Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Genesis 28: Mga Tipan sa Panginoon

“Genesis 28: Mga Tipan sa Panginoon,” Manwal ng Titser ng Seminary para sa Lumang Tipan (2026)

“Genesis 28: Mga Tipan sa Panginoon,” Manwal ng Titser ng Seminary para sa Lumang Tipan

Genesis 24–33: Lesson 31

Genesis 28

Mga Tipan sa Panginoon

Matapos pagbantaan ang kanyang buhay ng kapatid niyang si Esau, inutusan si Jacob ng kanyang mga magulang na maglakbay patungo sa bayan ng kanyang ina upang maghanap ng asawa. Habang naglalakbay, nagkaroon siya ng pangitain na naghikayat sa kanya na makipagtipan sa Diyos sa tipang Abraham. Ang lesson na ito ay makatutulong sa mga estudyante na makadama ng mas matinding hangarin na makipagtipan sa Diyos sa templo.

Paghahanda ng estudyante: Maaari mong anyayahan ang mga estudyante na basahing muli ang mga pangako ng tipang Abraham (Abraham 2:8–11). Maaaring hikayatin ang mga estudyante na subukan at ipaliwanag sa isang miyembro ng kanilang pamilya ang tungkol sa tipang Abraham at kung bakit ito mahalaga sa kanila.

Mga Posibleng Aktibidad sa Pag-aaral

Bakit kailangang makipagtipan?

Maaari mong simulan ang klase sa pagpapakita ng larawan ng templo at pagkanta ng awit sa Primary na “Templo’y Ibig Makita” (Aklat ng mga Awit Pambata, 99).

Pagkatapos ay ipakita ang sumusunod na pahiwatig. Sabihin sa mga estudyante na piliin ang pahayag na pinakatotoo tungkol sa kanila. Bilang alternatibo, maaari mong ibahagi lamang ang unang bahagi ng pahiwatig, at maaaring tapusin ng mga estudyante ang pahayag sa isa o dalawang pangungusap na tumpak na nagpapakita ng kanilang damdamin at saloobin.

Kapag iniisip ko ang tungkol sa pagpunta sa templo sa hinaharap upang makipagtipan sa Diyos:

Hindi ko alam kung ano ang iisipin. Hindi ko masyadong iniisip ang tungkol dito.
Nasasabik ako. Talagang inaasam ko ang araw na iyon.
Medyo kinakabahan ako. Hindi ko alam kung ano ang aasahan ko.
Hindi ko masyadong nauunawaan ang layunin nito.

Bigyan ang mga estudyante ng oras na isulat ang kanilang mga sagot. Sabihin sa kanila na humingi ng inspirasyon mula sa Espiritu Santo sa oras ng lesson. Matutulungan sila ng Espiritu Santo na pahalagahan ang kahalagahan ng pakikipagtipan sa Diyos.

Ang panaginip ni Jacob

Sabihin sa mga estudyante na isulat ang sumusunod na hindi kumpletong katotohanan sa kanilang study journal. Maaari mo rin itong isulat sa pisara at dagdagan ito sa buong lesson.

Sa lesson na ito, pag-aaralan ninyo ang tungkol kay Jacob sa Genesis 28. Sa Genesis 28:3–4, 12–20, nagtatag ang Diyos ng tipan kay Jacob, na tinanggap ni Jacob. Mula sa salaysay na ito, matututuhan natin ang mahahalagang aral tungkol sa kahalagahan ng pakikipagtipan sa Diyos. Sa pag-aaral ninyo ng lesson na ito, maghanap ng mga paraan upang makumpleto ang katotohanang ito: Kapag gumawa at tumupad tayo ng mga tipan sa Diyos, Siya ay …

Sabihin sa mga estudyante na ibahagi ang naaalala nila tungkol sa tipang ginawa ng Panginoon kay Abraham. Para sa mga partikular na detalye tungkol sa tipan na ito, tingnan sa Lesson 23: “Genesis 12, 17.” Matapos magbahagi ang mga estudyante, ibuod ang sumusunod na talata gamit ang sarili mong mga salita.

