Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 28: O Feagaiga ma le Alii

“Kenese 28: O Feagaiga ma le Alii,” Tusi Lesona a le Faiaoga Seminare o le Feagaiga Tuai (2026)

“Kenese 28: O Feagaiga ma le Alii,” Tusi Lesona a le Faiaoga Seminare o le Feagaiga Tuai

Kenese 24–33: Lesona 31

Kenese 28

O Feagaiga ma le Alii

Ina ua uma ona faamata’uina lona ola e lona uso o Esau, sa faatonuina Iakopo e ona matua e malaga atu i le nuu moni o lona tina e su’e sana avā. A o faimalaga, sa ia maua se faaaliga na taitai atu ai o ia e ulu atu i le feagaiga FaaAperaamo ma le Atua. O lenei lesona e mafai ona fesoasoani i tagata aoga ia lagonaina se manao faateleina e osia feagaiga ma le Atua i totonu o le malumalu.

Sauniuniga a le tagata aoga: Manatu e valaaulia tagata aoga e toe faamanatu folafolaga o le feagaiga faa-Aperaamo (Aperaamo 2:8–11). E mafai ona uunaia tagata aoga e taumafai ma faamalamalama atu i se tasi o lo latou aiga e uiga i le feagaiga faa-Aperaamo ma le mafuaaga e taua ai ia i latou.

Gaoioiga E Ono Mafai Ona Aoao Ai

Aisea e osifeagaiga ai?

E mafai ona e amataina le vasega i le faaali atu o se ata o se malumalu ma usuina le pese Peraimeri “Ou Te Fia Vaai i le Malumalu” (Tusipese a Tamaiti, 95).

Ona faaali atu lea o le uunaiga lenei: Valaaulia tagata aoga e filifili le faamatalaga e sili ona moni ia i latou. I se isi faiga, e mafai ona e faasoa atu na o le vaega muamua o le uunaiga, ma e mafai e tagata aoga ona faauma le faamatalaga i se fuaiupu pe lua e atagia tonu mai ai o latou lagona ma mafaufauga.

Pe a ou mafaufau e uiga i le alu i le malumalu i le lumanai e osi feagaiga ma le Atua, ou te:

Le iloa le mea e mafaufau iai. Le mafaufau tele i ai.”
Faaosofia i le fiafia. Matua sagisagi atu i lena aso.
Popole teisi. Le iloa le mea e faamoemoeina.
Tau le iloa tele po o le a le uiga.

Tuu atu le taimi i tagata aoga e tusi ai a latou tali. Valaaulia i latou e saili musumusuga mai le Agaga Paia i le taimi o le lesona. E mafai ona fesoasoani le Agaga Paia ia i latou e talisapaia le taua o le osia o feagaiga ma le Atua.

Miti a Iakopo

Valaaulia tagata aoga e tusi le upumoni le uma lenei ia latou api faamaumau mo suʻesuʻega. E mafai foi ona e tusia i luga o le laupapa ma faaopoopo atu i ai i le gasologa o le lesona.

I lenei lesona, o le a e suesue ai e uiga ia Iakopo i le Kenese 28. I le Kenese 28:3–4, 12–20, na faavaeina ai e le Atua se feagaiga ma Iakopo, lea na taliaina e Iakopo. Mai lenei tala, e mafai ona tatou aoao ai ni lesona taua e uiga i le taua o le osia o feagaiga ma le Atua. A o e suesueina lenei lesona, vaavaai mo auala e faauma ai lenei upumoni: A o tatou osia ma tausia feagaiga ma le Atua, o le a Ia …

Fai atu i tagata aoga e faasoa mai mea latou te manatua e uiga i le feagaiga na osia e le Alii ma Aperaamo. Mo faamatalaga fitoitonu i lenei feagaiga, tagai i le Lesona 23: “Kenese 12, 17.” A uma ona faasoa mai tagata aoga, aotele le parakalafa lenei i au lava upu.

