Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Төгс эзэмших сургаалын дадлага 5: Сүнслэг мэдлэг олж авах зарчмуудыг цээжлэх, хэрэгжүүлэх

“Төгс эзэмших сургаалын дадлага 5: Сүнслэг мэдлэг олж авах зарчмуудыг цээжлэх, хэрэгжүүлэх,” Хуучин Гэрээний семинарын багшийн гарын авлага (2026)

“Төгс эзэмших сургаалын дадлага 5: Сүнслэг мэдлэг олж авах зарчмуудыг цээжлэх, хэрэгжүүлэх,” Хуучин Гэрээний семинарын багшийн гарын авлага

1 Самуел 17–18; 24–26; 2 Самуел 5–7; 76-р хичээл

Төгс эзэмших сургаалын дадлага 5

Сүнслэг мэдлэг олж авах зарчмуудыг цээжлэх, хэрэгжүүлэх

Төгс эзэмших сургаал нь Есүс Христ мөн Түүний сайн мэдээнд тулгуурлан амьдралаа босгоход суралцагчдад тусалдаг. Энэ хичээл нь суралцагчдад төгс эзэмших сургаалаас судрын гол эшлэлүүдийг цээжилж, сүнслэг мэдлэг олж авах тэнгэрлэг зарчмуудыг хэрэгжүүлэхэд тусална.

Суралцагчийн бэлтгэл: Төгс эзэмших сургаалын судраас нэг эшлэл сонгож, цээжлэхэд суралцагчдыг урих талаар бодож үз. Төгс эзэмших сургаал аппликэйшн тустай эх сурвалж байж болно. Энэ хэсгүүдийн жагсаалтыг Төгс эзэмших сургаалыг судлах үндсэн материал (2023) дээрээс олж үзэх боломжтой.

Боломжит суралцах үйл ажиллагаа

Төгс эзэмших сургаалын давтлага: Цээжлэх

Та төгс эзэмших сургаалын эшлэл, гол хэсгүүдийг цээжлэхийн ач холбогдлыг ойлгоход суралцагчдад туслах байдлаар хичээлээ эхлүүлж болно. Үүнийг гүйцэтгэх нэг арга нь дараах асуултуудыг асуух байж болно.

Та нар цээжилж байгаа зүйлээсээ хамгийн түрүүнд юуг санаж байна вэ? Та нар үүнийгээ одоо ч мэдэж байна уу?
Та нар судар цээжилж үзсэн үү? Цээжлэх нь ямар ач тустай байсан бэ?
Аврагч судруудыг цээжээр дурсан санаж байсан үеийг та нар санаж байна уу?

Шаардлагатай гэж үзвэл Сатанд соригдож байхдаа (Maтай 4:4, 7, 12), хэцүү асуултуудад ээрэгдсэн үедээ (Maтай 9:13; 15:4, 7–9; Марк 10:7–8), мөн нифайчуудад зааж байхдаа (3 Нифай 22; 24–25) гэхчлэн хэд хэдэн нөхцөл байдалд Есүс Христ судруудаас эш татсан гэдгийг суралцагчдад сануул.

Төгс эзэмших сургаалын эшлэл, гол үг хэллэгүүдийг цээжлэхэд суралцагчдад туслахын тулд дараах зүйлийг хийх талаар бодож үз. Эсвэл хавсралт дахь “Төгс эзэмших сургаалыг давтах үйл ажиллагаанууд” хэсгээс өөр цээжлэх үйл ажиллагааг сонго.

Өнөөг хүртэл судлаад байгаа төгс эзэмших сургаалын хэсгүүдийн жагсаалтыг суралцагчдад үзүүл. Цээжлэхийг хүссэн нэг хэсгээ сонгоход суралцагчдыг урь. Дараа нь дараах зүйлийг хийж гүйцэтгэхэд суралцагчдыг урь.

Тэмдэглэлдээ төгс эзэмших сургаалын эшлэл болон гол үг, хэллэгийг бич (харандаа тохиромжтой). Дараа нь тэдгээрийг өөртөө чангаар унш. Уншиж дууссаныхаа дараа нэг юм уу хоёр үг эсвэл тоог арилгаж эсвэл чагтал. Дахин чангаар унш. Энэ үйл явцыг бүх үг, дугаарыг арилгатал давт. Дараа нь эшлэл болон судрын гол үг хэллэгийг цээжээр бичиж чадах эсэхээ шалга.

Хангалттай хугацаа байгаа бол суралцагчид энэ үйлдлийг өөр хэсэг дээр давтаж болно.

Сүнслэг мэдлэг олж авах зарчмуудыг мэдэж авч, хэрэгжүүлэх

Дараах жишээг тунгаан бод.

Золбоо сургууль дээрээ ч мөн сошиал медиа дээр ч бусдад байнга таагүй хандлага үзүүлдэг хэсэг бүлэг найзтай. Тэд хийж байгаа зүйлээ зүгээр л хөгжилтэй, зугаатай гэж боддог. Нэг өдөр Золбоо эмэгтэй дүүг нь шоглож байхыг харжээ. Дүү нь хэчнээн их шаналж байгааг тэр харж байна. Дээрэлхэлт дүүд нь яаж нөлөөлөх бол гэж тэр санаа зовж байна. Эмэгтэй дүүгээ дээрэлхүүлж байгааг харснаар Золбоо өмнө нь олж харж байгаагүй зүйлээ ойлгож авчээ. Тэр өөрийгөө болон найзуудыгаа бусдад ямар сэтгэгдэл төрүүлдгийг ойлгожээ. Тэр одоо цөхөрч, юу хийх ёстойгоо мэдэхгүй гайхширч байна.