Bagama’t si Jacob ay apo ni Abraham, maaaring nadama niya na ang mga pagpapala ng tipan ni Abraham ay hindi niya makakamtan. Hindi pa ikinakasal si Jacob sa tipan. Gayundin, ang alitan sa pagkapanganay at basbas ang nagtulak kay Esau na naising patayin si Jacob (Genesis 27:41). Upang maprotektahan si Jacob at matiyak na mayroon siyang pagkakataong makasal sa loob ng tipan, tinagubilinan si Jacob ng kanyang mga magulang na lumisan sa tahanan at maglakbay nang ilang daang kilometro papunta sa bayan ng kanyang ina (tingnan sa Genesis 27:42–46; 28:1–2). Ang paglalakbay na ito ay maglalayo kay Jacob sa Canaan, ang lupaing ipinangako sa kanya sa pagkapanganay.

Basahin ang Genesis 28:10–15, at alamin kung ano ang naranasan ni Jacob noong isang gabi sa kanyang paglalakbay.

Maaari mong sabihin sa mga estudyante na magdrowing ng larawan kung ano ang nakita ni Jacob sa kanyang panaginip. Maaaring ibahagi ng mga estudyante ang kanilang mga drowing sa isang kapartner at ipaliwanag kung ano ang pinakamahalaga sa kanila mula sa mga talata.

Pagkatapos ay maaari mong ipakita ang sumusunod na larawan bilang isang paglalarawan sa pangitain.

The Old Testament prophet Jacob (Israel) lying asleep under a tree. A depiction of Jacob's dream of a ladder and angels descending from heaven is portrayed in the background.

Anong mga pangako mula sa tipang Abraham ang ibinigay ng Panginoon kay Jacob sa mga talatang ito?
Anong mga karagdagang pangako ang ibinigay ng Panginoon kay Jacob sa talata 15?

Maaari mong sabihin sa mga estudyante na idagdag ang mga karagdagang pangakong ito sa kanilang katotohanan. Maaari mong isulat ang mga posibleng sagot sa pisara. Maaaring kasama sa mga sagot ang tayo ay sasamahan, tayo ay poprotektahan at pangangalagaan, tayo ay hindi iiwan.
Sa inyong palagay, bakit kaya makabuluhan ang mga pangakong ito kay Jacob sa panahong ito?

Upang matulungan ang mga estudyante na mas maunawaan ang mga pangakong ito, anyayahan silang tapusin ang sumusunod na aktibidad nang may kapartner o sa maliliit na grupo. Maaari mong hikayatin ang mga estudyante na maghanap ng mga karagdagang banal na kasulatan o pahayag na magpapatibay sa mga pangakong ito.

Pag-aralan ang mga sumusunod na banal na kasulatan at pahayag, at alamin kung paano nito pinalalalim ang inyong pang-unawa sa mga pangakong ginawa ng Panginoon kay Jacob.

Juan 14:18

Mga Gawa 17:27 (pansinin ang Pagsasalin ni Joseph Smith)

Sinabi ni Elder Dale G. Renlund ng Korum ng Labindalawang Apostol:

Habang tumatahak kayo sa landas ng tipan, mula sa binyag hanggang sa templo at habambuhay, ipinapangako ko sa inyo ang kapangyarihang salungatin ang likas na daloy ng kamunduhan—kapangyarihang matuto, kapangyarihang magsisi at mapabanal, at kapangyarihang makasumpong ng pag-asa, kapanatagan, at maging ng kagalakan kapag may mga hamon kayo sa buhay. Nangangako ako sa inyo at sa inyong pamilya ng proteksyon laban sa impluwensya ng kaaway, lalo na kapag ang templo ang pangunahing pinagtutuunan ninyo ng pansin sa buhay. (“Pagtatamo ng Kapangyarihan ng Diyos sa pamamagitan ng mga Tipan,” Liahona, Mayo 2023, 37)

Maaaring makatulong sa mga estudyante na maunawaan na hindi tayo inililigtas ng paggawa ng mga tipan mula sa mga hamon sa buhay. Gayunpaman, itinuro ni Elder D. Todd Christofferson na naibibigay ng mga tipan na ito “ang pinakamalaki nating pag-asa para makaiwas sa maiiwasang pagdurusa sa isang banda at magtagumpay rin na makayanan ang di-maiiwasang kapighatian sa buhay” (“Bakit Mahalagang Tahakin ang Landas ng Tipan,” Liahona, Mayo 2021, 117).

