Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Гэтлэл 25; 35–40: “Их Эзэний цог жавхлан асрыг дүүргэлээ”

“Гэтлэл 25; 35–40: ‘Их Эзэний цог жавхлан асрыг дүүргэлээ,’” Хуучин Гэрээний семинарын багшийн гарын авлага (2026)

“Гэтлэл 25; 35–40: ‘Их Эзэний цог жавхлан асрыг дүүргэлээ,’” Хуучин Гэрээний семинарын багшийн гарын авлага

Гэтлэл 35–40; Леви 1; 4; 16; 19: 52-р хичээл

Гэтлэл 25; 35–40

“Их Эзэний цог жавхлан асрыг дүүргэлээ”

A depiction of the Israelite tabernacle in the wilderness. The tabernacle is viewed from above. The interior and exterior of the tabernacle are depicted.

Израилчууд Их Эзэний зарлигийг дуулгавартай дагаж, цөлд асар буюу ариун сүм барьсан. Энэ асар бол Их Эзэн Өөрийн хүмүүсийг аялж явахад тэдний дунд оршиж болох зөөврийн ариун байр байв. Энэхүү хичээл нь Их Эзэнийг Түүний ариун сүмд шүтэн бишрэх хүслээ нэмэгдүүлэхэд суралцагчдад тусална.

Суралцагчийн бэлтгэл: Суралцагчдыг Gospel Library эсвэл temples.ChurchofJesusChrist.org-ыг ашиглан ариун сүмийн зураг, ариун сүмтэй холбоотой видеог хайж олоход урих талаар бодож үз. Их Эзэний ариун сүмийн талаар мэдэрч буй мэдрэмжээ эргэцүүлэн бодохыг суралцагчдаас хүс. Орчин үеийн ариун сүм хэрхэн Тэнгэрлэг Эцэг, Есүс Христ хоёрыг санахад тусалдаг талаар бодож үзэхэд тэднийг урь.

Боломжит суралцах үйл ажиллагаа

Ариун сүмийн зорилго юу вэ?

Дараах жишээг хуваалцах замаар хичээлийг эхлүүлэхийг бод. Та дараа нь жишээг хуваалцсаныхаа дараа асуултуудыг үзүүлээд, хамтрагчтайгаа ярилцахад суралцагчдыг урьж болно.

Удахгүй танай нутагт ариун сүмийг онцгойлон адислах гэж байна гэж төсөөл. Та найзаа ариун сүмийн нээлттэй хаалганы өдөрлөгт хамт явахыг урьжээ. Найз тань таны урилгыг хүлээн авсан ч ариун сүмийн талаар юу ч мэдэхгүй гэдгээ танд хэлэв.

Найзыгаа ариун сүм, тэдгээрийн зорилгын талаар юуг ойлгож мэдээсэй гэж та хүсэж байна вэ?
Ариун сүм яагаад танд чухал талаар найз тань асуувал та юу гэж хариулах вэ?

Суралцагчид хариултаа хамтрагчтайгаа ярилцаж дуусмагц дараах асуултад өгөх хариултаа бодоход тэднийг урь.
Та 1 (доод)-ээс 5 (дээд) хүртэлх үнэлгээг ашиглан, Их Эзэнийг ариун сүмд байнга шүтэн бишрэх хүслээ хэрхэн үнэлэх вэ?

Өмнөх асуултад яагаад ийм хариулт өгснөө эргэцүүлэн бодоход суралцагчдыг урих талаар бодож үз.

Өнөөдөр суралцахдаа ариун сүмийн талаар мөн тэдгээр нь хэрхэн биднийг Тэнгэрлэг Эцэг, Есүс Христ хоёртой холбодог талаар Ариун Сүнсний заах зүйлд анхаарал хандуул. Их Эзэнийг ариун сүмд шүтэн бишрэх хүсэл тань нэмэгдэхийг мэдрэхэд тусламж авахын тулд сүнслэг удирдамж эрэлхийл.

