Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Kenese 24: O Le Faamanuiaga o le Faaipoipoga i le Feagaiga

“Kenese 24: O Le Faamanuiaga o le Faaipoipoga i le Feagaiga,” Tusi Lesona a le Faiaoga Seminare o le Feagaiga Tuai (2026)

“Kenese 24: O Le Faamanuiaga o le Faaipoipoga i le Feagaiga,” Tusi Lesona a le Faiaoga Seminare o le Feagaiga Tuai

Kenese 24–33: Lesona 29

Kenese 24

O Le Faamanuiaga o le Faaipoipoga i le Feagaiga

E ui o le faamoemoega o se faaipoipoga e faavavau atonu na foliga mai e le ono ausia e Isaako, ae sa saunia e le Alii se auala mo ia. E mafai foi ona tatou faalagolago i le Alii ma talitonu e mafai ona Ia fesoasoani ia i tatou e saunia ai mo, ma maua ai i se aso faamanuiaga o le faaipoipoga e faavavau. O lenei lesona e mafai ona fesoasoani i tagata aoga e malamalama ai i le taua o le faaipoipoga e faavavau [ma] i le feagaiga i le fuafuaga a le Tama Faalelagi.

Sauniuniga a le tagata aoga: Valaaulia tagata aoga e tusi se fesili o ia i latou po o se tasi atonu latou te iloa e uiga i le faaipoipoga i le malumalu ma e omai i le vasega ma le agaga tatalo e saili ai ni tali mo lena fesili.

Gaoioiga E Ono Mafai Ona Aoao Ai

Faaipoipoga i le malumalu

Ona e mafai ona faigata le faaipoipoga mo nisi o tagata aoga e talanoaina, mafaufau loloto ma le agaga tatalo i auala e saunia ai ma aoao atu lenei autu ma le magafagafa ma le alofa.

Ina ia saunia tagata aoga e talanoaina le autu o le faaipoipoga, mafaufau e faaali atu le ata i le amataga o le lesona, faatasi ai ma le ata faataitai lenei.

Vaai faalemafaufau i se uo o faapea mai: “Pe taua moni ea le faaipoipo i le malumalu? E faigata lava ona ou vaai atu ua ou faaipoipo iina; e lagona lava e le gafatia ona ou ausia. Na ona ou fia maua se tasi ou te alofa i ai.

O a nisi o manatu atonu o i ai i lau uo e uiga i le faaipoipoga i le malumalu?
O a upumoni atonu e le malamalama i ai lau uo e uiga i le Atua ma le faaipoipoga i le malumalu?

Valaaulia tagata aoga e tali fesili nei i totonu o a latou api faamaumau mo suʻesuʻega.
O a ni ou lagona patino e uiga i le faaipoipoga i le malumalu?
O a ni fesili po o ni atugaluga o ia te oe e uiga i le faaipoipoga i le malumalu?

A o e suesueina le Kenese 24, valaaulia le Agaga e fesoasoani ia e malamalama i le taua o le faaipoipoga i le malumalu. Saili se malamalamaaga i le auala e mafai ai e le Alii ona fesoasoani ia te oe ia maua se faaipoipoga e faavavau, ma i le malumalu.

O se malaga taua

Ina ia fesoasoani i tagata aoga ia malamalama atili i le faatatauga o le Kenese 24, valaaulia i latou e vaai i le faafanua lenei. Afai latou te mauaina le lomiga a le Au Paia o Aso e Gata Ai o le Tusi Paia a King James, e mafai ona latou mauaina o se faafanua 9, “O Le Lalolagi o le Feagaiga Tuai,” i le vaega o Faafanua o le Tusi Paia. Faitau pe aotele le parakalafa lenei, ma valaaulia tagata aoga e sue nofoaga na e ta’ua i luga o le faafanua. Afai e manaomia, faaali atu i tagata aoga le mea o loo i ai Kanana (numera 13) ma Karana (numera 8).

Sa nonofo Aperaamo ma lona aiga i Kanana i le lotolotoi o tagata o e sa ifo i tupua ma auai i isi faiga e tumu i le agasala. Sa i ai tauaiga o Aperaamo sa nonofo i Karana, lea sa nofo ai muamua Aperaamo.

A o lei faitauina ia fuaiupu nei, faamalamalama atu o le Faaliliuga a Iosefa Samita e suia ai le upu “aloivae” i le “lima” i fuaiupu 2 ma le 9. O lona uiga na faia e Aperaamo ma lana auauna i se maliega.

Faitau le Kenese 24:1–4, 7–9, ma vaavaai mo faatonuga na tuu atu e Aperaamo i lana auauna e faatatau i lona atalii o Isaako.

