Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Mpanjaka 6–9: Nanorina ny Tranon’ny Tompo i Solomona

“1 Mpanjaka 6–9: Nanorina ny Tranon’ny Tompo i Solomona,” Testamenta Taloha: Boky torolalana ho an’ny mpampianatra seminera (2026)

“1 Mpanjaka 6–9: Nanorina ny Tranon’ny Tompo i Solomona,” Testamenta Taloha: Boky torolalana ho an’ny mpampianatra seminera

2 Samoela 11–12; 1 Mpanjaka 3; 6–9; 11: Lesona 79

1 Mpanjaka 6–9

Nanorina ny Tranon’ny Tompo i Solomona

Holiness To The Lord The House of The Lord Signs Languages

Amin’izao androntsika izao dia lasa mora kokoa ny fandehanana any amin’ny tempoly manerana izao tontolo izao, saingy tsy toy izany foana izany hatrizay. Nanana tranon’ny Tompo hitoetra maharitra ihany tamin’ny farany ny Isiraelita tamin’ny fanorenana ny tempolin’i Solomona, toerana ahitana fa ny Mpamonjy mihitsy no “hitoetra ao amin’ny zanak’Isiraely” (1 Mpanjaka 6:13). Ny fampanantenan’ny Mpamonjy dia tanteraka koa amin’izao androntsika izao noho ny tempoly miely maneran-tany. Ity lesona ity dia afaka manampy ireo mpianatra hampitombo ny fahatakarany fa tranon’ny Tompo ny tempoly.

Fanomanana ny mpianatra: Asao ny mpianatra hitondra sarina tempoly iray any akaikin’ny misy azy na tempoly iray tiany indrindra. Afaka miomana izy ireo mba hizara ny antony maha-manan-danja ny tempoly ho azy ireo.

Sahanasa fianarana azo atao

Ny tempoly dia tranon’ny Tompo

Mba hanombohana ny fotoam-pianarana dia asao ny mpianatra hamaly ity rafi-tantara manaraka ity (na zavatra mitovitovy amin’izany izay mifanaraka amin’ny zavatra ilain’ny kilasinao).

Alaivo sary an-tsaina hoe mahita sarina tempoly vaovao izay aorina eo amin’ny faritra misy anao i Angela namanao ary manontany hoe:

Nahoana ny Fiangonanareo no manorina tempoly?
Inona no tsy mampitovy ny tempoly amin’ireo trano fiangonana hafa izay anareo?

Hevero ny hangataka ny mpianatra hieritreritra hoe manao ahoana ny fahatokian-tenan’izy ireo eo amin’ny famaliana ireo fanontanian’i Angela. Azonao atao ny manasa mpianatra vitsivitsy hizara ny zavatra tsapany.

Taorian’ny fanokanana ny Tempolin’i Praia Cap Vert dia nampianatra ny Loholona Neil L. Andersen ao amin’ny Kôlejin’ny Apôstôly Roambinifolo hoe:

Ny tempoly dia tena tranon’ny Tompo ara-bakiteny mihitsy. Avelao hilentika tsimoramora ao anatin’ny fanahinao ireo teny ireo. Tranony izany. (“The House of the Lord—Recent Messages from Prophets, Apostles, and Other Church Leaders”, newsroom.ChurchofJesusChrist.org, aog. 13, 2023)

Asao ny mpianatra mba hanoratra ity fahamarinana ity ao amin’ny diary fandalinany sy eny amin’ny solaitrabe: Ny tempoly dia tranon’ny Tompo.

Makà fotoana hanarahana ny fanasan’ny Loholona Andersen mba hamela io fahamarinana io hilentika tsimoramora ao amin’ny fanahinao rehefa mamaly ity fanontaniana manaraka ity ao anatin’ny diary fandalinanao ianao.

Midika inona aminao ny hoe tranon’ny Tompo ny tempoly?

Rehefa mandalina ianao anio, dia asao ny Fanahy Masina mba hanampy anao hampitombo ny fahatakaranao ny tempoly ho tranon’ny Tompo. Ampidiro ao anatin’ny diary fandalinanao ny zavatra ianaranao mandritra ny lesona.