Их Эзэн израилчуудад асар барихыг зарлигласан

Их Эзэн Синаи уулан дээр Мосетой ярилцаж байхдаа Өөрт нь зориулан ариун газар буюу асар барихын тулд алт, мөнгө болон бусад үнэт материалаа өгөхийг израилчуудаас хүсжээ. Өнөө үед ариун бөгөөд ариун дагшин газар болох ариун сүмийг барихыг биднээс хүсдэг.

Гэтлэл 25:8-ыг уншаад, яагаад Их Эзэн израилчуудад асар барихыг зарлигласныг олж мэд.

Та нар юу олж мэдсэн бэ?
Их Эзэний энэ зарлигийг өгсөн шалтгаан Түүний тухай мөн бидний талаар Тэр юу гэж боддог талаар та нарт юу зааж байна вэ?

Асрын бэлгэдэл

Асар доторх эд зүйлс болон ёслолууд бэлгэдлийн шинж чанартай байсан. Тэдгээр нь Израилд Тэнгэрлэг Эцэг, Есүс Христ хоёрын тухай мөн энэ амьдрал гэх аян замыг хэрхэн туулж Тэдэн рүү эргэн очихыг заах зорилготой байв.

Суралцагчдад суралцах хангалттай цаг гаргаж өгсний дараа тэднийг сурч мэдсэн зүйлээ хуваалцахад урь. Хэлэлцүүлгийн хүрээнд та дараах асуултуудыг тавьж болно.

Танд ямар бэлгэдлүүд онцгой, утга учиртай, сонирхолтой санагдсан бэ?
Асрын бэлгэдлүүд Тэнгэрлэг Эцэг, Есүс Христ хоёрын талаар танд юу заасан бэ?

Орчин үеийн ариун сүм

An exterior shot of the Kinshasa Democratic Republic of the Congo Temple. We see exterior images of the temple.

Орчин үеийн ариун сүмийн зураг үзүүлэхийг бод. Өнөөдөр ариун сүмд эртний израилчуудын эсэргүүцлийн улмаас Бурханы эргүүлж авсан Мелкизедек санваарын ёслолууд багтдаг гэдгийг тайлбарла. Хэдийгээр ийм ялгаатай ч манай ариун сүм, эртний асар хоёрын хооронд адил төстэй зүйл олон бий.

Та манай ариун сүм, эртний асар хоёрын хооронд ямар адил төстэй зүйлсийг харж байна вэ?
Эдгээр адил төстэй зүйлээс та ямар үнэнүүдийг мэдэж авсан бэ?

Дээрх асуултад өгсөн олон янзын хариултаа хуваалцахад суралцагчдыг урамшуулан дэмж. Та суралцагчдын тодорхойлсон үнэнүүдийг самбарт жагсаан бичиж болно. Суралцагчид өөрсдийн үгээр дараахтай адил үнэнийг тодорхойлж болно.

Их Эзэн бидний дунд оршин байхын тулд ариун сүм барихыг бидэнд зарлигладаг.
Ариун сүмийн ёслол, бэлгэдлүүд Тэнгэрлэг Эцэг, Есүс Христ хоёрын тухай заадаг.
Ариун сүм биднийг Тэнгэрлэг Эцэг, Есүс Христ хоёр луу эргэн очиход бэлтгэдэг.

Эртний асрын нэгэн адил орчин үеийн ариун сүм нь бидэнд Тэнгэрлэг Эцэг, Есүс Христ хоёрын талаар заадаг бэлгэдлүүдийг агуулдаг гэдгийг тайлбарла.

Baptistry (Temples) at Provo City Center Temple

Winnipeg Manitoba Temple. An interior image of the temple featuring the Sealing Room. There are chairs around an altar. Above the altar is a chandelier. There is a stained glass window on one side.

Орчин үеийн ариун сүм нь Тэнгэрлэг Эцэг, Есүс Христ хоёрыг санахад танд хэрхэн тусалдаг вэ?

Дээрх асуултын хэлэлцүүлгийн хүрээнд орчин үеийн ариун сүмийн доторх өрөөнүүдийн зургийг үзүүлэхийг бод. Жишээлбэл: Та ариун сүм дэх баптисмын усан сангийн зургийг заагаад, нас барагсдын төлөөх баптисмын ёслол нь Тэнгэрлэг Эцэг, Есүс Христ хоёрын талаар юу зааж болохыг суралцагчдаас асууж болно. Та дээрх зургуудыг эсвэл ChurchofJesusChrist.org дээрх “Inside Temples” нийтлэлд багтсан зургуудыг ашиглаж болно.

