Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Samoela 3: “Mitenena Tompo ô, fa mihaino ny mpanomponao”

“1 Samoela 3: -Mitenena Tompo ô, fa mihaino ny mpanomponao-”, Testamenta Taloha: Boky torolalana ho an’ny mpampianatra seminera (2026)

“1 Samoela 3: -Mitenena Tompo ô, fa mihaino ny mpanomponao,-” Testamenta Taloha: Boky torolalana ho an’ny mpampianatra seminera

Rota; 1 Samoela 1–7: Lesona 70

1 Samoela 3

“Mitenena Tompo ô, fa mihaino ny mpanomponao”

The boy Samuel in bed watching an oil lamp burn.

Hatraiza raha ny fahatsapanao no fahafahanao mamantatra tsara ny feon’ny Tompo eo amin’ny fiainanao? Indray alina dia niteny tamin’ilay zazalahy antsoina hoe Samoela ny Tompo. Noho ny fanampian’i Ely dia nahafantatra ny feon’ny Tompo i Samoela nony farany. Novaliany hoe “Mitenena Tompo ô, fa mihaino ny mpanomponao” (1 Samoela 3:9). Miteny amintsika ihany koa ny Tompo ary mila mianatra mamantatra ny feony isika, tahaka an’i Samoela. Afaka manampy ny mpianatra hikatsaka sy hamantatra fanambarana ho an’ny tena manokana ity lesona ity.

Fanomanana ny mpianatra: Apetraho amin’ny mpianatra ny fanontaniana hoe: “Ahoana ny fomba handrenesanao ny feon’ny Tompo eo amin’ny fiainanao?” Asao izy ireo hieritreritra izay mety ho valinteniny. Azon’izy ireo atao ihany koa ny mametraka ilay fanontaniana amin’ny namany na ny fianakaviany.

Sahanasa fianarana azo atao

Mandre ny feon’ny Tompo

Mangataha mpianatra terem-panahy hijoro eny anoloana mba ho tampena-maso. Tampeno ny mason’ilay mpianatra. Asao ny mpianatra vitsivitsy mba hiantso indray miaraka ny anaran’io mpianatra io. Ataovy mamantatra ny anaran’ny mpianatra niantso ny anarany ilay mpianatra notapena-maso.

Nahoana no mora kokoa ny namantatra ny feo sasany?
Inona ny lesona ara-panahy izay azo ampifandraisina amin’ity sahanasa ity?

Mety hizara, na tsia, ny fitsipika mitovy amin’ny fahamarinana narindra ato amin’ity lesona ity ny mpianatra. Raha manao izany izy ireo dia asaivo mitady porofo na mamantatra bebe kokoa mikasika ireo fahamarinana ireo eo am-pandalinana ny 1 Samoela 3. Raha tsy nanao izany izy dia tsy maninona. Ankasitraho ny mpianatra rehetra ny amin’izay nozarainy.

Soraty eny amin’ny solaitrabe ity fahamarinana manaraka ity: Miteny amintsika Andriamanitra ary mila antsika hamantatra ny feony. Hazavao fa miteny amintsika amin’ny alalan’ny Fanahy Masina ny Tompo (jereo ny Fotopampianarana sy Fanekempihavanana 8:2). Fantatra amin’ny hoe fanambarana ho an’ny tena manokana izany. Hamantatra fitsipika fanampiny mikasika ny fanambarana ho an’ny tena manokana amin’ny alalan’ity lesona ity ny mpianatra.

Nampianatra ny Filoha Russell M. Nelson hoe:

Anisan’ireo zavatra napetraky ny Fanahy imbetsaka tato an-tsaiko … ny hoe hatraiza ny fahavononan’ny Tompo hanambara ny sainy sy ny sitrapony. Ny tombontsoa noho ny fandraisana fanambarana dia anisan’ireo fanomezana lehibe indrindra avy amin’ Andriamanitra ho an’ireo zanany. …

Tena te hiresaka aminareo ve Andriamanitra? Eny! (“Fanambarana ho an’ny Fiangonana, Fanambarana ho an’ny Fiainantsika manokana,” Liahona, mey 2018, 94–95)

Asao ny mpianatra hisaintsaina ireto fanontaniana manaraka ireto:

Mino ve ianao fa tena te hiresaka aminao Andriamanitra? Nahoana no eny, na nahoana no tsia?
Manao ahoana ny fatokian-tenanao amin’ny fahaizanao mamantatra fanambarana?
Inona no maha mora na maha sarotra aminao ny mamantatra ny feon’ Andriamanitra (na ny fanambarana ho an’ny tena manokana) eo amin’ny fiainanao?