Mety hanampy ny manome toky ireo mpianatra fa na dia tsy ho voavaly androany aza ireo fanontaniana manokana ananan’izy ireo momba ny tempoly, dia hanohy hanome fitaomam-panahy amin’ny ezaka ataon’izy ireo sy hitarika ny ezaka ataon’izy ireo ny Fanahy Masina mba hianatra bebe kokoa momba ny tranon’ny Tompo.

Mandidy ny olony hanorina ny tranony ny Tompo

Teo amin’ny Tendrombohitra Sinay, ny Tompo dia nandidy ny vahoaka mba hanorina tabernakely azo lanjaina sy vonjimaika mba hitahiana ny zanak’i Isiraely (jereo ny Eksodosy 25:1–8). Rehefa nifandimby ny taranaka maro taty aoriana, tamin’ny fotoana nanjakan’i Solomona Mpanjaka, dia tsy mbola nisy tempoly hitoetra maharitra naorina ihany.

Mba hanampiana ny mpianatra hahita zavatra mitovy eo amin’ny didin’ny Tompo mba hanorenana ny tranony tamin’ny vanim-potoanan’ny 1 Mpanjaka 6–9 sy amin’izao androntsika izao, dia afaka mampiseho sarin’ny tempolin’i Solomona sy izay tempoly maoderina akaiky indrindra anao ianao.

Ny fomba iray hanampiana ny mpianatra hahita ireo zavatra mitovy eo amin’ireo tempoly fahiny sy ireo tempoly amin’izao androntsika izao dia ny fampisehoana ity tabilao ity manaraka ity.

Misy sahanasa amin’ny alalan’ny tabilao miisa telo aroso ao amin’ny lesona. Azonao atao ny mieritreritra fomba samihafa hoentin’ny mpianatra mandalina ny tabilao tsirairay. Ho an’ity sahanasa amin’ny alalan’ny tabilao voalohany ity, dia hevero ny hanasa ny antsasaky ny mpianatra ao an-dakilasy handalina ireo andininy ao amin’ny tsanganana “Andron’i Solomona” ary ny antsasany iray hafa handalina ireo andininy ao amin’ny tsanganana “Androntsika”. Rehefa avy nandalina ireo andininy ireo ny mpianatra dia afaka mizara ny zavatra hitany amin’ilay mpianatra miara-miasa aminy izy ireo izay nandalina ireo andininy avy tao amin’ilay tsanganana mifanohitra amin’izany.

Ny fomba iray hafa handrindrana ilay sahanasa dia ny fizarana ny mpianatra ho vondrona telo ka omena tabilao iray ny vondrona tsirairay. Afaka miara-mandalina ny mpianatra ary misafidy mpitondra teny iray mba hamelabelatra ilay fizarana nosahanin’ny vondrona misy azy amin’ny iray kilasy. Any amin’ny fiafaran’ilay famelabelarana dia afaka mizara ny fomba ahafahan’ireo lohahevitra nohalalinin’izy ireo manampy amin’ny famaliana ireo fanontanian’i Angela izy ireo.

Rehefa mandalina ireto andininy manaraka ireto ianao dia tadiavo ireo fampianarana izay afaka manampy anao hanazava ireo fampanantenan’ny Tompo ho an’ireo tempoly fahiny sy amin’izao fotoana izao. Ampidiro ao amin’ny zavatra nampidirinao tao amin’ny diary fandalinanao ny zavatra hitanao.

Andron’i Solomona	Androntsika
Andron’i Solomona 2 Samoela 7:4–6 1 Tantara 22:5–11 1 Mpanjaka 5:5; 6:1	Androntsika Fotopampianarana sy Fanekempihavanana 88:119–120 Fotopampianarana sy Fanekempihavanana 97:10–16

Andron’i Solomona

Androntsika

Andron’i Solomona

2 Samoela 7:4–6

1 Tantara 22:5–11

1 Mpanjaka 5:5; 6:1

Androntsika

Fotopampianarana sy Fanekempihavanana 88:119–120

Fotopampianarana sy Fanekempihavanana 97:10–16

Inona no nianaranao momba ny maha-zava-dehibe ny tempoly amin’izao fotoana izao?

