Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Самуел 17: Давид, Голиат хоёр

“1 Самуел 17: Давид, Голиат хоёр,” Хуучин Гэрээний семинарын багшийн гарын авлага (2026)

“1 Самуел 17: Давид, Голиат хоёр,” Хуучин Гэрээний семинарын багшийн гарын авлага

1 Самуел 17–18; 24–26; 2 Самуел 5–7: 74-р хичээл

1 Самуел 17

Давид, Голиат хоёр

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

Голиаттай тулалдахаар явахдаа Давид “залуу бага” байсан хэдий ч “залуу байхаасаа цэргийн хүн байсан” Голиаттай тулалджээ (1 Самуел 17:33). Гэвч Их Эзэн өөртэй нь хамт байх болно гэдгийг Давид мэдэж байсан нь бүх өөрчлөлтийг авчирсан билээ. Өнөөдөр бид сорилт бэрхшээлтэй тулгарах үедээ Есүс Христийн тусламжтайгаар даван туулах хүч чадлыг олж авч чадна. Энэ хичээл нь сорилт бэрхшээлтэй тулгарах үедээ Их Эзэнд найдахад суралцагчдад тусалж чадна.

Суралцагчийн бэлтгэл: Өсвөр үеийнхэнд тулгардаг зоригтой байхыг шаарддаг нөхцөл байдлын талаар бодоход суралцагчдыг урь. Суралцагчид гэр бүлийн хэн нэгнээсээ эсвэл найз нөхрөөсөө зориг шаардсан үйл явдлын талаар асууж болно.

Боломжит суралцах үйл ажиллагаа

Голиат минь

Хичээл эхлэхээс өмнө Голиат хэр өндөр байсныг харуулах зорилгоор ханан дээр наалддаг тууз юм уу өөр төрлийн тэмдэг тавих талаар бодож үз (ойролцоогоор 9 фут 9 инч буюу 3 метр өндөр).

Хичээлийн эхэнд харуулсан зургийг дэлгэцэд үзүүл.

Та нар Давид, Голиат хоёрын түүхийн талаар юу мэдэх вэ?

Босож зогсоод, ханан дээр тэмдэглэсэн Голиатын өндөртэй өөрийнхөө өндрийг харьцуулахад цөөн хэдэн суралцагчийг урь. Голиаттай нэг нэгээрээ тулалдвал ямар байхыг төсөөлөхөд тэднийг уриал.

Самбарт Голиатыг төлөөлөх хүний дүрсийг томоор зур. Үүнийг бидний сорилт бэрхшээл гэж нэрлэ. Самбарт зурсан хүний дүрсний хажууд өсвөр үеийнхэнд тулгардаг сорилт бэрхшээлүүдийг жагсаан бичихэд суралцагчдыг урь.
Өнөөдөр өсвөр үеийнхэнд том, жижиг ямар ямар сорилт бэрхшээл тулгардаг вэ?

Суралцагчдыг самбарт хэд хэдэн сорилт бэрхшээлийг жагсаан бичсэний дараа судлах тэмдэглэлдээ хүний дүрсийг томоор зурж, үүнийхээ хажууд Миний сорилт бэрхшээл гэж бичихэд урь. Суралцагчид уг дүрсний хажууд өөрт тулгараад буй сорилт бэрхшээлийг бичиж болно. Суралцагчдаар дараах зүйлийг чимээгүй тунгаан бодуул.

Амьдралд тань тулгарч болзошгүй сорилт бэрхшээлүүдийг тунгаан бод. Өнөөдөртөө анхаарлаа төвлөрүүлэх нэгийг сонго. Энэ сорилт бэрхшээлийг даван туулахад Их Эзэн тусалж чадна гэдэгт та нар хэр итгэлтэй байгаагаа бод. Өөрт төрсөн бодлуудыг тэмдэглэлдээ бич.

1 Самуел 17 шүлгийг судлахдаа сорилт бэрхшээлээ даван туулахад Аврагчийн тусламжийг хэрхэн урьж болохыг олж мэдэхэд туслах Ариун Сүнсийг урь.