Alin sa mga pangakong ito ang pinakamakabuluhan sa inyo?

Ang nadarama ni Jacob tungkol sa kanyang karanasan

Maaaring makatulong na ipakita ang sumusunod na passage at mga tanong. Maaari mong sabihin sa mga estudyante na basahin at talakayin ang sumusunod nang magkakapartner o sa maliliit na grupo. (Maaari mong ibahagi sa mga estudyante na ang mga salitang “natatakot” at “nakakapangilabot” ay naglalarawan na si Jacob ay namangha. Mas mainam na isalin ang “nakakapangilabot” bilang “nakamamangha.”)

Basahin ang Genesis 28:16–21, at alamin ang reaksyon ni Jacob sa kanyang karanasan.

Anong damdamin tungkol sa Panginoon ang nakikita ninyong ipinapahayag ni Jacob?
Paano siya hinihikayat ng mga damdaming ito na makipagtipan sa Panginoon?

Matapos magkaroon ng sapat na oras ang mga estudyante na magtalakayan, maaari mong anyayahan ang ilan na ibahagi sa klase kung ano ang kanilang natutuhan.

Ang pagbibigay ng mga pagkakataon sa mga estudyante na ibahagi sa isa’t isa ang kanilang natututuhan ay makadaragdag sa kanilang kumpiyansa sa pakikibahagi sa mga pag-uusap tungkol sa ebanghelyo. Para sa karagdagang training kung paano mahihikayat ang mga estudyante na magbahagi sa iba, tingnan sa “Hikayatin ang mga mag-aaral na ibahagi ang mga katotohanang natututuhan nila” sa Mga Kasanayan para sa Pag-unlad ng Guro. (Pagtuturo sa Paraan ng Tagapagligtas [2022], 35)
Anong mga salita o parirala mula sa talata 16–21 ang maiuugnay sa mga makabagong templo?

Maaaring ipaliwanag ng mga estudyante ang mga salita o parirala tulad ng “tunay na ang PANGINOON ay nasa lugar na ito” (talata 16); “ang bahay ng Diyos” at “ang pintuan ng langit” (talata 17); “Bethel” (talata 19), na ibig sabihin ay “bahay ng Diyos” (tingnan sa footnote a); at “nagpanata” (talata 20). Maaari mong sabihin sa mga estudyante na markahan ang mga pariralang ito sa kanilang banal na kasulatan.

Maaaring magdagdag ang mga estudyante sa kanilang mga drowing ng pangitain sa pamamagitan ng pagsulat ng “bahay ng Diyos,” “pintuan ng langit,” o “templo” saanmang bahagi malapit sa ibaba ng hagdan.

Pakikipagtipan sa Panginoon

Sabihin sa mga estudyante na gawin ang sumusunod na aktibidad sa kanilang study journal. Maaaring makatulong na sabihin sa mga estudyante na pagnilayan nila ang mga sagot na ito sa isang lesson sa hinaharap. Gagamitin ng mga estudyante ang isinulat nila dito para matapos ang isang aktibidad para sa assessment sa Lesson 37: “I-assess ang Iyong Pagkatuto 2.”

Upang maihanda ang mga estudyante na isulat ang kanilang mga sagot, maaari mong ibahagi ang sumusunod na talata gamit ang sarili mong mga salita.

Nang lisanin ni Jacob ang tahanan ng kanyang mga magulang at umalis nang mag-isa, nakipagtipan siya sa Diyos. Nangako ang Diyos na sasamahan, pangangalagaan, at poprotektahan Niya si Jacob. Sa loob ng ilang taon, mahaharap kayo sa maraming pagpili kung ano ang susunod na gagawin sa inyong buhay. Kabilang sa mga desisyong ito ang pagkakataong makipagtipan sa Diyos sa templo. Pag-isipan ang pagkakataong ito sa inyong hinaharap habang sinasagot ninyo ang mga sumusunod na tanong sa inyong study journal:

Anong mga ipinangakong pagpapala ang naranasan mo sa pagsisikap na tuparin ang iyong mga tipan sa Diyos o sa paglilingkod sa templo?
Anong mga sitwasyon ang maaari mong harapin sa hinaharap kung saan matutulungan ka ng pangangalaga at proteksyong ipinangako ng Diyos sa mga taong makikipagtipan sa Kanya?

