Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

1 Samoela 1: “Nomen’i Jehovah ahy izay nangatahiko Taminy”

“1 Samoela 1: -Nomen’i Jehovah ahy izay nangatahiko Taminy-”, Testamenta Taloha: Boky torolalana ho an’ny mpampianatra seminera (2026)

“1 Samoela 1: -Nomen’i Jehovah ahy izay nangatahiko Taminy-”, Testamenta Taloha: Boky torolalana ho an’ny mpampianatra seminera

Rota; 1 Samoela 1–7: Lesona 69

1 Samoela 1

“Nomen’i Jehovah ahy izay nangatahiko Taminy”

Efa nisy fotoana ve nitalahonao tamin’ny Ray any An-danitra mba hahazo fitahiana avy Aminy kanefa toa mitaky ny faharetanao sy ny finoanao izany? I Hana, vehivavy Israelita marina iray dia naniry mafy ny hanan-janaka. Na dia tsy tanteraka tao anatin’ny taona maro aza izany faniriany mendrika izany (1 Samoela 1:7) dia nitohy niasa tamim-pinoana ary nangataka fitahiana tamin’ny Ray any An-danitra hatrany i Hana. Nivaly ny vavaka tamim-panetrentena nataon’i Hana raha nandray fiadanam-po, fifaliana, ary zanaka nantsoiny hoe Samoela izy. Ity lesona ity dia afaka manampy ny mpianatra hahatakatra fa haheno ny vavaka amim-panetrentena ataon’izy ireo ny Ray any An-danitra ary hitahy azy ireo.

Fanomanana ny mpianatra: Asao ny mpianatra hisaina zavatra niainana izay nandraisany na nandraisan’ny olona fantany valim-bavaka. Afaka miomana hizara izany traikefa izany ho ampahany amin’ny sahanasa fandalinana ny mpianatra.

Sahanasa fianarana azo atao

Rehefa toy ny tsy mivaly ny vavaka

Rehefa vita ny lesona seminera iray mikasika ny vavaka dia misy namana manatona anao ary miaiky hoe “Mivavaka aho nefa tsy tena azoko antoka raha hivaly izany.” Rehefa mandeha ny resakareo dia mametraka fanontaniana telo izy.

Ahoana no ahafantarako fa maheno sy mamaly ny vavaka ataoko ny Ray any An-danitra?
Inona avy ireo fomba vitsivitsy hamalian’ny Ray any An-danitra ny vavaka?
Inona no azoko hatao mba hahatonga ny vavaka ataoko amin’ny Ray any An-danitra ho manan-danja kokoa?

Fanombanan-tena ity sahanasa manaraka ity. Ity fotoana ity dia ahafahan’ny mpianatra manombana ny fahatakarany ny fahamarinana amin’izao fotoana izao, izay hohalalininy ao an-dakilasy. Afaka manampy ny mpianatra hahita zavatra mety ho ilainy na tiany hianarana ihany koa izany.

Raha ampitahaina amin’ny mari-drefy 1 (ambany) ka hatramin’ny 5 (ambony) dia omeo isa ny fahatokisan-tenanao mamaly ireo fanontaniana tsirairay avy amin’ilay rafi-tantara ireo.

Mifantena fanontaniana iray izay tianao halalinina kokoa androany. Soraty ao anatin’ny diary fandalinanao izany fanontaniana izany. Eo am-pandalinanao dia katsaho ny fitarihan’ny Fanahy hanampy anao hamaly ny fanontaniana izay nofantenanao.

Naniry mafy ny hanan-janaka i Hana

Nisy lehilahy Isiraelita marina iray antsoina hoe Elkana nonina tao Efraima niaraka tamin’ny vadiny roa, Penina sy Hana (fanaon’ny maro ary neken’ny Tompo ny fanambadiana maro tamin’izany fotoana izany).

Vakio ny 1 Samoela 1:1–8 ka tadiavo ny olana natrehan’i Hana. (Mety ho Penina ilay “rafiny” ao amin’ny andininy 6.)