Айдсаас илүү итгэл

Та энэ түүхийн агуулгыг суралцагчдадаа ойлгуулахын тулд хичээлийн эхэнд хуваалцаагүй байж болох дараах догол мөрийг дэлгэрэнгүй хуваалцаж болно.

Израилчууд филистчүүдтэй тулалдаж байв. Филистийн дайчин болох Голиат нэг сорилт тулгажээ. Хэрэв израилчуудын дундаас сонгогдсон нэгэн надтай нэг л удаа тулалдаж дөнгөөд, ялбал филистчүүд Израилын боол болъё гэж тэр хэлэв. Харин Голиат ялбал Израил филистчүүдэд боол болон үйлчлэх ёстой байв. Голиат 40 өдрийн турш гарч ирэн, израилчуудыг тулаанд уриалж байв. Саул хааны болон Израилын цэргүүдийн зориг мохож, ихэд айж байлаа. Давид цэргийн хуаранд байгаа ах нартаа хоол хүнс хүргэхээр иржээ. Тэрээр Голиат Израилын цэргүүдийг үл тоож буйг сонсов (1 Самуел 17:1–25-ыг үзнэ үү).

1 Самуел 17:26-г уншаад, Голиат Израилын цэргийг үл тоон эсэргүүцэхийг сонсоод Давид хэрхэн хариу үйлдэл үзүүлснийг олж мэд.

Давидын хариултаас юу нь та нарын анхаарлыг татаж байна вэ?

Дараах шүлгүүдийг судлахад суралцагчдад туслах үүднээс Саул хаан, Давид, өгүүлэгч гурвын дүрийг өөрсдийн хүсэлтээр уншихад гурван суралцагчийг урьж болно.

Давид яагаад “амьд Бурханд” (36-р шүлэг) тийм итгэлтэй байсныг олж мэдэхийн тулд 1 Самуел 17:31–37-г унш.

Голиатын эсрэг тулалдахад түүнд итгэл төрүүлсэн Их Эзэний талаар Давид юу мэдэж авсан бэ?

Суралцагчид хөрвөлтийн зарчмуудыг өөрсдийн үгээр илэрхийлснээр судрууд мөн бошиглогчдын хэлсэн үгсийн талаарх ойлголтоо гүнзгийрүүлэх болно. Үүний гүйцэтгэх нэг арга нь нэг суралцагч тайлбар хуваалцсаны дараа нэмэлт асуулт асуух явдал юм. Дараах асуултууд нь жишээ юм.

(Суралцагчдыг хөрвөлтийн зарчмуудыг олж мэдэхэд туслах талаар нэмэлт сургалтыг Багшийн хөгжүүлбэл зохих ур чадвар дахь “Есүс Христэд хөрвөгдөж, Түүнд итгэх итгэлийг нэмэгдүүлэхэд хөтлөх үнэнүүдэд төвлөр” хэсгээс үз.)
Их Эзэний тухай Давидын олж мэдсэн зүйл биднийг сорилт бэрхшээлээ даван туулахад хэрхэн тусалж чадах вэ?

Суралцагчид хэрэв бид Их Эзэнд найдвал Тэр бидэнд сорилт бэрхшээлийг даван туулахад туслах болно гэсэн зарчмыг өөрсдийн үгээр илэрхийлж болно.

Их Эзэнд найдах нь

1 Самуел 17:38–51-ийг уншиж, Давид Голиаттай нүүр тулахдаа Их Эзэнд хэрхэн найдаж байсныг олж мэд. Олж мэдсэн зүйлээ тэмдэглэж ав.

Их Эзэнд найддаг болохоо Давид хэрхэн харуулсан бэ?

Давид хааны хуяг дуулгыг тайлж, чулуу, дүүгүүрийг зэвсэг болгон сонгож (39–40-р шүлэг) эсвэл Есүс Христийн тухай гэрчлэхэд харуулсан (45–47-р шүлэг) гэх зэргээр суралцагчид өөр өөр хариулт хэлж болно. Давид хэрхэн Их Эзэнд найдсаныг харуулсан үйлдэл нэг бүрийг тайлбарлахыг суралцагчдаас хүс.