E ui o Iakopo o le atalii o le atalii o Aperaamo, atonu na ia lagonaina e foliga o faamanuiaga o le feagaiga a Aperaamo sa le mafai ona ia ausia. E lei faaipoipo i le taimi lea Iakopo i le feagaiga. E le gata i lea, o feteenaiga i le tofi ulumatua ma faamanuiaga na taitai atu ai Esau e manao e faauma le ola o Iakopo (Kenese 27:41). Ina ia puipuia Iakopo ma faamautinoa na te maua le avanoa e faaipoipo ai i le feagaiga, sa faatonuina o ia e ona matua e tuua lo latou aiga ae malaga i le tele o selau o maila i le nuu moni o lona tina (tagai Kenese 27:42–46; 28:1–2). O lenei malaga o le a ave ese mamao ai Iakopo mai Kanana, o le laueleele na folafola atu ia te ia e le tofi o le ulumatua.

Faitau le Kenese 28:10–15, ma vaavaai mo le mea na oo i ai Iakopo i se tasi po i le taimi o lana malaga.

Mafaufau e valaaulia tagata aoga e tusi se ata o le mea na vaai i ai Iakopo i lana miti. E mafai e tagata aoga ona faasoa atu a latou ata i se paga ma faamatala mai po o le a le mea na tulaga ese ia i latou mai fuaiupu.

Ona mafai lea ona e faaali atu le ata lenei o se tasi o ata faatino o le faaaliga.

The Old Testament prophet Jacob (Israel) lying asleep under a tree. A depiction of Jacob's dream of a ladder and angels descending from heaven is portrayed in the background.

O a folafolaga mai le feagaiga faa-Aperaamo na ofo atu e le Alii ia Iakopo i nei fuaiupu?
O a nisi fautuaga faaopoopo na tuuina atu e le Alii ia Iakopo i le fuaiupu 15?

E mafai ona e valaaulia tagata aoga e faaopoopo atu nei folafolaga faaopoopo i a latou upumoni. Atonu e te lisiina tali ono talafeagai i luga o le laupapa. O tali e ono aofia ai le faatasi ma i tatou, puipuia ma tausia i tatou, ae le o le tuua o i tatou.
Aisea e te manatu ai atonu na faapitoa le anoa o nei folafolaga ia Iakopo i lea taimi?

Ina ia fesoasoani i tagata aoga ia malamalama lelei atili i nei folafolaga, valaaulia i latou e faauma le gaoioiga lenei i ni paga po o ni vaega toalaiti. Atonu e te manao e fautuaina tagata aoga e vaavaai mo nisi mau po o faamatalaga faaopoopo e faamaonia ai nei folafolaga.

Suesue mau ma faamatalaga nei, ma vaavaai pe faapefea ona faalolotoina lou malamalama i folafolaga na faia e le Alii ia Iakopo.

Ioane 14:18

Galuega 17:27 (matau le Faaliliuga a Iosefa Samita)

Na saunoa mai Elder Dale G. Renlund o le Korama a Aposetolo e Toasefululua:

A o outou savavali i le ala o feagaiga, mai le papatisoga tau atu i le malumalu ma i o outou olaga atoa, ou te folafola atu ia te outou le mana e faasagatau atu ai i tafega masani faalelalolagi—le mana e aoao mai ai, le mana e salamo ai ma ia faapaiaina, ma le mana e maua ai le faamoemoe, mafanafana, e oo lava i le olioli a o outou feagai ma luitau o le olaga. Ou te folafola atu ia te oe ma lou aiga le puipuiga mai tosinaga a le fili, aemaise ai pe a avea le malumalu o se taula’iga tele i lou olaga. (“Mauaina o le Mana o le Atua e ala i Feagaiga,” Liahona, Me 2023, 37)

E ono fesoasoani mo tagata aoga le malamalama ai e faapea o le osia o feagaiga e le faasaoina ai i tatou mai luitau o le olaga. Peitai, na aoao mai Elder D. Todd Christofferson e faapea o nei feagaiga ua aumaia ai “lo tatou faamoemoega silisili mo le alofia o [pagatia e ono mafai ona alofia] i le tasi itu ma le taulimaina ma le manuia o mala e le maalofia o le olaga i le isi” (“Aisea i le Ala o Feagaiga,” Liahona, Me 2021, 117).

