Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Samoela 17: Davida sy Goliata

“1 Samoela 17: Davida sy Goliata,” Testamenta Taloha: Boky torolalana ho an’ny mpampianatra seminera (2026)

“1 Samoela 17: Davida sy Goliata,” Testamenta Taloha: Boky torolalana ho an’ny mpampianatra seminera

1 Samoela 17–18; 24–26; 2 Samoela 5–7: Lesona 74

1 Samoela 17

Davida sy Goliata

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

“Mbola zaza” i Davida raha nandeha hiady tamin’i Goliata, izay “efa mpiady hatrizay niainany” (1 Samoela 17:33). Na izany aza anefa dia nampiova zavatra ny fahalalan’i Davida fa homba azy ny Tompo. Ankehitriny dia mahazo hery isika ao anatin’ny olana rehefa miatrika izany miaraka amin’i Jesoa Kristy. Afaka manampy ny mpianatra hiantehitra amin’ny Tompo rehefa miatrika olana ity lesona ity.

Fanomanana ny mpianatra: Asao ny mpianatra hieritreritra toe-javatra izay mety ahitana tanora iray mila maneho herim-po. Azon’ny mpianatra atao ny manontany ny namany na ny fianakaviany mikasika ny zavatra niainany ka nitaky herim-po.

Sahanasa fianarana azo atao

Ilay Goliata eo amin’ny fiainako

Alohan’ny hanombohan’ny fampianarana dia hevero ny hametaka scotch na karazana fanamarihan-toerana hafa eny amin’ny rindrina izay mampiseho ny halavan’i Goliata (tokony ho 3 metatra eo ho eo).

Asehoy ilay sary tany ampiandohan’ny lesona.

Inona no fantatrao mikasika ny tantaran’i Davida sy i Goliata?

Asao ny mpianatra vitsivitsy hijoro sy hampitaha ny halavany amin’ny halavan’i Goliata eo amin’ny rindrina. Entano izy ireo haka sary an-tsaina hoe tahaka ny ahoana ny mifanatrika amin’i Goliata.

Manaova sary olona goavana vita amin’ny tsipika eny amin’ny solaitrabe izay maneho an’i Goliata. Asio anarana hoe Olana atrehintsika izany. Asao ny mpianatra hanao lisitry ny olana atrehin’ny zatovo eo akaikin’ilay sary olona goavana vita amin’ny tsipika eny amin’ny solaitrabe.
Inona ny sasany amin’ireo olana—kely na lehibe—atrehin’ny zatovo ankehitriny?

Rehefa nahavita ilay lisitra ahitana ireo olana maromaro teny amin’ny solaitrabe ny mpianatra dia asao izy ireo hanao sary olona goavana vita amin’ny tsipika ao amin’ny diary fandalinany ary hanome anarana izany hoe Olana atrehako. Azon’ny mpianatra atao ny manoratra ny olana atrehany manokana eo akaikin’ilay sary olona vita amin’ny tsipika nataony. Asaivo misaintsaina mangina ireto zavatra manaraka ireto ny mpianatra:

Saintsaino izay olana mety atrehanao eo amin’ny fiainanao. Misafidiana iray amin’izany hifantohanao androany. Eritrereto hoe hatraiza ny fahatsapanao fahatokiana fa hanampy anao amin’io olana io ny Tompo. Raketo ao anatin’ny diarinao ireo eritreritra tonga ao an-tsainao.

Rehefa mandalina ny 1 Samoela 17 ianao dia asao ny Fanahy Masina hanampy anao hahalala ny fomba hanasanao ny Mpamonjy hanampy anao hiatrika ny olanao.

Finoana mandresy ny tahotra

Mba hanampiana ny mpianatrao hahatakatra ny votoatin’ity tantatra ity dia azonao atao ny mizara izay antsimpirian-javatra ao amin’ity andiam-pehezan-teny manaraka ity izay mety tsy nozarain’ny mpianatra tany am-piandohana.

Niady tamin’ny Filistina ny Isiraely tamin’izany. Nanao fanamby ilay mpiady Filistina antsoina hoe Goliata. Nilaza izy fa raha misy Isiraelita iray mandresy azy amin’ny ady ifaninanan’olon-droa dia hanaiky ho babo ary hanompo an’i Isiraely ny Filistina. Fa raha mandresy kosa i Goliata dia hanompo ny Filistina i Isrealy. Tonga sy niantsy ady tamin’ny Isiraelita nandritra ny 40 andro i Goliata. Natahotra i Saoly mpanjaka sy ny miaramilan’i Isiraely. Tonga hanatitra sakafo ho an’ireo rahalahiny izay miaramila tao amin’ny tafika i Davida. Reny fa niantsy ady tamin’ny miaramilan’i Isiraely i Goliata (jereo 1 Samoela 17:1–25).

