Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Fampiharana fifehezana fotopampianarana 5: Fanaovana tsianjery andalan-tsoratra masina sy fampiharana fitsipika hahazoana fahalalana ara-panahy

“Fampiharana fifehezana fotopampianarana 5: Fanaovana tsianjery andalan-tsoratra masina sy fampiharana fitsipika hahazoana fahalalana ara-panahy,” Testamenta Taloha: Boky torolalana ho an’ny mpampianatra seminera (2026)

1 Samoela 17–18; 24–26; 2 Samoela 5–7: Lesona 76

Fampiharana fifehezana fotopampianarana 5

Fanaovana tsianjery andalan-tsoratra masina sy fampiharana fitsipika hahazoana fahalalana ara-panahy

Ny fifehezana fotopampianarana dia manampy ny mpianatra hanorina ny fiainany eo amin’ny fototr’i Jesoa Kristy sy ny filazantsarany. Ity lesona ity dia afaka manampy ny mpianatra hanao tsianjery andian-teny manan-danja ao amin’ny soratra masina ao amin’ny andalan-tsoratra masina fifehezana fotopampianarana sy hampihatra fitsipika masina hahazoana fahalalana ara-panahy.

Fanomanana ny mpianatra: Azonao atao ny manasa ny mpianatra hisafidy sy hanomboka hanao tsianjery andalan-tsoratra masina fifehezana fotopampianarana. Mety ho loharano afaka manampy ny application Fifehezana Fotopampianarana. Hita ao amin’ny Tahirin-kevitra fototra ho an’ny fifehezana fotopampianarana (2023) ny lisitr’ireo andinin-tsoratra masina.

Sahanasa fianarana azo atao

Famerenana fifehezana fotopampianarana: Manao tsianjery

Azonao atomboka amin’ny fanampiana ny mpianatra hahita ny maha zava-dehibe ny fanaovana tsianjery ny andinin-tsoratra masina fifehezana fotopampianarana sy ny andian-teny manan-danja ao amin’ny soratra masina ny fampianarana. Fomba iray ahafahanao manao izany ny fametrahana ireto fanontaniana manaraka ireto.

Inona no zavatra voalohany tsaroanao nataonao tsianjery? Mbola tsaroanao ve izany izao?
Efa nisy fotoana ve ianao nanao tsianjery soratra masina? Inona no tombontsoa azonao tamin’ny fanaovana tsianjery izany?
Afaka mahatsiaro ireo fotoana nampahatsiahivan’ny Mpamonjy anao soratra masina avy amin’ny fitadidianao ve ianao?

Raha ilaina dia ampahatsiahivo ny mpianatra fa nanonona soratra masina tamin’ny toe-javatra maro i Jesoa Kristy, toy ny tamin’ny fotoana nakan’i Satana fanahy Azy (jereo ny Matio 4:4, 7, 12), rehefa nametrahana fanontaniana sarotra valiana Izy (jereo Matio 9:13; 15:4, 7–9; Marka 10:7–8), ary tamin’ny fotoana nampianarany ny Nefita (jereo 3 Nefia 22; 24–25).

Azonao atao ireto manaraka ireto hanampiana ny mpianatra hanao tsianjery ny andinin-tsoratra masina fifehezana fotopampianarana sy ireo andian-teny manan-danja ao amin’ny soratra masina. Na misafidiana sahanasa fanaovana tsianjery hafa avy amin’ny “Sahanasa famerenana fifihezana fotopampianarana” ao amin’ny tovana.

Asehoy ny lisitra ana andalan-tsoratra masina fifehezana fotopampianarana nianaran’ny mpianatra hatreto. Asao ny mpianatra hisafidy andalana iray izay tiany hatao tsianjery. Avy eo dia asao ny mpianatra hamita ireto manaraka ireto.

Soraty ao amin’ny diary fandalinanao ilay andinin-tsoratra masina fifehezana fotopampianarana sy ny andian-teny fototra (tsara raha atao amin’ny pensiliazo). Vakio mafy ho renao izany avy eo. Rehefa voavaky dia fafao na tsipiho ny teny na isa iray na roa. Avereno vakina mafy indray. Tohizo toy izany hatrany mandrapaha voafafa ny teny sy ny isa rehetra. Avy eo dia jereo raha vitanao ny manoratra avy amin’ny fitadidianao ilay andininy sy ilay andian-teny manan-danja.

Raha ampy ny fotoana dia afaka mamerina manao izany indray ny mpianatra amin’ny andalana hafa.

Mandalina sy mampihatra ireo fitsipika hahazoana fahalalana ara-panahy

Diniho ity rafi-tantara manaraka ity:

Ao anatin’ny vondrona mpinamana matetika misetrasetra amin’ny mpianatra hafa any am-pianarana sy ao amin’ny tambajotra sosialy i Jao. Mampihomehy sy mampialavoly no fahitan’izy ireo ny zavatra ataony. Indray andro dia hitan’i Jao nadalain’ny hafa ny zandriny vavy. Hitany fa tena naratra ny fon’ny zandriny vavy. Manahy ny amin’ny mety ho voka-dratsin’izany herisetra izany amin’ny zandriny izy. Ny fahitany ny anabaviny niharan’ny herisetra dia nanampy an’i Jao hahalala zavatra tsy mbola takany teo aloha. Tsikariny ny fahatsapan’ny hafa noho ny zavatra ataony miaraka amin’ny namany. Kivy izy ary manontany tena ny amin’izay tokony hataony amin’izao.