Inona no hitanao?
Raha mandalo olana manokana tahaka an’i Hana ianao dia inona no mety ho eritreritrao na ho tsapanao?

Vakio ny 1 Samoela 1:9–20 sy 2:1–2 ary tadiavo ny zavatra nataon’i Hana manolona ny olana natrehany.

Inona no hitanao?
Inona no azontsika ianarana mikasika ny Ray any An-danitra sy ny vavaka avy amin’ity tantara ity?

Mety hizara hevitra samihafa ny mpianatra. Hisaory izy ireo ary antontanio ny antony maha manan-danja ny fahafantarana ny zavatra hitany. Raha tsy milaza ity fahamarinana manaraka ity ny mpianatra dia soraty eny amin’ny solaitrabe izany ary anontanio ny maha porofon’izany ny tantaran’i Hana: Rehefa mangataka vavaka amin’ny Ray any An-danitra amim-panetrentena isika dia maheno sy mitahy antsika Izy.
Inona no sasany tamin’ny teny na andian-teny ao amin’ny 1 Samoela 1:9–20 izay mampiseho fa natao tamim-panetrentena ary manan-danja ny vavaka nataon’i Hana?
Araka ny andininy 17–18, dia inona ny fampiononana nomen’ny Tompo an’i Hana nandritra ny fotoana niandrasany hahazo zanaka?

Maheno ny vavaka ataontsika ny Ray any An-danitra ary mitahy antsika

Azonao ampiasaina ity sahanasa manaraka ity hampitomboana ny fahatakaran’ny mpianatra ny fahamarinana izay nianarana tetsy ambony ary hamaliana ireo fanontaniana telo tany am-piandohan’ny lesona. Fomba iray hanaovana izany ny fanomezana na fampisehoana ireto tari-dalana manaraka ireto ho an’ny fanontaniana tsirairay (A, B, sy D). Azonao atao ny manome safidy ho an’ny mpianatra raha handalina samirery na anaty vondrona kelikely miaraka amin’ny mpianatra hafa izay nifantina fanontaniana mitovy amin’ny azy. Azonao atao ihany koa ny mampiaraka ny mpianatra ho tsitelotelo, izay ahitana olona tsirairay nisafidy fanontaniana samy hafa hohalalinina. Azon’izy ireo atao ny mizara amin’ny vondrona izay zavatra hitany.

Fanontaniana A: Amin’ny fomba ahoana no hanampian’ny tantaran’i Hana olona iray hino fa ny Ray any An-danitra dia maheno ny vavaka ataony ary mitahy azy ireo?

Mampiasà ireo fitaovana fandalinana soratra masina toy ny Sujets de l’Évangile sy ny Torolalana ho an’ny soratra masina ary ny Bibliothèque de l’Évangile ahitana andalan-tsoratra masina vitsivitsy na teny nambara iray avy amin’ny mpitarika ao amin’ny Fiangonana izay mety hanampy ny olona hahatakatra fa ny Ray any An-danitra dia mamaly vavaka (ohatra, Jakôba 1:5–6; Enôsa 1:2–10; 3 Nefia 18:20; Fotopampianarana sy Fanekempiavanana 90:24).

Fanontaniana B:Amin’ny fomba ahoana no mety hanampian’ny tantaran’i Hana olona iray hahatakatra ny fomba sasany ampiasain’ny Ray any An-danitra hamaliana vavaka?

Mampiasà ireo fitaovana fandalinana soratra masina toy ny Sujets de l’Évangile sy ny Torolalana ho an’ny soratra masina ary ny Bibliothèque de l’Évangile ahitana tantara ao amin’ny soratra masina vitsivitsy na teny nambaran’ny mpitarika ao amin’ny Fiangonana izay mety hanampy ny olona hahatakatra ny fomba hamalian’ny Ray any An-danitra vavaka (ohatra, Lioka 22:39–44; 2 Korintiana 12:7–9; Môzià 24:10–16; Fotopampianarana sy Fanekempihavanana 6:22–23; 8:2–3).

Fanontaniana D:Ahoana no mety hanampian’ny tantaran’i Hana olona iray hiezaka hanao izay hahatonga ny vavaka ataony ho amim-panetrentena sy amin’ny fomba manan-danja kokoa?

