Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Eksodosy 16: Hanina sahaza isan’andro

“Eksodosy 16: Hanina sahaza isan’andro,” Testamenta Taloha: Boky torolalana ho an’ny mpampianatra seminera (2026)

“Eksodosy 16: Hanina sahaza,isan’andro,” Testamenta Taloha: Boky torolalana ho an’ny mpampianatra seminera

Eksodosy 14–18: Lesona 47

Eksodosy 16

Hanina sahaza isan’andro

Taorian’ny nanavotan’ny Tompo ny vahoakany avy tany Egypta dia niatrika olana vaovao sy fahafahana hivoatra izy ireo. Tsy afaka niantehitra tamin’ny Egyptiana intsony ny Isiraelita mba hamatsy izay nilaina toy ny sakafo sy rano. Nila nianatra niantehitra tamin’ny Tompo izy ireo tamin’ny zavatra nilain’izy ireo isan’andro. Afaka manampy ny mpianatra hiantehitra amin’ny Tompo isan’andro ity lesona ity.

Fanomanana ny mpianatra: Asao ny mpianatra hitady ny porofon’ny herin’ny Tompo eo amin’ny fiainan’izy ireo ao anelanelan’izao fotoana izao sy ny fotoam-pianarana manaraka. Amporisiho izy ireo haka fotoana ao anatin’ny vavaka ataon’izy ireo manokana na miaraka amin’ny fianakaviany mba hisaotra ny Ray any An-danitra noho ny fanampiany.

Sahanasa fianarana azo atao

Ny filàna ara-tsakafo isan’andro

Hevero ny hanomboka ny fotoam-pianarana amin’ny alalan’ny fifanakalozan-kevitra momba ireo zavatra ilain’ny vatantsika isan’andro. Ohatra, azonao atao ny mampiseho mofo vitsivitsy. Manasà mpianatra iray izay noana mba hijoro eny alohan’ny mpianatra rehetra ka hihinana amin’ilay mofo. Rehefa mihinana ilay mpianatra dia apetraho aminy ireto fanontaniana manaraka ireto:

Oviana ianao no nisakafo farany?
Raha vao haingana ianao no nisakafo dia nahoana ianao no noana amin’izao?
Fa maninona isika no tsy maintsy misakafo isan’andro?

Nampitaha ny famahanana ny vatantsika amin’ny fikarakarana ny fanahintsika ny Loholona D. Todd Christofferson ao amin’ny Kôlejin’ny Apôstôly Roambinifolo:

Samy miaiky avokoa isika fa ilaina ny sakafo ho an’ny vatana. Mampahatsiahy antsika mafy ny hanoanana sy ny hetaheta raha toa ka manadino izany isika. Fa mafy mitovy amin’izany koa ny filàn’ny fanahy sakafo. (“Le pain quotidien: Modèle,” Médiathèque de l’Évangile)

Nahoana araka ny eritreritrao no zava-dehibe ny filàna mamahana ny fanahintsika tahaka ny fikarakarana ny vatantsika?
Nahoana no mety ho mora ny manadino ireo zavatra ilaintsika ara-panahy?

Makà fotoana hisaintsainana ireto fanontaniana manaraka ireto. Hevero ny hirakitra ireo eritreritrao ao anatin’ny diary fandalinanao:

Mahatsapa faniriana hikarakara ny fanahinao isan’andro toy ny ataonao ho an’ny vatanao ve ianao? Nahoana no eny, na nahoana no tsia?
Inona no tsapanao fa tian’ny Ray any An-danitra ataonao isan’andro mba hikarakarana ny fanahinao?

Mikatsaha fitaomam-panahy hahafantarana ny zavatra azonao atao hatrany, na ny zavatra azonao ovaina, mba hamatsiana ny fanahinao amin’ny hery izay ilainy isan’andro avy amin’ny Tompo.

Miantehitra amin’ny Tompo isan’andro

Taorian’ny niampitana ny Ranomasina Mena, ny Isiraelita dia “nino an’i Jehovah sy Mosesy mpanompony” (Eksodosy 14:31). Nihira sy nandihy izy ireo mba hidera ny Tompo noho ny nanafahany azy ireo (jereo ny Eksodosy 15:1–21). Tsy naharitra ela anefa ny fideran’ny Isiraelita ny Tompo. Nandritra ny fotoana nitarihan’i Mosesy azy ireo hankany amin’ny Tendrombohitra Sinay dia niatrika olana maro isan-karazany izy ireo, ary nosedraina ny finoan’izy ireo.