Asehoy ny fatokianao fa te hiresaka amin’ny mpianatrao Andriamanitra.

Miezaha mikatsaka sy mamantatra hafatra avy amin’ny Tompo mandritra ny lesona. Ezaho fantarina ny fomba hiresahany aminao.

Fitsipiky ny fanambarana

Avy amin’ny valim-bavaka nataon’i Hana no niterahany an’i Samoela. Fony mbola zaza i Samoela dia nentin’i Hana tao amin’ny tabernakely mba hokarakarain’i Ely. Indray alina dia nahare ny feon’ny Tompo i Samoela zazalahy.

Alohan’ny hanomezana ireo torolalana etsy ambany dia hazavao fa lazaina an-kolaka ny sasany amin’ny fitsipika ao amin’ny soratra masina. Midika izany fa tsy ambara mivantana ao amin’ireo andininy izy ireo. Afaka manampy antsika hamantatra fitsipika tsy ambara mivantana ny Fanahy Masina rehefa manontany tena momba ny fanontaniana toy ireto manaraka ireto isika “Inona no tian’ny mpanoratra ity andininy ity hianarako?” na hoe “Inona ny sasany amin’ireo lesona manan-danja tian’ity andininy ity ampianarina ahy?”

Halalino ny 1 Samoela 3:1–10, 19 ary jereo ny hevi-baovao sy fahamarinana mikasika ny fandraisana fanambarana avy amin’ Andriamanitra.

Rehefa vita ny fandalinan’ny mpianatra dia asao izy ireo hanoratra izay fitsipika hitany eny amin’ny solaitrabe. Mety hahita fitsipika toy ny voalaza etsy ambany ireo mpianatra fa amin’ny ny teniny manokana no ilazany azy. Raha sarotra amin’izy ireo ny mahita fitsipika dia azonao atao ny manao lisitra an’ireto manaraka ireto ary manasa azy ireo hamantatra andian-teny na andininy mampianatra izany.

Manatona antsika amim-paharetana ny Tompo eny fa na dia tsy mamantatra ny feony aza isika amin’ny voalohany (jereo ny andininy 4, 6, 8, 10).
Miresaka amin’ny zatovo ny Tompo (jereo ny andininy 4, 6, 8, 10).
Mitaky fotoana sy fampiharana matetika vao lasa zatra mandre ny feon’ny Tompo (jereo andininy 7, 10, 19).
Afaka manampy antsika hamantatra ny feon’ny Tompo ny olona hafa (jereo andininy 8–9).
Rehefa mampiseho fahavononana hihaino sy hanao zavatra isika dia hanambara zavatra bebe kokoa ny Tompo. (jereo andininy 10, 19)

Nahoana no mety manampy be ireo fitsipika ireo rehefa miezaka mamantatra ny feon’ny Tompo eo amin’ny fiainantsika isika?
Nahoana no porofon’ny fitiavan’ Andriamanitra antsika izy ireny?

Mamantatra ny feon’ny Tompo

Miteny amintsika amin’ny fomba maro amin’ny alalan’ny Fanahy Masina ny Tompo. Ny fianarana ny fomba mety hiresahany aminao dia manampy anao hamantatra kokoa ny feony eo amin’ny fiainanao.

Rehefa vita ny fandalinana ataon’ny mpianatra dia omeo fotoana izy hifanakalozany hevitra mikasika izay hitany ary hametrahany fanontaniana. Ampiasao io fotoana io hizaran’ny mpianatra ny fomba handrenesany ny feon’ny Tompo eo amin’ny fiainany. Azonao atao ihany koa ny mizara zavatra niainanao manokana sy manazava ny fomba hendrenesanao Azy.

Ankasitraho ny mpianatra amin’ny zavatra izay nozarainy. Ampahafantaro azy ireo fa zava-dehibe ao an-dakilasy ny fandraisany anjara.

Lasa mahafantatra ny feon’ny Tompo

Tahaka an’i Samoela dia mety mitaky fotoana sy fampiharana ho antsika ny izany hoe lasa mahafantatra ny feon’ny Tompo izany sy mahafantatra fanambarana ho an’ny tena manokana (jereo 1 Samoela 3:7, 10, 19).

Inona avy ireo fomba azontsika hanaovana ezaka mba hamantarana ny feon’ny Tompo, tahaka an’i Samoela?

