Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Самуел 25: Аврагч бидэнд уучлахад тусалдаг

“1 Самуел 25: Аврагч бидэнд уучлахад тусалдаг,” Хуучин Гэрээний семинарын багшийн гарын авлага (2026)

“1 Самуел 25: Аврагч бидэнд уучлахад тусалдаг,” Хуучин Гэрээний семинарын багшийн гарын авлага

1 Самуел 17–18; 24–26; 2 Самуел 5–7; 75-р хичээл

1 Самуел 25

Аврагч бидэнд уучлахад тусалдаг

Painting of Jesus Christ in America, greeting Nephites.

Бусад хүн биднийг шархлуулах, гомдоох тохиолдлууд амьдралд маань учрах нь лавтай. Набал хэмээх нэгэн эр Давидыг омогдон дайрчээ. Набалын эхнэр, Есүс Христийн бэлгэдэл болох Абигаил өршөөл эрэн байж Давидад уучлахад тусалжээ. Абигаилыг Есүс Христтэй харьцуулснаар бид Түүний тухай мөн бидэнд өгсөн тусламжийнх нь талаар илүү ихийг мэдэж авна. Энэ хичээл нь Есүс Христ бусдыг уучлахад хэрхэн тусалдгийг ойлгоход суралцагчдад тусална.

Суралцагчийн бэлтгэл: Кристин М.Еий эгчийн “Үнсний оронд гоёл чимэг: Уучлалын эдгээх зам” (Лиахона, 2022 оны 11-р сар, 36–38) үгийг унших, үзэх эсвэл сонсоход суралцагчдыг урь. Таны урьдчилж сонгон өгсөн үгийг тэд бүхэлд нь эсвэл хэсэгчлэн судалж болно. Бусдыг уучлахад Аврагчийн тусламжийг хүлээн авах талаар олж авсан ойлголтоо хуваалцахаар бэлтгэж ирэхэд суралцагчдыг урь.

Боломжит суралцах үйл ажиллагаа

Есүс Христийн Цагаатгал

Энэ хичээлийн эхэнд харуулсантай адил Есүс Христийн зургийг үзүүлэх талаар бодож үз. Дараах гүйцэд бус өгүүлбэрийг самбар дээр бич. Даалгаврыг хийж дуусгах хэд хэдэн аргыг судлах тэмдэглэлдээ жагсаан бичихэд суралцагчдыг урь. Суралцагчдыг тунгаан бодож, бичиж байх хооронд та хүндэтгэл бишрэлийн дуу хөгжим тоглуулж болно.

Есүс Христийн ачаар би …

Хангалттай хугацаа өнгөрмөгц цөөн хэдэн суралцагчийг үгсийг гүйцээж бичсэнээ хуваалцахад урь. Тэд мөн хуваалцаж буй зүйлийнхээ талаарх сэтгэгдэл, итгэл үнэмшлээ илэрхийлэх боломжтой. Суралцагчдын гаргасан жагсаалтад дэмжлэг, нэмэр болгох үүднээс дараах мэдэгдлийг үзүүл.

Ерөнхийлөгч Рассэлл М.Нэлсон Есүс Христийн ачаар бид бүгдийн хийж чадах зүйлийг ийн дүрсэлсэн.

15:3

Түүний хязгааргүй Цагаатгалаар дамжуулан та өөрийг тань гомдоосон болон танд таагүй хандсаныхаа хариуцлагыг хэзээ ч хүлээхгүй байж мэдэх хүмүүсийг уучилж чадна.

Танаас чин сэтгэлээсээ, даруухнаар өршөөл эрсэн хүнийг уучлах харьцангуй амархан. Гэвч янз бүрийн байдлаар тантай зүй бус харьцсан ямар ч хүнийг уучлах чадварыг Аврагч танд өгнө. Ингэснээр тэдний буруу үйлдэл таны бодгалийг зовоож чадахгүй. (“Есүсийн танд барьж буй дөрвөн бэлэг” [2018 оны 12-р сарын 2-ны Тэргүүн зөвлөлийн Христийн мэндэлсний баярын онцгой цугларалт], Gospel Library)

Есүс Христ Өөрийн Цагаатгалаар дамжуулан юуг боломжтой болгодог бэ?