Inona no fanapahan-kevitra sarotra tokony horaisin’i Jao mikasika ny fomba tokony hitondrany ny hafa? Nahoana no mety ho sarotra ny mitondra izany fiovana izany?

Mba hanampiana ny mpianatra hampihatra ny fitsipika hahazoana fahalalana ara-panahy amin’io rafi-tantara io dia azonao asaina izy ireo hanao ireto manaraka ireto.

Misafidiana iray amin’ireo fitsipika telo hahazoana fahalalana ara-panahy izay hitanao fa mety hanampy an’i Jao. Ataovy ny sahanasa manaraka izay mifanaraka amin’ny fitsipika nosafidianao.

Mamakafaka ireo hevi-dehibe sy ireo fanontaniana amin’ny fomba fijery mibanjina ny mandrakizay

Ataovy lisitra ny zavatra rehetra heverinao ho tian’ny Ray any An-danitra ho fantatry Jao. Hevero ny hampianatra soratra masina toy ny Genesisy 1:26–27 sy ny 1 Samoela 16:7 izay mety hanampy azy hijery ny tenany sy ny hafa amin’ny fomba marina kokoa.

Mikatsaka fahatakarana bebe kokoa amin’ny alalan’ireo loharanom-pahalalana nofidin’ Andriamanitra

Manaova lisitra ana soratra masina na lahateny avy amin’ny fihaonamben’ny Fiangonana maneran-tany ka azon’i Jao hianarana hanampy azy hisafidy hibebaka sy hiova.

Azonao atao ny mandeha ao amin’ny vakizoro Fihaonamben’ny Fiangonana maneran-tany ao amin’ny Médiathèque de l’Évangile. Mandehana ao amin’ny “Lohahevitra,” ary safidio ny lohahevitra mifanaraka amin’ny toe-javatra misy an’i Jao toy ny fiantrana, fangoraham-po, ohatra, na fibebahana. Mitadiava lahateny na fanambarana afaka mampahery na manome toromarika an’i Jao.

Raha mila fanampiana hitady soratra masina ianao dia azonao atao ny mamerina ny andalan-tsoratra masina fifehezana fotopampianarana.

Manao asa amim-pinoana

Mba hanehoana izay azon’i Jao atao dia mamoròna tantara an-tsary misy sary telo ka hatramin’ny enina mampiseho ny fomba azony hanaovana asa amim-pinoana an’i Jesoa Kristy. Hevero ny fomba azon’i Jao ampiasana ny fahalalany momba an’i Jesoa Kristy ao amin’ilay tantara an-tsary.

Sahanasa fianarana fanampiny

Rafi-tantara hafa

Safidy hafa azonao hasolo ilay rafi-tantara ao amin’ny lesona ny fampiasana ny tantara nozarain’ny Loholona Gary E. Stevenson ao amin’ny Kôlejin’ny Apôstôly Roambinifolo. Ao amin’ity tantara ity dia nisy zatovolahy iray nisafidy ny ho tsara fanahy rehefa nahita ny ratra-po vokatry ny fihetsiny tamin’ny mpiara-mianatra aminy. Azonao jerena ny fizarana voalohany (manomboka amin’ny minitra faha-5:21 ka hatramin’ny minitra faha-6:05) ary asaivo mampihatra ny fitsipika hahazoana fahalalana ara-panahy avy eo ny mpianatra. Azonao atao avy eo ny mandefa ny fizarana faharoa (6:05 ka hatramin’ny 6:56) ary manentana ny mpianatra hijery ny fomba nampiasan’ilay zatovolahy sy ny tombony azony tamin’ny fampiharana ny iray amin’ireo fitsipika ireo.

Fizarana 1

15:10

Fizarana 2

15:10

Safidy iray ihany koa ny fampiasana ity rafi-tantara manaraka ity. Azon’ny mpianatra atao ny manampy antsipirian-javatra amin’ny alalan’ny fampiasana ilay fanontaniana fanampiny.

Manontany tena i (soraty ny anarana) raha tokony hanao asa fitoriana amin’ny fotoana feno izy na hifantoka fotsiny amin’ny fizarana ny filazantsara amin’ny ankapobeny.

Nahoana no mety haniry hanao asa fitoriana amin’ny fotoana feno ity olona ity?
Nahoana no mety hanahy ny amin’ny fanaovana asa fitoriana amin’ny fotoana feno izy ireo?

Azon’ny mpianatra atao ny mampiasa ireo fitsipika hahazoana fahalalana ara-panahy hamaliana ny safidy manahirana ny olona iray. Mety hanampy ireto andalan-tsoratra masina fifehezana fotopampianarana manaraka ireto: Mosesy 1:39; Abrahama 2:9–11; Josoa 24:15.