Сорилт бэрхшээлтэйгээ нүүр тулах нь

Дэлгэцэд таван чулуу харуул эсвэл самбарт таван чулуу зурах талаар бодож үз (1 Самуел 17:40-ийг үзнэ үү). Эдгээр чулуу нь сорилт бэрхшээлтэй тулгарах үедээ Их Эзэнд найдах арга замуудыг төлөөлнө. Дараах зааврыг дагахдаа суралцагчдыг хоёр хоёроор нь эсвэл жижиг бүлгүүдэд хуваарилах талаар бодож үз. Тэд хариултаа самбар дээрх чулуунуудын хажууд жагсаан бичиж болно.

Самбарт Бидний сорилт бэрхшээлүүд гэсний доор жагсаан бичсэн сорилтуудаас нэгийг сонго.

Хувь хүн энэхүү сорилт бэрхшээлтэй тулгарах үедээ Тэнгэрлэг Эцэг, Есүс Христ хоёрт найддаг таван арга замыг тодорхойл. Эдгээр арга зам нь та нарын сонгосон сорилт бэрхшээлтэй хамааралтай байх ёстой гэдгийг анхаар. Яагаад энэ үйлдэл нэг бүрийг сонгосон болохоо ярилц.

Бичсэн зүйлээ сайн дураараа хуваалцах хүсэлтэй суралцагчдыг урь.

Та нарт эсвэл та нарын таньдаг хэн нэгэнд бэрхшээл тулгарах үед Тэнгэрлэг Эцэг, Есүс Христ хоёр хэрхэн тусалсан бэ?
Та нар эсвэл таньдаг хүн тань Тэдний тусламжийг хүлээн авах ямар ямар үйлдэл хийсэн бэ?

Арван хоёр төлөөлөгчийн чуулгын ахлагч Гэррит В.Гонг Есүс Христ бусдыг уучлахад бидэнд хэрхэн тусалж болох тухай ийн заасан.

14:11

Аврагч өнөөдөр энд зогсож байсан бол та нарыг гэх цаглашгүй их хайраа мөн та нарт бүрэн итгэдэг болохоо илэрхийлэх байсан. Тэрээр та нарт та нар хийж чадна хэмээн хэлэх байсан. Есүс Христ таны хүч чадал учраас та баяр хөөртэй, аз жаргалтай амьдралыг цогцлоож чадна. (“Есүс Христ бол өсвөр үеийнхнийг бат бөх байлгах хүч мөн,” Лиахона, 2022 оны 11-р сар, 9–12)

Та нар Түүнд гүн бат итгэлтэй байснаар сорилт бэрхшээлүүдийг даван туулахад тусалдаг Есүс Христийн талаар юу олж мэддэг вэ?

Өөрсдийнхөө Голиаттай нүүр тулах нь

Дараах заавруудыг үзүүл.

Тэмдэглэлдээ бичсэн сорилт бэрхшээлээ тунгаан бод. Уг сорилт бэрхшээлтэй тулгарахдаа Их Эзэнд найдах нэг арга замыг сонгоход та нарт туслах Ариун Сүнснээс сүнсний өдөөлтийг эрэлхийл.

Судлах тэмдэглэлдээ нэг эсвэл түүнээс олон чулуу зур. Чулуунуудын хажууд эсвэл дотор юуг яаж хийхээ бич.

Суралцагчдыг сайн дураараа хуваалцахад урь.

Сорилт бэрхшээлүүдийг даван туулахад туслах Аврагчийн чадвар ба хүслийг суралцагчдад гэрчил. Есүс Христийн тусламжтайгаар сорилт бэрхшээлийг даван туулах суралцагчдынхаа чадварт итгэлтэй байна гэдгээ илэрхийл.

Нэмэлт эх сурвалжууд

Өөрт нь найдан сорилт бэрхшээлээ даван туулахад минь Аврагч хэрхэн тусалдаг вэ?

Далын ахлагч Жэймс Б.Мартино ийн хэлсэн.

