po. … Marina fa tsy maintsy hanao fahadisoana ianareo eo amin’ny fiainana, kanefa tsy hahavita hadisoana goavana ianareo raha tsy efa nampitandreman’ny bitsiky ny Fanahy aloha. Izany fampanantenana izany dia miantefa amin’ireo mpikamban’ny Fiangonana rehetra. (“Torohevitra ho an’ireo Tanora,” Liahona, nôv. 2011, 17–18)

Sahanasa fianarana fanampiny

Avereno soratana ny tantaran’i Davida

Mety hanampy ny miato kely aorian’ny fahitana ireo fanapahan-kevitra noraisin’i Davida ao amin’ny 2 Samoela 11:1–5 mba hieritreretana ireo fitahiana tokony ho azon’i Davida raha toa izy ka nanapa-kevitra ny hitodika tany amin’ny Mpamonjy.

Zarao ity teny manaraka ity izay nambaran’ny Loholona Allen D. Haynie ao amin’ny Fitopololahy:

Na dia ny fisorohana ny fahotana aza no lalana tsara indrindra eo amin’ny fiainana, raha ny fandairan’ny Sorompanavotan’i Jesoa Kristy no resahina dia tsy mampaninona loatra izay fahotana vitantsika, na hoe hatraiza ny halalin’ny lavaka nilatsahantsika. Tsy mampaninona na menatra isika na vahotra noho ireo fahotana izay, tahaka izay voalazan’i Nefia hoe, “mora mahazo” antsika. …

Mijoro ho vavolombelona aho fa tsy hihodina hiala amintsika na oviana na oviana ny Mpamonjy rehefa mitady Azy amim-panetrentena isika ka te hibebaka. Tsy hihevitra antsika ho toy ny tsy avotra velively Izy, ary tsy hiteny velively hoe “Tsia an! Mbola ianao indray ve?”. Tsy hanary antsika velively Izy noho ny tsy fahatakarantsika hoe hatraiza ny hasarotr’izany misoroka fahotana izany. Takany tsara daholo izany rehetra izany, anisan’izany ny fahatsapana alahelo sy henatra ary tsy fahazoana aina izay vokany tsy azo ihodivirana ateraky ny fahotana.

Tena misy ny fibebahana ary mandaitra. (“Mahatsiaro ilay nametrahantsika fitokiana,” Liahona, nôv. 2015, 122, 123)

Inona avy ireo safidy hafa mety ho nataon’i Davida raha nihaino ny Fanahy izy?
Inona no mety holazainao an’i Davida mba hanampiana azy hitodika any amin’ny Mpamonjy?

Azonao atao avy eo ny manasa ireo mpianatra hamerina hanoratra ny tantaran’i Davida, ka haka sary an-tsaina ny zavatra mety ho nitranga raha toa ka nitodika tany amin’ny Mpamonjy izy.

Ampio ny mpianatra hahatsapa ny herin’ny fitodihana indray any amin’ny Tompo

Raha hahazo tombontsoa avy amin’ny fampahatsiahivana ilay fanasan’ny Tompo antsika mba hibebaka ny mpianatra dia azonao atao ny mampiseho ity horonan-tsary manaraka ity:

6:7

Ny Loholona Renlund dia nizara tantara mikasika ny fahatsapana ilay fifaliana izay tonga rehefa mibebaka isika ao amin’ny “Ny fibebahana: Safidy mahafaly” (4:36).

4:36