Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Mpanjaka 3: Omen’ny Tompo fitahiana isika mba hanatanterahana ny asany

“1 Mpanjaka 3: Omen’ny Tompo fitahiana isika mba hanatanterahana ny asany,” Testamenta Taloha: Boky torolalana ho an’ny mpampianatra seminera (2026)

“1 Mpanjaka 3: Omen’ny Tompo fitahiana isika mba hanatanterahana ny asany,” Testamenta Taloha: Boky torolalana ho an’ny mpampianatra seminera

2 Samoela 11–12; 1 Mpanjaka 3; 6–9; 11: Lesona 78

1 Mpanjaka 3

Omen’ny Tompo fitahiana isika mba hanatanterahana ny asany

Norway: Youth Social Media 2020: Savannah Andrewsen

Moa ve ianao efa nieritreritra ny fomba anampian’ireo fitahiana voarainao avy amin’ny Ray any An-danitra anao mba hanatanterahana ny asany? Taorian’ny nahafatesan’i Davida rainy dia notendren’ny Tompo ho mpanjaka vaovaon’i Isiraely i Solomona. Noho ny faniriany hanome voninahitra ny Tompo, dia nitady fitahiana amim-panetrentena izay hampitombo ny fahafahany manompo ny Tompo sy ny Isiraelita amim-pahamarinana i Solomona. Ity lesona ity dia afaka manampy ny mpianatra hahatakatra fa ny Tompo dia manome antsika fahaiza-manao mba hanatanterahana ny asany.

Fanomanana ny mpianatra: Asao ny mpianatra hanoratra zavatra izay ezahan’izy ireo atao mba handraisana anjara ao amin’ny asan’ny Ray any An-danitra sy i Jesoa Kristy. Asao ny mpianatra hangataka ombam-bavaka amin’ny Ray any An-danitra ireo fitahiana izay ilain’izy ireo mba hanampiana Azy hanatanteraka ny asany

Sahanasa fianarana azo atao

Manaiky amim-panetrentena ireo fahalementsika

Mba hanombohana ny fotoam-pianarana dia manaova sary tahaka ity manaraka ity eny amin’ny solaitrabe. Afaka mandika ilay sary ao amin’ny diary fandalinany ny mpianatra. Avy eo dia asao ny mpianatra hifanakalo hevitra momba ireto fanontaniana manaraka ireto:

Ahoana avy ny fomba nentin’ny Mpamponjy nanasana antsika mba handray anjara ao amin’ny asany?
Ahoana avy ny fomba mety hahatsapan’ny zatovo iray ho tsy ampy fahazaina eo amin’ny fanompoana ny Tompo?

Hevero ny hanasa ny mpianatra hitanisa eo amin’ny faritra eo anelanelan’ireo sary ny fomba sasany mety hahatsapan’ny zatovo iray ho tsy ampy fahaizana. Mety hahita ahiahy toy ny tebiteby, fahamenarana, fahatsapana fahasahiranan-tsaina na tsy fahampiana fahaiza-manao ny mpianatra. Asao avy eo ny mpianatra mba hamaly ireto fanontaniana manaraka ireto.

Eritrereto ny vitsivitsy amin’ireo fanasana nomen’ny Tompo anao mba handray anjara amin’ny asany.

Inona no ahiahy anananao momba ny fahafahanao manatanteraka ireo fanasany?
Hatraiza ny fahatokianao ny fahafahan’ny Tompo manampy anao handresy ireo ahiahy anananao?

Rehefa mandalina ianao androany, dia asao ny Fanahy Masina hanampy anao hahatakatra ny fomba hanampian’ny Tompo anao hanatanteraka ny asany.

Naniry ny hanjaka amim-pahamarinana i Solomona Mpanjaka

Zarao amin’ny mpianatra fa rehefa maty i Davida Mpanjaka dia nofidin’ny Tompo i Solomona zanany lahy mba ho mpanjakan’i Isiraely (jereo ny 1 Mpanjaka 1:11–13). Tia ny Tompo i Solomona ary naniry ny ho mpanjaka marin-toetra (jereo ny 1 Mpanjaka 3:3). Azonao ovaina hoe Solomona ilay mari-tsoratra famantarana eo amin’ilay sarin’olona tsotsotra eny amin’ny solaitrabe ary ovao hoe Te ho mpanjaka marin-toetra ilay etsy amin’ny faritra ilany.