Дараах үнэний тусламжтайгаар самбар дахь өгүүлбэрийг гүйцээн бич: Есүс Христийн ачаар би намайг шархлуулсан хүмүүсийг уучилж чадна. Хэрэв энэ үнэн суралцагчдын анх гаргасан жагсаалтад байгаагүй бол энэ үнэнийг тэмдэглэлдээ нэмж бичихэд суралцагчдыг урьж болно.

Давид, Набал хоёр

1 Самуел 25 дээр цэдэглэсэн Набалын эхнэр Абигаилын үйлдлийг Есүс Христтэй адилтгаж болно. Энэ зүйрлэл нь бидэнд Түүний тухай илүү ихийг олж мэдэхэд тусалдаг. Ийм харьцуулалтуудыг заримдаа Есүс Христийн бэлгэдлүүд гэж нэрлэдэг. Суралцагчдыг энэ бүлэг дэх Христийн бэлгэдлийг ойлгоход туслах Ариун Сүнсийг урихад уриалан дэмж. Суралцагчдыг судалж эхлэхээс өмнө энэ түүх Христийн талаар юу зааж байгааг олж мэдэхэд анхаарлыг нь илүү төвлөрүүлэхийн тулд уг түүхийг бүхэлд нь нэгтгэн дүгнэх нь тустай байж болно.

Давид мөн түүний хүмүүс цөлөөр явж байхдаа Набал гэдэг хүний зарц нартай тааралджээ. Тулалдааны үед ядарч туйлдсан цэргүүд хэрэгтэй зүйлээ олж авахаар байнга л хууль зөрчдөг байжээ. Давид мөн түүний хүмүүст тусламж, дэмжлэг хэрэгтэй байв. Набал баян чинээлэг, мал сүрэг олонтой нэгэн байсан. Давид цэргүүдийнхээ хамтаар Набалын зарц нарт хатуу ширүүн хандаж, хэрэгтэй зүйлээ авахын оронд сайхан сэтгэлээр хандаж, тэднээс юу ч аваагүй юм (1 Самуел 25:7, 15–16-г үзнэ үү). Давид зайлшгүй шаардлагатай хоол хүнс, хэрэгцээт зүйлсээ Набалаас найрсгаар гуйлгахаар өөрийн 10 залууг илгээжээ (1 Самуел 25:5–9-ийг үзнэ үү). Үүний хариуд Набал Давидыг омогдон дайрч, түүнд болон түүний залууст туслахаас татгалзав (1 Самуел 25:10–11-ийг үзнэ үү).

Та самбарт гүйцээн бичсэн өгүүлбэрийн доод талд хоёр нүүр зурж болно. Нэгийг нь Давид, нөгөө нь Набал гэж нэрлэ. Эдгээр хоёр нүүрний голд хичээлийн төгсгөлд гурав дахь нүүр зурах зай үлдээ. Давидыг төлөөлж буй нүүрний доор: Набалын зарц нарт сайхан сэтгэлээр хандсан; Набалаас тусламж хүссэн гэж бичиж болно. Харин Набалыг илэрхийлж буй нүүрэн доор: Давидыг омогдон доромжилсон, Туслахаас татгалзсан гэж бичиж болно. Доорх шүлгүүдийг уншихдаа сэтгэл хөдлөлөө нүүр царайгаараа илэрхийлэхэд суралцагчдыг урьж болно.

Ангийн нэг хагасыг Набалын тухай, нөгөө хагасыг Давидын тухай уншихад урь. Шаардлагатай гэж үзвэл илүү сайн ойлгуулахын тулд суралцагчдыг зүүлт тайлбарт хандуул.

