Մարգարեներ

Մարգարե Ջոզեֆ Սմիթը կանչվել է Աստծո կողմից, որպեսզի քարոզի Հիսուս Քրիստոսի վերականգնված ավետարանը և օգնի Աստծո զավակներին ստանալ քահանայության արարողությունները, որոնք անհրաժեշտ են փրկության և վեհացման համար։ Նրան հաջորդողները՝ այդ թվում նաև եկեղեցու նախագահն այսօր, ստացել են նույն լիազորությունն ու պատասխանատվությունը՝ շարունակելու որպես Տիրոջ ներկայացուցիչներ։ Կարդացեք Վարդապետություն և Ուխտեր 107․91-92: Ի՞նչ է այս հատվածը ձեզ հուշում Հիսուս Քրիստոսի Վերջին Օրերի Սրբերի Եկեղեցում Տիրոջ մարգարեի նշանակալի դերի մասին:

Օրհնված են եկեղեցու անդամները, որոնք ձգտում են հետևել Տիրոջ ընտրյալ ծառաներին։ Հրավիրեք ձեր խմբի անդամներին համեմատել Հելաման 13.24-28 և 3 Նեփի 12.1-2 հատվածներում ուսուցանված ճշմարտությունները։ Ինչո՞ւ են որոշ անհատներ հարգում անցյալում ապրած մարգարեներին, բայց մերժում ապրող մարգարեներին։ Ի՞նչ օրհնություններ եք դուք նկատել երկրի վրա կենդանի մարգարեների և առաքյալների շնորհիվ։

Եզեկիել 2․7, Ղուկաս 1․70, 6.12-13, 1 Նեփի 22.2, 3 Նեփի 20.24, Վարդապետություն և Ուխտեր 107.23

Ռասսել Մ. Նելսոն, «Հաստատել մարգարեներին», Լիահոնա, նոյ․ 2014, 74-76

Նախագահ Ռասսել Մ. Նելսոնը բացատրել է. «Հենց այս պատճառով է, որ մենք իրոք խորապես հոգ ենք տանում Աստծո բոլոր զավակների մասին, երբ մենք հռչակում ենք Նրա ճշմարտությունը։ Միշտ չէ, որ մենք կարող ենք ասել մարդկանց այն, ինչ նրանք կամենում են լսել: Մարգարեները հազվադեպ են ժողովրդականություն վայելում: Բայց մենք միշտ պետք է ուսուցանենք ճշմարտությունը: Ե՞րբ է Տիրոջ մարգարեին վստահելու ձեր պատրաստակամությունը օգնել ձեզ հասկանալ նրա ուղերձի ճշմարտացիությունը։

Սուրբ գրությունները նախազգուշացնում են կեղծ մարգարեների մասին, որոնք կելնեն վերջին օրերում և կփորձեն խաբել Աստծո զավակներին (տես Մատթեոս 24.24): Տերը բացատրել է, որ Նա միշտ կբարձրացնի Իր մարգարեներին Եկեղեցում ճանաչված հաստատված օրինակի միջոցով։ Կարդացեք Հովհաննես 10․1-2 և Վարդապետություն և Ուխտեր 43․7։ Ի՞նչ է նշանակում, որ Տիրոջ ծառան պիտի մտնի դռնով։ Իմացությունը, որ հայտնությունն Աստծուց միշտ գալիս է պաշտոնապես ճանաչված քահանայության միջոցով, ինչպե՞ս է օգնում ձեզ խուսափել խաբեությունից։

Կարդացեք նախագահ Ռասսել Մ. Նելսոնի հետևյալ հայտարարությունը ձեր խմբի անդամների հետ. «Մարգարեներին հաստատելը անձնական անձնառություն է, որ մենք կգործադրենք մեր լավագույն ջանքերը, որպեսզի սատար կանգնենք մարգարեական առաջնահերթություններին: Մեր հաստատումը երդման նման վկայություն է, որ մենք ընդունում ենք իրենց կոչումը որպես մարգարե և այն համարում ենք օրինական և պարտավորեցնող մեզ համար»։ Կարդացեք Վարդապետություն և Ուխտեր 107․22։ Ինչպե՞ս կարող ենք աջակցել Առաջին Նախագահութանը մեր «վստահությամբ, հավատքով և [աղոթքներով]»։

Մատթեոս 10․40, 3 Նեփի 28.34, Վարդապետություն և Ուխտեր 1.14, 112․20, 30-32

«Գլուխ 11․ Հետևեք ապրող Մարգարեին», Եկեղեցու Նախագահների ուսմունքները. Էզրա Թաֆտ Բենսոն (2014), 147-54

Պողոս առաքյալը բացատրել է, որ առաքյալներն ու մարգարեները եկեղեցու հիմքն են (տես Եփեսացիներին 2.19-20)։ Կարդացեք Եփեսացիներին 4.11–14: Ինչպե՞ս են Տիրոջ առաքյալներն ու մարգարեները մեզ պահում «քշվելուց ու տատանվելուց ամեն վարդապետության քամուց և մարդկանց խաբեբայությամբ, որոնք խորամանկությամբ մոլորեցնում են» (հատված 14):

Կարդացեք երեց Նիլ Լ. Անդերսենի հետևյալ հայտարարությունը ձեր խմբի անդամների հետ.