Vakio ny Eksodosy 16:2–4, 11–15, hitadiavana ny fomba namatsian’ny Tompo ny zavatra nilain’ireo Isiraelita.

Inona no hitanao?

Hevero ny hanasa ny mpianatra hanisy marika ny teny hoe “mana” ao amin’ny Eksodosy 16:15 ary hampifandray na hampifandrohy izany amin’ny Jaona 6:47–51.

Vakio ny Jaona 6:31–35, 47–51, hitadiavana ny zavatra nampianarin’i Jesoa momba ny mana.

Inona no itovizan’ny mana amin’i Jesoa Kristy?
Ahoana no maha-tsara lavitra ny zavatra atolotr’i Jesoa antsika raha ampitahaina amin’ny mana?

Zarao ny valiny marina rehefa nahavita ireo mpianatra: 1. Marina; 2. Diso; 3. Diso; 4. Marina; 5. Marina; 6. Diso; 7. Marina; 8. Diso.

Ahoana no mety hifandraisan’ireo antsipiriany momba ny mana ireo amin’ny filantsika sakafo ara-panahy?
Inona no azon’ireo antsipiriany momba ny mana ireo ampianarina anao momba ny fandraisana ny sakafo ara-panahy avy amin’i Jesoa Kristy?

Niresaka momba ny filantsika sakafo ara-panahy isan’andro avy amin’ny Tompo ny Loholona Christofferson:

Tsy tokony hieritreritra isika hoe afaka ny ho velona herinandro sy volana maromaro tsy misy sakafo ara-panahy sy tsy hijaly, ary tsy hisy fiantraikany ratsy eo amin’ny fiainantsika ara-panahy izany. Manampy antsika hanana herim-po misimisy kokoa hanao ny tsara sy hanompo ny hafa, mihoatra noho izay mety ho ananantsika raha toa ka tsy niraharaha an’ Andriamanitra isika, ny fanekena ny fisian’ny filantsika ny fivokisana ara-panahy, na mana isan’andro. (“Le pain quotidien: Modèle,” Médiathèque de l’Évangile)

Nahoana no tsara kokoa noho ireo traikefa ara-panahy mahery vaika sy tsindraindray ny fianteherana amin’ny Tompo isan’andro?

Hanina sahaza isan’andro

Omeo ireto torolalana manaraka ireto. Azon’ny mpianatra atao ny mitady ireo teny nambaran’ireo mpitarika ao amin’ny Fiangonana amin’ny alalan’ny fikarohana teny na andian-teny toy ny hoe “isan’andro” na “andavanandro” ao amin’ny Médiathèque de l’Évangile ankoatra ireo andalan-tsoratra masina aroso.

Asio anarana hoe “Mofo isan’andro: Jesoa Kristy” ny pejy iray ao amin’ny diary fandalinanao. Manaova sarina mofo dipaina eo afovoan’ilay pejy. Halalino ireto soratra masina manaraka ireto, hitadiavana ireo zavatra azontsika atao isan’andro mba hianteherana amin’ny Tompo sy handraisana sakafo ara-panahy. Soraty manodidina ny sarina mofo dipaina nataonao ny zavatra hitanao.

Deoteronomia 8:3
1 Nefia 17:3
2 Nefia 32:3
Almà 37:36–37

Asao ny mpianatra hifanakalo hevitra momba ny zavatra hitany amin’ny alalan’ny fametrahana fanontaniana toy ireto manaraka ireto. Azonao atao ny mamporisika ny mpianatra hanampy ireo hevitra ao amin’ny diary fandalinany rehefa mianatra avy amin’ny mpiara-mianatra aminy izy ireo.
Iza amin’ireo zavatra natao ireo no nanampy anao hanasa an’i Jesoa Kristy, ilay Mofon’aina eo amin’ny fiainanao isan’andro? Ahoana no namahanany na nampatanjahany anao vokatr’izany?
Inona avy ireo zavatra hafa ezahinao atao isan’andro mba hianteherana amin’ny Tompo ankoatra ny zavatra hitanao tao amin’ny soratra masina?
Inona no holazainao amin’ny olona izay mahatsapa fa tsy mila manao ireo zavatra ireo izy ireo?

Hevero ny hihira fihirana iray miaraka amin’ny iray kilasy momba ny filantsika ny Tompo raha mbola misy ny fotoana, toy ny “Mila Anao aho” (Fihirana sy hiran’ny ankizy, lah. 23). Azon’ny mpianatra atao ny mizara ireo andalana izay manan-danja amin’izy ireo avy ao amin’ilay hira.