Vakio ny 1 Samoela 17:26 ary tadiavo ny valinteny nasetrin’i Davida rehefa reny fa niantsy ny miaramilan’i Isiraely i Goliata.

Inona no nanaitra anao tamin’ny valinteny nasetrin’i Davida?

Mba hanampiana ny mpianatra handalina ity andinin-tsoratra masina manaraka ity dia azonao atao ny manasa mpianatra entanim-panahy miisa telo hamaky ny tenin’ireo mpandray anjara dia i Saoly mpanjaka, i Davida ary ilay mpitantara.

Vakio ny 1 Samoela 17:31–37 ary tadiavo ny nahatonga an’i Davida ho tena nahatoky an’ “Andriamanitra velona” (andininy 36).

Inona no nianaran’i Davida mikasika ny Tompo ka nahatonga azy ho sahy hanohitra an’i Goliata?

Ny fanampiana ny mpianatra hilaza ireo fitsipiky ny fiovam-po amin’ny teniny manokana dia mampitombo ny fahatakarany ny soratra masina sy ny tenin’ireo mpaminany. Fomba iray hanaovana izany ny fametrahana fanontaniana fanaraha-maso ny fivoarana rehefa avy mizara ny fanazavany ny mpianatra. Ohatra amin’izany ity fanontaniana manaraka ity.

(Raha mila fanofanana fanampiny mikasika ny fanampiana ny mpianatra hilaza fitsipiky ny fiovam-po dia jereo ny “Mifantoha amin’ireo fahamarinana izay mitondra ho amin’ny fiovampo sy manorina finoana an’i Jesoa Kristy” ao amin’ny Fahaiza-manao ho fampivoarana ny mpampianatra.)
Amin’ny fomba ahoana no hanampian’ny zavatra nianaran’i Davida mikasika ny Tompo antsika rehefa miatrika ny olantsika isika?

Iray amin’ireo fitsipika izay mety lazain’ny mpianatra amin’ny teniny manokana ny hoe rehefa miantehitra amin’ny Tompo isika dia hanampy antsika hiatrika ny olantsika Izy.

Miantehitra amin’ny Tompo

Vakio ny 1 Samoela 17:38–51 ary tadiavo ireo fomba nianteheran’i Davida tamin’ny Tompo raha niatrika an’i Goliata izy. Hevero ny hanisy marika ny zavatra hitanao.

Ahoana no fomba nanehoan’i Davida fa niantehitra tamin’ny Tompo izy?

Mety hanana valinteny samy hafa ny mpianatra, toy ny hoe nesorin’i Davida ny fitaovam-piadian’ny mpanjaka ary nisafidy hampiasa vato sy antsamotady ho fiadiana izy (andininy 39–40) na hoe rehefa nijoro ho vavolombelona momba an’i Jesoa Kristy izy (andininy 45–47). Asao ny mpianatra hanazava ny fomba nanehoan’ny fihetsika tsirairay fa i Davida dia niantehitra tamin’ny Tompo.

Miatrika ny olantsika

Hevero ny hampiseho vato dimy na manao sarina vato dimy eny amin’ny solaitrabe (jereo 1 Samoela 17:40). Afaka maneho fomba entintsika miantehitra amin’ny Tompo ireo vato ireo rehefa miatrika olana isika. Azonao atao ny manambatra ny mpianatra ho tsiroaroa na ho vondrona kelikely rehefa manaraka ity tormarika manaraka ity. Azon’izy ireo atao lisitra eny amin’ny solaitrabe akaikin’ilay vato ny valinteniny.

Misafidiana iray amin’ireo olana notanisaina teny amin’ny solaitrabe eo ambanin’ny hoe Olana atrehintsika.

Mitadiava fomba dimy, mahakasika manokana ilay olana nosafidinao, entin’ny olona iray miantehitra amin’ny Ray any An-danitra sy Jesoa Kristy eo am-piatrehana izany olana izany. Hifanakalozy hevitra ny antony nisafidiananao ny fomba tsirairay.

Asao ny mpianatra izay mazoto hizara ny fifanakalozan-kevitra nataony.

Tamin’ny fomba ahoana no nanampian’ny Ray any An-danitra sy i Jesoa Kristy anao na ny olona fantatrao hiatrika olana?
Inona ny dingana nataonao na nataon’ilay olona mba hahazoany ny fanampian’Izy Ireo?