Maaari mong ibahagi ang iyong patotoo kung paano mo naranasan ang mga pangakong nauugnay sa paggawa at pagtupad ng mga tipan sa Panginoon.

Karagdagang Resources

Ano ang maaaring sinasagisag ng hagdang nakita ni Jacob?

Ipinaliwanag ni Pangulong Marion G. Romney:

Ang mga tipang ginawa [ni Jacob] sa Panginoon ay ang mga baitang sa hagdan na dapat niyang akyatin mismo upang matamo ang mga ipinangakong pagpapala—mga pagpapala na magpapamarapat sa kanya na makapasok sa langit at makasama ang Panginoon. (“Temples—the Gates to Heaven,” Ensign, Mar 1971, 16)

Ano ang mga karagdagang pagpapala para sa paggawa at pagtupad ng mga tipan?

Ibinahagi ni Pangulong Russell M. Nelson:

Ang mga tumutupad sa kanilang mga tipan sa Diyos ay magiging grupo ng mga kaluluwang kayang labanan ang mga kasalanan! Ang mga tumutupad sa kanilang mga tipan ay magkakaroon ng lakas na labanan ang palagiang impluwensya ng mundo. …

Ang pakikipagtipan sa Diyos ay nagpapabago sa ating ugnayan sa Kanya magpakailanman. Binibiyayaan tayo nito ng karagdagang pagmamahal at awa. Nakakaapekto ito sa kung sino tayo at kung paano tayo tutulungan ng Diyos na maging kung ano ang maaari nating kahinatnan. (“Ang Walang Hanggang Tipan,” Liahona, Okt. 2022, 8, 10)

Itinuro ni Elder Dale G. Renlund ng Korum ng Labindalawang Apostol:

13:9

Sa paggawa at pagtupad ng mga tipan sa templo, mas natututuhan natin ang mga layunin ng Panginoon at natatanggap ang kaganapan ng Espiritu Santo. Tumatanggap tayo ng patnubay para sa ating buhay. Mas lumalalim ang ating pagkadisipulo upang hindi tayo manatiling mga bata na walang alam. Sa halip, nabubuhay tayo na may walang-hanggang pananaw at mas nagaganyak na maglingkod sa Diyos at sa iba. Tumatanggap tayo ng dagdag na kakayahang tuparin ang ating mga layunin sa mortalidad. Napoprotektahan tayo mula sa kasamaan, at nagtatamo tayo ng higit na lakas na mapaglabanan ang tukso at magsisi kapag nagkakasala tayo. Kapag nagkakamali tayo, ang alaala ng ating mga tipan sa Diyos ay tumutulong sa atin na bumalik sa tamang landas. Sa pagkonekta sa kapangyarihan ng Diyos, nagagawa [nating] sumalungat sa daloy ng mundo, sa buong buhay natin hanggang sa mga kawalang-hanggan. Sa huli, ang ating tadhana ay nagbabago dahil ang landas ng tipan ay humahantong sa kadakilaan at buhay na walang hanggan. (“Pagtatamo ng Kapangyarihan ng Diyos sa pamamagitan ng mga Tipan,” Liahona, Mayo 2023, 36)

Bakit mahalaga ang mga tipan?

Sinabi ni Elder D. Todd Christofferson ng Korum ng Labindalawang Apostol:

15:4

Maaaring sabihin ng ilan, “Makapipili ako ng tama mabinyagan man ako o hindi; hindi ko kailangan ang mga tipan para maging marangal at matagumpay na tao.” Totoo ngang marami, kahit wala sila mismo sa landas ng tipan, na kapareho lang ang mga pinipili at kontribusyon sa mga taong nasa landas ng tipan. Masasabi ninyo na nabibiyayaan sila dahil sa mabubuting bagay na ginagawa nila kahit “hindi sila aktwal na gumagawa ng mga tipan.” Ano, kung gayon, ang kaibhan ng landas ng tipan sa iba pang mga landas?