O fea o nei folafolaga e sili ona taua ia te oe?

O lagona o Iakopo e uiga i lona aafiaga

E ono fesoasoani le faaali atu o le fuaitau lenei ma fesili. Mafaufau e valaaulia tagata aoga e faitau ma talanoa mea nei i paga po o vaega toalaiti. (Mafaufau e faasoa atu i tagata aoga e faapea, o upu “fefe” ma le “mata’u” e faaalia ai sa maofa Iakopo. O le “mata’u” e sili atu ona faaliliuina o le “maofa.”)

Faitau le Kenese 28:16–21, ma vaavaai mo le tali a Iakopo i lona aafiaga.

O a lagona e uiga i le Alii ua e vaai o faaalia e Iakopo?
E mafai faapefea e nei lagona ona uunaia o ia e osia se feagaiga ma le Alii?

A maea se taimi na talanoa ai tagata aoga , e mafai ona e valaaulia ni nai tagata aoga e faasoa atu i le vasega mea na latou aoaoina.

O le tuuina atu o avanoa mo tagata aoga e fefaasoaai ai le tasi ma le isi i mea ua latou aoaoina e mafai ona faateleina ai lo latou mautinoa i le auai ai i talanoaga faaletalalelei. Mo nisi aoaoga i le auala e uunaia ai tagata aoga e faasoa atu i isi, tagai “Uunaia tagata aoao e faasoa mai upumoni o loo latou aoaoina” i le Tomai o le Atinaega o Faiaoga. (Aoao Atu i le Ala a le Faaola [2022], 35)
O a upu po o fasifuaitau mai fuaiupu 16–21 e mafai ona fesootai i malumalu o aso nei?

Atonu e ta’u mai e tagata o le vasega upu po o fasifuaitau e pei o le “e moni lava e i ai Ieova i le mea nei (fuaiupu 16); “o le fale lava o le Atua” ma “o le faitotoa lava lenei o le lagi” (fuaiupu 17); “Peteli” (fuaiupu 19), o lona uiga o le “fale o le Atua” (tagai vaefaamatalaga 19a); ma “faia lana tauto” (fuaiupu 20). Atonu e te manao e valaaulia tagata aoga e faailoga nei fasifuaitau i totonu o a latou tusitusiga paia.

E mafai e tagata aoga ona faaopoopo i a latou ata o le faaaliga vaaia i le tusia lea o le “fale o le Atua,” “faitotoa o le lagi,” po o le “malumalu” i se mea e latalata i le pito i lalo o le apefa’i.

Faia o feagaiga ma le Alii

Valaaulia tagata aoga e fai mea nei i a latou api faamaumau mo suesuega. Atonu e aoga le ta’u atu i tagata aoga o le a latou tomanatu i nei tali i se lesona i le lumanai. O le a faaaoga e tagata aoga mea latou te tusia iinei e faamaea ai se gaoioiga o le faailoiloga i le Lesona 37: “Iloilo Lou Aoaoina 2.”

Ina ia saunia tagata aoga e tusi a latou tali, atonu e te manao e faasoa atu le parakalafa lenei i au lava upu.

A o tuua e Iakopo le fale o ona matua ma alu atu na o ia lava, sa ia osifeagaiga ma le Atua. Na folafola mai e le Atua o le a faatasi, tausia, ma puipuia Iakopo. I ni nai tausaga puupuu, o le a e feagai ai ma le tele o filifiliga e uiga i le mea e sosoo ona e fai i lou olaga. Faatasi ai ma nei faaiuga o le a maua ai le avanoa e osia ai feagaiga ma le Atua i totonu o le malumalu. Mafaufau i le taimi lenei i lou lumanai a o e tali atu i fesili nei i lau api faamaumau mo suesuega:

O a faamanuiaga folafolaina ua e maua mai le taumafai ai e tausia au feagaiga ma le Atua po o le auauna atu i le malumalu?
O a ni tulaga e ono feagai ma oe i le lumanai lea o le a faamanuiaina ai oe mai le tausiga ma le puipuiga ua folafola mai e le Atua i tagata o e osia feagaiga ma Ia?