O le a le mea na faatonuina le auauna a Aperaamo e fai?
O le a se mea o e vaaia i le fuaiupu 7 o loo faaalia ai le popole o le Alii i lē e faaipoipo atu i ai Isaako?

Tuu atu i tagata aoga e faaaoga le fua i luga o le faafanua e iloa ai pe fia maila po o kilomita le umi o lenei malaga. Fesoasoani i tagata aoga ia iloa na fai atu Aperaamo i lana auauna e malaga i le toeitiiti 1,200 maila (1,931 kilomita) e sue se avā mo Isaako.
Aisea e te manatu ai sa aoga lea osigataulaga e le faaipoipo ai Isaako i se tasi o afafine sa Kanana?

Pe a manaomia, faamalamalama atu ina ua faatuina e le Atua Lana feagaiga ma Aperaamo ma Sara, sa Ia fetalai mai o fanau a Aperaamo o le a tausia lenei feagaiga taua ma Ia pe afai latou te faaipoipo e tusa ai ma Lana tulafono. O le a manaomia ona latou ulu atu i “le feagaiga fou ma tumau-faavavau o le faaipoipoga” (tagai i le Mataupu Faavae ma Feagaiga 131:1–4). I aso nei, tatou te ulu atu ai i lenei feagaiga pe a tatou faaipoipo i malumalu paia o le Alii.

Sa leai se tasi i le nuu o Kanana e mafai ona faaipoipo i ai Isaako i le feagaiga. O le feagaiga e na o se tasi o le aiga o Aperaamo i Karana e mafai ona faasaoina ai.

O le fesoasoani a le Alii

Faaali atu le ata lenei, ma valaaulia tagata aoga e faasoa mai mea ua latou iloa e uiga i le tala o loo tusia i le ata. E mafai ona e faitauina pe aotele le parakalafa lenei pe a manaomia.

The Old Testament figure Rebekah pouring water from a jug into a cup. The cup is held by the servant of Abraham. The servant is depicted seeking a wife for Isaac, the son of Abraham.

Sa malaga atu le auauna a Aperaamo i le mamao ia Karana e sue se avā mo Isaako. A o faatalitali ai i tafatafa o se vaieli, sa ia tatalo ma ole atu i le Atua mo le tomai e iloa ai po o ai e finagalo le Alii na te mauaina.

E mafai ona e valaaulia tagata aoga e faitau taitoatasi ia fuaiupu nei, i ni paga, pe o se vasega.

Mo le gaoioiga o loo i lalo, atonu e fesoasoani le faamatala atu o le igoa “Ieova” i le King James Version o le Tusi Paia e masani ona faailoa mai o le ALII i mataitusi lapopoa uma. O upu “Alii” po o le “alii”, i le isi itu, e mafai ona faasino i se tasi o umia le mana, pule, po o le aafiaga, e pei o se matai po o se pule. (Tagai Bible Dictionary, “Jehovah”)

Faitau le Kenese 24:12–27, ma vaavaai pe na faapefea ona fesoasoani le Alii i le auauna a Aperaamo e sue se avā mo Isaako. Atonu e fesoasoani le faailoga pe a e vaai i le upu ALII pe a lapopoa uma mataitusi taitasi.

O le a se mea sa e mauaina?

Mafaufau e aotele le vaega o totoe o le Kenese 24 e ala i le faasoa atu o le parakalafa lenei.

Sa feiloai le auauna a Aperaamo i le ustuagane ma le tamā o Repeka. Sa ia faamatala atu o ai o ia ma le auala na fesoasoani ai le Alii ia te ia ia maua Repeka. O le aso na sosoo ai, sa filifili ai ma le lototele Repeka e toe foi atu ma le auauna ma faamauina ia Isaako i le feagaiga o le faaipoipoga e faavavau (tagai Kenese 24:29–67).

O le a se mea ua e aoaoina e uiga i le Alii e ala i le tala ia Isaako ma Repeka ma le la faaipoipoga e faavavau?

Atonu e tali mai tagata aoga i ni upumoni eseese, ae ia mautinoa ua latou malamalama e faapea, o le a fesoasoani mai le Alii ia i tatou a o tatou taumafai e ulu atu i le feagaiga o le faaipoipoga e faavavau.
E mafai faapefea ona fesoasoani le Alii i se tasi o loo taumafai mo se faaipoipoga e faavavau ae popole atonu latou te le mauaina lava lenei faamanuiaga?
Aisea e te manatu ai e matua taua tele le faaipoipoga e faavavau i le Alii?

Aisea e [taua ai] le faaipoipoga e faavavau?

Ina ia fesoasoani i tagata aoga ia malamalama atili i le taua o le faaipoipoga e faavavau, valaaulia i latou e tusi i totonu o a latou api faamaumau mo suesuega se ata faigofie o se malumalu, e pei o lea o loo i lalo.