Ao anatin’izany ohatra ny firesahana amin’ny ray aman-dreny na mpampianatra azo itokiana mikasika ny fomba handraisna fanambarana tahaka ny niresahan’i Samoela tamin’i Ely. Hoy i Samoela, “Mitenena, fa mihaino ny mpanomponao” (1 Samoela 3:10). Azontsika atao koa ny manambara mazava amin’ny Tompo fa vonona ny hihaino ny hafatra avy Aminy isika amin’ny fanokanana fotoana hisaintsainana sy hihainoana rehefa vita ny vavaka na mandritra ny tontolo andro. Na azontsika atao ny manoratra ao amin’ny diary ireo fomba sasany handraisantsika hafatra avy amin’ny Ray any An-danitra, tahaka ireo ao amin’ny taratasy zaraina.

Manaova drafitra momba ny zavatra tianao hatao hikatsahana sy hamantarana fanambarana avy amin’ Andriamanitra eo amin’ny fiainanao ao amin’ny diary fandalinanao.

Mijoroa ho vavolombelona fa rehefa manao ezaka mifantoka amina tanjona ny mpianatra rehefa mandeha ny fotoana dia hitombo ny fahaizany mamantatra fanambarana ho an’ny tena manokana. Ilazao ny mpianatra fa homena fotoana handinihany ny ezaka ataony amin’ny famantarana ny fanambarana ho an’ny tena manokana izy ireo ao amin’ny Lesona 80: “Tombano ny fianaranao 5.”

Loharanom-pitaovana fanampiny

Inona no hafatry ny Tompo ho an’i Samoela?

Nanome hafatra an’i Samoela ny Tompo fa helohina i Ely noho ny fandàvany hanitsy ny fitondrantena feno fahotana nananan’ny zanany lahy (jereo ny 1 Samoela 3:11–14). Rehefa nihalehibe i Samoela dia nanaiky azy ho mpaminanin’ny Tompo ny Isiraely (jereo ny 1 Samoela 3:20).

Ahoana no ahafahako mampitombo ny fahaizako mihaino ny feon’ny Tompo?

Nampianatra ny Filoha Russell M. Nelson hoe:

20:28

Mivavaha amin’ny anaran’i Jesoa Kristy momba ny zavatra manahirana ny sainareo, ny tahotrareo, ny fahalemenareo, eny, ny zavatra tena irin’ny fonareo. Dia mihainoa avy eo! Soraty ny eritreritra izay tonga ao an-tsainareo. Raketo an-tsoratra ny zavatra tsapanareo ary araho asa izay bitsihin’ny Fanahy aminareo fa tokony hataonareo. Rehefa mamerimberina izany dingana izany ianareo isan’andro, isam-bolana, ary isan-taona, dia “hitombo ny fahaizanareo mampihatra ny fitsipiky ny fanambarana.” (“Fanambarana ho an’ny Fiangonana, fanambarana ho an’ny fiainantsika,” Liahona, mey 2018, 95)

Ahoana no fomba hanampian’ny mpampianatra iray ny mpianatra hamantatra ny fanambarana ho an’ny tena manokana?

Rahalahy Chad H. Webb, Mpitantana ny Seminara sy Institiota Fianarana ny Filazantsara dia nanazava hoe:

20:37

Ahoana no hanampianao mpianatra iray izay mahatsapa fa tsy mbola niaina zavatra ara-panahy izy? Indraindray ny zatovontsika dia maheno tantara izay toa mahagaga ka lasa tsy mahita fa ny Fanahy Masina dia miresaka ihany koa amin’ny alalan’ny fomba tsotra isan-karazany, toy ny rehefa manana fanontaniana entanim-panahy izy ireo na rehefa mieritreritra ny hanisy marika ny soratra masina. Aoka isika hanampy azy ireo hianatra ny fomba fifandraisan’ny Tompo amin’izy ireo manokana ary tsy handroso hevitra fa ny fomba firesahan’ny Tompo amintsika no hany fomba tokana hahafahany miresaka amin’izy ireo. Aoka isika hitandrina tsy hiteny amin’ny mpianatsika hoe oviana izy ireo no mahatsapa ny Fanahy Masina. Tsy hoe satria mety mahatsapa ny Fanahy isika amin’ny maha-mpampianatra antsika dia midika koa izany fa mahatsapa zavatra mitovy amin’izany ihany koa ny mpianatra rehetra amin’izay fotoana izay. Tsara ihany koa ny mahatakatra fa mety ho sarotra amin’ireo izay miaina ao anaty fitaintainana sy fahaketrehana ara-pihetseham-po ny miaina zavatra toy izany. Tsy voafetran’ny aretina ara-tsaina anefa ny Tompo. Fantany sy takany ny mahazo azy ireo ary afaka mahita fomba hampitana ny fitiavany sy ny fitarihany Izy. Vitsy ihany ny zavatra azontsika atao mba hanampiana azy ireo mihoatra ny fianarana mandray fanambarana ho an’ny tena manokana sy mandray andraikitra eo anatrehan’izany. (“Solontenany” [Fampitana ny fivoriam-piofanana niarahana tamin’ny Filoha Ballard, 21 janoary 2022])