Ny Loholona Dieter F. Uchtdorf ao amin’ny Kôlejin’ny Apôstôly Roambinifolo dia nijoro ho vavolombelona ny amin’ny fomba azon’i Jesoa Kristy anampiana antsika rehefa miatrika olana isika:

14:11

Raha mijoro eto ny Mpamonjy androany, dia haneho ny fitiavany tsy manam-pahataperana ho anareo Izy, ny fahatokiany tanteraka anareo. Hilaza aminareo Izy fa vitanareo io. Afaka manorina fiainana feno fifaliana sy fahasambarana ianareo satria i Jesoa Kristy no herinareo. (“I Jesoa Kristy no maha zatovo mahery,” Liahona, nôv. 2022, 12)

Inona no zavatra fantatrao mikasika an’i Jesoa Kristy ka afaka manampy anao hatoky Azy kokoa manoloana ny olana atrehinao?

Miatrika ilay Goliata eo amin’ny fiainantsika manokana

Asehoy ireto torolalana manaraka ireto.

Eritrereto ny olana manokana nosoratanao tao amin’ny diary fandalinanao teo aloha teo. Mitadiava fitaomam-panahy avy amin’ny Fanahy Masina hanampy anao hisafidy fomba iray farafahakeliny entinao miantehitra amin’ny Tompo manoloana ny olana.

Manaova sarina vato iray na maromaro ao amin’ny diary fandalinanao. Soraty izay kasainao hatao sy ny fomba hanaovanao izany eo akaiky na ao anatin’ilay vato.

Asao ny mpianatra vitsivitsy izay vonona mba hizara.

Mijoroa ho vavolombelona mikasika ny fahafahana sy ny fanirian’ny Mpamonjy hanampy ny mpianatra hiatrika olana. Ambarao ny fahatokianao momba ny fahaizan’ny mpianatra miatrika ny olany miaraka amin’i Jesoa Kristy.

Loharanom-pitaovana fanampiny

Ahoana no fomba hanampian’ny Mpamonjy antsika manoloana ny olana hatrehintsika rehefa miantehitra Aminy isika?

Hoy ny Loholona Carl B. Cook ao amin’ny Fitopololahy:

11:5

Na manao ahoana na manao ahoana haben’ireo olana atrehantsika eo amin’ny fianana sy hadiriny ary ny fahasarotany dia samy misy fotoana isika rehetra te hijanona na hiala na hitsoaka na mety hilavo lefona. Saingy ny fampiharana finoana ny Mpamonjy Jesoa Kristy dia manampy antsika handresy ny hakiviana na inona na inona sakana hatrehantsika. (“Manohy mandroso fotsiny—amim-pinoana,” Liahona, mey 2023, 15)

Nizara Rahavavy Tamara W. Runia ao amin’ny Fiadidian’ny Zatovovavy maneran-tany hoe:

11:30

Mijoro ho vavolombelona aho fa ny Mpamonjy dia manana ny fahafahana, noho ny Sorompanavotany, hanova ho fitahiana ny nofy ratsy rehetra izay lalovanao. Nampanatena antsika “omban’ny fanekempihavanana tsy azo ovana” Izy fa rehefa mihezaka ny hitia sy hanara-dia Azy isika dia “ny zavatra rehetra izay nampahoriana [antsika] dia hiara-hiasa hahasoa [antsika]” [Fotopampianarana sy Fanekempihavanana 98:3; nampiana fanamafisana]. Ny zava-drehetra. (“Mahita ny fianakavian’Andriamanitra amin’ny fomba fijery ankapobeny,” Liahona, nôv. 2023, 68)

Inona ihany koa no azoko hianarana avy amin’ny tantaran’i Davida sy i Goliata?

Nanazava ny Filoha Camille N. Johnson filohan’ny Fikambanana Ifanampiana maneran-tany hoe:

10:8

Mba handresen’i Davida an’i Goliata, dia tsy maintsy nifanandrina tamin’ilay lehilahy goavana ilay zatovolahy. Ny tantara ho nety tamin’i Davida dia ny niverina niandry ondry. Tsy izay anefa fa nieritreritra izy ny zavatra niainany tamin’ny namonjeny ireo zanak’ondry tamin’ny liona sy ny bera. Ary niainga avy amin’ireo zava-bita feno herim-po ireo, dia nisikina ny finoana sy ny herim-po ilaina izy mba hamelana an’ Andriamanitra hanoratra ny tantarany. … Ny faniriana hamela an’ Andriamanitra hanjaka sy ny fihainoana ny Fanahy Masina ary ny fahavononana hamela ny Mpamonjy ho mpanoratra sy mpanefa ny tantarany no nentin’i Davida ilay tovolahy kely nandresy an’i Goliata sy namonjy ny vahoakany.

