Kuorumet e Priftërisë Aarone

Qëllimi i një kuorumi është që t’i ndihmojë mbajtësit e priftërisë të punojnë së bashku për të marrë pjesë në veprën Perëndisë për shpëtimin dhe ekzaltimin.

“Unë jam një bir i dashur i Perëndisë dhe Ai ka një punë për mua që ta bëj.

Me gjithë zemrën, fuqinë, mendjen dhe forcën time, unë do ta dua Perëndinë, do t’i mbaj besëlidhjet e mia dhe do ta përdor priftërinë e Tij që t’u shërbej të tjerëve, duke filluar nga vetë shtëpia ime.

Teksa përpiqem fort të shërbej, të ushtroj besim, të pendohem dhe të përmirësohem çdo ditë, unë do të kualifikohem që të marr bekimet e tempullit dhe gëzimin e përhershëm të ungjillit.

Unë do të përgatitem që të bëhem një misionar i zellshëm, një bashkëshort besnik dhe një atë i dashur duke qenë një dishepull i vërtetë i Jezu Krishtit.

Unë do të ndihmoj për ta përgatitur botën për kthimin e Shpëtimtarit duke i ftuar të gjithë që të vijnë te Krishti dhe të marrin bekimet e Shlyerjes së Tij.”

Për më shumë informacion rreth këtyre çelësave, shihni te 3.4.1.

Në një lagje ose degë me pak të rinj, kuorumet e Priftërisë Aarone mund të mblidhen së bashku për udhëzim dhe aktivitete.

Mbajtësit e Priftërisë Aarone e ndihmojnë peshkopin në “administrimin e të gjitha gjërave tokësore” (Doktrina e Besëlidhje 107:68). Ata duhet të kenë mundësi të rregullta për t’u shërbyer të tjerëve në familjet e tyre, si dhe të shërbejnë me familjet e tyre, gjatë aktiviteteve të rinisë dhe kur janë vetëm.

Mbajtësit e Priftërisë Aarone kanë një detyrë që t’i “ftojnë të gjithë të vijnë te Krishti” (Doktrina e Besëlidhje 20:59).

Prindërit dhe udhëheqësit i nxitin të rinjtë që të përgatiten për të shërbyer në misione kohëplota dhe për ta shpërndarë ungjillin gjatë gjithë jetës së tyre.

Mbajtësit e Priftërisë Aarone mund të ndihmojnë në shumë mënyra për t’i bashkuar familjet për përjetësinë.

• Të nderojnë prindërit e tyre dhe të japin një shembull të të jetuarit si Krishti në shtëpinë e tyre.

• Të përgatiten për të marrë ordinanca në tempull, përfshirë martesën e përjetshme.

• Të përcaktojnë paraardhësit që kanë nevojë për ordinanca në tempull (shihni te FamilySearch.org).

• Të marrin pjesë në pagëzime dhe konfirmime për të vdekurit aq shpesh sa ta lejojnë rrethanat.

Peshkopi thërret një ose dy priftërinj që të jenë ndihmësit e tij në udhëheqjen e kuorumit të priftërinjve.

Një anëtar i peshkopatës thërret presidentët e kuorumeve të dhjakëve dhe të mësuesve. Kur ka mjaft mbajtës të Priftërisë Aarone që të shërbejnë, këta të rinj me lutje i marrin në konsideratë anëtarët e kuorumit për t’i rekomanduar si këshilltarë dhe një sekretar.

Pas dhënies së këtyre thirrjeve, një anëtar i peshkopatës i paraqet udhëheqësit e kuorumeve të të rinjve për mbështetje në mbledhjen e kuorumeve të tyre. Peshkopi i veçon ndihmësit e tij dhe presidentët e kuorumeve të dhjakëve dhe të mësuesve. Ai ua jep çelësat e priftërisë presidentëve të kuorumeve. Ai mund t’i caktojë këshilltarët e tij që të veçojnë anëtarët e tjerë të presidencave dhe sekretarët.

• Të udhëheqin përpjekjet e kuorumit për të marrë pjesë në veprën e Perëndisë për shpëtimin dhe ekzaltimin (shihni te kapitulli 1).

• Të arrijnë ta njohin dhe t’i shërbejnë secilit anëtar të kuorumit, përfshirë ata që nuk i frekuentojnë mbledhjet e kuorumit.

• Të shërbejnë në këshillin e lagjes për rininë (shihni te 10.4.4).

• T’u mësojnë anëtarëve të kuorumit detyrat e tyre të priftërisë (shihni te Doktrina e Besëlidhje 107:85–88).

• Të planifikojnë e të drejtojnë mbledhje të kuorumit (shihni te 10.2.1.2).

• Të planifikojnë e të kryejnë shërbimin dhe aktivitete të kuorumit (shihni te 10.2.1.3).

Presidencat e kuorumeve të Priftërisë Aarone mblidhen rregullisht. Presidenti i kuorumit i drejton këto mbledhje. Të paktën dy persona në moshë madhore janë të pranishëm – një anëtar i peshkopatës, një këshillues ose një specialist.

Shihni te 29.2.6 për më shumë informacion rreth këshillit të lagjes për rininë.

Kur personat në moshë madhore po ndërveprojnë me rininë në mjediset e Kishës, duhet të jenë të pranishëm të paktën dy persona të përgjegjshëm në moshë madhore.

Të gjithë personat në moshë madhore që punojnë me rininë, duhet ta kryejnë trajnimin për mbrojtjen e fëmijëve dhe rinisë brenda një muaji nga dita e mbështetjes (ProtectingChildren.ChurchofJesusChrist.org).