Та мөн ChurchofJesusChrist.org дээрх “Welcome to the Washington D.C. Temple” (11:46) видеог үзүүлж болно. Энэ видеонд орчин үеийн ариун сүмүүд хэрхэн бидэнд Тэнгэрлэг Эцэг, Есүс Христ хоёрын тухай заадгийг олж харахад суралцагчдад туслах өөр нэгэн эх сурвалж юм. Хэрэв цаг хүрэлцэхгүй бол цагийн код 0:00-ээс 3:49, 4:37-оос 7:44, 8:16-аас 9:04 гээд аль нэг хэсгийг нь үзүүлж болно.

11:45
Ариун сүм Тэнгэрлэг Эцэг, Есүс Христ хоёрын тухай бидэнд заадаг гэдгийг мэдэх нь ариун сүмд шүтэн бишрэх бидний хүсэлд хэрхэн нөлөөлөх вэ?
Та хэзээ ариун сүмийн ачаар эсвэл ариун сүм, гэр бүлийн түүхийн ажилд оролцсоноор Тэнгэрлэг Эцэг, Есүс Христ хоёрт илүү ойртож байгаагаа мэдэрч байсан бэ?

Төрсөн сэтгэгдлээ бичиж тэмдэглэ

Өнөөдөр Ариун Сүнснээс сурсан, мэдэрсэн зүйлээ эргэцүүлэн бодоход нь суралцагчдад туслах үүднээс тэднийг судлах тэмдэглэлдээ дараах асуултад хариулахад урих талаар бодож үз.

Их Эзэнийг ариун сүмд шүтэн бишрэх хүсэлд тань нөлөөлсөн юуг та өнөөдөр Ариун Сүнснээс сурч эсвэл мэдэрсэн бэ?

Та бичсэн зүйлээ хуваалцах хүсэлтэй хэдэн суралцагчийг хуваалцахад урьж болно. Суралцагчдад 80-р хичээл: “Суралцахуйгаа үнэл 5”-д Их Эзэнийг ариун сүмд шүтэн бишрэх хүслийнхээ талаар эргэцүүлэн бодох боломж олгоно гэдгийг хэл.

Өнөөдрийн ярилцсан үнэнүүдээ гэрчил.

Нэмэлт эх сурвалж

Яагаад Их Эзэнийг ариун сүмд шүтэн бишрэх нь миний хувьд чухал вэ?

Ерөнхийлөгч Рассэлл М.Нэлсон ийн заасан.

8:3

Хайрт ах, эгч нар минь ээ, дайсны дайралтууд хүч чадал, төрөл зүйлийн хувьд асар хурдтай өсөн нэмэгдэж байна. Ариун сүмд байнга байх бидний хэрэгцээ хэзээ ч ийм их байгаагүй. Цагаа хэрхэн өнгөрүүлж байгаагаа залбирч бодож үзэхийг би та нараас гуйж байна. Өөрийнхөө болон гэр бүлийнхээ ирээдүйд цаг заваа зориул. Хэрэв та ариун сүмээс холгүй байдаг бол Их Эзэнтэй Түүний ариун өргөөнд тогтмол уулзах арга замыг олж, тэгээд тэрхүү уулзалтдаа хоцролгүй, баяр хөөртэй ирж байхыг би танд уриалж байна. Таныг Их Эзэний ариун сүмд үйлчилж, шүтэн бишрэхийн тулд золиос гаргахад Тэрээр танд хэрэгтэй гэдгийг мэддэг тэрхүү гайхамшгуудыг авчрах болно хэмээн би танд амлаж байна. (“Үлгэр жишээ хожмын үеийн гэгээнтнүүд болох нь,” 2018 оны 10-р сарын Ерөнхий чуулган, 119)

Би ариун сүмд орохдоо юун дээр анхаарах ёстой вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан.