Jereo ilay lisitra izay nosoratanao manodidina ilay mofo dipaina ao anatin’ny diary fandalinanao. Ataovy anaty faribolana ny hevitra iray na roa izay tsapanao fa tian’ny Tompo hatombokao hatao na hataonao amin’ny fomba hafa mba hianteherana tsara kokoa Aminy isan’andro. Dia valio izao manaraka izao avy eo:

Oviana ary aiza no hanaovanao izany zavatra izany isan’andro?
Inona avy ireo olana hilainao resena mba hahatonga io fahazarana io ho isan’ny zavatra fanaonao isan’andro? Ahoana no hahafahanao mandresy ireo olana ireo?
Ahoana, araka ny eritreritrao, no ahafahan’ny fanaovana izany isan’andro hisy fiantraikany eo amin’ny fifandraisanao amin’ny Ray any An-danitra sy i Jesoa Kristy rehefa mandeha ny fotoana?

Farano ny lesona amin’ny fizarana ireo eritreritra sy fahatsapanao momba ny filantsika miantehitra amin’ny Tompo isan’andro. Mitadiava fotoana amin’ny lesona manaraka mba hanarahana maso ny ezaka ataon’ny mpianatra. Azonao atao ihany koa ny manome an’ireo mpianatrao fampahalalana vaovao matetika mahakasika ny ezaka ataonao isan’andro mba hiantehitra amin’ny Tompo.

Loharanom-pitaovana fanampiny

Ahoana no ahafahako mahazo sakafo ara-panahy avy amin’ny Tompo isan’andro?

Nijoro ho vavolombelona ny Filoha Russell M. Nelson hoe:

17:18

Mety hitotongana amin’ny hafainganam-pandeha izay mampatahotra ny fijoroana ho vavolombelona izay tsy voakolokolo “amin’ny teny soan’ Andriamanitra.” [Môrônia 6:4] Araka izany dia mazava ny fanefitra amin’ny tetidratsin’i Satana: Mila miaina isan’andro ny fitsaohana ny Tompo sy ny fandalinana ny filazantsarany isika. (“Ny herin’ny fahavitrihana ara-panahy,” Liahona, mey 2022, 99)

Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:

15:13

Ireo zanak’ Isiraely dia nankafy ny fararanon’ny papelika tany an’efitra, saingy ny nihazona azy ireo ho velona dia ilay fahagagana madinika sy tsotran’ny mana [jereo ny Eksodosy 16].

Rahalahy sy ranabavy, ny mofo isan’andro dia tsara indrindra raha karakaraina sy tolorana ao an-tokantrano. Ny finoana sy ny fijoroana ho vavolombelona dia voafahana tsara indrindra amin’ny fomba tsotra sy mandeha ho azy, indray mandrapaka isaky ny mandeha, amin’ny fotoana madinika sy tsotra ao anatin’ny fizotran’ny fiainana isan’andro. (“I Jesoa Kristy no herin’ireo ray aman-dreny,” Liahona, mey 2023, 57)

Inona ihany koa no azontsika ianarana avy amin’ny tantaran’ Andriamanitra mamatsy ny Isiraelita amin’ny mana isan’andro?

Nizara lesona fanampiny ny Loholona D. Todd Christofferson ao amin’ny “Le pain quotidien: Vivez” (3:12) sy ny “Le pain quotidien: Le changement” (3:00).

3:12

3:0

Sahanasa fianarana fanampiny

Fanombohana azo atao solony

Mampisehoa sakafo roa samy hafa: ny iray azo tehirizina maharitra (toy ny vary) ary ny iray hafa tsy azo tehirizina ela (toy ny mofo na voankazo).

Araka ny eritreritrao dia haharitra hafiriana ny tsirairay amin’ireo sakafo ireo vao simba?

Nampianatra ny Filoha Henry B. Eyring ao amin’ny Fiadidiana Voalohany fa “ny finoana lehibe dia tsy maharitra” (“Spiritual Preparedness: Start Early and Be Steady,” Liahona, nôv. 2005, 39).

Inona araka ny eritreritrao no tian’ny Filoha Eyring ambara?

Mety hizara ny mpianatra fa raha tsy manorina tsy tapaka ny finoantsika amin’i Jesoa Kristy isika dia mety halemy na hanjavona izany finoana izany. Rehefa mandalina ny Eksodosy 16 ny mpianatra dia asao izy ireo hieritreritra ireo fomba ahafahan’izy ireo mampatanjaka ny finoany ny Tompo isan’andro, fa tsy hiantehitra fotsiny amin’ireo zavatra niainana taloha.