1 Самуел 25:3, 14, 17, 25 гэсэн шүлгүүдийг уншаад Набалын зан чанарыг олж мэд.
Набалын омогдон дайрч, туслахаас татгалзсан үйлдэлд Давид ямар хариу үйлдэл үзүүлснийг олж мэдэхийн тулд 1 Самуел 25:13, 21–22-ыг унш.

Хуваарилан авсан хүнийхээ талаар олж мэдсэн зүйлээ өөрийн хүсэлтээр самбарт бичих нэг суралцагчийг бүлэг тус бүрээс урь. Жишээлбэл: Набалын доор хэдэр; догшин; үл тоосон гэж бичиж болно. Харин Давидын доор тэд ууртай; үл тоомсорлогдсон; өшөө авахыг хүссэн гэж бичиж болох юм. Суралцагчид сурч мэдсэн зүйлээ харуулах үүднээс сэтгэл хөдлөлөө нүүр царайгаараа илэрхийлж болно.

Өөрсдийнхөө нөхцөл байдлыг эргэцүүлэн бодох боломжийг суралцагчдад олго. Өөрсдөдөө хийсэн энэ дүгнэлтээ хуваалцах шаардлагагүй гэдгийг тэдэнд хэл.

Дараах асуултуудад хариулах хариултаа бод.

Хэзээ та нарт хэн нэгэн тоомжиргүй хандсан бэ?
Зүй бус тоомжиргүй харьцсан түүнийг уучлахын тулд та нар ямар хичээл зүтгэл, амжилт ололт гаргаж, бэрхшээлийг туулж эсвэл давж гарсан бэ?

Абигаил Христийг бэлгэддэг нэгэн болой

Абигаилын түүхийг судлахад бэлтгэх үүднээс Христийн бэлгэдлүүдийг олж судлах чадварыг суралцагчдад танилцуул. Абигаилын хэлсэн зүйл эсвэл Есүс Христ, Түүний үүрэг, Тэнгэрлэг Эцэгийн төлөвлөгөөн дэх Түүний номлолын талаар тэдэнд сануулдаг зүйлсийг хайж олох боломжтой гэдгийг суралцагчдад тайлбарла.

Набалын зарц өөрийн эзэн, Давид хоёрын хооронд өрнөж буй зөрчлийг гэрчилжээ. Тэр зарц Набалын эхнэр Абигаилд (1 Самуел 25:14–17-г үзнэ үү) мэдэгдэв. Абигаил уг зөрчилдөөнийг мэдсэн даруй Набалын өмнөөс Давидаас уучлахыг гуйжээ (1 Самуел 25:18–20, 23–28-ыг үзнэ үү). Абигаилыг Христийн бэлгэдэл гэж үзэж болно. Бид судруудыг судалж, хүмүүс, эд зүйлс, тэр байтугай үйл явдлууд Христийн тухай бодоход тустай гэдгийг олж мэдсэнээр Христийн бэлгэдлүүдийг олж харж чадна.

Самбар дахь Давид, Набал хоёрыг төлөөлж буй хоёр нүүрний голд өөр нэг нүүр зур. Энэ нүүрийг Абигаил гэж нэрлэ. Ганцаарчлан эсвэл жижиг бүлгээрээ дараах зүйлийг судлахад суралцагчдад хангалттай цаг гаргаж өг.

1 Самуел 25:18–19, 23–28, 31-р шүлгүүдийг уншаад Есүс Христийн хэлсэн эсвэл хийсэн зүйлтэй адил төстэй Абигаилын хэлсэн эсвэл хийсэн зүйлийг олж мэд. Олж мэдсэн зүйлээ тэмдэглэж ав.

Абигаилыг илэрхийлж байгаа нүүрний доор суралцагчдын олж мэдсэн зүйлсийг жагсаан бич. Байж болох хариултууд: Элбэг дэлбэг хангамж өгсөн (18-р шүлэг); Набалын алдааг өөртөө үүрсэн (24-р шүлэг); Набалын алдааны төлөө Давидаас өөрийг нь уучлахыг хүссэн (28-р шүлэг); Давидын зүрх сэтгэлээс гомдол, хорслыг арилгасан (31-р шүлэг).

