Աստվածաշունչ

• Մարգարե Ջոզեֆ Սմիթն Աստվածաշնչի մասին ասել է, որ «նա, ով ավելի հաճախ է կարդում այն, ամենաշատը կսիրի այն, և նա, ով ծանոթ է դրան, կճանաչի [Աստծո] ձեռքը, որտեղ որ կարողանա տեսնել այն»: Ինչպե՞ս է Աստվածաշունչն ամրացրել ձեր հավատքն առ Հիսուս Քրիստոս։ Ի՞նչ եք սովորում Աստծո մասին, երբ կարդում եք այն: Կարող եք գրի առնել, թե ինչպես եք տեսնում Նրա ձեռքը նրանց կյանքում, ովքեր ապրել են հին ժամանակներում, և ինչպես եք տեսել Նրա ձեռքը ձեր կյանքում այսօր:

• Երբ իմաստություն կամ առաջնորդություն եք փնտրում, կարող եք ուղղություն ստանալ Աստծո խոսքի միջոցով։ Կարող եք կարդալ Առակներ 3.5–6, Երեմիա 29.12-13, Հովհաննես 14․23, Կողոսացիներին 3․16 և Հակոբոս 1.5 օրինակների համար, թե ինչպես է Տերը մեզ առաջնորդություն տալիս Աստվածաշնչի միջոցով: Հետո գրի առեք Աստվածաշնչից մի քանի հատվածներ, որոնք օրհնել են ձեզ հույսով ու առաջնորդությամբ։

• Մենք կարող ենք ճանաչել Փրկչին՝ ուսումնասիրելով Աստվածաշունչը, որը վկայում է Հիսուս Քրիստոսի մասին։ Միասին կարդացեք Ելք 3.6-14, Մատթեոս 3.13-17 և Ղուկաս 2.25-38 օրինակների համար, թե ինչպես է Աստվածաշունչը վկայում Փրկչի մասին: Կարող եք դիտել նաև Աստվածաշնչի մի տեսանյութ Փրկչի մահկանացու ծառայության մասին: Քննարկեք, թե ինչ եք սովորում այս պատմություններից Քրիստոսի աստվածային առաքելության մասին: Ինչպե՞ս են Հին Կտակարանը և Նոր Կտակարանը վկայում, որ Հիսուսը մեր Փրկիչն է և Քավիչը։

• Վերջին օրերում տեղի ունեցած մեծագույն իրադարձություններից և հայտնություններից մի քանիսը տեղի են ունեցել այն ժամանակ, երբ մարգարեները ուսումնասիրել են Աստվածաշունչը։ Կարդացեք և քննարկեք եկեղեցու պատմության այդ պահերից մի քանիսը, որոնք արձանագրված են Ջոզեֆ Սմիթ-Պատմություն 1.10–20, Վարդապետություն և Ուխտեր 76.11-20 և Վարդապետություն և Ուխտեր 138.1-11 հատվածներում։ Խմբով կարող եք երգել որոշ օրհներգեր վերականգնման մասին, ինչպես օրինակ՝ «Ջոզեֆ Սմիթի առաջին աղոթքը» կամ «Աստծո Հոգին»։

• 2 Նեփի 29․3-13, Վարդապետություն և Ուխտեր 33․16

• Ռասսել Մ. Նելսոն, «Սուրբ գրքերի վկայություններ», Լիահոնա, նոյ. 2007, 43–45

• Դ. Թոդ Քրիստոֆերսոն, «Սուրբ գրության օրհնությունը», Լիահոնա, մայիս 2010, 32-35

• “Scriptures Legacy” (video), ChurchofJesusChrist.org

• Աստծո խոսքը գոյատևել է դարերի ընթացքում՝ օրհնելու Իր զավակներին․ Նրա խոսքը հավիտենական է: Կարող եք կարդալ Եսայի 40.8, Հովհաննես 1:1 և Ա Պետրոս 1.25 իմանալու Իր խոսքի հավերժական բնույթի մասին: Այս հատվածներն ի՞նչ են ուսուցանում Հիսուս Քրիստոսի ավետարանի մասին: Ինչպե՞ս են դրանք ոգեշնչում ձեզ ավելի մեծ նվիրվածությամբ ուսումնասիրել Աստվածաշունչը։

• Ջոզեֆ Սմիթը զգում էր, որ Աստվածաշնչի ոգեշնչված վերանայումներ կատարելը իր՝ որպես մարգարեի կոչման մասն էր։ Չնայած մինչ 1833 թվականը նա ավարտել էր Աստվածաշնչի թարգմանության մեծ մասը, նա շարունակեց թարգմանության աշխատանքը հրատարակության համար մինչև իր մահը՝ 1844 թվականին։ Կարող եք կարդալ Մատթեոս 4.1–11, Մատթեոս 18․11 և Մարկոս 16.3-6 հատվածների Ջոզեֆ Սմիթի Թարգմանությունը։ Ինչպե՞ս են այս փոփոխությունները փոխում ձեր հասկացողությունը յուրաքանչյուր հատվածի վերաբերյալ: Ինչո՞ւ է ձեզ համար կարևոր այդ ճշմարտությունների վերականգնումը։

• Աստվածաշնչի շնորհիվ «տասնյակ միլիոնավոր անհատներ եկել են Աստծո և Հիսուս Քրիստոսի հանդեպ հավատքի»։ Ինչի՞ շնորհիվ Աստվածաշունչն այդքան շատ մարդկանց հասանելի դարձավ։ Նախագահ Մ. Ռասսել Բալլարդի «Սուրբ Աստվածաշնչի հրաշքը» ելույթում դուք կարող եք իմանալ նրանց զոհաբերությունների մասին, ովքեր տվել են իրենց կյանքը՝ այս սուրբ գրություններ պարունակող սուրբ գիրքը մեզ հասանելի դարձնելու համար: Կամ կարող եք դիտել Աստվածաշնչի մասին մի տեսանյութ հետևյալ լեզուներով.

  • Անգլերեն՝ «King James Bible Anniversary»

  • Իսպաներեն՝ «Latter-day Saint Edition of the Holy Bible in Spanish»

  • Պորտուգալերեն՝ «History of the Translation of Biblia Sagrada»

Տեսանյութից հետո կարող եք պատմել ձեր զգացումները նրանց մասին, ովքեր օգնել են Աստվածաշունչը հասանելի դարձնել մեզ այսօր։ Ինչպե՞ս են նրանց պատմություններն ազդում Աստվածաշնչի մասին ձեր մտածելակերպի և ուսումնասիրության վրա։

• Բ Տիմոթեոսին 3.15-17, Ալմա 37.6-10

• Robert D. Hales, “Preparations for the Restoration and the Second Coming: ‘My Hand Shall Be over Thee,’” Liahona, Nov. 2005, 89-90

• Սուրբ Գրքերի ուղեցույց, «Ջոզեֆ Սմիթի թարգմանություն (ՋՍԹ)», Ավետարանի գրադարան

• Եկեղեցու պատմության թեմաներ, «Աստվածաշնչի Ջոզեֆ Սմիթի թարգմանությունը», Ավետարանի գրադարան