Ny fizahan-toetra ny fankatoavana.

Asao ny mpianatra hampifandray na hampifandrohy ny Eksodosy 16:4 amin’ny Abrahama 3:25. Asaivo mamaky ny andalan-tsoratra masina tsirairay izy ireo ary hitady ny iray amin’ireo antony anomezan’ Andriamanitra antsika didy.

Nahoana no mety ho sarotra indraindray ny mankatò ny Tompo?
Inona no afaka manampy antsika handresy ireo zava-tsarotra ireo?

Nampianatra ny Loholona Ulisses Soares ao amin’ny Kôlejin’ny Apôstôly Roambinifolo fa:

Ny fiainana an-tany dia vanim-potoana fizahan-toetra izay hisedrana antsika mba hahitana raha toa isika ka hanao ny zava-drehetra handidin’ny Tompo Andriamanitsika antsika. Hitaky finoana tsy misy ahiahy an’i Kristy izany na dia amin’ny fotoana tena sarotra aza. Izany dia hitaky ny hibosesehantsika handroso miaraka amin’ny finoana mafy orina an’i Kristy, sady tarihin’ny Fanahy, sy ny fahatokiana fa hanome izay ilaintsika Andriamanitra. (“Itokio tsy amim-pisalasalana Andriamanitra,” Liahona, mey 2017, 33)

Tamin’ny fomba ahoana no nanomezan’ny Tompo ireo zavatra ilainao rehefa niezaka nanao araka ny nandidiany ianao?

Miantehitra amin’ny Tompo ampitahaina amin’ny fianteherana amin’ireo loharanom-panampiana hafa

Ampio ireo mpianatra hamantatra ireo fitahiana avy amin’ny fianteherana amin’ny Tompo raha mitaha amin’ireo olana mety hitranga avy amin’ny fianteherana amin’ireo loharanom-panampiana hafa. Azonao atao ny mampahatsiahy ireo mpianatra fa talohan’ny nidiran’ny Isiraelita tany an-tany foana dia novatsian’i Egypta sakafo sy rano izy ireo (jereo ny Eksodosy 16:2–3).

Nahoana no tsara kokoa ho an’i Isiraely ny niantehitra tamin’ny Tompo isan’andro toy izay niantehitra tamin’i Egypta?

Ampio ireo mpianatra hahatakatra fa rehefa nanome sakafo ho an’i Isiraely i Egypta dia nitazona an’i Isiraely ho amin’ny fanandevozana ihany koa izy ireo ary nampiharihary tamin’i Isiraely ny finoana sy ny fomba dison’izy ireo. Nanome fahafahana an’i Isiraely sy ny taranany ary ny fahafahana hivoatra ny fianteherana tamin’ny Tompo. Hiditra ny tany nampanantenaina i Isiraely amin’ny farany.

Inona avy ireo loharanom-panampiana sasantsasany izay mety hahatonga antsika ho alaim-panahy hiantehitra amin’izy ireo fa tsy hiantehitra amin’ny Tompo?
Nahoana no tsara kokoa ho antsika ny miantehitra amin’ny Tompo toy izay miantehitra amin’ny olon-kafa na zavatra hafa?

Ny andro Sabata

Hevero ny hangataka ny mpianatra hizara ireo fitsipika hitany momba ny andro Sabata, rehefa mandalina momba ny mana izy ireo. Mety hilaza izy ireo fa nanao asa fanampiny i Isiraely tamin’ny andro fahenina mba hahafahan’izy ireo miala sasatra ny Sabata. Mety hanaiky ihany koa izy ireo fa namatsy zavatra fanampiny ho an’i Isiraely ny Tompo tamin’ny andro fahenina mba hahafahan’izy ireo mitandrina ny andro Sabata ho masina. Ampio ireo mpianatra hifanakalo hevitra momba ireo zavatra mitovy amin’izany eo amin’ny fiainantsika amin’ny alalan’ny fanontaniana hoe:

Inona avy ireo zavatra fanampiny mety ilaintsika atao mandritra ny herinandro mba hahafahantsika mitandrina tsara kokoa ny andro Sabata ho masina?
Tamin’ny fomba ahoana no namatsian’ny Ray any An-danitra sy i Jesoa Kristy anao sy ny fianakavianao, ara-nofo sy ara-panahy, rehefa niezaka nitandrina ny andro Sabata ho masina ianao?