Абигаил хэрхэн Есүс Христийн бэлгэдэл болж байна вэ?

Халамжийн нийгэмлэгийн ерөнхий ерөнхийлөгчийн зөвлөлийн гишүүн Кристин М.Еий эгч Аврагчийн бусдыг уучлахад тусалдаг чадварын талаар ойлголтоо хуваалцсан.

Энэ түүхэд Абигаилыг Есүс Христийн хүчирхэг жишээ буюу бэлгэдэл болгон харж болно. Тэр Өөрийн цагаатгагч золиослолоор дамжуулан биднийг нүглээс болон харалган сэтгэлийн ачаанаас чөлөөлж, хэрэгтэй хоол хүнсээр хангаж чадна.

Абигаил Набалын гэм нүглийг өөртөө үүрэхэд бэлэн байсан шиг Аврагч ч мөн ойлгохын аргагүй арга замаар бидний мөн биднийг гомдоож, зовоосон хүмүүсийн гэм нүглийг Өөр дээрээ авсан. …

Абигаилын элбэг дэлбэг хоол хүнс, хангамж авчирсан үлгэр жишээ нь өвдөж, шархалсан хүмүүст эдгэж, эрүүл болоход шаардлагатай хоол тэжээл, тусламжийг Аврагч өгдөг гэдгийг бидэнд зааж чадна. …

Абигаил Давидад “зүрх сэтгэлийн саад тотгор” [1 Самуел 25:31]-гүй байхад мөн өөрт хэрэгтэй тусламжийг авахад тусалсан шиг Аврагч ч танд мөн адил туслах болно. (“Үнсний оронд гоёл чимэг: Уучлалын эдгээх зам,” Лиахона, 2022 оны 11-р сар, 36–38)

Еий эгчийн хэлсэн үгээс онцгой, чухал санагдсан хэсгийг хуваалцахад суралцагчдыг урь. Суралцагчдыг хуваалцаж байх хооронд Абигаилыг илэрхийлж буй нүүрийг хичээлийн эхэнд үзүүлсэн Есүс Христийн зургаар солиод, Аврагчийн дүр төрхийг Набал, Давид хоёрын нүүрний голд тавьж болно.

Аврагч бидэнд бусдыг уучлахад хэрхэн тусалдаг вэ?

Абигаилын үйлдэл Давидад хэрхэн нөлөөлснийг олж мэдэхийн тулд 1 Самуел 25:32–35-ыг уншина уу.

Бусдыг уучлахдаа Аврагчийн тусламжийг хүлээн авахад бид үүнтэй төстэй ямар мэдрэмж авах вэ?

Ойлголтоо харуулах

Аврагчийн бусдыг уучлахад туслах чадварын талаар ойлгосон зүйлээ илэрхийлэх боломжийг суралцагчдад олго. Дараах үйл ажиллагаа нь үүнийг гүйцэтгэх нэг арга юм.

Судлах тэмдэглэлдээ дараах үйл ажиллагааг хийж дуусга.

Хэн нэгэн та нарыг шархлуулах юм уу гомдоох үед та нарт төрдөг мэдрэмжийг төлөөлөх нүүр зур.
Энэ дүрсийн хажууд та нарыг шархлуулж гомдоосон хүнийг төлөөлүүлэх нүүрийг зур.
Энэ хоёр дүрсийн дунд бусдыг уучлахад тань тусалж чадах Аврагчийн тухай ойлгосон зүйлсээ жагсаан бич.

Аврагчийн талаар бичсэн зүйлээ хуваалцахад суралцагчдыг урих талаар бодож үз. Та мөн сурч мэдсэн зүйлээ хичээлээс гадуур бусадтай хуваалцахад суралцагчдыг уриалан дэмжиж болно. Бусдыг уучлахаар хичээх үед Аврагчийн бидэнд өгдөг тусламжийн талаарх гэрчлэлээ нэм.

Нэмэлт эх сурвалжууд

Уучлахад хэцүү байвал би юу хийх вэ?