Inona no mety ho zavatra handrasana mba hataon’ny mpanjaka marin-toetra iray?
Inona no mety ho tsapan’i Solomona rehefa nanolo ny rainy mba ho mpanjaka izy?

Hevero ny hampiseho ireto andinin-tsoratra masina sy fanontaniana manaraka ireto. Azonao atao ny mizarazara ny mpianatra hiara-hiasa tsiroaroa. Asaivo vakin’ny iray amin’ireo mpianatra miara-miasa ny 1 Mpanjaka 3:5–9 ary asaivo vakin’ilay iray hafa ny 1 Mpanjaka 3:10–14, dia asaivo mifampizara ny valinteniny izy ireo.

Vakio ny 1 Mpanjaka 3:5–9 ka tadiavo ireo fitahiana nangatahan’i Solomona tamin’ny Tompo.

Inona no nisarika ny sainao mahakasika ny zavatra nangatahin’i Solomona? Inona avy ireo toetra tahaka ny an’i Kristy nasehon’i Solomona?

Vakio ny 1 Mpanjaka 3:10–14 ka tadiavo ireo fitahiana nampanantenain’ny Tompo an’i Solomona.

Ahoana no nahafahan’ny “saina hendry sady mahiratra” (andininy 12) sy ny “harena sy voninahitra” (andininy 13) nampitombo ny fahafahan’i Solomona nanompo ny Tompo tamim-pahamarinana?
Inona no notakin’ny Tompo tamin’i Solomona mba ho mendrika ireo fitahiana ireo? (andininy 14).

Fintino ho toy ny fanambarana fahamarinana ny zavatra niainan’i Solomona niaraka tamin’ny Tompo.

Mety hahita fahamarinana toy izao ny mpianatra: Rehefa miaiky amim-panetrentena ireo fahalementsika isika sy mikatsaka ny fanampian’ny Tompo mba hitahiana ny hafa dia hampitombo ny fahafahantsika manatanteraka ny asany Izy. Mety hanampy ny fanoratana io fahamarinana io eny amin’ny solaitrabe sy ny fanasana ny mpianatra hanisy marika ireo andian-teny izay mampianatra io fahamarinana io.

Vakio ity teny manaraka nambaran’ny Filoha Thomas S. Monson (1927–2018) ity, ka tadiavo ny fampanantenana nomena ireo rehetra izay vonona ny handray anjara amin’ny asan’ny Tompo.

Izao anefa, mety misy sasany aminareo efa saron-kenatra mihitsy na mihevitra ny tenany ho tsy mahay mamaly ny [Tompo] araka ny tokony ho izy. Tsarovy fa ity asa ity dia tsy ahy sy anao irery. Asan’ny Tompo izy ity, ary rehefa irahin’ny Tompo isika, dia tokony hahazo ny fanampian’ny Tompo. Tsarovy fa halehibeazin’ny Tompo ny toerana hahazakana ny enta-mavesatra apetraka eo amin’izany. (“To Learn, to Do, to Be,” Liahona, nôv. 2008, 62)

Ahoana no mety hanampian’ny fampianaran’ny Filoha Monson ny olona iray izay niahiahy momba ny fahafahany manompo ny Tompo?

Azonao atao ny manao sarina tetezana eo anelanelan’ny lafy tsirairain’ny sary eny amin’ny solaitrabe ary manisy mari-tsoratra famantarana hoe Ny fanampian’ny Tompo eo amin’izany. Asao hanao sarin-javatra mitovitovy amin’izany ao amin’ny diary fandalinan’izy ireo ny mpianatra.

Ny Tompo dia hampitombo ny fahafahantsika manompo Azy

Aorian’ny sahanasa fandalinana dia asao ny mpianatra hamaly ity fanasana manaraka ity.