Mampiasà ireo fitaovana fandalinana soratra masina toy ny Sujets de l’Évangile sy ny Torolalana ho an’ny soratra masina ary ny Bibliothèque de l’Évangile ahitana andalan-tsoratra masina vitsivitsy na teny nambaran’ny mpitarika ao amin’ny Fiangonana izay mety hanampy ny olona maniry hanao vavaka amim-panetrentena sy ho manan-danja kokoa (ohatra, Enôsa 1:2–10; Almà 5:45–46; Etera 3:1–5; Fotopampianarana sy Fanekempihavanana 46:30).

Mampiseho ny fahatakaran-javatra

Mba hanampiana ny mpianatra hizara izay nianarany sy tsapany androany dia azony atao ny miaraka amin’ny namana izay nandalina iray tamin’ireo fanontaniana hafa ary avy eo izy ireo dia mifampianatra. Azonao alefa lavitra kokoa ny fifanakalozan-kevitra amin’ny alalan’ny fanasana ny mpianatra hizara ny heviny amin’ny iray kilasy ary amporisiho ny mpianatra nandalina fanontaniana hafa hanome hevi-baovao fanampiny.

Eo am-pamaranana ny fotoam-pianarana dia ampaherezo ny mpianatra fa tahaka an’i Hana, dia mila miandry ny Ray any An-danitra hamaly ny vavaka ataontsika isika indraindray. Mihaino ny vavak’izy ireo sy mitahy azy ireo amin’ny fombany sy amin’ny fotoanany ny Ray any An-danitra.

Loharanom-pitaovana fanampiny

Inona no azontsika atao mba hampanan-danja kokoa ny vavaka ataontsika?

Nampianatra ny Filoha Russell M. Nelson hoe:

20:28

Inona no fahendrena tsy anananareo? Inona no tsapanareo fa ilainareo fantarina na takarina haingana? Araho ny ohatra nasehon’ny Mpaminany Joseph. Mitadiava toerana mangina azonao aleha foana. Manetre tena eo anoloan’ Andriamanitra. Aborahy amin’ny Rainareo any an-danitra izay ao am-ponareo. Mitodiha any Aminy mba hahazoana valim-panontaniana sy fampiononana.

Mivavaha amin’ny anaran’i Jesoa Kristy momba ny zavatra manahirana ny sainareo, ny tahotrareo, ny fahalemenareo, eny, ny zavatra tena irin’ny fonareo. Dia mihainoa avy eo! Soraty ny eritreritra izay tonga ao an-tsainareo. Raketo an-tsoratra ny zavatra tsapanareo ary araho asa izay bitsihin’ny Fanahy aminareo fa tokony hataonareo. Rehefa mamerimberina izany dingana izany ianareo isan’andro, isam-bolana, ary isan-taona, dia “hitombo ny fahaizanareo mampihatra ny fitsipiky ny fanambarana.”

Tena te hiresaka aminareo ve Andriamanitra? Eny! (“Fanambarana ho an’ny Fiangonana, fanambarana ho an’ny fiainantsika,” Liahona, mey 2018, 95)

Nanazava ny Loholona Dale G. Renlund ao amin’ny Kôlejin’ny Apôstôly Roambinifolo hoe:

14:40

Rehefa mieritreritra ny hatsaram-pon’ny Raintsika any An-danitra sy i Jesoa Kristy isika dia mitombo ny fitokisantsika Azy Ireo. Miova ny vavaka ataontsika satria fantatsika fa Andriamanitra no Raintsika ary isika dia zanany. Tsy mikatsaka ny hanova ny sitrapony isika saingy mampifanitsy ny sitrapontsika amin’ny Azy sy manao izay hahazoantsika ireo fitahiana tiany omena antsika, araka ny fangatahantsika azy ireny. Maniry ny ho malemy fanahy isika, madio kokoa, tsy mihozongozona kokoa, ary hanana toetra toa ny an’i Kristy kokoa. Ireo fiovana ireo dia mahatonga antsika ho mendrika ireo fitahiana fanampiny avy any an-danitra. (“Saintsaino ny hatsaram-po sy ny halehibeazan’ Andriamanitra,” Liahona, mey 2020, 43)