11:5

Амьдралд тохиох сорилт бэрхшээлийн хэр хэмжээ, хязгаар, хэр ноцтой байхаас үл хамааран бид бүгдэд болимоор, орхимоор, зугтмаар, бүр шантармаар цаг үеүд байдаг. Харин Аврагчдаа, Есүс Христэд итгэх итгэлээ хэрэгжүүлэх нь ямар ч саад тотгортой тулгарсан бай биднийг зориг мохохгүй байхад тусалдаг. (“Итгэлтэй үргэлжлүүлсээр бай,” Лиахона, 2023 оны 5-р сар, 13–15)

Залуу эмэгтэйчүүдийн ерөнхий ерөнхийлөгчийн зөвлөлийн гишүүн Тамара В.Рүниа эгч ийн хуваалцсан.

11:30

Аврагч Өөрийн Цагаатгалын ачаар, танд тохиолдож буй ямар ч хар дарсан зүүдийг адислал болгон хувиргах чадалтай гэдгийг би гэрчилж байна. Тэрээр бид Түүнийг хайрлаж мөн дагахыг хичээснээр “бүх зүйл мөн [бидний] зовж зүдэрсэн бүх зүйл [бидний] сайн сайхны төлөө ажиллах болно” хэмээх “өөрчлөгдөшгүй гэрээний хамт” амласан байдаг [Сургаал ба Гэрээ 98:3; шүлгийг онцлон тэмдэглэсэн]. Бүх зүйл. (“Бурханы гэр бүлийг бүхэлд нь тоймлон харах,” Лиахона, 2023 оны 11-р сар, 62)

Би Давид, Голиат хоёрын түүхээс өөр юу мэдэж авч болох вэ?

Халамжийн нийгэмлэгийн ерөнхий ерөнхийлөгч Камилл Н.Жонсон ийн заасан.

10:8

Давид хүү Голиатыг ялан дийлэхийн тулд аварга биетийг сөрөн зогсох ёстой болсон. Давид хонио хариулахаар буцаад явсан бол аятайхан түүх байх байв. Гэвч тэр арслан, баавгай зэргээс хургыг аварч байсан туршлагаа эргэцүүлэн бодсон юм. Тэрээр эдгээр баатарлаг амжилтууд дээр тулгуурлан, Бурханд өөрийнх нь түүхийг бичихийг зөвшөөрөх итгэл, зоригийг цуглуулсан юм. … Бурханыг ялуулах хүсэлтэй, Ариун Сүнсийг сонсох чихтэй, Аврагчийг өөрийн түүхийн эхлүүлэгч бөгөөд төгсгөгч болгоход бэлэн байснаар Давид хүү Голиатыг ялж, ард түмнээ аварсан.

Мэдээж, сонгох эрх чөлөөний эрхэм зарчим бидэнд өөрийн түүхийг бичих боломжийг олгодог бөгөөд Давид ч хонио хариулахаар гэртээ харьж болох байсан. Гэхдээ Есүс Христ биднийг Өөрийн мутар дахь бурханлаг зэмсэг, үзүүрлэсэн харандаа болгон ашиглаж, бүтээл туурвихад бэлэн байна! Хэрэв би Түүнийг зөвшөөрөх итгэлтэй байж, Түүнд өөрийнхөө түүхийн зохиогч байхыг зөвшөөрвөл Тэр намайг үзүүрлэсэн харандаа, Өөрийн мутар дахь зэмсэг болгон нигүүлсэнгүйгээр ашиглах болно. (“Түүхээ бичихдээ Христийг урь,” Лиахона, 2021 оны 11-р сар, 80–82)

Би Есүс Христэд итгэх итгэлээ үйлдлээрээ харуулсан хэдий ч сорилт бэрхшээлүүд хэвээр байвал яах вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан.