Simple drawing of the Salt Lake Temple with a mountain behnd it

I lalo ifo o le lau ata o le malumalu, tusi ai se fesili e mafai ona fesoasoani ia te oe e malamalama atili ai i upumoni na e aoaoina i le asō. E ono mafai ona avea lea fesili o sau lava [fesili], o se fesili mai se tasi e te iloa, po o se tasi o fesili nei:

Aisea e taua ai le faaipoipoga e faavavau?
O a faamanuiaga e mafai ona ou maua e ala i le faaipoipo i le malumalu ona taumafai lea e faamamalu na feagaiga?
E mafai faapefea ona fesoasoani le Alii ia te au i se aso ia maua faamanuiaga o le faaipoipoga e faavavau?

Ina ia fesoasoani ia te oe e tali atu i lau fesili, saili punaoa eseese a le Ekalesia, e pei o nei:

Fuaitau o le atamai i aoaoga faavae (Kenese 2:24; 1 Korinito 11:11; Mataupu Faavae ma Feagaiga 131:1–4)
O le pepa e tufa atu ua faaautuina “Faaipoipoga e Faavavau”
“Faaipoipoga” ma tusiga e fesootai i ai i le Taiala i Autu, Taiala i Tusitusiga Paia, po o Autu ma Fesili i le Potutusi o le Talalelei
O fasifuaitau e pei o le “faaipoipoga i le feagaiga” po o le “faaipoipoga i le malumalu” i le sailiga o le Gospel Library

Valaaulia tagata aoga e faasoa i le vasega mea na latou aoaoina.

Manatunatuga patino

Tomanatu i le tulaga faataitai mai le amataga o le vasega. I lau api faamaumau suesuega, tali fesili nei:

E faapefea ona e tali atu i le fesili a lau uo pe aisea e taua ai le faaipoipoga i le malumalu?
O le a se mea na e aoaoina i le asō e uiga i le Tama Faalelagi po o Iesu Keriso lea e mafai ona e maua ai le faamoemoe i au taumafaiga e aumaia ai faamanuiaga o le faaipoipoga i le malumalu?

Valaaulia ni tagata aoga naunau e faasoa mai mea sa latou tusia.

Mafaufau e faasoa atu lau molimau i le taua o le faaipoipoga i le feagaiga, ma fautuaina au tagata aoga e amata nei ona saunia mo lena mea.

Punaoa Faaopoopo

O a nisi o faamanuiaga faaopoopo o se faaipoipoga e faavavau?

Na faasoa mai e Sister Kristen M. Oaks, o le faletua o Dallin H. Oaks:

38:47

O le faaipoipoga o se meaalofa. E le gata e aumaia ia i tatou e le faaipoipoga le avanoa mo ni fanau, ae tatou te maua ai foi le avanoa ma le naunau e amata se faigamalaga o le tuputupu a’e faatasi ma le tasi ma le isi.

E mafai ona tatou aoao e ositaulaga ma auauna atu i le mea tatou te mafaia i nai isi auala. Ua ou aoaoina le ala e alofa lelei atu ai ma fesoasoani i lo’u toalua; ua i ai sa’u uo ma te taliē ma fetagisi faatasi. Ua ia te a’u se fautua ma se faiaoga ma se e faamalosiau ma fesoasoani foi ia te a’u. O le faaipoipoga o se avanoa i totonu e aoao ai fesootaiga ma vaaiga. E sili atu le lelei o le olaga pe a fesootai a tatou faaipoipoga i se mea e sili atu nai lo i tatou lava ma latalata atili i lo tatou Faaola. Matou te mananao i lena mea mo oe. (“Stand for Truth” [faigalotu i le lalolagi atoa mo talavou matutua, Me 21, 2023], Potutusi o le Talalelei)

Aisea e avea ai o se popolega le tolopoina o le faaipoipoga?

Na aoao mai Peresitene Dallin H. Oaks:

Mafaufau po o le a le mea e misi e talavou matutua o le Au Paia o Aso e Gata Ai pe a faatuatuai ma le loto i ai a latou faaipoipoga mo se taimi umi: e le toe maua avanoa ma tolopoina faamanuiaga. O lona uiga o le faatuatuai i le tuputupu a’e taua faaletagata lava ia lea e tupu mai i sootaga i le va o se tane ma se avā, tuputupu a’e i na ituaiga o uiga auaumama o se osigataulaga ma le lotomaualalo. O lona uiga ua faaitiita avanoa e galulue faatasi ai e fausia le malo o le Atua. Ae o le mea sili ona taua, o lona uiga ua laiti tamaiti e fananau mai e tuputupu ae ma faamanuiaga o le talalelei. (“Stand for Truth” [faigalotu i le lalolagi atoa mo talavou matutua, Me 21, 2023], Potutusi o le Talalelei)

Ae faapefea pe afai ou te popole o le a leai sou aiga e faavavau?