Mba hanampiana ny mpianatra hisaintsaina ny fomba hanohizantsika ny fanarahana ny torolalan’ny Mpamonjy mba hanangana tempoly amin’izao fotoana izao, dia hevero ny hampiseho horonan-tsary ahitana ny mpaminany amin’izao fotoana izao izay manambara tempoly vaovao mandritra ny fihaonamben’ny Fiangonana maneran-tany. Raha tsy izany dia azonao atao ny mizara ny sasany amin’ireo antontan’isa mikasika ny tempoly izay hita ao amin’ny Liste des temples ao amin’ny ChurchofJesusChrist.org.

Ny tempoly dia natokana ho an’ny Tompo ho tranony

Taorian’ireo fito taona nanorenana azy dia vita sy notokanana ny tempolin’i Solomona.

Mba hanampiana ny mpianatra hahatakatra fa ny vavaka fanokanana ny tempoly dia azo avy amin’ny alalan’ny fanambarana ary tehirizina ao amin’ireo firaketana an’ny Fiangonana, dia hevero ny hizara ohatra iray maneho vavaka fanokanana iray amin’ny iray kilasy. Ny vavaka fanokanana ny tempoly am-perinasa tsirairay dia afaka ny ho hita amin’ny alalan’ny fisafidianana ilay tempoly avy ao amin’ny Liste des temples ao amin’ny ChurchofJesusChrist.org.

Ho an’ity sahanasa amin’ny alalan’ny tabilao ity dia azonao atao ny mampiseho ireo andininy ary manasa ny mpianatra handalina ilay antsasany mifanohitra amin’ilay tabilao izay nohalalin’izy ireo teo aloha ary hizara amin’ny mpianatra miara-miasa aminy izay nandalina ilay antsasany iray hafa. Misy fanontaniana mitondra any amin’ny fifanakalozan-kevitra omena mba hanampiana ny mpianatra hizara ny zavatra hitany.

Vakio ireto andinin-tsoratra masina manaraka ireto izay avy amin’ny vavaka fanokanana ny Tempolin’i Solomona sy ny Tempolin’i Kirtland mba hitadiavana ireo fitahiana nangatahin’i Solomona sy ny Mpaminany Joseph Smith tamin’ny Tompo.

Andron’i Solomona	Androntsika
Andron’i Solomona 1 Mpanjaka 8:29–30, 35–40	Androntsika Fotopampianarana sy Fanekempihavanana 109:10–18

Mety ho toy ahoana ny endrik’ireo fitahiana mitovy amin’izany amin’izao fotoana izao rehefa miomana sy mitsaoka ao amin’ny tranon’ny Tompo isika?

Azonao atao ny manazava fa taorian’ny fanokanana ny tranon’ny Tompo dia niaina ny fisehoan’ny heriny tamin’ny fomba miavaka ny vahoaka. Ity tabilao ity dia mety ho fotoana feno fanajana ho an’ireo mpianatra mba hanaovana fandalinan’ny tena manokana araka izay azo atao.

Rehefa mamaky ireto andinin-tsoratra masina manaraka ireto ianao dia asao ny Fanahy Masina hanampy anao haka sary an-tsaina ny mety ho fahatsapana nananana raha nanatri-maso ireo zava-nitranga ireo.

Andron’i Solomona	Androntsika
Andron’i Solomona 1 Mpanjaka 9:1–3 2 Tantara 7:1–3	Androntsika Fotopampianarana sy Fanekempihavanana 110:2–10

Andron’i Solomona

Androntsika

Andron’i Solomona

1 Mpanjaka 9:1–3

2 Tantara 7:1–3

Androntsika

Fotopampianarana sy Fanekempihavanana 110:2–10

Inona avy ireo zavatra niainanao na niainan’ny olona iray fantatrao izay nandray anjara tamin’ny fanokanana tempoly iray?
Ahoana ny fomba nahatsapanao ny herin’ny Mpamonjy avy amin’ilay fananana ny tranony eto an-tany amin’izao fotoana izao?

Manehoa fahatakarana

Mba hanampiana ny mpianatra haneho fahatakarana dia azonao atao ny mampiseho ireo fanontanian’i Angela tany any am-piandohan’ny lesona.

Eritrereto ny fomba ahafahan’ireo lesona nianaranao androany manampy olona iray tahaka an’i Angela mba hahatakatra tsara kokoa ny tanjon’ny tempoly. Valio miaraka amin’ny mpianatra miara-miasa iray na ao anatin’ny diary fandalinanao ireo fanontaniana.