Mampahatsiahy antsika ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

14:12

Aza miahiahy ny amin’ny [fitiavan’ Andriamanitra anao] na oviana na oviana, ary aza manamafy ny fonao mihitsy. Katsaho amim-pahatokiana ireo fombafomba fitsaohana nosedrain’ny taona izay mitondra ny Fanahin’ny Tompo ho ao amin’ny fiainanao. Katsaho ny torohevitr’ireo izay mihazona fanalahidy ho an’ny fahatomombananao ara-panahy. Mangataha ary ankamamio ireo tsodranon’ny fisoronana. Mandraisa ny fanasan’ny Tompo isan-kerinandro, ary mifikira amin’ireo fampanantenan’ny Sorompanavotan’i Jesoa Kristy izay mahatonga antsika ho tanteraka. Minoa ireo fahagagana. Efa nahita maro tamin’izany aho rehefa maneho ireo fambara rehetra fa very ny fanantenana. Tsy very na oviana na oviana ny fanantenana. Raha toa ka tsy tonga vetivety ireo fahagagana ireo, na tsy tonga manontolo na toa tsy tonga mihitsy, dia tsarovy ilay ohatry ny fijalian’ny Mpamonjy manokana: raha tsy telina ilay kapoaka mangidy, dia sotroy ary mahereza, matokia an’ireo andro maha-sambatra kokoa izay ho avy. (“Tahaka ny vilany ariana,” Liahona, nôv. 2013, 40–41)

Sahanasa fianarana fanampiny

Henoy ny herin’ny vavaka

Omeo taratasy sy marker ny mpianatra ary asao izy ireo hamorona ny marika fanamtarana azy ireo manokana ho an’ny #moanivavaka. Azon’ireo mpianatra atao manao amboarana horon-tsary iray an’ny kilasy ary mamoaka izany ao amin’ny tambajotran-tserasera.

1:56

3:29

Nanokana an’i Samoela ho an’ny Tompo i Hana

Mety ho hafahafa amin’ny mpianatra ny fampanantenan’i Hana hanome an’i Samoela zanany ho an’ny Tompo. Ampio ny mpianatra hahatakatra ny fitsipiky ny lalàn’ny fanokanana, dia ny fampanantenana ataontsika hanome izay rehetra nitahian’ny Ray any An-danitra antsika ho Azy mba hanaovana ny asany (jereo ny Consecration,” in Topics and Questions). Azonao atao ny manasa ny mpianatra hanao lisitra ireo fitahiana rehetra nomen’ny Tompo azy ireo eny amin’ny solaitrabe. Avy eo dia asao ny mpianatra hifanakalo hevitra momba ny fomba hanomezany na hanokanany ny zavatra tsirairay ho an’ny Tompo mba hanatanterahana ny asany. Azon’ny mpianatra atao avy eo ny mandalina ny 1 Samoela 2:18–21 ary mitady ny fomba nitahian’ny Tompo an’i Hana sy i Elkana noho ny fahavononany hanome an’i Samoela ho an’ny Tompo. Ho lasa mpaminanin’ny Tompo tany Israely i Samoela.

1 Samoela 2:1–10: salamon’i Hana

Azonao atao ny manasa ny mpianatra handalina ny salamon’i Hana ao amin’ny 1 Samoela 2:1–10 mba hanampiana ny mpianatra haneho ny fahatakarany fa mamaly vavaka ny Ray any An-danitra. Afaka mitady teny na fehezan-teny mampiseho izay nianaran’i Hana mikasika ny Tompo tamin’ny alalan’ny zavatra niainany ny mpianatra. Asao ny mpianatra avy eo hamorona ny salamony manokana ao amin’ny diary fandalinany. Azon’ny mpianatra atao ny manoratra izay nianarany mikasika ny Ray any An-danitra, sy i Jesoa Kristy ary ny herin’ny vavaka.