Jereo ilay sary ao amin’ny diary fandalinanao tany am-piandohan’ny fotoam-pianarana. Soraty ombam-bavaka ny fahalemena iray na roa izay tsapanao fa mety hanakana anao tsy hanompo bebe kokoa ny Ray any An-danitra sy an’i Jesoa Kristy. Asao ny Fanahy Masina hanampy anao hamantatra ireo fitahiana azonao angatahina amin’ny Tompo izay afaka manampy anao handresy ireo fahalemena ireo.

Manehoa fahatakarana

Omeo fahafahana ny mpianatra hizara ny zavatra nianarany. Afaka manasa ny Fanahy Masina izany mba hijoro ho vavolombelona fa marina ny zavatra zarainy. Ity sahanasa manaraka ity dia fomba iray hanampiana ny mpianatra hanao izany.

Alaovy sary an-tsaina hoe misy namana iray mizara ny tebitebiny mikasika ny fandraisana antso vaovao ao amin’ny paroasy na sampana misy anao. Raha miainga avy amin’ny zavatra nohalalininao androany dia inona no hozarainao ka afaka manampy ilay namanao?

Azonao atao ny manasa mpianatra manolo-tena hizara amin’ny iray kilasy. Hevero ny hamporisika ireo mpianatra hitondra any an-trano ilay taratasy zaraina nomena azy ireo ary hizara ny zavatra nianarany amin’ny olona iray ao amin’ny fianakaviana na namana iray. Azonao atao ny mijoro ho vavolombelona momba ny herin’ny Tompo sy ny fahavononany hanome antsika ny zavatra ilaintsika mba hiarahana miasa amim-pahatokiana Aminy ao amin’ity asa lehibe ity.

Loharanom-pitaovana fanampiny

Inona avy ireo fitahiana azoko angatahina amin’ny Tompo mba hanampy ahy handray anjara amin’ny asany?

Nanazava ny Loholona Gary E. Stevenson ao amin’ny Kôlejin’ny Apôstôly Roambinifolo hoe:

14:11

Ny fanomezam-pahasoavana avy amin’ Andriamanitra dia mamokatra olona manan-talenta.

Raha jerena amin’ny fomba fijery tarihin’ny filazantsara dia omen’ Andriamanitra fanomezam-pahasoavan’ny Fanahy maro ireo zanany, izay mahatonga azy ireo ho olona manana talenta ara-panahy. Ireo mpikamban’ny Fiangonana mpitandrina fanekempihavanana dia omena fanomezam-pahasoavan’ny Fanahy, izay ahitana ny fanomezam-pahasoavan’ny fijoroana ho vavolombelona momba an’i Jesoa Kristy ho Mpamonjy antsika, ny fanomezam-pahasoavan’ny Fanahy Masina, ny fanomezam-pahasoavan’ny finoana mba hanasitranana sy ho sitrana, ny fanomezam-pahasoavan’ny fahaiza-manavaka, ny fanomezam-pahasoavan’ny fandraisana fahagagana, ary ny fanomezam-pahasoavan’ny fahendrena sy ny fahalalana. Manasa antsika ny Tompo mba hazoto hikatsaka ireo fanomezam-pahasoavana tsara indrindra, dia ireo fanomezam-pahasoavan’ny Fanahy izany. Manome ireo fanomezam-pahasoavan’ny Fanahy Izy mba hitahiana antsika sy hampiasaintsika mba hitahiana ny hafa. (“Bitsiky ny Fanahy,” Liahona, nôv. 2023, 42)

Ahoana raha kivy aho eo anatrehan’ireo fahaiza-manao ananako?

Nampahatsiahy antsika ny Filoha Dieter F. Uchtdorf, fony izy tao amin’ny Fiadidiana Voalohany hoe:

17:55

Mahatsiaro ho kivy isika indraindray satria tsy mba mahatratra ilay hoe “bebe kokoa” eo amin’ny sehatra iray toy ny hoe, masina kokoa, na hajaina kokoa, na maranin-tsaina kokoa, na salama kokoa, na manan-karena kokoa, na mora alain-ko namana kokoa na mahavita zavatra bebe kokoa. Mazava ho azy fa tsy misy maharatsy ny faniriana hivoatra. Noharin’ Andriamanitra mba hivoatra sy handroso isika. Tsarovy anefa fa ny fahalementsika dia afaka ny hanampy antsika hanetry tena sy hampitodika antsika any amin’i Kristy, izay afaka ny hahatonga “ny zavatra malemy [ho] tonga matanjaka.” Etsy ankilan’izany, i Satana dia mampiasa ny fahalementsika hahatonga antsika ho kivy na dia ny hanandrana hiezaka aza.