Nahoana ny fiangonanareo no manorina tempoly?
Inona no tsy mampitovy ny tempoly amin’ireo trano fiangonana hafa izay anareo?

Asao ny mpianatra hanao fanazaran-tena hampianatra mpianatra miara-miasa iray mikasika ny zavatra nianaran’izy ireo avy tamin’ny fandalinana ny momba ny tempolin’i Solomona sy ireo tempoly amin’izao fotoana izao. Ny fanomanana ny mpianatra ho an’ity lesona ity dia nanoro hevitra ny mba hitondran’ny mpianatra sarin’ny tempoly anankiray izay akaiky ny misy azy ireo na sarin’ny tempoly anankiray izay tena tian’izy ireo. Raha nitondra sary ny mpianatra dia azonao atao ny manasa azy ireo hampiseho izany amin’ny iray kilasy ary hizara ny antony maha-manan-danja izany tempoly izany amin’izy ireo. Azonao atao ny mizara ny zavatra tsapanao momba ny Mpamonjy sy ny tranony any amin’ny famaranana ny fotoam-pianarana.

Loharanom-pitaovana fanampiny

Inona avy ireo fitahiana ampanantenaina rehefa miomana handeha ho any amin’ny tempoly sy mitsaoka any amin’ny tempoly isika?

Ny Filoha Russell M. Nelson dia nanazava hoe:

7:18

Zava-dehibe ny fisafidianan’ny Mpamonjy hiseho tamin’ny vahoaka tao amin’ny tempoly. Tranony izany. Ahitana ny heriny izany. Aoka isika tsy ho varimbariana velively ka tsy mahita ireo zavatra izay ataon’ny Tompo ho antsika amin’izao fotoana izao. Manao izay hisian’ny tempoliny betsaka kokoa Izy. Manafaingana ny fanorenantsika tempoly Izy. Mampitombo ny fahafahantsika manampy amin’ny fanangonana an’i Isiraely Izy. Ataony ihany koa izay hampamora ny fahatongavantsika tsirairay ho voatefy tsara kokoa ara-panahy. Mampanantena aho fa ny fampitomboana ny fotoana handehanana any amin’ny tempoly dia hitahy ny fiainanareo amin’ny fomba izay tsy ho vitan’ny zavatra hafa mihitsy. (“Mifantoha amin’ny tempoly,” Liahona, nôv. 2022, 121)

Nampianatra ny Filoha Gordon B. Hinckley (1910–2008) hoe:

[Ny tempoly] dia toeran’ny fitaomam-panahy sy fanambarana ho an’ny tena manokana. Maro ny olona izay nankany amin’ny tempoly tao anatin’ny fanahin’ny fifadian-kanina sy vavaka mba hikatsaka fitarihana avy amin’ Andriamanitra rehefa tao anatin’ireo fotoana niainana adin-tsaina sy rehefa nisy fanapahan-kevitra sarotra tsy maintsy noraisina ary rehefa nisy olana nampiasa saina izay tsy maintsy atrehina. Maro no nijoro ho vavolombelona fa na tsy re aza ny feon’ny fanambarana, dia nahazo fahatsapana mikasika ny lalana tokony hizorana izy ireo tamin’izany fotoana izany na taty aoriana izay lasa valin’ny vavak’izy ireo. (“The Salt Lake Temple,” Ensign, Mar. 1993, 6)

Inona no tokony hataoko raha tsy mbola mipetraka any akaikin’ny tempoly aho?

Nampianatra izao ny Loholona Ronald A. Rasband ao amin’ny Kôlejin’ny Apôstôly Roambinifolo:

Tsaroako ny nahenoako ny lahateny voalohany nataon’ny Filoha Howard W. Hunter nandritra ny fihaonamben’ny Fiangonana maneran-tany tamin’izy lasa Filohan’ny Fiangonana faha-14. Hoy izy hoe: “Tena fanirian’ny foko lalina indrindra ny hahamendrika ny mpikamban’ny Fiangonana tsirairay hiditra ny tempoly. Hahafaly ny Tompo raha toa ny olon-dehibe rehetra ka mendrika, sy mitondra, fahazoan-dalana manan-kery hidirana ny tempoly” (Teachings of Presidents of the Church: Howard W. Hunter [2015], 180). Tiako ny hanampy hoe ny fahazoan-dalana voafetra dia hametraka lalan-kaleha mazava ho an’ireo zatovo malalantsika. …