Ерөнхийлөгч Рассэлл М.Нэлсон ийн заасан.

Бидэнд өөрсдийгөө зөвтгөх шалтгаан байгаа үед уур хилэнгээсээ салах нь үнэхээр хэцүү байж болно. Хор хөнөөлтэй үйлдлээрээ гэмгүй хүмүүсийг гомдоосон тэднийг уучлах боломжгүй санагдаж ч магад. Гэхдээ Их Эзэн бидэнд “бүх хүнийг уучил” [Сургаал ба Гэрээ 64:10] гэж сануулсан. …

Хэрэв одоо уучлах боломжгүй мэт санагдаж байвал Есүс Христийн цагаатгагч цусаар дамжуулан танд туслах хүчийг хичээнгүйлэн гуй. Таныг ийн үйлдэх үед хувийн амар амгалан, сүнслэг инерц урсан орж ирнэ гэдгийг би амлаж байна.

Аврагч бүх хүн төрөлхтний төлөө Цагаатгал үйлдэхдээ Өөрийг нь дагадаг хүмүүст Өөрийн эдгээх, хүчирхэгжүүлэх, гэтэлгэх хүчнээс хүртэх замыг нээж өгсөн. (“Сүнслэг инерцийн хүч,” Лиахона, 2022 оны 5-р сар, 97–99)

Халамжийн нийгэмлэгийн ерөнхий ерөнхийлөгчийн зөвлөлийн Кристин М.Еий эгч ийн хуваалцсан.

10:7

Зовж шаналсан, олзлогдсон, дарамтад байгаа, магадгүй гомдол эсвэл гэм нүгэлд сохорсон бүх хүнд Тэрээр эдгэрэл, сэргээлт, чөлөөлөлтийг өгдөг. Түүний өгч буй эдгэрэл болоод сэргээлт бодитой гэдгийг би гэрчилж байна. Эдгэрэх цаг хугацаа хувь хүн бүрд өөр бөгөөд бид бусдын цаг хугацааг шүүж чадахгүй. Өөрсдийн эдгэрэлд шаардлагатай цагийг гаргаж, энэ үйл явцдаа өөрсдөдөө зөөлөн хандах нь чухал. Аврагч үргэлж нигүүлсэнгүй, халамжаар дүүрэн байж, бидэнд хэрэгтэй дэмжлэгийг үзүүлэхэд бэлэн байдаг [Алма 7:11–12-ыг үзнэ үү]. (“Үнсний оронд гоёл чимэг: Уучлалын эдгээх зам,” Лиахона, 2022 оны 11-р сар, 36–38)

Нэмэлт суралцах үйл ажиллагаанууд

Аврагч уучлахад минь хэрхэн тусалдаг вэ

Аврагч суралцагчдад уучлахад тусалдаг тодорхой арга замуудыг олж харахад нь хэрхэн туслах талаар бодож үз. Та Абигаилын Давидын төлөө хийсэн зүйлийг Аврагч бидний төлөө хийж чадна гэдгийг баталсан хэсгүүдийг судруудаас олоход суралцагчдад тусалж болно. Ашиглах боломжтой зарим судрыг доор жагсаав.

Абигаил	Аврагч
Абигаил Элбэг дэлбэг хангамж өгсөн (1 Самуел 25:18)	Аврагч Хэрэгтэй үед биднийг халамжлан өмгөөлдөг (Aлма 7:11–12; Сургаал ба Гэрээ 62:1)
Абигаил Набалын алдааг өөртөө үүрсэн (1 Самуел 25:24)	Аврагч Дэлхийн нүглүүдийг Өөр дээрээ авдаг (Алма 7:13; 3 Нифай 11:11)
Абигаил Набалын алдааны төлөө Давидаас уучлал хүссэн (1 Самуел 25:28)	Аврагч Бидний Өмгөөлөгчийн хувьд Эцэгийн өмнө бид нарын өмнөөс гуйсан (Сургаал ба Гэрээ 45:3–5)
Абигаил Давидын зүрх сэтгэлээс гомдол, хорслыг тайлсан (1 Самуел 25:31)	Аврагч Шавь нараа бусдыг уучлахад урьдаг (Сургаал ба Гэрээ 64:8–11)

Эдгээр сударт Аврагчийн тухай юу заасныг олж мэдэх нь бидэнд бусдыг уучлахад хэр тустай талаар ярилцахад суралцагчдад туслахдаа ангийн суралцагчдын жагсаан бичсэн арга нэг бүрийг ашигла.