Mafaufau e faasoa atu lau molimau i le ala ua e mauaina ai folafolaga e o faatasi ma le osia ma le tausia o feagaiga ma le Alii.

Punaoa Faaopoopo

O le a se mea na faatusa i ai le apefa’i na vaai i ai Iakopo?

Na faamatala e Peresitene Marion G. Romney:

O feagaiga sa osia e [Iakopo] ma le Alii sa i ai sitepu i luga o le apefa’i e tatau ona a’e ai o ia lava ina ia mafai ona maua ia faamanuiaga folafolaina---o faamanuiaga e mafai ai e ia ona ulu atu i le lagi ma mafuta ai ma le Atua. (“Temples—the Gates to Heaven,” Ensign, Mar 1971, 16)

O a ni faamanuiaga faaopoopo mo le osia ma le tausia o feagaiga?

Na faasoa mai Peresitene Russell M. Nelson:

O i latou e tausia a latou feagaiga ma le Atua o le a avea ma se ituaiga faapitoa o agaga faatautee i le agasala! O i latou e tausia a latou feagaiga o le a maua le malosi e tetee atu ai i faatosinaga faifai pea a le lalolagi. …

O le osia o se feagaiga ma le Atua e suia ai lo tatou sootaga ma Ia e faavavau. E faamanuiaina ai i tatou i se fuataga faaopoopo o le alofa ma le alofa mutimutivale. E aafia ai po o ai i tatou ma le auala o le a fesoasoani ai le Atua ia i tatou ia avea i tatou ma ē e mafai ona avea ai i tatou. (“O Le Feagaiga e Faavavau,” Liahona, Oke. 2022, 8, 10)

Na aoao mai Elder Dale G. Renlund o le Korama a Aposetolo e Toasefululua:

13:10

O le osia ma tausia o feagaiga i le malumalu, tatou te aoao atili ai i faamoemoega a le Alii ma maua ai se atoaga o le Agaga Paia. Tatou te maua le taitaiga mo o tatou olaga. E avea i tatou ma so’o sili ona tuuto ina ia le tumau ai pea ona avea i tatou o ni fanau e lē iloa se mea. Ae, tatou te ola ma se vaaiga faavavau ma atili faaosofia e auauna atu i le Atua ma isi. Tatou te maua se gafatia faateleina e faataunuuina ai o tatou faamoemoega i le olaga nei. E puipuia i tatou mai le leaga, ma tatou maua le mana sili atu e tetee atu ai i faaosoosoga ma salamo pe a tatou tautevateva. Pe a tatou vaivai, o le manatuaina o a tatou feagaiga ma le Atua e fesoasoani ia i tatou e toe foi atu ai i le ala. O le fesootai atu i le mana o le Atua, e mafai ai e i tatou ona faasagatau atu i le tafega o le lalolagi, i o tatou olaga atoa ma oo atu ai i le faavavau. I le faaiuga, e suia o tatou taunuuga ona o le ala o feagaiga e tau atu i le faaeaga ma le ola e faavavau. (“Mauaina o le Mana o le Atua e ala i Feagaiga,” Liahona, Me 2023, 36)

Aisea e taua ai feagaiga?

Na saunoa mai Elder D. Todd Christofferson o le Korama a Aposetolo e Toasefululua:

15:3

Atonu e faapea mai nisi, “E mafai ona ou faia filifiliga lelei tusa pe papatiso pe le papatisoina foi; ou te le manaomia ni feagaiga e avea ai ma se tagata faamamaluina ma faamanuiaina.” O le mea moni, e toʻatele i latou, e ui lava e lē o iai i le ala o le feagaiga, ae o loo amio a’i i se auala e atagia ai filifiliga ma saofaga o i latou o loo i le ala. Atonu e te fai mai latou te seleseleina faamanuiaga o le savali ai i se ala o “feagaiga- tumau”. O le a la, le eseesega o le ala o feagaiga?