14:46

Хүмүүс анх удаа ариун сүмд ороод, бүр их гайхаж магадгүй. Бидний үүрэг бол ариун нандин бэлгэдэл, илчлэгдсэн зан үйл, ёслолын хувцас, дүрс бичлэг зэргийг тэнд бишрэн шүтэхээр очих зорилго болох Аврагчид анхаарах анхаарлыг нь сарниулахгүйгээр, харин ч Түүн рүү хандуулахад анхаарах ёстой. Ариун сүм бол Их Эзэний өргөө бөгөөд Тэрээр бидний оюун ухаан, зүрх сэтгэлийн төвд орших ёстой. Орох хаалган дээрх бичээсээс эхлээд тэнд өнгөрүүлсэн хамгийн сүүлчийн хоромд ч Түүний агуу сургаал ариун сүмийн ёслолуудад нэвт шингэсэн байдгийн адил бидний бие махбодод ч нэвт шингэсэн байх ёстой [“Их Эзэнд ариуныг. Их Эзэний өргөө.”] хамгийн сүүлийн мөчийг хүртэл. Харж болох бүх гайхамшиг дундаас юуны өмнө ариун сүм дэх Есүсийн учир утгыг бид олж харах ёстой. (“Захиас, утга учир, олон түмэн,” 2019 оны 10-р сарын Ерөнхий чуулган)

Хэрвээ би ариун сүмд орохдоо сандарч тэвдвэл яах вэ?

Ерөнхийлөгч Рассэлл М.Нэлсон ийн заасан.

18:59

Хэрэв та ариун сүмд орох дуртай болж амжаагүй бол очих давтамжаа цөөлөх бус, харин нэмэгдүүл. Их Эзэнд Өөрийн Сүнсээр дамжуулан заах, нөлөөлөх боломжийг олго. Цаг хугацаа өнгөрөх тусам ариун сүм аюулгүй байх, тайтгарах, илчлэл авах газар болно гэж би танд амлаж байна. (“Ариун сүм ба таны сүнслэг байдлын суурь,” Лиахона, 2021 оны 11-р сар, 95)

Нэмэлт суралцах үйл ажиллагаа

Хичээлийг эхлүүлэх өөр хувилбар

Хичээл эхлэхээс өмнө хамгийн сүүлийн 4-р сарын Ерөнхий чуулганы бямба гаргийн үдээс хойш өгсөн статистик тайланг хайж ол. Та үүнийг newsroom.ChurchofJesusChrist.org дээрээс эсвэл хамгийн сүүлчийн Лиахона сэтгүүлийн 5-р сарын дугаараас олох боломжтой.

Ариун сүмийн зургуудыг үзүүлээд, статистик тайлан дээр үндэслэн ариун сүмийн талаар хэдэн асуултыг суралцагчдад тавь. Жишээлбэл: Хэдэн ариун сүм үйл ажиллагаагаа явуулж байгаа, аль аль ариун сүм баригдаж байгаа, аль аль ариун сүмийг саяхан зарласан гэх зэргээр асууж болно. Дараа нь Их Эзэний израилчуудад өгсөн асар барих зарлигийг судлахад суралцагчдыг бэлтгэх зорилгоор дараах асуултыг тавих талаар бодож үз.

Бид ариун сүмүүд барьснаар хэрхэн адислагддаг вэ?

Нэмэлт видео

Та дараах видеог хичээлийн өөр өөр хэсэгт ашиглаж болно.

“Temples” (5:40). Янз бүрийн эрдэмтэн болон хожмын үеийн гэгээнтнүүд ариун сүм гэж юу вэ мөн яагаад чухал болохыг тайлбарлана. Та энэ видеог хичээлийн эхэнд юм уу хичээлийн төгсгөлд мөн ариун сүм хэрхэн тэднийг Тэнгэрлэг Эцэг, Есүс Христ хоёрт ойртуулсан талаар суралцагчдаас асуухаасаа өмнө ашиглаж болно.

5:41

“Latter-day Saint Temples” (1:40). Энэ видеонд ариун сүмийг бас зорилгыг нь товч танилцуулна. Та хичээлийн эхэнд энэ видеог ашиглаж болно.

1:40