Орчин үеийн жишээнүүд

Бусдыг уучлахад маань Аврагч хэрхэн тусалдгийг жишээ болгон суралцагчдад үзүүлэхийн тулд “Уучлал: Миний ачаа хөнгөн болсон” видеог 2:44-өөс 4:04 хүртэл цагийн кодоор үзүүлж болно. Энэ видеонд эхнэр, хүүхдүүдээ машины ослоор алдсан нэгэн эрэгтэй осол гаргасан хүнийг уучлахад Аврагч түүнд хэрхэн тусалсныг хуваалцдаг.

8:26

Мөн “Аз жаргалтай, үүрд мөнхөд” видеог 2:32-оос 4:23 хүртэлх цагийн кодоор үзүүлэх өөр нэг сонголт байж болно. Энэ видеонд Арван хоёр төлөөлөгчийн чуулгын ахлагч Гэррит В.Гонг түүний нэгэн найз мацаг барьж, залбирч, ариун сүмийн ёслолуудыг гүйцэтгэх үедээ нас барсан аавыгаа уучлахад нь Аврагч хэрхэн тусалсан түүхийг хуваалцдаг юм.

13:21

1 Самуел 25:35. “Би чиний хэлснийг сонссон”

Тэмдэглэлдээ зурсан зургаа дүгнэхэд суралцагчдыг урихын оронд та дараах зааврыг өгч болно. Үүнд:

1 Самуел 25:32–35-р шүлгийг уншаад, Абигаилын талаар мөн Набалыг өршөөхөд тусалсан түүний хичээл зүтгэлийн талаарх Давидын бодлыг олж мэд.

Та нарт ямар үг, хэллэг онцгой сэтгэгдэл төрүүлсэн бэ?

Бусдыг уучлахад тусалж буй Өөрийнх нь талаар ямар сэтгэгдэлтэй байгаагаа Есүс Христэд хэлэх боломж та нарт олдсон гэж төсөөл. Түүнд юу хэлэхийг хүсэж байгаагаа богинохон жишээ болгон судлах тэмдэглэлдээ бич.

2 Самуел 5. Тэнгэрлэг зааврыг эрэлхийлж, дагах нь

Хичээл дээр нэмэлт цаг гарвал энэ долоо хоногийн Ирээд, Намайг дага уншлагын нэмэлт үнэнүүдийн талаар ярилцах нь тустай байж магадгүй.

Юу хийхээ мэдэхгүй болж байсан тохиолдлоосоо хуваалцахад суралцагчдыг урь. Жишээнүүдэд хүнд хэцүү шийдвэр, айдас мэдэрсэн хором мөч, өөрийгөө голох мэдрэмж багтаж болно.

Израилын хааны титэм хүртсэнийхээ дараа филистчүүдийн олон удаагийн дайралтын үед Давидад ийм мэдрэмж төрсөн байж болох юм гэдгийг тайлбарла.

Филистчүүдийг довтлох бүрд Давидын юу хийснийг олж мэдэхийн тулд 2 Самуел 5:17–25-ыг унш.

Та нар Давидын жишээнээс хүнд хэцүү үед тус болох юуг сурч мэдсэн бэ?

19 болон 23-р шүлэг дэх давтагдсан хэллэг мөн 25-р шүлэг дэх эхний мөрийг онцолж харахад суралцагчдыг урих талаар бодож үз. Бид Тэнгэрлэг Эцэгээс тусламж хүсэж, Түүний заавруудыг дагаваас амжилтад хүрч чадна гэдгийг тодорхойлоход тэдэнд тусал.