O le mea moni, o le eseesega e tulaga ese ma e faavavau. E aofia ai le natura o lo tatou usiusitai, o le uiga o le tuuto mai o le Atua ia i tatou, o le fesoasoani faalelagi tatou te maua, o faamanuiaga e o faatasi ma le faapotopotoina o se nuu o le feagaiga, ma le mea e aupito sili ona taua, o lo tatou tofi e faavavau. (“Aisea i le Ala o Feagaiga,” Liahona, Me 2021, 117)

Gaoioiga Faaopoopo e Aoao Ai

Se isi amataga

E mafai ona e amataina le vasega i le tusia o ata o ni tagata se toalua i luga o le laupapa. E mafai ona e tuuina atu ia i laua ni igoa. I lalo o se tagata e toatasi, tusi ai, “Lagona malosi e uiga i le taua o a latou feagaiga ma le Atua.” I lalo o le tagata lona lua, tusi ai, “Lagona e le afaina tele feagaiga.”

Aisea e te manatu ai e ono lagona ai e tagata taitoatasi ia lagona e pei ona latou lagonaina e uiga i feagaiga?
E mafai faapefea e o latou lagona e uiga i feagaiga ona aafia ai lo latou lumanai vave ma le faavavau?

“Ta Felatai Nei, le Atua ma Oe”

O le viiga “Ta Felatai Nei, le Atua ma Oe” (Hymns, no. 100) e faavae i mea na tutupu i le Kenese 28. Mafaufau e usu le viiga lenei i le amataga o le vasega po o se isi taimi i le vasega. Atonu foi o le a manuia tagata aoga mai le vaavaai i upu o le viiga ma faatatau i le aafiaga o Iakopo. E mafai ona e valaaulia tagata aoga e mulimuli i upu ao latou faalogologo i le usuga lenei o le pese.

5:24

O le sootaga i le va o sauniga ma feagaiga

Atonu e manuia au tagata aoga mai le malamalama ai i le sootaga i le va o sauniga ma feagaiga. Mafaufau e filifili se sauniga, talanoaina faatinoga faaletino e aofia ai, ma faailoaina ai ia feagaiga o loo avatu faatasi ai. Mo se faataitaiga, i le sauniga o le papatisoga e ala i le faatofuina, ua folafola mai e se tagata e lafoai lo latou tagata agasala e ala i le salamo ma o sau e avea o se soo o le feagaiga a Iesu Keriso. Ona mafai lea ona e faitau ma talanoaina mea nei.

Na aoao Russell M. Nelson Peresitene o le Ekalesia e uiga i le faamoemoega o sauniga:

[O le Atua] e i ai ma o le a taitaia pea le auala e faia ai sauniga ina ia mafai ai ona tatou malamalama ma teuloto a tatou feagaiga ma Ia. (sauniga faaleautaitai o le Konafesi Aoao Lona 189 Faaleafatausaga, Oke. 2, 2019)

E mafai faapefea e sauniga ona fesoasoani ia i tatou ia malamalama ma teuloto a tatou feagaiga?

O le taua o feagaiga

Afai e mafai ona manuia au tagata aoga mai nisi talanoaga e uiga i le taua o feagaiga ma le Atua, mafaufau e faasoa atu le saunoaga mai ia Elder D. Todd Christofferson o loo i Punaoa Faaopoopo.

Ona mafai lea ona e vaevaeina tagata aoga i ni vaega taitoalima. O le vaega atoa o le saunoaga a Elder Christofferson o loo i ai vaega e lima. E mafai ona e tuuina atu se kopi o vaega taitasi i tagata o le vaega ina ia tofu tagata taitoatasi ma se vaega ese o le lauga. E mafai ona e faapuupuu ni vaega uumi. Valaaulia tagata aoga e suesue la latou vaega na tofi i ai ma ia saunia e faasoa atu i a latou vaega mea na latou aoaoina e uiga i le taua o feagaiga.

I se isi faiga, e mafai ona e vaevaeina le vasega atoa i ni vaega se lima, ma e mafai ona e atofa atu i vaega taitasi se vaega ese o le lauga.

E mafai ona e maua le lauga a Elder Christofferson iinei.