Sahanasa fianarana fanampiny

Fomba hafa hanombohana

Mangataha mpianatra vitsivitsy manolo-tena ho eny aloha ao an-dakilasy. Asao izy ireo hijoro mahitsy dia hampipaika rantsantanany na ny tanany eo amin’ny tany. Ho mora amin’ny mpianatra sasany ny manao izany raha mihoatra amin’ny hafa.

Inona no azon’ny olona atao tsikelikely mba ho afaka mikasika ny tany izy ireo?
Inona no mety hifandraisan’ity sahanasa ity amin’ity teny nambara manaraka ity?

Manasa antsika ny Filoha Russell M. Nelson hoe:

Mamporisika anao aho hampitombo ny fahafahanao ara-panahy amin’izao fotoana izao handray fanambarana ho an’ny tenanao manokana. (“Fanambarana ho an’ny Fiangonana, fanambarana ho an’ny fiainantsika,” Liahona, Mey 2018, 95)

Asao ny mpianatra hijery fitsipika afaka manampy azy ireo hanao zavatra mihoatra ny fahaizana ananany amin’izao fotoana izao mba handray fanambarana ho an’ny tena manokana eo am-pandalinana ny 1 Samoela 3.

Torio ny filazantsarako

Aza mampiasa taratasy zaraina aloha fa asao ny mpianatra handalina ny “Mianatra mamantatra ny bitsiky ny Fanahy” ao amin’ny Torio ny Filazantsarako, “Toko 4: Mikatsaka sy miantehitra amin’ny Fanahy.” Omeo fotoana hizarana sy hametrahana fanontaniana mikasika izay novakiany ny mpianatra.

Ny fomba handrenesako Azy

Soloy an’ireto manaraka ireto ny fangatahana ny mpianatra hizara izay nosoratany tao amin’ny tsanganana fahateloao amin’ny taratasy zaraina:

Hazavao fa betsaka amin’ireo mpitarika ao amin’ny Fiangonana no nizara ny fomba nandrenesany ny feon’ny Tompo. Jereo ny iray na ny maromaro amin’ireo horonan-tsarin’izy ireo mitondra ny lohateny hoe “Comment je l’écoute” izay hita ao amin’ny Médiathèque de l’Évangile.

Asao ny mpianatra haka sary hoe nangatahina izy ireo hirakitra ny horonan-tsary “Ny fomba handrenesako Azy” izay ataon’izy ireo manokana. Omeo fotoana hanoratana ny fizotran’ny tantara fohy ho an’ilay horonan-tsariny izy ireo. Azony atao ao anatin’izany ny zavatra niainany manokana sy ny soratra masina nosafidiany na avy amin’ny taratasy zaraina. Rehefa vita izany dia entano ny mpianatra vitsivitsy hamaky ny fizotran’ny tantara amin’ny iray kilasy.

Miteny amintsika amin’ny alalan’ny soratra masina Andriamanitra

Asao ny mpianatra hamaky ny Fotopampianarana sy Fanekempihavanana 18:34 ka hitady izay notenenin’ny Tompo momba izay azontsika hijoroana ho vavolombelona rehefa mamaky ny soratra masina isika.

Asao ireo mpianatra hisaintsaina mikasika ny fandalinany manokana ny soratra masina. Mangataha mpianatra vitsivitsy manolo-tena hizara ny fomba nandrenesany ny feon’ny Tompo avy amin’ny soratra masina. Omeo fotoana ny iray kilasy hamerina hijery ny tanjony manokana momba ny fandalinana soratra masina sy hanitsy izay tokony hahitsy raha ilaina.

Horonan-tsary azo hisafidianana

Mba hampitomboana ny fahatakaran’ny mpianatra ny fomba hamantarantsika ny feon’ny Tompo dia azonao zaraina ireto horonan-tsary manaraka ireto izay hita ao amin’ny Médiathèque de l’Évangile:

2:13

5:55