Итгэл найдвар хэзээ ч алга болдоггүй. Хэрэв гайхамшгууд нь даруй эсвэл бүрэн дүүрнээр ирэхгүй байвал мөн огт тохиохгүй байгаа мэт санагдвал Аврагчийн Өөрийнх нь зовж шаналсан жишээ болох тэрхүү гашуун аяганаас уухаас өөр аргагүй болсон үедээ түүнээс ууж, ирээдүйд ирэх илүү аз жаргалтай өдрүүддээ найдан, хүчтэй байхаа санагтун. …

Бидэнд аливаа өвчин зовлон эсвэл хүнд хэцүү сорилтууд тулгарсан ч амьдралд итгэл найдвартай мөн талархалтай байх зүйл олон байдгийг санацгаая. (“Хагарсан сав шиг,” Ерөнхий чуулган, 2013 оны 10-р сар, 46–49)

Нэмэлт суралцах үйл ажиллагаанууд

Дагалдах мэдэгдэл

Хичээлийн эхэнд дурдсан дараах мэдэгдлийг сорилт бэрхшээлийнхээ талаар хэлэлцэх ярилцлагын хэсэг болгох талаар бодож үз.

Ерөнхийлөгч Томас С.Монсон (1927–2018) ийн заасан.

Та нарын амьдралд Голиат байдаг уу? Надад нэг байгаа билүү? Та болон таны хүссэн аз жаргалын дунд тэр хөндөлдөн зогсож байна уу? Та нарын Голиат … арван фут өндөр биш байлаа ч тэр мөн адил аймшигтай харагдах биз ээ. …

… Төгс Хүчит Бурханы тусламж [холгүй байдаг]. Бид яах вэ? … Бид өөрсдийн аварга Голиатаа ялах ёстой. (“Meeting Your Goliath,” New Era, 2008 оны 6-р сар, 5)

Давид бол Христийн нэг бэлгэдэл

Залуу Давидыг Есүс Христийн нэг жишээ бэлгэдэл гэж харахад суралцагчдад туслахын тул дараах хүснэгтийг зөвхөн судрын эшлэлтэй хамт үзүүлэх талаар бодож үз. Хамтрагчтайгаа судрын хэсгүүдийг уншаад, хэсэг нэг бүр нь Есүс Христтэй хэрхэн холбогдож байгааг олж тогтооход суралцагчдыг урь. Хангалттай хугацаа өнгөрмөгц суралцагчид олж мэдсэн зүйлээ ангийнхантайгаа хуваалцаж болно.

Давид	Есүс Христ
Давид 1 Самуел 17:12 (Давид Бетлехемд төрсөн.)	Есүс Христ Лук 2:4–7
Давид 1 Самуел 16:11; 17:15 (Давид хоньчин байсан.)	Есүс Христ Иохан 10:14
Давид 1 Самуел 16:13 (Давид Израилын хаанаар тослогдсон.)	Есүс Христ Лүк 4:18; Иохан 1:49
Давид 1 Самуел 17:50–51 (Давид аварга биетийг ялснаар Израилыг чөлөөлсөн.)	Есүс Христ 2 Нифай 9:10–12 (Есүс гэм нүгэл, үхлийг ялснаар биднийг чөлөөлсөн.)

Түүхийг жүжигчлэн тоглох

Саул, Давид, Голиат нарын дүрд жүжигчлэн тоглох хүсэлтэй гурван суралцагч, өгүүлэгчээр үйлчлэх нэг суралцагчийг урин уг түүхийг үзүүлэх талаар бодож үз. Та суралцагчдад нэр бичсэн тэмдэг, Саулын титэм, Давидын дүүгүүр зэрэг зарим эд зүйлийг өгч болно. Энэ үйл ажиллагаанд зарцуулах хугацаа нь хичээлийн үлдсэн цагаас хэтрэхгүй байхад анхаар.

Давид, Голиат хоёрын түүх орчин үед

Сорилт бэрхшээл тулгарахад Их Эзэнд найдаж буй талаарх орчин үеийн жишээг харуулахын тулд “Сэтгэлийн шархаар дамжуулан ажиллах” (3:58) гэдэг видеог үзүүлэх талаар бодож үз. Энэ видеонд сэтгэлийн шархтайгаа олон жил тэмцэж буй нэгэн залуу эмэгтэйн тухай гардаг. Та энэ залуу эмэгтэй Их Эзэнд хэрхэн найдсан болохыг олж харахад суралцагчдыг урьж болно.

3:58