Mamelà ahy hanamafy fa na manana fahafahana hankany amin’ny tempoly ianao na tsia dia mila fahazoan-dalana manan-kery hidirana ny tempoly ianao mba hijanonana eo amin’ny lalan’ny fanekempihavanana. …

Ny hoe mendrika hihazona fahazoan-dalana manan-kery hidirana ny tempoly dia sady fiarovana amin’ilay fahavalo, satria nanao fanolorantena tamim-pahamatorana tamin’ny Tompo momba ny fiainanao ianao, ary nanao fampanantenana ihany koa fa ny Fanahy dia hiaraka aminao. (“Mendrika ho an’ny Tompo,” Liahona, nôv. 2020, 25)

Sahanasa fianarana fanampiny

Manome ny tsara indrindra avy amintsika mba hanorenana ny tranon’ny Tompo

Ampio ny mpianatra hahatakatra fa ezaka sy fahafoizan-tena lehibe foana no notakina mba hanorenana ny tranon’ny Tompo. Mba handalinana ny fananganana ny tempolin’i Solomona dia asehoy ireto andinin-tsoratra masina sy fanontaniana manaraka ireto. Asao ny vondrona mba hamaky ireo andininy ireo ary hifanakalo hevitra momba ireo fanontaniana.

Vakio ny 1 Mpanjaka 6:21–22, 29–32 sy ny 2 Nefia 5:15–16.

Inona no manaitra anao momba ny fananganana ireo tempoly ireo?
Inona no ezaka sy fandaniana mety hilaina mba hanorenana sy hampandehanana ny tranon’ny Tompo amin’izao fotoana izao? Inona no ampianarin’izany mikasika ny tranon’ny Tompo?

Nandritra ny varavarana misokatra ho an’ny Tempolin’i Richmond Virginie, dia nilaza ny Loholona Kevin R. Duncan ao amin’ny Fitopololahy hoe:

Ity no tranon’ny Tompo. Tsy nitsitsitsitsy [Izy] mba hanomezana antsika ilay tany faran’izay tsara indrindra izay onenantsika. Ary satria manorina ny tranony isika dia miezaka ny manome izay tsara indrindra avy amintsika, ny asa tanantsika tsara indrindra, ireo fitaovana tsara indrindra azontsika omena. (“Virginia’s First House of the Lord Opens Its Doors,” Mar. 20, 2023, newsroom.ChurchofJesusChrist.org)

Inona avy ireo fomba sasantsasany azontsika hanomezana ny tsara indrindra avy amintsika mba ho ao amin’ny tranon’ny Tompo?
Inona avy ireo ezaka sy fahafoizan-tena azontsika atao mba hanomezantsika haja ny Tompo sy ny tranony?

Mety hilaza ny mpianatra fa afaka manome ny fotoanantsika isika, mitafy ny akanjo tsara indrindra ananantsika, ary mamoy ireo filana araka izao tontolo izao mba ho mendrika ny hahazo fahazoan-dalana hidirana ny tempoly sy hitsaoka ao amin’ny tranon’ny Tompo.

Ny herin’ny tempoly fahiny sy maoderina

Mba hanampiana ny mpianatra hahita ny hatsaran’ny tempoly dia azonao atao ny mampiseho sarin’ny ao anatin’ny tempoly maoderina iray sy ny ety ivelany, tahaka ireo izay hita ao amin’ny “L’intérieur des temples”. temples.ChurchofJesusChrist.org

11:45

Asao ny mpianatra hizara ny zavatra nanampian’ny tempolin’i Solomona azy ireo hahatakatra momba ny Tompo sy ny tranony.

6:1

Mba hanampiana ny mpianatra hahatakatra ny ezaka sasantsasany takina eo amin’ny fanorenana ny tranon’ny Tompo dia azonao aseho ilay horonan-tsary “Fenitry ny Tempoly” manomboka eo amin’ny mari-potoana 0:00 ka hatramin’ny 5:24. Ao amin’io horonan-tsary io ny Loholona Scott Whiting ao amin’ny Fitopololahy dia mizara ny zavatra niainany rehefa avy nandinika ny fizahana ilay fanavaozana efa akaiky ho vita natao tamin’ny Tempolin’i Laie Hawaii izy.

9:13