Na faamalamalama mai e Peresitene Henry B. Eyring o le Au Peresitene Sili:

Sa tuuina mai e se perofeta a le Atua ia te a’u le fautuaga ua aumai ai ia te a’u le toafilemu. Sa ou popole ona atonu o le a le mafai ai e lo matou aiga ona faatasia e faavavau ona o filifiliga a isi. Sa ia saunoa mai, “Ua e popole i le faafitauli sese. Tau lava o lou ola agavaa mo le malo selesitila, ma o le a sili atu le matagofie o le faatulagaga o le aiga nai lo le mea e mafai ona e manatu i ai.”

… Faatasi ai ma le mana o le Togiola o Iesu Keriso o loo galue pea ma faatasi ai ma le taitaiga a le Agaga Paia, e mafai ona e lagonaina i le taimi nei ma o le a e lagonaina i le lalolagi a sau le alofa faaleaiga e manao tele lou Tama ma Lona Alo Pele ia e mauaina.

Ou te molimau atu a o e ola agavaa ai mo le malo selesitila, o le folafolaga faaperofeta e faapea, “o le a sili atu le matagofie o le faatulagaga o le aiga nai lo le mea e mafai ona e manatu i ai” o le a fai mo oe. (“O Le Faamoemoe o le Alofa e Faavavau Aiga,” Ensign, Aug. 2016, 5)

O fea e mafai ona ou aoao atili ai e uiga i aoaoga a le Ekalesia e faatatau i le tosina atu i le itupa tutusa?

Autu o le Talalelei, “Same-Sex Marriage,” Potutusi o le Talalelei.
Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 38.6.16, Gospel Library

Gaoioiga Faaopoopo e Aoao Ai

Vitio e uiga i faaipoipoga i le malumalu

Ina ia fesoasoani i tagata aoga ia malamalama atili pe faape’i se faaipoipoga i le malumalu, mafaufau e faaali atu ia i latou le vitio “E Faape’i le Faaipoipoga i le Malumalu?” (1:22).

1:22

Saunia i lou talavou mo le faaipoipoga i le feagaiga

Ina ia fesoasoani i tagata aoga ia iloa pe faapefea ona latou saunia i le asō mo se faaipoipoga o le feagaiga, e mafai ona e faasoa atu le aafiaga ma fesili nei.

Na faasoa mai foi Uso Tad R. Callister, o lē sa avea ma Peresitene Aoao o le Aoga Sa, lenei tala mai lona talavou:

9:40

Pe tusa ma le 17 o o’u tausaga, sa ou tootuli ai i autafa o lo’u moega ma fai a’u tatalo afiafi. Ou te lei iloaina o loo tu lou tina i le auala o le faitotoa. Ina ua uma, sa ia fai mai, “Tad, o e ole atu i le Alii e fesoasoani ia te oe ia maua se avā lelei?”

O lana fesili sa ou matua tei ai lava. O se mea sili lena ona mamao mai lo’u mafaufau. Sa ou mafaufau i le pasiketipolo ma le a’oga. Ma o lea, sa ou tali atu, “Leai,” lea na ia tali mai ai, “Ia, atalii, e tatau ona e [tatalo mo lena mea]; o le filifiliga pito sili lea ona taua o le a e faia.” Sa goto ifo na upu i le ta’ele o lo’u loto, ma o lea mo le isi ono tausaga sa ou tatalo ai ina ia fesoasoani mai le Atua ia te au ia maua se avā lelei. Ioe, e maeu naua Lona tali mai i lena tatalo. (“O Matua: O Uluai Faiaoga o le Talalelei mo a Latou Fanau,” Liahona, Nov. 2014, 33)

Aisea e te manatu ai o le mauaina o se toalua lelei o se tasi lea o faaiuga sili ona taua o le a e faia?
Aisea e te manatu ai e taua mo oe le amata saunia nei e ulu atu i se faaipoipoga i le feagaiga?
O le a se mea e mafai ona e faia i le taimi nei e sauniuni ai mo se faaipoipoga i le feagaiga?

O uiga Faa-Keriso o Repeka

Atonu e fesoasoani i tagata aʻoga ona mafaufau pe na faapefea ona faaalia e Repeka uiga Faa-Keriso. Valaaulia tagata aoga e faitau le Kenese 24:16–20, 55–58, ma vaavaai mo uiga o Repeka e faamanatu ai i tagata aoga ia Iesu Keriso. Ona mafai lea e tagata aoga ona faasoa mai ni faataitaiga mai le soifuaga o Keriso lea e faaalia ai uiga taitasi ma talanoaina pe aisea o le a fesoasoani ai nei uiga i se faaipoipoga.