Teo amin’ny fiainako dia nianatra aho fa tsy mila mahatratra ilay hoe “bebe kokoa” amin’ny zavatra rehetra isika mba hanombohana ilay fahatongavana ho olona izay irin’ Andriamanitra hahatongavantsika.

Hanaiky anao amin’ny maha-ianao anao amin’izao fotoana izao Andriamanitra ary hanomboka hiaraka hiasa aminao Izy. Ny hany ilainao dia ny fananana fo vonona, ny faniriana hino ary ny fahatokiana ny Tompo. (“Mitondra soa izany!,” Liahona, nôv. 2015, 22)

Sahanasa fianarana fanampiny

Mangataka fanampiana amin’ny Tompo mba handresena ireo olana

Mety hahazo tombontsoa avy amin’ny fandalinana tantara hafa momba ireo olona izay nangataka tamim-panetrentena fanampiana avy amin’ny Tompo sy nandray ny fanampiany mba hanatanterahana ny asany ny mpianatra.

Azon’ny mpianatra atao ny mitady tantara irery, na afaka manome ohatra vitsivitsy ho azy ireo ianao mba hisafidianan’izy ireo, toy ireto:

Enoka: Mosesy 6:27–39

Mosesy: Eksodosy 3:4–7, 10–14; 4:10–16

Gideona: Mpitsara 6:11–16

Emma Smith: Saints, vol. 1, 96–97

Filoha Russell M. Nelson: “Sweet Power of Prayer,” Liahona, mey 2003, 8

Rehefa mandalina ny mpianatra dia azon’izy ireo atao ny mifanakalo hevitra momba ny sasany amin’ireto fanontaniana manaraka ireto:

Inona no nangatahin’ny Tompo mba hataon’io olona io?
Inona avy ireo fahalemena mety ho hitan’io olona io ao aminy?
Ahoana no fomba nangatahany fanampiana tamin’ny Tompo?
Inona no fitahiana nomen’ny Tompo azy? Inona no zavatra nataon’izy ireo tamim-pinoana mba ho mendrika ireo fitahian’ny Tompo?

Azon’ny mpianatra atao ny manomana tatitra fohy momba ilay olona nosafidiny, ka mizara ilay tantara ary ny zavatra nianarany ao anatina vondrona kely iray na amin’ny iray kilasy. Azonao atao ny manasa ny mpianatra hanao ny sarin’ilay olona na hanao sary momba ilay tantara mba haseho eo am-pizaran’izy ireo izany.

1 Mpanjaka 3:16–28. Naneho ilay saina mahiratra i Solomona

Mba hahitana ohatra momba ny fomba nampiasan’i Solomona ireo fitahiana nomen’ny Tompo dia azonao asaina ny mpianatra hamaky ny 1 Mpanjaka 3:16–28. Rehefa mandalina ny tantaran’i Solomona sy ireo vehivavy roa izy ireo dia azonao atao ny mametraka fanontaniana ifanakalozan-kevitra toy ireto:

Ahoana no nanehoan’i Solomona ny fanomezam-pahasoavan’ny fahendrena avy amin’ny Tompo sy saina mahiratra?
Ahoana no ahafahan’ireo fanomezam-pahasoavan’ny fahatakarana sy fahaiza-manavaka manampy anao handray anjara amin’ny asan’ny Tompo?

Azon’ny mpianatra atao avy eo ny mamaky ny 1 Mpanjaka 4:29–34 mba hahitana ny fomba nitahian’ireo fanomezam-pahasoavana nomen’ny Tompo an’i Solomona ny vahoakany.