Ang totoo, ang kaibhan ay natatangi at walang hanggan ang kahalagahan. Kabilang dito ang uri ng ating pagsunod, ang katangian ng pangako sa atin ng Diyos, ang natatanggap natin na tulong sa langit, ang mga pagpapalang kaakibat ng pagtitipon bilang pinagtipanang tao, at higit sa lahat, ang ating walang-hanggang pamana. (“Bakit Mahalagang Tahakin ang Landas ng Tipan,” Liahona, Mayo 2021, 117)

Mga Karagdagang Aktibidad sa Pag-aaral

Alternatibong simula

Maaari mong simulan ang klase sa pagdrowing ng dalawang tao sa pisara. Maaari mo silang pangalanan. Sa ilalim ng isang tao, isulat ang, “Lubos na nadarama ang kahalagahan ng kanilang mga tipan sa Diyos.” Sa ilalim ng pangalawang tao, isulat ang, “Nadarama na hindi talaga mahalaga ang mga tipan.”

Sa inyong palagay, bakit ganito ang maaaring nadarama ng bawat tao tungkol sa mga tipan?
Paano maaaring maapektuhan ng nadarama nila tungkol sa tipan ang kanilang malapit at walang-hanggang hinaharap?

“Sa Inyo, Aking Diyos, Lumalapit”

Ang himnong “Sa Inyo, Aking Diyos, Lumalapit” (Mga Himno, blg. 55) ay batay sa mga pangyayari sa Genesis 28. Maaari mong kantahin ang himnong ito sa simula ng klase o sa ibang oras sa klase. Maaari ding makinabang ang mga estudyante sa pagtingin sa mga titik ng himno at iugnay ang mga ito sa karanasan ni Jacob. Maaari mong sabihin sa mga estudyante na sundan ang mga salita habang pinakikinggan nila ang sumusunod na pagtugtog ng awitin.

5:24

Ang kaugnayan ng mga ordenansa at mga tipan

Maaaring makinabang ang iyong mga estudyante sa pag-unawa sa kaugnayan ng mga ordenansa at mga tipan. Maaari kang pumili ng ordenansa, talakayin ang mga pisikal na gawaing kinapapalooban nito, at tukuyin ang kalakip na mga tipan. Halimbawa, sa ordenansa ng binyag sa pamamagitan ng paglulubog, nangangako ang isang tao na isusuko ang kanyang makasalanang sarili sa pamamagitan ng pagsisisi at paglapit bilang isang nakipagtipang disipulo ni Jesucristo. Pagkatapos ay maaari mong basahin at talakayin ang sumusunod.

Itinuro ni Pangulong Russell M. Nelson sa mga lider ng Simbahan ang tungkol sa layunin ng mga ordenansa:

Ang [Diyos] ay gumagabay at palaging gagabay kung paano isasagawa ang mga ordenansa upang maunawaan at maisapuso natin ang ating mga tipan sa Kanya. (sesyon sa pamumuno ng Ika-189 na Ikalawang Taunang Pangkalahatang Kumperensya, Okt. 2, 2019)

Paano tayo matutulungan ng mga ordenansa na maunawaan at maisapuso ang ating mga tipan?

Ang kahalagahan ng mga tipan

Kung makikinabang ang iyong mga estudyante sa karagdagang talakayan tungkol sa kahalagahan ng mga tipan sa Diyos, maaari mong ibahagi ang pahayag ni Elder D. Todd Christofferson sa Karagdagang Resources.

Pagkatapos ay maaari mong hatiin ang mga estudyante sa mga grupo na may limang miyembro. Naglalaman ng limang bahagi ang kumpletong bersiyon ng mensahe ni Elder Christofferson. Maaari kang magbigay ng kopya ng bawat bahagi sa mga miyembro ng grupo para may iba’t ibang bahagi ng mensahe ang bawat miyembro. Maaari mong paikliin ang mahahabang bahagi. Sabihin sa mga estudyante na pag-aralan ang bahaging nakatalaga sa kanila at maghandang ibahagi sa kanilang grupo ang natutuhan nila tungkol sa kahalagahan ng mga tipan.

Bilang alternatibo, maaari mong hatiin ang buong klase sa limang grupo, at maaari mong bigyan ng magkakaibang bahagi ng mensahe ang bawat grupo.

Makikita mo ang mensahe ni Elder Christofferson dito.