Золбоо бусдад гаргадаг хандлагаа эргэцүүлэн бодож ямар хэцүү шийдвэр гаргах хэрэгтэй вэ? Эдгээр өөрчлөлтийг хийх нь яагаад хэцүү вэ?

Сүнслэг мэдлэг олж авах зарчмуудыг энэ жишээн дээр хэрэгжүүлэхэд суралцагчдад туслах үүднээс та тэднийг дараах зүйлийг хийхэд урьж болно.

Золбоод тустай гэж бодож байгаа сүнслэг мэдлэг олж авах гурван зарчмын нэгийг сонго. Та нарын сонгосон зарчимд тохирох доорх үйл ажиллагааг гүйцээ.

Утга санаа, асуултуудыг мөнхийн талаас нь шинжлэн судлах

Та нар Тэнгэрлэг Эцэг Золбоог мэдээсэй хэмээн хүсэх байсан гэж бодож байгаа бүх зүйлийн жагсаалтыг гарга. Түүнд өөрийгөө болон бусдыг илүү зохистойгоор харахад тустай Эхлэл 1:26–27 мөн 1 Самуел 16:7 дээр цэдэглэсэн сургаалуудыг эргэцүүлэн бод.

Тэнгэрээс томилогдсон эх сурвалжуудаар дамжуулан илүү гүн гүнзгий ойлголт олж авахыг эрэлхийлэх

Наманчилж, өөрчлөгдөх сонголт хийхэд нь Золбоод туслах судруудын эсвэл Ерөнхий чуулган дээр хэлсэн үгсийн жагсаалт гарга.

Та нар Gospel Library дахь Ерөнхий чуулган таб руу орж болно. “Сэдвүүд” цэс рүү орж, Золбоогийн нөхцөл байдалд тохируулан энэрэл, өрөвч сэтгэл, үлгэр жишээ, наманчлал гэх зэрэг сэдвийг сонго. Золбоог хүчирхэгжүүлэх эсвэл заавар өгөх яриа, хэлсэн үгийг хайж ол.

Та нарт судар хайж олоход тусламж хэрэгтэй байвал төгс эзэмших сургаалын судрын хэсгүүдийг дахин уншиж болно.

Итгэлээр үйлдэх

Золбоо юу хийж чадахыг харуулахын тулд Есүс Христэд итгэх итгэлээр хэрхэн үйлдэхийг нь харуулсан гурваас зургаан хэсэг зураг бүхий зурагт өгүүллэг зохио. Золбоо Есүс Христийн талаарх мэдлэгээ хэрхэн ашиглахыг зурагт өгүүллэгийнхээ нэг хэсэгт багтаахыг бодож үз.

Нэмэлт суралцах үйл ажиллагаа

Өөр жишээнүүд

Арван хоёр төлөөлөгчийн чуулгын ахлагч Гари Э.Стивэнсоны ярьсан түүхийг хичээл дээр ашиглах жишээний өөр хувилбар болгон ашиглах боломжтой. Уг түүхэд үг, үйлдлээрээ ангийнхаа хүүхдийг гомдоосноо олж хараад эелдэг байхаар шийдсэн хөвгүүний тухай өгүүлдэг. Та эхний хэсгийг (5:21-ээс 6:05 хүртэл) үзүүлээд дараа нь сүнслэг мэдлэг олж авах зарчмууд дээр суралцагчдыг ажиллуул. Ажиллуулж дуусаад та хоёр дахь хэсгийг (6:05–6:56) үзүүлж, уг хөвгүүн эдгээр зарчмыг хэрхэн ашиглаж мөн хэрэгжүүлснээр ямар ашиг тус хүртсэнийг олж мэдэхэд суралцагчдыг урь.

1-р хэсэг

15:10

2-р хэсэг

15:10

Өөр нэг сонголтод дараах жишээг ашиглаж болно. Суралцагчид дагалдах асуултуудыг ашиглан дэлгэрэнгүй мэдээлэл нэмж болно.

(Нэр оруулна уу) бүрэн цагийн номлолд үйлчлэх үү эсвэл сайн мэдээг ерөнхийд нь хуваалцахад анхаарлаа төвлөрүүлэх үү хэмээн гайхаж байна.

Энэ хүн яагаад бүрэн цагийн номлолд үйлчлэхийг хүсэж болох вэ?
Тэд яагаад бүрэн цагийн номлолд үйлчлэхэд санаа зовж байж болох вэ?

Суралцагчид энэ хүний асуудалд хариулт өгөхийн тулд сүнслэг мэдлэг олж авах зарчмуудыг ашиглах боломжтой. Төгс эзэмших сургаалын дараах хэсгүүд нь тустай байж болно: Мосе 1:39; Абрахам 2:9–11; Иошуа 24:15