Ilay fitsipika ambony dia ambony mifehy ny fahafahana misafidy mazava ho azy dia mamela antsika hanoratra ny tantarantsika manokana: afaka nandeha nody i Davida, niverina niandry ondry. Kanefa i Jesoa Kristy dia vonona ny hampiasa antsika ho fitaovana masina, ho pensily hazo maranitra tsara eo am-pelatanany mba hanoratana sangan’asa lehibe! Vonona amim-pamindram-po Izy hampiasa ahy, izay pensily hazo mahia kely, ho fitaovana eo am-pelatanany, raha toa aho manana ny finoana hamela Azy, raha toa aho mamela Azy ho mpanoratra ny tantarako. (“Asao i Kristy mba ho mpanoratra ny tantaram-piainanao,” Liahona, nôv. 2021, 81)

Ahoana raha mbola mijanona ho mafy hatrany ilay olana na dia maneho ny finoako an’i Jesoa Kristy aza aho?

Nampianatra toy izao ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

Tsy very na oviana na oviana ny fanantenana. Raha toa ka tsy tonga vetivety ireo fahagagana ireo, na tsy tonga manontolo na toa tsy tonga mihitsy, dia tsarovy ilay ohatry ny fijalian’ny Mpamonjy manokana: raha tsy telina ilay kapoaka mangidy, dia sotroy ary mahereza, matokia an’ireo andro maha-sambatra kokoa izay ho avy. …

Aoka ho tsaroantsika ihany koa fa eo anatrehan’ny aretina na ny olana sarotra rehetra dia mbola betsaka ny zavatra eo amin’ny fiainana izay antony hananana fanantenana sy fankasitrahana. (“Tahaka ny vilany ariana,” Liahona, nôv. 2013, 41, 42)

Sahanasa fianarana fanampiny

Teny nambara miaraka amin’izany

Azonao atao ny mizara ireto teny nambara manaraka ireto any ampiandohan’ny lesona mba ho isan’ny fifanakalozan-kevitra mikasika ny olana.

Nampianatra ny Filoha Thomas S. Monson (1927–2018) hoe:

Misy Goliata ve eo amin’ny fiainanao? Misy iray ve eo amin’ny fiainako? Mijoro mijoalajoala eo anelanelanao sy ny fahasambarana katsahinao ve izy? Ny Goliata eo amin’ny fiainanao … dia mety tsy ho mirefy telo metatra, kanefa dia mety ho goavana be toy izany ny fahitanao azy. …

… [T]sy [lavitra] ny fanampiana avy amin’ilay Andriamanitra Tsitoha. Inona no dingana ho raisintsika? … Ny Goliata, olona goavambe eo amin’ny fiainantsika dia tsy maintsy resena. (“Meeting Your Goliath,” New Era, June 2008, 5)

Davida amin’ny maha tandindon’i Jesoa Kristy azy

Mba hanampiana ny mpianatra hahita an’i Davida tovolahy ho toy ny tandindon’i Jesoa Kristy dia hevero ny mampiseho ity tabilao manaraka ity ka tsy mampiseho afa-tsy ny andalan-tsoratra masina ihany. Asao ny mpianatra hamaky ireo andinin-tsoratra masina miaraka amin’ny namany iray ary mamantatra ny fomba hifandraisan’ny andalana tsirairay amin’i Jesoa Kristy. Rehefa ampy ny fotoana nomena ny mpianatra dia afaka mizara izay hitany amin’ny iray kilasy izy ireo.

Davida	Jesoa Kristy
Davida 1 Samoela 17:12 (Teraka tao Betlehema i Davida.)	Jesoa Kristy Lioka 2:4–7
Davida 1 Samoela 16:11; 17:15 (Mpiandry ondry i Davida.)	Jesoa Kristy Jaona 10:14
Davida 1 Samoela 16:13 (Voahositra ho mpanjakan’i Isiraely i Davida.)	Jesoa Kristy Lioka 4:18; Jaona 1:49
Davida 1 Samoela 17:50–51 (Nanafaka an’i Isiraely i Davida tamin’ny nandreseny ilay olona goavana.)	Jesoa Kristy 2 Nefia 9:10–12 (Nanafaka antsika tamin’ny alalan’ny fandresena ny fahotana sy ny fahafatesana i Jesoa.)

Milalao an-tsehatra ny tantara

Raha mila fomba iray hafa hanehoana ny tantara dia hevero ny hanasa mpianatra izay mazoto miisa telo hilalao an-tsehatra ny anjara asan’i Saoly, Davida ary Goliata ary mpianatra iray fahaefatra hanao mpitantara. Azonao omena fitoerana anarana fanao an-tratra na zavatra toy ny satroboninahitra ho an’i Saoly na antsamotady ho an’i Davida ny mpianatra. Aza atao lava loatra mba tsy handany fotoana be loatra mihoatra ny ambin’ny lesona ity sahanasa ity.

Tantaran’i Davida sy Goliata amin’izao vanin’andro misy antsika izao

Mampiseho tovovavy iray nijaly tanatin’ny ratra ara-pihetseham-po nandritra ny taona maro ity horonan-tsary ity. Azonao asaina ny mpianatra hijery ny fomba nianteherany tamin’ny fanampian’ny Tompo.

3:58