«Ոմանք կասկածի տակ են դնում իրենց հավատքը, երբ գտնում են Եկեղեցու որևէ ղեկավարի կողմից ասվածը տասնամյակներ առաջ, որը համահունչ չէ մեր վարդապետությանը: Կարևոր մի սկզբունք կա, որը կարգավորում է Եկեղեցու վարդապետությունը: Վարդապետությունն ուսուցանվում է Առաջին Նախագահության և Տասներկուսի Քվորումի բոլոր 15 անդամների կողմից: Այն թաքնված չէ որևէ առանձին ելույթի անորոշ տողերում: Ճշմարիտ սկզբունքները ուսուցանվում են հաճախ և շատերի կողմից: Մեր վարդապետությունը դժվար չէ գտնել»։

Հրավիրեք խմբի անդամներին քննարկել, թե ինչպես կարող ենք ճանաչել ավետարանի ճշմարիտ սկզբունքները և եկեղեցու պաշտոնական վարդապետությունը։

Ամովս 3․7, Վարդապետություն և Ուխտեր 124.125-26

Dallin H. Oaks, “The Sure Witness of Modern Prophets,” Liahona, Oct. 2023, 5–7

Դ. Թոդ Քրիստոֆերսոն, «Քրիստոսի վարդապետությունը», Լիահոնա, մայիս 2012, 86-89։

Հին Կտակարանում կարդում ենք Ասորիների թագավորի զորապետ Նեեմանի մասին: Նա տառապում էր մի հիվանդությամբ, որը հայտնի էր որպես բորոտություն։ Նա իմացավ, որ Իսրայելում մի մարգարե կար, որը բժշկելու զորություն ուներ, և Նեեմանը մեկնեց նրան հանդիպելու (տես Դ Թագավորների 5.1–9)։ Ուսումնասիրեք Դ Թագավորների 5․10-14: Ինչո՞ւ էին Նեեմանին հիասթափեցնում Տիրոջ մարգարեի տված հրահանգները։ Ի՞նչ տեղի ունեցավ, որի հետևանքով Նեեմանն ի վերջո ականջ դրեց մարգարեի խոսքերին և բուժվեց։ Ինչպե՞ս կարող եք կիրառել այս պատմությունը ձեր կյանքում:

Տիրոջ մարգարեների խորհրդին հետևելն ապահովություն է բերում։ Խմբի անդամների հետ կարդացեք նախագահ Հենրի Բ. Այրինգի հետևյալ հայտարարությունը․

«Մարգարեական խորհուրդը չընդունելու ընտրությունը փոխում է հենց այն հողը, որի վրա մենք կանգնած ենք Այն դառնում է ավելի վտանգավոր։ Մարգարեական խորհրդին չհետևելը թուլացնում է հետագայում ոգեշնչված խորհուրդ ընդունելու զորությունը։ …

Ամեն անգամ, երբ ես կյանքում իմ ընտրությամբ հետաձգել եմ ոգեշնչված խորհրդին հետևելը կամ որոշել եմ, որ ես բացառություն եմ կազմում, հայտնաբերել եմ, որ ինքս ինձ դրել եմ վտանգավոր ուղու վրա։ Ամեն անգամ, երբ ես լսել եմ մարգարեների խորհուրդը, զգացել եմ հաստատումն աղոթքի մեջ և հետևել դրան, ես պարզել եմ, որ շարժվում եմ դեպի ապահովություն: Ընթացքում ես հասկացա, որ ճանապարհ է պատրաստվել ինձ համար, իսկ խորդուբորդ տեղերը հարթվել են։ Աստված առաջնորդեց ինձ ապահովություն մի ուղիով, որը պատրաստված էր սիրառատ հոգատարությամբ, երբեմն էլ շատ վաղուց էր պատրաստված»։

Հրավիրեք խմբի անդամներին կիսվել օրինակներով, որոնք ցույց են տալիս, թե ինչպես են նրանք ստացել ավելի մեծ ապահովություն և պաշտպանություն, քանի որ որոշել են հետևել մարգարեի խորհրդին։

Եսայի 55.8-9, Մորմոն 9.7-9, Հավատո Հանգանակը 1.9

Մ. Ռասսել Բալլարդ, «Աստված ղեկի մոտ է», Լիահոնա, նոյ․ 2015, 24-27